سيكل رنق 28

[حسن]

السلام عليكم

يالربع وين يبيعون سيكل رنق 28 الاول اخبر في شارع الكهربا
الحين ماعرف وين راحو

وجزاكم الله خير

:)

[برويقن]

اذا قصدك سيكل هنود ،، يمكن في نجمه

[Charisma]

وعليكم السلام ورحمة الله وبركاته


عاد يالنوخذه من بنتلي 2016 لسيكل 28 ، مايجووووووووز :oops:

عموما تلقى هالنوعيه من السياكل في محلات بن هلابي موقعهم اعتقد في الغرافه .

[راجي الْعفو]

هذي أخرة تأخير الرواتب يا حسن

من بنتلي لسيكل !

ان شاءالله يفيدونك الاعضاء

[H H]

يعتمد على سيولتك, اذا ودك بشي ممتاز والفلوس سهالات توجه ل igo , فالسيتي الطابق الثالث , بتلقى انواع واشكال , طب وتخيّر.
واذا تبي انواع عاديه تمشي حالك فيها, المحلات ياكثرها فالشوارع , بتلقى فكل محل واحد والا اثنين كبار, اختر الي يعجبك

[النهار]

بتحصل المحل في فريق بن محمود نفس شارع مطعم بدريه
بس تحمل اتطيح في الحفر الي هناك تراني حذرتك
وفي محل عند كيوتل النجاده عند المجلس اعتقد اسمه مجلس براحة الجفيري
هههههههههههههه

[النهار]

هذي أخرة تأخير الرواتب يا حسن

من بنتلي لسيكل !

ان شاءالله يفيدونك الاعضاء


:eek5::eek5:
ماسمعته من يومين منزل موضوع عن انهيار الاقتصادات العالميه :weeping:

[المبرمج صلاح]

اذا كنت قريب من منطقة الغرافة هتحصلهم في اللولو فرع الغرافة في الطابق الثاني عند الملابس الرياضية

الاسعار تبدأ من 400 الي 900 ريال تقريبا روح زورهم وتمشي وشوف اللي يناسبك

بالتوفيق لك ان شاء الله وهي وسيلة رياضة جميله خاصة في اسباير وشارع الاحتفالات بالرفاع

[حسن]

اذا قصدك سيكل هنود ،، يمكن في نجمه

من متى صار سيكل هنود !!
انا اقصد رنق 28

شكرا يالطيب ولمروك الكريم
:)

[راجي الْعفو]

:eek5::eek5:
ماسمعته من يومين منزل موضوع عن انهيار الاقتصادات العالميه :weeping:

ياخوي حنا مساكين

النوخذه يشوف شي ما انشوفه

خلك ع مطعم حمود وخلني عالسويتات !

[حسن]

:eek5::eek5:
ماسمعته من يومين منزل موضوع عن انهيار الاقتصادات العالميه :weeping:

منهو منزل موضوع الحين عن خساير 450 مليار يورو

:victory:

ماقلت لكم يودو بيزاتكم

عرفت اني اشوف شي ماشوفه
علشان جذي ابرز السيكل قبل البنتلي

:)

[النهار]

ياخوي حنا مساكين

النوخذه يشوف شي ما انشوفه

خلك ع مطعم حمود وخلني عالسويتات !

حمود الحب الابدي وعبدي الحب الازلي
حسن لوشريت هههههه الرنق 28 اخذه منك سلف اردف حمد وافتر فيه على خط حزم المرخيه ونسوي تقرير عن الشارع

[حسن]

وعليكم السلام ورحمة الله وبركاته


عاد يالنوخذه من بنتلي 2016 لسيكل 28 ، مايجووووووووز :oops:

عموما تلقى هالنوعيه من السياكل في محلات بن هلابي موقعهم اعتقد في الغرافه .

هلا هلا
مرحبا يابايلوت نورت الموضوع
شنسوي نباري المايتين قلنا اذا البورصات خضره نشتري بنتلي
اما اذا حمره والداو نازل مالنا الى نجهز سيكل رنق العشرين ويشتغل
على الطاقه الذاتيه النظيفه لا ضريبه ولا عادم ولا تكلفه
انت ومجهودك كل ماعطيتهم ضربه تعطيك حلاوه

وينك عن موضوع الطياره العالم معصبه هل الايام اتركو الطياره ونزلو بسبه بنشر

:(

[النهار]

منهو منزل موضوع الحين عن خساير 450 مليار يورو

:victory:

ماقلت لكم يودو بيزاتكم

عرفت اني اشوف شي ماشوفه
علشان جذي ابرز السيكل قبل البنتلي

:)

ههههههههههههههه
مصادري موثوقه ومعتمده
ترى بوعلي 450 مليار يورو الخساره كانت اليوم فقط والله يستر على الايام الجايه
صج تشوف شي احنا مانشوفه
حتى زينه وخزينه دق القاع انتظر اسعار 2007 قريبا

[معماري قطري]

هذي أخرة تأخير الرواتب يا حسن

من بنتلي لسيكل !

ان شاءالله يفيدونك الاعضاء

بو علي عنده لكل مناسبة بشت

البنتلي للطلعات الرسمية والسيكل للتخفي والدوارة في شوارع الخور ورؤية الرعية عن كثب بدون محد يعرفه

[حسن]

ههههههههههههههه
مصادري موثوقه ومعتمده
ترى بوعلي 450 مليار يورو الخساره كانت اليوم فقط والله يستر على الايام الجايه
صج تشوف شي احنا مانشوفه
حتى زينه وخزينه دق القاع انتظر اسعار 2007 قريبا

شتفكرني يالنهار تستهين بقدراتي حتى معماري طلعته من القوقل ماب وباركتله على المطر
قايلكم خشو بيزاتكم للسنين العجاف بس علينا الحمدلله طفيفه يعني بتعدي على روسنا
كلشي نازل بترول اسهم ذهب معدن ازمه يقولك ازمه

زين ماقلتلي وين يبيعون السيكل

[حسن]

بو علي عنده لكل مناسبة بشت

البنتلي للطلعات الرسمية والسيكل للتخفي والدوارة في شوارع الخور ورؤية الرعية عن كثب بدون محد يعرفه

شنسوي يامعماري نجهز الدواء قبل الفلعه والرزق يحب الخفيه

اشوف عليكم غيم متقطع تهقي بيمطر مثل البارح

:)

[راجي الْعفو]

بو علي عنده لكل مناسبة بشت

البنتلي للطلعات الرسمية والسيكل للتخفي والدوارة في شوارع الخور ورؤية الرعية عن كثب بدون محد يعرفه

اي ما يحتاي

يطبق المثل لكل مقام مقال

وكل شي حلو في حزته !

[النهار]

شتفكرني يالنهار تستهين بقدراتي حتى معماري طلعته من القوقل ماب وباركتله على المطر
قايلكم خشو بيزاتكم للسنين العجاف بس علينا الحمدلله طفيفه يعني بتعدي على روسنا
كلشي نازل بترول اسهم ذهب معدن ازمه يقولك ازمه

زين ماقلتلي وين يبيعون السيكل

يقولون سعره رخيص في المانيا وخاصه في ميونخ
فِي هايست دو حسن قوته ناخت حسن آوف فيدارزين

[Charisma]

هلا هلا
مرحبا يابايلوت نورت الموضوع
شنسوي نباري المايتين قلنا اذا البورصات خضره نشتري بنتلي
اما اذا حمره والداو نازل مالنا الى نجهز سيكل رنق العشرين ويشتغل
على الطاقه الذاتيه النظيفه لا ضريبه ولا عادم ولا تكلفه
انت ومجهودك كل ماعطيتهم ضربه تعطيك حلاوه

وينك عن موضوع الطياره العالم معصبه هل الايام اتركو الطياره ونزلو بسبه بنشر

:(
هههههههههههههههههههههههههههههه


الله يرحب بك يالنوخذه ،، خلاص دام بتاخذ سيكل الوعد في الرفاع ،، أردف وياك حمد . :nice:

متابع للموضوع في الحوار العام ولاحب اتداخل في مثل هالمواضيع .

[حسن]

يقولون سعره رخيص في المانيا وخاصه في ميونخ
فِي هايست دو حسن قوته ناخت حسن آوف فيدارزين

النهار وش السالفه شارب شي
معماري اللي هناك مهب انا

:)

[النهار]

النهار وش السالفه شارب شي
معماري اللي هناك مهب انا

:)

مكثر من الكرك ولافحتني الشمس اليوم عدل كانت عندي جوله سياحيه في الصناعيه الجميله
قمت اقط خيط وخيط لاتأخذ على كلامي السموحه منك :rolleyes2:

[حمد 2002]

ههههههه بنتلي ولا سيكل ..


بكره حط موضوع شرايكم اي احسن الحصان ولا الجمل ههههههه