مراجعة تخطيط بيتي ..

[سارة99]

السلام عليكم ورحمة الله

أود مساعدتكم واستشارتكم في تخطيط بيتي
البيت ليس له ملامح خارجية كثيرة وذلك بسبب
أنه سيتم تصميمه خارجيا بشكل "مودرن"

إليكم التصميم بين يديكم وفي إنتظار ملاحظاتكم ونقدكم. :shy:

الطابق الأرضي (يحتاج تعديل في قسم الخدمات وإضافة غرفة للخادمة)
ملاحظة: القسم الفاضي على يمينكم هو عبارة عن صالة وغرفة طعام للضيوف
لكن سيتم تقسيمها لاحقا مع مهندس الديكور.
وأما الغرفة على اليمين فهي للضيوف
94392

الطابق الأول
94393

شكرا .

[مواقف النجادة]

الصور غير ضاهرة

[حسن]

مافي الا معماري قطر هو بيفدك ان شاء الله وبحكم انه مهندس فنان

[بو راشد 1]

طبعا مثل ما قال اخوي حسن، ما لك الا معماري قطر اللي فعلا بيفيدك، بس اعتقد التخطيط العمراني بيعترضون، لان شكل المخطط شقق، و بيقولون انك ناويه تاجرينها. الله يعينك.

[معماري قطري]

والله يا اخواني حسن وبوراشد1 أول شيء مشكورين على الكلام الطيب

وثانياً التخطيط يبي لهم مكتب يراجعهم ويوضح لهم وصج الشكوك ذي مشكلة .. وكل واحد يقدر يقسم بيته بعد السكن ويؤجره .. هم المفروض يحلون المشكلة بقوانين صارمة وآلية تطبيق صارمة وتساوي بين الجميع ولازم يركزون على الوجه الحضاري وعلى مشاكل الاسكان .. ببساطة الموضوع فوق مستواهم بمراحل ويحتاج تكاتف جهات عدة.

ثالثاً .. التصميم شفته من التلفون وصج مب واضح ومبدئي للغاية ولو يوصلني رسومات اوتوكاد باقدر اوضح شالممكن يتضمن .. المالك المفروض دوره الحين يكون أكبر بتوضيح احتياجاته وتقاسيم المبنى ويجي دور البقية في الاقتراحات التعديلية البسيطة واوضحها انا بالرسم والتفصيل والخيارات المتعددة .. وهذي المرحلة المفروض تتم قبل أخذ الموافقة المبدئية اللي يدلعونها ب dc1

[Qt.1]

من ملاحظاتي (السريعه) غرف النوم صغيره هذي سرير وطاوله صغيره ممكن اتكفي بعد , انا بيتي اقل غرفه عندي 5x6 واحسها مع الااثاث اصغرت , غرف التبديل صغيره جدا , على شكل ممر , المطبخ الي تحت صغير والمفروض يكون عليه كل الضغط , والمساحه الي على اليمين تحت في الدور الاارضي مبالغ فيها حتى لوقسمتيها بعد بتحصلين مساحات ضايعه فيها , تبين رايي من غير زعل !! التصميم مايصلح لنا هالتصميم حق نظام اجانب ونظام اجار ومايصلح لعايله , هذا رايي الشخص اختي .

[معماري قطري]

هي الإخت حطت تصميم مبدئي وصورة للتصميم وفايل الاوتوكاد يسهل التوضيح والقياس ووضع تصور للأثاث بمقياس رسم .. ومنه نقدر نعدل بعض المداخل والممرات ونضيف بعض التقسيمات أو نلغيها.

[Qt.1]

هي الإخت حطت تصميم مبدئي وصورة للتصميم وفايل الاوتوكاد يسهل التوضيح والقياس ووضع تصور للأثاث بمقياس رسم .. ومنه نقدر نعدل بعض المداخل والممرات ونضيف بعض التقسيمات أو نلغيها.

ونسيت اذكر ان حجم الصاله كبير ومفتوح يعني احسبي حسابج على كم عمود بيكون في نص الصاله علشان يشيل الوزن ,,

[سعود.]

اتوقع ممكن تكون الاعمدة في مكان الدرج ؟؟

ويكون السقف ( هودي ) ؟؟

اذا يصير احس بيكون افضل . بس يبيلها مهندس ( انشائي ) يحسبها

ولا مانع اذا كان فية اعمدة .

[Qt.1]

اتوقع ممكن تكون الاعمدة في مكان الدرج ؟؟

ويكون السقف ( هودي ) ؟؟

اذا يصير احس بيكون افضل . بس يبيلها مهندس ( انشائي ) يحسبها

ولا مانع اذا كان فية اعمدة .

كلام صحيح بس لتنسى حجم الصاله كبير جدا ماظن سقف هوردي بيكون كافي لاازم بيكون كم عمود موجود في نص الصاله , وبصراحه شكل العمدان في نص الصاله جدا كئيب ويخرب لك اي تخطيط للديكور ..

[سعود.]

كلام صحيح بس لتنسى حجم الصاله كبير جدا ماظن سقف هوردي بيكون كافي لاازم بيكون كم عمود موجود في نص الصاله , وبصراحه شكل العمدان في نص الصاله جدا كئيب ويخرب لك اي تخطيط للديكور ..


اتفق معك

يبيلها مهندس انشائي يحسبها .

