تكفون اخواني اخواتي في عيالكم [الأرشيف] - منتديات شبكة الأسهم القطرية

مشاهدة النسخة كاملة : تكفون اخواني اخواتي في عيالكم

aloosh

13-08-2015, 02:13 PM

السلام عليكم

اخواني واخواتي تكفون الله الله في عيالكم
لا تتركونهم معا الخدم في اي مشوار
والله قريت قصص شعر البدن يوقف

البعض يفكر ان ذهاب الخدامه معا الطفل كفيه بالعكس

انتبهو على عيالكم

حسن

13-08-2015, 02:16 PM

شكرا على هذا الموضوع الجميل للتذكير والتنبيه بالنعم اللي مهب حاسين فيها
شي جميل ان نبدا نسمع اصوات من هنا وهناك المطالبه بالاهتمام
هذا يبشر بالخير
ولكن مايمنع ان تقوم الدوله بتفعيل القوانين لحمايه المورد البشري القادم للمجتمع

شكرا لك ياعلوش

موضوع مهم

تحياتي

aloosh

13-08-2015, 02:20 PM

بانغ بانغ

13-08-2015, 03:28 PM

بالفعل الموضوع خطير وبعض الاباء مب نشادين ... اهم شي ان اليهال في البيت

حتى الكيمرات ما تسوي شي حزة الجد

الله يستر على هالوضع

تشكر

بانغ بانغ

13-08-2015, 03:31 PM

لو عندنا هيئة تكافح هالشي on spot اي بالموقع ... كان زين

اما دريول حاط بنت او ولد في حضنه .... وين قاعدين يبا ...

بشائر

13-08-2015, 05:57 PM

أي والله صادق وهالأيام مشاكل الخدم وجرائمهم تشيب الراس ..
المفروض الرجال اللي يشوف زوجته قاطة عياله على الخدم ولا تدري عنهم
يأدبها ويتزوج عليها .. :anger1:

بشائر

13-08-2015, 05:58 PM

لو عندنا هيئة تكافح هالشي on spot اي بالموقع ... كان زين

اما دريول حاط بنت او ولد في حضنه .... وين قاعدين يبا ...

الهيئة طال عمرك هو رجال البيت أبو العيال .. الدولة بتلحق على إيش والا إيش !
ناقص نقول لو ضاعت مفاتيح البيت واجب الدولة أنها توفر مفاتيح بديلة !!!
العذر اخوي .. حدث العاقل بما يـٌعقل ..الكلام ماهو منطقي أبد..

.قطر.

13-08-2015, 06:07 PM

بانغ بانغ

13-08-2015, 06:11 PM

الهيئة طال عمرك هو رجال البيت أبو العيال .. الدولة بتلحق على إيش والا إيش !
ناقص نقول لو ضاعت مفاتيح البيت واجب الدولة أنها توفر مفاتيح بديلة !!!
العذر اخوي .. حدث العاقل بما يـٌعقل ..الكلام ماهو منطقي أبد..

عجل هيئة الامر بالمعروف ااموجودة في السعودية مافيها فايدة !!!
عجل مافي داعي الفزعة والشرطة المجتمعية !!!

كل ولد وبنت اهلهم ايربونهم بروحهم ...

لا طبعا وجهة نظرك انتي حرة فيها ....

القصد تقنين هالشي لان لو سواق عمل باطل في اليهال ، الكفيل بيدفع تذكرته وبيسفره ولا حد في ابوه خير يقدر ايزخ اشعره منه

بشائر

13-08-2015, 06:26 PM

عجل هيئة الامر بالمعروف ااموجودة في السعودية مافيها فايدة !!!
عجل مافي داعي الفزعة والشرطة المجتمعية !!!

كل ولد وبنت اهلهم ايربونهم اهلهم .بروحهم ...

لا طبعا وجهة نظرك انتي حرة فيها ....

