جامعة قطر وتغيير التخصص

[رجل مثالي]

يجوز للطالب تغيير تخصصه داخل الجامعة بحيث لا تزيد عدد ساعاته المكتسبة التي حصل عليها عن 60 ساعة.

http://youtu.be/jL_wsQjQWkE

تحسب للطالب الذي غير تخصصه داخل الجامعة المقررات التي سبق أن درسها وتبقى هذه المقررات بتقديراتها سواء كان ناجحا أو راسبا فيها وتدخل هذه التقديرات في حساب المعدل التراكمي.
يجوز لطالب البرنامج التأسيسي أن يغير تخصصه من كلية إلى أخرى داخل الجامعة (لا تحتاج إلى البرنامج التأسيسي) بعد تحقيق شروط التخصص المحول إليه وموافقة العميد المساعد لشؤون الطلاب للكلية.
موافقة الكلية المطلوبة أو القسم الأكاديمي المعني على تغيير التخصص حيث أن القبول تنافسي جدا وخاضع للقدرة الاستيعابية للكلية والقسم المعني.

هل يستطيع الطالب الحاصل على نسبة تقل عن نسبة الثانوية المطلوبة في القبول لتغيير تخصصه؟
يمكن للطالب تغيير تخصصه الدراسي إلى تخصص آخر لم يحقق نسبة الثانوية المطلوبة للقبول فيه إذا حقق الشروط التالية:

أن يكون الطالب قد اجتاز ما لا يقل عن 24 ساعة مكتسبة وبمعدل لا يقل عن 2.50/4.00 .
أن لا يكون الطالب قد اجتاز أكثر من 60 ساعة مكتسبة.
موافقة الكلية المطلوبة أو القسم الأكاديمي المعني على تغيير التخصص حيث أن القبول تنافسي جدا وخاضع للقدرة الاستيعابية للكلية والقسم المعني.
مواعيد تقديم طلبات تغيير التخصص الرئيسي
ابتداء من يوم الأحد 22 مارس 2015 إلى يوم الخميس 09 أبريل 2015.

خطوات تقديم طلب تغيير التخصص الرئيسي

قبل تقديم طلب تغيير التخصص الرئيسي، الرجاء الاطلاع على الملاحظات التالية:

قد تكون بعض الحقول إما مفعلة أو معطلة بناء على مجال دراسة الطالب/الطالبة في جامعة قطر (مثال: إذا كان مجال دراسة الطالب لا يتطلب مسار في التخصص فسيكون حقل "concentration" غير مفعل)
في حال رغب الطالب/ الطالبة في تقديم طلب تغيير تخصص إلى كلية التربية فيجب عليه اختيار المسار المرغوب "concentration" (مثال: طفولة مبكرة، دراسات إسلامية ..الخ) في نفس الطلب.
لتقديم طلب تغيير التخصص الرئيسي، يمكنك الدخول إلى موقع الخدمة الذاتية "My Banner" على الرابط mybanner.qu.edu.qa باستخدام اسم المستخدم والرقم السري الخاص بك، ثم اتبع الخطوات الموضحة في الصور التالية:

http://t.co/uUYtlmVnuq http://youtu.be/jL_wsQjQWkE



يطالب بعض الطلاب في جامعة قطر تغيير تخصصهم فلا يستجاب لطلبهم وذلك بحجة

المعدل يا جامعة قطر هاذول شباب قطريين

أو شاب قطري يجب مساعدة القطريين

يا جامعة قطر بدل طرد القطريين وبعد

الطرد أين يذهب الطالب القطري

المفروض تساعد جامعة اي طالب قطري

يريد تغيير تخصصه وإعطاء الطالب

فرص الى ان ينجح من جامعة بلده او جامعته

الوطنية يا جامعة قطر يجب مساعدة الطالب

القطري الى اي شئ يكون في مصلحة الطالب

والسلام والتحية للمسؤولين في جامعة قطر

[رجل مثالي]

الطالب يدرس سنوات من عمره في الجامعة وإذا نزل معدله يطرد من الجامعة ايش هذا يا جامعة قطر عَدَد من سنوات عمر الطالب تروح هدر ايش هذا القانون يجب مساعدة الطالب القطري باي طريق للنجاح او تغيير تخصصه هذا جامعته الوطنية يا جامعة قطر

[Dexter]

ياخوي الطالب اذا نزل معدله يعطونه انذار ما ينطرد على طول.. والطالب عنده لين 4 انذارات قبل لا ينطرد.. يعني 4 كورسات.. يعني اكثر من سنتين فترة سماح.. هذا بدون الصيفي..

