مستقبل الطلبه القطريين بعد الدور الثاني؟؟

[شبعان]

الكثير من الطلبه القطريين واللي نجحوا في الدور الثاني يعانون من صعوبة التسجيل لمواصلة الدراسه الجامعيه والسبب ان كل الجامعات في قطر اغلقت باب القبول وحتى كلية المجتمع كل الكورسات مافيها اماكن شاغره.

شالحل؟؟؟ الطلبه يبغون يكملون دراستهم الجامعيه؟؟؟؟

[R 7 A L]

جامعة قطر اغلقت التسجيل ؟

[ya3coub]

ألف مبروك تخرجهم

سوائا بجهدهم او الظروف الي حدتهم على الدور الثاني


بس المعروف و الي من ايامي و إلى الآن الطلاب الي يبون يدرسون هنا او برع يقدمون عالجامعات قبل التخرج و يجيبون قبول مشروط الشرط يكون إكمال الشهادة الثنوية و تسليمها و بعدها علطول يجيله قبول غير مشروط حتى لو تسكر التسجيل لأن عنده اوفر منهم.



عدم تسجيلهم من قبل و عدم اهتمامهم او حتى مراعاتهم او معرفتهم بأوقات إغلاق التسجيل مو حجة أخوي

يقدرون يطورون من نفسهم و لغتهم الإنجليزية الآن إلى شهر 1 يدخلون بالفصل "السمستر" الي يبتدي شهر 1 سوائا بالدوحة او خارجها و الي نسبهم نازله يطورون من نفسهم اذا يبون يكملون بالجامعه و يستغلون هال 4 شهور بالتحضيرات و ايضا الدراسة مقدما لبعض المناهج الجامعية الي موجودة عالنت مو بس يعتمدون على التأسيسي للجامعه.

[غريب الدّار]

جامعة قطر اغلقت التسجيل ؟

نفس السؤال

[العقل المدمر]

غريبة يبون يسجلون جامعة وهم دراسة المدرسة مب قادرين عليها

[بنت شرق]

بجريدة الراية اليوم الخميس ،، فتح باب التسجيل الالكتروني لدراسة اللغة الانجليزية والبكالوريوس ،، بالخارج شدوا حيلكم

[غريب الدّار]

غريبة يبون يسجلون جامعة وهم دراسة المدرسة مب قادرين عليها



:nice: في منتصف القبول والتسجيل :nice:

[حمد 2002]

غريبة يبون يسجلون جامعة وهم دراسة المدرسة مب قادرين عليها

حسب خبرتي ،،

الحياه الجامعيه تختلف كليا عن حياه المدارس ،

ياما ناس كانوا شاطرين بالمدرسه ومن الاوائل ويوم راحوا الجامعه ماتوفقوا والعكس صحيح ..

الكاتب الصحفي

حمد 2002

[غريب الدّار]

حسب خبرتي ،،

الحياه الجامعيه تختلف كليا عن حياه المدارس ،

ياما ناس كانوا شاطرين بالمدرسه ومن الاوائل ويوم راحوا الجامعه ماتوفقوا والعكس صحيح ..

الكاتب الصحفي

حمد 2002
كلامك يالكاتب الصحفي قد يكون صحيح في حالات نادرة جدا جدا

لكن عندي لك سؤال :
هل معنى كلامك ان نقدر نجيب طالب ماقدر يكمل سادس ابتدائي مثلا وندخله الجامعة وراح يفلح فيها؟

او خلنا نقول طالب مطرود بسبب الرسوب من ثالث ثانوي ؟ هل نقدر ندخله الجامعة بناء على كلامك؟

بس مسالة ان كان في ناس من الأوائل في المدرسة (قصدي طيلة حياتهم الدراسية)وماقدروا يواصلون في الجامعة قوية شوي ياحمد
:)


الا اذا تقصد ان في ناس مثلا خذوا الأول في اول ابتدائي او ثاني ابتدائي بس وعقب ظلوا خافجين لين وصلوا الجامعة خفجوا زيادة هذا موضوع ثاني

[Mr 3idany]

غريب الدار / رحال

التسجيل انتهى واللي حاب يسجل حق كورس ربيع2016 ب إمكانهم التسجيل في شهر11 بس بالضبط متى مادري

واللي يبي او كان حاط ف باله يدرس بالجامعات في قطر كان قدم من قبل مب لعب وعقب ما سقط وشاف انه مافي مكان مبطل

قعد يحط اعذار ويقعد يلوم وهو الغلط راكبه من فوقه لين ساسه

[غريب الدّار]

غريب الدار / رحال

التسجيل انتهى واللي حاب يسجل حق كورس ربيع2016 ب إمكانهم التسجيل في شهر11 بس بالضبط متى مادري

واللي يبي او كان حاط ف باله يدرس بالجامعات في قطر كان قدم من قبل مب لعب وعقب ما سقط وشاف انه مافي مكان مبطل

قعد يحط اعذار ويقعد يلوم وهو الغلط راكبه من فوقه لين ساسه

قصدك من ساسه لي راسه


مشكور اخوي الكريم على التوضيح

مادري شاقول الله يعينهم ويوفقهم
سواء لعبوا او مالعبوا بس أتمنى يكون لهم درس

[حمد 2002]

