ابتدا العد التنازلي للزحمه !!!

[حسن]

السلام عليكم ورحمه الله وبركاته

الايام القادمه وبدايه شهر 9 سوف نراى الازدحام الحقيقي للشوارع
مع عوده المدارس

وخصوصا هناك بعض الاغلاقات للطرق ولايوجد حل جذري الى الان

انا اقترح بتغير ساعات دوام العمل تفاديا للاختناقات المروريه والازدحام

هذه رؤيتي للوضع كحل موؤقت لين تخلص الشوارع وشبكه القطارات وتحتاج سنوات

هل هناك حلول اخري من وجهه نظركم حلا للزحمه القادمه ؟

اكتبو اقتراحاتكم رب مسؤل يقراها وينفذها للفائده العامه


تسعدني مشاركاتكم

تحياتي للجميع

:victory:

[بانغ بانغ]

سبق وطرحت فكرةتغيير ساعات العمل في هذا القسم

لا يمنع وانا مؤيد

[R 7 A L]

لازم احنا الي انغير ثقافتنا لين متى واخنا نسهر لين قريب الفجر وانقول قبل الدوام بنص ساعة ونسبب ربكة في الشوارع
ليش الواحد منا مايقوم يصلي الفجر مع الجماعة ويتقهوى ويفطر على راحته ويلبس ويروح لدوامه على راحته
صدقني لو الاغلبية اتبعو هالنظام بتخف الزحمة وبيوصل الجميع بكل اريحيه

[بريق الحق]

الله يستر
الله يفرج علينا هم الزحمه

[مضارب دوسري]

لازم احنا الي انغير ثقافتنا لين متى واخنا نسهر لين قريب الفجر وانقول قبل الدوام بنص ساعة ونسبب ربكة في الشوارع
ليش الواحد منا مايقوم يصلي الفجر مع الجماعة ويتقهوى ويفطر على راحته ويلبس ويروح لدوامه على راحته
صدقني لو الاغلبية اتبعو هالنظام بتخف الزحمة وبيوصل الجميع بكل اريحيه

حلو وبعدين نروح الدوام الساعه 5 وهو يبتدي 7 ؟

[الوسيط العقاري]

اقترح

يخلون الدراسة لجميع المدارس في قطر

من الساعه 9 الصبح الى الساعه 3 العصر

أتوقع بيحل مشاكل كثيرة للزحمه

[style]

حل ممتاز

[المبرمج صلاح]

الزحمة بدات من اليوم الزحمة في الشوارع غير طبيعية وخاصة 22 فبراير ومجمعات الغرافة كلها فل ما شاء الله
تفسيري الناس كانت تنتظر الرواتب للتسوق و التجهيز للمدارس وغدا يبدأ دوام المدرسين والمدرسات في المدارس
والان حان وقت الانطلاق لهم

بالتوفيق للجميع ان شاء الله

[ابوالكلام]

الحل في الوعي العام والتثقيف

[شبعان]

ماعتقد ان في حل للزحمه مع وجود اكثر من 500 الف سياره في شوارع الدوحه؟؟

تخيلوا لو صفوا هالسيارات ورا بعض فهم بحاجه الى 2500 كم(بمعدل 5 م للسياره)!!

[وحيد-الشوق]

شكلها هالسنة بتكون اسوء من قبل الله يعينا على طريق الكورنيش وفبراير :(

[حسن]

سبق وطرحت فكرةتغيير ساعات العمل في هذا القسم

لا يمنع وانا مؤيد

شكرا لك بانغ عل وعسي المسؤلين يقتنعون وخصوصا الحين بعد عودتهم
من الاجازه في ربوع اوربا اكيد مزاجهم رايق

اشكرك

[بانغ بانغ]

شكرا لك بانغ عل وعسي المسؤلين يقتنعون وخصوصا الحين بعد عودتهم
من الاجازه في ربوع اوربا اكيد مزاجهم رايق

اشكرك

الله يهداك اي مزاج

من فندق لقهوة لمجمع والتنقل في سيارة مخفي

يعني عمره ما شاف الشوارع خاصة .... الكبار ... قصدي المدراء الكبار

[حسن]

