جهاز تقوية الارسال من اوريدو فوق سطح البيت [الأرشيف]

شيخ الديرة

29-08-2015, 01:10 PM

الله يوفقكم مبلغ زين

اسال المختصين احسن يمكن من اشعاعات او حاجة

الخلاصة

آخذين بعين الاعتبار مستويات التعرض المنخفضة جدا ونتائج الأبحاث العلمية حتى هذا التاريخ، فانه لا يوجد دليل علمي على أن الشارات الضعيفة التي يتعرض لها الناس من محطات الهواتف الخلوية وكذلك من شبكات الاتصالات اللاسلكية الأخرى تسبب آثار صحية ضارة.

المصدر منظمة الصحة العالمية (http://www.who.int/mediacentre/factsheets/fs304/ar/)

المخفي

29-08-2015, 01:50 PM

في الشهر حوالي 5.5 الاف

شموخ دائم

29-08-2015, 04:04 PM

,

,

مرحبا

اخوي الكريم

بهذي المسائل الي فيها ربما تاثير عليك وعلى الجيران انا اقول ربما !! والكثير من الناس حاط هذي الابراج الي جاتهم الفرصه !!

الخيار يكون بطريقه

هل أنت محتاج هذا المبلغ !!
اذا محتاج فهذي فرصه جاتك تحسن من وضعك وتسد لها حاجه والله يسهل امورك يارب

اذا انت مو محتاج
فاتركها والله الغني عن هذا الشي الي له اثر في تشويه للمنزل ويضايق الجيران ربما حتى لو ما تكلموا

أنت الوحيد الي تقرر وانت الوحيد الي تقدر تحط النقاط على الحروف

,

,

شبعان

29-08-2015, 04:46 PM

New study links over 7,000 cancer deaths to cell phone tower radiation exposures

المصدر:

http://www.naturalnews.com/040905_cell_phone_towers_radiation_cancer.html

Cell Tower Health Risks

المصدر:

http://emwatch.com/cell-tower-health-risks/

مقطع فيديو يوضح كيفية الوقايه من الاشعاعات

https://www.youtube.com/watch?v=s-oJnvCZrt4#t=71

حليتان*

29-08-2015, 08:00 PM

احلى شي اتوقع الارسال بيكون عندكم تووووب

الدبلوماسي

29-08-2015, 09:59 PM

والله جونا قبل فتره فوافون عرضوا علينا ظ¨ظ*ظ*ظ*تقريبا ف الشهر بس عن نفسي اشوفها ماتستاهل تشويه لمنظر الجمالي للبيت وثاني شي كل شهر الثاني بيدخلون عليك صيانه وله برمجه للجهاز بس مثل ماقال شموخ اذا انت محتاج وتحس هالمبلغ بيفيدك توكل على الله

بصمة قطرية

29-08-2015, 10:49 PM

حد يشتري المرض بفلوس ..!!!!
ذبدبات خطرة 100%
تضر هل البيت و الجيران ..

aloosh

29-08-2015, 10:52 PM

قدام بيتي تقويه ارسال مدري فودا فون او اريدو ومحد جاني:)

معماري قطري

30-08-2015, 01:48 AM

الذبذبات منتشرة على نطاق واسع وفي كل مكان بس خطورتها اذا قريبة من المصدر .. والفلم يوضح إن شبك الحشرات يقللها وايد بس المكان اللي ما فيه شبك تدخل الذبذبات بقوة .. يعني نغلف البيت مثلاً؟ الحل الفعال بس يخفف الارسال حتى لأهل البيت هو وضع قصدير عاكس مع العازل داخل تجويف الجدار.

عندنا واحد من الأهل ركبوا فودافون في بيته ونبهوه الجيران ووقف التشغيل بقضية في المحكمة ولا ادري شصار معاه بس تم التوقيف والحمد لله.

حليتان*

30-08-2015, 01:55 AM

يالربع شتسوي الذبذبات ؟

moh5773

30-08-2015, 06:55 AM

اذا ما حطوا في بيتك بيحطونه في بيت جاركم .. يعني نفس الشي
حطه عندك واستفيد من المبلغ احسن لك :)

بانغ بانغ

30-08-2015, 06:58 AM

عندنا واحد في الوكرة ... امركب برج فوافون في حوش البيت بس امسوي لهم طوفة في زاوية البيت ..
اش حادك ... اشكره في الحوش والله .

