استفسار عن ؟؟؟؟

[سعود.]

بيب المكيف الي بسطح .
ناوي أستغل المساحة في السطح واخلي جميع المكيفات بسور السطح . على اساس اكسب مساحه ويكون منظرها افضل واقدر اركب مظلات صغيرة فوق المكيفات لحمايتها من الشمس .

المقاول يقول ان بيبات النحاسية الخاصة بغاز المكيف لا تنثني !!!
وانة لازم تكون مستقيمة من المكيف الى وحدة التبريد العلوية !!!

السؤال الأول : احد جرب يغير مكان المكيف الي بسطح ؟؟؟

السوال الثاني : احد فهمني :waiting::(:(:(:(

[معماري قطري]

باجاوبك على السؤالين

الثاني ايه فهمت شتقصد والأول لو البايب ظاهر طويل بيكون حنيه بخفة بدون ما ينكسر سهل بس بيكون مشوه منظر السطح ومعرقل .. المشكلة الثانية اللي بتواجهك هي قرب المكيف من سور السطح ممكن ما يسهل حركة الهواء حوله وطرد حرارة الكمبريسر .. انا حركت مكيف مسافة لأن عندي مكان خليته فاضي بس حظي كانت فتحة دخول البايب قريبة من جدار السقف ومشينا البايب في تغليف بلاستيك.

شريت بلايوود المارين بلايوود القوي وركبته على خشب مربع واستوى مثل الطاولة يظلل المكيفات .. بس فترة وبدأ الخشب القوي يهتري .. واحد يشتغل في شركة تكييف نصحني قبل بعمل غرف من الطابوق مغطاة بحديد في زوايا السقف وفي مناطق حولها .. والغرفة ذي لازم نركب لها مروحة شفط قوية .. أو مروحتين أو 3 يشتغلون بالتناوب بمؤقت لسحب الحرارة .. وهذا الوضع يستوي في بعض الفنادق يسوون غرف خاصة في كل دور ولها مراوح شفط تسحب الهواء للخارج .. وميزة سهولة صيانتها موجودة وفي غرفة صغيرة من ضمن غرف البيت أو في غرف صغيرة حتى ممكن تنفتح من أعلى مثل الصندوق.

شوف الدكتور مهندس تكييف يوسف في شركة جنرال هذا فاهم وبيفيدك .. انا شفت تظليل بسيط للبيت المستخدم ككنيسة في فريج السودان .. على الشارع العام يبين واضح وانت رايح للدوحة.

[سعود.]

جزاك الله خير اخوي معماري .

الحنية بمسافة تقريبآ 3 الى 4 امتار وبسوي دفان حق البيب ؟؟؟؟

اتوكل واسويها ولا !!!!

[معماري قطري]

والله صعب اجاوبك اتخيل الوضع ناوي تحنيه تقريباً بزاوية 90 درجة وتخفيه وهذا صعب لكن مختصين التكييف يفيدونك .. وممكن بلحام البيب النحاسي .. انا شفتهم يلحمون توصيلات داخل لتركيب المكيفات وتشتغل زين احتمال يقدرون يسونها فوق السطح بس اسئل حد مختص.

الدفان ما انصحك به لأًنه لو حصل خراب تغييره شغلة .. هو تلفه بخيش مغطس في جبس أو بالعازل اللي يجي مخصص له وتيب زيادة فوقه وتقدر تضاعف العزل بخيش وجبس وتخليه ممرر في دكتب بلاستيك .. تغطية المكيفات بتظليلهم بظلال خارجي بالحديد أو الألمنيوم أفضل فكرتي ما كانت ناجحة وان شاء الله ان رجعت اصورها للكل

[بو راشد 1]

اخوي، انا عندي مكيف، طلع بيب النحاس في منتصف السطح، اظطررت ان احنية و ابلط فوقة عشان ارحل الوحدة الخارجية على جنب، والسبب في ذلك ان عندي جلسة في السطح، ولو مخلية في مكانه كان بيدف الهواء الحار علينا، غير شكلة الشاذ في نص الجلسة. انا أويد معماري قطري، حاول تتفادى هذا الحل، لان اذا صارت عندي مشكلة، ما لي الا تكسير البلاط.

[مواقف النجادة]

السلام عليكم ..

