أزمة دريولية !!

[sweet qatar]

السلام عليكم ورحمة الله وبركاته

زادت ظاهرة هروب السائقين و زادت متطلباتهم لتصل لطلبهم راتب ثلاثة آلاف ريال للسايق الي عنده ليسن قطري أو خليجي


صرنا نتعامل مع المؤقتين الي يتراوح رينج الرواتب لهم من 1500 ل 2500
بس يسوق .. ما ينظف ما يغسل وما يبي كثرة مشاوير

كنت أظن انها عين وصابتنا .. صاروا الدريولية ما يتمون عندنا
مع انا ناس نخاف الله فيهم و نحترم انسانيتهم

نصبر عليهم .. يرسبون 7 مرات .. مب مشكلة ما نبي نقطع رزقهم

كسروا سيايرنا .. خذنا سيايير عائلية بأسعار معقولة
شي نحاسبهم عليه و شي لا

لكن طلعت المعاناة أكبر من حدود بيتنا

كل قروبات الواتس ما تخلا من هالسالفة

الانستقرام نفس الشي

كل الشركات والمكاتب الي تواصلنا معاهم
ما يتناقشون .. الأسعار ثابتة ولو ماعجبكم في ألف غيركم


ودي أعرف لي وين بيوصلون ؟؟

من يعوضنا عن التوتر والخوف الي كنا نعيشه لين يتعلمون السواقة
وفجأة يطلبون تدبيل راتبهم ولا ما بيشتغلون

و هل صار الليسن مفروض علينا فرض !!!!

[بانغ بانغ]

هذا هو الصداع الازلي في المجتمع القطري

وين ادارة العمل والداخلية ..... ضد المواطنين

من يحمينا .....

نطالب بهئية حماية المواطن من هالسلوكيات المؤامراتية عن طريق المكاتب

موضوع مهم ويجب الا نسكت عنه

[مرتبش]

وين يشتغلون بعد هروبهم ؟
مادام الطلب مرتفع اكيد بيهربون .. هل لجنة الاستقدام عليها مسؤولية؟ وزارة الداخلية شنو دورها مع الهاربين !صعبة تحاسبهم ومن يشغلهم ؟

[حسن]

ان اشهد يابانغ انك جبتها وانا قايلها قبل

صداع في راس الحكومات مهب في روسنا بعد
مشكله الوضع اختلف عن السابق كثيرا ولا ننسى تقارير المنظمات الارهابيه مش الحقوقيه فهم ابعد عن الحقوق
ببعد ماانكشف امرهم
الحل بايدينا مهب في ايديهم
انا اشوف الحل اولا ان نتحمل مسؤلياتنا بانفسنا ونقلل الاعتماد على الغير
ثانيا اللي يقدر يسوق من الزوجه ولا البنات يسوق وخصوصا اصبحت واقع
ثالثا بما ماعندنا شبكه مواصلات مثل اوربا على الاقل تقدر تتنقل بواسطه الشبكه
وهذا قادم لا محاله وكل مرحله لها ظروفها اليوم بنقول مانركب غدا بنركب بعد ماتحدنا الظروف
بدون هذه الخطط الاستراتيجيه بنظل في دوامه مفرغه ولا نتخلص منها والله يعينكم ياللي مبتلى ومعتمد عليهم

[بانغ بانغ]

ان اشهد يابانغ انك جبتها وانا قايلها قبل

صداع في راس الحكومات مهب في روسنا بعد
مشكله الوضع اختلف عن السابق كثيرا ولا ننسى تقارير المنظمات الارهابيه مش الحقوقيه فهم ابعد عن الحقوق
ببعد ماانكشف امرهم
الحل بايدينا مهب في ايديهم
انا اشوف الحل اولا ان نتحمل مسؤلياتنا بانفسنا ونقلل الاعتماد على الغير
ثانيا اللي يقدر يسوق من الزوجه ولا البنات يسوق وخصوصا اصبحت واقع
ثالثا بما ماعندنا شبكه مواصلات مثل اوربا على الاقل تقدر تتنقل بواسطه الشبكه
وهذا قادم لا محاله وكل مرحله لها ظروفها اليوم بنقول مانركب غدا بنركب بعد ماتحدنا الظروف
بدون هذه الخطط الاستراتيجيه بنظل في دوامه مفرغه ولا نتخلص منها والله يعينكم ياللي مبتلى ومعتمد عليهم

مختزل الكثير
لي عودة
حابيب

[معماري قطري]

دريولي كنت اعطيه 1400 قبل ليروح طلب 200 زيادة لا وكنت معطيه نهاية خدمة 1000 عن كل سنة وغير عن كنت ازيده بروحي بدون ما يطلب .. قلت له انت تامر وانا لك اطامر .. هو يستاهل مسكين ما يقصر في شيء .. واخوه ياخذ 1000 ريال وشكله بيطالب بعد.

سمعت عن جهات تطلبهم من بلدانهم باعلانات عن رواتب توصل 3500 وسكن مشترك ومكيف مع ربعهم وسوالف حلوة ومجهزين لهم كل شيء حتى الأكل متوفر ورخيص .. والقادم بيكون أصعب بسبب زيادة السكان وزيادة الزحمة وطلب السائقين بطريقة غير قانونية وتشغيلهم.

