واحد ووحدة .. امسابق كل يوم .. وين الرقابة

[بانغ بانغ]

ايش الي ايخلي بعض البنات ايسوقون سياراتهم نفس بعض الشباب . رعونة تامة وخطورة كبييرة

كل يوم انشوف على الخط السريع صوبنا ... بعض البنات .. امجاكر وتزرق بين السيارات ... عكس الفطرة اللي انخلقن عليهن وهي الهدوء والنعومة والالتزام بقواعد المرور

وين التربية ووين المرور ...

المشكلة ان الشباب ان ردوا بالمثل وتسابقوا ... بيسمونها تحرش وقد يتسبب بحوادث متفرقة

وين الخلل والتربية

بعيني شفت وحدة داشة في جزيرة لانها كانت اتسابق .... خط الوكرة الجديد

[لـبـيـه]

مسابق وشيشه وسفرات سياحيه بروحهم

الله يهدي الجميع يارب

[العقل المدمر]

اي وانت الصاج
وايد بنات اشوفهم فصوب والليسن فصوب
تمسك خط اليمين وتاخذ الدوار يسار
وتطلع عالدوار ولا تلتفت ولا همها حد
الظاهر من كثر ماعايروهم بـ النساء ناقصات عقل ودين
قالت خل اوريهم نقصان العقل عدل وماعلي شرهة :tease:

[Abdulraman]

راحت الحيا عند بعض البنات
الله يستر على الجميع

[بانغ بانغ]

لا المشكلة .... توها امطلعه الليسن واتسوق هدد او همر ...

انتحار متعمد !!!!!

لا ويناحسون صراحة .. ما تفتح لك الخط كلش

لازم يعطوهم دورات وردية في السواقة ..

طبعا البعض عشان محد يزعل

[دايموند]

اتفق معاك بشي واحد انهم فعلا يناحسوون مايفتحون الطريج خاصه اذا كانت نفس جنسها لو الموت بنت تفتح طريج لبنت مستحيييل يلعن ابو المناحس

[Abdulraman]

انا يوم من الايام طلعت جدام وحده واقسم بالله جات وحفصت عليه:nice:

[راجي الْعفو]

اذا لم تستح فاصنع ما شئت

انا قلتها قبل ان الرجال الان صاروا اكثر حياءا من الحريم

اقترح ان الدولة تنشىء شرطة اتسميها

( شرطة التربية و ارجاع الاخلاق )

[راجي الْعفو]

الله يرحم حريم قطر المحتشمات

[راجي الْعفو]

فائدة ذات صلة:

[ عفّة النساء وتقواهن و قرارهن بالبيوت ]

قال ابن العربي رحمه الله :


" لقد دخلت نيفا على ألف قرية فما رأيت نساء أصون عيالا ولا أعف نساء من نساء نابلس ، التي رمي بها الخليل صلى الله عليه وسلم بالنار ، فإني أقمت فيها فما رأيت امرأة في طريق نهارا إلا يوم الجمعة فإنهن يخرجن إليها حتى يمتلئ المسجد منهن ، فإذا قضيت الصلاة وانقلبن إلى منازلهن لم تقع عيني على واحدة منهن إلى الجمعة الأخرى .


وقد رأيت بالمسجد الأقصى عفائف ما خرجن من معتكفهن حتى استشهدن فيه".

[نيساني]

ضاع الحيا وزادت قلة الادب !


الله المستعان

[راجي الْعفو]

يقول الشاعر:


لا خيرَ في حُسْنِ الفتاةِ وعلمِهَا
إن كان في غير الصلاح رضاؤُها


فجمالُها وقفٌ عليها إنَّما
للناس منها دينُها (وحياؤها)

[بانغ بانغ]

يقول الشاعر:


لا خيرَ في حُسْنِ الفتاةِ وعلمِهَا
إن كان في غير الصلاح رضاؤُها


فجمالُها وقفٌ عليها إنَّما
للناس منها دينُها (وحياؤها)

ياخوي راجي الحين وهالايام ما تعرف اللي ايسوق واحد او وحدة الا لين اتوقف عندهم... بالعكس احيانا الشباب يمشون بحالهم عاليمين ....

بعض البنات الصغار ايحبون يتحرشون بالشباب اللي مع اهلهم ... مادري العملية امناحس او قلة ثقة او تعال شوفني عندي موتر سبورت...