كلامك يالكاتب الصحفي قد يكون صحيح في حالات نادرة جدا جدا

لكن عندي لك سؤال :
هل معنى كلامك ان نقدر نجيب طالب ماقدر يكمل سادس ابتدائي مثلا وندخله الجامعة وراح يفلح فيها؟

الاخ طارح الموضوع مايقصد طلاب الابتدائيه بل يقصد طلاب الثالث ثانوي

او خلنا نقول طالب مطرود بسبب الرسوب من ثالث ثانوي ؟ هل نقدر ندخله الجامعة بناء على كلامك؟

شلون مطرود من ثالث ثانوي ؟ فهمني شوي ؟ وش دخل الدور الثاني بالطرد من ثالث ثانوي ؟



بس مسالة ان كان في ناس من الأوائل في المدرسة (قصدي طيلة حياتهم الدراسية)وماقدروا يواصلون في الجماعة قوية شوي ياحمد

نعم

حياه الجامعه تختلف عن حياه الدراسه كليا

فهي تحتاج الى صبر واجتهاد وليس كلها حفظ ونسخ نفس المدرسه ولازم تكتب نفس الكتاب وتلتزم بنفس المنهج ولا لازم تراجع بالبيت ،

لو بس تسمع للدكتور وتفهمه وماتحفظ بالبيت هالشيء يكفي ، ولاتنسى بعد الابحاث والبرزنتيشن الجماعي والفردي ، والمشاركات والحضور وووو ، وبالجامعه تكون مخير حيث هناك مواد اختياريه تقدر اتنقى من بينها وتختار اسهلها لك ولرغباتم ومواد اجباريه كتاريخ قطر وعربي 1 وانجليزي 1 والثقافه الاسلاميه ومواد اجباريه بتخصصك ،، يعني الجامعه تعتمد على التخطيط والتكتيك وليس الحفظ كالمدرسه ،،

شكرا لك ،،
:)

شكرا لك ،،

[غريب الدّار]

شكرا لك ،،
عفوا لك ،،

راد في الاقتباس الله يهداك شلون اخذ ردودك الحين؟
:)

بس شوف
شلون مطرود من ثالث ثانوي؟ ياخي كان يرسب وايد وانطرد

وش دخل هذا في ذاك؟ ياخي انت اللي جبت السيرة مب انا يالكاتب الصحفي :) شكلك نسيت

وردي كان رد على كلامك لما قلت ان في طلاب من الأوائل في المدرسة بس ماقدروا ع الجامعة

مجمل ردي يقول : ان هالكلام مب معقول
هذا اللي قصدته

اللي طول عمره الأول في المدرسة راح يكمل في الجامعة الا اذا صار شي استثنائي


بس


شكرا لك ،،
:)

[حمد 2002]

غريب الدار / رحال

التسجيل انتهى واللي حاب يسجل حق كورس ربيع2016 ب إمكانهم التسجيل في شهر11 بس بالضبط متى مادري

واللي يبي او كان حاط ف باله يدرس بالجامعات في قطر كان قدم من قبل مب لعب وعقب ما سقط وشاف انه مافي مكان مبطل

قعد يحط اعذار ويقعد يلوم وهو الغلط راكبه من فوقه لين ساسه

وليش جامعه قطر ماحطه في بالها انه في طلاب عليهم دور ثاني ؟ ويبون ايسجلون بعدين !!


وشلون تبي الطالب ايسجل ويختار التخصص وهو مب عارف نسبته كم ومب عارف هل هو بينجح من الدور الثاني او لا ؟

ليش دايما انلوم الطلاب ومانلوم الجامعه ؟


ليش مانجوف موظفين من الجامعه وظيفتهم ايدورون على المدارس الثانويه وايسجلون الطلاب ؟!!

ليش دايما نبي الطلاب يركض ورى الجامعه وانخلي الجامعه هي من تركض وورى الطالب ؟

شكرا لك !!

[غريب الدّار]

ليش دايما نبي الطلاب يركض ورى الجامعه وانخلي الجامعه هي من تركض وورى الطالب ؟

!!

تبي الجامعة تركض ورا الطالب ؟
:)

فلحنا والله

[حسن]

الجيش ابرك ولا الشكوى لضالم

:)

[حمد 2002]

الجيش ابرك ولا الشكوى لضالم

:)

طيب ليش مانجشع الطالب انه يدرس جامعه ، وتالي اذا قدم على الشرطه ولا الجيش اكيد بياخذونه مرشح ظابط حسب خبرتي !! ، ليش على طول جيش ولا شرطه !!

[حمد 2002]

تبي الجامعة تركض ورا الطالب ؟
:)

فلحنا والله

نعم

الجمعات الضخمه والعالميه ، اعلاناتها تملىء العالم في سبيل استقطاب الطلاب !! ،


ومب عيب اذا جامعه قطر ركضه ورى الطالب القطري واستقطبته في سبيل دراسته الجامعيه ،

حتى لو عطته 10 الاف ريال بالشهر مب عيب والله

[حسن]

طيب ليش مانجشع الطالب انه يدرس جامعه ، وتالي اذا قدم على الشرطه ولا الجيش اكيد بياخذونه مرشح ظابط حسب خبرتي !! ، ليش على طول جيش ولا شرطه !!