[معماري قطري]

ان اشهد يابانغ انك جبتها وانا قايلها قبل

صداع في راس الحكومات مهب في روسنا بعد
مشكله الوضع اختلف عن السابق كثيرا ولا ننسى تقارير المنظمات الارهابيه مش الحقوقيه فهم ابعد عن الحقوق
ببعد ماانكشف امرهم
الحل بايدينا مهب في ايديهم
انا اشوف الحل اولا ان نتحمل مسؤلياتنا بانفسنا ونقلل الاعتماد على الغير
ثانيا اللي يقدر يسوق من الزوجه ولا البنات يسوق وخصوصا اصبحت واقع
ثالثا بما ماعندنا شبكه مواصلات مثل اوربا على الاقل تقدر تتنقل بواسطه الشبكه
وهذا قادم لا محاله وكل مرحله لها ظروفها اليوم بنقول مانركب غدا بنركب بعد ماتحدنا الظروف
بدون هذه الخطط الاستراتيجيه بنظل في دوامه مفرغه ولا نتخلص منها والله يعينكم ياللي مبتلى ومعتمد عليهم

بنركب اخوي حسن بس نبي محطات أقل شيء فيها مواقف لسياراتنا .. تخيل العيال يطلعون للمدرسة ويمشون للمحطة ويمشون من المحطة الى المدرسة .. غير عن المشاكل الأمنية اللي ممكن يتعرضون لها حتى في وجود الكاميرات .. كاميرات بدون حد يتابع أي شكوى ويهتم ما تسوى شيء .. لا وتركب قاعد عندك واحد شعره كله زيت وعرقه يقطر وريحته الله يفكك منها.

لا تتخيل الريل بيحل مشكلة هو ممكن يحل مشكلة فئة العمال ويخفف الزحمة لكن مشكلتنا احنا أزلية وصعبة الحل.

[sweet qatar]

هذا هو الصداع الازلي في المجتمع القطري

وين ادارة العمل والداخلية ..... ضد المواطنين

من يحمينا .....

نطالب بهئية حماية المواطن من هالسلوكيات المؤامراتية عن طريق المكاتب

موضوع مهم ويجب الا نسكت عنه

للأسف مافي أي تعويض للخساير المادية والمعنوية للمواطن

ولا في جهة رسمية تقدر تاخذ منها سايق مؤقت مثل دبي


وين يشتغلون بعد هروبهم ؟
مادام الطلب مرتفع اكيد بيهربون .. هل لجنة الاستقدام عليها مسؤولية؟ وزارة الداخلية شنو دورها مع الهاربين !صعبة تحاسبهم ومن يشغلهم ؟

هذا الي يحير فعلاً

واحد من الدريولية المؤقتين اتفقت مع الي جابه اعطيه راتب عالي

قبل التاريخ المتفق عليه قال لي هو ما يبي يشتغل

شلون عايش ؟؟ و وين قاعد ؟؟ شلون مدبر أموره لدرجة إنه يرفس النعمة
ولا يحتاج للراتب !!!

[sweet qatar]

ان اشهد يابانغ انك جبتها وانا قايلها قبل

صداع في راس الحكومات مهب في روسنا بعد
مشكله الوضع اختلف عن السابق كثيرا ولا ننسى تقارير المنظمات الارهابيه مش الحقوقيه فهم ابعد عن الحقوق
ببعد ماانكشف امرهم
الحل بايدينا مهب في ايديهم
انا اشوف الحل اولا ان نتحمل مسؤلياتنا بانفسنا ونقلل الاعتماد على الغير
ثانيا اللي يقدر يسوق من الزوجه ولا البنات يسوق وخصوصا اصبحت واقع
ثالثا بما ماعندنا شبكه مواصلات مثل اوربا على الاقل تقدر تتنقل بواسطه الشبكه
وهذا قادم لا محاله وكل مرحله لها ظروفها اليوم بنقول مانركب غدا بنركب بعد ماتحدنا الظروف
بدون هذه الخطط الاستراتيجيه بنظل في دوامه مفرغه ولا نتخلص منها والله يعينكم ياللي مبتلى ومعتمد عليهم

للأسف هذا الي بيصير :weeping:

السواقة سهلة .. لكن شوارع الدوحة مرعبة

الله يستر و ييسر

[حرف]

اللوم على الي يشغلون الناس الهاربه اتمنى ينحبسون

[sweet qatar]

دريولي كنت اعطيه 1400 قبل ليروح طلب 200 زيادة لا وكنت معطيه نهاية خدمة 1000 عن كل سنة وغير عن كنت ازيده بروحي بدون ما يطلب .. قلت له انت تامر وانا لك اطامر .. هو يستاهل مسكين ما يقصر في شيء .. واخوه ياخذ 1000 ريال وشكله بيطالب بعد.

سمعت عن جهات تطلبهم من بلدانهم باعلانات عن رواتب توصل 3500 وسكن مشترك ومكيف مع ربعهم وسوالف حلوة ومجهزين لهم كل شيء حتى الأكل متوفر ورخيص .. والقادم بيكون أصعب بسبب زيادة السكان وزيادة الزحمة وطلب السائقين بطريقة غير قانونية وتشغيلهم.

والله احنا ما نقصر معاهم أبد وبعد ما يبين في عينهم

المصيبة يا معماري شغلهم شغل عصابات

شوفهم في باركنج الدوام يتعرفون علي بعض عقب اتصالات ما توقف

لين الدريول يشرد ولا يسافر وما يرجع لك

لاقي شغل في الكويت ولا في السعودية !!

حسبي الله ونعم الوكيل

[sweet qatar]

اللوم على الي يشغلون الناس الهاربه اتمنى ينحبسون

معليه ما تدري شنهي ظروفهم .. و يمكن ما يدرون إنه شارد

البلا كله من الوسيط الي مكود عنده هالدريولية و يكسب الآلاف من وراهم

هذا الي يسمونه الإتجار بالبشر .. وين حقوق الإنسان !!!!