[راجي الْعفو]

ياخوي راجي الحين وهالايام ما تعرف اللي ايسوق واحد او وحدة الا لين اتوقف عندهم... بالعكس احيانا الشباب يمشون بحالهم عاليمين ....

بعض البنات الصغار ايحبون يتحرشون بالشباب اللي مع اهلهم ... مادري العملية امناحس او قلة ثقة او تعال شوفني عندي موتر سبورت...

يبيلهم تصطر

قلة حيا !

[حمد بن سعد]

مسابق وشيشه وسفرات سياحيه بروحهم

الله يهدي الجميع يارب



المخرج عااوز كده

[العقل المدمر]

لا المشكلة .... توها امطلعه الليسن واتسوق هدد او همر ...

انتحار متعمد !!!!!

لا ويناحسون صراحة .. ما تفتح لك الخط كلش

لازم يعطوهم دورات وردية في السواقة ..

طبعا البعض عشان محد يزعل


الشرهة عاللي شاري لها السيارة
هي توها متخرجة من الثنوية من وين لها فلوس

[العقل المدمر]

الله يرحم حريم قطر المحتشمات

المشكلة بنات اليوم تربية حريم الامس

[راجي الْعفو]

المشكلة بنات اليوم تربية حريم الامس

تربية حريم الامس اللي تغيروا مثل ما تغيروا بنات اليوم

ولكن المقصودين هم : الحريم المحتشمات اللي تمسكوا بدينهم و حياءهم و عاداتهم و تقاليدهم

[راجي الْعفو]

متى بيفهمون البنات الله يهداهم :

ان التكشف و التبرج و عدم الحياء

هو تشويه و تقبيح لها في نظر الرجال ، وألعوبة بين ايديهم

لا جمال !

[بانغ بانغ]

كنا انعيب امس على بعض الدول اللي حريمها ساقوا السيارات قبلنا .. لكن كانت لديهم ضوابط وقيم .. سواقة للشغل والمشاوير المهمة فقط ...

اما الحين ... بنات في سيارة اخر الليل ... ما حط في ذمتي يمكن رايحين عرس او طالعين من زيارة احد في المستشفى لكن اللي انشوفهم احيانا بالليل ... ما يوحي بذلك . غير عن الحركات والرقص وووو

مع خالص اسفي ... اعيد واكرر البعض او قلة منهن ..

اتوقع سواقة البنت للسيارة هالايام تم المبالغة فيها ... فما بالك بالرعونة والامسابق ...

الله يهديهن ..

[راجي الْعفو]

امين


شوف اخوي بانغ :

كونك تقول بحط ضوابط لقيادة المراة عندنا ، هاي انسى

لانك صعب تضبط مع طول الزمن ، والواقع خير شاهد

فالتقنين من الدولة كما كان معمول به في بادئ الامر هو الحل الحاسم لمثل هالمصخرة اللي انشوفها من البنات هالايام

[المخفي]

اقترح فتح ساحة لاستعراض البنات :shy:

[النهار]

خلنا نلطف الاجواء شويه
حتى العيايز قاموا ينحاسون الحين

http://store2.up-00.com/2015-08/1439375641961.jpg (http://www.up-00.com/)

ترى الصوره حقيقيه شفت فيديو وهي طايره تطوف المواتر

[الحياة الخالدة]

الجو لطيف و ظريف اخوي النهار .. ما يحتاج تلطفه
استمروا بارك الله فيكم
أكيد في النهاية بتجتثون المشكلة من جذورها

[بانغ بانغ]

خلنا نلطف الاجواء شويه
حتى العيايز قاموا ينحاسون الحين

http://store2.up-00.com/2015-08/1439375641961.jpg (http://www.up-00.com/)

ترى الصوره حقيقيه شفت فيديو وهي طايره تطوف المواتر

ههههه لا عز الله فلحنا ...

يوم اتجيك ام بطولة اتسوق هدد بعد ... هاي صارت فعلا ووايد ناس شافوها في سيلين .

