أتمنى الإفادة من أصحاب الخبرة في فيزا شنقن

[بونواف 2013]

السلام عليكم أخذت فيزا شنقن من السفارة الألمانية السنة الماضية وله سافرت أوروبا كلش
والحين ناوي اروح باريس بادخل عادي وله بتعطل بحجة انه الفيزا من السفارة الألمانية
أتمنى من الأخوان الرد ولاتبخلون علينا الله يجزاكم خير
وايش الحل في حالة عدم دخولي باريس علما بان حاجز الفندق والتذاكر
والله الموفق

[الدحيل 16]

عليكم السلام و رحمة الله و بركاته

خذ حجز وهمي لفترة أطول في المانيا وخله معاك وقت دخولك باريس. (تقدر تسويه بنفسك أو من أي مكتب سفريات )

مرات ما يسألون

اذا سأل خبره أن عندك حجز في المانيا وروه الحجز، لأن نظام إصدار الفيزا يكون من الدولة اللي بتقعد فيها فترة أطول.

لو لا قدر الله صارت مشاكل، بتضطر انك تأخذ رحلة من مطار باريس إلى أقرب مطار ألماني عشان تدخل، وهاي مستبعد اخوي

[بونواف 2013]

الله يسلمك اخوي وماقصرت

[عبير قطر]

نفس سؤالي ولدي عنده الشنجن من السفاره الفرنسيه ويبي ايروح اسبانيا هل صحيح انهم ايدققون هالسنه؟؟

والحجز الوهمي ايكون للتذاكر والا الفندق؟؟

[غير البشر]

مرحبا بالجميع

ماقصر اخوي الدحيل افادكم بالصح

اخوي بو نواف واختي عبير

تسوون حجز وهمي فقط للفنادق
وتاخذون الحجز معاكم بالمطار وقت وصولكم كلن بمكانه
وتكون فتره الاقامه في الدوله الي مطلعين منها الفيزه اكثر من الدول الأخرى

وطريقه الحجز ممكن عن طريق موقع بوكينغ وتسوون الحجز عادي
بس عند اختيار نوع الغرفه لازم تكون فيها الغاء مجاني و الدفع لاحقا

ومده الاقامه مثلا باريس او اسبانيا 7 أيام
يعني تاخذون من المانيا حجز فندق من 8 أيام واكثر


تحياتي

[بونواف 2013]

شكرًا جزيلا على التوضيح

[حفيد الأنصار]

بسيطة ان شاء الله
مثل ماوضحو لك الشباب



مثلا اذا سفرتك 10 أيام
احجز مثل ماتبي وخلي بداية الأيام في فرنسا
وسوي حجوزات وهمية ثانية بأخر 6 أيام بحيث تكون بألمانيا
لو سألوك بالمطار راح يكون عندك حجز وهمي .. طبعا مو شرط يسألونك

لاتحاتي كثير وأنا اخوك كنا شباب ولفينا أوربا ورحنا بريطانيا ولحد سألنا وين بتروحون ومن وين جايين
سهالة ان شاء الله بس انت خذ حجوزات وهمية للضمان وأول ماتدخل فرنسا ألغي كل حجوزاتك الوهمية

بالتوفيق ان شاء الله وسفرة سعيدة وتتهنو ان شاء الله

[حفيد الأنصار]

نفس سؤالي ولدي عنده الشنجن من السفاره الفرنسيه ويبي ايروح اسبانيا هل صحيح انهم ايدققون هالسنه؟؟

والحجز الوهمي ايكون للتذاكر والا الفندق؟؟



الفنادق فقط

[وطن]

أنا اللي اعرفه ان اذا طاف وقت حجزك الوهمي اللي مسويه اثناء اصدار الفيزا
ما عندك مشكلة

يعني ممكن بكل بساطة صادك ظرف وما قدرت تروح الوجهة الأولى
وبعدها بكم شهر قررت تروح وجهة ثانية
ما عندك مشكلة ابدا

اهم شي طاف وقت حجزك اللي كان قبل

[بونواف 2013]

مشاركات جميلة والله ينور دربكم

[الدحيل 16]

الله يسهل امرك وان شاء الله تمشي أمورك سهالات

[عبير قطر]

شكرًا جزيلا على التوضيح

[باراكودا]

أنا كلمت موظف في السفارة الفرنسية عن موضوعك يقول لازم بالاول تدخل المانيا .

[كلاسيك قطر]

انزين اذا عندي فيزا فرنسا شنغن ورحت فرنسا 5 ايام وأبي أسافر هولندا إيطاليا ألمانيا وسويسرا عادي وله لازم اخذ فيز

[الدحيل 16]

عادي أخوي كلاسيك قطر

فيزا شنقن تقدر تزور فيها الدول اللي ذكرتها

[بونواف 2013]

أشكرك الجميع على الردود والمرور الجميل
الحمدلله سافرت ووصلت هولندا ودخلت باريس بدون اي تعطيل ولله الحمد

[حسن]

انت حظك الامور تغيرت وخصوصا المانيا
انا معاي شخص داخل المانيا العام والسنه ارفضو ورجعوه الدوحه علشان الفيزا من الفرنسيه
من 3 سنوات والغو الفيزا في المطار
ارفضو يسافر على فرنسا
الامور تغيرت وبدا التشديد والضغط واللعانه بعد هل التصوير وهل الخربطه اللي سوها بشمرقه الخليج
فانا انصح اذا انت تبي تسافر مافي مشكله كله 3 ايام وتطلع الفيزا وعقبل لا تسافر بااسبوعين سوها
يمديك عادي ولا تحط نفسك في موقف محرج ولا تحرج نفسك هذا هو الصح
واتمنى يصدر تعميم على جميع مكاتب السفر

[باراكودا]

أنت محظوظ يمكن موظف الجوازات كان مزاجه رايق
ويمكن في تعليمات من هئية السياحة بتسهيل الاجراْءات
لدخول أكبر عدد ممكن من السياح نتيجة التخوف من الازمة المالية العالمية المتوقعة .