ياجماعة حد سال المجلس الاعلى؟

[sis]

السلام عليكم

ياجماعة انا مخلص ماجستير من بريطانيا عن بعد وجيت ابصدق شهادتي في المجلس

طبعا اتصلت على مكتب تصديق الشهادات الجامعية الف مرة و من سابع المستحيلات حد يشل التلفون، وكلمت بدالتهم (الموظفة الكريمة) قطعتلي الشك باليقين ان محد بيرد عليك لازم تشغل سيارتك في الحر والزحمة وتروحلهم،

لما بحثت في المنتدى شفت بعض الردود بعدم قبول شهادات عن بعد او انتساب، وهذي واضح وصحيح ومنشور في موقع المجلس الاعلى لكن مخصص للدرجة الجامعية الاولى (بكالريوس) فقط!
ولا فيه شي له علاقة بالدرحات الثانية الثالثة ( الماجستير والدكتوراه) يمنع التصديق.
اطلعت على الاجراءات اللي ناشرينها بالموقع قرار وزير التعليم 2/2014 مافيه شي يفيد في هالموضوع وجميع الاجراءات تنطبق علي.

افيدوني افادكم الله
بالاجراءات المطلوبة

[غريب الدّار]

السلام عليكم

ياجماعة انا مخلص ماجستير من بريطانيا عن بعد وجيت ابصدق شهادتي في المجلس

طبعا اتصلت على مكتب تصديق الشهادات الجامعية الف مرة و من سابع المستحيلات حد يشل التلفون، وكلمت بدالتهم (الموظفة الكريمة) قطعتلي الشك باليقين ان محد بيرد عليك لازم تشغل سيارتك في الحر والزحمة وتروحلهم،

لما بحثت في المنتدى شفت بعض الردود بعدم قبول شهادات عن بعد او انتساب، وهذي واضح وصحيح ومنشور في موقع المجلس الاعلى لكن مخصص للدرجة الجامعية الاولى (بكالريوس) فقط!
ولا فيه شي له علاقة بالدرحات الثانية الثالثة ( الماجستير والدكتوراه) يمنع التصديق.
اطلعت على الاجراءات اللي ناشرينها بالموقع قرار وزير التعليم 2/2014 مافيه شي يفيد في هالموضوع وجميع الاجراءات تنطبق علي.

افيدوني افادكم الله
بالاجراءات المطلوبة




وعليكم السلام

اول شي اخوي مبروك وتستاهل ومنها للأعلى باذن الله

ثاني شي :
يخوي دام قالوا لك روح لهم روح
يعطونك العلم الأكيد

انا أقول لك هالكلام لان الإجابة مب عندي

وبعدين افرض اخوي ان قالوا لك في المنتدى انه يصير انك اتصدق
ورحت هناك قالوا لك لا
وش راح تسوي ؟؟بتصور لهم الموضوع في المنتدى وبتقول مالي خص قالوا لي ايه في المنتدى!!
ومع هذا أتمنى اذا حد عنده العلم الأكيد 100% انه يفيد اخونا الكريم علشان لايشغل سيارته ويروح لهم في الحر!! (طيب انطر ثلاث اربع شهور بيصير الجو بارد وروح :) )
وبعدين اخوي انت ذكرت انهم ذاكرين في موقعهم ان عدم التصديق في الشهادة عن بعد ينطبق فقط على البكالوريوس ، يعني روح لهم وقول لهم صدقوا شهادتي ان قالوا لك لا قول لهم انت ان موقعهم يتكلم فقط عن البكالوريوس مب عن الماجستير
انت شكلك خذت الشهادة عن بعد وتبي اتصدقها عن بعد :nice:

أتمنى لك التوفيق
وباذن الله اشوف لك نفس الموضوع هذا في المنتدى بس يتكلم عن شهادة الدكتوراة

والله يوفق الجميع

[راجي الْعفو]

وعليكم السلام و رحمة الله و بركاته

انا اللي اعرفه بالنسبة للقطرين ما تقبل منهم الا شهادة الانتظام من جامعة تكون معترفة عندهم

هذا كلامهم

و زورهم في مقرهم و شوف وش يردون عليك

بالتوفيق

[sis]