لازم احنا الي انغير ثقافتنا لين متى واخنا نسهر لين قريب الفجر وانقول قبل الدوام بنص ساعة ونسبب ربكة في الشوارع
ليش الواحد منا مايقوم يصلي الفجر مع الجماعة ويتقهوى ويفطر على راحته ويلبس ويروح لدوامه على راحته
صدقني لو الاغلبية اتبعو هالنظام بتخف الزحمة وبيوصل الجميع بكل اريحيه

رحال حبيبي انت تتكلم عن القطريين وهم مايشكلون الى نسبه 12% من عدد السكان
فمانقدر نلوم انفسنا لان مهب بيدنا ولا احنا السبب انما الاقوام اللي جاتنا بسبب النهضه
العمرانيه وعلى كافه الاسعده ومحتاجين لهم
فالحل تغير ساعات العمل يبيكون له دور ايجابي في تخفيف الزحمه
هذا ما اراه من خلال تجربه الصيف

شكرا لك ولمرورك الكريم

[حسن]

الله يستر
الله يفرج علينا هم الزحمه

امين والله يسمع منك ولكن بدون اجتهاد منا فانسى ذالك

يقول الفراعنه

كلهم من شده الجوع راحو خندريس

:(

شكرا لمرورك الكريم

[حسن]

اقترح

يخلون الدراسة لجميع المدارس في قطر

من الساعه 9 الصبح الى الساعه 3 العصر

أتوقع بيحل مشاكل كثيرة للزحمه

امممممممممممم

لاضير في ذالك اقتراح اوافق عليه مع العلم اني مع ان يكون من الساعه 6 الى 12 ابرك
وعلى السنه

ماقولك في هذا الراي


شكرا لك

:)

[حسن]

حلو وبعدين نروح الدوام الساعه 5 وهو يبتدي 7 ؟

هلا هلا

السموحه ماشف ردك ياخال

دربك خضر وبورصتنا خضره غدا وازدان 21
:victory:

زين شفيه لو داومنا الصبح بالعكس ممتاز فنتاستك كل شي بيتغير
في حياتنا

خير امه اخرجت الى الناس تقوم تصلي وتداوم عيل الحين في ذمتك هذه حياه عايشينها
ملغه مالها طعم قاعدين نقزر ايامنا

:(

[حسن]

حل ممتاز

والله المنتاز انت واللي جابك

شكرا لك على تاييدك لرؤيتي في الاقتراح

ماهي الرؤيا ببلاش

:)

[حسن]

الزحمة بدات من اليوم الزحمة في الشوارع غير طبيعية وخاصة 22 فبراير ومجمعات الغرافة كلها فل ما شاء الله
تفسيري الناس كانت تنتظر الرواتب للتسوق و التجهيز للمدارس وغدا يبدأ دوام المدرسين والمدرسات في المدارس
والان حان وقت الانطلاق لهم

بالتوفيق للجميع ان شاء الله

هلا هلا

حيالله مبرمجنا صلاح

:victory:

ماهو انا قاعد اتنباء وابرز لكم الادواؤ قبل الفلعه

:(

الى متى ياساده يامسؤلين وانت عاجزين عن اقتراح بايدينا ماهوب بيد الغريب
طول عمرها قطر سباقه ووالاولى على العالم ليل ونهار
خلونا الاول على العالم في الدوام من فجر
نطبق السنه على الاقل


عجل تقول الرواتب كانت هي السبب ؟؟؟؟
عيل ياحكومه اخري الرواتب شوي !!!

ههههههههههههههه

شكرا لك وعلى مرورك الكريم

[حسن]

الحل في الوعي العام والتثقيف

ابوالكلام يقول الحل في الوعي والتثقيف

ماهو الوعي ؟
وماهو التثقيف ؟

ممكن تطرح لنا كمن انقزامبل لو تكرمت !!