وعلى فكرة يقدر يقدم للجامعة مرة ثانية و يرجع بعد الطرد وتنحذف الإنذارات الي عليه

[R 7 A L]

لازم يكون فيه قانون ياخوي اذا مافيه قانون ماراح يكون فيه التزام

[غريب الدّار]

بمنتهى البساطة وحسب علمي :
المعدل التراكمي لازم مايقل عن رقم معين
اذا نزل عن هالرقم تم انذار الطالب
واذا ظل نازل يتم انذاره مرة ثانية
وفي الثالثة ينطرد

بس هذا الموضوع

الحين :
وين المشكلة بالضبط؟


بالنسبة لتغيير التخصص : فقوانين الجامعة تحكم الموضوع

مايصير بعد جامعة بدون قوانين

[غريب الدّار]

ياخوي الطالب اذا نزل معدله يعطونه انذار ما ينطرد على طول.. والطالب عنده لين 4 انذارات قبل لا ينطرد.. يعني 4 كورسات.. يعني اكثر من سنتين فترة سماح.. هذا بدون الصيفي..

وعلى فكرة يقدر يقدم للجامعة مرة ثانية و يرجع بعد الطرد وتنحذف الإنذارات الي عليه

4 إنذارات ؟ هم زادوا عدد الإنذارات ولا وشو ؟ اللي اسمعه دايما ان إنذارين والثالث ينطرد
وهل انت متاكد انه يقدر يرجع بعد الطرد؟ شلون؟ قصدك لازم يعيد الثانوية ؟
اول مرة ادري ان في جامعة ترجع المطرودين منها بسبب المعدل!!!

[عـ العبيدلي]

كل جامعات العالم فيها معايير وقوانين ..
وجامعة قطر منهم ..

وصحيح انهم شوي صعبوا القوانين حاليا ..
لانه عدد طلاب الجامعة المسجلين وااااااااااايد جدا جدا اكثر من طاقة الجامعة الاستيعابية ..
وووااااايييييد داشين الجامعة بس عشان الشهاده وله حد فيهم يبي يتعلم .. يبي تخصص سهل وخلاص ..

فعشان جي صعبوا شوي موضوع نغيير التخصص لانه كل من يه وما فلح فتخصص يبي يغير ..

الوضع معقد فالجامعة والله يعينهم ..

[عـ العبيدلي]

4 إنذارات ؟ هم زادوا عدد الإنذارات ولا وشو ؟ اللي اسمعه دايما ان إنذارين والثالث ينطرد
وهل انت متاكد انه يقدر يرجع بعد الطرد؟ شلون؟ قصدك لازم يعيد الثانوية ؟
اول مرة ادري ان في جامعة ترجع المطرودين منها بسبب المعدل!!!

3 انذارات متتالية .. او 4 انذارات متفرقة ..

[غريب الدّار]

وصحيح انهم شوي صعبوا القوانين حاليا ..

الوضع معقد فالجامعة والله يعينهم ..

مرحبا اخوي العبيدلي
بصفتك صحفي اعتقد عندك معلومات وأتمنى اتنورني ولا عليك امر :
1- شنهي القوانين اللي صعبوها؟
2- (الوضع معقد) من أي ناحية؟

[غريب الدّار]

3 انذارات متتالية .. او 4 انذارات متفرقة ..