[معماري قطري]

والله احنا ما نقصر معاهم أبد وبعد ما يبين في عينهم

المصيبة يا معماري شغلهم شغل عصابات

شوفهم في باركنج الدوام يتعرفون علي بعض عقب اتصالات ما توقف

لين الدريول يشرد ولا يسافر وما يرجع لك

لاقي شغل في الكويت ولا في السعودية !!

حسبي الله ونعم الوكيل

متأكد أهل قطر ما يقصرون وانا مثالي ذكرته ان الراتب اللي اعطيه هالوقت قليل .. بس انا اسلوبي معاهم طيب واعوضهم بأشياء ثانية .. دريولي حصله كفيله السابق وبغى يخونه علي وقال له تعال عندي باعطيك 1500 وكان راتبه وقتها حول ال 1000 ما رضى وقال كفيلي كان متعبني وايد هو وزوجته واخوانه واشتغل ليل ونهار وانت مرتاح عندك.

بعدين ذيلا يمرون بظروف ويحتاجون سلف .. انا دوم احط نفسي في موقفهم خصوصاً واحد بيسافر حق هله وبيقعد شهرين وما عنده معاش اعطيه مبلغ واقول له تبي زيادة سلف ترجعها على راحتك لين رجعت.

بالنسبة للأكل لازم ندلعهم باللي يحبون ونعطيهم من أكلنا .. والحمد لله .. حتى آحس اني مب بحاجة اخوه لكن اقول لازم يكون احتياط معاه ولو ما احتجته بانقل كفالته لواحد فيه خير .. ألحين واحد للبنات للمدارس والجامعة والثاني لولدي اللي بيدخل 16 ومزعجني متهدد على السواقة.

[معماري قطري]

انتوا تتكلمون عن وضع كفيل وهروب سايق .. بيتم الغاء نظام الكفالة قريباً وبيستوي اللي عنده شركة فيها 1000 عامل ما يقدر يديرهم ولا يدبر رواتبهم بسبب مطالباتهم اللي ما تخلص ولا بنروح بنشوف غيرك .. نفس الوضع للسائقين الخاصين اتوقع.

[السيف5]

اي والله هذا اللي حاصل
والبلا في اللي يشغل له واحد هارب
لو يخلونهم يقطنون مايلقون حد كان مافكر يشرد
والمشكلة احيانا يحن عليك يدوّر الفنش وعقب فترة بسيطة تلاقيه
رجع الدوحة واشتغل بشركة وانا اللي تعبت عليه ومطلع له الليسن

[Dana’1]

فعلا فيه هالنوع سواقين ،، وبعد فيه سواقين اخلاق ،، وهي حطوظ وتوافيق^_ظھ
الحل بالذات للي ماتبغى تسوق بشكل دايم وبنفس الوقت ماتبغى استغلال السواق المؤقت
هو إنها تاخذ ليسن ،،، في حال هروب السايق تقدر تسوق لين تجيب سايق ثاني يكون جاهز واقل شي عنده ليسن خليجي عشان ما تتبهذل معه بالمدرسه وكذا^_^

طبعا هذا مو حل دايم ،،، لأن الحل الرئيسي لازم يكون من الدوله بتطبيق القوانييين الصارمه مع الهاربين وإجبارهم اما بالعمل ونهاء مدة العقد او إستردااد الأموال الي صرفها الكفيل
عليهم من مدرسه سواقه وغيرها

[العملة النادرة]

نفس المعاناة حاليا عندي دريول موقت برضى من كفيله المسافر لفترة طويله خارج البلاد بمبلغ شهري 2500 ولا يسوي شي في البيت غير انه سايق فقط ....

[أم محمد 90]

تعاقدي مع شركه شهريا اريح لج

[bu_yousef]

والله الوضع مشترك

عندي وعند واحد من الربع اجازة وع اساس ان بيرجع وسحبوا

[لـبـيـه]

مشكله ازليه

[المحاميه]

اكره هالطاري

عطونا ليسن وفكونا منهم :weeping:

[كشمه]

كل شي بيتغير حتى الظروف المحيطة بنا بتتغير مافي شي يتم على طول

اذا ما غيرنا نمط حياتنا واعتمدنا على نفوسنا ولا محد راح ينفعنا وبيستغلونا اكثر واكثر
شركات السيارات والمناديب تارسة البلد ليش ابني حجرة حق شخص يجيب المرض وافلام دعاره وتصير حجرته مقلط حق دريولية الفريج وعندي بنات وعيال صغار , وياخذ من مساحة ارضي بدون فايده ولا عايده , وياكل ويشرب ويتدحدح على حسابي واخرتها يتحكم فيني وفي حلالي ومب عاجبه
افضل الحلول الاعتماد على النفس والسواقة الحذرة للحاجة القصوى للحريم وتسنع الرياييل وكلن يجابل هله وشوفاته ويخلي عنه المطامر بين ربوع سيلين شوية

[حرف]

معليه ما تدري شنهي ظروفهم .. و يمكن ما يدرون إنه شارد

البلا كله من الوسيط الي مكود عنده هالدريولية و يكسب الآلاف من وراهم

هذا الي يسمونه الإتجار بالبشر .. وين حقوق الإنسان !!!!

