موظف القطرية يتهم المواطنين بالتحريض qr1007

[Azizuk]

تعرض مواطن بتهمة التحريض من قبل موظف الخطوط القطرية

رقم الرحلة qr 1007 والمتجة من دبي الى الدوحة الساعة 12:30 ظهرا

الموضوع ومافيه ان مجموعة من الركاب قررت انها تنزل من الطيارة بعد ماحاول الطيار الإقلاع مرتين فيها وكل مره قبل الإقلاع ترجع الطيارة بسبب خلل فني

وتأخرت الرحلة تقريبا ساعة ونص وهم في الطيارة وهم مب عارفين بيتصلح العطل وإلا يغيرون لهم الرحلة على طيارة ثانية

واحد مع عائلتة قرر ان خلاص بعد المحاولة الطيارة بالقلاع مره ثانية وطلع بعد فيها عطل قرر ان ينزل لان عنده رضيعين وثلاث أطفال والجو حار واتعبو داخل الطيارة هذا غير العمل النفسي عند الام والأطفال

طلب من الطاقم ان ينزل يا يغيرون له الرحلة او لين تتصلح الطيارة

طبعا موظفين القطرية رافضين اي حد ينزل من الطيارة

والشخص اصر ان ينزل بسبب ظروف عائلتة او يرجع الفندق واليوم الثاني يرجع الدوحة

طلبو مسوول موظف القطرية يجي يدخل بالموضوع وطلب منه النزول رد عليه الموظف اذا بتنزل راح تدفع قيمة تذكرة جديدة

طبعا رفض رد الموظف وطلب النزول من الطيارة في الحال وقرروا باقي الركاب بالنزول من الطيارة معاه

تتوقعون شنو رد موظف القطرية اتهم المواطنين انهم حرضو باقي الركاب بالنزول

الركاب خليط من اجانب ومواطنين قطرين ومواطنين دول الخليج

طلبو شرطة أمن المطار عشان تدخل بالموضوع

نزلو الركاب ورفضو يرحلونهم على رحلة الثانية الا لين يدفعون قيمة الفرقية وعدد الركاب تقريبا 25 راكب اللي قرر ان ينزل من الطيارة

تم التواصل مع السفارة وتدخل القنصل في دبي لحل الموضوع ولاكن ماقصر القنصل اللي قدر علية حجز فندق وأرسل سيارة لنقل المواطنين

بعض الركاب مستعجلين اللي حجز على الاماراتية على حسابة واللي جلس لين الرحلة الفاضية وفي من رجع الفندق

كل هذا والقطرية لم تقدم اي شي لركاب

الرجال مع عائلتة حصل حجز على رحلة على القطرية الساعة 8 باليل مع دفع الفرقية 2300 ريال

وقيمة التذاكر على السياحية دوحة دبي دوحة مآخذها ب 3500 ريال

وطلب من شرطة الأمن لتقديم بلاغ على موظف القطرية ان اتهمه بالتحريض

هل يحق لموظف القطرية ان يُتهم مواطنين داخل الطيارة بتهمة التحريض

يالقطرية خفو على المواطنين وحسنو من اخلاق موظفينكم مع المواطن وغير المواطن

[وكر الذيب]

القطرية كشركة طيران ماعليها كلام طيرات جديدة ومريحة والخدمات داخل الطيارة ممتازة بس العتب على الموظفين من الطاقم الارضي لين المظيف اسلوبهم جدا تعبان والمعاملة رديئة
والنفسية خايسة ويكلمك من طرف خشمهم خاصة في الدرجة السياحية بعض الاحيان اروح على طيران ثاني بس عشان المعاملة وما انهان مع انها طيارة بلادي ولكن الشرهة على اللي عطاهم الضوء الاخضر ومايحاسبهم

[حسن]

والطياره اللي كنتو عليها تمت في المطار ولا غادرت مطار دبي

[qatara]

ان لم تعيش الواقع بتفاصيله فصعب صعب تحكم

[Azizuk]

والطياره اللي كنتو عليها تمت في المطار ولا غادرت مطار دبي

غادرت بعد إصلاح العطل

موعد الإقلاع الساعة 12:30 وتم إصلاح العطل والإقلاع بعد تقريباً 4 ساعات

[Azizuk]

ان لم تعيش الواقع بتفاصيله فصعب صعب تحكم

ممكن الخطوط القطرية تتحقق من الموضوع وإذا طلعو الركاب مخطئين ترفع دعوة على الركاب وتحاسبهم بدل ماهم يسحاسبون القطرية

[technical]

بسم الله الرحمن الرحيم وبه نستعين, الغمندة في المكيف!

سؤال هنا لأدارة الطيران المدني , لماذ لا يتم فرض عقوبات معتبرة على الطيران القطري للتاخر عن موعد الرحلة , على اعتبار ان الطيران القطري لم يصرف على الصيانة كما يجب.

لا يوجد شفافية من قبل ادارة المطار , فلم ارى تصريح منهم عن هذه الحادثة. لا يوجد متابعة من قبل الصحف , التي امتيازها في اغلب الصفحات في نسخ ولصق الأخبار من وكالات ا لأخبار.

وسالفة وقوف القنصل مع مواطنين او مقيمين بلادة تعطي امثلة في اصول العمل الاداري والدبلوماسي , علاوة على اعطاء صورة مشرقة للأمتياز الاداري بناء على امثلة حية.

متأكد من وجود امثلة راقية في الأمتياز في بلادي قطر , لكن أن يطلع هذا المثل وفي الأعلام صعبة شوي!

وين راحت انسانية المضيف امام عائلة فيها رضع , بل اين ذهبت انسانية طيران القطرية وهي لا تنظر الا بعين كيف اربح وليس كيف اوفر قيم راقية في التعامل مع موظفيني وعملائي.

سبحان الله قالوها (لاقيني ولا تعشيني) وبعد قالوا (فوق شينة قوات عينة), والسلام.

