إعلان مستفز وعنصري ضد القطريين!

[لبيبة]

السلام عليكم ورحمة الله وبركاته،

أثناء تصفحي للإعلانات المبوبة، وجدت إعلانا مستفزا وعنصريا ضد القطريين،

الإعلان كما ترونه أمامكم، هو إعلان لتأجير فيلا فاخرة للمقيمين فقط!

حتى في التأجير لا يسمح للقطري بالتأجير؟! فلل قطيفان عرفنا أنه لا يستطيع شراؤها، لكن تأجير فيلا في أرض وطنه بعد لا؟!!!

ليش رافضين؟ خايفين يشرد؟ وين بيروح القطري يعني؟

تفضلوا الإعلان، ومسحت الرقم عنه.

http://i.imgur.com/DLzmIMm.png?1

[Rashid554]

مع احترامي لك اخوي هذا ملك خاص بصاحب العقار ومن حقه يأجره لاي جنسيه يرغب فيها .

[بانغ بانغ]

كثير من الملاك القطريين يتجنب القطريين لأسباب يعرفها الكل

يمكن مجمع خاص بالأجانب فيأخذون راحتهم

لكن الإعلان كان ممكن ايكون بصيغة أفضل

[JN000N]

هاي تصرف شخصي من واحد مايبي ياجر عالقطريين

زين جوفي
مثال : رقيب مثلا جنير متزوج وعنده عيال وساكن في ملحق ف بيت هله ولو يبي ياجر مايعطونه مع ان راتبه اقوى من راتب الاجنبي
يكون راتبه وصل 29 والاجنبي 8500 شرايج ان الاسكان ياجرون للاجنبي ولا ياجرون للقطري الرقيب
خاصه الاجانب الي حولو من عسكري الى فني مدني
تكون الزياده ف راتبه 500 ريال ونقول وعليه حول عشان ال500 صج محتاج
ولكن فالاساس هو لما يحول يستفيد سكن وتعليم عياله على حساب الدوله :)

عادي احنا قطريين فلوسنا وايد خل ندفع دم قلوبنا وخل الاجانب ياخذون كل شي بارده مبرده

[حليتان*]

طبعا وايد ماياجرون على قطرين

لان في ناس راعين طويله طال عمرك اجر عندي واحد فله فالخور وشهر يدفع وثلاثه لا ويوم اقوله ادفع يحطني فالشيمه واحنا نسباكم ومادري ايش ويوم سالت نسباي هاي يصير لكم قالو لي لا يبه هاي لفو لين فالاخير قلت له خلاص اطلع اخوي بيعرس وبياخذ البيت قالي تبيع البيت :omg:
الحين ملوع جبدي وماتعطيني الاجار وجايني الحين تبي تشتري شي غريب

اما الاجنبي بيجيك حقك منه ثالث ومثلث ولا بيدخل لك واسطات وله من يحزنون من وجهة نظري والاعلان الي فوق مب اي اجنبي يقدر ياجر هالبيت الا كبار الموظفين وغالبا دوامه بياجره له ولا الاسكان

[بانغ بانغ]

طبعا وايد ماياجرون على قطرين

لان في ناس راعين طويله طال عمرك اجر عندي واحد فله فالخور وشهر يدفع وثلاثه لا ويوم اقوله ادفع يحطني فالشيمه واحنا نسباكم ومادري ايش ويوم سالت نسباي عاي يصير لكم قالو لي لا يبه هاي لفو لين فالاخير قلت له خلاص اطلع اخو بيعرس وبياخذ البيت قالي تبيع البيت :omg:
الحين ملوع جبدي وماتعطيني الاجار وجايني الحين تبي تشتري شي غريب

اما الاجنبي بيجيك حقك منه ثالث ومثلث ولا بيدخل لك واسطات وله من يحزنون من وجهة نظري والاعلان الي فوق مب اي اجنبي يقدر ياجر هالبيت الا كبار الموظفين وغالبا دوامه بياجره له ولا الاسكان

نفس الوضع اللي عشته من كم سنة بس كانت بينا محاكم لين طلع مع انه كان واحد من الربع الله يرحمه توفى العام وامسامحينه ،،،

[مرتبش]

الاعلان عنصري
وتبرير اللي يقول القطري مايدفع الاجار اسوأ واكثر عنصرية من الاعلان

[لبيبة]

مع احترامي لك اخوي هذا ملك خاص بصاحب العقار ومن حقه يأجره لاي جنسيه يرغب فيها .

حتى لو كان من حقه إلا أن صيغة الإعلان مستفزة، ينفع أحط إعلان عنصري موجه ضد أي جنسية وأقول للتأجير للجميع عدا هالجنسية؟ لأن هذا اللي قاله صاحب الإعلان واستثنى القطريين.

أختك لبيبة

[حليتان*]

نفس الوضع اللي عشته من كم سنة بس كانت بينا محاكم لين طلع مع انه كان واحد من الربع الله يرحمه توفى العام وامسامحينه ،،،

الله يرحمه ويغفر له ويزاكم الله خير المشكله
والله مايطاوعك قلبك تجبر حد بس اذا انا مجبور وعلي التزامات ماقدر اخليها خيريه

وعقب يوم اقوله باخذ البيت يقولي باشتريه ووودك تسوقه بكس تخليه يشتري طقم اسنان

[لبيبة]

كثير من الملاك القطريين يتجنب القطريين لأسباب يعرفها الكل

يمكن مجمع خاص بالأجانب فيأخذون راحتهم

لكن الإعلان كان ممكن ايكون بصيغة أفضل

يقدر يعبر عن رفضه للقطريين بدون هذا الاستفزاز، ويقدر يرفضهم بالتليفون دون إبداء الأسباب، لكن هذه إهانة صريحة ووقاحة منه.

[لبيبة]

هاي تصرف شخصي من واحد مايبي ياجر عالقطريين

زين جوفي
مثال : رقيب مثلا جنير متزوج وعنده عيال وساكن في ملحق ف بيت هله ولو يبي ياجر مايعطونه مع ان راتبه اقوى من راتب الاجنبي
يكون راتبه وصل 29 والاجنبي 8500 شرايج ان الاسكان ياجرون للاجنبي ولا ياجرون للقطري الرقيب
خاصه الاجانب الي حولو من عسكري الى فني مدني
تكون الزياده ف راتبه 500 ريال ونقول وعليه حول عشان ال500 صج محتاج
ولكن فالاساس هو لما يحول يستفيد سكن وتعليم عياله على حساب الدوله :)

عادي احنا قطريين فلوسنا وايد خل ندفع دم قلوبنا وخل الاجانب ياخذون كل شي بارده مبرده

أعرف إنه تصرف شخصي، لكنه غير مقبول أبدا وفيه وضع القطريين كأفراد درجة ثانية في أوطانهم.

[مختلف جداََ]

http://www.souqaldoha.com/vb/t28999.html

[لبيبة]

طبعا وايد ماياجرون على قطرين

لان في ناس راعين طويله طال عمرك اجر عندي واحد فله فالخور وشهر يدفع وثلاثه لا ويوم اقوله ادفع يحطني فالشيمه واحنا نسباكم ومادري ايش ويوم سالت نسباي هاي يصير لكم قالو لي لا يبه هاي لفو لين فالاخير قلت له خلاص اطلع اخوي بيعرس وبياخذ البيت قالي تبيع البيت :omg:
الحين ملوع جبدي وماتعطيني الاجار وجايني الحين تبي تشتري شي غريب

اما الاجنبي بيجيك حقك منه ثالث ومثلث ولا بيدخل لك واسطات وله من يحزنون من وجهة نظري والاعلان الي فوق مب اي اجنبي يقدر ياجر هالبيت الا كبار الموظفين وغالبا دوامه بياجره له ولا الاسكان

القطري لو ماطل في الدفع تقدر تطلع حقك منه في المحاكم ومب طاير ولا شارد، لكن الأجنبي لين طلع وشال عمره وشرد من بيجي لك حقك منه؟

عن تجربة أجرنا على قطري وكان ملتزم بالدفع ونظيف وغير مزعج.

[حرف]

الشرهه على الردود الي بلفيت انهم قانونيين ومن زود ماهم يمشون على نظام خالف تعرف صاروا عنصريين على هل قطر

[لبيبة]

الاعلان عنصري
وتبرير اللي يقول القطري مايدفع الاجار اسوأ واكثر عنصرية من الاعلان

هذا اللي اقوله، تقدر ترفض وتقول انا ما ابي أأجر عليه بدون ما تشرح السبب. لكن ان تبني رفضك على عنصرية وتعلنها فهذه وقاحة واستعلاء.

[لبيبة]

http://www.souqaldoha.com/vb/t28999.html

شفت الإعلان، وفاهمتك تبي تبين ان هناك كيل بمكيالين،

اي اعلان فيه تحديد لجنسية او عزل جنسية معينة اعتبره عنصري، ولكن اللي قاهرني انه في بلادي وضد ولد بلادي.