لا انتي الي ماعليه
الخلل فينا دام نشغل احد عندنا موب على كفالتنا

[رآعي موآجيب]

لا تروحون ولا تجون ولا تكثرون في الشرح والكلام اللي ما منه فايده

السر انهم يعرفون كل شي عنا وعن الضغوط اللي علينا و يعرفون اننا مرعوبين من اوضاعنا اللي بتكون سيئه بعد فتره
ويعرفون ان كل شي بيصب لصالحهم فقط
قمنا نتودد لهم بذل وأهانه خوفاً ورعباً منهم لا يروحون عنا او بكل بساطه يقول ما ابغي اشتغل عندك ، ودايما هم المصدقين واحنا الكذابين
استقدمت خادمه من 4 سنين ، تمت عندنا لين كملت 90 يوم بالتمام والكمال ، اليوم الـ 91 هربت وطبعا المكتب قبضني الباب الشرقي من أوسع ابوابه
قدمت بلاغ بنفس الوقت وتوه جايني مسج من حروة شهر خروجها من البلاد ، زين حلالي يالربع !!؟ فلوس المكتب من يعوضني عنها ؟ بس تجي على اسمي وتشرد بعد الضمان وتكد 4 سنين واذا شبعت من البلاد ومن الفلوس تسلم نفسها للبحث والمتابعه ، يأكلونها 3 أيام عيش وصالونه عقبه تسافر على بلادها سلاما سلاما !!؟
ليش ما يحجزون لها بزنس كلاس مره وحده وينشرونها في الجرايد البريطانيه والروسيه والامريكيه
اقسم بالله ان اهلي يتشكون من السايق بكل شي ، حتى انه يناحس في الشارع ويلف على الناس ويسرع ، واقولهم الحين بروح اللعن خامسه ( اذا قابلته ممكن اعطيه بخشيش واقوله هااا كيف حالك ؟ كل شي زين ! )

مع الأسف الشديد هذي ضريبه ثقيله ومزعجه جدا بيدفعها كل مواطن ، او بمعنى أصح بدأنا بدفعها فعلا

لا نريد ان يكون القانون معنا بكل الأحوال ، ولكن لا نريده ان يكون ضدنا بكل الأحوال انصفونا بالقوانين فقط

وسافروا بلادهم وشوفوا كيف يعاملونكم من باب المطار وانت داخل الى باب المطار وانت طالع
تراهم في نعمه وخير ورخا في قطر ، وإلا ما كان تغربوا سنين طويله واهم عاضَين على الديره بأسنانهم عضَ ، واللي يسفرونه لسبب ما يكون شبه ميت من الألم والحسره

اذا فيه تجاوزات من الشركات فعليكم بالشركات ، أصحابها هوامير وبخير ومقبضين هالشركات والخيط والمخيط لمدراء من بني جلدتهم .

[راجي الْعفو]

وعليكم السلام و رحمة الله و بركاته

الله يعينج و ييسر امورج


بحكم ان اكثر فئة تحتاج للدريوليه هم النساء

فانا اقول ان عدم خروج المراة في العموم من المنزل الا لضرورة و حاجة مُلِحّة

ستحل جزء كبير جداً من هالازمة

وهذا يرجع لولي الامر


والامر الاخر هو تولي الرجل مسؤولية البيت قدر استطاعته لانه

وهذي النقطه ايضا تحل جزء اخر كبير من مشكلة الحاجة للسواقين


ونصيحة للي يجيب دريول انه يحاول يجيب شخص سنع و كبير في السن

[ضوى]

الحل تنقبر المراة في البيت وهذا بيحل مشكلة الدريولية

[H H]

مايضحكني الا الي يقول , مايبون يشتغلون فالبيت بعد هههههههههههههههههههه.


عموما هذا السوق , عرض وطلب , انا لو تجيني وظيفه براتب اعلى 40% , قدمت استقالتي ثاني يوم , مع ان الامور طيبه وان شالله محد فينا محتاج.
لكن الانسان بطبعه يحب الخير لنفسه , فما بالكم بشخص راتبه الفين ثلاثه , اكيد انه يبي راتب اعلى حتى لو بالف ريال , لاتلومونهم.

حاولوا تقترحون قوانين تساعد في حفظ الحقوق , مثل بعض الجهات , اذا ارسلتك بعثه للدراسه الجامعيه او الدراسات العليا
توقعك على ورقه انك بتشتغل معهم سنتين بعد هالبعثه ومايحقلك تستقيل خلال هالفتره, واذا استقلت ترد الفلوس الي انصرفت عليك لجهة عملك.

اما سوالف اللوم فهذي لايقبلها عقل ولامنطق , مثل ماقلت ,كلن يحب الخير لنفسه.

[أم محمد 90]

الحل تنقبر المراة في البيت وهذا بيحل مشكلة الدريولية

ماهقيتها منج يا ضوى

[الحياة الخالدة]

و على فكرة الدريول يحتاجون له لشراء أغراض البيت .. و توصيل العيال من و إلى المدرسة .. بدال ولي الأمر المشغول ( الله يكون في عونه )
يعني مب شرط خص نص محطوط على حساب حريم البيت
إلا إذا بعد ما تبون أغراض للبيت .. و ما تبون العيال يروحون المدارس .. هذا شي ثاني

[بريق الحق]

الله يعين الجميع يارب
مالوم الحريم يسوقون ( للعلم ضد السواقه انا ) لكن صارو بعض اشباه الرجال يقطون كل شي عالحريم لكم الله

[ضوى]

ماهقيتها منج يا ضوى

خذي وخلي ام محمد

في ناس ودها يكون فراش المرة في البيت قبر ماتطلع منه الا عالحمام الله يعزج

[الحياة الخالدة]

الله يعين الجميع يارب
مالوم الحريم يسوقون ( للعلم ضد السواقه انا ) لكن صارو بعض اشباه الرجال يقطون كل شي عالحريم لكم الله

ماعليه أخوي بريق ..
الله المستعان

[♫ احسـاسـ طفلـهـ ♫]

انتوا تتكلمون عن وضع كفيل وهروب سايق .. بيتم الغاء نظام الكفالة قريباً وبيستوي اللي عنده شركة فيها 1000 عامل ما يقدر يديرهم ولا يدبر رواتبهم بسبب مطالباتهم اللي ما تخلص ولا بنروح بنشوف غيرك .. نفس الوضع للسائقين الخاصين اتوقع.

