محتاجة نصيحة ومشورة ورايكم في هالموضوع ..

[أم محمد 90]

السلام عليكم ..

انا اشتغل بوزارة للحين كل نظامها قديم , حتى تقديم الاجازات (ورقي)

والنظام عندنا مابي اقول مُتسيب ولكن (انسيابي)

مافي محاسبة على الحضور والإنصراف ومن سنين قليلة تم تركيب نظام (ضرب الكرت وسيستم)

من بداية رمضان (وفجأة) مديرة الإدارة قامت تحاسب على الحضور والإنصراف

وارسلت تعميم ان اللي مايلتزم راح ينخصم من راتبه (تعميم رسمي للجميع)

في بداية رمضان بدت ترسل تقارير الحضورو الانصراف لكل موظف

وارسلت تعميم ثاني ان ساعات التاخير راح تتجمع (حتى لو دقيقة) ولما توصل (7 ساعات راح يخصم يوم كامل من الراتب !!! )

المهم احنا الموظفين شفنا ان الدخول والانصراف نهااااااائيا مش دقيق ؟

مثال : وحدة جاية الساعه 9 , السستم مسجل دخولها 8 : 46

وحدة طالعة 2 ؟ السستم مسجل خروجها 1:23 !؟

امثله كثيرة المهم الجميع اجمع ان السستم غير دقيق ولا يجوز محاسبة الموظفين بنظام جذي ,
طبعا هي قالت السستم افضل من الممتاز ويطبق التعميم

ومن رمضان الين اليوم يوميا ترسل تقارير الحضور والانصراف !! وتطالب بتبرير؟ (حتى لو 3 دقايق برر ليش متاخر او ليش طالع)

المهم ان امس طبعت كشف الغياب من 1/1/2015 الى 30/07/2015

وقالت ان هالايام كلها راح تنخصم المشكله لما جينا نراجع ! اتكلم عن حالتي انا !

مسجل لي غياب بتاريخ 01/01 وانا كنت بدورة تدريبية وعندي ايميل مرسل لشئون الموظفين بهذا الكلام وعندي شهادة !

مسجل لي غياب باكثر من 5 ايام وانا كللل هالايام موجودة وايميلاتي ومراسلاتي مع الشركات تثبت هالكلام !

غير ان في يوم مسجل لي غياب وانا مباشرة عمل فيه من اجازة عارضه وهي المديرة موقعه ع المباشرة !!!


غير زميلاتي منحط لهم غياب وهم اصلا مداومين !

وكل كلمة والثانية انا راح اخصم وراح اخصم ! ولما نحاججها ان مو من حقج تخصمين لازم تتبعين القانون

تقول القانون نحط عشان احنا نطبقه بالطريقة اللي نبيها مش لازم حرفيا << شالكلام ّ!!!!!

واذا داهمناها بالقانون وحقنا تقول انا مديرة الادارة وبكيفي ( اعمل اللي بدي اياه) <؛ افهموا من اللهجة ايش تكون !!


السؤال ., ؟

ايش الاجراءات اللي نقدر نسويها ؟
وهل عادي تخصم رغم ان في اثباتات تثبت وجودنا ع راس عملنا ؟


والله يسامحج كل شخص يحط هالاشكال في مناصب صراحة .

[غريب الدّار]

والله ياام محمد انا مستغرب ان في مديرة إدارة اجنبية في وزارة !!

لكن المهم :
اذا لج حق ارفعي الموضوع للي اعلى منها

او للوزير مباشرة
مادري هل يجوز او مايجوز


لكن تقدرين ترفعين الموضوع للي اعلى منها مشفوع بالاوراق اللي تثبت كلامج وانج على حق

حتى لو ترفعينه لشؤون الموظفين انفسهم
بس بشرط :
انها تبتدي اجراء رسمي في حقج
ماتقدرين تشتكين عليها لمجرد انها قالت هالكلام بس
يعني لو طرشت لج ايميل مثلا انها بتخصم او طرشت لج شي رسمي (انذار بالخصم مثلا) او غيره وقتها ارفعي الموضوع كامل بعد ماتردين عليها


والله يوفقج

[أم محمد 90]

والله ياام محمد انا مستغرب ان في مديرة إدارة اجنبية في وزارة !!

لكن المهم :
اذا لج حق ارفعي الموضوع للي اعلى منها

او للوزير مباشرة
مادري هل يجوز او مايجوز


لكن تقدرين ترفعين الموضوع للي اعلى منها مشفوع بالاوراق اللي تثبت كلامج وانج على حق

حتى لو ترفعينه لشؤون الموظفين انفسهم
بس بشرط :
انها تبتدي اجراء رسمي في حقج
ماتقدرين تشتكين عليها لمجرد انها قالت هالكلام بس
يعني لو طرشت لج ايميل مثلا انها بتخصم او طرشت لج شي رسمي (انذار بالخصم مثلا) او غيره وقتها ارفعي الموضوع كامل بعد ماتردين عليها


والله يوفقج

الزواج منحها الجنسية يا اخوي بس اللهجة ماتغيرت :)

ارسلت لها ايميل مرفق فيه مادة ان لازم انذار وبعدين تحقيق وبعدين خصم
ان لازم تنعرف الاسباب قبل الخصم
ردت علي ان لو الموضوع صار فيه تحقيق (وقعه علي راح يكون كبير @!!!!!! )
والبنات يقولون مينونة انتي تجادلينها سكتي عنها ؟

[لـبـيـه]

الله يعينج

الله لا يوالينا بحرمه

مصيبه اذا مديرتك مره والادهي والامر اذا مره تناحس مره اعوذ بالله تقول حريم ريل

[المخفي]