القصد تقنين هالشي لان لو سواق عمل باطل في اليهال ، الكفيل بيدفع تذكرته وبيسفره ولا حد في ابوه خير يقدر ايزخ اشعره منه

على هونك ياخوي ..
هيئة الأمر بالمعروف دورها شي ...وتربية العيال والتحكم في علاقتهم بالخدم شي ثاني ..
والفزعة ؟!! شدخلهم؟

وبالنسبة للي لونته بالأحمر .. قصدك إن الفزعة تتدخل في تربية الأم والأب لعيالهم وتركهم مع الخدم؟
يعني لو شفت طفلة مع سايق قدام المدرسة ينتظرون اختها .. أتصل للشرطة وأبلغ عليهم؟
والأهم .. هل لي حق بهالشي؟
إما إنك مافهمتني أو إنك مافهمتني !

أكيد وجهة نظرك وأنت حر فيها .. لكن الواقع ماهو كذا .. وإذا عندك مثال لتدخل الفزعة
في موقف مماثل ياليت تذكره لنا .. ومنكم نستفيد ..

شكرا لك ..

بشائر

13-08-2015, 06:27 PM

وعليكم السلام ورحمه الله وبركاته
موضوع مهم اشكرك عليه
*الحين الاعتماد على الخدامه يمكن فوق الـ 60 % عند البعض
المفروض دور الخدامه يكون بشكل بسيط او مثل ماتقول مساعده مب نعتمد عليهم بشكل كببر !

أحسنت ياقطر ..
برأيك من المسؤول عن تحديد هذا الدور وفرضه على الأسرة ومتابعة الانضباط به؟

النهار

13-08-2015, 06:34 PM

أي والله صادق وهالأيام مشاكل الخدم وجرائمهم تشيب الراس ..
المفروض الرجال اللي يشوف زوجته قاطة عياله على الخدم ولا تدري عنهم
يأدبها ويتزوج عليها .. :anger1:

ههههههههههه

المصيبه الثانيه تطلع مثل الاولى مافي فايده

النهار

13-08-2015, 06:37 PM

أحسنت ياقطر ..
برأيك من المسؤول عن تحديد هذا الدور وفرضه على الأسرة ومتابعة الانضباط به؟

الضمير الي ماتت ضمائرهم لا رجاء فيهم معقوله الخادمه تقوم وتشتغل من الفجر لين الساعه 12 او وحده في الليل
اكيد بصير فيها كبت وحقد وكره على اهل البيت اكيد النتائج معروفه اما شرده اوجريمه

بانغ بانغ

13-08-2015, 06:41 PM

على هونك ياخوي ..
هيئة الأمر بالمعروف دورها شي ...وتربية العيال والتحكم في علاقتهم بالخدم شي ثاني ..
والفزعة ؟!! شدخلهم؟

وبالنسبة للي لونته بالأحمر .. قصدك إن الفزعة تتدخل في تربية الأم والأب لعيالهم وتركهم مع الخدم؟
يعني لو شفت طفلة مع سايق قدام المدرسة ينتظرون اختها .. أتصل للشرطة وأبلغ عليهم؟
والأهم .. هل لي حق بهالشي؟
إما إنك مافهمتني أو إنك مافهمتني !

أكيد وجهة نظرك وأنت حر فيها .. لكن الواقع ماهو كذا .. وإذا عندك مثال لتدخل الفزعة
في موقف مماثل ياليت تذكره لنا .. ومنكم نستفيد ..

شكرا لك ..

يعني لو اشوف سواق ايسوي حركات في ياهل في اي مكان .... وين باقعد ادور اهله ... ابلغ الفزعة او الشرطة وهم عقب يتفاهمون مع الاهل بكيفهم

في اوروبا عادي يسحبون الياهل وايحطونه في حضانة حكومية وايحاكمون الاهل

انتهى النقاش من طرفي والقصد كان ابراز هول المشكلة ...

تحياتي لك

.قطر.