شيخ الديرة

30-08-2015, 07:09 AM

حد يشتري المرض بفلوس ..!!!!
ذبدبات خطرة 100%
تضر هل البيت و الجيران ..

الأبراج تستخدم نفس الذبذبات (التردد) اللي موجود بالموبايل, اللي على بعد 10 سم من الشخص اكثر الوقت. لو الأبراج تضر سوف تجد الطيور اللي تقف عليها تتساقط كل يوم من تلك الترددات. أكرر رابط منظمة الصحة العالمية (http://www.who.int/mediacentre/factsheets/fs304/ar/)التي هي مؤسسة تابعة لمنظمة الأمم المتحدة

المخفي

30-08-2015, 08:08 AM

الأبراج تستخدم نفس الذبذبات (التردد) اللي موجود بالموبايل, اللي على بعد 10 سم من الشخص اكثر الوقت. لو الأبراج تضر سوف تجد الطيور اللي تقف عليها تتساقط كل يوم من تلك الترددات. أكرر رابط منظمة الصحة العالمية (http://www.who.int/mediacentre/factsheets/fs304/ar/)التي هي مؤسسة تابعة لمنظمة الأمم المتحدة

في فرق بين اشعاع جوال واحد و برج يغذي جميع الجوالات في المنطقة بالاشعاع الكمية تختلف

CH Engineer

30-08-2015, 09:11 AM

تضر اذا قريب منها
دراسة امريكية تقول انها ماتضر نفسها نفس ارسال التلفزيون والراديو الي صارله عشرات السنين

ودراسة استرالية تقول يتضاعف الاحتمال بالاصابه بمرض سرطان الدم ثلاث مرات في محيط 7 اميال من هالابراج

دراسة المانيه تقول انت على خطر اذا على بعد ربع ميل من ابراج الارسال

نسبة الاصابه بمرض السرطان ثلاث اضعاف النسبه العاديه في محيط 400 متر
واللي في محيط مئه متر يتعرض للاشعه 100 ضعف النسبه العاديه

دراسة اسرائيليه اخذوا الناس الي عناوينهم كانت لفتره طويلة على بعد 350 متر من ابراج الارسال وحصلوا من بين كل 8 مصابين بالسرطان 7 منهم حريم ونسبة الاصابه تضاعفت 4 مرات

اكيد في هالدول بيوتهم خشب وماتعزل وبيوتنا فيها عازل والخ..
بس انت وقرارك اذا عندك اطفال فالبيت او مرتك حامل او او .،، في ناس مايرضون ياكلون الا الخضروات العضويه وفي ناس اي شي يسد جوعهم انت وترتيبك اكيد ماراح يصيدك شي على المدى القريب

sos 12

30-08-2015, 09:13 AM

السلام عليكم

اوريدو طلبوا يحطون فوق سطح بيتنا جهاز تقويه ارسال

مع دفع 33 الف من طرفهم لنا كل 6 شهور

هل منه مضار؟ وليش بيتنا مب جيرانا؟

اخوي انا امركب في البيت عندي وعملت بحث في الموضوع واكتشفت انا اكثر المباني الحكوميه امركبين من ضمنها مستشفي حمد و مستشفي الولاده ... ومافي اي دليل يثبت مضره علي الانسان .. بس علي فكره في الشهر 5500 قليله .. اشترط عليهم يكون الاجار 12 الف ... لان مافي بيوت بهذا السعر يكون اكثر من 5500 ... وبعدين يكون العقد 3 سنين قابل للتجديد اذا اكتشفت شي بامكانك تكنسل ويرجعون البيت كما هو ... لاتنسي تكتب في العقد اذا في تصليحات في البرج من فوق لازم يبلغونك قبلها .. لان عادي اتقوم الصبح اتلاقي واحد متعلق فوق وكاشف بيتك .

شبعان

30-08-2015, 09:33 AM

اطلب منهم يركبون جهاز ثابت لكشف مستوى الاشعه عندك في البيت واشترط عليهم ان مستوى الاشعه لايتجاوز النسبه المقبوله عالميا وفي حالة تجاوز هالنسبه يتعهدون بدفع تعويض لايقل عن مليون ريال.

