المساعد الشخصي الرقمي

مشاهدة النسخة كاملة : رأيكم في بناء قبو للفيلا؟؟



إشراقة قلم
21-08-2015, 05:18 PM
السلام عليكم ورحمة الله وبركاته
باختصار أخواني الأعزاء
انا ابي اسوي في بيتي قبو بدل الملاحق الخارجية
يعني مطابخ وغرف خدم وتخزين وغسيل
ناس كثير يخوفوني من قضية الصرف الصحي
ابي اسمع أكبر قدر من الآراء والتوصيات والتجارب تفيدوني وتفيدون اللي مثلي
والأخوة المشرفين لو هذا موب المكان المناسب سامحوني وانقلوه المكان المناسب

CH Engineer
21-08-2015, 05:24 PM
الاراضي مولعه والكل يحاول يستفيد من المساحة
القبو زين وتقدر تحط فيه المطبخ الرئيسي وصالة كبيره وغرفة ومخزن والصرف الصحي موضوعه سهل احفر وخل الصرف على مستوى اقل من القبو ومن الحفره للصرف الرئيسي للبيت


عندك معماري بيفيدك اكثر
وبالتوفيق اخوي

MAZEN37
21-08-2015, 05:26 PM
اولا حسب المنطقه
ثانيا التكلفه مب بسيطه
ثالثا انتبه لموضوع التبريد

حسن
21-08-2015, 06:50 PM
الصراحه البيسمنت مفيد جدا لو عاد بي الزمن لاستغليته مافي مشكله وكل شي له علاج بس شوف منطقتك
فيها ماي ولا مرتفعه واهم شي العوازل من الجهتين عن التسريب والصرف الصحي بيسون لك خزان
ارضي ومضخه ترفع فوق للبالوعه الرئيسيه هذا الكريه فيها لو اختربت المضخه من بينزل
لك يركب مضخه ولد عمى صار له شهر خربانه المضخه ولين الحين مابدلها
كان ماتسوي الحمامات ولا مغاسل فيها ابرك

حسن
21-08-2015, 07:12 PM
الاراضي مولعه والكل يحاول يستفيد من المساحة
القبو زين وتقدر تحط فيه المطبخ الرئيسي وصالة كبيره وغرفة ومخزن والصرف الصحي موضوعه سهل احفر وخل الصرف على مستوى اقل من القبو ومن الحفره للصرف الرئيسي للبيت


عندك معماري بيفيدك اكثر
وبالتوفيق اخوي

صحيح معماري عنده خبره وهو مهندس وخبير في المارين بلاتزا وبيرجع لكم

:)

سعود.
21-08-2015, 07:13 PM
السلام عليكم ورحمة الله وبركاته
باختصار أخواني الأعزاء
انا ابي اسوي في بيتي قبو بدل الملاحق الخارجية
يعني مطابخ وغرف خدم وتخزين وغسيل
ناس كثير يخوفوني من قضية الصرف الصحي
ابي اسمع أكبر قدر من الآراء والتوصيات والتجارب تفيدوني وتفيدون اللي مثلي
والأخوة المشرفين لو هذا موب المكان المناسب سامحوني وانقلوه المكان المناسب


المطبخ في القبو ممنوع من قبل البلدية . الا اذا تسويه بعد اتمام البناء .

موضوع الصرف الصحي بسيط جدا . منهول الصرف ينحط فية مضختين للرفع وحدة تكون احتياط للاولي في حال العطل .

اطرح الموضوع في قسم النقاش الاقتصادي ( اعمال البناء والديكور )

هناك بيفيدونك الاخوان

سعود.
21-08-2015, 07:22 PM
اولا حسب المنطقه
ثانيا التكلفه مب بسيطه
ثالثا انتبه لموضوع التبريد

المنطقة معاك
التكلفه معاك
التبريد عادي جدآ
التركيز على العزل و الاضاءه التهويه الطبيعية .. والتصميم الجيد

معماري قطري
21-08-2015, 07:27 PM
الاراضي مولعه والكل يحاول يستفيد من المساحة
القبو زين وتقدر تحط فيه المطبخ الرئيسي وصالة كبيره وغرفة ومخزن والصرف الصحي موضوعه سهل احفر وخل الصرف على مستوى اقل من القبو ومن الحفره للصرف الرئيسي للبيت


عندك معماري بيفيدك اكثر
وبالتوفيق اخوي

حياك الله اخوي مهندس كيميائي

القبو الواحد يحاول يتفاداه قد ما يقدر بسبب الرطوبة حتى لو ما فيه ماي ورداءَة الشغل وصعوبة الأرض من ناحية الأملاح .. والمشكلة الثانية المياه الضحلة حتى لو سويت لها فحوصات تعطيك مستوى المياه هذي اللحظة وبعض المختبرات تعطيك تقريب لإحتمال ارتفاع المياه لكن ما فيه شيء مضمون .. العوازل بعض الشركات تضمنها 15 سنة ووقت التسريب أَثناء فترة الضمان يتهربون ويطلعون لك بتفسيرات ما لها أساس أو صحة.

الأَفضل نص قبو وبارتفاع بسيط أَو ترك المساحة تحت لمخازن ومواقف للسيارات واستغلال المنطقة الباقية للملحق ومساحات زراعية وأَي شيء ثاني.

للمواقف نحتاج نسويها فوق الأَساسات بشوي وبدون حفر غزير ونحاول ما نرفع أَرضية الدور الأرضي وايد بحيث تطلع متعبة للطلوع والنزول يومياً .. وللسيارات العادية ما نحتاج أَكثر من 2.4 متر وممكن ننزل حتى لمترين .. يعني عمق 1.5 متر وارتفاع معتاد 60 سم يوفر لنا ارتفاع مناسب لوقوف السيارات وكذلك منطقة تخزين .. الخدمات نقدر نخليها تحت حتى وحدات التكييف ونقدر نخلي فتحات تهوئة بارتفاع بسيط حول البيسمنت ونسوي مدخل خاص بأهل البيت من تحت ومدخل للزوار من جهة المجلس فوق.

معماري قطري
21-08-2015, 07:59 PM
هذي طريقة سهلة لشفط المياه حول جدران البيسمنت ومن الأفضل عملها من البداية .. وهذا اليوتيوب يوضح صيانة جدران تسرب ماء لمبنى مبني من 1965 .. وهو تركيب بايب فيه فتحات يدخل فيها الماء وثم ينزل في منهول فيه مضخة رفع تضخ الماء للصرف الصحي فلا يتجمع الماء قرب جدران البيسمنت .. فوق البيب نحط كنكري حتى يسمح بمرور الماء للبيب وفوقه نحط قماش يمنع الرمل من الدخول وسد الفتحات لكن يسرب الماي .. حل جيد وسريع بس عندنا ما شفت حد يسويه.


https://www.youtube.com/watch?v=I4_qZEEkuYA

اريـج الدوحة
04-09-2015, 12:41 AM
ما شاء الله

بوشاهين2
08-09-2015, 10:45 AM
يعطيك العافية أخوي معماري قطر

معماري قطري
09-09-2015, 02:05 AM
يعطيك العافية أخوي معماري قطر

الله يعافيك إخوي بو شاهين .. تقريباً أغلب بنيان ألمانيا معتمد هذي الطريقة وتتعجب من السلوب يبين المبنى داخل حفرة وكله لإستغلال الارتفاعات المحدودة وعمل تصريف للمياه بهذي الطريقة.