مشكلتي مع شركة النهدي تركيب عازل للسيارة

[حسن الاحمد]

السلام عليكم الأعضاء المحترمين : حبيت اعرض لكم مشكلة وما ادري اذا صارت مع احد من قبل.
عندي موظف بالشركة ربح كوبونين من شركة النهدي اللي تركب العازل والفلم الشفاف حق السيارات. كان هذا الموظف ربح الكوبونات في كاس سمو الأمير. وركب عازل حق سيارته وأعطاني الكوبون الثاني هدية. رحت للنهدي بمحطة بترول الجزيرة بطريق سلوى قالوا لا ... لازم تروح محطة بترول قطر هذاك الفرع هو اللي يركبون فيه حق الكوبونات اللي ربحوها الناس. المهم رحت هناك واتفقت مع الأخ على نوع العازل وقلت له ابدأ، وكان ثمن العازل 2500 ريال والكوبون بقيمة ألفين ريال. وبعد ماخلصت السيارة عطيته الكوبون + مبلغ 500 ريال كاش.
قام الموظف اللي هناك وزعل وعصب وقال كيف تورطني لان الكوبون مش باسمك لازم تدفع كاش، قلتله الكوبون ماعليه اي اسم ، لا اسم اللي ربحه ولا اسمي، بعدين كلمت المدير بالإدارة قلت له الموظف ربح كوبونين وعنده سيارة وحدة شيسوي بالكوبون الثاني ؟. وقلت له ان في ناس تربح ماعندهم أصلا سيارة ،، شيسوون بالكوبون اللي مثل هذول؟؟ وفلان ركب بكوبون غيره وفلان اعرفه ،، المهم رفض وقال لي انا ابغي فلوسي كاش. بعدين دفعت له 2500 كاش وقلت له بكرة اروح اشتكي عليكم بحماية المستهلك. رد علي (( اعمل اللي يريحك )) ، شو رأيكم ياجماعة ؟؟ اشتكي ولا مالي حق؟

[ya3coub]

اشتك بس اهو اشدراه ان الكوبون موب لك ؟؟؟

[حسن الاحمد]

اشتك بس اهو اشدراه ان الكوبون موب لك ؟؟؟

هو يقول ان الكوبونات مسجلة عندنا بأسماء الفائزين وصاحب الشركة منع حدا يركب لان السنة الماضية كانوا يوقفون الناس اللي ربحت جدام المحل وسوولنا زحمة وصاحب الشركة منع هالشي،
انا سألته هل أنتم كاتبين بالكوبون ان ممنوع احد يركب فيه عازل الا اللي ربحه؟؟ وسكت

[بومحمد المطاوعه]

من تجربتي دائمآ في اي شركه لو عندي كوبون خصم

اول شي اشوف السعر كم يكلف
بعدها اطلع الكوبون اقوله تفضل

اذا هايط وقال انا مسوي خصم الكوبون
اشق الكوبون واحذفه على الطاوله واطلع ولا اسوي اي شي ف نفس المحل الي يتعامل جذي معاي

[al saad]

الشيخ خسران لنه المواد الي يستخدمونه صيني فسكرو محله من كم شهر بسبب الغش روح محل ثاني احسن لك

[لطيف الروح]

اخي حسن
من الناحية القانونية اذا الكوبون مش مكتوب عليه الكلام الي قاله الموظف انصحك اتصل في حماية المستهلك و قدم شكوى

[بوخالد911]

اتصل ع حماية المستهلك
والله معك

[جاسم الدوحة]

العازل من حق حامل الكوبون
عليك بحماية المستهلك

[حسن الاحمد]

من تجربتي دائمآ في اي شركه لو عندي كوبون خصم

اول شي اشوف السعر كم يكلف
بعدها اطلع الكوبون اقوله تفضل

اذا هايط وقال انا مسوي خصم الكوبون
اشق الكوبون واحذفه على الطاوله واطلع ولا اسوي اي شي ف نفس المحل الي يتعامل جذي معاي