[المخفي]

خلنا نلطف الاجواء شويه
حتى العيايز قاموا ينحاسون الحين

http://store2.up-00.com/2015-08/1439375641961.jpg (http://www.up-00.com/)

ترى الصوره حقيقيه شفت فيديو وهي طايره تطوف المواتر

هارلي و زنوبة ما تركب

[العلياا]

خلكم انتم احسن منا
وان شفتوا بنت تسابق والا عليها حركات تجنبوها (اسفهوها)

والله يهدي بناتنا :)

[الحياة الخالدة]

خلكم انتم احسن منا
وان شفتوا بنت تسابق والا عليها حركات تجنبوها (اسفهوها)

والله يهدي بناتنا :)

ههههههههه لا ما يقدرون .. تعرفين البنت تجبرهم يلحقونها .. صعب عليهم يقاومون
الله يهدي البنات بس .. مادري متى بيتسنعون .. شكلهم ما وراهم رجال .. لو عندهم رجال في بيوتهم ما وصلوا هالمواصيل

[العقل المدمر]

اقترح فتح ساحة لاستعراض البنات :shy:


لا مب شي خاصة بالبنات
يخلون الساحات مختلطة احسن
منها يقوون المنافسة
ومنها يوفقون روس بالحلال

[العقل المدمر]

خلكم انتم احسن منا
وان شفتوا بنت تسابق والا عليها حركات تجنبوها (اسفهوها)

والله يهدي بناتنا :)

الا اشردوا منها ترى العمر مرة :shy:

[الحياة الخالدة]

لا مب شي خاصة بالبنات
يخلون الساحات مختلطة احسن
منها يقوون المنافسة
ومنها يوفقون روس بالحلال

فكرة حلوة بعد عزيزتي
و بالتالي يقل عدد العوانس اللي شايلين همهم ليل نهار

[يمامـة]

ضاع الحيا وزادت قلة الادب !


الله المستعان

هذا ما كنت اقوله لاحداهن خلال هاليومين لما تناقشنا عن بعض البنات
وطريقة تعاملهم مع الامور في كل النواحي الحياتية..

نكشتف ان البنت افقدت الكثير من الادب والاحترام واعطت نفسها فوق طاقتها
بس علشان تثبت انها مثل الرجل..

بينما بحركاتها هذي تخلت عن حياءها..

المفروض مثل هالمواضيع توجه التوجيه الصحيح من كل انسان ضميره حي

فمثل هالمواضيع ما تنطرح علشان ندخل في سجال ما بين من هو اللي احسن من الثاني..
الشاب او او البنت في الشارع..
فعلشان نستفيد من مثل طرح هالمواضيع ياليت نشوف تفاعل في صلب الفكرة نفسها..

هل من الادب ان البنت تجاكر و تتسابق في الشارع؟
هل الهدف من الحصول على رخصة القيادة انها تكون نسخة مكررة من بعض الشباب الطائشين؟

هذا اللي نتمنى نوصل له.. بدل ما يتم تحويل الموضوع الى العادة المستمرة
واللي هي انتوا فيكم عيب يالشباب
فلا نتقدون البنات..

[العلياا]

ههههههههه لا ما يقدرون .. تعرفين البنت تجبرهم يلحقونها .. صعب عليهم يقاومون
الله يهدي البنات بس .. مادري متى بيتسنعون .. شكلهم ما وراهم رجال .. لو عندهم رجال في بيوتهم ما وصلوا هالمواصيل

ههههههه مب هنا البلا اذا البنات ما تسنعوا شبنسوي ؟؟
نقعد في بيوتنا والا بنسحب اللياسن من الشباب !! أكيد لا

ف الافضل حسسها ان تصرفها يخليك تتجنبها وماراح تعيدها
اما اذا كل شاب شاف له بنت ولحقها والا ناحسها بالعكس بيخليها تستمر


الا اشردوا منها ترى العمر مرة :shy:

هههههههههه أي والله مشكلة اذا اربكت بنت عادي تدخل فالعمود :rolleyes2:

[بريق الحق]

الله يصلح الحال
البعض انجبر انه يسوق لانه اشباه الرجال وراهم او مجبور انه يسوق لانه مجبور

[الحياة الخالدة]

الله يصلح الحال
البعض انجبر انه يسوق لانه اشباه الرجال وراهم او مجبور انه يسوق لانه مجبور

سجل عندك يا بريق :
لا للسايق
لا للسايقة
لا لسواقة الحريم

الذكر في البيت غير متفرغ لا لتوصيل نساء البيت ولا لشراء مستلزمات البيت

و ندور في نفس السوالف في حلقة مفرغة لا لها أول ولا تالي

بس ان شاء الله هالموضوع بيلقى الحل السحري

[بانغ بانغ]

مسألة ضوابط وقناعة ليس الا .