اها
جذيه السالفة
رحم الله والديك يالعبيدلي ع التوضح
ماقصرت الشيخ

[H H]

سلامات يالطيب :(

سبيل هي ؟ :(

اذا تم تنفيذ الي انت تبيه ابشرك , كلها كم سنه وبتشوف المناصب ماسكينها اشخاص موب كفو.
ومايحتاج اقولك حجم تاثير هالشي على مؤسسات الدوله والمواطن وجميع افراد المجتمع!!

قالوها الاولين , لاجل عين تكرم مدينه , بس صعبه نطبقها ونضيع كلنا لاجل عيون هالمستهتر الي مايبي يلتزم بالقوانين ولايبي يشد حيله.

[عـ العبيدلي]

1- شنهي القوانين اللي صعبوها؟
مثلا : قانون تغيير التخصص ..
قبل " كان عدد الطلاب بسيط " كنت اقدر في أي وقت قبل الـ 60 ساعة ومهما كان معدلي
إني اغير تخصصي .
حاليا : لازم يكون معدل معين .. وتكون مخلص عدد ساعات معين .. وتعدي المقابلة ..
وبعدها راح يجوفون الأولوية لأصحاب المعدلات الأعلى ..

اختيار التخصص : قبل اول ما تدخل الجامعة تختار تخصص وتبدا على طول ..

احين اسأل اغلب طلاب الجامعة الي في اول كورس او سنه .. بيقولك لحين ما نقبل في وله تخصص
وكل شي بيتحدد بعد ما يخلص اتوقع 24 ساعة .. ويكون معدل معين يقدر يدخل التخصص طبعا اذا ما كان فيه اكتفاء ..

هاي شي من الي انا اعرفه وووو ترى " انا مب صحفي " موظف حكومي حالي حال الكل لكن فقط هاوي الكتابة .

2- (الوضع معقد) من أي ناحية؟
مثل ما ذكرت .. انه عدد الطلاب صار اكبر من امكانيات الجامعة بعد قرار التغيير للغة العربية ..

مثال : في سنة 2008 يوم دخلت تخصص الإعلام كانت دفعتي تحتوي تقريبا على 10 لي 15 طالب .. حاليا يوصل من 100 لي 150 البنين فقط انا اتكلم ..

عدد طلاب الجامعة زاد اضعاف بين يوم وليلة .. مافي شي فالجامعة يكفي الطلاب .. فصارت فوضى

هذي امثله انا اعرفها لو تسال حد حاليا في الجامعة بيقولك ..

حتى مواقف ما يلقون هههههه

[Dexter]

4 إنذارات ؟ هم زادوا عدد الإنذارات ولا وشو ؟ اللي اسمعه دايما ان إنذارين والثالث ينطرد
وهل انت متاكد انه يقدر يرجع بعد الطرد؟ شلون؟ قصدك لازم يعيد الثانوية ؟
اول مرة ادري ان في جامعة ترجع المطرودين منها بسبب المعدل!!!

اذا انذارات متفرقة يعطونك لين 4 ومتتالية 3

وتقدر تقدم عالجامعة بعد سنة من الطرد وتنقبل بساعاتك الي خلصتها ويصير عليك انذار واحد بس

هذا الي قالوه لنا المشرفين الاكاديميين، وواحد من الشباب هالكورس راجع الجامعة بعد ما انطرد

عشان تعرف شلون متساهلين مع الطلاب ههههه

[رجل مثالي]

شكرآ على مروركم على الموضوع وردودكم المفيدة ولكن اخواني يجب مساعدة الطالب القطري الى الوصول الى النجاح في جامعته الوطنية فهو في الاول والأخير بيكون مجهوده وتعبه وكل شئ لبلاده فيجب تقديم جميع الحلول للطالب القطري للوصول الى النجاح في جامعته وبلاده ليقوم بخدمة وطنه وهو مثقف ودارس مختلف العلوم
ووين بيروح اذا طرد بعد عدة سنوات أمضاها من عمره في الجامعة وهل بيدرس بعد من اول هذا شى صعب وحرام نصعب الامور على اعيالنا لذلك على ادارة الجامعة العمل بطرق شتى للوصول الى حلول جيدة لمساعدة الطلاب القطريين بدل ان يتبهدلوا وشكرا

[غريب الدّار]