انا اللي عرفته والله اعلم ان نظام الكفالة سيتم الغاءه لكبار الموظفين منهم فقط مو للباقي وشي منطقي لو صار لان مو متاكده بس هاي اللي وصلني لحد الان وماراح يضر احد لو كان هالكلام صحيح والباقي بيتمون على نفس الحال :) ..

[راجي الْعفو]

وحل اخر للي تضر للدريولية وأشوف البعض مطبقه

انه يعلم الشغالة السواقة ، فيمكن يكون أأمن لها نوعا ما

[الحياة الخالدة]

و هالشغالة اللي بتحل مشكلة الدريول :
تبونها مسترجلة والا طبيعية
مسلمة و الا مسيحية والا بدون ديانة
إذا مسلمة : شنو الفرق بينها و بين حريم البيت .. أقصد ليش السواقة حلال لها و حرام عليهم
و اذا مب مسلمة : شلون تشغلونها في بيت المسلمين
و اذا عادي تشغلون مب مسلمة : يجوز اللي مب مسلمة تسوق والا تطبقون عليها نفس الأحكام على حريم المسلمين

نورونا يا جماعة .. ترا احترنا

[♫ احسـاسـ طفلـهـ ♫]

والله اكثر ناس مرتاحين بقطر اتوقع من هالخرابيط احنا في البيت لا خدامه ولا دريول اللهم لك الحمد هههه .. عن نفسي شخصيا اسوق واطلع مشاويري كلها وشغلي ومشاوير اهلي مرات وعادي الحمدلله ولا احس بتبهدل بالعكس احس بفخر اني ماعتمد على هالاشكال وامان اكثر لاني انا اللي اسوق وسواقتي اثق فيها بس هالعله يقعد يسوق ويعصب جان يدعم فينا ولا يلف على حد ولا يقلب فينا السياره ولا يسوي له سوالف خايسه .. والخدامات مانحتاجهم كلنا في البيت نشتغل مع بعض كلن على مكانه والوالده حالفه ماتبي خدم بالبيت تقول بسوي كل شي بس لا تجيبون لي خدم مابيهم وكلنا مستانسين نغسل و انظف والوالده ماتحب حد يطبخ غيرها ونرتب وكل شي نسويه وبلعكس صحتنا احسن من غيرنا لان في الحركه بركه طبعا والواحد بالعكس يحس دوم بالنشاط والحيويه حتى الله يبارك له في صحته لانه اعتمد على نفسه ويتوكل على الله ويشتغل بيده .. شوفوا الغرب كله يسون كل شي حق نفسهم ولا اعتماد على هالاشكال ولا شي ومتعافين مادري هني ليش الثقافه ان الواحد بيموت اذا ماعنده دريول ولا خدامه جنهم اكسير الحياه والله انا بالنسبه لي ولاهلي هم بلاوي الحياه وامراض الحياه وعللها ولا انطيق وجودهم بالمره يرفعون الضغط اغلبهم :anger1:

[sweet qatar]

انتوا تتكلمون عن وضع كفيل وهروب سايق .. بيتم الغاء نظام الكفالة قريباً وبيستوي اللي عنده شركة فيها 1000 عامل ما يقدر يديرهم ولا يدبر رواتبهم بسبب مطالباتهم اللي ما تخلص ولا بنروح بنشوف غيرك .. نفس الوضع للسائقين الخاصين اتوقع.

احنا نتكلم عن حقنا الضايع :(

ابي قانون يحميني من الاستغلال


اي والله هذا اللي حاصل
والبلا في اللي يشغل له واحد هارب
لو يخلونهم يقطنون مايلقون حد كان مافكر يشرد
والمشكلة احيانا يحن عليك يدوّر الفنش وعقب فترة بسيطة تلاقيه
رجع الدوحة واشتغل بشركة وانا اللي تعبت عليه ومطلع له الليسن

والله لو ما حصل مواطن يشغله بيحصل له من جنسيته ألف يدبرون له
شغل و سكن

حسبي الله عليهم .. الله يعوضنا ويعوضك خير


فعلا فيه هالنوع سواقين ،، وبعد فيه سواقين اخلاق ،، وهي حطوظ وتوافيق^_ظھ
الحل بالذات للي ماتبغى تسوق بشكل دايم وبنفس الوقت ماتبغى استغلال السواق المؤقت
هو إنها تاخذ ليسن ،،، في حال هروب السايق تقدر تسوق لين تجيب سايق ثاني يكون جاهز واقل شي عنده ليسن خليجي عشان ما تتبهذل معه بالمدرسه وكذا^_^

طبعا هذا مو حل دايم ،،، لأن الحل الرئيسي لازم يكون من الدوله بتطبيق القوانييين الصارمه مع الهاربين وإجبارهم اما بالعمل ونهاء مدة العقد او إستردااد الأموال الي صرفها الكفيل
عليهم من مدرسه سواقه وغيرها




ياليت والله نلقي حد ينظم الموضوع ويحفظ حقوقنا

والله شغلهم شغل عصابااااات .. وهالشي أكيد له تأثير علي المجتمع ككل

[sweet qatar]

نفس المعاناة حاليا عندي دريول موقت برضى من كفيله المسافر لفترة طويله خارج البلاد بمبلغ شهري 2500 ولا يسوي شي في البيت غير انه سايق فقط ....