ومع ذلك اي امتياز يحصله القطري يحق له، من بعد القهر والتمييز ضده اللي اشوفه،

[حليتان*]

لحووووول اي عنصريه قلنا لكم موقف وراعي الحلال ابخص وحر بحلاله


لو حد اشتكى انقدو
واذا قطع العرج من ساسه بعد انقدو

[لبيبة]

الشرهه على الردود الي بلفيت انهم قانونيين ومن زود ماهم يمشون على نظام خالف تعرف صاروا عنصريين على هل قطر

القانون يحفظ حق الجميع بإذن الله، اللي حاصل عنصري ومستفز ووقح واللي سمح بالإعلان ما اعرف شلون سمح به

[لبيبة]

لحووووول اي عنصريه قلنا لكم موقف وراعي الحلال ابخص وحر بحلاله


لو حد اشتكى انقدو
واذا قطع العرج من ساسه بعد انقدو

لما واحد يقول: لا انت اسود مب مأجر عليك في امريكا وشو بيسوون به؟

لازم صاحب العقار يعلن رفضه بدون ما يكون وقح

[حرف]

لحووووول اي عنصريه قلنا لكم موقف وراعي الحلال ابخص وحر بحلاله


لو حد اشتكى انقدو
واذا قطع العرج من ساسه بعد انقدو

يذلف هو وحلاله بعيد عن النشر قدام الله وخلقه
متوذي من القطريين ومايبي ياجر لهم يرفض اذا جاه قطري
متوذي من القطريين يروح يحط اعلان في مكتب والمكتب بيتصرف امام ينشر لا والف لا

[غير البشر]

اذا المسئولين القطريين ماسحين بالقطري با الارض ( مكرمين اهل قطر )

فعادي الاجانب يتصرفون نفسهم

[حليتان*]

يذلف هو وحلاله بعيد عن النشر قدام الله وخلقه
متوذي من القطريين ومايبي ياجر لهم يرفض اذا جاه قطري
متوذي من القطريين يروح يحط اعلان في مكتب والمكتب بيتصرف امام ينشر لا والف لا

بالظبط طريقة الاعلان غلط !! لكن عن نفسي ما اسمح حد يقولي عنصري اذا بررت ليش العالم يرفضون ياجرون


عن نفسي حاليا لا قطري ولا اجنبي افضل حكومي وريح بالك

[حرف]

بالظبط طريقة الاعلان غلط !! لكن عن نفسي ما اسمح حد يقولي عنصري اذا بررت ليش العالم يرفضون ياجرون


عن نفسي حاليا لا قطري ولا اجنبي افضل حكومي وريح بالك

انكر المنكر على شان ماحد يقول انك عنصري

[لبيبة]

اذا المسئولين القطريين ماسحين بالقطري با الارض ( مكرمين اهل قطر )

فعادي الاجانب يتصرفون نفسهم

هذا هو الكلام، لأن القطري هان على القطري فهان عند الأجنبي، صرنا مواطنين درجة ثانية، ولا حول ولا قوة الا بالله العلي العظيم.

[حليتان*]

لما واحد يقول: لا انت اسود مب مأجر عليك في امريكا وشو بيسوون به؟

لازم صاحب العقار يعلن رفضه بدون ما يكون وقح

شدخل الجنسيه بالعرق !!

هناك فامريكا لما ابيض يقول حق اسود يا اسود اهانه
اما هني فقطر لو حد قالج يالقطريه اهانه ؟؟؟ طبعا لا


ضد طريقة الاعلان والله

الي قلته ليش العالم ترفض

[لبيبة]

بالظبط طريقة الاعلان غلط !! لكن عن نفسي ما اسمح حد يقولي عنصري اذا بررت ليش العالم يرفضون ياجرون


عن نفسي حاليا لا قطري ولا اجنبي افضل حكومي وريح بالك

أماف الله يهديك، حد طلب منه تبرير؟ تبرعه بتبريره بحد ذاته وقاحة، واي حد يطلب التبرير مب ملزوم تبرر له وتقدر تعتذر بأدب.

[غير البشر]

هذا هو الكلام، لأن القطري هان على القطري فهان عند الأجنبي، صرنا مواطنين درجة ثانية، ولا حول ولا قوة الا بالله العلي العظيم.


والله يا لبيبه موقف انا عاشته وقايله عن تجربه
وبسبب اجنبيه اهم شي خذو بخاطرها مني الله لا يوفقهم :)

[مختلف جداََ]

http://thoughtcatalog.com/harold-holger/2015/06/this-apartment-rental-ad-listed-on-craigslist-actually-said-no-black-people/

في أمريكا

[لبيبة]

شدخل الجنسيه بالعرق !!

هناك فامريكا لما ابيض يقول حق اسود يا اسود اهانه
اما هني فقطر لو حد قالج يالقطريه اهانه ؟؟؟ طبعا لا


ضد طريقة الاعلان والله

الي قلته ليش العالم ترفض

ما ابي افتح باب تعريف العنصرية، العرق والجنسية والمعتقد الديني وغيره التمييز ضدها يعتبر عنصرية.

[حليتان*]

والله يا لبيبه موقف انا عاشته وقايله عن تجربه
وبسبب اجنبيه اهم شي خذو بخاطرها مني الله لا يوفقهم :)

اكتب الموقف ابي اعرفه وله طرش لي اياه ع الخاص

[لبيبة]

والله يا لبيبه موقف انا عاشته وقايله عن تجربه
وبسبب اجنبيه اهم شي خذو بخاطرها مني الله لا يوفقهم :)

الله يرد لك حقك ويآجرك خير على صبرك، والله قهر واحنا في بلادنا جذي.

[لبيبة]

http://thoughtcatalog.com/harold-holger/2015/06/this-apartment-rental-ad-listed-on-craigslist-actually-said-no-black-people/

في أمريكا

highly offensive and discriminatory listing

حسوا بالإهانة والتمييز العنصري، وأنلام اني حسيت بالإهانة

[حليتان*]

أماف الله يهديك، حد طلب منه تبرير؟ تبرعه بتبريره بحد ذاته وقاحة، واي حد يطلب التبرير مب ملزوم تبرر له وتقدر تعتذر بأدب.

ما غلطت عشان اعتذر لاني ماعميت الجميع وبداية ردي (في ناس) ماقلت (الكل) ! وكل بني ادم يخطي ومحد معصوم عن الخطا الا الرسول صلى الله عليه وسلم


بس سؤال بخصوص الاعلان هل هو بنفسه يكتب الاعلان مافي حد يدقق!

وبس اتوقع خلاص فاظ الموضوع لو مكلمه الجريده ابرك عشان ينتبهون

[لبيبة]

ما غلطت عشان اعتذر لاني ماعميت الجميع وبداية ردي (في ناس) ماقلت (الكل) ! وكل بني ادم يخطي ومحد معصوم عن الخطا الا الرسول صلى الله عليه وسلم


بس سؤال بخصوص الاعلان هل هو بنفسه يكتب الاعلان مافي حد يدقق!

وبس اتوقع خلاص فاظ الموضوع لو مكلمه الجريده ابرك عشان ينتبهون

عفوا أماف الكلام مب موجه لك، اقصد اي حد يطلب من المؤجر التبرير يقدر يعتذر منه بأدب. كان المفروض اصيغ الجملة بصيغة افضل.

[الحاقول]

فعلاً علان عنصري
يجب محاسبة صاحب الاعلان
القطري افضل من الكل
اما قطر فوق ولا مالنا خانة

[حرف]

ما غلطت عشان اعتذر لاني ماعميت الجميع وبداية ردي (في ناس) ماقلت (الكل) ! وكل بني ادم يخطي ومحد معصوم عن الخطا الا الرسول صلى الله عليه وسلم


بس سؤال بخصوص الاعلان هل هو بنفسه يكتب الاعلان مافي حد يدقق!

وبس اتوقع خلاص فاظ الموضوع لو مكلمه الجريده ابرك عشان ينتبهون

عندي ملاحظة اخوي على اخر سطر واشوف وايد اعضاء يتكلمون بهذة الطريقة في مواضيع ثانية وبدل مايناقشون الموضوع يتفلسف الواحد منهم ويقول ليش ماتكلم الجهه الفلانية
ترى مثل هالموضوع موب مشكلة ولا معضلة مثل الموضوع يحتاج للرأي العام ولصوت الشارع القطري
فرجاء الس ماعنده شي يفيد لا يكتب ويزيد

[مختلف جداََ]

ممكن نعرف الإعلان وين منشور و متى ؟

[غير البشر]

الله يرد لك حقك ويآجرك خير على صبرك، والله قهر واحنا في بلادنا جذي.


اللهم اميين جزاج الله خير

[حليتان*]

عفوا أماف الكلام مب موجه لك، اقصد اي حد يطلب من المؤجر التبرير يقدر يعتذر منه بأدب. كان المفروض اصيغ الجملة بصيغة افضل.