الموضوع عن الرعونة والامسابق مش عن منع السواقة

[شبح الصمت]

مش غلط انه الوحده تسوق للحاجة الملحه والضرورية

وفي اوقات معينة
وفي حالات المستشفى وفي حالات الضرورة القصوى ..


اما على حل شعرها كل وقت وكل مكان تندعس وفي توالي الليل تعس هنا وهنا وتدج يمين يسار وتغلغص نفسها بين الشباب وفي الاماكن الي يكثر فيها القيل والقال ..

فهالشيء طبعاً غلط ..

وبخصوص الحياء ترى الحياءءءءء ضاااع عند بعض البنات صارت عادي ولا تفتكر


وقسم بالله انه بعضهم ولا يفتكرون في اطلق شنب لا يهمها ابو والا اخو والا خال ولا عم ..


وتفتخر في نفسها ..

الله يستر على اهالينا وعلى من بغت الستر ويهدي من سول لها الشيطان واغواها ..


ولا حول ولا قوة الا بالله

[الحياة الخالدة]

مسابق وشيشه وسفرات سياحيه بروحهم

الله يهدي الجميع يارب


الله يرحم حريم قطر المحتشمات




فائدة ذات صلة:

[ عفّة النساء وتقواهن و قرارهن بالبيوت ]

قال ابن العربي رحمه الله :


" لقد دخلت نيفا على ألف قرية فما رأيت نساء أصون عيالا ولا أعف نساء من نساء نابلس ، التي رمي بها الخليل صلى الله عليه وسلم بالنار ، فإني أقمت فيها فما رأيت امرأة في طريق نهارا إلا يوم الجمعة فإنهن يخرجن إليها حتى يمتلئ المسجد منهن ، فإذا قضيت الصلاة وانقلبن إلى منازلهن لم تقع عيني على واحدة منهن إلى الجمعة الأخرى .


وقد رأيت بالمسجد الأقصى عفائف ما خرجن من معتكفهن حتى استشهدن فيه".






يقول الشاعر:


لا خيرَ في حُسْنِ الفتاةِ وعلمِهَا
إن كان في غير الصلاح رضاؤُها


فجمالُها وقفٌ عليها إنَّما
للناس منها دينُها (وحياؤها)


متى بيفهمون البنات الله يهداهم :

ان التكشف و التبرج و عدم الحياء

هو تشويه و تقبيح لها في نظر الرجال ، وألعوبة بين ايديهم

لا جمال !


كنا انعيب امس على بعض الدول اللي حريمها ساقوا السيارات قبلنا .. لكن كانت لديهم ضوابط وقيم .. سواقة للشغل والمشاوير المهمة فقط ...

اما الحين ... بنات في سيارة اخر الليل ... ما حط في ذمتي يمكن رايحين عرس او طالعين من زيارة احد في المستشفى لكن اللي انشوفهم احيانا بالليل ... ما يوحي بذلك . غير عن الحركات والرقص وووو

مع خالص اسفي ... اعيد واكرر البعض او قلة منهن ..

اتوقع سواقة البنت للسيارة هالايام تم المبالغة فيها ... فما بالك بالرعونة والامسابق ...

الله يهديهن ..


امين


شوف اخوي بانغ :

كونك تقول بحط ضوابط لقيادة المراة عندنا ، هاي انسى

لانك صعب تضبط مع طول الزمن ، والواقع خير شاهد

فالتقنين من الدولة كما كان معمول به في بادئ الامر هو الحل الحاسم لمثل هالمصخرة اللي انشوفها من البنات هالايام


خلنا نلطف الاجواء شويه
حتى العيايز قاموا ينحاسون الحين

http://store2.up-00.com/2015-08/1439375641961.jpg (http://www.up-00.com/)

ترى الصوره حقيقيه شفت فيديو وهي طايره تطوف المواتر


مسألة ضوابط وقناعة ليس الا .

الموضوع عن الرعونة والامسابق مش عن منع السواقة

شكراً على التذكير بهدف الموضوع اللي ما جا غير بعد تعليقاتي

[الحياة الخالدة]

مش غلط انه الوحده تسوق للحاجة الملحه والضرورية

وفي اوقات معينة
وفي حالات المستشفى وفي حالات الضرورة القصوى ..


اما على حل شعرها كل وقت وكل مكان تندعس وفي توالي الليل تعس هنا وهنا وتدج يمين يسار وتغلغص نفسها بين الشباب وفي الاماكن الي يكثر فيها القيل والقال ..

فهالشيء طبعاً غلط ..