اذا هم متأكدين ان النسبه ماراح تتجاوز هالنسبه بيوافقون اما اذا ترددوا فاعرف ان الموضوع خطير!!

خالد_قطر

30-08-2015, 12:24 PM

لن أتكلم بالأضرار
بس السعر رخيص جداً

Abdulraman

30-08-2015, 12:26 PM

سمعنا اي فيه ضرر ولكن انا اشوف المبلغ شوي والمفروض كل شهر 33 الف

المبرمج صلاح

30-08-2015, 12:38 PM

كما قال اخونا شيخ الديرة ومعماري لا يوجد اشعاع هيضرك من البرج طالما لا يوجد اي تسريب في البرج وانه يعمل بالطريقة السليمه وحتى تكون في safe side طبق فكرة اخونا معماري اعزل مكان البرج عن البيت باي عازل اذا كان فوق السطح فيكون العازل على مستوى السطح بشكل افقي لن تكلفك الكثيير

ولكن المبلغ في الشهر مقابل هذه الخدمة ضعيف جدا جدا جدا المفترض اقل شي 15 الف في الشهر

مواقف النجادة

30-08-2015, 06:39 PM

قاصين عليك في السعر ..

اطلب 20000 في الشهر .. يعني 60000 الف كل ثلاث شهور.

الحاقول

30-08-2015, 08:02 PM

انا تم عرض عليه تركيب هذا الجهاز على بيتي بمبلغ اكبر من هذا
وقد رفضت ذلك لخوفي على اهلى والجيران من الاشعه الضاره
من هذه الاجهزه

aloosh

30-08-2015, 09:00 PM

ياخوي فيه بيوت جنب خطوط كهربا ضغط عالي وهي اخطر ما شفنا احد سوى شي والمكان المعيذر الشمالي

qtr qtr

30-08-2015, 09:02 PM

امم الجهاز اذا فعلا فيه مضره لك ولجيرانك فيستحسن ترفض لمصلحتكم ومصلحة جيرانكم من الاشعاع .. وكلم جيرانك انهم يرفضون لانه راح يضركم مايسوى على الواحد اذا صاده شي على كم من بيزه والصحه اهم من مال قارون .

معماري قطري

31-08-2015, 02:11 AM

ياخوي فيه بيوت جنب خطوط كهربا ضغط عالي وهي اخطر ما شفنا احد سوى شي والمكان المعيذر الشمالي

فيه خطوط ضغط عالي مزالة من بعض المناطق بس باقي ازالة العمدان .. يعني ما فيها كهرب .. والفرق بينها وبين اللي في الأرض إن الكيابل اللي تحت الأرض تكون مغطاة بطبقات رصاص عن الاشعاعات الخطرة .. اللي فوق بتكون ثقيلة وايد .. وكانت فيه قضية قبل من مواطن ضد كهرماء بسبب مرض عياله بالخبيث واحد ورا الثاني واعتقد كسبها .. القضية قديمة.

معماري قطري

31-08-2015, 02:12 AM

بوخالد911

31-08-2015, 02:35 AM

من قبل اعرضوا علي
ورفضت الفكرة.

qtr qtr

31-08-2015, 05:04 AM

ألحين سهيل موجود ما ادري ليش ما يفعلون الاتصالات عن طريق القمر الصناعي

يمكن عادهم ماوصلوا هالتقنيه .. تخيل الواحد يتكلم فالجوال مع اهله والعالم تسمعهم من الراديو والفضائيات :omg:

شيخ الديرة

31-08-2015, 06:45 AM

ألحين سهيل موجود ما ادري ليش ما يفعلون الاتصالات عن طريق القمر الصناعي

جهاز الموبايل المعتاد غير مصمم لكي يسلم او يرسل اشارات الى القمر الصناعي. لكن هناك أجهزة أخرى عالية الكلفة مثل ثريا وأيريدوم وغيرها تعمل كما قلت

رآعي موآجيب

31-08-2015, 07:34 AM

أسمع وانا اخوك , ما سألت نفسك ليش أختاروك بدة الناس اللي حولك ؟

السبب لأن موقعك هو الأفضل بالنسبة لحساباتهم ، فأذا العائد الشهري بيخدمك ولا يهمك مظهر بيتك توكل على الله لأنه اذا رفضت ماراح يبعدون منك ، حولك وحواليك

بس فعلا المبلغ قليل ، فودافون من 5 سنين اعرضوا علينا 11000 شهريا ، فحاول معهم بالسعر

ام روز

31-08-2015, 08:08 AM

يااخوي من خاف سلم

وهذي اشعاعات ومعروف انها مضره حتى لو اقنعوك بعكس ذلك

^امـ نواري^

31-08-2015, 08:33 AM

طبعا لا تركبه وابعد عنه
ذي اشعاعات وذبذبات عاليه واكيد انها تضر مليون بالميه

لاتبيع صحتك وصحة جيرانك ..