[Azizuk]

القطرية كشركة طيران ماعليها كلام طيرات جديدة ومريحة والخدمات داخل الطيارة ممتازة بس العتب على الموظفين من الطاقم الارضي لين المظيف اسلوبهم جدا تعبان والمعاملة رديئة
والنفسية خايسة ويكلمك من طرف خشمهم خاصة في الدرجة السياحية بعض الاحيان اروح على طيران ثاني بس عشان المعاملة وما انهان مع انها طيارة بلادي ولكن الشرهة على اللي عطاهم الضوء الاخضر ومايحاسبهم


انا معاك ان أسطول القطرية يعتبر رقم واحد في العالم من جميع النواحي ماعدا الموظفين جداً سئيين مع الركاب

والغريب انهم يتعاملون مع الراكب من قطر وخاصة المواطن بطريقة غير حضارية جداً

كانهم عسكرين كل شي بالأوامر الصارمة والعقاب

واتخاذ القرارات من غير الرجوع الى هيئة الطيران المدني واتباع القوانين الجوية من قبل معاهدة شيكاغو ومنظمة اياتا

[الحاقول]

الاسبوع الماضي سافرت من الدانمارك الى ايطاليا على الدانماركيه
السعر 110 دولار فقط والمسافه ساعتين ونصف
وبعد تم اعفائي من الوزن الزايد
هل القطريه تفعلها لا
حيث لم تعفيني القطريه من الوزن الزايد من ايطاليا الى قطر

[وليف الشوق]

الاخ صاحب الموضوع انا قريت موضوعك وعشت معاك اللحظات اللي انت والعائلة الكريمة في هالموقف الحرج والقطرية عندها قانون بنظام الطيران العالمي تمشي عليه عند وجود عطل وماهو الوقت لنزول الركاب وفي اي حالة يتم تغيير الطائرة وموضوع تأخير الطائرة هذا شي وارد في جميع خطوط طيران العالم لكن نصيحه مني اذا شايف ان لك حق اكتب تقرير عن الواقع مع وجود نسخه مع رقم الرحلة او البوردينغ او نسخه من التذكرة وشوف رد ادارة الخطوط القطرية في هذا الموضوع يمكن تنصفك وتحاسب المتسبب واذا مالقيت حل ممكن انك تتوجه الى رفع قضية اتهام وتشوية سمعتك حسب القانون المتعارف عليه ورد اعتبارك وانا اللي اشوفه ان الخطوط القطرية تتعامل مع الجميع كسواسيه بأستثناء المميزين اللي على درجة الاعمال او وجود بطاقة نادي الامتياز أيا" كانت الجنسيه ، وانا توني جاي من الفلبين حصل لي موقف وانا مغادر وانا راجع الدوحه مع مظيفي القطرية داخل الطائرة ومع هذا حاولت اعالج الموضوع معهم بكل بساطة الا انهم لم يعيروني اي اهتمام مع اني مواطن ولي الاحقيه في كل شي لكن اكتشفوا ان لدي البطاقة الذهبية في نادي الامتياز اللي فعلا فادتني .... لكن اللي غيري على السياحية وماعنده بطاقة او اميال ايش يعمل ؟
اتمنى من الخطوط القطرية الحفاظ على المواطن القطري بالدرجه الاولى خاصه في وجوده خارج البلاد وتسهيل كافة اجراءاته لان القطريه تمثل قطر بأكملها (( وطن ومواطن ))

[حسن]

غادرت بعد إصلاح العطل

موعد الإقلاع الساعة 12:30 وتم إصلاح العطل والإقلاع بعد تقريباً 4 ساعات

خلل طاري وغير متعمد يحصل في بعض الاحيان والتاخير كذالك قطريه ولا غير قطريه
وعلى حسب الخلل تقدر القطريه الضرر يحتاج ترجعون ولا تبقون في المطار
يعني عندهم لمت معين
يعني لو تميتو كان رجعتو على نفس الطياره ؟

قبل اسبوعين اهل لي رايحين اوربا على الاماراتيه وااجزين اولى
نقعوهم هني في مطار الدوحه تنقيع المفروض يقلعون من الساعه 1 صباحا الى الساعه 9 تخيل وعليك الحساب
ويوم وصولو دبي ودوهم الفندق واقلعو ثاني يوم الاساعه 8 صباحا
والفندق في جنيف كل عليهم ليله وهم رايحين على الدرجه الاولى
والحين رجعتهم بكره بيكونون في مطار ميونخ الساعه 6 ونصف مساء وبيوصولون دبي الصبح
ومن عقبها الى الدوحه الساعه 12 مايسوى عليهم 18 ساعه والقطريه 5 ساعات هذا هو الفرق
وانتو تاخرتو حروه الاربع ساعات فقط وهذا الشي طاري على الجميع الكابتن والطاقم والركاب
تحلو بالصبر

[بانغ بانغ]

مش من حقه ايحرض الركاب بالنزول .... في قوانين طيران مدني والية سلامة ....

يقدرون يرفعون قضية عليه بزعزعة النظام العام

اول ما يرجع يرفع قضية عليهم بتعويض عاد ينطر كم سنة او كم شهر ...

[حسن]

مش من حقه ايحرض الركاب بالنزول .... في قوانين طيران مدني والية سلامة ....

يقدرون يرفعون قضية عليه بزعزعة النظام العام

اول ما يرجع يرفع قضية عليهم بتعويض عاد ينطر كم سنة او كم شهر ...

يرفعون على من ومن المحرض المواطن ؟ام موظف القطريه ؟

[بانغ بانغ]

يرفعون على من ومن المحرض المواطن ؟ام موظف القطريه ؟

مب القطري طلع وطلع العالم وراه .... والا الموضوع ايه بالضبط ..... معقوول كل الركاب بينزلون عشان واحد مع اعياله قرر ينزل

طبعا ما اشكك في ناقل الموضوع ابدا ... لكن الموقف غريب ... الغلطان ايعوض المغلوط عليه .... لو ثبت طبعا !

اذا كنت غلطان السموحة تري شارب كرك بالزنجبيل بدون سكر .