وبخصوص الحياء ترى الحياءءءءء ضاااع عند بعض البنات صارت عادي ولا تفتكر


وقسم بالله انه بعضهم ولا يفتكرون في اطلق شنب لا يهمها ابو والا اخو والا خال ولا عم ..


وتفتخر في نفسها ..

الله يستر على اهالينا وعلى من بغت الستر ويهدي من سول لها الشيطان واغواها ..


ولا حول ولا قوة الا بالله

و شلون بتقدرون تعرفون اللي طالعين لحاجة و اللي من غير حاجة
يكتبون اعلان بالخط العريض في مقدمة السيارة أو بالخلف مثلاً ؟؟

[حسن]

المخرج عااوز كده

مافي مخرج ولا بطيخ من انفسهم

الصراحه الردود تضحك وتموت في زمن الرطوبه

انا اقول البيئه تعلب دور في ذالك وفي ضل الفوضى اللي نعيشها بنسبه لا باس بها
فااكيد بتسسير هذه الامور سواء ذكر او انثى
عني انا احيانا اسوق سواقه ولا رالي دكار شاسوي غصب اشرد من هل البلشتيه
مع العلم اني سواق محترف درجه اولا بلاس 1
ولا اناحس سمح اطوف اللي يدخل من اليمين كلهم ولا اعصب تعلمت
هذا من المانيا الناس هناك متسامحين رقم فقرهم
اتوقع ضهور المرزم له دور في ذالك

باقي ايام ويفارق سهيل ويبيبرد ماي الولف

:)


البلشتيه المقصود فيها كل مستخدمي الطريق بالجنسيات المختلفه وذكر ام انثى

[JN000N]

خخخخ شدخل النعومه والرقه والدلع ف السواقه
اصلا من تقعد ورا السكان خلاص تنسى هالامور لين توصل :)

[JN000N]

و شلون بتقدرون تعرفون اللي طالعين لحاجة و اللي من غير حاجة
يكتبون اعلان بالخط العريض في مقدمة السيارة أو بالخلف مثلاً ؟؟

اي خل تكتب لا تلحقني مخطوبه :funny:

[بانغ بانغ]

بعض الحلول

- توعية البنات بمخاطر التجاوز والتزرق والرعونة مما يؤدي لحوادث خطيرة عن طريق دورة متخصصة في سواقة الحريم وتعطي الدورة امرأة

- في حال ضبط اي بنت مخالفة تعرقل السير مثلا تسوق بطريقة خطيرة او تمشي 40 على الخط السريع سحب الليسن أسبوع

- تشجيع البنات بعدم تجاوز سرعة معينة وان تلزم الجانب الأيمن

[العقل المدمر]

بعض الحلول

- توعية البنات بمخاطر التجاوز والتزرق والرعونة مما يؤدي لحوادث خطيرة عن طريق دورة متخصصة في سواقة الحريم وتعطي الدورة امرأة

- في حال ضبط اي بنت مخالفة تعرقل السير مثلا تسوق بطريقة خطيرة او تمشي 40 على الخط السريع سحب الليسن أسبوع

- تشجيع البنات بعدم تجاوز سرعة معينة وان تلزم الجانب الأيمن

هاذي اخطاء مشتركة بين الجنسين
ليش مسكت البنات مع انهم اقلية وخليت الشباب المتهورين وهم الغالبية ؟

[بانغ بانغ]

هاذي اخطاء مشتركة بين الجنسين
ليش مسكت البنات مع انهم اقلية وخليت الشباب المتهورين وهم الغالبية ؟

لا طبعا الاثنين ايغلطون بس القصد ان بعض الخوات من الربكة ايشيرون في الشارع وهذا ليس انتقاصا فيهم بس نوع من التوعية

مثلا لو واحد امكبس ووراه شي عاجل ،،، صدقيني ولا بنت بتوخر من الربكة

[الحياة الخالدة]

اي خل تكتب لا تلحقني مخطوبه :funny:

لا لا .. بعدين ينتقدونها لأنها تطلع خصوصياتها
تكتب عذراً عندي حالة طارئة و ولي أمري غائب لظروف خاصة قاهرة
لازم تكتب كل شي بوضوح عشان محد يفهمها غلط
و يا حبذا باللون الفوسفوري

[النهار]

اي خل تكتب لا تلحقني مخطوبه :funny:

هههههههههههههههههههه

واذا مهب مخطوبه :nice:

[الحياة الخالدة]