انا نفس الشي سويت اتفقت معاه عالسعر ولما خلص عطيته الكوبون ودفعت باقي الفرق كاش ورفض ونرفز موظفهم اللي هناك... ودفعت له كاش وأخذت الكوبون منه ما شقيته 😁😁

[حسن الاحمد]

الشيخ خسران لنه المواد الي يستخدمونه صيني فسكرو محله من كم شهر بسبب الغش روح محل ثاني احسن لك

كيف يقولون المواد امريكية من شركة بوليس ؟؟ بجميع الأحوال انا ركبت وخلصت

[حسن الاحمد]

اخي حسن
من الناحية القانونية اذا الكوبون مش مكتوب عليه الكلام الي قاله الموظف انصحك اتصل في حماية المستهلك و قدم شكوى

أبدا مش مكتوب عليه اي اسم ، لا اسمي ولا اسم اللي ربح بس هم يقولون ان اسم الرابح مسجل عندهم في السيستم، قلت له انا : شوفني اي قرار او اعلان قديم لكم ان ممنوع هالكلام، وقلت له اكتبوا لوحة وعلقوها بالمحل ان ممنوع احد بكوبون ماعليه اسم حتى نعرف

[غريب الدّار]

السلام عليكم الأعضاء المحترمين : حبيت اعرض لكم مشكلة وما ادري اذا صارت مع احد من قبل.
عندي موظف بالشركة ربح كوبونين من شركة النهدي اللي تركب العازل والفلم الشفاف حق السيارات. كان هذا الموظف ربح الكوبونات في كاس سمو الأمير. وركب عازل حق سيارته وأعطاني الكوبون الثاني هدية. رحت للنهدي بمحطة بترول الجزيرة بطريق سلوى قالوا لا ... لازم تروح محطة بترول قطر هذاك الفرع هو اللي يركبون فيه حق الكوبونات اللي ربحوها الناس. المهم رحت هناك واتفقت مع الأخ على نوع العازل وقلت له ابدأ، وكان ثمن العازل 2500 ريال والكوبون بقيمة ألفين ريال. وبعد ماخلصت السيارة عطيته الكوبون + مبلغ 500 ريال كاش.
قام الموظف اللي هناك وزعل وعصب وقال كيف تورطني لان الكوبون مش باسمك لازم تدفع كاش، قلتله الكوبون ماعليه اي اسم ، لا اسم اللي ربحه ولا اسمي، بعدين كلمت المدير بالإدارة قلت له الموظف ربح كوبونين وعنده سيارة وحدة شيسوي بالكوبون الثاني ؟. وقلت له ان في ناس تربح ماعندهم أصلا سيارة ،، شيسوون بالكوبون اللي مثل هذول؟؟ وفلان ركب بكوبون غيره وفلان اعرفه ،، المهم رفض وقال لي انا ابغي فلوسي كاش. بعدين دفعت له 2500 كاش وقلت له بكرة اروح اشتكي عليكم بحماية المستهلك. رد علي (( اعمل اللي يريحك )) ، شو رأيكم ياجماعة ؟؟ اشتكي ولا مالي حق؟
اخوي سؤال :

انت تقول ان الكوبون ماعليه أي اسم
والموظف بعد ماركب العازل زعل على قولتك
طيب شلون زعل بعد ماركبه والكوبون ماعليه أي اسم؟ شلون عرف من الاساس ان مهب انت اللي ربحته؟

هاذي نقطة
ثاني نقطة اخوي
دامك متاكد ان الحق معاك ليش دفعت لهم؟ كان مادفعت وكلمت حماية المستهلك وانت هناك
وهم بيعطونك العلم الأكيد

رأيي : كلم حماية المستهلك وشوف وش راح يقولون لك
مع العلم ان دامك دفعت فهذا يمكن يعد دليل انك راضي بالدفع
أقول يمكن

