شكوى على مستشفى العمادي

[حرف]

مافيه ولا موظف استقبال يتكلم عربي !؟


وين انروح شلون بنفهم كلامهم ولا يفهمون كلامنا ولازم ماخذ كورس لغة انجليزية
ولا اصلاً المستشفى مخصص فقط للاجانب ؟!

[بانغ بانغ]

اخبر في كم مصري ...

[بـارود]

أخبر اللي موجود واحد بس ويمكن أنت لما رحت ما لقيته
هو عربي شغال قدام الرسبشن
في قسم التأمين ( صحة ) خدمني أكثر من مرة جزاه الله خير
تقدر تاخذ من عنده رقم أو تستفسر عن الدكاترة الموجودين من عنده

[Qtr37]

في مصريين ظ¢ اشوفهم اذا رحت ووحدة تتكلم عربي
والاستقبال ايش يبي له من كلام âک؛ï¸ڈâک؛ï¸ڈ

[حرف]

مشكورين والي يقول الاستقبال وش يبي له ترا فيه شيبان وعجايز اعمارهم فوق الستين

[Qtr37]

الله يعطي الجميع الصحة والعافية
الشيبان والعجايز الله يطول باعمارهم ما يصير نخليهم بروحهم يروحون المستشفى بعد هالعمر
ع الاقل عيالهم معاهم <<< نقطة خارج الموضوع :)

[حرف]

والله اذا انا وانت بنقدر انكون مع شيابنا في شياب ما معهم احد

[الحاقول]

هذا فن الاقتصاد
يدور على عماله رخيصه اسيويه بدل عربيه

[حرف]

للاسف عمالة رديئة مع احترامي للفلبينيين

[حليتان*]

ياريال فاهمين التطور غلط

[حقيقه]

على بالهم الكل يفهم انقلش
الحمدلله والشكر

[7llo]

فيه ٢ مصريين بس يمكن لما رحت كانو يدخنون ولا طالعين فوق ، بس ترا الفلبينيات الي هناك يفهمون شنو تبي يعني لو قلت لهم تبي باطنيه او صدريه بيعطونك رقم

[وحيد-الشوق]

من احد اسباب التخلف عندنا دولتنا عربية ونتعلم انجليزي مب عشان يفيدنا برا لا عشان يفيدنا في بلادنا !!!!

[R 7 A L]

المفروض فيه مترجمين بس شكل المستشفى امكانياته محدودة

[حمد بن سعد]

الراتب رخيص

[راجي الْعفو]

مكبرها من فضيحة

وين نودي ويوهنا

بلاد عربية خليجية والواحد ما يقدر يتعامل بسهولة باللغة العربية !

المفروض يلزمون جميع القطاعات الحكومية و الخاصة بوجود موظفين عرب يخدمون الزوار

بعد هذا شي اساسي ما يبيله اقتراح بس الظاهر لازم نقترح الحين !

الله المستعان

[حمد 2002]

مافهمت الموضوع !!

يعني انت معترض انه الرسبشن يتكلمون انجليزي ؟

ولا على الخدمه ؟

زلا على ايش بالظبط ؟

[حمد بن سعد]

مكبرها من فضيحة

وين نودي ويوهنا

بلاد عربية خليجية والواحد ما يقدر يتعامل بسهولة باللغة العربية !

المفروض يلزمون جميع القطاعات الحكومية و الخاصة بوجود موظفين عرب يخدمون الزوار

بعد هذا شي اساسي ما يبيله اقتراح بس الظاهر لازم نقترح الحين !

الله المستعان

المخرج عاوز كده

[Dana’1]

معك حق
اذا مستشفيات بدول برا مثل تاي وامريكا وحتى البنوك وغيرها موفرين مترجمين لأكثر من لغه
شلون في بلادنا العربيه مافيه موظفين؟!!

اختي مره تقول مالقينا موظف يتكلم عربي في أحد فنادق بالدوحه ،، !
تقول دبي دبي وهي مليانه أجانب الفنادق الي نزلنا فيها موفرين أقل شي موظف عربي

[راجي الْعفو]

مافهمت الموضوع !!

يعني انت معترض انه الرسبشن يتكلمون انجليزي ؟

ولا على الخدمه ؟

زلا على ايش بالظبط ؟

عطوه دهوه !

