تواير قوود يير..!! [الأرشيف] - منتديات شبكة الأسهم القطرية

مشاهدة النسخة كاملة : تواير قوود يير..!!

qatarman8008

13-08-2015, 04:05 PM

السلام عليكم..
عندي سيارة جمس مركب عليها تواير قووديير على رنق 20..
والسيارة الثانية لكزس مركب عليها تواير دنلوب ايضا على رنق 20..
المهم سافرت لمدة 20 يوم تقريبا ورجعت الدوحة اسوق السيارة الاولى ولاحظت فيها اهتزازات..
وديتها للشركة اللي هي كيو تاير شيكوا على التواير..
قالوا لي انت شكلك وقفت السيارة فترة طويلة وهذي سوى لك فلات سبوت..
فلات سبوت هذي يا اخوان ان التاير يكون مستدير من جميع الجهات ما عدى الجهه اللي واقف عليها تصير مسطحة..
والحين التواير خربانين خلاص..!!
طبعا ناديت السوبرفايزر وقلت له بلا لف ولا دوران.. مب 20 يوم اللي تسوي فلات سبوت..
وانا عندي سيارة ثانية لكزس فوورويل مركب عليها دنلوب رنق 20 وما صار لها اي شي..
مع العلم ان اللكزس كان واقف فترة اطول من 20 يوم ولا صار له شي..
قال لي هذا الجمس لانه ثقيل.. واللكزس خفيف..!! يعني بيطلع ذكي..
طلعت له استمارة السيارتين ورويته ان وزن اللكزس اكثر من وزن الجمس..
المهم لما شاف انه ما عرف يلعب علي قال لي والله هذي توايرنا جذي يصير فيها اذا وقفتها فترة..
يعني ليش قيمتهم اكثر من التواير الثانية..؟؟ ونوعيتها رديئة لهالدرجة..؟؟ هذي اوروبي وليس صيني..؟؟
المهم دريت ان السالفة فيها حماية المستهلك وروح وتعال وان الموضوع بياخذ اكثر من وقته بكثييييير.. ف قلت حسبي الله عليكم وحركت..
ومن هنا وجب التحذير.. وسامحونا عالاطالة..

qtr qtr

13-08-2015, 04:27 PM

اخوي هذا يعتبر عيب مصنعي وغصب عنهم يغيرون لك التواير لان ضمانها 6 شهور اقرى شروط الضمان وعيب التوايرك من ضمن الضمان.. اذا الفاتوره معاك اشتك عند حماية المستهلك . وان شاءالله مايقصرون معاك .

برويقن

13-08-2015, 11:52 PM

معروفه تواير قووود يييير فاشله عن تجربه

+abc

12-10-2015, 01:14 AM

لاعيب مصنعي ولاشي هم يبيعونه ب1300 وهو نفسه ينباع ورا مركز سلوى ب 550 ريال

مجرد احساس

12-10-2015, 02:09 PM

كان يفترض منك ان تقوم بمخاطبة حماية المستهلك ونعرف منك ماذا توصلت بعد ذلك
لافائدة من طرح موضوع دون اتخاذ اجراء .

qatarman8008

13-10-2015, 06:51 PM

تواصلت مع حماية المستهلك قالوا لي دام ان الضمان انتهى خلاص مالك حق تشتكي..
للعلم ضمان التاير 6 شهور وهم اختربوا في الشهر السابع..

qatarman8008

13-10-2015, 06:52 PM

هم لو تواير صناعة رديئة مثلا ورخيصة قلنا يمكن..
لكن قوود يير والواحد بالف وميتين وستين..!!

العفراء

13-10-2015, 07:05 PM

السلام عليكم

انا ما افهم بهالسوالف بس قلت بشوف شو بلاهن تواير سيارات اخويه قطر مان ثمانتالاف وثمانيه الله يحفظه ويحفظكم

و احب ايمع معلومات يمكن استفيد منها مستقبلا

qatarman8008

13-10-2015, 07:14 PM

اكيد.. الموضوع فيه فايدة للجميع..
اللي ما بيستفيد منه الخين بيستفيد منه عقب..

fantasy

26-03-2016, 11:06 AM

الله يعينك هذا لازم على الضمان
بس اخواني في نقطه مهمه هني
انتوا كلكم تقريبا ليش بنفس التفكير ان لازم ماركة و هذه فيها حياة أرواح و مب لعبه....
هذا انا بعد ركبت تواير يوكوهاما للأسف الشهر الثامن, صار انتفاخ, ضمانهم ست شهور مثل ما انتو عارفين
يعني بالله عليكم الشمس تعرف شي اسمه دانلووب ولا بيرلي و ماتقرب صوبه، و تروح تستقصد الصيني؟؟؟؟
اخواني انا بدل ما اشتري الواحد و فرضا نقول للنيسان بترول اروح اخذ اربع تواير بسعر الواحد و هذا اللي بديت اطبقه والحمدلله سواقه آمنة و كل شي تمام
كل ما اروح الامارات اشتري صيني يكون صناعته جديدة يعني احنا في 2006 اخذ على الأقل 2015 مب اقل و توفر كثير بدل المفوشر و ماركة مادري شنو و لا المواصفات و الخرابيط،، اللي بيدعس 180 و 200 خل يلوم نفسه و تهوره، مب يلوم التاير، هذه وجهه نظري اشتري صيني و بس

بالتوفيق للجميع و معوض اخوي بس رص عليهم الخمه هاذول

هيليوم

26-03-2016, 07:13 PM

طول فترة التخزين له تأثير ، انا شريت تواير ماركة وقبل ما اكمل سنة اختربوا يوم رحت للوكيل اللي شاري منه لقيت بين تاريخ الانتاج وتاريخ الشراء سنتين !!!

بخصوص الصيني ما جربت بصراحة لكن واحد اعرفه يمدحهم على موتره ويقول رخاص ويعيشون

الرايــق

27-03-2016, 04:50 AM

الكوري صناعة جيدة ورخيص نوعا ما

ll vip ll

28-03-2016, 01:14 AM

استغرب من اللي يقول ( دريت ان السالفة فيها حماية المستهلك وروح وتعال وان الموضوع بياخذ اكثر من وقته بكثييييير.. ) من قال لك ياخذ وقت !! انت اشتكيت على شان تعرف ؟؟ بالعكس مايقصرون والسالفه ماتطول بس المشكله العيب فيكم انتم ماتشتكون ولاتاخذون حقكم وهذه مجال لهم في النصب هم وغيرهم من التجار .. وخاص كيو تاير توايرهم تعبانه واردى انواع التواير وسعرهم غالي والشركات الثانيه تعطيك ضمان سنه ..

حليتان*

07-04-2016, 01:12 AM

بويعقوب

19-07-2016, 12:47 PM

المفروض يبدلها على الضمان او تسترجع المبلغ اذا ماتبي تركبهم

للاسف حماية المستهلك مب قايمين بدورهم بشكل كامل

الغش التجاري جريمة يعاقب عليها القانون

@فهد@

14-08-2016, 08:55 PM

ممكن اخوي تشوف تاريخ الانتاج علي التواير وتقارنها بتاريخ شرائك لها.. يمكن مخزنه من زمان .. حتي لو جديده ماتنفع

راعي الكورفت

08-10-2016, 09:05 PM

ضمان الإطارات حتى لو كان صيني من حماية المستهلك هي 6 شهور .

افضل إطارات من ناحية الجوده والسعر هي هانكوك ومركبها على جميع سياراتي وتعيش سنتين بالراحه من دون مشاكل .