شكرآ الداخلية

[ابن سينا]

شكرآ الداخلية بقرار منع بيع الجرئد عند الاشارات وأيد القرار بقوه

[رآعي موآجيب]

أصلا قانون المنع قديم ، بس بعد حوالي 4 سنوات من المنع تم بيع الجرائد في بعض الشوارع الفرعيه وفي بعض المحطات ، وطبعا باعه جواله

ومن كم شهر اشوفهم ارجعوا على الدوارات والاشارات ، طبعا في هالقيض لا مظلات ولا منظر حضاري

أصلا ماعاد حد يشتري جرايد نفس اول ، الاخبار تجي بالتويتر و الواتس اب ، والأعلانات بالانستغرام والسناب شات

[(بوطلال)]

فيه حد يشتري جرايد هالايام؟

[حسن]

قرار جيد
منظر غير حضاري
يسبب تلوث بصري الصراحه

[أحمد عراقى]

قرار جيد

[بنت شرق]

انا لين الحين اشوفهم بس للامانة مش على الدورات دوامهم لين 10

[بانغ بانغ]

جدام عيني صوب المطار واحد تقطع الله يرحمه

قرار صائب بس صحيح صوب المرخية لحينهم ايناقزون

[بشائر]

أي والله قرار صائب الله يجزيهم خير ..اللي اعتقوا رقاب هالمساكين من هالشمس ...
والله من أسبوعين كسر خاطري واحد عند الإشارة واقف بهالحر وياه مطارة ماي على الأرض
مادري شلون بيشربه .. لا مظلة ولا شي يحميهم حتى من ضربات الشمس .. بس الحمد لله ..

[بشائر]

أصلا قانون المنع قديم ، بس بعد حوالي 4 سنوات من المنع تم بيع الجرائد في بعض الشوارع الفرعيه وفي بعض المحطات ، وطبعا باعه جواله

ومن كم شهر اشوفهم ارجعوا على الدوارات والاشارات ، طبعا في هالقيض لا مظلات ولا منظر حضاري

أصلا ماعاد حد يشتري جرايد نفس اول ، الاخبار تجي بالتويتر و الواتس اب ، والأعلانات بالانستغرام والسناب شات

وبعد تقدر تحملها وتقرأها من النت .. ماعدنا بحاجة للأوراق لله الحمد ..

[wesam82]

أصلا أسم الله جل جلاله موجود في كل صفحات الجرائد و هني الوهقة في رمي الجرائد في الزبالة أعزكم الله وفيها أسم الله حتى في أسم "عبدالله"

علشان جذي أنا فقط أتصفح الجرائد اليومية من الأنترنت

[Riku3]

توني مار على اشارتين بس .. الثمامة والمول .. والاثنين فيهم شخص يبيع .. وين المنع :] .

[R 7 A L]

اشارات المناصير اليوم واحد اخضر يبيع مادري تابع لمن

[الزعفراني]

من اللي يقرا جرايد هالايام ..؟؟؟

المفروض الجرايد تنتبه وتحاول تواكب التطور .. والتغيير الكبير اللي يصير في العالم

يشوفون لهم آليه لبيع الجرايد وتوزيعها بدال البيع في الشوارع

يحطون لهم كشك نفس مواقف كروه نفس نظام ثلاجة البيبسي تحط فيها ريالين وتختار الجريدة اللي تبي وانت في سيارتك

وواقف في مكان مخصص وخلاص :)

[موظف ((حكومي]

اشاره المناصير

الصبح شفت المصري بتاع جريده العرب