كهرباء الفيلا ؟؟؟؟

[سعود.]

عندي كهرباء الفيلا ( 200 ) أمبير ( 120 kw ) وفيه 6 غرف مساحتها 5.6 مخصص لها في خريطة الكهرباء مكيفات 1.5 . طبعا مايكفي . الباقي غرفة الماستر و المجالس والصالات ووووالخ كلها ok

السؤال الحين : لو ركبت مكيفات 2 طن بدال 1.5 وغيرت واير الكهرباء ( 6 ) ملم وبرايكر 30 أمبير .
بدل ( 4 ) ملم والبرايكر 20 أمبير المحسوبة على 1.5 طن
هل فيها مشكلة على كهرباء الفيلا !!!!! . المقاول . الاستشاري . مكتب التصميم . كل واحد له راي . احترت معهم .
علما اني للحين في البناء العظم

[معماري قطري]

هذي بيفيدك فيها عزيز يو كي هو خبير الكهرب والتكييف

[معماري قطري]

غريبة اخوي سعود العادة الاستشاريين يبالغون في الحمل الكهربي وحلك أشوفه واقعي ويصير بس تأكد من مهندس كهرباء .. المشكلة الوحيدة يكون البريكر الرئيسي مب محسوب لكل هذي الأحمال ويقطع .. عندي واحد من قدامى مهندسين الكهرباء .. عيبه بطيء جداً وشيبه بس صراحة مهندس خطير بارسل لك رقمه على الخاص ان شاء الله

[سعود.]

جزاك الله خير

يوم رحت لمكتب التصميم على اساس اسالهم ليش مصغرين اطنان التكيف . قالو لي انه من كهرماء يعطون كهرباء على حسب مساحة الارض . وليس مساحة البناء . وانهم مضطرين ينزلون اطنان التكيف ع اساس ماتتعدى 120 kw

[(عبدالله)]

1 طن تبريد = تقريباً يحتاج 7 أمبير
1ونص طن تقريباً يستهلك 10-11 أمبير
2 طن يستهلك تقريباً 14 إلى 15 أمبير بحد أقصى

باختصار لعدد 6 غرف بتحتاج بحد أقصى 30 أمبير مجموع إضافي

لكن مب بهالبساطة... المصمم لازم يلقي نظرة عامة على التصميم وتوزيع الأحمال بشكل متساوي بحيث ما يسبب عبء على حمل على حساب فضاوة في مكان ثاني وهذا شغل مب بسيط وبنفس الوقت مب معقد على المتخصص.

الشي الثاني.. إذا غيرت البريكرات لازم يتغير التصميم وبالتالي بيطلع المصمم على المساحة المسموحة له في العبء الإجمالي للأحمال ولما يجي موظف كهرماء يفحص ويكتشف ما بيعطي الأبروفال

انت أمام خيارين: إما يتعاون معاك الاستشاري ويحل لك الموضوع بشطارته وشوية جهد منه- وهذا أفضل خيار

(أو)

تتفق مع الكهربائي إذا كان شاطر يفيدك بخبرته ويتكتك عقب ما تدخل الكهرباء يبدل لك البريكرات ويعيد توزيعها لكن يكون مرتب أمورها من قبل مب مني والطريق- وهذا الخيار تحتاج فيه ثقة بكفاءة الكهربائي ومسؤولية

والله أعلم


انا شخصياً، وصلت إلى الحد الأقصى من المسموح لي قبل لا أمدد الكيابل فقمت وغيرت التصميم كلفني على ما أذكر5000 ريال تصميم و رسوم أتعاب الاستشاري ترتب عليه أن كهرماء عطتني 200 أمبير وبدلوا الكيبل المغذي من المجمع إلى بيتي مع حفر الشارع..إلخ.. وبالهطريقة ريحت الكيابل من عبء الأحمال

والله ييسر لك ويوفقك

[سعود.]

1 طن تبريد = تقريباً يحتاج 7 أمبير
1ونص طن تقريباً يستهلك 10-11 أمبير
2 طن يستهلك تقريباً 14 إلى 15 أمبير بحد أقصى

باختصار لعدد 6 غرف بتحتاج بحد أقصى 30 أمبير مجموع كلي

لكن مب بهالبساطة... المصمم لازم يلقي نظرة عامة على التصميم وتوزيع الأحمال بشكل متساوي بحيث ما يسبب عبء على حمل على حساب فضاوة في مكان ثاني وهذا شغل مب بسيط وبنفس الوقت مب معقد على المتخصص.

الشي الثاني.. إذا غيرت البريكرات لازم يتغير التصميم وبالتالي بيطلع المصمم على المساحة المسموحة له في العبء الإجمالي للأحمال ولما يجي موظف كهرماء يفحص ويكتشف ما بيعطي الأبروفال

انت أمام خيارين: إما يتعاون معاك الاستشاري ويحل لك الموضوع بشطارته وشوية جهد منه- وهذا أفضل خيار

(أو)

تتفق مع الكهربائي إذا كان شاطر يفيدك بخبرته ويتكتك عقب ما تدخل الكهرباء يبدل لك البريكرات ويعيد توزيعها لكن يكون مرتب أمورها من قبل مب مني والطريق- وهذا الخيار تحتاج فيه ثقة بكفاءة الكهربائي ومسؤولية

والله أعلم


انا شخصياً، وصلت إلى الحد الأقصى من المسموح لي قبل لا أمدد الكيابل فقمت وغيرت التصميم كلفني على ما أذكر5000 ريال تصميم و رسوم أتعاب الاستشاري ترتب عليه أن كهرماء عطتني 200 أمبير وبدلوا الكيبل المغذي من المجمع إلى بيتي مع حفر الشارع..إلخ.. وبالهطريقة ريحت الكيابل من عبء الأحمال

والله ييسر لك ويوفقك


جزاك الله خير

[Azizuk]

صاحب الموضوع غريبة ان قوة الكهرباء 200 إمبير مايكفي

واحد بيته دورين وعنده 70 إمبير وكافي عنده

اول شي 100 إمبير في الدور الاول يعطيك قوة 300 إمبير

لان الكهرباء قطر 3 فيز

يعني 100 إمبير تكفي وزيادة

المكيف الواحد 30 إمبير يكفيه اذا ثنين طن وثنين طن ونص

قسم 300 إمبير على لوحة المفاتيح

[مرتبش]

مجموع الفرق للست مكيفات اذا ركبت طنين بدل الطن ونص هو 3 كيلو واط .
يعني ولا شي.. اذا بيتك مايستحمل اضافة 3 كيلوواط هذي علامة استفهام كبيرة للمصمم والاستشاري والمقاول

[سعود.]

مشكورين على الردود

[سعود.]

من جرب كهرباء ( اسلاك ) رومانية مواصفات انجليزية !!!!

[السمسمه]

بخصوص الاستشاري أفادك بأن كهرماء مايعطون اكثر120kw انا اتوقع كلامه غير صحيح أنا الفيلا الخاصة فيني 20مكيف 10طنين و10(1.5)طن وفكرت أركبهم عقب ماقلت للكهربائي مع مراحل التشطيب وغير ليتات تقريبا 600داخل وخارج الفيلا وفكرت أركبهم بعد مع مراحل التشطيب