هاذي اخطاء مشتركة بين الجنسين
ليش مسكت البنات مع انهم اقلية وخليت الشباب المتهورين وهم الغالبية ؟

استغفري ربج .. الشباب مستحيل يغلطون .. كلهم محترفين

[الحياة الخالدة]

هههههههههههههههههههه

واذا مهب مخطوبه :nice:

بعد تكتب
يمكن الله يكتب لها نصيب
بعد مب عدلة تقعد جذي مالها والي

[حليتان*]

هههههه عادي

انا مره ناطر واحد يطلع من الموقف ولما كنت بصف قدمت اني باصف بالريوس جات وحده وصفت مكاني يوم نزلت الجامه الا تقولي انت ريال دور لك موقف :eek5:

ومره كنت توني مطلع الموتر من تجيكة الاف كيلو الا وحده متجاوزه يمين عند اشارات الغرافه وتلف علي وتزلغ موتري :eek5:

[بانغ بانغ]

هههههه عادي

انا مره ناطر واحد يطلع من الموقف ولما كنت بصف قدمت اني باصف بالريوس جات وحده وصفت مكاني يوم نزلت الجامه الا تقولي انت ريال دور لك موقف :eek5:

ومره كنت توني مطلع الموتر من تجيكة الاف كيلو الا وحده متجاوزه يمين عند اشارات الغرافه وتلف علي وتزلغ موتري :eek5:

شفت عاد ،

مأجور ان شاء الله ، وعساها صلحت موترك

[بنت شرق]

بعض الحلول

- توعية البنات بمخاطر التجاوز والتزرق والرعونة مما يؤدي لحوادث خطيرة عن طريق دورة متخصصة في سواقة الحريم وتعطي الدورة امرأة

- في حال ضبط اي بنت مخالفة تعرقل السير مثلا تسوق بطريقة خطيرة او تمشي 40 على الخط السريع سحب الليسن أسبوع

- تشجيع البنات بعدم تجاوز سرعة معينة وان تلزم الجانب الأيمن
ممكن وزارة الداخلية تتبنى مثل هالحملات اقتراح موفق ،، بس حاليا الكل يناحس حتى الهنود

[النهار]

هههههه عادي

انا مره ناطر واحد يطلع من الموقف ولما كنت بصف قدمت اني باصف بالريوس جات وحده وصفت مكاني يوم نزلت الجامه الا تقولي انت ريال دور لك موقف :eek5:

ومره كنت توني مطلع الموتر من تجيكة الاف كيلو الا وحده متجاوزه يمين عند اشارات الغرافه وتلف علي وتزلغ موتري :eek5:

انا اكثر من مره تصدق امافوا مره عند المعصره وحد حفصت علي وقالت مالت عليك هههههههههه
تبي تصف مكاني غصب
قالت يالاخو بتحرك قلت لا مبلط وبس

[بانغ بانغ]

تنويه /////

أنا قلت البنات ما قلت القطريات

تنويه اخر /////

هكذا الكلام ينطبق على الأجنبيات ايضا يعني بعض الجنسيات اللي ولا عمرهم اركبوا سيكل ،،، اهني تركب كروزر

عشان محد يزعل بس

[عزووز قطر]

والله السواقة عندنا في قطر صفررررر لا من شباب ولا بنات
كل واحد لاهي بجواله ويلفلف على خلق الله

[JN000N]

لا لا .. بعدين ينتقدونها لأنها تطلع خصوصياتها
تكتب عذراً عندي حالة طارئة و ولي أمري غائب لظروف خاصة قاهرة
لازم تكتب كل شي بوضوح عشان محد يفهمها غلط
و يا حبذا باللون الفوسفوري

حلو ليش لا
وتحط لهم اضاءات ملونه

[JN000N]

هههههههههههههههههههه

واذا مهب مخطوبه :nice:

خل تكتب عانس رايحه ادور ريل
عشان الي يشجعون تقليل نسبة العنوسه يساعدونها :shy:

[حليتان*]

شفت عاد ،

مأجور ان شاء الله ، وعساها صلحت موترك

ركبت صدام فيبر ونزلت الصدام عند يحيوه يصلحه وليحن ماخذته من سنه يمكن ههههه

[حليتان*]

انا اكثر من مره تصدق امافوا مره عند المعصره وحد حفصت علي وقالت مالت عليك هههههههههه
تبي تصف مكاني غصب
قالت يالاخو بتحرك قلت لا مبلط وبس