ويمكن أكون غلطان
انت كلم حماية المستهلك في كل الأحوال واشرح لهم القصة وان كان لك حق باذن الله مايضيع

[Riku3]

اخوي سؤال :

انت تقول ان الكوبون ماعليه أي اسم
والموظف بعد ماركب العازل زعل على قولتك
طيب شلون زعل بعد ماركبه والكوبون ماعليه أي اسم؟ شلون عرف من الاساس ان مهب انت اللي ربحته؟

هاذي نقطة
ثاني نقطة اخوي
دامك متاكد ان الحق معاك ليش دفعت لهم؟ كان مادفعت وكلمت حماية المستهلك وانت هناك
وهم بيعطونك العلم الأكيد

رأيي : كلم حماية المستهلك وشوف وش راح يقولون لك
مع العلم ان دامك دفعت فهذا يمكن يعد دليل انك راضي بالدفع
أقول يمكن

ويمكن أكون غلطان
انت كلم حماية المستهلك في كل الأحوال واشرح لهم القصة وان كان لك حق باذن الله مايضيع
مب شرط .. لو طلع الحق معاه يرجعونله الفلوس عادي ..

من فترة رفيجي حط موتره في قراج وتم يماطل شهر كامل وبعد ما انتهت الصيانة وخذ مبلغ 11 الف ريال .. خذ السيارة ووداها الفحص يشيك على كل القطع الي تم تركيبها وطلع في تلاعب لانه ماخذ 3500 على تنزيل المكينة والمكينة مب منزله حسب الفحص الفني .. حماية المستهلك تدخلوا معاه والمحل عوض صاحب السيارة على التصليح بالكامل + ترضيه على التأخر علشان يسكرون السالفة بـ 15 الف ريال .

الي انا اشوفه ان من حق المحل يربط الكوبون بالي فايز فقط .. وهذا يمنع التلاعب وبيع الكوبونات بس لازم يكون هالشرط موضح على الكوبون .

روح حماية المستهلك وشوف .. المفروض الشرط يكون واضح من البداية .

الي يضحك هو ان تقدر تغير الملكية بـ 100 ريال وتركب العازل وبعدها ترجع تعدل ملكية السيارة .... يعني الشرط من الاساس ضعيف .

[حسن الاحمد]

اخوي سؤال :

انت تقول ان الكوبون ماعليه أي اسم
والموظف بعد ماركب العازل زعل على قولتك
طيب شلون زعل بعد ماركبه والكوبون ماعليه أي اسم؟ شلون عرف من الاساس ان مهب انت اللي ربحته؟

هاذي نقطة
ثاني نقطة اخوي
دامك متاكد ان الحق معاك ليش دفعت لهم؟ كان مادفعت وكلمت حماية المستهلك وانت هناك
وهم بيعطونك العلم الأكيد

رأيي : كلم حماية المستهلك وشوف وش راح يقولون لك
مع العلم ان دامك دفعت فهذا يمكن يعد دليل انك راضي بالدفع
أقول يمكن

ويمكن أكون غلطان
انت كلم حماية المستهلك في كل الأحوال واشرح لهم القصة وان كان لك حق باذن الله مايضيع

صباح الخير : اولا : لما هو خلص التركيب وجيت أعطيه حسابه عطيته الكوبون بقيمة 2000 ريال + 500 ريال كاش، سألني انت اللي رابح الكوبون قلت له لا ،، موظف عندنا بالشركة هو اللي ربحه وعطانياه هدية، قال لا مايصير ، والكوبون مسجل عندنا في الكمبيوتر باسم اللي ربحه ولازم هو يجي يركب لسيارته او اقرب الأقربين له، قلت له اعتبرني اقرب الأقربين له وبعدين رفض .
ثانيا : انا لما شفته زعل وعصب وقال لي انت ورطتني وانا مجرد موظف قمت عطيته فلوسه كاش وسحبت الكوبون لأَنِّي مابغي مشاكل ولا اقدر انتظر ساعتين او ثلاث لان أكيد اذا مادفعت له رح توصل الأمور للشرطة وروح وتعال وانا ماعندي وقت. قلت الحين ادفع لهم وإذا لي حق بيرجع واليوم أكلم حماية المستهلك باْذن الله واطالب شركة النهدي.

