سؤال هل يمكن عمل افادة لارض بين عمارات ولكن ؟؟

[♫ احسـاسـ طفلـهـ ♫]

السلام عليكم ورحمة الله وبركاته


ياليت احد يفيدني الصراحه والموضوع جدا جدا جدا مهم ..


في بيت غير قابل للسكن حاليا لكن الارض مساحتها تقريبا 920 تقع في اللقطة وهي بيت ورثة ..

السؤال هو ؟


ان البيت كان يقع في منطقة عمارات يعني في عمارة على يساره وعمارتين امامه مباشره فالمنطقة كثيره العمارات .. هل يمكن الحصول على افادة مثلما سمعت بحيث تاخذ صفة ارض تجاريه فيزيد سعرها عند بيعها ؟؟ لان بيت ورثه وحاليا الورثه من الام الاخرى يبون نصيبهم فاحنا اندور طريقة نقدر نزيد فيها السعر عشان نقدر نلاقي بيت بالفلوس اللي بتبقى لنا في زمن الغلاء ..


ياليت اللي يعرف شي عن هالموضوع يفيدني ويجزيه الله خير والله لان صج مهم اتمنى ان شاء الله خير يارب


وفمان الله

[رحال الدوحه]

عليكم السلام ورحمة الله وبركاته ،،

ربي يوفقج اختي .. اتوقع يصير وقيمة الارض بتكون على اساس أرض عمارات
وتقدرين تتاكدين من بلدية الريان ( المنطقه الجغرافيه ) قسم رخص المباني
عطيهم اسم الشارع ورقم البيت وبيعلمونج كم دور تقدرين تبنينها ( افاده ) ..

ونشوف راي اهل الخبره ما بيقصرون جزاهم الله خير

[شموخ دائم]

,

,


مرحبا


الموضوع سهل ومتيسر لاصحاب الارض

كل المطلوب تاخذون الملكيه او صوره طبق الاصل عنها لاداره التخطيط وبطاقه شخصيه المالك
او التوكيل من ينوب عنه
وهناك بتطلع افاده عن المسموح البناء عليها

وممكن بشكل ودي من خلال رقم البن نمبر
يقولون لكم بشكل شفوي انها منطقه ارتفاعات او منطقه عاديه
والسعر طبعا يختلف اختلاف كبير بين العمارات والارض العاديه


مكانهم خلف البلديه على الكورنيش


ملاحظه
في حال الوراثه من الافضل ان يتولى بيع الارض ( مكتب عقاري معتمد ) وانا ارشح لكم
مكتب ( الحق ) من افضل المكاتب في التثمين وصاحبه رجل معروف
حتى يجيب افضل سعر وينصحكم بالافضل

وبنفس الوقت ما يكون في احراج لاحد الورثه الي بيتولى البيع ويكون سعر السوق


بالتوفيق لكم

,

,


اخوك


شموخ دائم