وحد مانعهم من الدراسه قطر سوت شي ماسوه غيرنا كلشي متوفر والبعثات بالهبل
بس نبي جديه

[غريب الدّار]

نعم

الجمعات الضخمه والعالميه ، اعلاناتها تملىء العالم في سبيل استقطاب الطلاب !! ،


ومب عيب اذا جامعه قطر ركضه ورى الطالب القطري واستقطبته في سبيل دراسته الجامعيه ،

حتى لو عطته 10 الاف ريال بالشهر مب عيب والله
أي جامعات ضخمة وعالمية اعلاناتها تملأ العالم على قولتك؟

وين اعلاناتها؟وبعدين اعلاناتها عن وشو بالضبط؟

وبعدين ياحمد أي استقطاب تقصد ؟ لازم جامعة قطر تستقطب الطلاب؟؟

الجامعة ماتستقطب حد
قصدي الجامعة ماتستقطب طلاب

الطالب المستوفي الشروط يقدر يدخل الجامعة والجامعة أبوابها مفتوحة

يعني تبي الجامعة تسوي عروض مثلا علشان الطلاب يدخلونها؟

سجل وتدخل السحب على لاب توب مثلا؟
او ادخل الكلية الفلانية واحصل على تذاكر سفر دوحة حسا دوحة؟

الجامعات الكبيرة ياحمد والقوية الكل المفروض يركض وراها امراكض مب هي اللي تركض وراه
ويذبحون انفسهم علشان يدخلونها بعد
هذا علم ياحمد
والعلم لازم تركض وراه مب هو اللي يركض وراك

على فكرة كل جامعات العالم (الضخمة على قولتك) فيها شروط للالتحاق ومواعيد تسجيل مب تعال وادخل

[بعيد النظر]

في قسم كامل .. مختص باستقطاب الطلبة ..
تابع لجامعة حمد بن خليفة ..

يمرون مدارس .. ويشجعونهم على الدراسة الجامعية ..
ويعطونهم خيارات داخل المدينة التعليمية ..

وخارج البلاد .. وياخذون ضيف يتكلم عن نفسه ..
يوم كان في الثانوية ورحلته .. الدراسية في الجامعة ..

التوجيه موجود .. بس الجيل .. لو مريت عليه ..
بتعرف انه ما يبي حتى يفكر ف شي .. يبي كل شي بالراحة ..


موقف من المواقف .. الضيف يتكلم .. ويشرح شلون اول ايامه فـ الغربة ..
وطالب من الطلاب نقز .. قال : بااال .. ادخل العسكرية واستلم راتبي ابرك من عوار الراس ..

قال انت تبي تعسكر .. غيرك يبي يدرس ..
سال الجميع .. اللي يبي يدخل الجامعة يرفع يده ..

واحد اللي رفع يده .. بسسسس !


الباقي اجمعو على العسكرية ..

[غريب الدّار]

قال انت تبي تعسكر .. غيرك يبي يدرس ..
سال الجميع .. اللي يبي يدخل الجامعة يرفع يده ..

واحد اللي رفع يده .. بسسسس !


الباقي اجمعو على العسكرية ..

؟؟؟!!!

بس واحد؟

هل هذا يعني ان العسكرية مريحة؟


سؤال للعساكر أولا وللكل ثانيا

[بعيد النظر]

؟؟؟!!!

بس واحد؟

هل هذا يعني ان العسكرية مريحة؟


سؤال للعساكر أولا وللكل ثانيا


مافي شي مريح ..
بس يسمع بالرواتب .. من غير دراسة وهو الاهم في وجهة نظره ..
لانه تملل من 12 سنة .. دراسية !!!!!!!

فـ يبغي الفكة .. بطريقة من الطرق !


اما العسكرية .. فـ خبرتي فيها ..
الخدمة الوطنية .. اول دفعة !

والحمدلله عدت بخيرها و شرها ..

[A-Alansari]

التسجيل كان المفروض من قبل يوم ابواب التسجيل مفتوحه

ويسجل بأكثر من مكان مافي مشكلة وعقب يجيب لهم الشهادة لين نجح حتى لو جامعه ماقبلته يمكن تقبله الثانية

والله يعينهم يصبرون لين يفتحون التسجيل مره ثانية

[العقل المدمر]

حسب خبرتي ،،

الحياه الجامعيه تختلف كليا عن حياه المدارس ،

ياما ناس كانوا شاطرين بالمدرسه ومن الاوائل ويوم راحوا الجامعه ماتوفقوا والعكس صحيح ..

الكاتب الصحفي

حمد 2002


صح كلامك
بس غالبا اللي يوصل لمرحلة الرسوب
قلبه مايكون على الدراسة لانه لو حاب يدخل جامعة كان شد حيله
مب شرط يجيب 90 وطالع بس عالاقل 70 وطالع .. هاي اذا تهمه الجامعة ومفكر فيها من قبل