[حسن الاحمد]

مب شرط .. لو طلع الحق معاه يرجعونله الفلوس عادي ..

من فترة رفيجي حط موتره في قراج وتم يماطل شهر كامل وبعد ما انتهت الصيانة وخذ مبلغ 11 الف ريال .. خذ السيارة ووداها الفحص يشيك على كل القطع الي تم تركيبها وطلع في تلاعب لانه ماخذ 3500 على تنزيل المكينة والمكينة مب منزله حسب الفحص الفني .. حماية المستهلك تدخلوا معاه والمحل عوض صاحب السيارة على التصليح بالكامل + ترضيه على التأخر علشان يسكرون السالفة بـ 15 الف ريال .

الي انا اشوفه ان من حق المحل يربط الكوبون بالي فايز فقط .. وهذا يمنع التلاعب وبيع الكوبونات بس لازم يكون هالشرط موضح على الكوبون .

روح حماية المستهلك وشوف .. المفروض الشرط يكون واضح من البداية .

الي يضحك هو ان تقدر تغير الملكية بـ 100 ريال وتركب العازل وبعدها ترجع تعدل ملكية السيارة .... يعني الشرط من الاساس ضعيف .

انا قلت لهم شوفوني اي قرار من عندكم او اتفاق مع الاتحاد الرياضي او اي قانون ينص ان اللي ربح الكوبون هو اللي يركب فقط ، وبعدين قلت له حطوا لوحة كبيرة بالشركة عندكم ان ممنوع احد يركب كوبون مب مسجل باسمه. علشان تكونون واضحين.

[بن غيث]

اخي الفاضل ..
تأكد من الشروط والاحكام في القسيمة ..
اذا لم يذكر شئ بخصوص اسم الفائز .. من حقك القانوني ارجاع المبلغ المدفوع
بطرق ودية .. مثل حماية المستهلك
بطرق قانونية .. تحريك دعوة قضائية ..
والموضوع بسيط .. لكن لا تسكت اذا كان لديك حق

[A-Alansari]

غلطان دفعت والله

كان اتصلت في حماية المستهلك بنفس الوقت وقدمت شكوى بدون ماتدفع له

واذا مارضى يستلم خله يولي وخذ موترك وحرك

[PowerQ]

نصيحة: تكلم مع حماية المستهلك عن الموضوع بأقرب وقت، كل ماكان أقرب كان افضل واشرح لهم القصة كاملة

[ابوفارس]

حماية المستهلك اقرب طريق لاقرب حل
ذولا ما يمشون الا بالعين الحمراء
انا اجزم ان حماية المستهلك راح ينصفك
بلغهم الان

[حسن الاحمد]

اخي الفاضل ..
تأكد من الشروط والاحكام في القسيمة ..
اذا لم يذكر شئ بخصوص اسم الفائز .. من حقك القانوني ارجاع المبلغ المدفوع
بطرق ودية .. مثل حماية المستهلك
بطرق قانونية .. تحريك دعوة قضائية ..
والموضوع بسيط .. لكن لا تسكت اذا كان لديك حق

http://im89.gulfup.com/L6l5Gx.jpg (http://www.gulfup.com/?r0QvCj)


http://im89.gulfup.com/IqmWws.jpg (http://www.gulfup.com/?Rt7MfL)


هذا الكوبون

[qwerty]

دائم إنه قبل بالكرت وركب لك ثم طالب بالمبلغ ماله حق يأخذ منك المبلغ
هذا يعتبر خطأ من الموظف

[غريب الدّار]

بشر اخوي

وش صار وياك؟