مشكلة في تكييف سيارتي

[حرف]

عندي vxr 2008
اول ماشغل المكيف يكون على ال LO بعدها يتغير بروحه ويصير حار
احد مرت علية نفس المشكلة
ساعدوني

[حرف]

للرفع

[حسن]

شوف الفلتر اللي في الدرج مهب راكب عدل

[وحيد-الشوق]

شوف الغاز يمكن مخلص

[حمد 2002]

فيه خلل بالمكيف وخلل كهربائي ولازم اتروح عن خبير كهربائي بالمكيفات ،،،

[بوحارب]

بسيطه اخوي روح عند كهربائي الرشيد في طريق سلوى

بيسوي لك برمجة المكيف وانت واقف يخلصك

[ya3coub]

او التركي الي بشارع المطار شاطر يمكن المشكلة بسيطة غاز او برمجه

و يمكن انه كمبريسر الله لا يقول بكل الحالات يتصلح

[كيلو حديد]

شرحك مب واضح اخوي
هل يكون بارد وعقب حار
هل يكون حار وانت واقف ولو اسرعت يبرد
وضح المشكله عشان نقدر نحلل
عموما

إذا كان بارد عقب حار بتكون مشكله باربع احتمالات
إما مروحة تبريد رديتر المكيف ما تشتغل*
وتتاكد منها بحالتين لو سقت بسرعه يرجع يبرد ولو وقفت يحتر
تحاول تحط عود ضعيف عند المروحه وتشوف هل بتوقف بسهوله ولا تكسر العود
لو وقفت المشكله تكون بالمروحه لو ما وقفت تكون المروحه اوكيه فننتقل للاحتمال الثالث

الفلتر مسدود و الثلاجه وسخه تبدل الفلتر وتغسل الثلاجه
اذا الفلتر نظيف و دفع الهواء بالمكيف عادي ننتقل للاحتمال الثاني

الغاز تسرب تروح تفحص ضغط الغاز لو عادي ننتقل للاحتمال الي عقبه
لو يسرب تشيك مكان الليك وتسكره وتعبي غاز
الليك ممكن من الانابيب يلحمونه لو من الثلاجه احتمال تبديلها هو الاقرب
لو الغاز اوكيه ننتقل للاحتمال الي عقبه

تشيك الكومبريسر لو شغال اوكيه الحمد لله
لو مب شغال تصلحه او تبدله

هالي اعرفه والله اعلم

[aloosh]

شوف الكوندسر خل يشيكون عليه

[حرف]

جزاكم الله خير

[لاجئ عاطفي]

انا مثلك عندي جي اكس 2008 واحيانا يصير المكيف 250 ارجع احطه لين lo بس هالحركه مهب دايما احيانا تصير معاي ومادي شالسبب

[ضوى]

صادتني المشكلة بسيارتي هاليومين ، المكيف يطلع هوا حار ، ودوها عند مدري من في الصناعية قال لهم غاز وزيت المكيف ، والحمد لله الحين تمام

[حليتان*]

انا مثلك عندي جي اكس 2008 واحيانا يصير المكيف 250 ارجع احطه لين lo بس هالحركه مهب دايما احيانا تصير معاي ومادي شالسبب

يصير ع 25 والهوا الخارجي يكون مفتوح ! احيانا تطول شاشة المكيف لين ماتشتغل صح ؟؟



اذا صح مشكلتك بفلتر المكيف وصخ او مش راكب عدل او تجاري ومكانه مش ضابط عادل


وراعي الموضوع اذا تحس ان المكيف برمجه افصل البطاريه نص ساعه ورجعها