استفسار عن تبديل اللوحة السياره

[كلاسيك قطر]

السلام عليكم ورحمة الله وبركاته
اخواني عندي استفسار بخصوص السياره لوحه البحرين وأبي اجيبها قطر واركب لوحه قطريه اشلون الطريقه

[كلاسيك قطر]

وين ردودكم ياشباب

[قلب صادق]

.

وعليكم السلام ورحمة الله وبركاته

والله اخوي ما عندي فكرة عن الموضوع بس تقدر تسال المرور
وممكن تتصل على هذا الرقم اسمه مكتب القبطان للنقل 44430064 وان شاء الله الأعضاء يفيدوك اكثر وبالتوفيق

[كلاسيك قطر]

ان شاء الله انشوف الردود

[حليتان*]

موضوعك طوووويل اذا الموتر مش جديد يبي لك استثناء من التجاره وسالفه بتاكد لك من الاجراءات وبرد لك خبر

[كلاسيك قطر]

لا اخوي الموتر مش جديد الموتر قديم موديل 2012

[H H]

اهم شي الموتر مايكون اقدم من خمس سنوات.

توجه للمرور فالبحرين وركب لوحات تصدير , وحاول تاخذ ورقة المقاصه من هناك (بيدفعونك على حدود قطر 5% جمرك اذا هالورقه ميب معك)
وجبها الدوحه مع اوراقها وفاتورة الشراء اذا كانت معك وامورك طيبه , وتقدر تخلص امور اللوحه فيوم واحد , الموضوع سهالات.

[بومحمد المطاوعه]

شوف طال عمرك اذا كان اقدم من 5 سنوات

هذي الأجراءات ,,,

تسوي كتاب موجهه للمواصفات والمقاييس
تروح المواصفات والمقاييس تقدم الكتاب

طبعآ لازم تكون البيانات كامله
من رقم الشاصي و نوع الموتر ومواصفاته واللون وهالأمور

ويفضل صوره من ملكيه السياره

وصوره من بطاقتك الشخصيه

تقدم الكتاب عند سكرتير المدير

يمكن يخلصك نفس اليوم او بعد يوم او يومين

تطلع الموافقه تشحن الموتر بلوحات تصدير

ويوقف الموتر في مركز بوسمره تاخذ اوراقه وترجع المواصفات والمقاييس

تطلع ورقه استلام مركبه موجهه للجمارك في بوسمره والمرور

يعني تستلم كتابين منهم

والله يسهل عليك

اهم شي ورقه المقاصه ..

سواء كان اي موديل

[كلاسيك قطر]

لا ياشباب الموتر حق الاهل ابي اغير اللوحه اهني

وانا شباب قالولي عادي اذا من هلك اجيب السياره عادي بدون الاوراق المطلوبه من المرور في البحرين ومن غير لوحه تصدير

[H H]

لا ياشباب الموتر حق الاهل ابي اغير اللوحه اهني

وانا شباب قالولي عادي اذا من هلك اجيب السياره عادي بدون الاوراق المطلوبه من المرور في البحرين ومن غير لوحه تصدير


مستحيل والله اعلم.

[بومحمد المطاوعه]

لا ياشباب الموتر حق الاهل ابي اغير اللوحه اهني

وانا شباب قالولي عادي اذا من هلك اجيب السياره عادي بدون الاوراق المطلوبه من المرور في البحرين ومن غير لوحه تصدير

يصير تسقط اللوحات في منفذ بوسمره بسلازم يكون عندك كتاب من المحكمه ابراء ذمه
من البحرين

طرش رساله على 180
اكتب منفذ بوسمره

واستفسر منهم

[كلاسيك قطر]

لاهنت