فشوا تواير سيارتها

[غريب الدّار]

الزواج منحها الجنسية يا اخوي بس اللهجة ماتغيرت :)

ارسلت لها ايميل مرفق فيه مادة ان لازم انذار وبعدين تحقيق وبعدين خصم
ان لازم تنعرف الاسباب قبل الخصم
ردت علي ان لو الموضوع صار فيه تحقيق (وقعه علي راح يكون كبير @!!!!!! )
والبنات يقولون مينونة انتي تجادلينها سكتي عنها ؟

والله ياام محمد بالعكس
اذا عندج أوراق تثبت حقج فمن مصلحتج يصير تحقيق

وهي أصلا اذا شافتج مصرة ع التحقيق يمكن تراجع نفسها

[لبيبة]

وعليكم السلام ورحمة الله وبركاته،

يا ام محمد الحل هو انج تكتبين ايميل فيه توضيح لكل الايام اللي حاسبتها عليج مديرتج مع الادلة لحضورج.

وترسلينه ايميل موجه للمدير العام عندكم، وتحطين مديرتج ومديرها المباشر في cc في الايميل. ووضحي ان هذا خطأ واضح في النظام الجديد. واطلبي حل المشكلة. وان شاء الله بيتفهمون الموضوع.

[CH Engineer]

انزين السستم سستم الحين ارسلت لج تطلب السبب

اكتبي لها الاسبوع الفلاني كورس واليوم الفلاني اجازه وانتهينا
وكان الله عفورا رحيما

[بشائر]

الله يعينج يأم محمد .. أرفعي كتاب للوزير ولو تتفقين مع زميلاتج المتضررات بعد يكون أحسن ..
واشرحوا له الوضع واثبتوا حقكم .. والله ينصفكم

[شبعان]

ذكرتيني بسكرتيرة مدير احدى الجهات الاعلاميه الحكوميه(قطريه بحكم الزواج)!!

متسلطه ودايما تهدد الموظفين وتدخن بشراهه!!

وللأسف المدير القطري ماعطها الخيط والمخيط!!!

!!!

[بانغ بانغ]

انا متضامن معك بس هي كمديرة يمكن ماعندها تقرير كامل بحالتك وحالة غيرك

فلازم حد ايواجهها اما انها اتسوي اللي بدها اياه .... ما اعتقد لهالدرجة اتصير في وزارة او اني مسكين غلبان ما اعرف جو الوزارات لاني ما اشتغلت فيها

شوفي لجنة التظلم لو عندكم

[بانغ بانغ]

اخذي الموضوع حبة حبة لرئيس القسم المباشر للمدير ومن ثم لمدير الاتش ار ثم لوكيل الوزارة المساعد لو عندكم واخر شي لمدير مكتب الوزير

خلي الوزير اخر شي عشان محد ايحطك في باله وياخذ الامور شخصي

[طبيب قطري]

المشكله الازليه لما تكون امرأه تشتغل ومديرتها امرأه !

[حرف]

ماعليج منها بس تهدد اتحداها تخصم شي

[حمد 2002]

[color="#ff0000"]اذا انتي متاكده وعلى حق وخصمه من راتبج ،،

اشتكي عليها عند وزارة العمل .. /color]

[غريب الدّار]

[color="#ff0000"]اذا انتي متاكده وعلى حق وخصمه من راتبج ،،

اشتكي عليها عند وزارة العمل .. /color]
هي شغالة في وزارة
وتروح تشتكي في وزارة ثانية؟


معؤولة دي؟

[معماري قطري]

حد يحط ابرة على الكرسي اللي تقعد عليه بس لحد يقول انا قلت

[JN000N]

النظام من يتابعه؟ اكيد حد ف الاتش ار؟
يعني لين يتسجل عليج مثلا تاخير او انتي كنتي ف دوره اسبوع وطبعا السستم غبي بيسجلج غياب لان ما بصمتي لكن الموظف المسؤول يحسب الايام لج يضيفها يدوي ف السستم؟ او يكون عن طريق التقديم اونلاين

واذا تاخرتي وايد يحط العذر الي بترسلينه له ليش متخاره
ف يكون كل شي مرتب وموجود ف السستم بتقارير اسبوعيه تنرسل لكل مسؤول اداره عن موظفينه

والتاخير بالنسبه للدقايق ماعتقد ان لازم هي تحاسب عليه لكن وقت معين مثلا عقب ربع ساعه او نص ساعه لازم يكون في عذر عن التاخير
وصج السستم يجمع دقايق التاخير وتنجمع كلها عقب بتجوفين ان تطلع بالساعات
شهريا يختلف
هي تبي تطبق السستم بس ماشيه فيه غلط او بدكتاتوريه بزياده عن اللزوم
كنت احسب ان اصعب مدير ف الدنيا مدير ادارتنا الي (عادي يقوم حد عنده موعد ف المستشفى ويرده الدوام) بس طلعتو ادمر خخخ

[شالح بن هدلان]

شكل المديرة هي الي بترد عليك !

[Charisma]

دام في قانون ، فالكل تحته ، بدها ولا مابدها .


إن كانت التقارير خاطئه وتعسفيه ضد الموظفين والـ hr صادق عليها ، فالمطلوب رفع تقرير مدعم بأدله واثباتات الحضور والأنصراف والغياب ، ويرفع التقرير لمدير الموارد البشريه ، ويفضل ان يتم رفع التقرير بعد صياغته من قبل عدة موظفين ان كانت الحاله عامة على الجميع ، والمطالبه بالتحقيق في الأسباب .

[Locale]

الله لايسلط علينا ظالم
مالي بسوالف الدوامات بس الظلم شي يقهر يقهر
الله يفرجها عليج

[moonبنتnight]

الآسف الشديد أمثالها مديرتج وايد هم يعتقدون أنهم بجبرون الموظفين على الالتزام بالعمل وهي في الواقع تدمر نفسيتهم هذي الفئة هدفها تطفيش الموظف يحسبونها شركتهم الخاصة واعتقد سبب الرئيسي تبي تجيب بني جلدتها توظفهم وهل حركة مكشوفة بتهويل موضوع حضور والانصراف وحضور والأنصراف له طرق كثيرة تلزم موظفينها بالالتزام وبطريقة ما تضر الموظف .. لازم مديرتج تفهم أنكم موظفي دولة ولكم حقوق ورأي مسموع ..
عندج طريقة بأنج ترفعين تظلم في اللجنة الشؤون الموظفين وتكون أوراق حضور الدورة التي تسجلت غياب مرفق في شكوى تظلم .. وأنا أنصحج تحلين مشكلتج مع إداراتج بالأول ..
أما أذا ما جابة نتيجة قدمي شكوى على الخط الساخن في وزارة العمل وهم بحققون في الموضوع أو هم بدلونج على طريقة التي تتبعينها في حل مشكلتج .. والله يرفع عنكم ظلم كل ظالم يا رب ..

[M7ammd]

اختي ام محمد

بخصوص ايام الي مداومة فيها و مسجلك السستم غياب ما عليج منها دام عندج شي يثبت انك موجوده و لا تفتكرين فيها , والشغله الثانية اذا السستم فيه مشكلة حطوا دفتر حضور و انصراف بالاضافة لسستم و كل موظف يدخل يسجل حضورة و بعد شهر قارنوه بالسستم عشان تثبتون ان فيه مشكلة .

وبخصوص انها تسوي الي تبي مثل ما قالت ( الحمد لله اننا في بلد حق المواطن محفوظ ) لا تفتكرين فيها قومي بشغلج العادي و ترفعي عنها .

ونصيحة اختي : في اغلب وزارت الدولة و مؤسساتها في نص ساعه سماح يعني اذا الدوام 8 لك لين 8 ونص التأخير بشرط انك تعوضينها بعد الدوام عشان ما تخلين حد يمسك عليج شي و اتمنى تطبقين هالشي لان عقلية الوزارات للاسف عقلية حضور و انصراف بغض النظر عن الانتاج ( ولا تحاولين تغيرين هالفكرة لانك للاسف ما راح تقدرين )

بالتوفيق اختي

[موظف ((حكومي]

روحو لوزاره العمل

وشتكو عليها

[عـ العبيدلي]

مافي لجنة تظلمات ؟

[أم محمد 90]

الله يعينج

الله لا يوالينا بحرمه

مصيبه اذا مديرتك مره والادهي والامر اذا مره تناحس مره اعوذ بالله تقول حريم ريل

ماتناحس الحريم بس هي مرسلة للكل (رجال ونساء )



فشوا تواير سيارتها

فلوسها وايد مابتفتكر :)


والله ياام محمد بالعكس
اذا عندج أوراق تثبت حقج فمن مصلحتج يصير تحقيق

وهي أصلا اذا شافتج مصرة ع التحقيق يمكن تراجع نفسها

عندي ايميلات تثبت وجودي واكثر من ايميل في هالايام كلهم ارفقتهم وقلت لمسئولتي بنسوي كتاب كلنا بنات القسم لان وايد في اخطاء

اللي يضحك حاسبيني غياب في تاريخ معين هي بنفسها موقعه لي مباشرة عمل فيه ؟!


وعليكم السلام ورحمة الله وبركاته،

يا ام محمد الحل هو انج تكتبين ايميل فيه توضيح لكل الايام اللي حاسبتها عليج مديرتج مع الادلة لحضورج.

وترسلينه ايميل موجه للمدير العام عندكم، وتحطين مديرتج ومديرها المباشر في cc في الايميل. ووضحي ان هذا خطأ واضح في النظام الجديد. واطلبي حل المشكلة. وان شاء الله بيتفهمون الموضوع.

حاليا ما اقدر اوصل للمدير العام , الكل يحذرني اهدي وان هي بس جذي ماعندها شغل وتهدد ومسوية لنا قلق . لاني الوحيدة شايله هم الموضوع البنات مو مفتكرين لان يعرفون طبعها بحكم انهم اقدم مني


انزين السستم سستم الحين ارسلت لج تطلب السبب

اكتبي لها الاسبوع الفلاني كورس واليوم الفلاني اجازه وانتهينا
وكان الله عفورا رحيما

الله رحيم وغفور , والبشر مايرحمون ,
السستم غلط وخرابيط , هي ماتطلب السبب هي مرسلة الكشف ان هاي الايام اللي راح تخصم عليج

هي تسال عن اسباب التاخير يوميا (تاخير مال خمس دقايق او ربع ساعه)

للتوضيح بس

[أم محمد 90]

ذكرتيني بسكرتيرة مدير احدى الجهات الاعلاميه الحكوميه(قطريه بحكم الزواج)!!

متسلطه ودايما تهدد الموظفين وتدخن بشراهه!!

وللأسف المدير القطري ماعطها الخيط والمخيط!!!

!!!


ما شاء الله !


الله يعينج يأم محمد .. أرفعي كتاب للوزير ولو تتفقين مع زميلاتج المتضررات بعد يكون أحسن ..
واشرحوا له الوضع واثبتوا حقكم .. والله ينصفكم


بتكون اخر خطوة ,لان لازم تدرج اداراي فالموضوع

الله المستعان


انا متضامن معك بس هي كمديرة يمكن ماعندها تقرير كامل بحالتك وحالة غيرك

فلازم حد ايواجهها اما انها اتسوي اللي بدها اياه .... ما اعتقد لهالدرجة اتصير في وزارة او اني مسكين غلبان ما اعرف جو الوزارات لاني ما اشتغلت فيها

شوفي لجنة التظلم لو عندكم

تصير يا اخوي والشاهد الله


اخذي الموضوع حبة حبة لرئيس القسم المباشر للمدير ومن ثم لمدير الاتش ار ثم لوكيل الوزارة المساعد لو عندكم واخر شي لمدير مكتب الوزير

خلي الوزير اخر شي عشان محد ايحطك في باله وياخذ الامور شخصي

هي بنفسها مدير (اتش آر ) :)
من جذي حاطه ف بالها عادي تخصم وعادي تسوي وعادي وعادي


المشكله الازليه لما تكون امرأه تشتغل ومديرتها امرأه !

المشكلة معاي ومع الموظفين (الرجال) مو بس الحريم
ومسئولتي المباشرة امرأة ومافي احسن منها ..

الجنس ماله خص


ماعليج منها بس تهدد اتحداها تخصم شي

المشكلة مو من زين رواتب الوزارة عشان تخصم :)

لما واجهتها ان ماتقدر تمسك راتبي طرشت لي ايميل تهدد بانها تشيل بدل الهاتف عني ههه !!

[أم محمد 90]

النظام من يتابعه؟ اكيد حد ف الاتش ار؟
يعني لين يتسجل عليج مثلا تاخير او انتي كنتي ف دوره اسبوع وطبعا السستم غبي بيسجلج غياب لان ما بصمتي لكن الموظف المسؤول يحسب الايام لج يضيفها يدوي ف السستم؟ او يكون عن طريق التقديم اونلاين

واذا تاخرتي وايد يحط العذر الي بترسلينه له ليش متخاره
ف يكون كل شي مرتب وموجود ف السستم بتقارير اسبوعيه تنرسل لكل مسؤول اداره عن موظفينه

والتاخير بالنسبه للدقايق ماعتقد ان لازم هي تحاسب عليه لكن وقت معين مثلا عقب ربع ساعه او نص ساعه لازم يكون في عذر عن التاخير
وصج السستم يجمع دقايق التاخير وتنجمع كلها عقب بتجوفين ان تطلع بالساعات
شهريا يختلف
هي تبي تطبق السستم بس ماشيه فيه غلط او بدكتاتوريه بزياده عن اللزوم
كنت احسب ان اصعب مدير ف الدنيا مدير ادارتنا الي (عادي يقوم حد عنده موعد ف المستشفى ويرده الدوام) بس طلعتو ادمر خخخ

اوكي جنون , كلامج منطقي !

لكن لما اصلا الوزارة متاخرة بكل شي (وتستخدم ارخص الاشياء) وكم مرة السستم خبط عندنا !
مايصير تخصمين على موظف من شي تدرين انه مو دقيق ؟!

وبعدين في تدرج للموضوع هي كل شوي تكتب تعميم وتوقعه وتطرشه لكل موظفين الوزارة !

عاملة فيها امين عام ؟!




دام في قانون ، فالكل تحته ، بدها ولا مابدها .


إن كانت التقارير خاطئه وتعسفيه ضد الموظفين والـ hr صادق عليها ، فالمطلوب رفع تقرير مدعم بأدله واثباتات الحضور والأنصراف والغياب ، ويرفع التقرير لمدير الموارد البشريه ، ويفضل ان يتم رفع التقرير بعد صياغته من قبل عدة موظفين ان كانت الحاله عامة على الجميع ، والمطالبه بالتحقيق في الأسباب .

هي نفسها مديرة الادارة اللي تتكلم عنها :)

ولما قلت لها ابي تحقيق وحطيت لها مادة القانون قالت لي التحقيق راح يكون وقعه عليج كبير
بمعنى اخر (بتندمين)
وراده علي اني تجاوزتي حدودج وراح يتم اتخاذ اللازم (معاكي) :shy:

[أم محمد 90]

الله لايسلط علينا ظالم
مالي بسوالف الدوامات بس الظلم شي يقهر يقهر
الله يفرجها عليج

اللهم آمين ,


الآسف الشديد أمثالها مديرتج وايد هم يعتقدون أنهم بجبرون الموظفين على الالتزام بالعمل وهي في الواقع تدمر نفسيتهم هذي الفئة هدفها تطفيش الموظف يحسبونها شركتهم الخاصة واعتقد سبب الرئيسي تبي تجيب بني جلدتها توظفهم وهل حركة مكشوفة بتهويل موضوع حضور والانصراف وحضور والأنصراف له طرق كثيرة تلزم موظفينها بالالتزام وبطريقة ما تضر الموظف .. لازم مديرتج تفهم أنكم موظفي دولة ولكم حقوق ورأي مسموع ..
عندج طريقة بأنج ترفعين تظلم في اللجنة الشؤون الموظفين وتكون أوراق حضور الدورة التي تسجلت غياب مرفق في شكوى تظلم .. وأنا أنصحج تحلين مشكلتج مع إداراتج بالأول ..
أما أذا ما جابة نتيجة قدمي شكوى على الخط الساخن في وزارة العمل وهم بحققون في الموضوع أو هم بدلونج على طريقة التي تتبعينها في حل مشكلتج .. والله يرفع عنكم ظلم كل ظالم يا رب ..

هي في نقطة تضايقهاااا واااااااااااايد ترفع ضغطها (اذا قلتي انا قطرية ولي حقوق)

تعصب تقول الحقوووووق لللجمييييييع مافي حد نمبر ون ونمبر تو !

لو حد يجي يراجع وراها بيشوف ربعها وعيال اختها وغيره وغيره من شركات دامره ف البلد وشهادات مايندرى من وين جابتهم وحطتهم رؤساء اقسام وخبراء موارد !

:)

[جرير]

وهل مازال السستم(النظام) الى الان يعمل بهذه الطريقه
ولماذا لم يتم إصلاحه
يجب اثبات ان السستم لا يعمل وبشكل رسمي وليس بشكل شفهمي
وذالك بمخاطبيه الشركه التي قامت بوضع النظام هذا وبناء على
شهاده الشركه وفي تقرير منفصل يثبت ان النظام غير دقيق حتى تاريخه
وبهذا الشكل يجب ان لا يعتمد على النظام في الحضور والا نصراف
اذا كان يعطي نتائج خاطئه او غير دقيقه وبالذات انها حصلت
مع موظفين اخرين غيرك انتي سوء كان في أوقات الحضور والانصراف
وحتى انه يقوم بتغييب ناس كانت موجوده أصلا

المشكله الاساسيه عندكم في النظام اذا اصلحتوه صلح كل شي عندكم
واما اشكاليه انها تعاقب وتحاسب فطبعا كله يرجع لقانون الموارد البشريه عندكم
في الشركه او الوزاره . . . . ممكن حد هناك يقدر يفيدكم

وبالنسبه للمخاطبات دايما يتم خلال القنوات الرسميه ما قدرت تطلع بنتيجه
مع مسؤلك المباشر روح حق اللي فوقه ما حصلت شي روح حق اللي فوقه
تدرج . . . مب تروح حق اعلى شخص طبعا هذا خطا كبير يسويه البعض
ممكن تنحل مشكلته مره وحد بس بس المرات الأخرى الله يعينه وبالذات لما
تعطي بعض المسؤلين طاف . . .

ونرجع ونقول السستم عندكم هو سبب كل المشاكل في إعطاء قراءات غير دقيقه
اتصلو في الشركه . . . . اذا قدرتوا تحصلون شهاده تثبت ان النظام فيه خلل
راح تفيدكم في دحض افتراءت المديره اللي عندكم
والسلام ختام

[أم محمد 90]

اختي ام محمد

بخصوص ايام الي مداومة فيها و مسجلك السستم غياب ما عليج منها دام عندج شي يثبت انك موجوده و لا تفتكرين فيها , والشغله الثانية اذا السستم فيه مشكلة حطوا دفتر حضور و انصراف بالاضافة لسستم و كل موظف يدخل يسجل حضورة و بعد شهر قارنوه بالسستم عشان تثبتون ان فيه مشكلة .

وبخصوص انها تسوي الي تبي مثل ما قالت ( الحمد لله اننا في بلد حق المواطن محفوظ ) لا تفتكرين فيها قومي بشغلج العادي و ترفعي عنها .

ونصيحة اختي : في اغلب وزارت الدولة و مؤسساتها في نص ساعه سماح يعني اذا الدوام 8 لك لين 8 ونص التأخير بشرط انك تعوضينها بعد الدوام عشان ما تخلين حد يمسك عليج شي و اتمنى تطبقين هالشي لان عقلية الوزارات للاسف عقلية حضور و انصراف بغض النظر عن الانتاج ( ولا تحاولين تغيرين هالفكرة لانك للاسف ما راح تقدرين )

بالتوفيق اختي

هلا اخوي ,

كلامك كله صحيح ,,

اول شي احنا مسموح لنا الى 7 ونص او 8

من ناحية التعويض هي رفضت قالت اللي يقعد بعد الدوام اوتوماتيكياً يكون (اوفر تايم) ماتعترف بشي اسمه تغطيه .
تدري لاي درجة لو وقعنا استئذان وكتبنا ( ظرف خاص) ماتبي تقول حتى لو وحدة متهاوشة مع ريلها تكتب انا متهاوشة (ونفسيتي تعبانه )
الظرف الخاص ما اوقعه ؟؟؟!!!!!

[أم محمد 90]

وهل مازال السستم(النظام) الى الان يعمل بهذه الطريقه
ولماذا لم يتم إصلاحه
يجب اثبات ان السستم لا يعمل وبشكل رسمي وليس بشكل شفهمي
وذالك بمخاطبيه الشركه التي قامت بوضع النظام هذا وبناء على
شهاده الشركه وفي تقرير منفصل يثبت ان النظام غير دقيق حتى تاريخه
وبهذا الشكل يجب ان لا يعتمد على النظام في الحضور والا نصراف
اذا كان يعطي نتائج خاطئه او غير دقيقه وبالذات انها حصلت
مع موظفين اخرين غيرك انتي سوء كان في أوقات الحضور والانصراف
وحتى انه يقوم بتغييب ناس كانت موجوده أصلا

المشكله الاساسيه عندكم في النظام اذا اصلحتوه صلح كل شي عندكم
واما اشكاليه انها تعاقب وتحاسب فطبعا كله يرجع لقانون الموارد البشريه عندكم
في الشركه او الوزاره . . . . ممكن حد هناك يقدر يفيدكم

وبالنسبه للمخاطبات دايما يتم خلال القنوات الرسميه ما قدرت تطلع بنتيجه
مع مسؤلك المباشر روح حق اللي فوقه ما حصلت شي روح حق اللي فوقه
تدرج . . . مب تروح حق اعلى شخص طبعا هذا خطا كبير يسويه البعض
ممكن تنحل مشكلته مره وحد بس بس المرات الأخرى الله يعينه وبالذات لما
تعطي بعض المسؤلين طاف . . .

ونرجع ونقول السستم عندكم هو سبب كل المشاكل في إعطاء قراءات غير دقيقه
اتصلو في الشركه . . . . اذا قدرتوا تحصلون شهاده تثبت ان النظام فيه خلل
راح تفيدكم في دحض افتراءت المديره اللي عندكم
والسلام ختام

اخوي كلامك صحيح , وجميع الموظفين واثقين ان السستم فيه خطا وغير دقيق

ولكن احنا مانعرف اسم الشركة دائما لما نعلق على المووضوع يقولون لنا انتو تضربون البطاقة خطأ ؟

منطقيا شلون نضربها خطا هي تمرير على الجهاز

[غريب الدّار]

اللهم آمين ,



هي في نقطة تضايقهاااا واااااااااااايد ترفع ضغطها (اذا قلتي انا قطرية ولي حقوق)

تعصب تقول الحقوووووق لللجمييييييع مافي حد نمبر ون ونمبر تو !

:)

:nice: في منتصف الحقوق :nice:

بس كلامها صحيح ياام محمد
يعني بغض النظر اذا كانت اتطبق ولا ماتطبق

بس الكلام نفسه صحيح

مافي فرق في مجال العمل بين القطري والاجنبي الا في أمور معينة مثل الراتب مثلا او بعض المناصب اللي يجب تعيين قطريين فيها

اما غير ذلك :حضور وانصراف
ترقيات
الكل المفروض سواسية

مافي شي اسمه انا قطري لي حقوق

لان على طول بيثور تساؤل :
شنهي حقوقك فيمجال العمل اللي الأجنبي مايحق له ياخذها ؟


طبعا أتكلم في النقطة اللي الموضوع عنها الحين


يعني الحين اذا جاني المدير وقال لي اني غايب (سواء كنت غايب او ماكنت غايب )
اقدر ارد عليه وأقول له : انا قطري ولي حقوق !!!

المسالة مسالة اثبات حضور او انصراف من عدمه فقط

مالها علاقة بالجنسية

هاذي وجهة نظري


وبشرينا : وين وصلتي في الموضوع ؟

مالها الا اخونا الكريم بو علي :nice: لازم يبدي رايه ع الأقل

[أم محمد 90]

:nice: في منتصف الحقوق :nice:

بس كلامها صحيح ياام محمد
يعني بغض النظر اذا كانت اتطبق ولا ماتطبق

بس الكلام نفسه صحيح

مافي فرق في مجال العمل بين القطري والاجنبي الا في أمور معينة مثل الراتب مثلا او بعض المناصب اللي يجب تعيين قطريين فيها

اما غير ذلك :حضور وانصراف
ترقيات
الكل المفروض سواسية

مافي شي اسمه انا قطري لي حقوق

لان على طول بيثور تساؤل :
شنهي حقوقك فيمجال العمل اللي الأجنبي مايحق له ياخذها ؟


طبعا أتكلم في النقطة اللي الموضوع عنها الحين


يعني الحين اذا جاني المدير وقال لي اني غايب (سواء كنت غايب او ماكنت غايب )
اقدر ارد عليه وأقول له : انا قطري ولي حقوق !!!

المسالة مسالة اثبات حضور او انصراف من عدمه فقط

مالها علاقة بالجنسية

هاذي وجهة نظري


وبشرينا : وين وصلتي في الموضوع ؟

مالها الا اخونا الكريم بو علي :nice: لازم يبدي رايه ع الأقل

بما انك اخبر مني ,,

شالفرق بين انهاء خدمات القطري وغير القطري .

ابد سويت جدول وجنب كل يوم حطيت اني موجودة (مرفق الاثبات رقم كذا)
كل ايميل طرشته ف هاليوم ارفقته .
واليوم اللي انا مباشرة فيه وهي موقعه لي مباشرة سويته بالاصفر وثلاث علامات تعجب

بقى يوم كنت في دورة والشهادة مضيعتها مع نقل الاثاث , طلبتها من المركز وانطر يطرشون لي نسخة
بس ارفقت لها توقيعها على ان احضر الدورة .

[غريب الدّار]

بما انك اخبر مني ,,

شالفرق بين انهاء خدمات القطري وغير القطري .
:nice: في منتصف الخبرة :nice:

وش دراج اني اخبر منج؟ :anger1: يمكن مب اخبر منج

على طول دبستيني :anger1:

بس ترى سؤالج مب واضح ياام محمد
شقصدج بالفرق؟ الفرق في وشو بالضبط؟ انتي تقصدين انهاء الخدمة بالطريق االتأديبي او بغير الطريق التأديبي؟

او انتهاء الخدمة؟ ترى في فرق بين الانهاء والانتهاء

[أم محمد 90]

:nice: في منتصف الخبرة :nice:

وش دراج اني اخبر منج؟ :anger1: يمكن مب اخبر منج

على طول دبستيني :anger1:

بس ترى سؤالج مب واضح ياام محمد
شقصدج بالفرق؟ الفرق في وشو بالضبط؟ انتي تقصدين انهاء الخدمة بالطريق االتأديبي او بغير الطريق التأديبي؟

او انتهاء الخدمة؟ ترى في فرق بين الانهاء والانتهاء

بمعنى اصح

(التفنيش)

الحين احنا نبي نفنش شخص

القطري شلون اجراءات تفنيشه

والاجنبي شلون ؟

[غريب الدّار]

بمعنى اصح

(التفنيش)

الحين احنا نبي نفنش شخص

القطري شلون اجراءات تفنيشه

والاجنبي شلون ؟

في جميع الأحوال :
يجب ان يتم التحقيق مع الموظف المعني سواء قطري او اجنبي

ويتم سماع أقواله والتحقيق معه كتابة

وفي حالة ثبوت ارتكابه مخالفة من المخالفات الواردة في القانون والمستوجبة للفصل من الخدمة ، يتم انهاء خدمته بقرار من الوزير


هذا على حسب علمي

يمكن أكون غلطان بعد

[أم محمد 90]

في جميع الأحوال :
يجب ان يتم التحقيق مع الموظف المعني سواء قطري او اجنبي

ويتم سماع أقواله والتحقيق معه كتابة

وفي حالة ثبوت ارتكابه مخالفة من المخالفات الواردة في القانون والمستوجبة للفصل من الخدمة ، يتم انهاء خدمته بقرار من الوزير


هذا على حسب علمي

يمكن أكون غلطان بعد

حسب علمي ان القطري صعب تفنيشه وانهاء خدماته الى لو كان جرمه كبير

اما الاجنبي حسب علمي بعد عادي تنهى خدماته لعدم الحاجه لها او اي شي (بسيط)

ولا غلطانه

نبي حد يصحح لنا

[بريق الحق]

اعرفي كتاب حق مديرج واذا مانفع ارفعي حق مدير مكتب الوازارة الي انتي فيها الى ان توصلين الكتاب للديوان ومكتب معالي الوزير اذا جفتي مافي حل او تعاون من صوب الوزارة عندكم

[حرف]

واحد من اثنين
يا ان مديرتكم ماعندها سالفة ومضيعة وقت على الفاضي ومش واثقة فيكم
او انه كان عندكم تسيب غير طبيعي
وللاسف موظفين الوزارات اعطو انطباع غير جيد في تسيب الموظفين وغيابهم

[غريب الدّار]

حسب علمي ان القطري صعب تفنيشه وانهاء خدماته الى لو كان جرمه كبير

اما الاجنبي حسب علمي بعد عادي تنهى خدماته لعدم الحاجه لها او اي شي (بسيط)

ولا غلطانه

نبي حد يصحح لنا
:nice: في منتصف كتاب إنهاء الخدمات :nice:
شوفي ام محمد

ابي أقول شغلة بس

مافي شي اسمه جرمه كبير او خشمه صغير

العقوبات والافعال منصوص عليها في القانون

قصدي موجودة بالنص وحصرا في القانون

اذا ارتكبها القطري في الغالب (باي باي)

هذا اللي اعرفه

مقولة :
صعب تفنيش القطري
قديمة جدا
وكانت صحيحة 100%

ولازالت صحيحة بس بنسبة بسيطة جدا

القانون واضح
ومخالفة القانون تستوجب العقاب

يمكن في مسؤولين مثلا يراعون القطري اكثر

أقول يمكن

لكن القانون واضح والافعال المخالفة والعقوبات واضحة بعد

لاتخافين محد بيفنشج ان شاء الله :nice:

[aabdulla1]

الحل بسيط ضبطوا ساعاتكم على ساعة جهاز الحضور :discuss:

[ziad1971]

يا اخت ام محمد

نظام ساعات الدوام ما حد يقدر يعمله غير قسمين
الموارد البشرية وقسم نظم المعلومات

واذا في خطأ او مشكلة في النظام لازم يتوجه كتاب للموارد البشرية وهم يخاطبون نظم المعلومات عشان يشيكون اذا في عطل في نظام الوقت

وبالنسبة للمديرة انا اشوف ما لها ذنب لانه تقرير الدوام يصلها على الاميل وهي تعتبره مصدر موثوق لها بانه اوكي ومن حقها اخذ اللازم في حالة عدم التزام الموظف بقوانين الدوام، او ليس لديه عذر يثبت سبب غيابه او تأخيره.
وعلى فكرة في بعض الاوقات الموارد البشرية هيه اللي تخاطب الموظف اذا يتأخر كثير او يطلع من غير عذر وترسل كتاب للمدير تشكيه من الموظف اللي عنده.
وعليه تقرير الدوام بعد ما يعتمد من الموارد والبشرية يرسل لمدير قسمك ليعتمده، واذا المدير ما عنده علم باسباب التأخير والغياب يعطي ملاحظاته وبعدها يرسلون التقرير للادارة المالية اذا في خصومات او ما في.

والله ولي التوفيق

[معماري قطري]

النظام من يتابعه؟ اكيد حد ف الاتش ار؟
يعني لين يتسجل عليج مثلا تاخير او انتي كنتي ف دوره اسبوع وطبعا السستم غبي بيسجلج غياب لان ما بصمتي لكن الموظف المسؤول يحسب الايام لج يضيفها يدوي ف السستم؟ او يكون عن طريق التقديم اونلاين

واذا تاخرتي وايد يحط العذر الي بترسلينه له ليش متخاره
ف يكون كل شي مرتب وموجود ف السستم بتقارير اسبوعيه تنرسل لكل مسؤول اداره عن موظفينه

والتاخير بالنسبه للدقايق ماعتقد ان لازم هي تحاسب عليه لكن وقت معين مثلا عقب ربع ساعه او نص ساعه لازم يكون في عذر عن التاخير
وصج السستم يجمع دقايق التاخير وتنجمع كلها عقب بتجوفين ان تطلع بالساعات
شهريا يختلف
هي تبي تطبق السستم بس ماشيه فيه غلط او بدكتاتوريه بزياده عن اللزوم
كنت احسب ان اصعب مدير ف الدنيا مدير ادارتنا الي (عادي يقوم حد عنده موعد ف المستشفى ويرده الدوام) بس طلعتو ادمر خخخ

انا كنت شاك انج انتي مديرتها بس الحمد لله طلعتي بريئة

[معماري قطري]

الحمد لله عمري ما منعت حد طلب مني اجازة ولا عمري عقدت موضوع اداري بسيط .. وتغيير مكان عملي وكل ما امر المكان السابق الكل صديق لي ويتمنون عودتي

[معماري قطري]

الناس أمانة في عنقك يا مسؤول فلان ولهم ظروف لازم تقدرها ووقت حاجتك لهم في شغل لازم بيسونه بمحبة وطيب .. شو ما بدي بدي الناس يشتغلوا غصب .. هذي العقليات لازم تتغير

[حرف]

الناس أمانة في عنقك يا مسؤول فلان ولهم ظروف لازم تقدرها ووقت حاجتك لهم في شغل لازم بيسونه بمحبة وطيب .. شو ما بدي بدي الناس يشتغلوا غصب .. هذي العقليات لازم تتغير

زين لو كنت مدير وعندك عشر موظفين فيه منهم الملتزمين بالدوام وفيه الي يتاخرون ويطلعون بدري شنو بتسوي في هالحاله يومياً ويطلعون لك حجج واعذار قد تكون منطقيه

[حليتان*]

حلوه هاي الي بدي اياه

ياخي اشتكو عليها وماخافت من التحقيق الا تدري انها غلطانه
ترا انتو مب شغالين عندها شغالين فبلادكم هاي تبي تتحكم وبس وشكلها ماصدقت تحصل جواز

[حليتان*]

حد يحط ابرة على الكرسي اللي تقعد عليه بس لحد يقول انا قلت

بتخصم عليك ترا

[Right]

إلتزمي بالدوام الرسمي عدل ، ومحد بيفتح حلجه !

[حـ ن ـيـ ن]

اسلوبها إن التحقيق وقعه عليك كبير أسلوب تهديد ...

لا تقبلين بالخصم .،، والله يكفيكم شرها ...

[aloosh]

القطري ماكول ومذموم
ما خرب البلد الى ها الجاليه بالذات
اتمنى ان ها الجاليه يصير فيها اعاده نظر شهادات مزوه جامعه غير معترف فيها ويتم تصديق شهادتهم

[بوخميس]

القطري ماكول ومذموم
ما خرب البلد الى ها الجاليه بالذات
اتمنى ان ها الجاليه يصير فيها اعاده نظر شهادات مزوه جامعه غير معترف فيها ويتم تصديق شهادتهم

اي جالية؟

هي تقول انها من اصل عربي لكن عندها جواز قطري. يعني قطرية بحكم القانون

[الكواري 1972]

علي وعلى اعدائي

تدرجي بشواك لين توصلين الامير

ولازم الكل يشتكي مهب بس انتي

وعندكم اياها خل كل يومين وحه تشتكي

اهم شي اشدون حيلكم عليها لين يعطونها تقاعد

[حرف]

تبين الصراحة ماتنلام اكثر جهه فيها تسيب وزارتكم مايداوم الا المسئولين باقي المواظفين كونتراتهم فاضية

[معماري قطري]

زين لو كنت مدير وعندك عشر موظفين فيه منهم الملتزمين بالدوام وفيه الي يتاخرون ويطلعون بدري شنو بتسوي في هالحاله يومياً ويطلعون لك حجج واعذار قد تكون منطقيه

خلاص الحين الحمد لله دوام هاديء وشبه متقاعد .. لكن لو أكيد باراعي الظروف مثل ما كنت اسوي

فيه ناس سواءً قطريين ولا غيرهم يقول لهم مديرهم بنعطيكم اوفر تايم بس سووا الشغلة الفلانية وما يعطونهم حقهم الا بتعب وملاحق .. ولاحظت بعض المسؤولين يماطلون كنهم يعطونهم من مخابيهم .. هو اعتماد توقيع المسؤول المباشر وبس

[معماري قطري]

بتخصم عليك ترا

لو مسؤولتي بتكتب تشتكي مني هنيه

بعدين حل الابرة شوي مبالغ فيه وجربته بس بقلم رصاص مبري عدل أيام الكرسي بو اثنين وكنت في ثالث ابتدائي ونفعت الطريقة اللي يقعد عندي غير كرسيه .. بس مسكين قام يناقز ويصارخ

[R 7 A L]

تبين الصراحة ماتنلام اكثر جهه فيها تسيب وزارتكم مايداوم الا المسئولين باقي المواظفين كونتراتهم فاضية

كأني عرفت المكان الي تقصد

[حقيقه]

اذا لها ظهر قوي
فالافضل انه تحاولين تكسبينها
او تحاولين تتجنبينها وتعطينها اسباب تاخيرج او غيابج بشكل واضح وباوراق رسميه
وحتى الدورات الخارجيه انتي اكيد عندج خبر عنها قبل يوم او يومين فارسلي لها الايميل نفسه او كلميها وعطيها الموعد

[غريب الدّار]

ماقلتي لنا ياام محمد :
وين وصلتي؟

[Abdulraman]

الظاهر المديره ماعندها شغل الا الحضور والغياب
ماعليكم منها عطوها السين واذا اخصمت عليكم وانتوا حضور ارفعوا تقدير لمديرها واكتبوا انها غير لائقه نفسيه :)

[المحاميه]

كل الكلام المكتوب طوفته الا اخر جمله بكيفي واعمل اللي بدي اياه؟!!!
نعم؟!!!!!!!!!!

[المحاميه]

باختصار روحي حق المسؤول اللي فوقها وخلي كلامج موثق والسلام

[المحاميه]

حاليا ما اقدر اوصل للمدير العام , الكل يحذرني اهدي وان هي بس جذي ماعندها شغل وتهدد ومسوية لنا قلق . لاني الوحيدة شايله هم الموضوع البنات مو مفتكرين لان يعرفون طبعها بحكم انهم اقدم مني


الشور عندج
ليش تستشيرينا عيل؟