الله يعطيكم خيره ويكفيكم شره

الحمدلله الي سخر لكم الكفيل


تعاقدي مع شركه شهريا اريح لج

كلهم نفس الشي
جربنا الشركات والليموزينات


والله الوضع مشترك

عندي وعند واحد من الربع اجازة وع اساس ان بيرجع وسحبوا

الله يعوضنا ويعوضكم خير



مشكله ازليه

الله يفرجها

هالمشكلة لما بدت كثرت سوالف السرقات في البيوت
استمرارها مب من مصلحة المجتمع ولا المقيمين

[دايموند]

2000 و3000 ريال رواتب دريوليه !!تهقون ليش بدوا يطلبون هالرواتب؟!!

لان في (البعض) القطريين عادي يدفع للدريول 3000 ريال !!!ا

الناس مستوايات..المصيبه كل مازادت الفلوس بدوا. البعض منهم بزبو

انا اشوف 1500 ريال وايد ع الدريول ...يكفي السكن والاكل ببلاش..

[sweet qatar]

اكره هالطاري

عطونا ليسن وفكونا منهم :weeping:

عطوني قوة أعصاب .. عشان أطلع ليسن :(


كل شي بيتغير حتى الظروف المحيطة بنا بتتغير مافي شي يتم على طول

اذا ما غيرنا نمط حياتنا واعتمدنا على نفوسنا ولا محد راح ينفعنا وبيستغلونا اكثر واكثر
شركات السيارات والمناديب تارسة البلد ليش ابني حجرة حق شخص يجيب المرض وافلام دعاره وتصير حجرته مقلط حق دريولية الفريج وعندي بنات وعيال صغار , وياخذ من مساحة ارضي بدون فايده ولا عايده , وياكل ويشرب ويتدحدح على حسابي واخرتها يتحكم فيني وفي حلالي ومب عاجبه
افضل الحلول الاعتماد على النفس والسواقة الحذرة للحاجة القصوى للحريم وتسنع الرياييل وكلن يجابل هله وشوفاته ويخلي عنه المطامر بين ربوع سيلين شوية

لو في إمكانية بنقول اوكي

لكن الشايب شلون بيقوم بمشاوير بيته !!

الرجال المتغرب لشغل أو دراسة شلون أرده عشان يوصل !!

الرجال الي عنده شفت أو طبيعة عمله ماتسمح !!

ياليت الي عنده إمكانية يقوم ببيته و الله ياجره

لكن الي ما يقدر شيسوي !!


لا انتي الي ماعليه
الخلل فينا دام نشغل احد عندنا موب على كفالتنا

الله لا يحوجك لهم

[sweet qatar]

لا تروحون ولا تجون ولا تكثرون في الشرح والكلام اللي ما منه فايده

السر انهم يعرفون كل شي عنا وعن الضغوط اللي علينا و يعرفون اننا مرعوبين من اوضاعنا اللي بتكون سيئه بعد فتره
ويعرفون ان كل شي بيصب لصالحهم فقط
قمنا نتودد لهم بذل وأهانه خوفاً ورعباً منهم لا يروحون عنا او بكل بساطه يقول ما ابغي اشتغل عندك ، ودايما هم المصدقين واحنا الكذابين
استقدمت خادمه من 4 سنين ، تمت عندنا لين كملت 90 يوم بالتمام والكمال ، اليوم الـ 91 هربت وطبعا المكتب قبضني الباب الشرقي من أوسع ابوابه
قدمت بلاغ بنفس الوقت وتوه جايني مسج من حروة شهر خروجها من البلاد ، زين حلالي يالربع !!؟ فلوس المكتب من يعوضني عنها ؟ بس تجي على اسمي وتشرد بعد الضمان وتكد 4 سنين واذا شبعت من البلاد ومن الفلوس تسلم نفسها للبحث والمتابعه ، يأكلونها 3 أيام عيش وصالونه عقبه تسافر على بلادها سلاما سلاما !!؟
ليش ما يحجزون لها بزنس كلاس مره وحده وينشرونها في الجرايد البريطانيه والروسيه والامريكيه
اقسم بالله ان اهلي يتشكون من السايق بكل شي ، حتى انه يناحس في الشارع ويلف على الناس ويسرع ، واقولهم الحين بروح اللعن خامسه ( اذا قابلته ممكن اعطيه بخشيش واقوله هااا كيف حالك ؟ كل شي زين ! )

مع الأسف الشديد هذي ضريبه ثقيله ومزعجه جدا بيدفعها كل مواطن ، او بمعنى أصح بدأنا بدفعها فعلا

لا نريد ان يكون القانون معنا بكل الأحوال ، ولكن لا نريده ان يكون ضدنا بكل الأحوال انصفونا بالقوانين فقط

وسافروا بلادهم وشوفوا كيف يعاملونكم من باب المطار وانت داخل الى باب المطار وانت طالع
تراهم في نعمه وخير ورخا في قطر ، وإلا ما كان تغربوا سنين طويله واهم عاضَين على الديره بأسنانهم عضَ ، واللي يسفرونه لسبب ما يكون شبه ميت من الألم والحسره

اذا فيه تجاوزات من الشركات فعليكم بالشركات ، أصحابها هوامير وبخير ومقبضين هالشركات والخيط والمخيط لمدراء من بني جلدتهم .

