هذا اللي صار معاي في تركيا مع شركة ياسر للسياحة ..انتبهوا

[chemist]

السلام عليكم و رحمة الله وبركاته
اخواني وخواتي بتكلم لكم عن اللي صار معاي بسفرتي لتركيا اللي كانت الاسبوعين الماضيين و ارجو الحذر
تعاملت مع شركة ياسر للسياحة في تركياالرجال سوري وللعلم هذي الشركة اكثر زباينهم قطريين و سعوديين و خذيت رقمهم من اعضاء المنتدى بناء على مدحهم للرجال ولا مانته الاتفاق كان بينا قبل السفرة على مبلغ معين شامل حجز الفنادق و السيارات اللي توصلنا و الحجوزات الداخليه و ارسل لي الجدول السياحي كامل عن طريق الاميل و ارسله مرتين واعتمدناه واتفقنا اني ارسل له 30% من المبلغ وانا في قطر والباقي في تركيا في نهاية السفرة
المهم اول يوم وصلنا استقبلونا في المطار و وصلونا للفندق
الرجال قالي يبي المبلغ كامل في اول يوم وبدون اي نقاش قلت له مااتفقنا على هالشي قال لا انا اخذ المبلغ كامل وعندي حجوزات وعندي ناس جاية ومااقدر قلت له خلاص بعطيك نص المبلغ والباقي بعدين قال اوك وعطيتة نص المبلغ واليوم الثاني جاني وقالي ابي باقي المبلغ قلت له مايصير عصب وقال مايقدر وان هو ثقه وتذكرت كلام الاعضاء وعطيته للعلم ان مارضى ابدا ولا يبي يتناقش الا المبلغ كامل عنده ..المشاكل اللي واجهتني ان مافي ابدا التزام بالجدول اللي اعطاني ولا دقة بالمواعيد ولا حتى عنده سيارات في منطقة بورصا .. يوم رحلتنا لطرابزون و اوزنجول في الجدول كاتب ان كل منطقة ثلاث ايام وحجز لنا طيارة كل منطقة يومين ولا بلغني ولا قالي ان كل منطقة يومين وانا ملتزمة بجدوله ولا افهم تذكرة الطيران التركية لانها كلها باللغه التركيه فراحت الطيارة وانا بازنجول يوم كلمته قالي ليش تلتزمين بالجدول التذاكر عندك قلت له انت مانبهتني ولا قلت لي و التذاكر باللغه التركيه ولاقلت لي انك غيرت بالجدول المهم قلت له احجز لي تذكره عودة وبروح لبورصا وانا بدفعها قال مافي حجوزات لمدة 3ايام والحل ؟ قالي برسل لكم سيارة توديكم بورصا تقريبا 15 ساعه بالسيارة وادفعي للسواق 1500ليرة (يعني قيمة تذاكر طيارة) وكان معانا اطفال بالرحله للاسف تعبنا ...وفي بورصا اخذنا سيارة لمدة يومين بقيمة 150 دولار في اليوم لان ماجاب لنا سيارة و كل مانكلمة مايرد ومرات يقولنا السواق مايرد واعذار مالها نهاية وهو يقولي نظامي اوربي لاني ملتزمة معاه بنفس جدوله قالي المفروض ماتلتزمي بالجدول وماعنده سياراة ولا شي حتى بعض الفنادق حجز لنا غير عن الجدول


وهذا اللي صار معانا والحمدالله رجعنا بالسلامة لو ما مشينا امورنا هناك وكان اعتمادنا عليه وعلى سياراته كان قعدنا بالفنادق ما طلعنا و كتبت اللي صار معانا عشان تنتبهون وتحذرون والله شاهد على كل كلمة كتبتها ..

[king999]

هذي الدوله ما حبيتها ومشاكلها واجد عموما الحمدلله ع السلامه وكل طقه بتعليمه

[MAZEN37]

بالعكس تركيا بلد الطبيعه ونظيفه
وهي فرصه علشان نعرف نعتمد على انفسنا ونستخدم عقولنا
ونعرف كيف نتعامل مع البشر
مشكلتنا العرب نبي كل العالم تخدمنا غصب

[F A W A Z]

اخس مكان في العالم واكثر استغلال للعرب لدرجة مهينه جدا والنصب والكذب اسهل منه مافي

نعم عندهم طبيعه وكل شي لاكن شعب ان لم يكن باكمله ....!!

زيارة وحدة وكانت الاخيرة تجربة سيئة جدا ما انصح اي حد يروح لها نهائيا

حمد لله على السلامة

[QtrGate]

اكبر غلط ان تعتمد على شخص بكل السفره
فنادق وتذاكر وسياره ورحلات


التذاكر على القطرية
والتذكار الداخليه على التركية تحجزها من الدوحة عندهم فرع في فندق كراون

الفنادق تحجزها من بوكنق

وكل فندق فتركيا عنده جدول للرحلات
تكون جماعيه فباص كبير مكيف
او تقدر تطلب سيارة مرسيدس خاصه من الفندق

وتكلف الرحله بالسيارة 250 ليره من تقسيم الصبح لين بورصة والرجعه فالليل وعليه سعر العباره
نصيحة ماتكون في الويكند لان زحمه

انصح اي عائله بتروح تركيا انها تعتمد على الفنادق في الرحلات
رحلاتهم مدروسة وممتعه وأمنه

وللعلم النصب كله في اسطنبول
عندكم أنطاليا احلى واشرح ومافيها زحمه

[chemist]

هذي الدوله ما حبيتها ومشاكلها واجد عموما الحمدلله ع السلامه وكل طقه بتعليمه
بالعكس البلد جدا جميل و حضاري وله تاريخ عريق ..الله يسلمك من الشر وفعلا صح كلامك تعلمت من هالسفره وايد

[chemist]

بالعكس تركيا بلد الطبيعه ونظيفه
وهي فرصه علشان نعرف نعتمد على انفسنا ونستخدم عقولنا
ونعرف كيف نتعامل مع البشر
مشكلتنا العرب نبي كل العالم تخدمنا غصب


معاك حق البلد جميل ونظيف وفرصة نعتمد على نفسنا ..لكن اخوي اعترض على نقطة ان نبي احد يخدمنا ..هذا بلد اول مره بحياتي ازوره وبتنقل فيه بخمس مدن وطيران داخلي وباخره واكثر من وسيلة نقل فماعندي اي خبرة فيه واي حد بمكاني بيحجز في شركة سياحية تامن له كل شي وللعلم انا زرت دول اوربيه وامريكا وكنت احجز كل شي بنفسي لكن تركيا الوضع يختلف لان اللغه غير ولا يعرفون انجليزي ولا تقدر تتفاهم معاهم وتحتاج شخص يتفاهم معاهم .

[chemist]

اخس مكان في العالم واكثر استغلال للعرب لدرجة مهينه جدا والنصب والكذب اسهل منه مافي


نعم عندهم طبيعه وكل شي لاكن شعب ان لم يكن باكمله ....!!

زيارة وحدة وكانت الاخيرة تجربة سيئة جدا ما انصح اي حد يروح لها نهائيا

حمد لله على السلامة

الله يسلمك يارب .. لاحظت اخوي من خلال تجربتي للاسف ان اكثر النصب في هالبلد من العرب للاسف و لاحظت ان يوم كان يوفر لنا سواق و مرشد سياحي سوري المرشد يودينا للمطاعم وننصدم بالفاتوره عرفنا ان المرشد يتفاهم مع المطعم باللغة التركية واحنا مانفهم ويتفق معاه ان يعطيه مبلغ لانه جابنا ولاحظنا ان لما ما يكون المرشد معانا يكون سعر الفاتوره معقول ومناسب فتعلمنا ان نشوف الاسعار في المنيو ونقارن مع الفاتوره

[chemist]

اكبر غلط ان تعتمد على شخص بكل السفره
فنادق وتذاكر وسياره ورحلات


التذاكر على القطرية
والتذكار الداخليه على التركية تحجزها من الدوحة عندهم فرع في فندق كراون

الفنادق تحجزها من بوكنق

وكل فندق فتركيا عنده جدول للرحلات
تكون جماعيه فباص كبير مكيف
او تقدر تطلب سيارة مرسيدس خاصه من الفندق

وتكلف الرحله بالسيارة 250 ليره من تقسيم الصبح لين بورصة والرجعه فالليل وعليه سعر العباره
نصيحة ماتكون في الويكند لان زحمه

انصح اي عائله بتروح تركيا انها تعتمد على الفنادق في الرحلات
رحلاتهم مدروسة وممتعه وأمنه

وللعلم النصب كله في اسطنبول
عندكم أنطاليا احلى واشرح ومافيها زحمه

ياليت حد كتب لي هالتعليق قبل مااسافر للعلم اني حطيت اكثر من موضوع في المنتدى استفسر منه وهذا رقم الشخص اللي عطوني ..نتعلم ان شاء لله للمرات الجايه وانصح اي حد يفكر يزور تركيا يشوف ردك

[جبر ال جبر]

الله يعوضكم خير اكره شي عندي منقصات السفر ،،، انت رايح توسع خاطرك وتستانس تطلع لك امور تخرب السفره على العموم تجربه مفيده لكم وجزاج الله خير انج نبهتنيا وانا كنت بحجز عند نفس الشخص دام هشكل تعامل معاكم يصطفل على قولتهم عندي واحد من الربع في سفاراتنا هناك قايلي اي شي تبيه كلمني بخليه يضبطلي جدول حلو لمده اسبوع لاني طاير من وراها لندن بس صار عندي فضول اشوف تركيا مع اني بصراحه كل الي اسمعه عنها سلبي في الايام الاخيره

[chemist]

الله يعوضكم خير اكره شي عندي منقصات السفر ،،، انت رايح توسع خاطرك وتستانس تطلع لك امور تخرب السفره على العموم تجربه مفيده لكم وجزاج الله خير انج نبهتنيا وانا كنت بحجز عند نفس الشخص دام هشكل تعامل معاكم يصطفل على قولتهم عندي واحد من الربع في سفاراتنا هناك قايلي اي شي تبيه كلمني بخليه يضبطلي جدول حلو لمده اسبوع لاني طاير من وراها لندن بس صار عندي فضول اشوف تركيا مع اني بصراحه كل الي اسمعه عنها سلبي في الايام الاخيره

فعلا استفدنا وايد من هالسفره وان شاء الله ماتتكرر مع اي شخص والله يسهل سفرتكم وتستانسون والله يصخر لكم الناس الامينة ..تركيا جميلة من طبيعة و حضارة وحتى اكلهم لذيذ ماراح تتعبون نفس الدول الاوربيه تدورون الاكل الحلال ..سفره سعيده باذن الله

[باراكودا]

سورى خط أحمر ممنوع الاقتراب منه

[monatee]

اخس بلاد رحتها واخس شعب تعاملت معاه ، خل طبيعتهم لهم
يازين سويسرا ويازين شعبها
الله يعوضكم انشالله ،، حمدالله على سلامتكم

[Dana’1]

تركيا حلوه رحنا لعا أكثر من مره وأهل توهم رادين منها والحمدلله انبسطوا
اسطنبول عامة الناس فيها عصبيه ويدخنون بشراهة يمكن هذا السبب !ولكن فيه كثيير ناس اخلاق فيه سواقين تعاملنا معهم قمه بالأخلاق (اتراك)

برا اسطنبول الشعب اطيب واقل عصبيه^_^





تعاملت مع شركة الطيار السياحيه بإسطنبول فقط بحجز الفنادق والتنقل من المطار وإلى المطار وكانوا ممتازين
الاداره عربيه عراقيه
لكن بالرحلات الداخليه ( العبارات) اعتمدنا على أنفسها بحجزها وحتى بعض التنقلات والسبب عشان نختار الوقت الي يناسبنا وما نتقيد بموعد او قروب!

عالعموم التجارب الا مايستفيد منها الشخص،، وإن شاءالله ماتتعوضون لمثل هالمواقف بالمستقبل

[محسن العجي]

رحتها مرتين من احسن الدول الي رحتها

من طبيعه و تاريخ وكل شي

ومثل ماذكر اخونا qtrGate

لا تعتمد على شخص واحد في الحجوزات والرحلات

والله يعينكم وان شاء الله ماتتعرضون لهاالمواقف مره ثانيه

[chemist]

سورى خط أحمر ممنوع الاقتراب منه

:( الله كريم

[chemist]

اخس بلاد رحتها واخس شعب تعاملت معاه ، خل طبيعتهم لهم
يازين سويسرا ويازين شعبها
الله يعوضكم انشالله ،، حمدالله على سلامتكم
ان شاء الله والله يسلمج يارب

[chemist]

تركيا حلوه رحنا لعا أكثر من مره وأهل توهم رادين منها والحمدلله انبسطوا
اسطنبول عامة الناس فيها عصبيه ويفدخنون بشراهة يمكن هذا السبب !ولكن فيه كثيير ناس اخلاق فيه سواقين تعاملنا معهم قمه بالأخلاق (اتراك)

برا اسطنبول الشعب اطيب واقل عصبيه^_^





تعاملت مع شركة الطيار السياحيه بإسطنبول فقط بحجز الفنادق والتنقل من المطار وإلى المطار وكانوا ممتازين
الاداره عربيه عراقيه
لكن بالرحلات الداخليه ( العبارات) اعتمدنا على أنفسها بحجزها وحتى بعض التنقلات والسبب عشان نختار الوقت الي يناسبنا وما نتقيد بموعد او قروب!

عالعموم التجارب الا مايستفيد منها الشخص،، وإن شاءالله ماتتعوضون لمثل هالمواقف بالمستقبل
للتوضيح اخوي احنا مااعتمدنا على شخص احنا اعتمدنا على شركة سياحيه موب شخص وهذا اللي صار مع هالشركة ..وفعلا اهل الريف جدا بسيطين و ملتزمين وللامانه ماشفت اي موقف من الاتراك نفسهم كان تعاملهم اوك .. ان شاء الله يارب واستفدت من تعليقك مشكور :)

[chemist]

رحتها مرتين من احسن الدول الي رحتها

من طبيعه و تاريخ وكل شي

ومثل ماذكر اخونا qtrGate

لا تعتمد على شخص واحد في الحجوزات والرحلات

والله يعينكم وان شاء الله ماتتعرضون لهاالمواقف مره ثانيه
باذن الله .. وان شاء الله محد يتعرض لها

[h9466]

في اي سفرة لي أتحاشى التعامل مع اي عربي حتى لو في الدولة اللي أمورها شارع للعرب أكر عليه مرور الكرام،، نصب وغش عيني عينك وللأسف الشديد...وللعلم كل سفارتي ارتب لها من خلال النت من الألف الى الياء
عموما حمدا لله على السلامة...

[رآعي موآجيب]

أصلا بأي حق يأخذ المبلغ قبل نهاية الجدول !! او على الأقل قبل نهاية اليوم

المفروض من قال ابغي 30 % وهو من الجنسيه ذيك ! سكر الخط في وجهه

تركيا زرتها مره وحده فقط ، ومن ثاني يوم وهي في البلاك لست ، مادري على ايش ربعنا هابين عليها ؟؟

الأسعار مش مغريه ولا مناسبه , مرات تكون اغلى من بعض دول أوروبا ، ومعاملة الشعب جلفه واستغلاليين ، واي مكان تبغي تزوره تمسك طابور ساعتين !!
والأماكن الزينه كلها بعيد من أماكن السكن والسوق ، والمطار معفن وزحمة وانفوسهم شينه ، سوقهم ومطاعمهم ومواصلاتهم غاليه

طيب على وشو اروح لهم !!

[tawareq]

توني راد من هناك مع الربع بلاد حلوة لكن الشعب التركي للاسف عن تجربة ما يحبون العرب ولا يحبون مساعدة احد وكثير منهم نصابين ولا يحترمون السياح ابدا
حتى واحد من الربع قطع السفرة ورجع قبل موعده بعشرة ايام ما استحملهم
وفعلا ضربت اكس على تركيا مرة ثانية

[Qtr37]

انا ما احب تركيا ولا حبيت الاتراك
ناس اعوذ بالله منهم
وبوق واضح
خاصه تكاسي اسطنبول
وناس دفشين

[Abdullah_89]

دايما احجز رحلاتي وتذاكري عن طريق موقع getyourguide.com
يوفر لكم رحلات مع مرشدين لكل دول العالم
الموقع امان وثقه
مره حجزت بالغلط رحلات اسبوعين ل فرنسا واسبانيا كلهم بنفس اليوم واتصلت لهم وكانوا متعاونين وغيروا لي كل تواريخ الرحلات وقسموها عالايام

[chemist]

في اي سفرة لي أتحاشى التعامل مع اي عربي حتى لو في الدولة اللي أمورها شارع للعرب أكر عليه مرور الكرام،، نصب وغش عيني عينك وللأسف الشديد...وللعلم كل سفارتي ارتب لها من خلال النت من الألف الى الياء
عموما حمدا لله على السلامة...
اي والله صادق .. وان شاء الله هذا اللي بسوية بالمرات الجاية احجز كل شي بنفسي بالنت ..الله يسلمك يارب

[chemist]

أصلا بأي حق يأخذ المبلغ قبل نهاية الجدول !! او على الأقل قبل نهاية اليوم

المفروض من قال ابغي 30 % وهو من الجنسيه ذيك ! سكر الخط في وجهه

تركيا زرتها مره وحده فقط ، ومن ثاني يوم وهي في البلاك لست ، مادري على ايش ربعنا هابين عليها ؟؟

الأسعار مش مغريه ولا مناسبه , مرات تكون اغلى من بعض دول أوروبا ، ومعاملة الشعب جلفه واستغلاليين ، واي مكان تبغي تزوره تمسك طابور ساعتين !!
والأماكن الزينه كلها بعيد من أماكن السكن والسوق ، والمطار معفن وزحمة وانفوسهم شينه ، سوقهم ومطاعمهم ومواصلاتهم غاليه

طيب على وشو اروح لهم !!

اخوي بالنسبة لل30% هذي كل الشركات السياحية تطلبها لتاكيد الحجز وللاسف اني اغتريت بمدح عضو له وعطوني رقمه و صاحب الشركة ياسر صدمني ان اول يوم يبي المبلغ كامل واستلمه كامل ثاني يوم ..



اخوي شنو البلدان اللي تنصحني اوزرها ؟؟!

[chemist]

توني راد من هناك مع الربع بلاد حلوة لكن الشعب التركي للاسف عن تجربة ما يحبون العرب ولا يحبون مساعدة احد وكثير منهم نصابين ولا يحترمون السياح ابدا
حتى واحد من الربع قطع السفرة ورجع قبل موعده بعشرة ايام ما استحملهم
وفعلا ضربت اكس على تركيا مرة ثانية

اخوي هالمعلومة بعد سمعتها بتركيا ان الاتراك ما يحبون العرب .. الله يعوضكم ان شاء الله بسفرات احسن


انا ما احب تركيا ولا حبيت الاتراك
ناس اعوذ بالله منهم
وبوق واضح
خاصه تكاسي اسطنبول
وناس دفشين

للامانه الاتراك اللي تعاملوا معاي كانوا عادي.. كانت مشكلتي مع هالشركة ..وفعلا صح كلامك التاكسي يوم خذيته سعره جدا مبالغ فيه في اسطنبول ..

[chemist]

دايما احجز رحلاتي وتذاكري عن طريق موقع getyourguide.com
يوفر لكم رحلات مع مرشدين لكل دول العالم
الموقع امان وثقه
مره حجزت بالغلط رحلات اسبوعين ل فرنسا واسبانيا كلهم بنفس اليوم واتصلت لهم وكانوا متعاونين وغيروا لي كل تواريخ الرحلات وقسموها عالايام

روعه الصراحه جدا استفدت مع مشاركتك يعطيك العافيه

[حرف]

من افضل الدول الي رحت لها معليش الله يعوضج
اانا حطيت من شهر تقريباً اسم لشركة هناك تعاملت معهم معاملتهم روعه ورخاص حتى الفلوس اخر ساعة قبل لا اطير حاسبتهم اسمها شركة الدوحة سياراتهم جديدة واحجام مختلفة وعندهم حجز اقل من البوكنج في كل فنادق تركيا
ياليت تحطين اسم العضو الي دلج على هالشركة التعبانة


عنوماً كل الناس والتلاعب الي يصيدنا خصوصاً احنا الخليجيين للاسف من اخوانا العرب هل دول الشام ومصر والمغرب العربي

[رآعي موآجيب]

اخوي بالنسبة لل30% هذي كل الشركات السياحية تطلبها لتاكيد الحجز وللاسف اني اغتريت بمدح عضو له وعطوني رقمه و صاحب الشركة ياسر صدمني ان اول يوم يبي المبلغ كامل واستلمه كامل ثاني يوم ..

اخوي شنو البلدان اللي تنصحني اوزرها ؟؟!

ابدا وانا اخوك ، دايما نسافر واللي يتشرط مثل هالشروط اقبضه الباب الشرقي ، والشركات واجد ، مع العلم اني في اغلب المرات اخذ لي سياره وانا اسوقها خصوصا في دول أوروبا بإستثناء لندن وباريس والسبب لأن الإندرقراوند يغنيك عن أي وسيلة مواصلات في هالدولتين ويفكك في عبالة الباركنات ، اما بخصوص وين انصحك تسافر فهذي تعتمد عليك طال عمرك وعلى نوعية سفرتك ومن معاك وكم المده ، طبعا هذا للي يبغي يستمتع بكل لحظه هو مسافر فيها

[بومحمد المطاوعه]

لو يعطوني طياره خاصه

مارحتها سياحه


لكن مجبور انزل فيها واروح انطاكيا
مع جمعية قطر الخيريه لأغاثه الشعب السوري

[بوخالد911]

ومنكم نستفيد

[chemist]

من افضل الدول الي رحت لها معليش الله يعوضج
اانا حطيت من شهر تقريباً اسم لشركة هناك تعاملت معهم معاملتهم روعه ورخاص حتى الفلوس اخر ساعة قبل لا اطير حاسبتهم اسمها شركة الدوحة سياراتهم جديدة واحجام مختلفة وعندهم حجز اقل من البوكنج في كل فنادق تركيا
ياليت تحطين اسم العضو الي دلج على هالشركة التعبانة


عنوماً كل الناس والتلاعب الي يصيدنا خصوصاً احنا الخليجيين للاسف من اخوانا العرب هل دول الشام ومصر والمغرب العربي

شكرا على ردك اخوي و للاسف محد قالي عن هالشركة قبل لا اسافر ان شاء الله المرات الجايه
بالنسبة لاسم العضو ماادري اذا من حقي احط اسمه ويمكن هو حطه بنية المساعده و للامانه بحثت عن شركة ياسر في الانستجرام واغتريت بكمية المدح الهائلة له ولشركته بس الحمدالله على كل حال تجربة وتعلمنا منها

[chemist]

ابدا وانا اخوك ، دايما نسافر واللي يتشرط مثل هالشروط اقبضه الباب الشرقي ، والشركات واجد ، مع العلم اني في اغلب المرات اخذ لي سياره وانا اسوقها خصوصا في دول أوروبا بإستثناء لندن وباريس والسبب لأن الإندرقراوند يغنيك عن أي وسيلة مواصلات في هالدولتين ويفكك في عبالة الباركنات ، اما بخصوص وين انصحك تسافر فهذي تعتمد عليك طال عمرك وعلى نوعية سفرتك ومن معاك وكم المده ، طبعا هذا للي يبغي يستمتع بكل لحظه هو مسافر فيها

ما شاء الله عليك .. ان شاء الله بالسفرات الجايه ناخذ اقتراحك

[chemist]

لو يعطوني طياره خاصه

مارحتها سياحه


لكن مجبور انزل فيها واروح انطاكيا
مع جمعية قطر الخيريه لأغاثه الشعب السوري

البلد مش سيئة للامانه بالعكس انا اعجبتني طرابزون واوزنجول و بورصا اما اسطنبول لا ..اللي كان سئ في هالسفرة هالشركة جدا سيئة

جزاك الله خير والله يوصلكم بالسلامه

[chemist]

ومنكم نستفيد

ان شاء الله الجميع يستفيد ..شكرا

[ضوى]

من اروع البلدان اللي زرتها واهلها شعب ودود وطيب خاصه اهل الشمال ،اموري اخلصها بالنت فنادق وطيران لكن السياره مع شركه تركيه مب عربيه توفر لي السيارة طول فترة اقامتي وبسعر حلو ولله الحمد ، وماصادفنا نصابين ولله الحمد يمكن لانه متعودين نتعامل معاهم وصرنا فاهمين ،الله يعوضج خير ومرة ثانيه لزرتي تركيا اساليني انا بادلج على كل شي فيه خير ان شاء الله ويناسبج

[h9466]

كنت ناوية ازورها ان شاء الله في اجازة عيد الاضحى مع الاسرة لكن كلامك خلاني اعيد الحسابات ...

[chemist]

من اروع البلدان اللي زرتها واهلها شعب ودود وطيب خاصه اهل الشمال ،اموري اخلصها بالنت فنادق وطيران لكن السياره مع شركه تركيه مب عربيه توفر لي السيارة طول فترة اقامتي وبسعر حلو ولله الحمد ، وماصادفنا نصابين ولله الحمد يمكن لانه متعودين نتعامل معاهم وصرنا فاهمين ،الله يعوضج خير ومرة ثانيه لزرتي تركيا اساليني انا بادلج على كل شي فيه خير ان شاء الله ويناسبج

فعلا من اجمل البلدان من طبيعة وحضارة واماكن ترفيهيه واكل وحتى تلاقين مسجد تصلين فيه وحتى الاتراك للامانه ما شفت منهم اي اساءه كان السوء من شركة ياسر للسياحه وان شاء الله بسوي نفسج بالمرات الجايه واكيد بسالج اختي ومشكوره واااااايد على الرد وبتعلم منج :)

[chemist]

كنت ناوية ازورها ان شاء الله في اجازة عيد الاضحى مع الاسرة لكن كلامك خلاني اعيد الحسابات ...


للامانه البلد جميل جدا من حضارة وسياحة وطبيعة وانصحكم تزورون طرابزون منطقة ايدر و تزورون اوزنجول و بورصا واسطنبول خلوها يومين او ثلاثة الا اذا تحبون الجوامع و قصورهم ومتاخف واسواق ومدينة الالعاب رتبوا جدولكم تمون اكثر .. الاكل عندهم حلال ولذيذ في كل مكان عكس اوربا و الجو يختلف من مدينة لمدينة والمساجد في كل مكان انصحكم فيها والاتراك تعاملة معاهم اوك كانوا للامانه بس نصيحة ابتعدوا عن التعامل مع العرب وبتلذات في الشركات السياحية واستفيدي من ردود الاعضاء اللي قبل مثل الاخت ضوى والاخ اللي حط شركة الدوحة واللي حط رابط موقع وان شاء الله سفره سعيده .. احنا استانسنا على البلد بس نكد علينا هالشركة وتعاملهم الفاشل

[qatarman8008]

اولا الحمد لله عللى سلامتكم وماخسرتوا الا فلوس..
ثانيا الدرس اللي تعلمناه من كل السفرات هو ان نحدد احنا اش نبي واش مانبي بالضبط ونرتب جدول سياحي حق روحنا..
الاعتماد على برنامج سياحي مسبق الدفع يكون مرهق في اغلب الاحيان.. لان الضروف تتغير دائما..
انا اخر مرة سافرت فيها حجزت يومين مسبقا في احد الفنادق.. اذا عجبني اكمل واذا ما عجبني اشوف غيره..
ودائما اقدر اغير البرنامد على حسب الضروف.. وهذا اللي انصح فيه جميع الاعضاء..

[qatarman8008]

من اروع البلدان اللي زرتها واهلها شعب ودود وطيب خاصه اهل الشمال ،اموري اخلصها بالنت فنادق وطيران لكن السياره مع شركه تركيه مب عربيه توفر لي السيارة طول فترة اقامتي وبسعر حلو ولله الحمد ، وماصادفنا نصابين ولله الحمد يمكن لانه متعودين نتعامل معاهم وصرنا فاهمين ،الله يعوضج خير ومرة ثانيه لزرتي تركيا اساليني انا بادلج على كل شي فيه خير ان شاء الله ويناسبج

اتفق معاج في كل ماذكرتيه ماعدى عبارة وحدة..
ان الشعب التركي ودود وطيب..!!
الظاهر ان الله ستر عليكم والحمد لله وما واجهتوا اي مشاكل مع الناس..
والا الشعب التركي رجالا كانوا او نساءا من اكثر الشعوب تعصبا وجاف في التعامل..

[معماري قطري]

آدفع قبل لا آخذ ما اقدر قلبي يعورني خصوصاً لعربي ولا فلس

يا حلو الاعتماد على النفس من ناحية الايجارات كل شيء متوفر والمعلومات كله بالنت والسيارات السواقة ما فيه أسهل منها .. احنا متخرجين من قطر أصعب دول العالم في السواقة .. انا اتخيل سواقة التريلا سهلة في دواعيس اوروبا

البعد عن العرب ضروري الا في الخدمات المباشرة .. آخذ وآدفع بالتي هي أحسن

[chemist]

اولا الحمد لله عللى سلامتكم وماخسرتوا الا فلوس..
ثانيا الدرس اللي تعلمناه من كل السفرات هو ان نحدد احنا اش نبي واش مانبي بالضبط ونرتب جدول سياحي حق روحنا..
الاعتماد على برنامج سياحي مسبق الدفع يكون مرهق في اغلب الاحيان.. لان الضروف تتغير دائما..
انا اخر مرة سافرت فيها حجزت يومين مسبقا في احد الفنادق.. اذا عجبني اكمل واذا ما عجبني اشوف غيره..
ودائما اقدر اغير البرنامد على حسب الضروف.. وهذا اللي انصح فيه جميع الاعضاء..

الله يسلمك يارب .. الحمدالله

فعلا اخوي مثل ما قلت درس وتعلمنا منه وان شاء الله بالمرات الجايه لاي بلد نعتمد على نفسنا باذن الله
وان شاء الله الكل يستفيد من هالاخطاء

[chemist]

آدفع قبل لا آخذ ما اقدر قلبي يعورني خصوصاً لعربي ولا فلس

يا حلو الاعتماد على النفس من ناحية الايجارات كل شيء متوفر والمعلومات كله بالنت والسيارات السواقة ما فيه أسهل منها .. احنا متخرجين من قطر أصعب دول العالم في السواقة .. انا اتخيل سواقة التريلا سهلة في دواعيس اوروبا

البعد عن العرب ضروري الا في الخدمات المباشرة .. آخذ وآدفع بالتي هي أحسن
انا اشهد انك صادق .. من اول ما اصر وعصب الا يبي المبلغ كامل شكيت فيه لكن الله يسامح من مدحه لي بالمنتدى وتكلم عن امانته على العموم الدنيا تجارب ونتعلم من الاخطاء .. واكبر درس تعلمته للاسف مااتعامل مع عرب ابدا واعتمد على نفسي بكل شي للعلم اني سافرت دول اوربيه وامريكا وكنت مرتبه كل شي بنفسي ما صارت معاي هالمشكله ..

[MAZEN37]

آدفع قبل لا آخذ ما اقدر قلبي يعورني خصوصاً لعربي ولا فلس

يا حلو الاعتماد على النفس من ناحية الايجارات كل شيء متوفر والمعلومات كله بالنت والسيارات السواقة ما فيه أسهل منها .. احنا متخرجين من قطر أصعب دول العالم في السواقة .. انا اتخيل سواقة التريلا سهلة في دواعيس اوروبا

البعد عن العرب ضروري الا في الخدمات المباشرة .. آخذ وآدفع بالتي هي أحسن
فعلا كلام من ذهب وخوض التجربه متعه بحد ذاتها
والسؤال والاعتمادعلى النفس هو السر
انا حاليا اسوق بنفسي بتركيا لفيتها لف والنت يساعد كثير
وتحياتي لمعماري من بورصه

[بومحمد المطاوعه]

من اروع البلدان اللي زرتها واهلها شعب ودود وطيب خاصه اهل الشمال ،اموري اخلصها بالنت فنادق وطيران لكن السياره مع شركه تركيه مب عربيه توفر لي السيارة طول فترة اقامتي وبسعر حلو ولله الحمد ، وماصادفنا نصابين ولله الحمد يمكن لانه متعودين نتعامل معاهم وصرنا فاهمين ،الله يعوضج خير ومرة ثانيه لزرتي تركيا اساليني انا بادلج على كل شي فيه خير ان شاء الله ويناسبج

بس الزقاير والشيشه في كل مكان

على حسب كلامج
وانا بعد يوم رحت لها
كنت اعاني من هذي الناحيه


من جذي ماحبيت البلده اصلن

[بومحمد المطاوعه]

البلد مش سيئة للامانه بالعكس انا اعجبتني طرابزون واوزنجول و بورصا اما اسطنبول لا ..اللي كان سئ في هالسفرة هالشركة جدا سيئة

جزاك الله خير والله يوصلكم بالسلامه

ويجزاكم كل خير

اللهم امين

صدقتي اسطنبول متفتحه زياده عن اللزوم وماعجبتني الصراحه
لان البعض لباسهم منتهي والعياذ بالله

[ضوى]

بس الزقاير والشيشه في كل مكان

على حسب كلامج
وانا بعد يوم رحت لها
كنت اعاني من هذي الناحيه


من جذي ماحبيت البلده اصلن

هذا احنا نحب سوق واقف مع انه حكرة ولوعة

عشان شيشة وسجاير اذم البلد كاملة ؟

[بومحمد المطاوعه]

هذا احنا نحب سوق واقف مع انه حكرة ولوعة

عشان شيشة وسجاير اذم البلد كاملة ؟

سوق واقف

اخترب من بعد ماعدلوه للأسف
لو يمنعون الشيشه ابرك

انا ما احب اطبه والسبه الشيشه

لا محد يقدر يذم البلد بأكمله ولكن في اماكن مب شي

مثل اسطنبول

انا رحت انطاكيا
حلوه وناس راقيه ومافيها مثل اسطنبول ولله الحمد