[معماري قطري]

كلام صحيح بس لتنسى حجم الصاله كبير جدا ماظن سقف هوردي بيكون كافي لاازم بيكون كم عمود موجود في نص الصاله , وبصراحه شكل العمدان في نص الصاله جدا كئيب ويخرب لك اي تخطيط للديكور ..

العمدان ممكن تكون دائرية وممكن تكون بتصميم حلو وجاية بانحناء من بعد ثلث مسافة الإرتفاع .. ولها حلول كثيرة .. وعندنا الهولوكور سلابز وهو نظام السلابات المجوفة .. هذا يغطي 12 متر ويمكن أكثر .. والنوع الثاني اللي يكون مقوى بالحديد المشدود Post-tensioned and prestressed slabs هذا شوي غالي ويحتاج مقاول مختص وفاهم .. وكان خطأ من هذا النوع في الستي سنتر أدى لوفاة عدد من العمال بسبب خطأ بسيط .. وهذي تصنع كذلك في معامل خاصة وتنقل وتركب في الموقع .. ويقدرون يسون منها أبعاد كبيرة بدون عمدان .. يستخدمونها في شوارع أمريكا كثير خصوصاً في ال T - beams وهذي تغطي مسافة حول 20 متر بدون عمود وتستخدم حتى في مواقف السيارات متعددة الأدوار.

[بن غيث]

مرحب ولد العم "معماري"
عيدكم مبارك

كلامك صحيح طال عمرك .. هنالك طرق كثيرة لتصميم المبنى بدون اعمدة في المنتصف
لكن المكتب المصمم يجب ان يكون على دراية بتلك الطرق
والاهم من ذلك الشركة المنفذه ..

[معماري قطري]

مرحب ولد العم "معماري"
عيدكم مبارك

كلامك صحيح طال عمرك .. هنالك طرق كثيرة لتصميم المبنى بدون اعمدة في المنتصف
لكن المكتب المصمم يجب ان يكون على دراية بتلك الطرق
والاهم من ذلك الشركة المنفذه ..

عساك من العايدين إخوي بن غيث

مهندس انشائي ذكر لي مرة انه اشتغل في قبة قطرها 48 متر .. صج قبة خيالية .. والمصمم الشهير أعتقد فرانك لويد رايت صمم قصر لبنت الشاه عبارة عن نظام القبة قبة متصلة بقبة .. ميزة القصر إن المساحات فيه كلها مفتوحة والقبب ملونة بألوان سماوية ليلية ونهارية .. وفيه حديقة كاملة مغطاة بالقبة وفيها مناور .. ونهر صناعي وشلالات وصخور .. صراحة قصر خيالي ما تهنت فيه المسكينة وصارت الثورة.

انا قريت كتاب حياته كامل .. صمم هذا القصر وبناه وهو في ال 84 من عمره .. ويقول استغربت من العمالة الإيرانية الماهرة

[بن غيث]

هلا ومرحب "معماري"
انا كنت اقصد الفلات سلاب "لاكمرية"

[حسن]

ابشرك يامعماري الهلكور سلاب خلاص انتهت في قطر
للاسف وقفت مصانعها
وبعدين حجم الصاله كم ماشوف الطول والعرض
انا صالتي الثنيت 11 ف9 مادري 10 بدون اي عامود في النص نهائي
وكلها الاسقف خرسانه مهب هوردي بعد
شفت يامعماري في السعوديه السلابات تكون بينها فوم الفلين
يحطونه فاصل بين الحدديد والخرسانه على شكل عمدان مسدحه
وتشوف الاسلابه مخططه طوليه ومسويه مثل الفراغات
الصراحه اعجبتني طريقتهم قللو من وزن الاسقف بكثير والاحمال والتكلفه
احنا متعودين اا مايشوف الصيخ بو20 ملي والخرسانه متنها 40 صانتي مايرتحاح
تقول دباابات بتصف في السقف
اوزان وتكلفه على الفاضي

[معماري قطري]

هلا ومرحب "معماري"
انا كنت اقصد الفلات سلاب "لاكمرية"

أُوف هذي مهندسين الستركشر يخافون منها ويقولون لك موجودة في العالم الخارجي .. مع اننا في الجامعة كنا نصممها.

[معماري قطري]

ابشرك يامعماري الهلكور سلاب خلاص انتهت في قطر
للاسف وقفت مصانعها
وبعدين حجم الصاله كم ماشوف الطول والعرض
انا صالتي الثنيت 11 ف9 مادري 10 بدون اي عامود في النص نهائي
وكلها الاسقف خرسانه مهب هوردي بعد
شفت يامعماري في السعوديه السلابات تكون بينها فوم الفلين
يحطونه فاصل بين الحدديد والخرسانه على شكل عمدان مسدحه
وتشوف الاسلابه مخططه طوليه ومسويه مثل الفراغات
الصراحه اعجبتني طريقتهم قللو من وزن الاسقف بكثير والاحمال والتكلفه
احنا متعودين اا مايشوف الصيخ بو20 ملي والخرسانه متنها 40 صانتي مايرتحاح
تقول دباابات بتصف في السقف
اوزان وتكلفه على الفاضي

إخوي حسن يمكن وقف مصنع وطلع غيره .. عيبها شوي تسمع الصوت من خلالها وفيها شوية مرونة

انا اشوف مب غلط نبالغ شوي بس مبالغة في محلها لديمومة البناء .. مبالغة في جودة المواد مب كميات وبس