وانا اعتذر ع الرد

ومعاج المفروض الجريده تحاسب قبل الي اعلن

لان الي اعلن ممكن يكون انسان غبي اما الجريده لا المفروض ان فيها ناس اعلامين يعرفون ويشوفون شالي على اوراقهم قبل لا تنشر

[غير البشر]

اكتب الموقف ابي اعرفه وله طرش لي اياه ع الخاص



هلا والله بالغالي

شتبي تعرف موقف مخزي ودنئ من اصحاب دنيئه اهم شي يرضونها ومايزعلونها والحق واااااااااضح
بس انا بعد ماقصرت قلت كل الي بخاطري وطحت فيهم وطلعت عنهم

الحين اكتب من الايباد مزعج خلها وقت ثاني

[لبيبة]

فعلاً علان عنصري
يجب محاسبة صاحب الاعلان
القطري افضل من الكل
اما قطر فوق ولا مالنا خانة

المحاسبة مطلوبة، لأن هذا يطبع وينشر وأعتقد هناك قانون للمطبوعات.

[حليتان*]

عندي ملاحظة اخوي على اخر سطر واشوف وايد اعضاء يتكلمون بهذة الطريقة في مواضيع ثانية وبدل مايناقشون الموضوع يتفلسف الواحد منهم ويقول ليش ماتكلم الجهه الفلانية
ترى مثل هالموضوع موب مشكلة ولا معضلة مثل الموضوع يحتاج للرأي العام ولصوت الشارع القطري
فرجاء الس ماعنده شي يفيد لا يكتب ويزيد

نفس ما قلت يمكن واحد غبي الي كاتب الاعلان نروح نزعج راي عام عشان هالغبي لو تواصلت معاهم ومافاد معاهم هني العب بحسبتهم شي ثاني بيي واحد وبيقط كلمه ع الاجانب وبيجيك اجنبي بيقرا وبياخذ فكره عن القطري بيتولد حقد بين الكل

[لبيبة]

ممكن نعرف الإعلان وين منشور و متى ؟

الاعلان منشور في الوسيط (مب الشرق) العدد 570
تفضل الرابط pdf
http://d.pr/1ir79

[لبيبة]

وانا اعتذر ع الرد

ومعاج المفروض الجريده تحاسب قبل الي اعلن

لان الي اعلن ممكن يكون انسان غبي اما الجريده لا المفروض ان فيها ناس اعلامين يعرفون ويشوفون شالي على اوراقهم قبل لا تنشر

مسموح يا اماف، هذا من مطبوعة الوسيط للاعلانات المبوبة، ما اعرف تتبع من (مب الوسيط مال الشرق)

المطبوعة تطبع وتوزع، وابي حد يحاسبهم.

[مختلف جداََ]

http://www.almeezan.qa/LawArticles.aspx?LawTreeSectionID=3119&lawId=414&language=ar

[حليتان*]

هلا والله بالغالي

شتبي تعرف موقف مخزي ودنئ من اصحاب دنيئه اهم شي يرضونها ومايزعلونها والحق واااااااااضح
بس انا بعد ماقصرت قلت كل الي بخاطري وطحت فيهم وطلعت عنهم

الحين اكتب من الايباد مزعج خلها وقت ثاني

تحسب عليهم

اوكيك انطرك هههههههههههه ماتفرط

والحمدلله ع السلامه :nice:

[لبيبة]

نفس ما قلت يمكن واحد غبي الي كاتب الاعلان نروح نزعج راي عام عشان هالغبي لو تواصلت معاهم ومافاد معاهم هني العب بحسبتهم شي ثاني بيي واحد وبيقط كلمه ع الاجانب وبيجيك اجنبي بيقرا وبياخذ فكره عن القطري بيتولد حقد بين الكل

اعتقد انا ما غلطت واستفزيت الرأي العام مثل ما هو اولريدي مستفز القطريين علانية، اللي يبي يتواصل معاهم عنده الرابط في احد الردود ويروح يشوف الإعلان ويروينا بطولته.

[لبيبة]

http://www.almeezan.qa/LawArticles.aspx?LawTreeSectionID=3119&lawId=414&language=ar

الإعلان مخالف للقانون

[نفسي عزيزه]

الله يرحمه ويغفر له ويزاكم الله خير المشكله
والله مايطاوعك قلبك تجبر حد بس اذا انا مجبور وعلي التزامات ماقدر اخليها خيريه

وعقب يوم اقوله باخذ البيت يقولي باشتريه ووودك تسوقه بكس تخليه يشتري طقم اسنان

هههههههههههههههههههههههاي انت عجيب اماف

[لبيبة]

الإعلان مب حالة فردية، ويجب وضع قانون واضح لأصحاب المطبوعات بمنع وضع أي إعلان مستفز لأي فرد أو يمس الهوية الوطنية

[حرف]

نفس ما قلت يمكن واحد غبي الي كاتب الاعلان نروح نزعج راي عام عشان هالغبي لو تواصلت معاهم ومافاد معاهم هني العب بحسبتهم شي ثاني بيي واحد وبيقط كلمه ع الاجانب وبيجيك اجنبي بيقرا وبياخذ فكره عن القطري بيتولد حقد بين الكل



هالغبي ماراح يدل الدرب ويعرف انه غلطان الا لين يثور عليه الشارع العام ويوصل الصوت للمسئولين
وترى مثل مافيه اجانب سيئين في اجانب اوفياء لقطر وهل قطر وهذولا هم الي يعرفون معدن هل قطر الصجي

[ريتويت]

كيفه ياخي ياجر للي يبيه انت شدخلك

[لبيبة]

كيفه ياخي ياجر للي يبيه انت شدخلك

صح كيفه، بس مب بكيفه يقل أدبه ويكون وقح في إعلان!

[حرف]

كيفه ياخي ياجر للي يبيه انت شدخلك

يأجره على ينانوه ان شاءالله اما ينزل اعلان مثل هذا مستفز !!

[H H]

هههههههههههههههههههههههههههههههههه

طيب راعي مالك صاحب العقار مايبي :shy: مايبي :shy: حلاله ياجره عاللي يبيه :shy:

[لبيبة]

هههههههههههههههههههههههههههههههههه

طيب راعي مالك صاحب العقار مايبي :shy: مايبي :shy: حلاله ياجره عاللي يبيه :shy:

ما يبي بكيفه، مب من حقه يكون وقح ويتطاول في الإعلان على القطريين. ماله حق يعلن سبب رفضه.

[h9466]

صيغة الاعلان غلط...هناك طرق عديدة لصياغة افضل من الصياغة المذكورة بحيث لاضرر ولا ضرار.....

[qatarman8008]

صاحب الموضوع.. ترى المقصود بالمقيمين هو غير مسموح للزائرين..
لان فيه كثير زائرين للبلد يحاولون يستاجرون فلة في مجمع افضل من الفندق..
وهالشي اللي فير مسموح..
لا انكر ان بعض المجمعات السكنية صارت تفضل الاجنبي لانه هادي وماعنده اطفال كثير وعنده سيارة او سيارتين فقط وما يجونه زوار ..

[لبيبة]

صيغة الاعلان غلط...هناك طرق عديدة لصياغة افضل من الصياغة المذكورة بحيث لاضرر ولا ضرار.....

صحيح، صيغة الإعلان غلط، لأنه تطاول حتى لو ما يقصد.

[لبيبة]

صاحب الموضوع.. ترى المقصود بالمقيمين هو غير مسموح للزائرين..
لان فيه كثير زائرين للبلد يحاولون يستاجرون فلة في مجمع افضل من الفندق..
وهالشي اللي فير مسموح..
لا انكر ان بعض المجمعات السكنية صارت تفضل الاجنبي لانه هادي وماعنده اطفال كثير وعنده سيارة او سيارتين فقط وما يجونه زوار ..

الزائرين ما عندهم بطاقة شخصية قطرية، ولا يمكن يقدمون البطاقة لما يوقعون عقد الإيجار، مبين إن ما يقصد استثناء الزائرين، والواضح إنه متقصد استبعاد القطريين.

[المحاميه]

عادي
وين العنصريه

[CH Engineer]

التجار الكبار يفضلون التوقيع والشيكات والايجارات باسم قطري او شركه
بس هذا شكله مب مصدق اول بيت ملك له ومايعرف شالطبخه

القطري خذ منه شيكات وتضمن حقك 100٪
الاجنبي اذا سافر رحت فيها حتى لو شيكات ،،، الا اذا مقدم

[لبيبة]

عادي
وين العنصريه

بصفتج قانونية، ما تعرفين العنصرية وين؟!

[Qtr37]

هناك عدد من الجنسيات اللي الملاك ما يفضلون ان يأجرون عليهم لراحة بالهم..