وعليكم السلام

اول شي اخوي مبروك وتستاهل ومنها للأعلى باذن الله

ثاني شي :
يخوي دام قالوا لك روح لهم روح
يعطونك العلم الأكيد

انا أقول لك هالكلام لان الإجابة مب عندي

وبعدين افرض اخوي ان قالوا لك في المنتدى انه يصير انك اتصدق
ورحت هناك قالوا لك لا
وش راح تسوي ؟؟بتصور لهم الموضوع في المنتدى وبتقول مالي خص قالوا لي ايه في المنتدى!!
ومع هذا أتمنى اذا حد عنده العلم الأكيد 100% انه يفيد اخونا الكريم علشان لايشغل سيارته ويروح لهم في الحر!! (طيب انطر ثلاث اربع شهور بيصير الجو بارد وروح :) )
وبعدين اخوي انت ذكرت انهم ذاكرين في موقعهم ان عدم التصديق في الشهادة عن بعد ينطبق فقط على البكالوريوس ، يعني روح لهم وقول لهم صدقوا شهادتي ان قالوا لك لا قول لهم انت ان موقعهم يتكلم فقط عن البكالوريوس مب عن الماجستير
انت شكلك خذت الشهادة عن بعد وتبي اتصدقها عن بعد :nice:

أتمنى لك التوفيق
وباذن الله اشوف لك نفس الموضوع هذا في المنتدى بس يتكلم عن شهادة الدكتوراة

والله يوفق الجميع

:nice:
ضحكتني ياغريب الدار والله، ماقصرت على الرد ياخوي، توني مكلمهم الصبح وكتبت الموضوع استفسر بارك الله فيك اذا حد عنده تجربة،
موعشان اصور الرد واخذخ لهم هههه :nice:

لازم بشغل سيارتي وباروح في الحر :rolleyes2:

الله يوفقنا وياك يارب

[sis]

وعليكم السلام و رحمة الله و بركاته

انا اللي اعرفه بالنسبة للقطرين ما تقبل منهم الا شهادة الانتظام من جامعة تكون معترفة عندهم

هذا كلامهم

و زورهم في مقرهم و شوف وش يردون عليك

بالتوفيق

مشكور يالغالي بشوف شيصير معاي واخبركم للاستفادة

[ya3coub]

أخوي انا الي معاني معاهم هههههههه

بس قبل ما ابتدي في فرق كبير بين التصديق و المعادلة.
التصديق المجلس الأعلى ماله خص فيه إلا و هو انك تودي شهادتك لوزارة الخارجية بالدولة الي درست فيها و بعدها السفارة القطرية بذيك الدولة و بهالطريقة صارت شهادتك مصدقة السالفه مبلغ بسيط و ختوم.

نجي للمعادلة و اهي اهم شي إلا وهو انه تتم معادلة شهادتك للنظام القطري مثلا انت درست ماجستير يقيمون الجامعه و يعطونك كتاب انه تمت معادلة شهادة الماجستير بما يتوافق مع انظمة دولة قطر.




كلام الموظفة صحيح و عطتك اياها من الأخر مع هالجهة للأسف لازم تدق سلف و تروح و حدك اي اذان الظهر او تراجعهمه ثاني يوم

اذا وصلت اطلب انك تقابل الأخ عبد الله الشافعي حيث انه مسؤولهم و بيعطيك الزبدة من الأخر اا بتتصدق او انك بتتلته معاهم.


قبلها لازم تكون شهادتك الجامعية معادلة من عندهم او اذا درست عن طريق المجلس الأعلى تاخذ منهم رسالة فقط انك اتممت دراستك الجامعية.


الشروط للأسف غير واضحة و كلشي بيد اللجنة الي عندهم و ان شاء الله يجتمعون قريب علشان يخلص موضوعك.

تودي شهادتك الأصلية و صورة من جوازك و تعبي فورمة عندهم و توقع على ورقه انك تخول السفارة القطرية فالبلد الي درست فيه انهم يتطلعون على معلوماتك و يتحققون من صحتها.

و بعدها تنتظر اللجنة تقرر و تردلك خبر.


شرط انك ما تتعارض مع اي من شروطهم.
لأن من ظمن الشروط غير المذكورة شرط موافقة اللجنة !!!

[JN000N]

الي اعرفه ومن دوامنا
ان مش مقبول

[حرف]

عيد حبيبي عيد
مافيهم خير في الامور القانونينة تبيهم يعترفون بشهادتك

[sis]

أخوي انا الي معاني معاهم هههههههه

بس قبل ما ابتدي في فرق كبير بين التصديق و المعادلة.
التصديق المجلس الأعلى ماله خص فيه إلا و هو انك تودي شهادتك لوزارة الخارجية بالدولة الي درست فيها و بعدها السفارة القطرية بذيك الدولة و بهالطريقة صارت شهادتك مصدقة السالفه مبلغ بسيط و ختوم.

