افتتاح مشروع جديد

[pink pearl]

السلام عليكم ورحمة الله وبركاته

حابة افتح مشروع خاص بالأطفال بفكرة جديدة، طلعت لي سجل تجاري واخترت الاسم، الحين تقترحون افتح محل في مجمع تجاري ولا أأجر لي فلة ؟؟

أنا عندي الاستعداد من الناحية المادية لكن ودي استشير أحد عنده خبرة، كيف أبدا المشروع واشلون أجيب العاملين المتخصصين في شي معين..

أي فكرة أو اقتراح مرحب فيه، وجزاكم الله خير

[pink pearl]

رفع رفع

[البرونزي]

ياليت توضح اكثر حتى نقدر نفيدك بخصوص نوع المشروع
مثلا حلاق اطفال له فكرته وطرق الجذب ومحل الالعاب له فكرته وطرق الجذب الخ ،،،
لو تحدد فكره بتختصر عليك وعلينا الموضوووع
وبالتوفيق ان شاء الله

[بصمة قطرية]

أعتقد مجمع أفضل ..
و بالنسبة للفكرة :
ممكن حلاق بطريقة مبتكرة مثل ما قال أخوي البرونزي ..
و لا محل ملابس تنكرية و شخصيات الأطفال المحببة ..
أو محل تكون فكرته خاصه بحفلات الأطفال لأي مناسبة
يعني ..
تجهيز صحون و بالونات وباقي اشياء الحفلة بإسم الطفل ..

الله يوفقج ..

[بعيد النظر]

العمال ..

اعلان بلغتين .. عن المشروع ..
ومطلوبين هل الاختصاص .. ويرسلون ال cv
على الايميل .. وبتوصلج كمية كبيييرة !


وموفقة

[دايموند]

السجل التجاري الي عندج شنو نشاطه؟

[pink pearl]

رفع رفع


ياليت توضح اكثر حتى نقدر نفيدك بخصوص نوع المشروع
مثلا حلاق اطفال له فكرته وطرق الجذب ومحل الالعاب له فكرته وطرق الجذب الخ ،،،
لو تحدد فكره بتختصر عليك وعلينا الموضوووع
وبالتوفيق ان شاء الله

المشروع عبارة عن مستلزمات للأطفال، فساتين خياطة محلية، جلابيات، ملابس تنكرية، دقلات للأطفال، بس متخوفة شوي ويارب تتسهل الأمور




أعتقد مجمع أفضل ..
و بالنسبة للفكرة :
ممكن حلاق بطريقة مبتكرة مثل ما قال أخوي البرونزي ..
و لا محل ملابس تنكرية و شخصيات الأطفال المحببة ..
أو محل تكون فكرته خاصه بحفلات الأطفال لأي مناسبة
يعني ..
تجهيز صحون و بالونات وباقي اشياء الحفلة بإسم الطفل ..

الله يوفقج ..

هو فعلا مشروعي متخصص للأطفال من الولادة لعمر 10 سنوات، ملابس، فساتين ، جلابيات ، ملابس حيوانات وللحين قاعدة أطور من الأفكار




العمال ..

اعلان بلغتين .. عن المشروع ..
ومطلوبين هل الاختصاص .. ويرسلون ال cv
على الايميل .. وبتوصلج كمية كبيييرة !
وموفقة

جزاك الله خير، عاد وين أحط الإعلان ولا الأفضل أروح المكتب يجيب لي خياطين فلبينين زينين لأن أغلب شغل المشروع محصور في الخياطة



السجل التجاري الي عندج شنو نشاطه؟

نشاطي مستلزمات أطفال...



جزاكم الله خير جميعا، فعلا قاعدة تقريباً فوق السنة أخطط، وضفت أفكار، لأني آبي يكون المشروع مميز، ويكون إضافة جديدة للسوق المحلي..

وإن شاء الله يكون المشروع مشروع قطري مميز يارب

[مـراحـب]

الله يوفقك

عندك خيااييط ، ، سويتي لوقو ، ، ، راسليني على الخاص

[حليتان*]

شوفي اي مشروع يخص الاطفال بيكون ناجح باذن الله بس يكون فمكان صح واشوف محل فنجمع افضل لج او يقدم خدمات تخلي الناس تتعنا له اذا كان موقعه مب ذاك الزود !