بس بالنسبة للاعلان يمكن هو طلب من الجريدة ينزلونه بهالصيغة

[لبيبة]

التجار الكبار يفضلون التوقيع والشيكات والايجارات باسم قطري او شركه
بس هذا شكله مب مصدق اول بيت ملك له ومايعرف شالطبخه

القطري خذ منه شيكات وتضمن حقك 100ظھ
الاجنبي اذا سافر رحت فيها حتى لو شيكات ،،، الا اذا مقدم

كلامك صحيح، القطري مب شارد وبتاخذ حقك منه، لكن الأجنبي لو راح وسافر، وين تلحق فلوسك اللي طارت.

[لبيبة]

هناك عدد من الجنسيات اللي الملاك ما يفضلون ان يأجرون عليهم لراحة بالهم..

بس بالنسبة للاعلان يمكن هو طلب من الجريدة ينزلونه بهالصيغة

يحتفظ بهذا التحديد في نفسه ولا يقوله بوقاحة واستفزاز في إعلان

[Qtr37]

الاعلان صيغته غير صحيحة ومش بروفيشنال حتى
لكن ما اشوف فيها وقاحة بمعنى الوقاحة

[مضارب دوسري]

انا اشوف الموضوع ماخذ حيز كبير
يمكن اللي حط الاعلان شيبه ماعرف يصيغ الاعلان او طلب من الموظف اعلان بانه يبغي مقيمين
والموظف صاغ الاعلان بهالشكل
عادي تحصل

بس انتوا الله يهداكم مكبرين الموضوع

[مضارب دوسري]

ويمكن راعي الفيلا يبي ياجرها على مقيم والمقيم ياجرها كشقق مثل ما هو منتشر الان في قطر
وماعرف يصيغ الاعلان

لان اللي ياجرون باطن يدفعون اكثر من الاخرين

ويمكن توه مخلص من محاكم ولغلاغه فتره عشان يطلع مواطن ما يدفع له مثلااااا
وخانه التعبير في الاعلان

[مضارب دوسري]

أخرج الإمام*البيهقي بسنده في شُعَب الإيمان إلى*جعفر بن محمد*قال:*إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه

[نيساني]

أخرج الإمام*البيهقي بسنده في شُعَب الإيمان إلى*جعفر بن محمد*قال:*إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه



اجمل رد في نظري1+

جزاك الله خير

[مضارب دوسري]

الله يجزاك بمثله اخوي
============
يمكن الرجال الدنيا ضايقه به وحب يؤجر بيته اللي من الدوله لفتره معينه لين ربي يسرها عليه ويرجع لبيته

المواطن ماراح يرضى بعقد باطن
المقيم بيوافق على هالشي

هذا بعد ممكن عذر

لانه فيلا فيها مكيف مركزي وبركه وفاخره حسب الاعلان معناه ان الفيلا ليست تجاريه

وانتوا قاعدين تهاجمونه ومانتوا عارفين ايش هي ظروفه

[MAZEN37]

ممكن يكون المكان غير مناسب لسكن القطريين
يعني ظلمتوا الرجال
يمكن من الفلل المقسمه
لا تستعجلوا

[لبيبة]

الاعلان صيغته غير صحيحة ومش بروفيشنال حتى
لكن ما اشوف فيها وقاحة بمعنى الوقاحة

الإعلان أقل ما يقال عنه انه مستفز.

[لبيبة]

انا اشوف الموضوع ماخذ حيز كبير
يمكن اللي حط الاعلان شيبه ماعرف يصيغ الاعلان او طلب من الموظف اعلان بانه يبغي مقيمين
والموظف صاغ الاعلان بهالشكل
عادي تحصل

بس انتوا الله يهداكم مكبرين الموضوع

طيب ليش انا وغيري شايفين انه غلط، ومن يتحمل مسؤولية الغلط؟ وليش مطلوب منا نتحمل ونسكت على أخطاء مقصودة أو غير مقصودة؟ ما في مراجعة قبل الطبع؟

[لبيبة]

أخرج الإمام*البيهقي بسنده في شُعَب الإيمان إلى*جعفر بن محمد*قال:*إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه

مستعدة التمس الأعذار، بس ابي اعرف من اللي التمس له العذر ومن اللي مفروض يعتذر؟

[لبيبة]

ممكن يكون المكان غير مناسب لسكن القطريين
يعني ظلمتوا الرجال
يمكن من الفلل المقسمه
لا تستعجلوا

هذي فيلا فاخرة، مستحيل تكون مقسمة، لكن ممكن ان هناك هدف بخلق مجتمع نخبوي من المقيمين لا يضم القطريين، وعندكم رقمه في الإعلان اللي حطيت لكم رابطه في أحد الردود، حابين تكلمونه وتشوفون تبريره تفضلوا، وما اعتقد وكل حد يتكلم بالنيابة عنه، بالتالي مالي الا الإعلان اللي جدامي.

[حرف]

للمقيمين فقط !!!!!!

ليش ماكتب للمقيمين
شمعناته كاتب فقط ؟

[لبيبة]

للمقيمين فقط !!!!!!

ليش ماكتب للمقيمين
شمعناته كاتب فقط ؟

شفت كلمة فقط، هذي بروحها مسوية تمييز عنصري ضد القطريين.

[لبيبة]

لو كاتب فرصة للمقيمين، بتكون أخف بكثير وما تستفز هالكثر

[مضارب دوسري]

الحمدلله رب العالمين

[العقل المدمر]

ما عندكم سالفة
يعني لو كاتب للعائلات فقط
ماعتقد العزاب بيزعلون وبيقولون عنصرية
ولو كاتب للنساء فقط
ماعتقد الرياييل بيزعلون وبيقولون عنصرية
حاب يأجر على فئة معينة وضحها يزاه الله خير
عشان مايضيع وقت الباقي فالاتصالات والنطرة
ماشوفه غلط على المواطنين بشي ولا طراهم بسوء
ولا حتى في كلام مستفز مثل : الرجاء عدم تطفل المواطنين مثلا
اسلوبه عادي وبسيط

[Qtr37]

ما عندكم سالفة
يعني لو كاتب للعائلات فقط
ماعتقد العزاب بيزعلون وبيقولون عنصرية
ولو كاتب للنساء فقط
ماعتقد الرياييل بيزعلون وبيقولون عنصرية
حاب يأجر على فئة معينة وضحها يزاه الله خير
عشان مايضيع وقت الباقي فالاتصالات والنطرة
ماشوفه غلط على المواطنين بشي ولا طراهم بسوء
ولا حتى في كلام مستفز مثل : الرجاء عدم تطفل المواطنين مثلا
اسلوبه عادي وبسيط
ردك خلاني اتساءل âک؛ï¸ڈâک؛ï¸ڈâک؛ï¸ڈ ، هل لو كاتبين للمواطنين فقط كان الموضوع فيه عنصريه؟؟؟؟!!
وماذا تعني العنصريه؟؟!

[لبيبة]

ما عندكم سالفة
يعني لو كاتب للعائلات فقط
ماعتقد العزاب بيزعلون وبيقولون عنصرية
ولو كاتب للنساء فقط
ماعتقد الرياييل بيزعلون وبيقولون عنصرية
حاب يأجر على فئة معينة وضحها يزاه الله خير
عشان مايضيع وقت الباقي فالاتصالات والنطرة
ماشوفه غلط على المواطنين بشي ولا طراهم بسوء
ولا حتى في كلام مستفز مثل : الرجاء عدم تطفل المواطنين مثلا
اسلوبه عادي وبسيط

تصنيف العائلات والعزاب تصنيف مقبول، لأن هناك مناطق مخصصة لسكنهم وهذا معروف ومقبول وله قوانين في الدولة بالتفريق بين سكن العزاب والعائلات.

للنساء فقط، او للرجال فقط ايضا تصنيف مقبول حيث هناك تفريق مسبقا في أماكن الخدمات بين الرجال والنساء.

الاسلوب المكتوب فيه الإعلان استعلائي آمر وعنصري، وفيه اسلوب قاطع بكلمة فقط. وهذا لا اقبله على نفسي ولا على اي قطري.

القطريون معروفون بحسن الخلق، والأسلوب المكتوب فيه الإعلان لا يمت لحسن الخلق إطلاقا، ويتحمله صاحبه ويعود عليه.

[لبيبة]

ردك خلاني اتساءل âک؛ï¸ڈâک؛ï¸ڈâک؛ï¸ڈ ، هل لو كاتبين للمواطنين فقط كان الموضوع فيه عنصريه؟؟؟؟!!
وماذا تعني العنصريه؟؟!

تمييز اي مواطن في بلده، لا يعتبر عنصرية في كل بلاد العالم.

الوافدين كلهم عارفين لما يجون في قطر انهم وافدين، وعارفين ان مالهم حقوق او امتيازات مثل المواطنين،

في اوروبا حتى حق العلاج للمواطنين الاوروبيين قبل اي شخص وافد، كذلك تأجير عقارات في مناطق لمواطنيهم فقط.

هذا تمييز لصالح المواطن كل في وطنه، ولا مساس بهذا الحق.