13-08-2015, 07:54 PM

أحسنت ياقطر ..
برأيك من المسؤول عن تحديد هذا الدور وفرضه على الأسرة ومتابعة الانضباط به؟

وزاره العمل تقدر تحل الموضوع شوي
يعني اللي تشتغل وعقب تزوجت وصار عندها عيال خلاص يعطونها تقاعد والزوج يصرف ع العيال

واللي مب متزوجه يخلونها تشتغل او ماتشتغل على كيفها لان ابوها يصرف عليها او اذا تبي تصرف على نفسها تشتغل

لبيبة

13-08-2015, 08:00 PM

السلام عليكم ورحمة الله وبركاته،

بسبب سوالف الخدم اللي سمعتها، رفضت رفضا باتا ان اي خدامة تساعدني في التربية، وربيت بنفسي ولله الحمد والله أعانني وساعدني. وأدعو كل الأمهات إنهم يربون عيالهم بنفسهم ويسخرون وقتهم لهم، لأنهم عيالهم وأمانة الله ائتمنا عليها وبيسألنا عنهم.

.قطر.

13-08-2015, 08:13 PM

حسن

13-08-2015, 08:18 PM

أحسنت ياقطر ..
برأيك من المسؤول عن تحديد هذا الدور وفرضه على الأسرة ومتابعة الانضباط به؟

امممممممم

الدوله الحكومه
المجتمع وتراخيه وضعف القوانين والضوابط وتساهيل استخراج التاشيرات
دور الموسسات الاخري مثل مركز الاسره
مناهجمنا التعليميه لا تواكب عصرنا ولا يخدمه بنضل نحتاج الغير الى اخر قطره بترول
نقص الحملات التوعيه
شغل المراءه والبحث عن المال في ضل مواستها بالرجل في العمل
وفي ضل غياب حضانات ذات مستوى عاليه وتخصصيي
وفي ضل عدم وجود حضانات داخل العمل وفي ضل عدم وجود الزاميه
هذه بعض ما اشوفه على السريع ويمكن غيري يزيد

ضوى

13-08-2015, 10:10 PM

شسالفه من هذا اللي عياله همل !؟ الله يحفظ عيالنا وعيال المسلمين ويفتح عيون الغافلين

بشائر

14-08-2015, 08:23 AM

ههههههههههه

المصيبه الثانيه تطلع مثل الاولى مافي فايده

راحت عليك ياعقاب :)

الضمير الي ماتت ضمائرهم لا رجاء فيهم معقوله الخادمه تقوم وتشتغل من الفجر لين الساعه 12 او وحده في الليل
اكيد بصير فيها كبت وحقد وكره على اهل البيت اكيد النتائج معروفه اما شرده اوجريمه

وهذا اللي أقوله اخوي النهار .. بالضبط ..
الخلل أساسه من البيت ..إذا ماعندهم ضمير مثل ما تفضلت اختلطت الأمور وضاعت..
واعذرني اخوي .. بس إذا قرر الواحد أنه يتزوج فأكيد عارف بحجم المسؤولية الكبيرة اللي تنتظره ..
من رعاية الزوجة وتوجيهها ومتابعة العيال تعليمهم وحمايتهم .. وتظيم شؤون الأسرة الداخلية والخارجية وعلاقاتهم
(كلكم مسؤول عن رعيته)والزوجة بعد مسؤولة( علشان محد يزعل علينا) ..
لكن البعض الله يهديهم .. - وأقول البعض - يبي كل شي جاهز مجهز ..
ولا يبي يتعب نفسه ( مدري يوفر طاقته للآخرة).. عظيم من العظماء ..
يبي قاعة عرس مجانية .. وعروس مجانية .. ولو معها شوية عيال مجانيين أحسن بعد( فل أوبشن)..
معلبات عطف وحنان أبوي أو كبسولات منكهة بعد مش خطأ ..
والدولة هي اللي تربي عياله وتراقبهم وتعلمهم وتوظفهم وتعالجهم وتزوجهم .. الخ ..
وهو شنو وضعه في الحياة ماتدري !! لك الله يابلد
أكتب ردي وأنا اضحك :)