المخرج عاوز كده

الله المستعان

فعلا نحتاج احياء للاسلام و اللغة ..

[A-Alansari]

في اكثر من واحد عربي انا متعامل معاهم من قبل

بس يمكن يوم انت رحت ماكانو موجودين او فترة بريك

ومافيه مشكله لو توهقت مع الفلبينيه تشوف احد من الموجودين يساعدك مع انه اغلب الفلبن هناك يفهمون شتبي

[R 7 A L]

اما لو اسوي مشروع مكتب مترجمين و أجر على الشركات والمستشفيات مشروع ناجح بس لاحد يسرق الفكرة لو سمحتوا

[العقل المدمر]

مب شرط الموظف عربي
اهم شي يفهم عربي

باي ذا وي
واي ذس منتدى از اربك
اربك از فيري اولد لانقوج
خلاص وي مست نواكب ذا موضة
اند جينج ذس منتدى تو انقلش
سو بيبل دونت سي وي ار متخلفين

[حليتان*]

مب شرط الموظف عربي
اهم شي يفهم عربي

باي ذا وي
واي ذس منتدى از اربك
اربك از فيري اولد لانقوج
خلاص وي مست نواكب ذا موضة
اند جينج ذس منتدى تو انقلش
سو بيبل دونت سي وي ار متخلفين
وذ جيز وذ اوت تميتو

[لبيبة]

السلام عليكم ورحمة الله وبركاته،

هذا خطأ وفيه تهميش لاحتياجات المواطن القطري اللي لغته الام هي العربية وافتراض انه كل القطريين عندهم المام بالانجليزية.

شخصيا وعلى الرغم من معرفتي بالانجليزية، ارفض التحدث بها واطلب التحدث بالعربية، المسألة مسألة مبدأ واعتزاز باللغة والهوية.

[HSN_QTR]

ماظن يعني فالريسبشن او الاستقبال تحتاج تكون خبير فالانجليزي
كلها يس نو وشلي فيك واظن الفلبن يعرفون هالاشيا البسيطه بالعربي
يعني لو قلت لي مافي دكتور عربي بقول معاك حق

مافيها شي اعتبر الموضوع كورس انجليزي وتعلم هههه

[eXpert*]

آعتقد في صندوق شكاوي ومقترحات في المستشفي ..

[R 7 A L]

الان انا في العمادي

وتذكرت كلام الاعضاء الي يقولون العيادات الخاصة طايحه بوق في الحكومة
اي والله انهم صادقين
تخيلوا في كل حركة للمريض يسون تسجيل
لييييييش ؟؟؟؟


شركة صحه للتأمين
صح النوم شكلكم نايمين

[بانغ بانغ]

الان انا في العمادي

وتذكرت كلام الاعضاء الي يقولون العيادات الخاصة طايحه بوق في الحكومة
اي والله انهم صادقين
تخيلوا في كل حركة للمريض يسون تسجيل
لييييييش ؟؟؟؟


شركة صحه للتأمين
صح النوم شكلكم نايمين

ما تشوفون شر ان شاء الله

[Charisma]

http://www.qatarshares.com/vb/showthread.php?587402

[بن مفتاح]

للاسف الشديد .. اماكن خدمية كثيرة في بلادنا لا تعترف بلغة البلاد الاصلية
القطرية كل رسائلها بالانجليزي
اووريدوو اغلب عمالها يتكلمون بالانجليزي فقط
المطاعم والمقاهي الحديثة ..........
بعض وكالات السيارة واماكن بيع قطع الغيار

للاسف صرنا في بلادنا ننجبر نتكلم بال ع نجريزي
ولا حول ولا قوة الا بالله

[راجي الْعفو]

السلام عليكم ورحمة الله وبركاته،

هذا خطأ وفيه تهميش لاحتياجات المواطن القطري اللي لغته الام هي العربية وافتراض انه كل القطريين عندهم المام بالانجليزية.

شخصيا وعلى الرغم من معرفتي بالانجليزية، ارفض التحدث بها واطلب التحدث بالعربية، المسألة مسألة مبدأ واعتزاز باللغة والهوية.

هذا المقصد ..

[راجي الْعفو]

http://www.qatarshares.com/vb/showthread.php?587402

بهالرابط ذكرتني بسالفة الصبيان اللي في السعودية

يقولك يتكلمون قصيمي !