صدقت والله يصلح الحال

[sweet qatar]

وعليكم السلام و رحمة الله و بركاته

الله يعينج و ييسر امورج


بحكم ان اكثر فئة تحتاج للدريوليه هم النساء

فانا اقول ان عدم خروج المراة في العموم من المنزل الا لضرورة و حاجة مُلِحّة

ستحل جزء كبير جداً من هالازمة

وهذا يرجع لولي الامر


والامر الاخر هو تولي الرجل مسؤولية البيت قدر استطاعته لانه

وهذي النقطه ايضا تحل جزء اخر كبير من مشكلة الحاجة للسواقين


ونصيحة للي يجيب دريول انه يحاول يجيب شخص سنع و كبير في السن

ممكن سؤال أخوي

ليش إساءة الظن ؟؟

طيب المرة الي بتطلع وين بتروح !!




الحل تنقبر المراة في البيت وهذا بيحل مشكلة الدريولية

:(




مايضحكني الا الي يقول , مايبون يشتغلون فالبيت بعد هههههههههههههههههههه.


عموما هذا السوق , عرض وطلب , انا لو تجيني وظيفه براتب اعلى 40% , قدمت استقالتي ثاني يوم , مع ان الامور طيبه وان شالله محد فينا محتاج.
لكن الانسان بطبعه يحب الخير لنفسه , فما بالكم بشخص راتبه الفين ثلاثه , اكيد انه يبي راتب اعلى حتى لو بالف ريال , لاتلومونهم.

حاولوا تقترحون قوانين تساعد في حفظ الحقوق , مثل بعض الجهات , اذا ارسلتك بعثه للدراسه الجامعيه او الدراسات العليا
توقعك على ورقه انك بتشتغل معهم سنتين بعد هالبعثه ومايحقلك تستقيل خلال هالفتره, واذا استقلت ترد الفلوس الي انصرفت عليك لجهة عملك.

اما سوالف اللوم فهذي لايقبلها عقل ولامنطق , مثل ماقلت ,كلن يحب الخير لنفسه.

معليش يمكن الموضوع مش واضح بالنسبة لك

انا جايبة دريول .. إذا ما يبي يشتغل يعطيني الي صرفته عليه و يتوكل

يعطيني فرصة ارتب أوضاعي قبل لا يشرد

أما اتفاجاء إنه شرد وأنا عندي التزامات

هاي في اي شرع وأي منطق !!!!

لي حق ومابي حد يظلمني

[حرف]

شسالفة تحول الموضوع من مشاكل الدريوليه لاولياء الامور !
المشكلة ماحد حمل الطرف الثاني الاسباب والتقصير
ليش

[راجي الْعفو]

اخت سويت الله يرحم والديج

ما أسأت الظن و لا وجهت الكلام لج

كلامي كان عن مشكلة السواقين و كيفية البحث عن حلول للاستغناء عنهم عشان ما نتوهق مع سوالفهم

والحلول اللي ذكرتها في نظري القاصر اشوفها حقيقية و واقعية

وكلن له ظروفه

بالتوفيج ..

[ريم الشمال]

المرأة تسوق وولي امرها يضع لها ضوابط وقواعد

1-من الدوام إلي للبيت( ويجب عليها الالتزام لأنه وثق فيها فلابد أن تكون قد الثقه )

2- تخرج للضرورة للمجمعات والاسواق وفي وقت النهار .

3- خروج النساء في الليل ممنوع ليس لأن زوجها أو الاب أو الاخ منعها هي بذاتها تمنع نفسها لكي تحافظ على نفسها وإذا في ضرورة الزوج والأخ والأب موجود في الليل يذهب بها حيث تريد ( الالتزام من جميع الاطراف حتى تكون الحياة سهلة ونتخلص من هؤلاء وهمهم ويكون وجودهم عند الاحتياج فقط مثل الاطفال في المدارس المرحلية ، وإذا الام لا تعمل فهي تقوم بهذه المهم ولا وجع الرأس والمخاسير وإذا تعمل يمكن تقسيم المهمة بينها وبين زوجها المدارس القريبة من نصيبها والبعيدة من نصيب رب الاسرة وإذا في أكثر من شخص يقود يمكن توزيع المهام عليهم )

فكروا أن الحياة تحتاج تخطيط والاعتماد على النفس ومتى ما كان السائق طيب ويؤدي مهامه يبقى ومتى ما عنفص الباب الشرقي اقرب له ( وبتأدبون لكم )

[راجي الْعفو]

اخت ريم الشمال ، بارك الله فيك و فيما سطرتِ ..


بس الحقيقية ان موضوع الضوابط هذا ما له وجود في الواقع

نسبة لا تذكر

والسبب : تساهل الرجال في اعراضهن
وكل شي صار : عادي وما فيها شي

ولذلك الناس اللي تعارض سواقة المراة

يعلمون حقيقتها و ما يحوطها من امور


الله يستر عالجميع و ييسر أمورهم

[ريم الشمال]

أخي راجي إذا الخلل ليس في سواقة المرأة وأنما ولي امرها الذي ضيع الأمانة
هناك نساء تعرف أن ولي امرها غير جدير وتعمل على حماية نفسها ولا تنتظر أن يكون أحد قيم عنها
هذا ما سطرته هو لهؤلاء النساء التي تعرف هناك خلل في ولي أمرها ولكنها هي لن تضيع نفسها لأنه متساهل
راجي في نساء تقوم اعوجاج الرجال لما يتميز به من قوة حتى لوهو اعوج هي تصلبه وتخليه ينصلب

[حرف]

اخت ريم الشمال ، بارك الله فيك و فيما سطرتِ ..