رحم الله والديكم على التوضيح


شكرآ على مروركم على الموضوع وردودكم المفيدة ولكن اخواني يجب مساعدة الطالب القطري الى الوصول الى النجاح في جامعته الوطنية فهو في الاول والأخير بيكون مجهوده وتعبه وكل شئ لبلاده فيجب تقديم جميع الحلول للطالب القطري للوصول الى النجاح في جامعته وبلاده ليقوم بخدمة وطنه وهو مثقف ودارس مختلف العلوم
ووين بيروح اذا طرد بعد عدة سنوات أمضاها من عمره في الجامعة وهل بيدرس بعد من اول هذا شى صعب وحرام نصعب الامور على اعيالنا لذلك على ادارة الجامعة العمل بطرق شتى للوصول الى حلول جيدة لمساعدة الطلاب القطريين بدل ان يتبهدلوا وشكرا
مرحبا اخوي
يجب مساعدة الطالب القطري؟ في وشو اخوي ؟

وبعدين شلون بيطلع مثقف ودارس العلوم على قولتك وهو عليه هالكثر إنذارات ؟

وانت تتكلم عن حلول اخوي

بس حلول لايش بالضبط؟ حلول لمسالة الإنذارات ؟

طيب شنهي الحلول اللي تقترحها اخوي؟

مايكون في إنذارات ؟

شرط ينسحب الاعتراف بجامعة قطر في نفس اليوم اللي تقرر فيه الغاء الإنذارات :)

وقتها بنشوف موضوع عنوانه :
قطر مافيها جامعة وطنية قوية
!!!!

[حسن]

الطالب يدرس سنوات من عمره في الجامعة وإذا نزل معدله يطرد من الجامعة ايش هذا يا جامعة قطر عَدَد من سنوات عمر الطالب تروح هدر ايش هذا القانون يجب مساعدة الطالب القطري باي طريق للنجاح او تغيير تخصصه هذا جامعته الوطنية يا جامعة قطر

في اي عهد يارجل مثالي الجديد ولا القديم

!!!

[رجل مثالي]

في اي عهد يارجل مثالي الجديد ولا القديم

!!!


الله يسلمك اذا كان عندك ولد يدرس في الجامعة اكيد ما كنت تقول في اي عهد هذا

[نوفا91]

محدثتكم طالبة من جامعة قطر ، تحديدا في الكلاس والدكتور يعطينا الدرجات :(


ماعندي شي اقوله بس من اشوف موضوع عن جامعة قطر لازم ادش واسجل حضور ،
^

انه الانتماء ياسادة
:)

[حسن]

الله يسلمك اذا كان عندك ولد يدرس في الجامعة اكيد ما كنت تقول في اي عهد هذا

يااخي انا استفسر يعني في عهد الدكتوره شيخه المسند ولا في عهد الدكتور الدرهم المدير الحالي

يارجل مثالي

وبالنسبه لو لدي ان شاء الله بدرسه في المانيا ولو على احسابي يتعلم صح
ويتعلم لغتين
وترا جامعه قطر بعد معروفه جامعه جدا قويه وخريجينهم مستواهم جد عالي من خلال ماشفتهم على ارض الواقع
الفرق بينه وبين اللي دارس برع اللغه الانجليزيه فقط

[R 7 A L]

سلامات يالطيب :(

سبيل هي ؟ :(

اذا تم تنفيذ الي انت تبيه ابشرك , كلها كم سنه وبتشوف المناصب ماسكينها اشخاص موب كفو.
ومايحتاج اقولك حجم تاثير هالشي على مؤسسات الدوله والمواطن وجميع افراد المجتمع!!

قالوها الاولين , لاجل عين تكرم مدينه , بس صعبه نطبقها ونضيع كلنا لاجل عيون هالمستهتر الي مايبي يلتزم بالقوانين ولايبي يشد حيله.