شكرا لك

تحياتي

[النهار]

من بكره الاحد لين الخميس وراي ادخل في معمة شارع 22 فبراير لازم اطلع ساعه قبل الحين http://store2.up-00.com/2015-08/1440876299161.gif (http://www.up-00.com/)

[حسن]

ماعتقد ان في حل للزحمه مع وجود اكثر من 500 الف سياره في شوارع الدوحه؟؟

تخيلوا لو صفوا هالسيارات ورا بعض فهم بحاجه الى 2500 كم(بمعدل 5 م للسياره)!!




الظاهر انت شبعان والشبعان مافيه اجر المثل يقول

:(

شكلك محبط ومستسلم كلش ومهب راضي تستنج لنا حرف واحد
يعني مسلم الامر نهائيا

:(

لا لا لا لا


انا شعاري نموت او ننتصر

:strong3:

ولا رجوع يانحلها يانحلحلها

:victory:

[حمد 2002]

وابتدي ابتدي ابتدي ابتدي المشوار
واه يا خوفي اه ياخوفي اه يا خوفي من اخر المشوار اه يا خوفي
جنه ولا نااار اه يا خوفي جنه ولا نار اه يا عيني
رايح وانا محتار اه ياعيني رايح وانا محتار اه يا خوفي
واااه يا خوفي اه ياخوفي اه ياخوفي من اخر المشوار اه ياخوفي

[حسن]

شكلها هالسنة بتكون اسوء من قبل الله يعينا على طريق الكورنيش وفبراير :(

ودوه السوق الداخلي علشان يعرف ان الله حق

امممممممممم

تهقي بنشوف ضرب ومضارب في شارع 6 اكتوبر وشارع الكرنيش
يعني حنبئا زي المصرين رقاله زي الدهب

فالله ولا فالك

لكن طرت على بالي فكره شرايك بالدوام المرن ؟
يعني تتاخر ساعه وتطلع متاخر ساعه
يعني نبي دوام فلاكسبل
عجزت وانا ارسم لوحه خيال قمر شقاقي مثل قمرنا اليوم
لكن يوم جات تعرس عيا ابوها

وينك يالنهار

:telephone:

[حسن]

الله يهداك اي مزاج

من فندق لقهوة لمجمع والتنقل في سيارة مخفي

يعني عمره ما شاف الشوارع خاصة .... الكبار ... قصدي المدراء الكبار

اذا الراس الكبيره يتمشى برع عادي ومهب هامه حد شنهو هذول يالنسبه له عندنا

الكبير كبير واللي ماعنده كبير يشتري له كبير

زر عني لو سمحت شوي

خلني دام انا مستن شوي

:telephone:

[راجي الْعفو]

صدقني يا حسن ان راعي السيكل بورنق 28 هو الشيخ في الشارع !

ولو عنده بيزات بياخذ له نينجا !


وروح عن الناس يا طيب ..

[حسن]

من بكره الاحد لين الخميس وراي ادخل في معمة شارع 22 فبراير لازم اطلع ساعه قبل الحين http://store2.up-00.com/2015-08/1440876299161.gif (http://www.up-00.com/)

مسكين شوفو النهار انهار من شارع 6 اكتوبر
قالو هاوي بالمقلوب الدول المتقدمه يكون فيه سريع وفلات ريس وعندنا
يمشي ريوس وبالمقلوب
واخر شي طلع رادار عمر بن الخطاب مسكون وفيه جني ومسبب حوادث
ماافتكو منه الى يوم اقشعوه الى يوم الدين والفال حق بقيه المسؤلين الفاشلين

النهار خذ لك حبه ارويكا مالت السكر تخليك مبسوط ومفرفش على طول

وتغني زحمه يادنيا زحمه وزحمه وتاهو الحبايب زحمه ولا عادش رحمه مولد وصحبه غايب

:weeping:

[حسن]

وابتدي ابتدي ابتدي ابتدي المشوار
واه يا خوفي اه ياخوفي اه يا خوفي من اخر المشوار اه يا خوفي
جنه ولا نااار اه يا خوفي جنه ولا نار اه يا عيني
رايح وانا محتار اه ياعيني رايح وانا محتار اه يا خوفي
واااه يا خوفي اه ياخوفي اه ياخوفي من اخر المشوار اه ياخوفي

اه ياخوفي منك انت

من دخلت القرقور الذهبي صادك رهاب مهب طبيعي

وين حمد ذاك شمعه الجلاس وين هذاك الشامخ
هدوك مثل ماهدو سجن العاصمه
:(

بشر القير ركب ولاعادك في الخالي
:(

زين ياحمد شنهو الحل من وجهه نظرك ياساعده الباشا !

:telephone:

[حسن]

صدقني يا حسن ان راعي السيكل بورنق 28 هو الشيخ في الشارع !

ولو عنده بيزات بياخذ له نينجا !


وروح عن الناس يا طيب ..

هلا هلا

حيالله الشيخ راجي

شفت موضوع السيكل تفكرني كنت اهرول عبث !
انا اشوف شي ماتشوفه اصلا
علشان جذي بامر عليكم بالسيكل وانت واقفين في الزحمه غير المشاجرات في الشوارع
كان ماتسير جريمه وخصوصا مع طلوع سهيل يطلع روح الواحد
قالو لين طلع سهيل ياك البراد لا تلحف ببرونوس بونمر زين

:(

عطني رايك في الموضوع

:telephone:

[راجي الْعفو]

والله يا حسن بيه تقريبا طرح موضوع مشابه اموضوعك قبل

من الحلول :

- الاعتماد على المواصلات العامة كالباصات و الريل مستقبلا


- الوقت المرن مثل ما ذكرت ولكن مع وضع ضوابط له حتى لا يحصل تسيب

- الليسن لا يعطى لكل من هب و دب و لكن توضع ضوابط و مهن معينة

- اذا في ناس في فريج واحد و نفس جهة العمل و قدروا انهم يروحون مع بعض
فهذا طيب

يعني ...

[حسن]

لي عوده تعبت وانا ارد باخذ بريك وراجعلكم
هل الايام مواضيعي مولعه وعلى مستوى عالي
فاخذت مني الجهد والتفكير رغم المشاهدات الكثيره والردو القليله للشرفاء

وانا اقول يحي الشرفاء اينما كانو

يعيش الشعب

:)

[بانغ بانغ]

لي عوده تعبت وانا ارد باخذ بريك وراجعلك
هل الايام مواضيعي مولعه وعلى مستوى عالي
فاخذت مني الجهد والتفكير رغم المشاهدات الكثيره والردو القليله للشرفاء

وانا اقول يحي الشفاء اينما كانو

يعيش الشعب

:)

امضي ما انت ماض

[حسن]

امضي ما انت ماض

هههههههههههههه

سوف احتسي كوبا من الشاي المخدر لكي يصفو عقلي ومزاجي المعكر

:(

[معماري قطري]

مشكلتنا أشغال عندهم 3 شهور صيف .. صج حر قاتل في النهار بس في الليل ممكن تهيئة المواقع للعمل من حتى قبل المغرب لما بعد الفجر .. هذا اللي شفته في شوارع أمريكا وهم ما يسكرونها كاملة تسكير جزئي وفي الليل وقت قلة المرور .. هناك تسهيل للمرور ولا الجو مناسب جداً في النهار وفي قطر الوضع يختلف .. كان أغلب المشاريع بتكون على وشك الانتهاء لو فيه شغل جاد .. لكن فترة الصيف كلها ما فيها شغل والزحمة كلها تبدأ مرة وحدة.

عقليات يبي لها اعادة برمجة بس.

[معماري قطري]

شلون يهيئون الموقع ؟ المفروض حتى رذاذ الماء لتخفيف الحرارة على العاملين مطلوب كحل عملي .. ومراوح للتهوئة ووجود حمامات متنقلة وحماية الموقع جيداً وحماية المرور من حوله.

يا ناس هذي الأشياء ما نشوفها .. حطيت صور لقطع الرصيف على الشارع والغبار يتطاير على السيارات .. شهالجهل والسمعة الغير طيبة عن بلادنا .. لا ويقولون قطر تستحق الأفضل .. أي أفضل هذا؟