ماعندك مشكلة في و ضع المكيفات بجانب السور لاستغلال المساحات ..بشرط تكون بعيدة عن السور من ثلاين الى خمسين سنتمتر (حسب الشركة) وذلك للسماح بخروج الهواء .. و لكن هناك مشكلتان:

- اقصى طول لبايبات النحاس .. كل شركة مكيفات عندها حد اقصى مسموح لطول بايبات النحاس اذا زاد عنه يوثر على التبريد لازم تسال عنه ..
- الصالات التي في و سط البيت و اللي ما تطل على السور.. هذي انت مضطر انك تحط مكيفاتها في وسط السطح و انصحك انك تجمعها قريبة من بعض و ما تنثرها (كحل وسط).

و نصيحتي لك انك تاخذ خرايط البيت و تروح الشركة اللي ناوي تشتري منها المكيفات و تاخذ منهم نصايحهم و شروطهم ثم تعرضها على الاستشاري اللي صمم لك البيت و تشوفون حلول وسط لرغباتك و متطلبات التصميم الانشائي.

[معماري قطري]

اخوي، انا عندي مكيف، طلع بيب النحاس في منتصف السطح، اظطررت ان احنية و ابلط فوقة عشان ارحل الوحدة الخارجية على جنب، والسبب في ذلك ان عندي جلسة في السطح، ولو مخلية في مكانه كان بيدف الهواء الحار علينا، غير شكلة الشاذ في نص الجلسة. انا أويد معماري قطري، حاول تتفادى هذا الحل، لان اذا صارت عندي مشكلة، ما لي الا تكسير البلاط.

إِذا بايب واحد وملحوم زين ومعزول عدل عن الحرارة بيكون التبليط فوقه حل مناسب .. واحتياط تخلي بلاط اضافي لوقت التكسير لو احتديت عليه وما قصرت اخوي بو راشد أفدتنا بتجربتك انا كنت خايف التبريد يكون ضعيف.

[معماري قطري]

البيوت في الولايات الحارة في أمريكا كلها أشوف تمديداتها من الخارج لداخل البيت خلال دكت والوحدات الخارجية تكون على الأرض وحولها زراعة .. الوحدة الداخلية تكون في تجويف في الحائط واقفة وبسهولة تبين ونقدر نصينها بفتح باب ألمنيوم أو خشب .. ومنها طالعة الدكتات المعزولة في السقف لكل غرفة .. والسطح في العادة أسقف مايلة ولا عليها شيء.

عندنا في ارتداد بيوتنا 3 أمتار ولا مترين كفاية نقدر نحط هذي الوحدات ونمدد لها تحت الأرض .. شرايكم؟

[سعود.]

اشكركم جميعآ على الردود القيمة

[سعود.]

البيوت في الولايات الحارة في أمريكا كلها أشوف تمديداتها من الخارج لداخل البيت خلال دكت والوحدات الخارجية تكون على الأرض وحولها زراعة .. الوحدة الداخلية تكون في تجويف في الحائط واقفة وبسهولة تبين ونقدر نصينها بفتح باب ألمنيوم أو خشب .. ومنها طالعة الدكتات المعزولة في السقف لكل غرفة .. والسطح في العادة أسقف مايلة ولا عليها شيء.

عندنا في ارتداد بيوتنا 3 أمتار ولا مترين كفاية نقدر نحط هذي الوحدات ونمدد لها تحت الأرض .. شرايكم؟

معناتها بتكون عندنا حنيتين بزاوية 90 درجة نفس مشكلتي ؟؟؟؟؟

[معماري قطري]

معناتها بتكون عندنا حنيتين بزاوية 90 درجة نفس مشكلتي ؟؟؟؟؟

لا هو يدخل في دكت مرتفعة شوي بس تحت أرضية الشقة أو البيت وللأدوار اللي فوق تكون حنية الظاهر بسيطة بحيث يكون البايب متصل ويمكن سحبه وقت الصيانة وتغييره .. حنية وحدة تكون بس طريقتهم في التكييف نظيفة واقتصادية وماركاتهم نفس المستخدمة عندنا ترين ودايكن وباقي الماركات الأمريكية أكثرها.

[معماري قطري]

ميزة مكينة التكييف الخارجية على الأرض إن حولها الزراعة والظل في أَغلب الأوقات والتهوية مفتوحة .. والبايبات في دكت مسكرة من الأطراف برغوة وممكن نغيرها بسهولة .. صيانتها أسهل وهي على الأرض وممكن غسيلها بسهولة .. ويبقى عندنا السطح فاضي.

خلاص انا بإذن الله معتمد هذا التصميم