المساعد الشخصي الرقمي

مشاهدة النسخة كاملة : +++++ استفسار عن تفصيل المطابخ ++++++


مـــحـــمــد
27-08-2015, 05:20 AM
السلام عليكم ورحمة الله وبركاته

ابي اسوي مطبخ المنيوم برع الفيلا

بغيت محل يفصل لي واسعاره تكون حلوه
رحت للعبيدلي وقالي 47000 :omg:

وشنو الافضل افصل في الدوحه ولا في الاحساء ؟؟
معماري قطري
27-08-2015, 11:57 AM
غلاء خيالي ومواد رخيصة ورديئة التصنيع
hamadazoz
27-08-2015, 01:16 PM
اخوي فية محل ف شارع ال شافي يمدحونة
Azizuk
27-08-2015, 03:43 PM
عندك طريق سلوى

او

سوق الحراج اذا تبي رخيص
معماري قطري
27-08-2015, 05:36 PM
الله يذكرك يالخوري بالخير

رجال طيب ومتدين ويراعي الله في تجارته فتح وخسر وسكر .. وانا قلت له بتخسر على أسعارك ذي .. تخيلوا 3 مطابخ 2 خشب وواحد ألمنيوم ب 35000 بس بدون الرخام وبدون المغسلة والخلاط .. والحمد لله يبي لها صيانة بسيطة خصوصاً الألمنيوم بعد استهلاك 11 سنة
بوخميس
27-08-2015, 08:18 PM
شوف مطابخ ايكيا
Qt.1
28-08-2015, 12:49 PM
السلام عليكم ورحمة الله وبركاته

ابي اسوي مطبخ المنيوم برع الفيلا

بغيت محل يفصل لي واسعاره تكون حلوه
رحت للعبيدلي وقالي 47000 :omg:

وشنو الافضل افصل في الدوحه ولا في الاحساء ؟؟

مفصل انا مطبخ عند منجرة عبدالله الدوسري والحمدالله طلع احسن من ماتوقعت , المطبخ خارجي وكبير وطلع لي تقريبا 7000 ريال , وعندي مطبخ داخلي وبسويه في ايكيا , توكل على الله ومر عليهم .
بحر شرق
29-08-2015, 07:03 AM
عندك اخوي محل رافكو صناعه ممتازه وتم سنوات
stone
29-08-2015, 11:10 AM
اخوي مدامك تروح.للاحساء كمل متين كيلو للرياض تحصل افضل وارخص
اختلفنا
30-08-2015, 11:34 AM
عندك معرض قطر للمطابخ في طريق سلوى أسعارهم حلوه والكواليتي ممتاز
السمسمه
05-09-2015, 06:53 AM
في طريق سلوى عالم المطابخ سويت للفيلا الخاصة فيني مطبخين 22400ريال مع الرخام شغله ممتاز والدقه في المواعيد عنده
][ Q6r ][
05-09-2015, 03:46 PM
مستحيل سعر مطبخين
السمسمه
05-09-2015, 05:14 PM
انا مسوي المطبخين ممكن تروح حق عالم المطابخ وتسأله عن الفيلا الي في ام عبيريه بس المطبخ الأسعار اخوي تتراوح عن الحجم الي تبيه وحسب الصناعة من وين بس انا مسوي وسط مش كبير ومسوي في المطبخين حرف l
السمسمه
05-09-2015, 05:21 PM
اسف اخوي سعر المطبخين الي سويته24400والله توني مشيك على الفاتوره
][ Q6r ][
06-09-2015, 10:51 AM
اذا صغير حجمه اوكي سعر معقول
ويفرق المنيوم او خشب واضافات اكسسوارات*
وبالتوفيق
ضوى
06-09-2015, 11:13 AM
مفصل انا مطبخ عند منجرة عبدالله الدوسري والحمدالله طلع احسن من ماتوقعت , المطبخ خارجي وكبير وطلع لي تقريبا 7000 ريال , وعندي مطبخ داخلي وبسويه في ايكيا , توكل على الله ومر عليهم .

ممكن رقمهم ؟
السمسمه
06-09-2015, 05:28 PM
رقمهم 44693913 الي شغال فيه جنسيته يمني تعامله صراحه ممتازة وبخصوص المطبخ متوسط الحجم الي عندي من وجهة نظري اشوفه سعره جيد
السمسمه
06-09-2015, 05:33 PM
9453494534
هذي الصوره قريب من المطبخ الي سويته بس انا مسوي زاويه للألمنيوم مع الزجاج بعضها
مـــحـــمــد
07-09-2015, 06:20 AM
بيض الله وجيهكم على الردود
al saad
07-09-2015, 06:32 AM
الشيخ ابعد عن عالم المطابخ وارض المطابخ سعرهم زين بس الشغل تعبان امسوي 5 مطابخ تسليم زفت والكبتات تفدعت قبل لا اسكن :(
مـــحـــمــد
07-09-2015, 07:00 AM
الشيخ ابعد عن عالم المطابخ وارض المطابخ سعرهم زين بس الشغل تعبان امسوي 5 مطابخ تسليم زفت والكبتات تفدعت قبل لا اسكن :(

هذي المشكله اخوي
مريت عليهم وصراحه ماعجبني شغلهم
A.L.I
07-09-2015, 07:10 AM
محمد 55723735
السمسمه
07-09-2015, 09:33 AM
اخوي محمد المشكلة المطابخ اختيارها شوي يبيله صبر في الجودة نصيحه لوجه الله انك تسأل الناس الي مسوين وساكنين فتره لو بسيطه ، والله يوفقك ويوفق الجميع يارب
معماري قطري
07-09-2015, 11:03 AM
المطابخ أَكثر شيء يكلف فيها هو تعقيد التفاصيل والمواد الغالية .. اللي يبي يسوي شيء عملي ويطلع له بسعر معقول يقلل المساحات وممكن يسوي مخزن مفتوح بأرفف ويصغر مساحة التخزين في المطبخ .. تعودنا على كبتات فوق وتحت ضعيفة وتتفكك بسهولة والمخزن بباب واحد وممكن يترتب ونستغل كل الحوائط بأرفف حديد قوية بعرض كبير وممكن تتثبت على قطع خشب ببراغي في الحائط .. والمطبخ خصوصاً الخارجي نتركه بسيط ونركز على مكان الطبخ وأرفف للأدوات قريبة.

المعدات مهمة جداً والسلامة كذلك .. المعدات عندنا الأفران وفيه منها الغاز المعروفة وبعضها تجي مع شواية بحجر بركاني وهذي تحتاج مدخنة فعالة وتحتاج توصيلة ببايب بلاستيك تحت البلاط ومنحني بانحناء بسيط حق البيب النحاس يدخل قطعة وحدة بدون وصلات .. ونحتاج جهاز انذار وجهاز كشف تسريب الغاز ونحتاج ليتات خاصة بدون شرارة .. من المعدات الفرن اللي يجي مرتفع في مستوى الانسان وبعضهم يجي متعدد الاستعمالات وحتى للطبخ بالبخار .. وهذي المعدات كلها تترتب بسهولة وفي مساحة صغيرة.

بعدين اللي يتفق على مطبخ يحاول يجزء الاتفاق بحيث هو يتكفل بتركيب الرخام والمغسلة ولو يسوي القاعدة التحتية بلاط بتكون أفضل بكثير شكلاً وعملانيةً .. القاعدة طبعاً تجي أقل من عرض الكبتات بحدود 7 سم وبارتفاع 10 - 12 سم.
معماري قطري
07-09-2015, 11:05 AM
نسيت الفرن الفخاري للخبز وللمندي
السمسمه
07-09-2015, 10:09 PM
اشكرك يا معماري قطر على المعلومات الحلوه والشرح الوافي صراحه تعبت مع المطابخ والحين شغال بعد في فيلا ثانيه ان شاء الله نتعلم منك
معماري قطري
08-09-2015, 01:14 AM
اشكرك يا معماري قطر على المعلومات الحلوه والشرح الوافي صراحه تعبت مع المطابخ والحين شغال بعد في فيلا ثانيه ان شاء الله نتعلم منك

العفو اخوي انا بعد اتعلم منكم .. شوف موضوع المطابخ فيه أفكار وايد وتصاميم بسهولة نقدر نسوي شيء مقارب لها على هذا الرابط

http://www.qatarshares.com/vb/showthread.php?512951-الجديد-في-عالم-المطابخ-والحمامات-وتصميماتها/page15