+++ مطلوب خبرتكم في شركة تصميم وتنفيذ داخلي+++

[صقر بلادي]

السلام عليكم ورحمه الله وبركاته

اخواني واخواتي انا في مرحلة بناء فيلتي وقريب راح تحتاج تشطيب

ابي خبراتكم حول شركات التصميم الداخلي والتنفيذ من ناحية الجودة والسعر

وياليت تفيدوني باسماء الشركات وعناوينهم

تحياتي و تقديري

[معماري قطري]

الله يوفقك وتسكن على خير ان شاء الله

قليل يسون الجبس للجدران ويكون فراغ وراه وتمديدات الكهرباء تعدل في هذا الفراغ وينصبغ الجبس بدون بلاستر للجدران وراه .. هذي الطريقة جيدة وممكن نستخدم العازل الحراري نوعية الصوف الصخري داخل التجويف .. بس مهم يكون تركيب الجبس جيد وعلى فريم خشب.

نفتك من أي شلوخ تكون في الطابوق والمفروض كل التمديدات تكون فوق الطابوق بدون تكسير والجبس تغطية بس .. يبقى الطابوق قوي وينعزل عن تغيرات الحرارة القوية والجبس سهل اصلاحه واضافة تمديدات داخله .. حتى للحمامات التمديدات تكون أسهل والبلاط يركب على سطح الجبس المقاوم للرطوبة بسهولة.

[Azizuk]

نصيحة اخ لكل أعضاء قسم البناء والتشطيب

انك تعطي شركة وحدة تقوم بعمل وتتكفل بجميع التشطيب

والله بترتاح من دوخة الرأس

معاليك الا تنسق مع شركة التشطيب بحتيجاتك ومتطلباتك من نوع البلاط وأرضيات والأمور الثانية

انا تحسفت أني سويت شغلي مقطع ومع كذا شركة

من المشاكل اللي تواجهني ان كل واحد يقط خطاء على الثاني وكل واحد يقول خل الكهربائي يجي يعدل

او

خل السباك يجي يعدل

ولين يجونك يتمللون من التعديل وتتأخر في الإنجاز

في شركة عند جاري معطيهم الشغل كامل جبس وصبغ وتركيب بلاط حمامات وأرضيات ب 300 الف ريال

تجي تسوي شغل مقطع يطّلع عليك أغلى وتطلع انت الخسران

الشركة يديرها واحد لبناني بس الشاهد الله ان شغلهم نظيف

اسم الشركة

المركز العربي للديكور والمقاولات


هاتف رقم : 44162364

خلف معارض السيارات اول طريق سلوى

صاحب الشركة اسمه داني مسعود

وفي مهندس ديكور جزائري اسمه نجيب

وعندهم كم فلبيني مهندسين ديكور

ومالي فايدة من الدعاية لهم لأني تحسفت أني ماعطيتهم شغل التشطيب

مع العلم عندهم تشطيب كامل من سباكة وكهرباء الى صبغ وديكور

يعني بترتاح على الاخر

[صقر بلادي]

شكرا اخواني يعطيكم الف عافيه

[Stars]

أخوي معماري صراحة فكرة الجبس عجيبة جدا
خصوصا للحمامات أعزكم الله ومنها نفتك من مشكلة
التسريبات اللي تشوه جدران المنزل فإذا حصل
تسريب يظهر في الجبس وممكن صيانتها بسهولة
بدون تكسير الجدار بس هالحل بياخذ من مساحة
الحمام قليلا تقريبا ظ،ظ* سم من كل حائط خصوصا لبايبات تصريف المغسلة

[معماري قطري]

أخوي معماري صراحة فكرة الجبس عجيبة جدا
خصوصا للحمامات أعزكم الله ومنها نفتك من مشكلة
التسريبات اللي تشوه جدران المنزل فإذا حصل
تسريب يظهر في الجبس وممكن صيانتها بسهولة
بدون تكسير الجدار بس هالحل بياخذ من مساحة
الحمام قليلا تقريبا ظ،ظ* سم من كل حائط خصوصا لبايبات تصريف المغسلة

الطابوق تقدر تركب 10 سم لو تبي توفر المساحة .. مشكلة التسريب اخوي أكثر شيء تكون من زاوية التقاء الأرضية ببلاط الحائط .. المفروض العازل يكون مرتفع شوي ونركب بلاط الحائط قبل وآخر بلاطة تكون مغطية جزء من العازل من تحت وبعدها تجي صبية وبلاطات الأرضية.

اللي شاك في هذي الزاوية ما سوها عدل يحط قراوت قوي فيها بحيث يسد الفجوات وبعده يحط سيليكون .. ولو عنده رطوبة بيلاحظها تخف بالتدريج لأَنها تجف من الحائط .. لو ما خفت معناها فيه تسريب ماي من بيب وهذا نكشفه باختبار الضغط لكل حمام ولكل بايب بارد وحار.