سبيل هههههه
لو كانت سبيل بنحصل ناس مازالوا يدرسون فيها من عشرين سنة ههههه

[نوفا91]

يااخي انا استفسر يعني في عهد الدكتوره شيخه المسند ولا في عهد الدكتور الدرهم المدير الحالي

يارجل مثالي

وبالنسبه لو لدي ان شاء الله بدرسه في المانيا ولو على احسابي يتعلم صح
ويتعلم لغتين
وترا جامعه قطر بعد معروفه جامعه جدا قويه وخريجينهم مستواهم جد عالي من خلال ماشفتهم على ارض الواقع
الفرق بينه وبين اللي دارس برع اللغه الانجليزيه فقط

كلامك عدل ياحسن ع المستوى ، والدليل مستواي الله يحفظني من كل شر ، انتوا انطروني اتخرج بس ، :shy:

[رجل مثالي]

يااخي انا استفسر يعني في عهد الدكتوره شيخه المسند ولا في عهد الدكتور الدرهم المدير الحالي

يارجل مثالي

وبالنسبه لو لدي ان شاء الله بدرسه في المانيا ولو على احسابي يتعلم صح
ويتعلم لغتين
وترا جامعه قطر بعد معروفه جامعه جدا قويه وخريجينهم مستواهم جد عالي من خلال ماشفتهم على ارض الواقع
الفرق بينه وبين اللي دارس برع اللغه الانجليزيه فقط


تسلم اخوي حسن على التوضيح وعقبال تخرج
ولدك والجميع ان شاءالله
والدراسة في تحتاج الى تعلم اللغة الالمانية وفي كثير من الشباب السعودي يدرس في المانيا فصدي من الطلبة الخليجيين الأكثر من السعودية يدرسون في المانيا وهم تعلموا اوكي اللغة و التوفيق للجميع ان شاءالله

[Qtr37]

الموضوع عن تغيير التخصص،، قوانينهم مدروسة بصراحة
واللي معترضين على طرد الطلاب بعد انذارهم
بصراحة ادني معدل جدا معقول
واللي ينزل عن هالمعدل اكثر من مرة معناه انه ما يدرس وماخذ مكان ناس تبي تدرس

[رجل مثالي]

الموضوع عن تغيير التخصص،، قوانينهم مدروسة بصراحة
واللي معترضين على طرد الطلاب بعد انذارهم
بصراحة ادني معدل جدا معقول
واللي ينزل عن هالمعدل اكثر من مرة معناه انه ما يدرس وماخذ مكان ناس تبي تدرس


الله يسلمك والى كانت درجاته اوكي بس عنده مادة او مادتين او ممكن ثلاتة نزل معدله لانه ما جاب جيد جدا او ما عرف حسبتهم كيف هل يعتبر ما درس الله يسلمك ايش كيف عرفت انه ما درس وممكن عنده مدرسين خاص في البيت
ووووو ليش اشدعوة ما يدرس بس هم يبون معدل ممتاز على طول ممكن يمكن

[رجل مثالي]

هم يبون على طول الطالب يجيب ممتاز طالع من بطن امه عبقري او ساحر ممكن على طول

[بوخميس]

القوانين الحالية بعد التعديل أشوف انها جيدة

وصج رجع عدد كبير من الطلاب اللي ما كانوا اجتازوا التأسيسي أو اللي انطردوا بسبب انذارات متتالية، رجعوا الجامعة

اشوف ان ازدحام الجامعة حالياً مؤقت وبسبب عودة ناس صار بعضهم له 10 سنين موقف دراسة للجامعة مرة ثانية.

ممكن بعد 3-4 سنوات نرجع معدلات طبيعية، يعني كل سنة 3-4 الاف طالب جديد.

والدولة تحتاج خريجين، واللي بيتخرج فوق 2 من 4 يعني طالب جيد بشكل مجمل.