اما التمييز ضده فهو عنصرية ويشعر بأنه أقلية في بلده او مضطهد، وهذا الشعور لا اتمناه لأحد.

للي يبي يتبحر في تعريف العنصرية، يراجع رابط ويكيبيديا هذا http://d.pr/y5ky ويشوف المقالات المتعلقة في العمود اللي على اليسار علشان يعرف ان هناك انواع للتمييز العنصري مب بس تمييز عرقي.

والتمييز ضد القطريين مخالف للقانون ويهدد الهوية الوطنية ويثير الشقاق بين أفراد المجتمع، هذا مرفوض ولا أقبله بتاتا.

[Qtr37]

��
يعطيج العافيه لبيبة

[<اضرب واشرد>]

http://i.imgur.com/DLzmIMm.png?1

المفروض يكتب:
للإيجار، فيلا فاخرة مخصصة للمقيمين (أو مخصصة للأخوة المقيمين)، بها مسبح ..إلخ

[العقل المدمر]

حتى تصنيف مواطنين ومقيمين تصنيف مقبول
ومب شرط يقصد ان المواطنين سيئين
انتي لو تقولين للنساء فقط قصدج تهينين الرجال مثلا او تطلعينهم مب زينين ؟
والقطريين اصلا مب واحد منهم الزين ومنهم الشين
والمقيمين نفس الشي منهم الزين ومنهم الشين
فاكيد المقياس مب منو الزين ومنو الشين والاسباب راجعة له
ماشوف فيها اهانة ولا عنصرية ولا اساءة ولا اي شي
حتى كلمة فقط كلمة طبيعية تتبع التحديد مب مسبة هي
اساسا لو قصده شي غلط يخص المواطنين هو بكبره مواطن والغلط بيركبه قبل المواطنين كلهم

[qtr qtr]

صاحب الاعلان ممكن راح يرفع عليج دعوه التحرش ضده بتلفيق التهم والتشهير .

الاعلان من راي مايستحق كل هالبلبله .. والسبب مافي شي يذكر انه اساء القطريين .
والشي الثاني اذا في قانون بان هالاعلان مخالف المفروض تتجهين للجهات المختصه مب تشهرين اعلان الرجال وتلفقين التهم وانتي ماعندج علم بنية صاحب الاعلان .

فنصيحه لج ولمشرفي المنتدى الغاء الموضوع .. وشكرا

[مضارب دوسري]

صاحب الاعلان ممكن راح يرفع عليج دعوه التحرش ضده بتلفيق التهم والتشهير .

الاعلان من راي مايستحق كل هالبلبله .. والسبب مافي شي يذكر انه اساء القطريين .
والشي الثاني اذا في قانون بان هالاعلان مخالف المفروض تتجهين للجهات المختصه مب تشهرين اعلان الرجال وتلفقين التهم وانتي ماعندج علم بنية صاحب الاعلان .

فنصيحه لج ولمشرفي المنتدى الغاء الموضوع .. وشكرا

:nice:

[ابوالكلام]

اهلا مثل هذه التصرفات يجب ان يضع لها حد لانها عنصرية وغير حضارية هل الغير مقيم غير مرحب به ام ماذا او يذهب الى الجحيم هل تحالف اصحاب رؤوس الاموال مع السماسرة على المواطن البسيط الذي لاحول له ولاقوة ام ماذا ايذا لم تتدخل الدولة لمثل هذه التصرفات الصبيانية فالوضع سيتطور وسيصبح المواطن غريب في وطنه او غير مرحب بمباركة الحكومة واصحاب رؤوس الاموال .

[غريب الدّار]

لو كنت صاحب عقار وشفت مشاكل من القطريين باحط نفس الإعلان

حلالي وكيفي مابي أاجره على قطري
اذا القانون مايمنع فمافي مشكلة

هذا أولا

ثانيا :
ياجماعة ليش أسأنا الظن (كالعادة طبعا:) ) في صاحب الاعلان؟ يمكن البيت اللي يبي يأجره في مكان مايصلح أساسا للقطريين
من عدة نواحي ومابي ادخل في تفاصيل

بس بشكل عام اللي انا مستغرب منه ليش قمنا نتدخل في حلال الناس؟ لازم تاجرون على مادري من ولاتحطون جذيه وجذيه وهالاعلان مادري شفيه ومن هالكلام دام ان القانون مايمنع؟؟

صرنا نتدخل في كل شي

ولو حلالنا والله مارضينا حد ينطق كلمة
واحب أقول لصاحب الإعلان مع اني ورب الكعبة مااعرفه ولا ادري من هو ولا ليش حط الإعلان بهالصيغة أصلا :
الله يوفقك ويبارك لك في حلالك

الله يوفق الجميع

[غريب الدّار]

هذا اللي اقوله، تقدر ترفض وتقول انا ما ابي أأجر عليه بدون ما تشرح السبب. لكن ان تبني رفضك على عنصرية وتعلنها فهذه وقاحة واستعلاء.

اختي انتي تعرفين صاحب الاعلان؟
لانج تقولين انه بنى رفضه على عنصرية
يعني هو قال لج انا حاط الإعلان جذيه لاني اكره القطريين ؟

لان الإعلان مايدل على عنصرية ابد ويحتمل وجوه عدييييييدة

[غريب الدّار]

القانون يحفظ حق الجميع بإذن الله، اللي حاصل عنصري ومستفز ووقح واللي سمح بالإعلان ما اعرف شلون سمح به

طيب اختي دامج تشوفينه غلطان
هل كلمتي الجريدة؟ هل بلغتي عليه ؟ لانج تقولين انه غلطان

واجبج تاخذين اجراء
ولا عندج عنصرية ضد مجتمعج؟:)

[شبح الصمت]

السلام عليكم ورحمة الله وبركاته ،،،

لبيبة انا بتكلم عن نفسي بما اني كنت اطقطق في مجال العقارات ..

ترى هالاعلان ما نزل من فراغ ..

صاحب الحلال اتصل في الوسيط ..

وبقولج المحادثة اشلون تكون ..


صاحب الحلال : الو

الوسيط / هلا الشيخ

صاحب الحلال : عندي فيلا للايجار

الوسيط / اي تفضل وين

صاحب الحلال : في المنطقة الفلانية ..

الوسيط / ابشر عندي زباين

صاحب الحلال : بس مابي قطريين ..

الوسيط / ليش يا طويل العمر في ناس بتدفع ..


صاحب الحلال : مابي ابي غير القطريين

الوسيط / ان شاء الله حلالك وكيفك ..



ها لبيبه المحادثة من يبين فيها انه الي طالب الوسيط والا راعي الحلال نفسه ..


والله العظيم انه كانت تجيني طلبات حق هل قطر يبون يآجرون وادور لهم ويوم احصل يقولي اقطري ..

اقوله اي يقول على الاسكان والا شخصي ..

اذا على الاسكان مش مشكلة وخله يرتتب مع الاسكان ويزيد المبلغ المتبقي من عنده .

وإذا حساب شخص لا ..

في ناس الله يسامحهم خربو على ناس ..

في الاخير طريقة الاعلان غلط كان مفروض ما يحدد ويخلي العالم تتصل ..

ومع احترامي هذا الوسيط فاشل لانه راح يخسر زباين وكان بيعرف ناس اكثر واكثر ..


الله يوفق الجميع

[7llo]

هههه الرجال كيفه مايبي ياجر حق قطريين للعلم ٨٠ بالميه او ٧٠ بالميه من الملاك مايجرون حق القطريين اول شي فيه ناس تقلب البيت مصخره (مش الكل ، البعض) وثاني شي فيه ناس تدفع شهر و٣ لا ويقولك روح اشتك شبيسون لي اوردي مابيطلعوني من البيت الا بعد كم سنه ، اما الاجنبي بيدفع يخاف ينطرد وين بيودي مرته وعياله وثاني شي الاجنبي وين يدخل مراكز و محاكم ف بيدفع بالشيمه

[وحيد-الشوق]

الاعلان عنصري
وتبرير اللي يقول القطري مايدفع الاجار اسوأ واكثر عنصرية من الاعلان

اتفق معك تماماً انا ارد واعيدها ومن زمان اقولها كثير من القطريين للأسف قلبه مب على ولد بلاده يا اخوان اتركوا عنكم العنصرية والحسد كلنا على بعضنا مانزيد عن 350 الف مواطن !!!!