نجي للمعادلة و اهي اهم شي إلا وهو انه تتم معادلة شهادتك للنظام القطري مثلا انت درست ماجستير يقيمون الجامعه و يعطونك كتاب انه تمت معادلة شهادة الماجستير بما يتوافق مع انظمة دولة قطر.




كلام الموظفة صحيح و عطتك اياها من الأخر مع هالجهة للأسف لازم تدق سلف و تروح و حدك اي اذان الظهر او تراجعهمه ثاني يوم

اذا وصلت اطلب انك تقابل الأخ عبد الله الشافعي حيث انه مسؤولهم و بيعطيك الزبدة من الأخر اا بتتصدق او انك بتتلته معاهم.


قبلها لازم تكون شهادتك الجامعية معادلة من عندهم او اذا درست عن طريق المجلس الأعلى تاخذ منهم رسالة فقط انك اتممت دراستك الجامعية.


الشروط للأسف غير واضحة و كلشي بيد اللجنة الي عندهم و ان شاء الله يجتمعون قريب علشان يخلص موضوعك.

تودي شهادتك الأصلية و صورة من جوازك و تعبي فورمة عندهم و توقع على ورقه انك تخول السفارة القطرية فالبلد الي درست فيه انهم يتطلعون على معلوماتك و يتحققون من صحتها.

و بعدها تنتظر اللجنة تقرر و تردلك خبر.


شرط انك ما تتعارض مع اي من شروطهم.
لأن من ظمن الشروط غير المذكورة شرط موافقة اللجنة !!!

مشكور اخوي على المعلومات

قلت انت مجرب معاهم، عاد عادلولك الشهادة ولا لا؟

[ya3coub]

مشكور اخوي على المعلومات

قلت انت مجرب معاهم، عاد عادلولك الشهادة ولا لا؟

أي و لا أخوي

تمت معادلة شهادة و لم تتم معادلة شهادة اخرى بدون اي سبب مقنع منهم و الحين في مرحلة محاولة لقاء الوزير لأن صادتني مشكلة مع ضياع اوراقي عندهم لمدة 6 شهور تقريبا بين روح لوزارة العمل ولا المكتب الفلاني و العلاني.

و حاليا ابي اكمل دراسة الماجستير و مابي ابتدي إلا لما اخلص موضوع الشهادة الثانية و ننطر قراراتهم العجيبة الي بنائا على ناس اسائو التصرف يحكمون على الكل.

و ابعد عن موضوع المحكمة و الي يقولونلك ارفع قضية لأنها بتطول وايد وايد صحيح بتاخذ حقك و بتعادل الشهادة "بحكم المحكمة" يعني شهادتك بتكون غير عن باقي الناس.

اللهم اصبر معاهم وحاول ما تدري المهم انك تقدر و تروح و تشوف بنفسك و انسى اي شي اسمه ايميل تلفون ارضي او جوال.

و نصيحة لا تصدق حرف من الي يقولونه إلا تاخذ عليه كتاب مكتوب و موقع من الشخص الي قالك.

[sis]

أي و لا أخوي

تمت معادلة شهادة و لم تتم معادلة شهادة اخرى بدون اي سبب مقنع منهم و الحين في مرحلة محاولة لقاء الوزير لأن صادتني مشكلة مع ضياع اوراقي عندهم لمدة 6 شهور تقريبا بين روح لوزارة العمل ولا المكتب الفلاني و العلاني.

و حاليا ابي اكمل دراسة الماجستير و مابي ابتدي إلا لما اخلص موضوع الشهادة الثانية و ننطر قراراتهم العجيبة الي بنائا على ناس اسائو التصرف يحكمون على الكل.

و ابعد عن موضوع المحكمة و الي يقولونلك ارفع قضية لأنها بتطول وايد وايد صحيح بتاخذ حقك و بتعادل الشهادة "بحكم المحكمة" يعني شهادتك بتكون غير عن باقي الناس.

اللهم اصبر معاهم وحاول ما تدري المهم انك تقدر و تروح و تشوف بنفسك و انسى اي شي اسمه ايميل تلفون ارضي او جوال.

و نصيحة لا تصدق حرف من الي يقولونه إلا تاخذ عليه كتاب مكتوب و موقع من الشخص الي قالك.

الله يكون في عون الجميع