بالنسبة لي كانو بيركبون تقوية ارسال قريب من البيت في مساحة خالية جدامنا
ورفضنا وكلمنا المسؤلين في اوريدو والحمدلله تلاحقنا عليهم قبل لا يثبتونه وغيروا الموقع ..

رآعي موآجيب

31-08-2015, 08:54 AM

مشكلتنا في قطر اننا شعب نبالغ سلبي او إيجابي في كل شي بدون علم وبعلم

ونركز على أمور نقول هذي مضره ونستخدم اختها عادي :omen2:

الحين جهاز الارسال يضر ويخوف , وجهاز التليفون اللي 24 ساعه قدامنا وعلى أذانينا وفي مخابينا وصار مع بزرانا ,, ما يخوف وعادي !!؟

مع انه كل شي فيه شغال / الارسال والبلوتوث والواي فاي .. ولا يفارقنا ربع ثانيه والبعض في مخباه جوالين وممكن 3 :rolleyes2:

ياخوك مثل ما علمتك ، ان ركبته انت وإلا بيركبه غيرك وقريب منك .. وانت بصرك :victory:

محمد83

31-08-2015, 11:02 AM

لا انصح....

حبر وقرطاس

31-08-2015, 12:12 PM

اخوي التعويض الذي تقدمه اوريدو طال عمرك لسبب وهو

ان المهندسين اريدو سيتوافدون على بيتكم بشكل دائم للصيانه وبرمجه المقوي

كل كم مادري هذي نقطه الشي الثاني حق لكم هالمبلغ لان الشركه تريد وضع موقوي الارسال على بيتكم الذي هو ملك لكم
وتم اختيار بيتكم وليس بيت الجيران لان هناك تخطيط ولجنه نعقد باشراف مهندسين متخصصين وبحسابات وقوانين علميه وجدوا ان افضل موقع للمقوي هو تلك النقطه الي فيها بيتكم
وسلامتك

معماري قطري

01-09-2015, 01:48 AM

يمكن عادهم ماوصلوا هالتقنيه .. تخيل الواحد يتكلم فالجوال مع اهله والعالم تسمعهم من الراديو والفضائيات :omg:

تستخدم الأقمار الصناعية في الاتصالات الخارجية ولا حد يسمعهم نظام جي اس ام ونفس الطريقة ممكنة للاتصالات الداخلية

Locale

01-09-2015, 04:11 AM

استخير

بوحارب

01-09-2015, 06:05 AM

طالب بزيادة المبلغ على الأقل 10,000

وتوكل على الله

زين انا ابي اركب فوق بيتي او في الحوش شلووووون ؟؟;p

حمد 2002

02-09-2015, 08:00 AM

استشير جارك والفريج يمكن مايوافقون ، ولو ماوافقوا لاتركب حتى لو انت خسران ، اهم شيء حقوق جارك والاسلام وصانا على سابع جار ، والله بيعوضك خير ان شاء الله ، وبالنسبه للأضرار ناس ايقولون اتظر وناس لا ، فأنت استشير الاطباء وجهه الاختصاص قبل ماتستشير الناس العادين لانك مب ماخذ لاحق ولا باطل ، وسواءا انت محتاج ولا مب محتاج ، مب عيب لو ركبت وزدت دخلك ، لانه فيه ناس عندهم خير اكثر منك وركبوا ، وبعد اسال جوف ابكم يركبونه لكل الناس لو انت اقل منهم حاول اتفاوض مع كيوتل انهم يرفعون المبلغ وايخلونه نفس بقيه الناس ، وفي النهايه صل ركعتين واستخير ربك وتالي استشير اسرتك وقرر انك تركب او لا .

والله يوفقك ان شاء الله .