[Qtr37]

الله يسلمك والى كانت درجاته اوكي بس عنده مادة او مادتين او ممكن ثلاتة نزل معدله لانه ما جاب جيد جدا او ما عرف حسبتهم كيف هل يعتبر ما درس الله يسلمك ايش كيف عرفت انه ما درس وممكن عنده مدرسين خاص في البيت
ووووو ليش اشدعوة ما يدرس بس هم يبون معدل ممتاز على طول ممكن يمكن


عرفت لاني درست في جامعة قطر
واضح انك مب عارف طريقة الحسبة
ومش مطلوب منك تكون امتياز على طول علشان تتجنب الانذار
من قالك ان الطالب معدله ينزل من ماده او مادتين
انا متخرجة من ثلاث سنوات من الجامعه ومادتين جبت فيهم د وكان هالشي لظروف خاصه منها حاله وفاة ولا ما كان تقديري د
وفي مواد وايد جبت فيها c ومب كل المواد جبت فيها a
ورفيجتي رسبت في ماده في اول كورس وماخذت ولا خذت رفيجتي انذار
تقدر تدخل حاسبه المعدلات لجامعه قطر وتحسب

وعلى فكره تخرجت ومعدلي فوق ثلاثه

[المحاميه]

مع احترامي لصاحب الموضوع بس جد انا مافهمت وين المشكله بالضبط او الغرض من ورا الطرح

يعني الموضوع ف بدايته جاي على شكل تعريفي بنظام الجامعه بعده هجوم على سالفة الطرد

والعنوان عن تغيير التخصص

ممكن توضح المشكله بالضبط عشان نعرف شمسويه الجامعه بالضبط

وشكرا

[H H]

هم يبون على طول الطالب يجيب ممتاز طالع من بطن امه عبقري او ساحر ممكن على طول


لاتغير الحقائق الله يحفظك! الجامعه حاطه معدل منخفض جدا جدا جدا , الي ينزل عن هالمعدل ياخذ انذار
وبعد عدة انذارات يتفنش , والسنه الاولى مافيها انذار حتى لو نزل وغيره وغيره وغيره من التسهيلات الجديده.

محد طلب منهم يصيرون عباقره , ابد,, شوي اهتمام من الطلاب وبتكون الامور ممتازه.
اما اننا نطالب الدوله بالتخفيف بدال مانطلب من الطلاب شدة الحيل فهذا شي غريب صراحه.

[H H]

الطالب يدرس سنوات من عمره في الجامعة وإذا نزل معدله يطرد من الجامعة ايش هذا يا جامعة قطر عَدَد من سنوات عمر الطالب تروح هدر ايش هذا القانون يجب مساعدة الطالب القطري باي طريق للنجاح او تغيير تخصصه هذا جامعته الوطنية يا جامعة قطر


يطردونه اذا معدله نزل مره وحده ؟ والا يعطونه عدة فرص!!
وطبيعي اذا ماالتزم بالقوانين عدة مرات انه ينطرد! ياخوي اذا وصلت نقاط مخالفاتك لل 21 تنسحب رخصتك.
كل شي وله قوانين , انك تكسر هالقوانين مره ومرتين وثلاث , وفالمره الرابعه اذا طردوك تقول ليه وكيف ومتى ووين!!

على كذا , اجل ليه الطالب يدخل الجامعه اصلاً , يحق لكل طالب الحصول على شهادة جامعيه تُسلّم له فور تخرجه من الثانويه!!
يستاهل , دامها جامعته الوطنيه.

[حرف]

الي مو قد الدراسة يقعد في بيته ولايروح يشتغل ويفتح المجال لغيرة

[المحاميه]

الي مو قد الدراسة يقعد في بيته ولايروح يشتغل ويفتح المجال لغيرة

هذا اسلوب مب حلو وفيه تحبيط
ماتعرف شنهي ظروف الناس

[الحسام]

هنالك قوانين معلنه تسر الخاطر ، وهنالك قوانين خفيه تمشيها الاهواء في جامعتنا الموقرة

الطالب وحده فقط من يعرف هذا الشي .

ولكن متفائلين بالقادم ، والامل ما مات .

اللي ينطرد ماله الا يعيد الثانويه العامه ويرجع أكثر إصرار ويدعي عالظالمين :) إن لزم الأمر

[الحسام]

هذا اسلوب مب حلو وفيه تحبيط
ماتعرف شنهي ظروف الناس


صدقتي ، ما يعرف ظروف الناس من يقول هالكلام