[المحاميه]

لا ماعرف وين العنصريه تفضلي غردي يامستشاره

[حمد 2002]

يمكن هاي مجمع تجاري والي فيه فري ومفاصيخ ، والقطري مايقدر ايعيش في هالبيئه ،،

صفوا النيه يا اخوان ترى بعض الضن اثم

[غريب الدّار]

يمكن هاي مجمع تجاري والي فيه فري ومفاصيخ ، والقطري مايقدر ايعيش في هالبيئه ،،

صفوا النيه يا اخوان ترى بعض الضن اثم
وربي ياحمد انك قلت اللي في بالي في مشاركتي الأولى
انا قلت :

يمكن البيت اللي يبي يأجره في مكان مايصلح أساسا للقطريين
من عدة نواحي ومابي ادخل في تفاصيل



بس دامك ذكرت هالشي انا أقول لك هاذي ناحية من النواحي اللي كنت اقصدها

وكل شي جايز

[حمد 2002]

وربي ياحمد انك قلت اللي في بالي في مشاركتي الأولى
انا قلت :


بس دامك ذكرت هالشي انا أقول لك هاذي ناحية من النواحي اللي كنت اقصدها

وكل شي جايز

صادق يالذيب ، لان الإسلام دين يدعو إلى حسن الظن بالناس والابتعاد كل البعد عن سوء الظن بهم ، لأن سرائر
الناس ودواخلهم لا يعلمها إلا الله تعالى وحده .

[<اضرب واشرد>]

اللي الواحد استوعبه من مشاركات الأعضاء أن أغلب المستأجرين القطريين ياكلون أموال صاحب العقار بالباطل

[لـبـيـه]

وهل اعلان التوظيف الي مكتوب في نهايته للقطريين فقط يعتبر اعلان عنصري من وجهة نظرج ؟؟

انا اشوفه مب عنصري لاني ابي اوظف قطريين فقط وهذي بيتي وانا ابي اسكن موزنبيقيين كيفي مع احترامي للكل

[المحاميه]

اللي الواحد استوعبه من مشاركات الأعضاء أن أغلب المستأجرين القطريين ياكلون أموال صاحب العقار بالباطل

شفت شلون عاد


وهل اعلان التوظيف الي مكتوب في نهايته للقطريين فقط يعتبر اعلان عنصري من وجهة نظرج ؟؟

انا اشوفه مب عنصري لاني ابي اوظف قطريين فقط وهذي بيتي وانا ابي اسكن موزنبيقيين كيفي مع احترامي للكل

بالضبط
شكرا

[OutLaw]

وهل اعلان التوظيف الي مكتوب في نهايته للقطريين فقط يعتبر اعلان عنصري من وجهة نظرج ؟؟

انا اشوفه مب عنصري لاني ابي اوظف قطريين فقط وهذي بيتي وانا ابي اسكن موزنبيقيين كيفي مع احترامي للكل

وليش انت معتقد ان الاعلان الي فيه للقطرين فقط خصوصا اذا كان مقدم من قطاع خاص المقصد فيه حبهم للموظفين القطريين أو لان الدولة تلزمهم بنسبة معينه من القطريين ؟

[A-Alansari]

وليش انت معتقد ان الاعلان الي فيه للقطرين فقط خصوصا اذا كان مقدم من قطاع خاص المقصد فيه حبهم للموظفين القطريين أو لان الدولة تلزمهم بنسبة معينه من القطريين ؟

مايهم السبب كل شخص عنده اسبابه لكن صيغة الاعلان هي هي بس بدل قطريين مكتوب مقيمين

وانقلبت الدنيا

بس لين ينكتب قطريين محد يقول عنصرية

في النهايه كل شخص حر بحلاله ومحد له حق يحاسبه شيسوي فيه

[مرحوم قطر]

والله يا اخوي تبي الصراحه

بعض الملاك معاهم حق

انا بقولك سالفتي

طال عمرك واحد ماجر فيلا من عند الولد

خذ المواصفات فيلا في العزيزيه على شارع الوعب مساحتها 500 متر تشطيب سوبر ديلكس

اجارها 5500 بس ريال بينها و بين فيلاجيو الشارع العام

هلشخص قطري و المفروض يحب يده وش و ظهر على راي المصريين

تصدق كان يماطل في الاجار بحجة انه مديون و يروح حق الوالد يتعذر و الوالد يسلك له

لين ذاك اليوم الوالد كلمني و قالي روح له رحت و كان اخر شهر على انتهاء العقد


والله رحت له قلت له بخصوص المتاخرات و ترى مب مجددين العقد تتوقع شرد علي !!!

قال انطروا شعايلكم ماعندي الحين

المراد يومين الا الحبيب حتى المكيفات مع انها لنا شالهم معاه يعني باقهم

المهم احنى شفنا البيت مافي مكيفات كانوا وندو قلنا بس صارت رحت مع الوالد الا شمسوي

مركب مكان اليتات ليتات العاديه و كاسرها يعني مخلي القلب داخل يعني الحل ان تشيل الساكت كامل

و ما مخلي شبر في الطوفه مب مشخبط عليه ((( و الله يعزكم موصخ على البلاط وصاحة الحمام )))

و مادري شكات عصاير و مادري ايش يعني مخسس مضبوب

مع ان مستعد احلف ان طول فترة السكن ما تعرضنى له بس هو زعل يوم قلت له مب مجدد العقد و ادفع ولا بشتكي عليك


من بعدها الوالد قال ما تاجرون حق قطري الا اذا تعرفونه عدل و اجروا على اجانب

صحيح ان احنى قدرنا ناخذ عوضنا بس الكلام ان ليه سوى كل ذي !!!!

[MAZEN37]

الموضوع تجاري
الي حاب يأجر فيلته عنده رؤيه من زاويته
او ممكن انه خاض تجربه سيئه مع انه ممكن يكون تفكيره غلط
بالنهايه على قولة المثل اربط ال ... مطرح ما يحب صاحبه

[OutLaw]

مايهم السبب كل شخص عنده اسبابه لكن صيغة الاعلان هي هي بس بدل قطريين مكتوب مقيمين

وانقلبت الدنيا

بس لين ينكتب قطريين محد يقول عنصرية

في النهايه كل شخص حر بحلاله ومحد له حق يحاسبه شيسوي فيه

الحلال حلاله ولا حنا مشاركينه فيه ، نعم كل شخص حر بحلاله لكن في قانون يحاسبه اذا استغل هذا الحلال بطرق غير قانونيه .
والمقصد من الموضوع صيغة الاعلان ,, ومثل ما انت شايف اكثر من عضو رافض صيغة الاعلان وحس بان فيه نوع من العنصرية على القطري في بلاده . " ارجع وأقراء عنوان الموضوع "

الاولويه للقطري في كل شي الصحه والتعليم والسكن .

[غريب الدّار]

الحلال حلاله ولا حنا مشاركينه فيه ، نعم كل شخص حر بحلاله لكن في قانون يحاسبه اذا استغل هذا الحلال بطرق غير قانونيه .
والمقصد من الموضوع صيغة الاعلان ,, ومثل ما انت شايف اكثر من عضو رافض صيغة الاعلان وحس بان فيه نوع من العنصرية على القطري في بلاده . " ارجع وأقراء عنوان الموضوع "

الاولويه للقطري في كل شي الصحه والتعليم والسكن .
طيب اخوي هذا اللي أقوله

اذا تشوف انه استغل الحلال بطريقة غير قانونية بلغ عليه ولا عليك امر
هذا واجبك كمواطن

وبعدين مثل مافي أعضاء رافضين صيغة الإعلان في أعضاء يشوفونه عادي
ليش خذت بوجهة النظر الرافضة وخليت الثانية؟

وبعدين الأولوية للقطري في كل شي بالنسبة للدولة والاشياء العامة

مب الخاصة
احنا مب في الاتحاد السوفيتي (سابقا) ولا احنا دولة اشتراكية
الملكية الخاصة مضمونة بحكم القانون ولله الحمد

[شبح الصمت]

الحلال حلاله ولا حنا مشاركينه فيه ، نعم كل شخص حر بحلاله لكن في قانون يحاسبه اذا استغل هذا الحلال بطرق غير قانونيه .
والمقصد من الموضوع صيغة الاعلان ,, ومثل ما انت شايف اكثر من عضو رافض صيغة الاعلان وحس بان فيه نوع من العنصرية على القطري في بلاده . " ارجع وأقراء عنوان الموضوع "

الاولويه للقطري في كل شي الصحه والتعليم والسكن .

بعلق على الي بالاحمر بس لاجل اوضح لك لانك فاهم الاولوية غلط اخوي ..

الاولوية في ممتلكات الدولة او الهبات الي الدوله الله يجزاها خير ممثلة بسمو الامير ربي يحفظه تعطى للمواطن ..

ولكن في ملك شخصي محد له دخل في ممتلكاتي لا مواطن ولا مقيم ..

للتوضيح فقط اخوي ..