بشائر

14-08-2015, 08:39 AM

امممممممم

الدوله الحكومه
المجتمع وتراخيه وضعف القوانين والضوابط وتساهيل استخراج التاشيرات
دور الموسسات الاخري مثل مركز الاسره
مناهجمنا التعليميه لا تواكب عصرنا ولا يخدمه بنضل نحتاج الغير الى اخر قطره بترول
نقص الحملات التوعيه
شغل المراءه والبحث عن المال في ضل مواستها بالرجل في العمل
وفي ضل غياب حضانات ذات مستوى عاليه وتخصصيي
وفي ضل عدم وجود حضانات داخل العمل وفي ضل عدم وجود الزاميه
هذه بعض ما اشوفه على السريع ويمكن غيري يزيد

طيب اخوي حسن .. أكيد الأسباب اللي ذكرتها مهمة ولها تأثير على المجتمع ..

وخلني انتهز فرصة ردك علي باختيارك كمثال للتوضيح ..
اللي عرفته من خلال متابعتي لبعض مشاركاتك في المنتدى ..
أن المدام( أم علي أوجه لها تحية ) ماتشتغل .. وماشاء الله عليها قايمة بحق أسرتها ومتفرغة
لها .. وعيالك الله يحفظهم متربيين تربية طيبة ..
سؤالي لك ( أجب بنعم أو لا ) ..
- هل تسمح لبنتك تروح مع السايق بروحها للمدرسة ؟
- هل تعتمد زوجتك على الخدامة بشكل كبير؟
- هل تشرف مع زوجتك على تربية العيال؟
- هل للخدامة والسايق نوع من السلطة على بيتك؟
- هل تلجأ داائما لأي أحد من الأهل أو الأصدقاء أن يعينك في رعاية عيالك وحمايتهم أو حل خلاف أسري ؟
- هل تقبل أن يمسك غيرك زمام الأمور في أسرتك وقيادتها؟
- هل تظن أن أسرتك أكثر سعادة من بعض الأسر ؟
- هل تجد أن أسرتك مميزة عن غيرها من الأسر التي تعرفها ؟

بعد ما تجاوب بقولك النتيجة ..

بشائر

14-08-2015, 08:45 AM

وزاره العمل تقدر تحل الموضوع شوي
يعني اللي تشتغل وعقب تزوجت وصار عندها عيال خلاص يعطونها تقاعد والزوج يصرف ع العيال

واللي مب متزوجه يخلونها تشتغل او ماتشتغل على كيفها لان ابوها يصرف عليها او اذا تبي تصرف على نفسها تشتغل

قطر حبوبة .. ركزي معاي شوي ..
مااتكلم عن الماديات من يصرف ومن ما يصرف أبدا ..
ممممم طيب نمشي حبة حبة ...
كلامنا تحديدا عن الزوجة اللي ذكرتيها قبل لا تتقاعد وللحين عيالها توهم صغار وهم تحت مسؤولية من ..

الحياة الخالدة

14-08-2015, 09:31 AM

aloosh

14-08-2015, 12:33 PM

اشكر كل من رد وقراء
بعد هذي الردود بقول لكم تجربتي

الحمدلله عيال لم يمسكهم خدم والحق يقال كان العمل الاكثر لزوجتي وكانت هي من تربيهم
والله يا خواني واخواتي ان الترابط بيننا وبين اعيالي شكل لا تخيلون بسبب تربيه الام
انه وصلت اعمار البنات فوق 15 وانهم يتركون غرفه ليناموا في حضن امهم

تربيه الام لها دور في ترابط الاولاد

حرف

14-08-2015, 12:50 PM

الامهات هم الي عليهم اللوم من يوم ماتركوا اطفالهم ولهو يالكشخات والصوالين والطلعات الي مالها داعي وبالانشغال بالبرامج والاطفال ضايعين

حسن

14-08-2015, 03:45 PM

طيب اخوي حسن .. أكيد الأسباب اللي ذكرتها مهمة ولها تأثير على المجتمع ..