[QtrGate]

صار لنا موقع اصعب
تاريخ 13/8/2015
المفروض نطير من الدوحة الساعة 4:30
رحلة رقم qr 1064
الطيارة سكرت علينا مرتين
المكان كان ظلمة وحر والكل خايف
حاولنا ننزل لكن الموظفين رافضين
قعدنا في الطياره ثلاث ساعات تقريباً
طرنا الساعة 7 وربع تقريباً
وأول ماوصلنا دبي سكرت الكهربا في الطياره بس بعد الهبوط

طبعا حتى ماعتذرو

[حسن]

مب القطري طلع وطلع العالم وراه .... والا الموضوع ايه بالضبط ..... معقوول كل الركاب بينزلون عشان واحد مع اعياله قرر ينزل

طبعا ما اشكك في ناقل الموضوع ابدا ... لكن الموقف غريب ... الغلطان ايعوض المغلوط عليه .... لو ثبت طبعا !

اذا كنت غلطان السموحة تري شارب كرك بالزنجبيل بدون سكر .

كرك بالزنجبل وفي طلوع سهيل

:rolleyes2:

عجل لو دخلت عليك المربعانيه وش تشرب كرك ويا تيزاب

:)

الموضوع حسب مافهمته ان الراكب بغى ينزل وسوى ربكه في الطياره
بقصد النزول عصبيه زايده شوي هذاك يقول جذف عليه غرشه وكع برك
هذولا بسبب التاخر وخافو من الوضع قال بانزل وهو صحيح النزول مهل على كيفي اذا الوضع
لا يسبب ضرر كبير
الواحد يذكر الله ويسبح ويهلل ويقرا قراءن علشان يطرد وساوس الشيطان
بس يوم هو نزل حسب مافهمت ان البعض نزلو وياه بتحريض منه
على مااورد في الدعوى
فبدال يكون صاحب حق اصبح علىه الحق
وبطل زجبيل في عز القيض علشان تصحصح شوي عطها زعتر ويا راس قدو

يخليك يزي الفل

:)

[aloosh]

الخطوط الجويه الالمانيه احسن وارخص
الكي ال ام
البريطانيه
الاماراتيه
الاتحاد


اللي سمعته القطريه طياراتها نصها مستخدم قبل القطريه

[Azizuk]

الطيار مرتين يروح المدرج وقبل الإقلاع يرجع البوابة

وكل مره يقول عن خلل فني غير

والطيارة دريم لاينر يعني طيارة حديثه التصنيع

شي طبيعي بعد الحوادث اللي صايرة في الطيران الاخرى

نفسيا تجيه ردت فعل وخوف

ومن حق اي راكب ان ينزل اذا الوضع بهالطريقة

بعدين الموظف مب من حقه يتلفظ على ركاب يتهمهم محرضين

هذا كلام كبير

تخيل لو راكب تلفظ على موظف بالطيارة بصوت عالي

على طول بيقولون عنه ارهابي

[حسن]

الخطوط الجويه الالمانيه احسن وارخص
الكي ال ام
البريطانيه
الاماراتيه
الاتحاد


اللي سمعته القطريه طياراتها نصها مستخدم قبل القطريه

مايسير ياعلوش حاجزين انتاج المصنع بكبره طياراتنا بران نيو بقراطيسها
هي صج وقت الاقلاع والهبوط فيها صرصره شوي بس عادي
يبيلها شد لاتنسا الهبوط والاقلاع جدا خطر

الصراحه والشهاده لله اكلهم ماعليه كلام كم مره اركب عليها واسئل الهنود والبنغال اللي حولي
اقوله برياني اوكي يقولي اوكي
:victory:

[aloosh]

الخطوط المحترمه والطيار المحترم بعد محاوله اقلاع واحده فاشله
يرجع للصيانه ومن حق الركاب حجز فندق لحد ما يصلح الخلال
اما محاولتين فاشله وتبي اي واحد يمسك اعصابه صعبه
والرجال معه حق عائلته كلها معاه يغامر بهم لعيون القطريه

اول شي يأدبون الطاقم اللي في طياره والارضي

[aloosh]

مايسير ياعلوش حاجزين انتاج المصنع بكبره طياراتنا بران نيو بقراطيسها
هي صج وقت الاقلاع والهبوط فيها صرصره شوي بس عادي
يبيلها شد لاتنسا الهبوط والاقلاع جدا خطر

الصراحه والشهاده لله اكلهم ماعليه كلام كم مره اركب عليها واسئل الهنود والبنغال اللي حولي
اقوله برياني اوكي يقولي اوكي
:victory:

بس لو انت مكانه وعايلتك كلها معك ومحاولتين اقلاع فشله وانت تعرف اغلب حوادث الطيران في الاقلاع والهبوط بنسبه 90%

بيكون فيك اعصاب وتثق بها الرحله

لو واحد بروحه يمكن يتقبل بس تغامر بالعائله كلها صعب

[حسن]

الطيار مرتين يروح المدرج وقبل الإقلاع يرجع البوابة

وكل مره يقول عن خلل فني غير

والطيارة دريم لاينر يعني طيارة حديثه التصنيع

شي طبيعي بعد الحوادث اللي صايرة في الطيران الاخرى

نفسيا تجيه ردت فعل وخوف

ومن حق اي راكب ان ينزل اذا الوضع بهالطريقة

بعدين الموظف مب من حقه يتلفظ على ركاب يتهمهم محرضين

هذا كلام كبير

تخيل لو راكب تلفظ على موظف بالطيارة بصوت عالي

على طول بيقولون عنه ارهابي

والله اوعي تقول كلمه ارهابي هل الايام
قبل فتره بسيطه
طالب في بريطانيا يبي يدخل سينما وعنده شنطه كان يقوله السكيوري تفتيش شوي
ولا يقول شهنو يعني فيها قنبله
هو ماقال قنبله الى عينك ماتشوف الا النور ابطحوه وعلى طول كلبشوه
الوضع برع مايحتاج حد يقول شي
ترانصيحه لاحد يحرج نفسه وبلاده ويزعج سفارته برع بخطاء غير مقصود او تصرف سي
الواحد يكون حذر خير ياطير قالك فتش قوله تفضل من حقك مانقعد نتفلسف

[حرف]

خرب عليهم تحويشة الترانزيت ههههههه

[7llo]

واحد من اهل الرجال او لما يرجع الرجال يروح القطريه ويتراقع معاهم وياخذ فلوسه مانفع قضيه

[Azizuk]

الركاب طلبو توضيح من الطيار شنو صاير

طلع لهم الطيار من قمرة القيادة واسالوه ايش صاير

اول مره قال لهم في عطل كهربايئ

والمرأه الثانية قال لهم الجو حار والطياره ماتقدر تقلع في هالاجواء

بعدين قال لا هو في عطل بس ماعرف شنو بالضبط

والطيارات الحديثة مطورة اي عطل فيها يُبين في شاشات العرض الالكترونية وكيفية اصلاح العطل

بس اللي اعرفه ان اذا الجو حار الطيارة فيها نظام حقن ماء المثنول لتلطيف الهواء الساخن اللي داخل على المحرك الطيارة

وياخذ مدرج الإقلاع بالكامل عشان المحرك يأخذ كامل طاقته

اي محرك نفاث يكيف على الجو الرطب

الهواء الناشف اللي يحتاج تشغيل نظام الحقن بماء المثنول

وداماً يستخدم هذا النظام عند الحاجة الماسة

[احب قطر]

احنا كنا جايين على نفس الطيارة من الدوحة الى دبي ، وكانت تمام ولا فيها شي ولله الحمد ، البوينج دريم لاينر أصلا فيها العديد من المشاكل ، اذكر مره صار فينا نقس الشي في ابوظبي . اعتقد ان الكمبيوتر يعطي الارم ان في خلل ، وطبعا لازم يجون المهندسين ويشوفون ، والله يعوض عالرجال

[المحاميه]

بل
صج سالفه تحر الجبد

ماحب أحكم على سالفه نسمعها من طرف 1 واعتقد الغلط عال 2

لكن التصرف الطبيعي أنهم يعتذرون ويعوضونهم عن الضرر

يعني فوق شينهم ...

السالفه اقهرتني
شفاكرين نفسهم بهالتصرف!!!

[توشيبا]

انا فيني خوف من الطياره

وصار خلل لو بسيط في الطياره تعتقدون لي قدره اقعد واقلع على نفس الطياره ؟

طبعا مستحيل وبنزل اشوف طياره ثانيه ويمكن اذا في وسيله نقل بري استقلها

[حليتان*]

انا فيني خوف من الطياره

وصار خلل لو بسيط في الطياره تعتقدون لي قدره اقعد واقلع على نفس الطياره ؟

طبعا مستحيل وبنزل اشوف طياره ثانيه ويمكن اذا في وسيله نقل بري استقلها

ياحبيي ارد سباحه

مرتين بيقلع ويكنسل عسا ماشر!!

[JN000N]

عادي ماستغرب وقاحة موظفين القطريه
مابي اقول الكل
ولكن وقاحة وقلة ادب واسلوب واطي :)
طبعا وش فرعنك يافرعون قال مالقيت الي يردني
وهم ولا شي يردهم
اسلوب كجره سواء هو غلطان او لا
مرو علي ثلاث انواع
موظف مغربي وهندي ومضيفه اسيويه
الواحد مرات وده يفصخ نعتل يلت كل واحد فيهم على ويهه ويسنعه لانهم صج وقحين
وماقول هالكلام من فضاوه
طبعا تجارب مرت علينا :)

[معماري قطري]

القطرية صج خربوها اللي يشتغلون فيها

[موظف ((حكومي]

شهر 4 سافرت للاردن وساعتين واقفه الطياره في مطار الدوحه من عطل

وكان الاقلاع ساعه 1 ولا اقلعت الى ساعه 4

[غريب الدّار]

يعني اخوي هو رفع قضية مثلا واتهم المواطن بالتحريض؟
او مجرد راي له؟

اذا كان مجرد راي ، فهذا رايه وهو حر فيه

اما اذا كانت القطرية عطلت المسافرين فهي تتحمل المسؤولية

[بو عمر]

مايسير ياعلوش حاجزين انتاج المصنع بكبره طياراتنا بران نيو بقراطيسها
هي صج وقت الاقلاع والهبوط فيها صرصره شوي بس عادي
يبيلها شد لاتنسا الهبوط والاقلاع جدا خطر

الصراحه والشهاده لله اكلهم ماعليه كلام كم مره اركب عليها واسئل الهنود والبنغال اللي حولي
اقوله برياني اوكي يقولي اوكي
:victory:

أضحكتني أخوي حسن. الله يسعد أيامك

:) تسوي استبيان آراء و من أهل الخبرة بعد. شغل فخم

الله يستر على الجميع

[fzaa_qatar]

بس لو انت مكانه وعايلتك كلها معك ومحاولتين اقلاع فشله وانت تعرف اغلب حوادث الطيران في الاقلاع والهبوط بنسبه 90%

بيكون فيك اعصاب وتثق بها الرحله

لو واحد بروحه يمكن يتقبل بس تغامر بالعائله كلها صعب

والله ما فيه حد يقدر يلوم الرجال هله معاه ويقولك رضيعين تخيل الوضع والجو حر وكل شوي ترجع لا بالله انزلهم واحجز ع طيران ثاني ابرك لي وشلي حادني ابهدل عيالي مع القطريه واللي يقول نظام عالمي ومادري شنو ماختلفنا حبيبي بس انا ابي انزل من الطياره ولا علي من حد ولاحد حرض الركاب ينزلون معاه شي طبيعي وتصير ان ركاب ينزلون من رحله بدايتها بهالوضع المريب

[PowerQ]

شيء يثير العجب بصراحة، ولا عمري شفت شركة طيران بهالشكل.. هذه شركة خدمات يعني لو العميل سوا ايش لازم يتحملونه ويكسبونه مب يتهمونه بالتحريض!
للأسف اتوقع الشركة راح ينزل مستواها للحضيض الفترة الجاية إذا ما اتخذوا تصرف..

ملاحظة: من حق الشركة توفر توضيح لكل الركاب لما يصير اي شي وتمنحهم خيارات اخرى إذا كانت فعلا الصيانة طويلة والمكيف مو شغال داخل الطيارة!

[بشائر]

مو من حقه يتهمه بتحريض الركاب.. الطيارة حاولت مرتين الإقلاع وفشلت فطبيعي الكل بيخاف على نفسه
ومعالجة الخلل يبيله وقت ...

[ضوى]

اقل شي يالقطرية اعتذار

الله ينظفها ان شاء الله من كل الخبائث

[عاشق العديد]

مادري هل الكرو للدول االبعيده مدربين عدل او شسالفه ..

لانه ولامره حصل منهم تقصير ..

ومره في المانيا .. تاخرو اجلو طيارتنا وعطونا تقريبا 1800 ريال قطري وحجز فندق .؟

اقصد الطياره فل ..

وكان تعاملهم سلس حتى لمن اروح أمريكا تعاملهم مبتسمين عطول .. ماشفت تقصير لكن نتمنى انه يتم التحقيق في هذه القضيه وماله حق يحرض ضد أي شخص واذا مسافر قرر ينزل من حقه ينزل من غير مايتلفظ بشي .. وبعدين القطريه لو مهما تكلمونهم مافي فايده .؟

انا لحد الحين مادري شصار فسالفة الأجنبي الي عطا قطريه كف في طيارة بانكوك .. لكن للامانه اشوفها احسن من غيرها لاني جربت الاتحاد والتركيه والكويتيه ماعجبوني ..

[حسن]

مادري هل الكرو للدول االبعيده مدربين عدل او شسالفه ..

لانه ولامره حصل منهم تقصير ..

ومره في المانيا .. تاخرو اجلو طيارتنا وعطونا تقريبا 1800 ريال قطري وحجز فندق .؟

اقصد الطياره فل ..

وكان تعاملهم سلس حتى لمن اروح أمريكا تعاملهم مبتسمين عطول .. ماشفت تقصير لكن نتمنى انه يتم التحقيق في هذه القضيه وماله حق يحرض ضد أي شخص واذا مسافر قرر ينزل من حقه ينزل من غير مايتلفظ بشي .. وبعدين القطريه لو مهما تكلمونهم مافي فايده .؟

انا لحد الحين مادري شصار فسالفة الأجنبي الي عطا قطريه كف في طيارة بانكوك .. لكن للامانه اشوفها احسن من غيرها لاني جربت الاتحاد والتركيه والكويتيه ماعجبوني ..

هو على حسب وين راكب ياعاشق درجه اولى بزنز رجال الاعمال درجه سياحيه
مع العفش !!
كل درجه وله طاقم بس الطاقم اللي في بوز الطياره اوه غير كلش
ابتسامه عريضه وفوط حاره وكل شوي يس سير يولا يك درنك
خبرك تذكرته عن 10 وطفل من درجه اللي في المؤخره
خبرك دافع اكثر اكيد طاقمهم جدا محترم
اما مثلنا اللي وكله نحب الذيل وندور التخفيضات ونحجز قبل سنه ونصف ولا تركب
ورا تحسن انك راكب باص العتبه الى رمسيس
:(

اكيد المعامله غير تحس انا احنا من اشكالنا مسجلين خطر على جبهاتنا

[Darco]

أنا حصلت لي حادثة مشابهة قبل سنتين, تعطلت الطيارة في المدرج الظهر واستمرت 4 ساعات بدون مكيف وبعضهم نزل بالقوة .. الظاهر أن مثل هذي الحوادث صارت روتينية على طريق دبي!!

[CH Engineer]

الاتحاد افضل بس الترانزيت متعب
في محامي قطري صار معاه موقف مشابه ورفع قضيه وخذ تعويض قوي

الحمدلله اموري للحين طيبه وسفراتي قليله

[عاشق العديد]

هو على حسب وين راكب ياعاشق درجه اولى بزنز رجال الاعمال درجه سياحيه
مع العفش !!
كل درجه وله طاقم بس الطاقم اللي في بوز الطياره اوه غير كلش
ابتسامه عريضه وفوط حاره وكل شوي يس سير يولا يك درنك
خبرك تذكرته عن 10 وطفل من درجه اللي في المؤخره
خبرك دافع اكثر اكيد طاقمهم جدا محترم
اما مثلنا اللي وكله نحب الذيل وندور التخفيضات ونحجز قبل سنه ونصف ولا تركب
ورا تحسن انك راكب باص العتبه الى رمسيس
:(

اكيد المعامله غير تحس انا احنا من اشكالنا مسجلين خطر على جبهاتنا


والله يابوعلي يازين البزنس خاصتن للي مايسافر الا أماكن بعيده يعني فوق 7 ساعات ..
اما 3 ساعات 2 حرام بزنس .. لكن فالنهايه اذا كلام صحيح عن الايكونمي ومعاملتهم سيئه أتمنى يتم التدقيق ع هذا شي ..
لكن انت ماتجلب الزباين الا بخدمتك السنعه .. وتعاملك .. ولكن القطريه مادري شسالفتها

[JN000N]

مادري هل الكرو للدول االبعيده مدربين عدل او شسالفه ..

لانه ولامره حصل منهم تقصير ..

ومره في المانيا .. تاخرو اجلو طيارتنا وعطونا تقريبا 1800 ريال قطري وحجز فندق .؟

اقصد الطياره فل ..

وكان تعاملهم سلس حتى لمن اروح أمريكا تعاملهم مبتسمين عطول .. ماشفت تقصير لكن نتمنى انه يتم التحقيق في هذه القضيه وماله حق يحرض ضد أي شخص واذا مسافر قرر ينزل من حقه ينزل من غير مايتلفظ بشي .. وبعدين القطريه لو مهما تكلمونهم مافي فايده .؟

انا لحد الحين مادري شصار فسالفة الأجنبي الي عطا قطريه كف في طيارة بانكوك .. لكن للامانه اشوفها احسن من غيرها لاني جربت الاتحاد والتركيه والكويتيه ماعجبوني ..

جرب الاماراتيه
بوووه
يشيلونك شيل
يدلعونك دلع
والمضيفات معاملتهم من اروع ما يكون
لا وتعال جوف الترحيب لين قرو الاسم والمعامله الزينه مع الكل
اما قبل اقول معليه شركتنا مافوقها فوق :/ هه والله مادري كنت عميه والا ماعندي تجارب؟
فالقطريه كنت مسويه عمليه ف عيني والمضيفه حارنه الا تفتح الدريشه صوبي عاد انا طالعه من العياده على طول المطار صدف جذي
تعالي الطياره مب طايره الا اذا فتحتي الدريشه وطبعا غصبن عنها بتطير بدون مافتحها :)
وغيره وغيره من بلاوي وايد
احنا مب مثل الاجانب نطلع حقوقنا من عينهم ونشتكي
كل مره نسكت ونقول معليه نحشم اعمارنا
وكل مره يزيدونها
لا والله انها مصخت

[Azizuk]

تم تقديم شكوى على موقع القطرية الالكتروني

وبنشوف ردهم

94352

[حسن]

تم تقديم شكوى على موقع القطرية الالكتروني

وبنشوف ردهم

94352


ايوه هذا الطريق الصحيح بشرنا بس وش صار بعدين لان انا عندي
شكوي باقدمها هم واب اطلب تعويض مليون ريال
لكن بالعربي ولا بالانقليزي لازم

عندي مشكله حصلت وهم يتحملونها حسب ماقالو لي السلطات هني

[غريب الدّار]

تم تقديم شكوى على موقع القطرية الالكتروني

وبنشوف ردهم

94352

هذا التصرف السليم اخوي في نظري

اللي عنده شكوى ويشوف انه صاحب حق يتواصل مع الجهة المعنية
وان كان له حق بياخذه

واتصور القطرية كشركة وطنية عملاقة ومعروفة على المستوى العالمي راح تشوف الموضوع وترد على الشكوى

بالتوفيق

[غير البشر]

عادي ماستغرب وقاحة موظفين القطريه
مابي اقول الكل
ولكن وقاحة وقلة ادب واسلوب واطي :)
طبعا وش فرعنك يافرعون قال مالقيت الي يردني
وهم ولا شي يردهم
اسلوب كجره سواء هو غلطان او لا
مرو علي ثلاث انواع
موظف مغربي وهندي ومضيفه اسيويه
الواحد مرات وده يفصخ نعتل يلت كل واحد فيهم على ويهه ويسنعه لانهم صج وقحين
وماقول هالكلام من فضاوه
طبعا تجارب مرت علينا :)


والله صح كلامج
القطريه وبعض الجهات مافي شي يردعهم
اتمنى تكون القطريه وطنيه وفيها روح الوطنيه نفس اي خطوط وطنيه ثانيه

[غريب الدّار]

لكن بالعربي ولا بالانقليزي لازم


مااعتقد عندك مشكلة في الانقليزي يابو علي
:nice:انت ذكرت ذاك اليوم انت عندك صديق امريكي يتكلم انقليزي بلبل:nice:

[JN000N]

تم تقديم شكوى على موقع القطرية الالكتروني

وبنشوف ردهم

94352

قول ان شاء الله يردون عليك
ولو اني مستبعده الرد
لان صارت بعد من قبل ومحد رد
بس ان شاء الله وضعك غير

[JN000N]

والله صح كلامج
القطريه وبعض الجهات مافي شي يردعهم
اتمنى تكون القطريه وطنيه وفيها روح الوطنيه نفس اي خطوط وطنيه ثانيه

اعرف وحده مسافره مع اهلها تايلند ف الطياره صارت تج بينها وبين المضيفه
المهم يوم يات بترد الا هي بلاك لست عالقطريه ممنوع تركبها
ردو اهلها كلهم تمت مع اخوها هناك لين دبرت روحها
وطبعا كله عشان خاطر المضيفه الي يوم قالتلي السالفه كانت هي الي غلطانه
لكن شنسوي
مالنا حقوق يمكن لان جوازاتنا عنابيه :) يمكن لو جواز امريكي والا بريطاني وشعر اشقر وعيون ملونه يحسبون لنا حساب
محد مربحهم الا الشعب والمواطنين اللي يدفعون دبل وتربل عالتذاكر وعلى اساس مايرتاحون الا عالقطريه اما اذا عالمدخول الي من برا كله دعايه للقطريه وعشان تكون الاولى عالميا :/

[غير البشر]

مسحت ردي كنت بطلع الي في خاطري بس مافي داعي :rolleyes2:

[Azizuk]

شركة ستاربكس تحث موظفيها والعاملين على التعامل مع الزبائن بلطف

بسبب الأوضاع الاقتصادية وخسائر الشركة

يعني يعطون العاملين تعليمات انهم يتعاملون مع الناس بلطف بسبب خسائر الشركة

والقطرية تحطك في القائمة السوداء

ماتوقع يتخذون قرار بمنع ركوب راكب اجنبي من غير حكم من المحكمة او حكم من جهة حكومية رسمية

لان راح يبهدلهم بالتعويضات

بس مواطن وعايش في الدولة مجبور ان يرجع البلاد ومحتاج القطرية يلون ذراعه

[بانغ بانغ]

شركة ستاربكس تحث موظفيها والعاملين على التعامل مع الزبائن بلطف

بسبب الأوضاع الاقتصادية وخسائر الشركة

يعني يعطون العاملين تعليمات انهم يتعاملون مع الناس بلطف بسبب خسائر الشركة

والقطرية تحطك في القائمة السوداء

ماتوقع يتخذون قرار بمنع ركوب راكب اجنبي من غير حكم من المحكمة او حكم من جهة حكومية رسمية

لان راح يبهدلهم بالتعويضات

بس مواطن وعايش في الدولة مجبور ان يرجع البلاد ومحتاج القطرية يلون ذراعه

انا عندي البلاتينيوم كارد
احيانا اسافر على السياحية اذا ما حصلت حجز

اطلب جريدة من داخل كاني طالب القرب ....

مافي الا الاماراتية وبس ...

[♫ احسـاسـ طفلـهـ ♫]

القطريه صحيح من احسن الخطوط الجويه ولكن !! موظفينهم في كثير من الاحيان قمة في السخافه والحقاره في بعض التصرفات وقد صارت معاي بسبب كثرة سفري لاداء دورات عمل او دراستي سابقا .. للاسف عليهم حركات وطريقة واسلوب بعضهم قذر جدا .. السفر للهند بالقطريه كان ماساه بمعنى الكلمه حيث لم تكن هنالك وسائل ترفيه غير الريحه اللي خنقتنا كقطريين والله ولا يهتمون للشكاوي نهائيا لان مره اخترب التلفزيون اللي اطالع فيه من البدايه مايشتغل طلع فقلت لها شلون الحين او اظن مافيه صوت نهائي قالت خلاص هاي حظج ما بنسوي لج شي ومشت بكل بروده اعصاب قلت لها الحين دافعه فلوس عشان جي يصير لي؟ ولا حتى اسلوب يبردون فيه اعصاب الراكب الحمدلله والشكر ردود بارده ومعامله ابرد .. رحلة اخرى للاسف المضيفة دخلت علي تكرمون الحمام وفتحت الباب علي مع انها يوم دقت الباب صرخت وقلت انا موجوده لحد يفتح الباب وفوق هذا قبل لا ادخل اصلا شفت مضيفه ثانيه قلت لها عادي ادخل هالحمام عزكم الله ؟؟ قالت ايه دخلي فدخلت وشوي وجان اشوف هالحركه صارت وقسم بالله غلى الدم في راسي من القهر والحركه اللي كلش ماكان لها داعي ولما طلعت شفت مضيفتين قدامي قلت من اللي فتحت الباب علي؟ قالت المقصوده انا قمت هاوشتها هواش اليهد بدون سب طبعا لكن بطريقه اني اعلمها شغلها لكن المشكله والقهر انها تعايي انها على حق قلت شلون على حق فهميني ؟؟ الحمام من برى محطوط انه مشغول يعني حد داخل وعذرها اقبح من الذنب تقول مرات يكون جي ولكن محد داخله ؟ قلت لها تستعبطين يمه !! يوم طقيتي الباب ماصرخت وقلت لج اني داخل ؟؟ تقول ماسمعت قلت لا عاد واضح الاستهبال بمعنى الكلمه وزفيت الثانيه قلت لها وانتي صمخه مثلا او عميا تشوفينها تفتح الباب وانتي مبلغتج قبلها بشوي اني بدخل يعني تعرفين ليش ما نبهتيها ؟؟ سكتت ولا تكلمت معناه تعرف نفسها غلطانه والثانيه يمكن خافت وتحاول ادافع عن نفسها لكن صج من اقذر الحركات اللي صارت طبعا في وايد امور اخس من جي لكن هاي مثال .. للاسف القطريه ماتعرفون اتنقون موظفينكم ما اتنقون الا الغالبيه يتعمدون ياذون المواطنين بالذات ويعاملونهم بمعاملة جدا خايسه ونفسيه وتكبر و ردود ترفع الضغط واذا ظليتو جذي معناه انكم خطوط ادارتكم فاشله .. لان في عالم البزنس الزبون يقع في المقام الاول للاهميه ودايما على حق لكن القطريه الزبون القطري دايما على خطأ وماله اي اهمية كالبقية الغير قطريين .. القهر ان القطري هو الوحيد اللي يدفع مبلغ اكبر من البقيه بما انها دايركت يعني انتو مستفيدين منا احنا المواطنين اكثر ولكن معاملتكم لنا الاسوأ الاسوأ الاسوأ .. جربنا خطوط اخرى كانت تعاملنا احسن معامله لكن مشكلتنا مب غاوين تعب وترانزيت فاحسنوا للمواطنين يا القطريه افضل لكم لا يجي يوم نسوي فيكم مقاطه مثل ما سووا اخواننا الكويتين مقاطعه مع السمج انتبهوا :) ههههه


للعلم رحت للاماراتيه ماشاء الله عليهم اسلوبهم عسل حتى في استقبالهم في المكتب ونفسيه بشوشه ومعامله احلى واجمل اما القطريه بالغالب وجه متجهم وبرود اعصاب كعادة اغلب موظفينهم انا مادري ليمتى هالشكل عيب يعني ترى يحمل اسم قطر ويظلون على نفس النمط من الموظفين اللي نسبة كبيره منهم حمقى تعامل مع الزباين للاسف

[qatarman8008]

لن يحصل اي تحقيق ولن ينال المسافرون اي تعويض..
القطرية طيران راقي واوقات رحلاته هي الافضل على مستوى المنطقة ولكن..
تجد تمييز عنصري ملحوظ وقوي ضد القطريين..
وهالشي لاحظته في اكثر من سفرة..
لكن خل واحد اجنبي يقوم يتكلم..
على طول يردون عليه باللي يبي..
لا ومبتسمين بعد..

[Azizuk]

مره مسافر أوروبا على القطرية رجال اعمال

وفي اجنبي سوو له ترقية من السياحية الى رجال اعمال بعد ركوب الطيارة

والله شكلة ولبسه مايستاهل يقعد في ممر البزنس

المهم قعد يشرب يشرب ويطلب شراب لين الله يعزكم وصخ المكان ولعوزنا

والله يعزكم بال على الكرسي وغير الإزعاج اللي سببه لنا

وبأقول الموضيفين قالو له شي حد بيوقفه عند حده بيقولون له لا تزعج الركاب

الا يمسكونه من يده ويدارونه ومهتمين فيه على شنو ماردي

وجابو له نايلون وحطو له بطانية وخيسنه بريحته

الحين هم ليش يقدمون شراب لين الواحد مايحس بروحه

خطوط الطيران الأوربية حددت كمية المشروبات الروحية والكحولية لكل راكب*

عشان مايوصل حالة السكر ويخرج عن إرادة

[غير البشر]

لن يحصل اي تحقيق ولن ينال المسافرون اي تعويض..
القطرية طيران راقي واوقات رحلاته هي الافضل على مستوى المنطقة ولكن..
تجد تمييز عنصري ملحوظ وقوي ضد القطريين..
وهالشي لاحظته في اكثر من سفرة..
لكن خل واحد اجنبي يقوم يتكلم..
على طول يردون عليه باللي يبي..
لا ومبتسمين بعد..


مب القطريه بس
في جميع الجهات عندنا الاجنبي مقدس
انا اشتكيت على اجنبيه ابي اخذ حق بنتي وتحسسسفت
تلتهت لين قلت بس وذوقوني المر
قلت لهم توبه اشتكي خلاص لو حرامي دخل بيتي ماراح اشتكي

[بنت شرق]

من كثرة سوالفكم افكر اسافر على الامارات مع انه دايما على القطرية والحمد لله كل الامور كانت عادية

[Azizuk]

مب القطريه بس
في جميع الجهات عندنا الاجنبي مقدس
انا اشتكيت على اجنبيه ابي اخذ حق بنتي وتحسسسفت
تلتهت لين قلت بس وذوقوني المر
قلت لهم توبه اشتكي خلاص لو حرامي دخل بيتي ماراح اشتكي

شي يقهر صار الأجنبي يسوي اللي يبيه لان مافي رادع لهم

ويعرف ان راح يطّلع من المشلكة ويعرف اذا راح يشتكي راح يطّلع له حقه

اما المواطن يشتكي وعندك مايثبت رسميا وقانونياً وآخر شي تشوف عدم التفاعل معاك صار لي اكثر من موقف

وبكل برود يقولون لك يارجال خلها على الله ولا تعور رأسك

الأجنبي تمادا في البلد وصار مايحترم الأنظمة والقوانين

وانا متاكد في أعضاء بيقولون ان في مواطنين يخالفون الأنظمة والقوانين من جذي الأجنبي

ماقام يحترم القوانين

بس ارجع وأقول الأجنبي مايحط رأسة ورأس المواطن

في جميع دول العالم مواطنيهم لهم معاملة خاصه

حتى الدول اللي تدعي الديمقراطية والحريات والجمعيات الحقوقية والإنسانية

[غير البشر]

شي يقهر صار الأجنبي يسوي اللي يبيه لان مافي رادع لهم

ويعرف ان راح يطّلع من المشلكة ويعرف اذا راح يشتكي راح يطّلع له حقه

اما المواطن يشتكي وعندك مايثبت رسميا وقانونياً وآخر شي تشوف عدم التفاعل معاك صار لي اكثر من موقف

وبكل برود يقولون لك يارجال خلها على الله ولا تعور رأسك

الأجنبي تمادا في البلد وصار مايحترم الأنظمة والقوانين

وانا متاكد في أعضاء بيقولون ان في مواطنين يخالفون الأنظمة والقوانين من جذي الأجنبي

ماقام يحترم القوانين

بس ارجع وأقول الأجنبي مايحط رأسة ورأس المواطن

في جميع دول العالم مواطنيهم لهم معاملة خاصه

حتى الدول اللي تدعي الديمقراطية والحريات والجمعيات الحقوقية والإنسانية

اخوي حتى لو عندك مايثبت قانونيا ماراح يجيبونه
انا طالبت بتصوير الفيديو يوم اقدم الشكوى
وانحفظت شكوتي قلت لهم على الاقل شوفو الفيديو ولا اعرف ليش انحفظت ولا ادري عن شي
عاشت النيابه ههههههههههههههههههههههه

[رجل مثالي]

الله يسلمك افضل طيران في الشرق الاوسط والعالم تعتبر القطريةالاولى علىالشركات الحمدلله ولكن الخلل هاي شئ خارج عن الإرادة عندك انا ركبت طائرات أوروبية لاحظت ما شاءالله القطرية افضل منهم في كل الخدمات وعندك بعض الطائرات الوجبات انت تشتري الوجبات يكون على الراكب قصدي الوجبات والبعض منها اوكي انا ما اعمم على الكل وفي الأخير القطرية افضل ولكن بعض التأخير يكون غير مقصود هاي شئ طارئ

[qatarman8008]

ليس المطلوب من طيران القطرية ان تعطي امتيازات اضافية للمسافر القطري..
ولو اني لو طلبت هالشي ما راح اكون مخطئ..
لكن عموما.. المطلوب من طيران القطرية ان تعامل القطري مثل الاجنبي.. فقط لا اكثر..

[Azizuk]

اخوي حتى لو عندك مايثبت قانونيا ماراح يجيبونه
انا طالبت بتصوير الفيديو يوم اقدم الشكوى
وانحفظت شكوتي قلت لهم على الاقل شوفو الفيديو ولا اعرف ليش انحفظت ولا ادري عن شي
عاشت النيابه ههههههههههههههههههههههه


انا عندي شغالتين ومعترفين بمركز الشرطة وثابته عليهم التهمه

وعندي تصوير وجايب ادلة

وآخر شي يوم راجعت النيابة يقولي لا هم ماعترفو وماعليهم شي

تبيهم خلهم عندك او وفر لهم مقر سكن لين تجي قضيتهم في المحكمة

عااااد انتظر ثلاث شهور ست شهور

قالي محامي التهمة لابستهم لابستهم وأقل شي راح ينحكم عليهم 7 سنوات اذا مب 15 سنة سجن

المهم طلعو بدون محد يدفع لهم كفالة خروج لأنهم ماعندهم فلوس

وترحلو على الأبعاد وشرطو على لازم اتسفرهم على القطرية

واللي معاهم واحد إنصاد والثاني كفيلة رافض ان يجيبه مركز الشرطة يقول لازم تجيبون لي امر قبض من النيابة

الشغالات فلبينيات مدخلين رجاجيل البيت واحد هندي والثاني أفريقي

ويوم فتشت بجوالات الشغالات لقيت البلاوي كله صور افارقة وأرقام جوالات أفريقية وإيميلات من عندهم

وفواتير حجز فنادق باسم الشغالة وأرقام لوميزنات

أقول في خاطري شغالة تأخذ وتحجز غرفة باسمها بقيمة 400 ريال ومعاشها الف وخمسمئة ريال

شلون يحجزون لها

والمواطن اذا راح فندق مع عياله وهلا يقولون وين عقد الزواج

أقول لهم أكيد هذي عصابة راح أدمر البلد ومعدل الجريمة راح يرتفع لازم القانون يأخذ مجراه

والله مركز الشرطة وضباطهم ماقصرو معاي حاولو بس يقولك هذا اللي نقدر عليه الباقي على الله

الهندي طلع بكفالة والافريقي ماقدرو عليه يجيبونه

[Azizuk]

للأسف رد الخطوط القطرية على الرحلة دبي دوحة الساعة 12:30 ظهراً رقم الرحلة 1007

الشكوى في صوب ومراوغة الخطوط القطرية في الرد في صوب

وهذا نسخة من رد الخطوط القطرية على الإيميل

94481

94482

94483

[Azizuk]

وتم الرد عليهم في الحال لتوضيح الموضوع حيث ان الخطوط القطرية تماطل في الرد على الشكوى

94484

94486

94485

[JN000N]

ومتأمل خير فيهم
من اسمه هالبزرة يبين ان مالك حق عندهم
الشكوى لله