[R 7 A L]

صيغة الاعلان غلط
للاسف الاعلاميين ومن يعمل في الصحف عندنا يحتاجون لدورات اعلامية وكذلك في اللغة العربية

[لـبـيـه]

وليش انت معتقد ان الاعلان الي فيه للقطرين فقط خصوصا اذا كان مقدم من قطاع خاص المقصد فيه حبهم للموظفين القطريين أو لان الدولة تلزمهم بنسبة معينه من القطريين ؟

ممكن تكون ملاحظتك صحيحه بس الي اقصده انا من طرحي هل هو عنصري او لا لاكن اذا في منحنى ثاني ف الله اعلم

[A-Alansari]

الحلال حلاله ولا حنا مشاركينه فيه ، نعم كل شخص حر بحلاله لكن في قانون يحاسبه اذا استغل هذا الحلال بطرق غير قانونيه .
والمقصد من الموضوع صيغة الاعلان ,, ومثل ما انت شايف اكثر من عضو رافض صيغة الاعلان وحس بان فيه نوع من العنصرية على القطري في بلاده . " ارجع وأقراء عنوان الموضوع "

الاولويه للقطري في كل شي الصحه والتعليم والسكن .

ليش هو كاتب في لاعلان مايحق للقطري يتعلم او يسكن؟

مثل مافي اعضاء رافضيين في اعضاء ماكانو رافضين

وهذا انت تقول حلاله وكيفه وماسوى شي غلط وضد القانون عشان تقول يستغل الحلال ضد القانون!!

كيفه بيأجر الفيلا على الي يبي

وهو اساس في اعلانه ماتعرض للقطريين ولا جاب سيرتهم وهو في باله يبي يأجر على مقيمين فريح نفسه وكتب للمقيمين فقط شالمشكله؟

يعني انت عمرك شفت اعلان مكتوب للقطريين فقط وشفت المقيمين كلهم يقولون شهالعنصرية؟

ولا انت لما تشوف هالشي بتقول عنصرية ولا لانه هالشي بيشملك كمواطن فعادي ؟

[OutLaw]

طيب اخوي هذا اللي أقوله

اذا تشوف انه استغل الحلال بطريقة غير قانونية بلغ عليه ولا عليك امر
هذا واجبك كمواطن

وبعدين مثل مافي أعضاء رافضين صيغة الإعلان في أعضاء يشوفونه عادي
ليش خذت بوجهة النظر الرافضة وخليت الثانية؟

وبعدين الأولوية للقطري في كل شي بالنسبة للدولة والاشياء العامة

مب الخاصة
احنا مب في الاتحاد السوفيتي (سابقا) ولا احنا دولة اشتراكية
الملكية الخاصة مضمونة بحكم القانون ولله الحمد

ملاحظ ان وجهة النظر الثانية تقول عادي " الاغلب قال اشوف الامر عادي " وطالب بالتبرير لصاحب الاعلان .
اما الاولى فهيا رافضه قطعيا .
ارجع واقول الامر متعلق بصيغة الاعلان

[OutLaw]

بعلق على الي بالاحمر بس لاجل اوضح لك لانك فاهم الاولوية غلط اخوي ..

الاولوية في ممتلكات الدولة او الهبات الي الدوله الله يجزاها خير ممثلة بسمو الامير ربي يحفظه تعطى للمواطن ..

ولكن في ملك شخصي محد له دخل في ممتلكاتي لا مواطن ولا مقيم ..

للتوضيح فقط اخوي ..


كان التعقيب مني باقتباس للمشارك 3zoooz ياحبذا يكون توضيحك مع الاقنباسات جميعها . !!

[العنيده]

الله ييسر له في رزقه صاحب الاعلان وانه اختار من المؤجر براحته لانه رزقه بس لو ماحدد الجنسيه افضل له عشان محد يسويها موضوع نقاش :omen2: ..
اتوقع في وايد يفضلون المؤجر الاجنبي بحكم انه جهة عمله بتدفع فهي اضمن من المواطن اللي بيكون شخصي ومن راتبه اللي مممكن يمر بظرف ويتاخر غصب عنه :) ..

[شبح الصمت]

كان التعقيب مني باقتباس للمشارك 3zoooz ياحبذا يكون توضيحك مع الاقنباسات جميعها . !!



ما فهمت اشلون اقتباسي يكون مع جميعها وضح لي !!

لاني اوقات افهي ..

[بانغ بانغ]

السلام عليكم ورحمة الله وبركاته،

أثناء تصفحي للإعلانات المبوبة، وجدت إعلانا مستفزا وعنصريا ضد القطريين،

الإعلان كما ترونه أمامكم، هو إعلان لتأجير فيلا فاخرة للمقيمين فقط!

حتى في التأجير لا يسمح للقطري بالتأجير؟! فلل قطيفان عرفنا أنه لا يستطيع شراؤها، لكن تأجير فيلا في أرض وطنه بعد لا؟!!!

ليش رافضين؟ خايفين يشرد؟ وين بيروح القطري يعني؟

تفضلوا الإعلان، ومسحت الرقم عنه.

http://i.imgur.com/DLzmIMm.png?1

ليش محد فسرها ... " فقط 5 غرف نوم "

وليس " للمقيمين فقط "

مادام مافي فاصلة او نقطة

[فشت الديبل]

السلام عليكم ورحمة الله وبركاته
أعلان عنصررررررررررررررررررررررررررررررررررررررررررررررر ي بحت

[Abdulraman]

السلام عليكم
مع احترامي لصاحب الموضوع اعلان عادي ومافيها شي وهو صاحب العقار وكيفه بحلاله

[حفيد الأنصار]

ليش محد فسرها ... " فقط 5 غرف نوم "

وليس " للمقيمين فقط "

مادام مافي فاصلة او نقطة



:victory:

أنا كمان أول ماقريت الأعلان قلت احتمال كذا
بس برضو يبقى احتمال صغير والأقرب هو مثل ماتم طرحه بالموضوع



ع العموم من وجهة نظري طالما انه ملك خاص يحق له يختار اللي يبي

[الزعفراني]

الاعلان عنصري من ناحية انسانية نظرتوا للموضوع والا من معيار وطني ؟

يعني وين نقدر نصنف ( العنصرية ) اللي في الاعلان عشان نقدر نعذر الاخرين اللي ممكن يتهمونا بأننا عنصريين بعد ؟

يعني شلون ممكن نفهمهم ان هالاعلان عنصري وبنفس الوقت ما يحكرون لنا ويفضحون تناقضنا

ياليت حد يفهمني

[captin]

من واقع قضايا التخلف عن دفع الايجار نجد نسبة كبيرة من القطريين
ممن يتخلفون عن دفع الايجار للملاك وهذا احد الاسباب التي تجعل بعض الملاك
يرفض التأجير على المواطن القطري .

الافضل تحصيل شيكات من المؤجر سواء قطري او وافد طيلة مدة العقد وايداعها بالبنك
وفي حالة رجوع الشيك لعدم وجود رصيد بالحساب يتم احالته للجهة الامنية المختصة بغض النظر
عن جنسية المؤجر .

[غريب الدّار]

وفي حالة رجوع الشيك لعدم وجود رصيد بالحساب يتم احالته للجهة الامنية المختصة بغض النظر
عن جنسية المؤجر .
قصدك بغض النظر عن جنسية المستأجر
لأن المؤجر قطري

[يمامـة]

الاعلان عنصري من ناحية انسانية نظرتوا للموضوع والا من معيار وطني ؟

يعني وين نقدر نصنف ( العنصرية ) اللي في الاعلان عشان نقدر نعذر الاخرين اللي ممكن يتهمونا بأننا عنصريين بعد ؟

يعني شلون ممكن نفهمهم ان هالاعلان عنصري وبنفس الوقت ما يحكرون لنا ويفضحون تناقضنا

ياليت حد يفهمني

اسمح لي افهمك..
لما ينكتب للمقيمين فقط فهذا معناه ان المستثنى من التأجير هو القطري فقط
بينما جميع الجنسيات مقبولين عند المؤجر..

العقار عقاره وهذه نقطة لا يختلف عليها احد ومن حقه انه يختار جنسية المستأجر ولكن ان نشوف مثل
هذا الاعلان ولكن بصيغ ثانية اعتقد راح نسمع عن وجود عنصرية في الموضوع..

وخلنا نشوف صيغ ثانية..

فيلة في ام قرن للجميع ما عدا الهنود..
استثناء الهنود يوازي صيغة الاعلان اللي يقول للمقيمين فقط
فالقطري غير مطلوب!!

ونشوف صيغة ثانية لاعلان ثاني

بيع فيلا من دور ونص ومنعا للاحراج الافضلية للقطريين فقط والجنسيات العربية
ما عدا المصرية..
ما عدا الجنسية المصرية تعادل للمقيمين فقط في الاعلان الموجود في الموضوع..

فالمقيم راح يحس بالعنصرية من الاعلانين المرفقين للتوضيح
بينما القطري مطلوب منه يكون سمح ويقبل استثناءه من قبل الاعلان
لأن صاحب العقار عقاره وهو كيفه.. بينما في المثالين بعد صاحب العقار عقاره وهو بكيفه..

عني ما افضل أأجر على قطري.. ولكن عيب انزل اعلان بالطريقة هذي
وحتى القطري لو ياني وقال لي بأجر من عندج.. بقول له اعذرني البيت راح
ولا بقول له مب مأجرتك لأنك قطري..