امااا قالت مالت عليك

بس لاحظ اكثر شي الي مستقلعات فالشوارع تحصلهم بويات للامانه


ترا ليحن في بنات مساكين اذا دعمت تقعد تصيح

[المخفي]

مين صيحهم المجرم :rolleyes:

[الحياة الخالدة]

انا اكثر من مره تصدق امافوا مره عند المعصره وحد حفصت علي وقالت مالت عليك هههههههههه
تبي تصف مكاني غصب
قالت يالاخو بتحرك قلت لا مبلط وبس

[QUOTE=amaf535;10171562]ركبت صدام فيبر ونزلت الصدام عند يحيوه يصلحه وليحن ماخذته من سنه يمكن ههههه[/QUOTE

حراااااام مساكين كسرتوا خاطري
عندكم كلينكس حق الدموع والا اعطيكم

[الحياة الخالدة]

حلو ليش لا
وتحط لهم اضاءات ملونه

انا اقترح درجات الوردي .. خبرج بنات لازم اللون وردي عشان ما يتشبهون بالاولاد

[JN000N]

انا اقترح درجات الوردي .. خبرج بنات لازم اللون وردي عشان ما يتشبهون بالاولاد

لا اللون الوردي يسوي اغراءات لبعض الشباب :)
افضل لون اسود
ليتات سوده عشان ماتشغل ابليس عليهم

[Qtr37]

نعم هناك تهور في السواقه من قبل البنات والرجال بعد
وذكرت في موضوعين سابقين ان اكثر سبب اشوفه يخلي الواحد/ه يسوق برعونه هو ضغط الحياه والعمل والزحمه والحر ،،، تعبنا واحنا في السياره لوقت طويل لمشاوير ما تاخذ وقت كبير او للدوام او موعد مستشفى ... الخ
خاصه لو كان بشكل شبه يومي
واللي صج احس يبي لهم مخالفه هم البطيئيين اكثر من المسرعين،،، بما ان في مجال امشي اسرع واوصل اسرع واختصر الوقت والجهد وكل شي ، والشارع قدامك فاضي ، ارحمنا ارجوك وخل الناس تمشي ><
طول السنه واحنا في زحمة وهالايام الحمدلله الشوارع هاديه لكن لابد من وجود من يعكر صفوك وانت تحاول تستمع بالقياده !!!

[بانغ بانغ]

تنويه ///

يرجى عدم تسييس الموضوع

عودة للموضوع ... ممكن مخالفة من يتسبب في الحوادث مثل الانشغال بالجوال والمكياج والايباد وووووو وسحب الليسن شهر

[الحياة الخالدة]

لا اللون الوردي يسوي اغراءات لبعض الشباب :)
افضل لون اسود
ليتات سوده عشان ماتشغل ابليس عليهم

لون أسود ما يبين في الليل
و البنات كل طلعاتهم و رعونتهم تالي الليل
خليهم ألوان قوس قزح عشان محد يزعل

[العقل المدمر]

استغفري ربج .. الشباب مستحيل يغلطون .. كلهم محترفين


اللهم اغفر لي سوء ظني بشبابنا اللطيفين المنزهين اللي ما يستاهلون اللي نسويه فيهم :eek5:

[بانغ بانغ]

اللهم اغفر لي سوء ظني بشبابنا اللطيفين المنزهين اللي ما يستاهلون اللي نسويه فيهم :eek5:

الله يجزيك خير وامسامحينكم

[العقل المدمر]

الله يجزيك خير وامسامحينكم

الحمد لله مشكورين وايد وجزاكم ربي كل خير
ولو اني ماستاهل تسامحوني عقب اللي قلته
لكن معروفين بقلوبكم الطيبة الله يخليكم لنا ويحميكم منا

[R 7 A L]

والله اللوم على الاخوة في المرور ماشوف اي تشديد للمخالفين
تعال امريكا حرك سيارتك والليتات طافيه بس شف وش بيسون والله ان تكره عمرك
هنا يمر المخالف جمب المرور وعادي كنه واحد من الربع

[بانغ بانغ]

والله اللوم على الاخوة في المرور ماشوف اي تشديد للمخالفين
تعال امريكا حرك سيارتك والليتات طافيه بس شف وش بيسون والله ان تكره عمرك
هنا يمر المخالف جمب المرور وعادي كنه واحد من الربع