وانصحج اذا محل ملابس تختارين اسم حلو وخفيف وتفتحين لج حساب فالانستقرام مثلا وبعدين اذا حصلتي اقبال ع الحساب تسوين لج ابلكيشن

[دايموند]

خليها ملابس اطفال جاهزه وخياطه وجزء من المحل بيعي فيه اكسسوارات الاطفال والعابهم
يعني نفس الراشدي وسوي مساحه صغيره لاستضافه الاطفال اوحطي فيها العاب مثل الي في الستي ستي سنتر وازادان مول وبقيه المولات مادري اذا فهمتي الي اقصده؟
علشان الام لما تتسوق تاخذ راحتها وتخلي طفلها مع الخدلمه في هالمساحه الالعاب

[aloosh]

وضيفي عليها فنايل انديه المشهوره
سوقها ماشي

[الســيل]

وبخصوص العماله

حطي علي موقع Qatar living

وبتجيج السي فيات واختاري علي حسب الخبرة واللي يتطلب للمجال

[king2115]

وإذا احتجتي للمشروع (خياطة) يوجد عندي خياطة.. الله يوفقك

[pink pearl]

الله يوفقك

عندك خيااييط ، ، سويتي لوقو ، ، ، راسليني على الخاص

إن شاء الله اللوقو في مرحلة التصميم




شوفي اي مشروع يخص الاطفال بيكون ناجح باذن الله بس يكون فمكان صح واشوف محل فنجمع افضل لج او يقدم خدمات تخلي الناس تتعنا له اذا كان موقعه مب ذاك الزود !
وانصحج اذا محل ملابس تختارين اسم حلو وخفيف وتفتحين لج حساب فالانستقرام مثلا وبعدين اذا حصلتي اقبال ع الحساب تسوين لج ابلكيشن

جزاك الله خير بس مافهمت شنو ابليكيشن ؟





خليها ملابس اطفال جاهزه وخياطه وجزء من المحل بيعي فيه اكسسوارات الاطفال والعابهم
يعني نفس الراشدي وسوي مساحه صغيره لاستضافه الاطفال اوحطي فيها العاب مثل الي في الستي ستي سنتر وازادان مول وبقيه المولات مادري اذا فهمتي الي اقصده؟
علشان الام لما تتسوق تاخذ راحتها وتخلي طفلها مع الخدلمه في هالمساحه الالعاب

والله يا دايموند الأفكار موجودة وحاضرة وفكرتج جداً ممتازة،لكن شوفي الأسعار الخيالية اللي في المجمعات إيجاراتهم وايد غالية ، رحت المعارض الآي مدتها 6 أيام البوث 3في3 سعرها ب22 ألف !!!!! يعني الواحد توه في بداياته ومتحمس إنه يضيف أشياء جديد للسوق ، ينصدم بهالأسعار، وبعدين يلومون ليش تاجرات المعارض يغلون بالأسعار، هي بس تبي يرجع لها سعر إيجار مع ربح بسيط إن توفر، بس جد والله وين أقدر أروح علشان يراعونا في أسعار المعارض ، أو على الأقل يدعمونا لين ما تتيسر الأمور وافتح محل؟

[pink pearl]

وضيفي عليها فنايل انديه المشهوره
سوقها ماشي

فكرة حلوة، جزاك الله خير ضفتها عندي ��




وبخصوص العماله

حطي علي موقع Qatar living

وبتجيج السي فيات واختاري علي حسب الخبرة واللي يتطلب للمجال

إن شاء الله أدرس هالموقع، ولو إني أشك في مصداقية هالمواقع



وإذا احتجتي للمشروع (خياطة) يوجد عندي خياطة.. الله يوفقك

اي والله ياريت ، جزاك الله خير

[pink pearl]

جزاكم الله خير جميعا كل اللي أرسلوا لي وأعطوني أفكار بالرسائل الخاصة في ميزان حسناتكم

وان شاء الله يكون هذا المشروع عند حسن ظن الجميع

[بعيد النظر]

فالجرايد الانجليزية اللي في قطر ..
سوقها ماشي لابعد حد في هالامور ..

اما المكاتب .. فـ المصداقية للاسف معدومة ..

[pink pearl]

فالجرايد الانجليزية اللي في قطر ..
سوقها ماشي لابعد حد في هالامور ..

اما المكاتب .. فـ المصداقية للاسف معدومة ..

مافهمت . ؟ قصدك العمالة ؟

[بعيد النظر]

اي نعم

[خزامئ]

الله يوفقش
مهما كان المشروع حق الاطفال
بيكون افضل انه في مجمع بيكون اسهل واحب للاهل

[qatar.syria]

براي قبل ايجار الفيلا او المجمع
انطلقي اون لاين فقط يعني على انستغرام وتويتر وفيسبوك وواتس اب وبعد عدة اشهر تستاجري في مكان