ما اعتقد اصلا اي قطري من اللي ردوا في الموضوع راح يقبلون
رد المؤجر لو قال لهم بصدر رحب اسمح لي مب مأجرك لأنك قطري
اكيد بيحس بنوع من الضيق..
وهالنوع من الضيق هو اللي سببه الاعلان بشكله الحالي..

قد يرى البعض استخدام كلمة عنصرية كبييرة وااايد.. ولكن في الوقت نفسه
المقيمين في البلاد لو تم استثناء جنسية من اي اعلان عام ما اعتقد راح يتفهمون
وجهة نظر صاحب الاعلان او بيبررون له..

لذلك يجب مخاطبة الجريدة من قبل من يهمه الامر.. والاعتراض بشكل رسمي لديهم
من صيغة الاعلان.. علشان ما نشوف اعلانات ممثالة تستثني جنسيات ثانية..

[سـردال]

الحين صارت القصص والمشاكل في الاجارات على القطريين فقط اما الاجنبي اكثر شخص يطبق القانون ما شاء الله عليهم الشباب جابوا امثله سيئه عن القطريين فقط ...

ياريت وزارة الداخليه اطبق نظام تجديد الاقامه بشهادة كهرباء وماء تثبت فعلا ان المقيم ساكن في بيت بروحه مب بيت مقسم

[captin]

قصدك بغض النظر عن جنسية المستأجر
لأن المؤجر قطري




جزاك الله خير على التصحيح

[حسن]

ماعرف

ماقد صادفت ان مؤجر ماجر على قطرين واللي يسوي هل الفعل خسيس
ويمكن مايكون قطري اصيل !!
انا اجرت فله وعلى دكتور قطري مشهور وكبير عند البنات وماكنت اعرف شهرته
والرجل يدفع لي كل ثلاث شهور مقدم
ماقلت ماابي قطري
بس اذا الواحد متخوف يقدر يقول عطني شيكات مصدقه ضمان عادي
وفعلا حصلت مشاكل من الطرفين سؤا قطري وغيره وشاهدت بام عيني
وكنت قدمت اقتراح هني في المنتدي وذكرت
اتمنى ان تكون هناك جهه معلومات تخدم الجميع
يعني يبي ياجر اشوف السيفي ماله اصحاب سوابق ولا لا واعتقد في دول متقدمه موجود فيها هذا الشي
وبحكم ايضا بطئ العداله عندنا ودواخه المحاكم والتنفيذ سبب في ذالك ايظا
وفاهذه تنتج عنها شروط وضوابط معينه

ويمكن صاحب الاعلان يريد الاجانب وكلمه اجنبي عندنا تعني الخواجات
خبركم رواتبهم خياليه عندنا يقصون على الطرطور ويوافق على العقد
قطر اصبحت كيكه مغريه للغرباء

وطوبي للغرباء

[shadad]

ما عندكم سالفة
يعني لو كاتب للعائلات فقط
ماعتقد العزاب بيزعلون وبيقولون عنصرية
ولو كاتب للنساء فقط
ماعتقد الرياييل بيزعلون وبيقولون عنصرية
حاب يأجر على فئة معينة وضحها يزاه الله خير
عشان مايضيع وقت الباقي فالاتصالات والنطرة
ماشوفه غلط على المواطنين بشي ولا طراهم بسوء
ولا حتى في كلام مستفز مثل : الرجاء عدم تطفل المواطنين مثلا
اسلوبه عادي وبسيط

شرحك بسيط وواضح ووصلت فكرتك. يعطيك العافيه.

[شبح الصمت]

انا اقول يفتحون قسم للاستفسارات عن الشيكات المسترجعه او متآخره ..

انا كمؤجر اذا اني شاك في اي واحد انه عليه مشاكل ...


اتصل على قسم العاصمة وتكون في ادارة معنيه في الامر ..

الو الشيخ عندي رقم بطاقة الاخ المؤجر ممكن تعطيني بيانات اذا عليه شيكات مسترجعه ( بس شيكات ) اشياء ثانية ما له علاقة فيها .


وخلاص انتهى انا اكون عرفت هالشخص
اما اني احكم على شخص ما اعرف ..

في ناااااس وايد فيهم خير بس الله يهدي البعض اياً كانوا خربو على بعض ..

بس عندنا اهنيه واحد يخرب اللوم يتلقى على الجميع ..

ليش ما ندري ..!!

[حسن]

انا اقول يفتحون قسم للاستفسارات عن الشيكات المسترجعه او متآخره ..

انا كمؤجر اذا اني شاك في اي واحد انه عليه مشاكل ...


اتصل على قسم العاصمة وتكون في ادارة معنيه في الامر ..

الو الشيخ عندي رقم بطاقة الاخ المؤجر ممكن تعطيني بيانات اذا عليه شيكات مسترجعه ( بس شيكات ) اشياء ثانية ما له علاقة فيها .


وخلاص انتهى انا اكون عرفت هالشخص
اما اني احكم على شخص ما اعرف ..

في ناااااس وايد فيهم خير بس الله يهدي البعض اياً كانوا خربو على بعض ..

بس عندنا اهنيه واحد يخرب اللوم يتلقى على الجميع ..

ليش ما ندري ..!!

هذا ياشبح انا كتبت هذا الاقتراح زمان هني في المنتدي قلت يمكن
حدا المسؤلين يسمع ولا يقرا كلامي
لاني اشوف شي مايشوفه الماسؤل

:)

[شبح الصمت]

هذا ياشبح انا كتبت هذا الاقتراح زمان هني في المنتدي قلت يمكن
حدا المسؤلين يسمع ولا يقرا كلامي
لاني اشوف شي مايشوفه الماسؤل

:)



اقتراح طيب من شخص طيب يالنوخذه ..

وترى ما راح يكلف كمبيوتر وسستم لانه الشيكات كلها عند العاصمة ..

وموظفين اثنين

وخلاص انا ارتحت وغيري ارتاح ..

ولا اظلم احد قبل لا اعرفه

[حسن]

اقتراح طيب من شخص طيب يالنوخذه ..

وترى ما راح يكلف كمبيوتر وسستم لانه الشيكات كلها عند العاصمة ..

وموظفين اثنين

وخلاص انا ارتحت وغيري ارتاح ..

ولا اظلم احد قبل لا اعرفه

حتى المحاكم بترتاح حتى الجهاز الامني بيرتاح

بس مايفكرون

شبوح وينك مختفي من زمان خير عسى ماشر
:telephone:

[مرتبش]

اقتراح طيب واعتقد له علاقة بمؤسسة الائتمان الموجودة فعليا وتقدم خدماتها للبنوك.. البنك يستعلم عن الشخص اذا عليه مشاكل مالية او قروض الخ.. كل المطلوب الان هو زيادة دور هذه المؤسسة بتقديم الاستشارة للمؤجرين

[حليتان*]

اشكرج لبيبه

[لبيبة]

شكرا لجميع المشاركين، تم حذف الرابط وشرحت وجهة نظري باستفاضة بالأمس، ولا أجد داعيا لتكرار ما قلته بالأمس وإعادة توضيحه، وقد تم توصيل الشكوى للوسيط وتم نقل لهم استياء وإحساس كثير من القطريين بالاستفزاز، واعتذروا عن خطأهم مشكورين، لذا أطلب من الإدارة الكريمة مشكورين إغلاق الموضوع.

[لبيبة]

اشكرج لبيبه

العفو اماف، عدلت الرد لأني حبيت اوضح انه تم التواصل معاهم، وبالتالي من حقنا كقطريين نعبر عن استيائنا من اي شي يحمل اي اهانة لأي قطري، ولن أرضى على أبناء وطني أي كلمة تسيئهم، وشكرا للجميع.

[<اضرب واشرد>]

الموضوع تحول لنقاش طيب ومحاولة علاج (ظاهرة سلبية) بين المؤجر والمستأجر، نأمل أن تنتهي.

[شبح الصمت]

حتى المحاكم بترتاح حتى الجهاز الامني بيرتاح

بس مايفكرون

شبوح وينك مختفي من زمان خير عسى ماشر
:telephone:

هذه اهي بريح المؤجر والمستآجر ..

وموجود يالنوخذة ..

[المحاميه]

ليش محد فسرها ... " فقط 5 غرف نوم "

وليس " للمقيمين فقط "

مادام مافي فاصلة او نقطة

ههههه ماشاء الله عليك طلعت ذكي
راعية الموضوع شخبارج

[JN000N]

شكرا لجميع المشاركين، تم حذف الرابط وشرحت وجهة نظري باستفاضة بالأمس، ولا أجد داعيا لتكرار ما قلته بالأمس وإعادة توضيحه، وقد تم توصيل الشكوى للوسيط وتم نقل لهم استياء وإحساس كثير من القطريين بالاستفزاز، واعتذروا عن خطأهم مشكورين، لذا أطلب من الإدارة الكريمة مشكورين إغلاق الموضوع.

الله يعطيج العافيه لبيبه
وتصرفج في محله