وخلني انتهز فرصة ردك علي باختيارك كمثال للتوضيح ..
اللي عرفته من خلال متابعتي لبعض مشاركاتك في المنتدى ..
أن المدام( أم علي أوجه لها تحية ) ماتشتغل .. وماشاء الله عليها قايمة بحق أسرتها ومتفرغة
لها .. وعيالك الله يحفظهم متربيين تربية طيبة ..
سؤالي لك ( أجب بنعم أو لا ) ..
- هل تسمح لبنتك تروح مع السايق بروحها للمدرسة ؟

اطلاقا لا
- هل تعتمد زوجتك على الخدامة بشكل كبير؟
في الامور المنزليه نعم في تربيه الابناء اطلاقا لا
- هل تشرف مع زوجتك على تربية العيال؟
اكيد طبعا نعم
- هل للخدامة والسايق نوع من السلطة على بيتك؟

لا
- هل تلجأ داائما لأي أحد من الأهل أو الأصدقاء أن يعينك في رعاية عيالك وحمايتهم أو حل خلاف أسري ؟
النادر نعم
- هل تقبل أن يمسك غيرك زمام الأمور في أسرتك وقيادتها؟
مش في كل الاحوال حسب التخصص والحياه الزوجيه شراكه وتوزيع الادوار والمسؤليات حسب الصفه
بس دام انا موجود فاكي د الاول والاخير لي
- هل تظن أن أسرتك أكثر سعادة من بعض الأسر ؟
لا اعلم كلن حسب طريقته في الحياه ومبادئه وثقافته
- هل تجد أن أسرتك مميزة عن غيرها من الأسر التي تعرفها ؟
بين اللي اشوفه نعم
بعد ما تجاوب بقولك النتيجة ..

ان شاء الله اكون قد جاوبتك

:)

بشائر

15-08-2015, 09:22 AM

عزيزتي بشاير .. ماقطع كلامج*الا*بالخير
قطر عضو و ليس عضوة :secret:

العذر ياغالية ..
التبس علي الأمر قطر اسم مؤنث :)

قل هذه قطر .. ولا تقل هذا قطر

والسموحة من اخوي قطر ..

الحياة الخالدة

15-08-2015, 09:25 AM

العذر ياغالية ..
التبس علي الأمر قطر اسم مؤنث :)

قل هذه قطر .. ولا تقل هذا قطر

والسموحة من اخوي قطر ..

حصل خير حبيبتي :victory:

بشائر

15-08-2015, 11:40 AM

ان شاء الله اكون قد جاوبتك

:)

ماشاء الله عليك .. إجابات تدل على حرصك ومتابعتك وقوامتك الفعلية على أسرتك ..
وهذا هو المطلووب ..
الله يحفظك اخوي ويحفظ أسرتك .

.قطر.

15-08-2015, 12:41 PM

قطر حبوبة .. ركزي معاي شوي ..
مااتكلم عن الماديات من يصرف ومن ما يصرف أبدا ..
ممممم طيب نمشي حبة حبة ...
كلامنا تحديدا عن الزوجة اللي ذكرتيها قبل لا تتقاعد وللحين عيالها توهم صغار وهم تحت مسؤولية من ..
:omg:
المهم تقدر توديهم الحضانه انا اشوفها احسن من الخدامات
او عند حد من اهلها فاضي

العذر ياغالية ..
التبس علي الأمر قطر اسم مؤنث :)

قل هذه قطر .. ولا تقل هذا قطر

والسموحة من اخوي قطر ..
الله الله ع الفلسفه :happy:
لا لا عادي مسموحه :nice: