هل في حل للخدوش اللي عالسيارة

[الرايــق]

السلام عليكم ورحمة الله وبركاته

يا جماعة الخير اليوم رجعت لسيارتي بعد ما كانت في مواقف احد المجمعات ولقيتها مخدوشة من قبل بعض المرضى النفسيين باداة اشبه انها مفتاح من الرفرف الخلفي للامامي مرورا بالابواب

الحين الخدوش تقريبا عميقة هل في مكان فالدوحة يعالج مثل هالامور والا ما في الا حل صبغ الجنب كامل؟

ومشكورين

[fahed]

شوف انا ما ودي اظيق خلقك لكن للاسف مالك غير الصبغ. الله يعوض عليك . لكن اخبر ان مواقف المجمعات مراقبة بالكاميرات. ممكن تتواصل مع ادارة المجمع او تروح للمركز و تسجل قضية و هم يطلعونه عن طريق الكاميرات. فعلا الموضوع يقهر.

[bujasim77]

شوف انا ما ودي اظيق خلقك لكن للاسف مالك غير الصبغ. الله يعوض عليك . لكن اخبر ان مواقف المجمعات مراقبة بالكاميرات. ممكن تتواصل مع ادارة المجمع او تروح للمركز و تسجل قضية و هم يطلعونه عن طريق الكاميرات. فعلا الموضوع يقهر.

وانا رايي من رايك لابد يتعاقب الفاعل

[.قطر.]

وعليكم السلام ورحمه الله وبركاته
الله يشفيهم حاس بمشكلتك :(
ان شاء الله تحصل اللي شمخ سيارتك وترفع عليه قضيه عشان يتأدب :)

[الرايــق]

مشكورين عالردود
انا حطيت بلاغ وتم رفع البصمات وبانتظار الكاميرات

[النهار]

ياخوي مر على محل في محطة بترول المسيله شوف اذا يقدرون يسون لك شي
وفي محل في محطة بترول التيسير طريق سلوى

[الرايــق]

ياخوي مر على محل في محطة بترول المسيله شوف اذا يقدرون يسون لك شي
وفي محل في محطة بترول التيسير طريق سلوى
مريت محل البولش اللي صوب التيسير فرع المطار وحل المشكلة بنسبة 50 % يعني مالي الا الصبغ واللي يقهر الجنب اليمين واليسار بعد.. االله المستعان والله يجازي اللي سواها لو ما لقوه

[بويعقوب]

مرحبا اخوي

مر محل لافيجو , مكانه في طريق سلوى بعد مطعم السفير , ان شاء الله بيضبطه لك

والله يعيينك ياخوي

[بومحمد المطاوعه]

اتمنى

لو تراجع اداره المجمع
ويفتحون لك الكيمرات

وياليت ينزل قانون

يشمخون راس الي يشمخ مواتر العالم

[وحيد-الشوق]

حسبي الله عليهم مادري شنو يستفيد هالمريض غير الدعاوي عليه

الله يعوضك ياخوي سمعت عن محل في العزيزية يعالج هالمشاكل وشغله ممتاز في البولش مر عليهم اذا ماني غلطان اسمه بروفشنال

[الرايــق]

مشكورين جميعا علي ردودكم وان شاء بمر المحلات اللي انذكرت
يعطيكم الف عافية وما قصرتم

[Q.P]

الله يعينك ويعوضك خير

[جعران]

نفس الطريقة اول ماطلعت سيارتي 2015
لكززس وقفت بالستى وشمخها من الرفرف الخلفي للرفرف
الامام وخليتة لاني كل ماشفت الشمخ قلت حسبي الله ونعم واوكيل

[ya3coub]

The detailer

بس اذا وصل للصبغ للأسف مالك اي حل التوش اب بينت يطلع مرقع مالك إلا صبغ من جد و جديد


اذا شموخ بسيطة و بهتان الللون و تبي لمعه و شغل محترم تلميع ذا ديتيلر شوية غالي بس يسوى كل ريال, معداته غالية و اشياء احسن من 96% من محلات البولش بقطر

[aloosh]

صكه جلاد
وبعد لو تسويه في الامارات خيال