صدقني بس ايخالفونا احنا مساكين اما طويلات العمر .... ولا حد ايخالفهن ... هذا توقعي

[R 7 A L]

صدقني بس ايخالفونا احنا مساكين اما طويلات العمر .... ولا حد ايخالفهن ... هذا توقعي

المفروض القانون على الجميع والمفروض الكل يتخالف
اتمنى اشوف رجال المرور ضاربين خد المخالف/ة على بانه سيارته ومكلبشينه

[الحياة الخالدة]

صدقني بس ايخالفونا احنا مساكين اما طويلات العمر .... ولا حد ايخالفهن ... هذا توقعي
و منا إلى إدارة المرور
هذا مواطن يتوقع انكم تحابون الحريم و ما تعطون مخالفات الا للرجال

[حليتان*]

صدقني بس ايخالفونا احنا مساكين اما طويلات العمر .... ولا حد ايخالفهن ... هذا توقعي

هم مركزين علينا احنا

يعني ع الجيات والجموس والسبورت اذا شافو كاب او غتره وعقال يعني شكل الي فالموتر يوحي انه شاب قطري دااايركت يدقق على كل شي ويصير تركيزه 200% واذا ما حصل شي فالموتر يوقفك ويدنع تحت الموتر يشوف الدبه :rolleyes2:

[الحياة الخالدة]

هم مركزين علينا احنا

يعني ع الجيات والجموس والسبورت اذا شافو كاب او غتره وعقال يعني شكل الي فالموتر يوحي انه شاب قطري دااايركت يدقق على كل شي ويصير تركيزه 200% واذا ما حصل شي فالموتر يوقفك ويدنع تحت الموتر يشوف الدبه :rolleyes2:

اهاااااا
انا عندي لكم حل ما يخرش الميَّه
تتنكرون بلبس حريم .. ساعتها محد بيكلمكم

[النهار]

اهاااااا
انا عندي لكم حل ما يخرش الميَّه
تتنكرون بلبس حريم .. ساعتها محد بيكلمكم

حلج يودي في داهيه انا صادوه يروح وطي هههههههههههه

[العقل المدمر]

هم مركزين علينا احنا

يعني ع الجيات والجموس والسبورت اذا شافو كاب او غتره وعقال يعني شكل الي فالموتر يوحي انه شاب قطري دااايركت يدقق على كل شي ويصير تركيزه 200% واذا ما حصل شي فالموتر يوقفك ويدنع تحت الموتر يشوف الدبه :rolleyes2:

عارفين منو ساس البلا :shy:

[حليتان*]

اهاااااا
انا عندي لكم حل ما يخرش الميَّه
تتنكرون بلبس حريم .. ساعتها محد بيكلمكم

هاي فيها قضية ثانيه هههههه خلنا ع المخالفات ابرك

[حليتان*]

عارفين منو ساس البلا :shy:

انتي بعد من

[الحياة الخالدة]

حلج يودي في داهيه انا صادوه يروح وطي هههههههههههه

هذا المطلوب انزين

[بانغ بانغ]

شباب عودة للموضوع المهم جدا ....

اتمنى من المرور ردع هالتجاوزات لانكم بتتذكرون كلامي عدل ... طبعا لو ما انحذف الموضوع بكره ..... بتجينا مناسبة عزيزة بعد كم شهر ... اليوم الوطني ... ولازم التوعية اتم من احين .... كان زين المرور ايشوفون هالموضوع جد

بتصير مسيرات وسرعة وتجاوزات ووو

الله يهدي الجميع ... وان شاء الله اتم دولتنا الحبيبة بدون مخالفات وتجاوزات من الجنسين

[العقل المدمر]

انتي بعد من

لو بس انا هانت جان اعدموني وافتكوا
بس المصيبة كل الحريم من كل الجنسيات والاعمار مثلي
طبعا الا القلة القليلة جدا والشبه معدومة
مثل اهلكم انتوا يا اعضاء المنتدى :shy:

[الحياة الخالدة]

متأكد تبي المرور يشوفون هالموضوع ؟؟
من شوي تقول انهم يخالفون الرجال و ما يخالفون الحريم

[بانغ بانغ]

متأكد تبي المرور يشوفون هالموضوع ؟؟
من شوي تقول انهم يخالفون الرجال و ما يخالفون الحريم


والله اتخرعين مشرفتنا

[الحياة الخالدة]

والله اتخرعين مشرفتنا

انا ما يبت شي من عندي .. هذا كلامك :secret: