بترول الدوحة

[شبيه الريح]

صبحكم الله بالخير

وسؤالي ليش مازل بترول الدوحة 90 اوكتين

يعني البترول الممتاز عندنا 90 اوكتين والسوبر 97 اوكتين

واكثر السيارات الجديدة ماتقبل اقل من 91 اوكتين

يعني مجبر انك تعبي سوبر

ولو ان الاوكتين عندنا 91 واعلى كان شي طيب وتقدر تعبي سياراتك من اي نوع تبي

مثال :
موجود في السعودية 91 و 95 اوكتين وتقدر تبي منها النيسان البترول واليوكن لان هذي السيارات تقبل 91 اوكتين اما عندنا فما تقدر تعبيهم الا سوبر

وهذا الرابط كل واحد يشوف ايش البترول الي يناسب سيارته

http://mycar.saudiaramco.com/

وكل واحد يقدر يعرف من الكتيب الموجود في السياره

[@north_star@]

90 ما يفرق كثير عن 91 والامريكي بشكل عام ياخذ لين 90

[شبيه الريح]

راجع الكتيب الموجود في السياره وشوف كم اقل شي مسموح لك ان تستخدمه

[بانغ بانغ]

استغرب من بعض الناس اللي ايصب سوبر حق السيارات الفخمة او السيارات الرئيسية وايصب عادي حق المواتر الاصغر او الأقل اهمية

اللي عنده بوجاتي وعنده بيكم في السعودية ايصبون عادي

اتوقع ما تفرق

والا انا غلطان

[ضوى]

يعني اذا صبيت بترول عادي مابتمشي السيارة ؟

[الزعفراني]

اخوي ما يفرق والله اهم شي السيارة تمشي وامورك طيبه ..

عندنا هلكس موديل 1981 ( دم الغزال ) :) مطلعينه من الوكالة على ذيك الايام

تو بايعينه من كم سنه وللحين يمشي واموره طيبه :)

[بشائر]

حسب معلوماتي أن السوبر دائما أنظف وأحسن للسيارة ..

اشكرك على المعلومات و الرابط ..

[qatarman8008]

ياجماعه وصل المهندس وصل..
هو الاوكتان نمبر OCTAN NUMBER..
يعطيك مؤشر لمعدل الطاقة الناتجة عن احتراق البنزين داخل غرفة الاحتراق COMBUSTION CHAMBER..
اللي نسميها نحن السلندر..
كلما زاد عدد الاوكتان زادت الطاقة الناتجة عن الاحتراق..
ويمكن تلاحظ هالشي في سيارتك..
لما تحط بترول سوبر تكون السيارة عزمها افضل وصرفيتها اقل ..
الحين عرفنا االاوكتان ننتقل للباقي..
يعني الاوكتان كان للسوبر 97 يعني في كل لتر يوجد 0.97 من مادة الاوكتان..
الحين ال 0.03 هذي شنو ؟؟
هذي مواد تساعد على اللحتراق بدون تكوين اي نبضات..
لان معروف الاوكتان لما بحترق يسبب نبضة او مانسميه نحن بالقطعة مع صدور صوت نفس صوت الصبابات.. تك تك تك..
للتغلب على هذه المشاكل كانت دائما تضاف مواد تساعد على اللاحتراق..
في السابق كانت تستخدم مادة الرصاص المسرطنة والقوية السمية..
ولكن تم قبولها في جميع انحاء العالم لانه لم يكن يوجد لها بديل..
الان تم اكتشاف مركب ال MTPE البديلة عن الرصاص والصديقة بشكل مقبول للبيئة..
هذي المادة هي ال 0.03 اللي تسالون عنها..
الحين البترول العادي فيه 90% اوكتان و 10% من المادة الاضافية..
مو مشكلة لانه يفضل استخدام هذا النوع من الوقود في السيارات القديمة واللتي فيها مشاكل في احتراق البنزين..
اما السيارات الحديثة فيفضل استخدام السوبر..
والله ويسلم عليكم المهندس قطر مان.. :nice:

[ضوى]

ماشاء الله عليك شرح وافي

[qatarman8008]

ماشاء الله عليك شرح وافي

يمكن لاني مهندس :nice:

[حسن]

والله انااصبح حسب السعه والمكان والوقف سوبر عادي ممتاز قاز كلو فئه قود

ماشوف اثر في سياراتي

[المخفي]

بترول 90 يعني خليط من المواد البترولية تعادل في تحملها للضغط لخليط من 90% اوكتين متفرع و 10% اوكتين خطي

الي يحدد نوع البترول هو الضغط داخل المكينة فاستخدام بترول 90 في مكينة 97 معناه انه البترول يشتعل قبل لا توصله الشرارة من البلاكات و هذا يؤدي الى حدث مثل ضربة على راس السلندر مع الاستخدام الطويل يؤدي الى تآكل راس السلندر و ضعف قوة المكينة

مادة mtbe مادة مسرطنة و هي الرائحة الحلوة الي تشمونها في محطات البترول و مع التعرض الطويل تسبب السرطان

[باراكودا]

يعني اذا صبيت بترول عادي مابتمشي السيارة ؟

المرسيدس عندي أذا عبيته عادى مايرضى يتحرك شبر لازم سوبر أقل شىء ومايرتاح الااذا عبيته platinum

[متفائلة]

زين اعرف ان السوبر احسن من الممتاز

[معماري قطري]

كان في فريجنا لاندروفر قديم قديم يمكن موديل الستينات .. وكان شغال على طول في الزرع وفي تحميل الغنم لسوق الغنم وتحميل الجت.

الحكومة كانت تعطي ديزل بلاش ذاك الوقت لمكاين ضخ الماء للزرع .. وسواق اللاندروفر يخلط الديزل مع البترول ويدخن وايد ويطقطق لكن يمشي وله سنين طويلة .. ما ادري الحين وين هذا الجيب ولا وين سواقه

[كيلو حديد]

اكثر شيء اصب سوبر
بس مرات اصب عادي
ومرات يكون الخزان فيه سوبر واصب فوقه عادي او العكس
ما قد حسيت هالشي اثر على الموتر
دق سلف و الله وياك


عندي سؤال
اذا كان التسعين يخرب المكينه
انزين لو خلط 90 مع 97
الناتج 93.5 يمشي الموتر ؟؟

[المخفي]

يمشي ما عنده مشكله دام ازيد من المطلوب

[عازف]

صبحكم الله بالخير

وسؤالي ليش مازل بترول الدوحة 90 اوكتين

يعني البترول الممتاز عندنا 90 اوكتين والسوبر 97 اوكتين

واكثر السيارات الجديدة ماتقبل اقل من 91 اوكتين

يعني مجبر انك تعبي سوبر

ولو ان الاوكتين عندنا 91 واعلى كان شي طيب وتقدر تعبي سياراتك من اي نوع تبي

مثال :
موجود في السعودية 91 و 95 اوكتين وتقدر تبي منها النيسان البترول واليوكن لان هذي السيارات تقبل 91 اوكتين اما عندنا فما تقدر تعبيهم الا سوبر

وهذا الرابط كل واحد يشوف ايش البترول الي يناسب سيارته

http://mycar.saudiaramco.com/

وكل واحد يقدر يعرف من الكتيب الموجود في السياره

محطة الوقود في ثلاث انواع 90 و95 و97

[شبيه الريح]

ياجماعه وصل المهندس وصل..
هو الاوكتان نمبر OCTAN NUMBER..
يعطيك مؤشر لمعدل الطاقة الناتجة عن احتراق البنزين داخل غرفة الاحتراق COMBUSTION CHAMBER..
اللي نسميها نحن السلندر..
كلما زاد عدد الاوكتان زادت الطاقة الناتجة عن الاحتراق..
ويمكن تلاحظ هالشي في سيارتك..
لما تحط بترول سوبر تكون السيارة عزمها افضل وصرفيتها اقل ..
الحين عرفنا االاوكتان ننتقل للباقي..
يعني الاوكتان كان للسوبر 97 يعني في كل لتر يوجد 0.97 من مادة الاوكتان..
الحين ال 0.03 هذي شنو ؟؟
هذي مواد تساعد على اللحتراق بدون تكوين اي نبضات..
لان معروف الاوكتان لما بحترق يسبب نبضة او مانسميه نحن بالقطعة مع صدور صوت نفس صوت الصبابات.. تك تك تك..
للتغلب على هذه المشاكل كانت دائما تضاف مواد تساعد على اللاحتراق..
في السابق كانت تستخدم مادة الرصاص المسرطنة والقوية السمية..
ولكن تم قبولها في جميع انحاء العالم لانه لم يكن يوجد لها بديل..
الان تم اكتشاف مركب ال MTPE البديلة عن الرصاص والصديقة بشكل مقبول للبيئة..
هذي المادة هي ال 0.03 اللي تسالون عنها..
الحين البترول العادي فيه 90% اوكتان و 10% من المادة الاضافية..
مو مشكلة لانه يفضل استخدام هذا النوع من الوقود في السيارات القديمة واللتي فيها مشاكل في احتراق البنزين..
اما السيارات الحديثة فيفضل استخدام السوبر..
والله ويسلم عليكم المهندس قطر مان.. :nice:

ماشاء الله معاومات ممتازه جدا ومفيدة
وبالنسبة للي يقول ان 90 اوكتين (( الممتاز )) انه مايضر هذا غير صحيح
نضرب مثال وتجربة في نفس الوقت جي اكس ار 99 ونعبيه ممتاز فتره من الزمن وطلع فيه صوت (( فرقعه مثل الكهربه )) نرجعه سوبر وضبط ماشاء الله
لان الشركة مخصصه له انه مايقل عن 95 اوكتين
ولكن يبقى السؤال ليش مازال 90 اوكتين موجود مع ان محطات وقود يوجد فيها 90 و 95 و 97

[حليتان*]

ماشاء الله معاومات ممتازه جدا ومفيدة
وبالنسبة للي يقول ان 90 اوكتين (( الممتاز )) انه مايضر هذا غير صحيح
نضرب مثال وتجربة في نفس الوقت جي اكس ار 99 ونعبيه ممتاز فتره من الزمن وطلع فيه صوت (( فرقعه مثل الكهربه )) نرجعه سوبر وضبط ماشاء الله
لان الشركة مخصصه له انه مايقل عن 95 اوكتين
ولكن يبقى السؤال ليش مازال 90 اوكتين موجود مع ان محطات وقود يوجد فيها 90 و 95 و 97

كلام سليم
حتى النياسين القديمه ترجف من العادي
وياخي السوبر يعطي الموتر عزم

[محمد عبدالرحمن]

يمكن لاني مهندس :nice:

مب بس أنك مهندس، بل فخر لقطر، أنك تطبق ماتعلمت و تقدر تشرحه بطريقة ذكية، يدل على كفاءتك و ان شاء الله نشوف القطريين الكفؤ يقودون كافة القطاعات في قطر خلال هالسنتين بإذن الله.

[المخفي]

ياجماعه وصل المهندس وصل..
هو الاوكتان نمبر OCTAN NUMBER..
يعطيك مؤشر لمعدل الطاقة الناتجة عن احتراق البنزين داخل غرفة الاحتراق COMBUSTION CHAMBER..
اللي نسميها نحن السلندر..
كلما زاد عدد الاوكتان زادت الطاقة الناتجة عن الاحتراق..
ويمكن تلاحظ هالشي في سيارتك..
لما تحط بترول سوبر تكون السيارة عزمها افضل وصرفيتها اقل ..
الحين عرفنا االاوكتان ننتقل للباقي..
يعني الاوكتان كان للسوبر 97 يعني في كل لتر يوجد 0.97 من مادة الاوكتان..
الحين ال 0.03 هذي شنو ؟؟
هذي مواد تساعد على اللحتراق بدون تكوين اي نبضات..
لان معروف الاوكتان لما بحترق يسبب نبضة او مانسميه نحن بالقطعة مع صدور صوت نفس صوت الصبابات.. تك تك تك..
للتغلب على هذه المشاكل كانت دائما تضاف مواد تساعد على اللاحتراق..
في السابق كانت تستخدم مادة الرصاص المسرطنة والقوية السمية..
ولكن تم قبولها في جميع انحاء العالم لانه لم يكن يوجد لها بديل..
الان تم اكتشاف مركب ال MTPE البديلة عن الرصاص والصديقة بشكل مقبول للبيئة..
هذي المادة هي ال 0.03 اللي تسالون عنها..
الحين البترول العادي فيه 90% اوكتان و 10% من المادة الاضافية..
مو مشكلة لانه يفضل استخدام هذا النوع من الوقود في السيارات القديمة واللتي فيها مشاكل في احتراق البنزين..
اما السيارات الحديثة فيفضل استخدام السوبر..
والله ويسلم عليكم المهندس قطر مان.. :nice:

لو مني ارجعك الجامعة تعيد معلوماتك

[qatarman8008]

لو مني ارجعك الجامعة تعيد معلوماتك

صحيح كلامك ..
المفروض ان ارجع الجامعة واعيد الدراسة ..
وبالمرة قول لهم يصححون المعلومات اللي يعطونها للطلاب عشان مايتكرر هالخطا..
امرك عجيب..!!

[المخفي]

صحيح كلامك ..
المفروض ان ارجع الجامعة واعيد الدراسة ..
وبالمرة قول لهم يصححون المعلومات اللي يعطونها للطلاب عشان مايتكرر هالخطا..
امرك عجيب..!!

لانه هذا تخصصي

[qatarman8008]

لانه هذا تخصصي

انا ايضا تخصصي..
انا شغال في جميع عمليات المصنع..
ابتداءا من الحقول وتطوير الحقول..
مرورا بعمليات المصنع والانتاج والفصل والتكرير والتسييل والتخزين والشحن..
وانتهاءا بالامور الدارية وادارة المشاريع والتوسعات..
..
لكن عموما اطرح مشاركتك خل الكل يقرا ويستفيد..

[CH Engineer]

ياجماعه وصل المهندس وصل..
هو الاوكتان نمبر OCTAN NUMBER..
يعطيك مؤشر لمعدل الطاقة الناتجة عن احتراق البنزين داخل غرفة الاحتراق COMBUSTION CHAMBER..
اللي نسميها نحن السلندر..
كلما زاد عدد الاوكتان زادت الطاقة الناتجة عن الاحتراق..
ويمكن تلاحظ هالشي في سيارتك..
لما تحط بترول سوبر تكون السيارة عزمها افضل وصرفيتها اقل ..
الحين عرفنا االاوكتان ننتقل للباقي..
يعني الاوكتان كان للسوبر 97 يعني في كل لتر يوجد 0.97 من مادة الاوكتان..
الحين ال 0.03 هذي شنو ؟؟
هذي مواد تساعد على اللحتراق بدون تكوين اي نبضات..
لان معروف الاوكتان لما بحترق يسبب نبضة او مانسميه نحن بالقطعة مع صدور صوت نفس صوت الصبابات.. تك تك تك..
للتغلب على هذه المشاكل كانت دائما تضاف مواد تساعد على اللاحتراق..
في السابق كانت تستخدم مادة الرصاص المسرطنة والقوية السمية..
ولكن تم قبولها في جميع انحاء العالم لانه لم يكن يوجد لها بديل..
الان تم اكتشاف مركب ال MTPE البديلة عن الرصاص والصديقة بشكل مقبول للبيئة..
هذي المادة هي ال 0.03 اللي تسالون عنها..
الحين البترول العادي فيه 90% اوكتان و 10% من المادة الاضافية..
مو مشكلة لانه يفضل استخدام هذا النوع من الوقود في السيارات القديمة واللتي فيها مشاكل في احتراق البنزين..
اما السيارات الحديثة فيفضل استخدام السوبر..
والله ويسلم عليكم المهندس قطر مان.. :nice:

هلا اخوي قطرمان كلامك حلو ومرتب بس الامور متلخبطه عندك

الاوكتين نمبر هي وسيلة لقياس مقاومة الطرق " الطرقعه بالمكينة"
اختلط عليك اختبار الاوكتين مع المعنى
البترول الي نصبه هو عباره عن خليط من الهايدروكاربون مثل ما قال اخونا المخفي ويستخدم الmtbe لرفع الاوكتين نمبر
في المختبر يستخدمون الايزو اوكتين لان مقاومته للطرق 100 ويسخدمون الهيبتين مقاومته صفر وعن طريق الاختبار بمكاين المختبر يشوفون كم الاوكتين نمبر بمقارنه مع الرفرنس الي تم ذكره من هنا جاء اسمه الاوكتين نمبر
ماله شغل ابد بنسبة الاوكتين بخليط الهايدروكاربون والmtbe ماده الاوكتين نمبر فيها عالي جدا اكثر من 100

[qatarman8008]

هلا اخوي قطرمان كلامك حلو ومرتب بس الامور متلخبطه عندك

الاوكتين نمبر هي وسيلة لقياس مقاومة الطرق " الطرقعه بالمكينة"
اختلط عليك اختبار الاوكتين مع المعنى
البترول الي نصبه هو عباره عن خليط من الهايدروكاربون مثل ما قال اخونا المخفي ويستخدم الmtbe لرفع الاوكتين نمبر
في المختبر يستخدمون الايزو اوكتين لان مقاومته للطرق 100 ويسخدمون الهيبتين مقاومته صفر وعن طريق الاختبار بمكاين المختبر يشوفون كم الاوكتين نمبر بمقارنه مع الرفرنس الي تم ذكره من هنا جاء اسمه الاوكتين نمبر
ماله شغل ابد بنسبة الاوكتين بخليط الهايدروكاربون والmtbe ماده الاوكتين نمبر فيها عالي جدا اكثر من 100



كلامك سليم.. لكن عاد انا حبيت ابسطها جدا واخليها بطريقة مقبولة عند المشاهد..
مابي اقول له ان رقم الاوكتان هو مقياس لمقاومة الوقود لعملية الاحتراق المبكر اللذي يسبب طرقعة وان الطرقعة هي بسبب احتراق الوقود قبل وقته بسبب عوامل الضغط والحرارة داخل البستن وان هالعملية تؤدي الى نشوب احتراقين في سلندرين مختلفين وعشان جي يطلع صوت طرقعه وان اضافة مادة mtpe هي لرفع رقم الاوكتان تخلي الوقود يقاوم عملية الاحتراق المبكر ف يصير يحترق فقط بواسطة شرارة شمعة الاحتراق .. و .. و.. و..و..

[المخفي]

كلامك سليم.. لكن عاد انا حبيت ابسطها جدا واخليها بطريقة مقبولة عند المشاهد..

بالتوفيق ان شاء الله

[فيصل99]

الحين الزبدة شلي نصبه حق مواترنا ممتاز ولا سوبر

[غريب الدّار]

دايما نسمع ان السوبر افضل للمكينة

لكن بصراحة قرينا معلومات مفيدة في هالمضووع


بس خاطري اسمع راي اخونا الحبيب بو علي

ها
شرايك بو علي؟
سوبر ولا عادي؟

[الزعفراني]

الحين الزبدة شلي نصبه حق مواترنا ممتاز ولا سوبر

اي شي يارجال ما يفرق :)

العادي ارخص والسوبر اغلى وانت وبصرك :)

[qatarman8008]

بالتوفيق ان شاء الله

ليش مظللها بالاحمر يعني ؟؟

[qatarman8008]

الحين الزبدة شلي نصبه حق مواترنا ممتاز ولا سوبر

اخوي السيارات الحديثة وخاصة اللي مكينتها كبيرة لازم تصب لها سوبر او اللي يكون 95 اوكتان عالاقل..
يعني 95 او 97 او حتى 99 كلها بتمشي..
السيارات القديمة لان عندها مشاكل في الاحتراق فالافضل استخدام العادي او 90 اوكتان..
الدراجات النارية ومولدات الكهرباء اللي تعمل بالبنزين يفضل استخدام العادي او 90 اوكتان..

[المخفي]

هلا اخوي قطرمان كلامك حلو ومرتب بس الامور متلخبطه عندك

الاوكتين نمبر هي وسيلة لقياس مقاومة الطرق " الطرقعه بالمكينة"
اختلط عليك اختبار الاوكتين مع المعنى
البترول الي نصبه هو عباره عن خليط من الهايدروكاربون مثل ما قال اخونا المخفي ويستخدم الmtbe لرفع الاوكتين نمبر
في المختبر يستخدمون الايزو اوكتين لان مقاومته للطرق 100 ويسخدمون الهيبتين مقاومته صفر وعن طريق الاختبار بمكاين المختبر يشوفون كم الاوكتين نمبر بمقارنه مع الرفرنس الي تم ذكره من هنا جاء اسمه الاوكتين نمبر
ماله شغل ابد بنسبة الاوكتين بخليط الهايدروكاربون والmtbe ماده الاوكتين نمبر فيها عالي جدا اكثر من 100

:thumbup1:

MTBE اوكتينه 120

[وطن]

ياجماعه وصل المهندس وصل..
هو الاوكتان نمبر OCTAN NUMBER..
يعطيك مؤشر لمعدل الطاقة الناتجة عن احتراق البنزين داخل غرفة الاحتراق COMBUSTION CHAMBER..
اللي نسميها نحن السلندر..
كلما زاد عدد الاوكتان زادت الطاقة الناتجة عن الاحتراق..
ويمكن تلاحظ هالشي في سيارتك..
لما تحط بترول سوبر تكون السيارة عزمها افضل وصرفيتها اقل ..
الحين عرفنا االاوكتان ننتقل للباقي..
يعني الاوكتان كان للسوبر 97 يعني في كل لتر يوجد 0.97 من مادة الاوكتان..
الحين ال 0.03 هذي شنو ؟؟
هذي مواد تساعد على اللحتراق بدون تكوين اي نبضات..
لان معروف الاوكتان لما بحترق يسبب نبضة او مانسميه نحن بالقطعة مع صدور صوت نفس صوت الصبابات.. تك تك تك..
للتغلب على هذه المشاكل كانت دائما تضاف مواد تساعد على اللاحتراق..
في السابق كانت تستخدم مادة الرصاص المسرطنة والقوية السمية..
ولكن تم قبولها في جميع انحاء العالم لانه لم يكن يوجد لها بديل..
الان تم اكتشاف مركب ال MTPE البديلة عن الرصاص والصديقة بشكل مقبول للبيئة..
هذي المادة هي ال 0.03 اللي تسالون عنها..
الحين البترول العادي فيه 90% اوكتان و 10% من المادة الاضافية..
مو مشكلة لانه يفضل استخدام هذا النوع من الوقود في السيارات القديمة واللتي فيها مشاكل في احتراق البنزين..
اما السيارات الحديثة فيفضل استخدام السوبر..
والله ويسلم عليكم المهندس قطر مان.. :nice:

:victory:

[شبيه الريح]

الحين الزبدة شلي نصبه حق مواترنا ممتاز ولا سوبر

مرحبا بو فيصل

اول شي راجع كتيب السياره وبتحصل معلومات عن الوقود

وثاني شي يا تعبي 95 من محطة وقود او 97 الي هو السوبر من اي مكان

لان اكثر السيارات الحديثة ماتقبل اقل من 91 و 91 ليس متوفر عندنا

وادخل على هذا الرابط يمكن يفيدك

http://mycar.saudiaramco.com/

[GENIUS]

السلام عليكم جميعا

*

زبدة الموضوع

*

المواتر او السيارات الاوروبية واليابانية بنظام حقن الوقود او بما نسميه البخاخات* يفضل استعمال البترول السوبر *

*

المواتر او السيارات الامريكية اعتدنا سابقا على توصية الوكالات بإستعمال البترول العادي لسبب قلة وجود* نسبة الرصاص* فيه ( كانت تستخدم سابقا مادة رابع ايثيل الرصاص لرفع رقم او نسبة الاوكتين للبترول السوبر* في مصفاة قطر* )* لذا اعتاد الجميع او اعتقد بأن السيارات الامريكية* بترولها عادي اكثر من السوبر* ولكن حاليا كل البترول خالي من الرصاص سواء سوبر او عادي* لذا كانت السيارات الامريكية سابقا موصى بإستخدام البترول العادي لأن كمية الرصاص به أقل

*

حاليا يفضل استخدام عدم البترول السوبر لمكائن الكهرباء وغيرها التي تعمل بنظام الكاربوريتر وذلك لأن البترول السوبر يذيب الربلات البلاستيكية بسبب خفته وقوته عليها *

*

السيارات* بشكل عام البترول السوبر أخف و أسرع احتراقا لذا عزم السيارة أقوى لكن صرفيتها أكثر والعكس صحيح البترول العادي* أبطأ أو أقل احتراقا لذا العزم أقل والصرفية أقل

*والسموحة على الإطالة

[حمد 2002]

ليش القطرين دايما ايصبون سوبر والاجانب ممتاز ؟

من ملاحظ هالشيء ؟

ولا بس انا الي ملاحظ ؟

[غريب الدّار]

ليش القطرين دايما ايصبون سوبر والاجانب ممتاز ؟

من ملاحظ هالشيء ؟

ولا بس انا الي ملاحظ ؟

زين انك مافتحت موضوع كامل بعد عن السؤال هذا

انا بصراحة مالاحظت

من هالمتفرغ اللي بيوقف يصب بترول وبيشوف اللي احذاه صب عادي ولا سوبر؟

[حليتان*]

السلام عليكم جميعا

*

زبدة الموضوع

*

المواتر او السيارات الاوروبية واليابانية بنظام حقن الوقود او بما نسميه البخاخات* يفضل استعمال البترول السوبر *

*

المواتر او السيارات الامريكية اعتدنا سابقا على توصية الوكالات بإستعمال البترول العادي لسبب قلة وجود* نسبة الرصاص* فيه ( كانت تستخدم سابقا مادة رابع ايثيل الرصاص لرفع رقم او نسبة الاوكتين للبترول السوبر* في مصفاة قطر* )* لذا اعتاد الجميع او اعتقد بأن السيارات الامريكية* بترولها عادي اكثر من السوبر* ولكن حاليا كل البترول خالي من الرصاص سواء سوبر او عادي* لذا كانت السيارات الامريكية سابقا موصى بإستخدام البترول العادي لأن كمية الرصاص به أقل

*

حاليا يفضل استخدام عدم البترول السوبر لمكائن الكهرباء وغيرها التي تعمل بنظام الكاربوريتر وذلك لأن البترول السوبر يذيب الربلات البلاستيكية بسبب خفته وقوته عليها *

*

السيارات* بشكل عام البترول السوبر أخف و أسرع احتراقا لذا عزم السيارة أقوى لكن صرفيتها أكثر والعكس صحيح البترول العادي* أبطأ أو أقل احتراقا لذا العزم أقل والصرفية أقل

*والسموحة على الإطالة

غريبه مع اني ملاحظ العكس !! العادي يصرف اكثر

[(ام عبدالله)]

بالنسبه لمحطات البترول ربحهم من السوبر اكثر ... escape

[المخفي]

الربح في اللتر محدد من قطر للبترول و لكن استهلاك السوبر اعلى لانه ما في بترول 91 و الي يمشي مع اكثر من 80 % من السيارات

[(ام عبدالله)]

الربح في اللتر محدد من قطر للبترول و لكن استهلاك السوبر اعلى لانه ما في بترول 91 و الي يمشي مع اكثر من 80 % من السيارات

اتكلم عن محطات البترول وليس قطر للبترول

[المخفي]

اتكلم عن محطات البترول وليس قطر للبترول

قطر للبترول تورد لوقود و منها للمحطات

[(ام عبدالله)]

قطر للبترول تورد لوقود و منها للمحطات

صحيح ووقود تسعر سعر لتر الشراء للسوبر او الممتاز منها والبيع.. وتكون نسبه الربح بين البيع والشراء نسبه محدده
ونسبه الربح للسوبر اعلى من نسبه الربح للممتاز نصيب المحطه في القصه كامله .. والله يرزقك ويكون عندك محطه
وساعتها تبغي تعرف كم ربحك الشهر ولا تنتظر المحاسب يقولك ماعليك انك تشوف كم لتر شاري من السوبر وكم لتر بايع وتضربهم بنسبه الربح
وتريح راسك وتعتبر الممتاز زياده فوق البيعه وتدعي وتقول يارب تصير مسيره بالدوحه على شان يزيد استهلاك السوبر ههههه

[المخفي]

صحيح ووقود تسعر سعر لتر الشراء للسوبر او الممتاز منها والبيع.. وتكون نسبه الربح بين البيع والشراء نسبه محدده
ونسبه الربح للسوبر اعلى من نسبه الربح للممتاز نصيب المحطه في القصه كامله .. والله يرزقك ويكون عندك محطه
وساعتها تبغي تعرف كم ربحك الشهر ولا تنتظر المحاسب يقولك ماعليك انك تشوف كم لتر شاري من السوبر وكم لتر بايع وتضربهم بنسبه الربح
وتريح راسك وتعتبر الممتاز زياده فوق البيعه وتدعي وتقول يارب تصير مسيره بالدوحه على شان يزيد استهلاك السوبر ههههه

سعر البترول قرار سيادي بيد سمو الامير حفظه الله و رعاه

[(ام عبدالله)]

سعر البترول قرار سيادي بيد سمو الامير حفظه الله و رعاه

مب فاهمني اقرى الكلام مره ثانيه .. يعني شنو مكسب المحطه بالضبط ؟؟؟ انا ما اتكلم عن محطات وقود
المحطات العاديه لها نسبه في التوزيع نسبه في الربح السوبر ونسبه الربح في الممتاز تختلف من نوع لنوع ..
نسبه الربح للسوبر اعلى من نسبه الربح للممتاز .. البترول شكل ما قلت ما ثابت ما اختلافنا ما تغير ولا حد يقدر يغيره
ولو محطه جربت تغير بتروح في ستين داهيه :victory: وصلت الفكره ؟

[شبيه الريح]

حاولت اضيف لكم بعض الصور من كتيب بعض السيارات ولكن ماقدرت

ولكن خلاصة القول ان معظم السيارت اقل شي تقبله 91 اوكتين

واما 90 اوكتين شكل شركات السيارات كنسلته من زمان

[راعي الكورفت]

في كتالوج السياره بتحصل النسبه المطلوبة للسياره.

اغلب المواتر الأمريكية تتقبل اوكتين نسبته 87 وفوق .

يعني تصب 90 او 97 مش هاتفرق .


انا جربت 90 اوكتين على السياره:

مميزاته:

1) ارخص بالسعر اعبيه فل ب50 الى 52 ريال للفل
2 ) يمشيني 400 كيلو

عيوبه:

1) تحس العزم يصير اضعف
2 ) صوت المكينه اعلى بقليل


وجربت اوكتين 97 وملاحظاتي عليه.

مميزاته:

1) عزم في السياره افضل
2) صوت المحرك اهدء

عيوبه :

1 ) اغلى يعني الفل بين 62 الى 65 ريال
2 ) لاحظت انه يطول اكثر من العادي يعني تمشيني حول ال500 كيلو


هذي عن تجربه شخصيه لسيارتي الفورد كراون فكتوريا.
والحين على طول اصب له بترول عادي 90 ومافيها مشاكل.

طبعا الكورفت اصب له على طول سوبر 97 لان في كتالوج السياره مكتوب 93 او اعلى .

اتبع تعليمات الكتالوج السياره لان سيارات الاوربيه الفاخره مثل مرسيدس والبورش لا تقبل اقل من 95 .

اما الياباني فاقل نسبه له هو 91 .

[شبيه الريح]

السلام عليكم

كيف حالكم يا شباب

أوكتين 90 و91 و 95 و 99 هو رقم مرجع

مثلا خليط البترول المستخدم في السيارات يحتوي على العديد من المركبات البترولية

لها مواصفات معينة من الضغط و التبخر والأشتعال

ويتم مقارنة هذا الخليط مع خليط آخر من الأوكتين الفرعي و الهبتين الخطي

تكون المقارنة عن طريق الضغط و الأشتعال

أي بمعنى آخر خليط البترول المستخدم في السيارات يشتعل عند ضغط معين مساوي

لخليط الأوكتين و الهبتين (90% أوكتين + 10% هبتين ) أذا هذا الخليط يطلق

عليه 90 أوكتين مجازا

أذاً أوكتين 90 أذا استخدمته في سيارة تستخدم 97 أوكتين أذا سوف يشتعل الخليط قبل

أن يصل رأس السلندر ألى مداه ويحصل مثل الصدمة لرأس السلندر مما يؤدي بعد فترة

ألى خراب المكينة

والسبب سيارات 97 أوكتين البترول ينضغط أكثرأي ضغط المكينة أكبر من ذات 90 من
ال 90 أوكتين ثم يشتعل

أما في حالة أستخدامها ل 90 أوكتين (في سيارات 97 أوكتين ) سيشتعل مبكراً مسببا الضرر

للمكينة

النقطة الثانية

أستخدام 97 أوكتين في سيارة ذات 91 أوكتين أهدار للمال بوجود بترول أرخص ويؤدي

الغرض

أستحداث لخليط 91 أوكتين سيوفر مئات الملايين على الدولة و كانت هناك دراسة بهذا

الصدد تم رفضها

لأن في حالة أستحداثه أي 91 أوكتين سيقل أستخدام 97 أوكتين بنسبة كبيرة لأن كثير من

السيارات في قطر من فئة اللاندكروزر 6 سلندر والتي في دليل السيارة من

الشركة يستخدم لها خليط 91 و أكثر

وهذا موجود لجميع السيارات في الدليل من الشركة الأم.

وشكرا

كلام جميل جدا من اخونا المخفي سنة 2007
وهذا رابط الموضوع
http://www.qatarshares.com/vb/showthread.php?79940-%E5%E1-%D3%E4%D4%C7%E5%CF-%C8%CA%D1%E6%E1-(-91-%C7%E6%DF%CA%ED%E4-)-%DD%ED-%DE%D8%D1-%C8%DA%CF-%C7%E4-%C7%E4%CA%D4%D1-%DD%ED-%C7%E1%D3%DA%E6%CF%ED%C9-%E6%C7%E1%C7%E3%C7%D1%C7%CA

ومادري ليش للحين مخلينا على 90 اوكتين وهو ماله لازمة