بس الحقيقية ان موضوع الضوابط هذا ما له وجود في الواقع

نسبة لا تذكر

والسبب : تساهل الرجال في اعراضهن
وكل شي صار : عادي وما فيها شي

ولذلك الناس اللي تعارض سواقة المراة

يعلمون حقيقتها و ما يحوطها من امور


الله يستر عالجميع و ييسر أمورهم

شالسبب الي خلا الرجال يتساهلون في اعراضهم ؟

[راجي الْعفو]

أخي راجي إذا الخلل ليس في سواقة المرأة وأنما ولي امرها الذي ضيع الأمانة
هناك نساء تعرف أن ولي امرها غير جدير وتعمل على حماية نفسها ولا تنتظر أن يكون أحد قيم عنها
هذا ما سطرته هو لهؤلاء النساء التي تعرف هناك خلل في ولي أمرها ولكنها هي لن تضيع نفسها لأنه متساهل
راجي في نساء تقوم اعوجاج الرجال لما يتميز به من قوة حتى لوهو اعوج هي تصلبه وتخليه ينصلب

صحيح ، ومن منع السواقة لم يمنعها لذاتها و انما لما يترتب عليها

وكما ذكرت لك ان الغالب ليس متقيدا بالضوابط

والحكم يكون للغالب

اما الفئة التي اشرت لها فنسبتها قليله

تقويم النساء للرجال او العكس ، موضوع طويل مؤلم ...

شالسبب الي خلا الرجال يتساهلون في اعراضهم ؟

ضعف الغيرة الناتج عن ضعف الديانة

ومن اهم الاسباب ايضا :

التشبع بالأفكار الدخيلة غير السويّة
والاحتكاك الكثير بالأشخاص المُحمّلين بالأفكار الانفتاحية


والمثل يقول : كثر المساس يميت الإحساس

وهذا الحاصل ...

والمعذرة لصاحبة الموضوع ..

[sweet qatar]

اخت سويت الله يرحم والديج

ما أسأت الظن و لا وجهت الكلام لج

كلامي كان عن مشكلة السواقين و كيفية البحث عن حلول للاستغناء عنهم عشان ما نتوهق مع سوالفهم

والحلول اللي ذكرتها في نظري القاصر اشوفها حقيقية و واقعية

وكلن له ظروفه

بالتوفيج ..


والدينا و والديك

اعذرني ياخوي لكن ردك مستفز

موضوعي طرحته عن عصابات تستنزف أموالنا وتعطل مصالحنا

تقليل أو زيادة خروج المرأة أو الرجل ماله علاقة نهائياً بالطرح

شوفة عينك .. صرتوا تتناقشون في أمور ثانية ما تخدم القضية الي طرحتها

[sweet qatar]

شسالفة تحول الموضوع من مشاكل الدريوليه لاولياء الامور !
المشكلة ماحد حمل الطرف الثاني الاسباب والتقصير
ليش

القصور في القوانين المنظمة ... والجهات المعنية ما حطت حلول أو خطة علي الأقل لحلها


شالسبب الي خلا الرجال يتساهلون في اعراضهم ؟

السؤال بعيد جدآ عن الموضوع

والخير باقي ان شالله في أمة محمد .. ولو تساهل البعض

[ريم الشمال]

^^^
سويتي الحل سواق النساء وتغطية احتياجتهم بأنفسهم وأن تضع لها ضوابط تلتزم

[sweet qatar]

و على فكرة الدريول يحتاجون له لشراء أغراض البيت .. و توصيل العيال من و إلى المدرسة .. بدال ولي الأمر المشغول ( الله يكون في عونه )
يعني مب شرط خص نص محطوط على حساب حريم البيت
إلا إذا بعد ما تبون أغراض للبيت .. و ما تبون العيال يروحون المدارس .. هذا شي ثاني

ماعليج يالغالية من الي يبون و ما يبون

المهم ان حاجتنا للسايق ضرورية .. وللأسف من هنا يتم استغلالنا :(


الله يعين الجميع يارب
مالوم الحريم يسوقون ( للعلم ضد السواقه انا ) لكن صارو بعض اشباه الرجال يقطون كل شي عالحريم لكم الله

ان شالله انهم قلة .. والله المستعان

[sweet qatar]

^^^
سويتي الحل سواق النساء وتغطية احتياجتهم بأنفسهم وأن تضع لها ضوابط تلتزم

يالغالية سواقة الحريم مب حل

تخفيف المشكلة

إذا كانت المرأة تشتغل و البيت فيه كبار سن و مواعيد
أو أطفال و مدارس ؟

و حتي لو تفرغت لتوصيلهم .. كل واحد صوب !!

أنا عن نفسي بتوكل علي الله وأسوق .. لكن الي أعرفهم ما بتنتهي مشاكلهم بالليسن !!

[راجي الْعفو]

والدينا و والديك

اعذرني ياخوي لكن ردك مستفز

موضوعي طرحته عن عصابات تستنزف أموالنا وتعطل مصالحنا

تقليل أو زيادة خروج المرأة أو الرجل ماله علاقة نهائياً بالطرح

شوفة عينك .. صرتوا تتناقشون في أمور ثانية ما تخدم القضية الي طرحتها

معذور هـ

وكلامي متعلق بأصل موضوعج وهو كيفية الاستغناء عن هذه العصابات

وفرعه هو الاستغلال اللي ذكرتيه

بوركت

[معماري قطري]

انا اللي عرفته والله اعلم ان نظام الكفالة سيتم الغاءه لكبار الموظفين منهم فقط مو للباقي وشي منطقي لو صار لان مو متاكده بس هاي اللي وصلني لحد الان وماراح يضر احد لو كان هالكلام صحيح والباقي بيتمون على نفس الحال :) ..

والله كبار ولا صغار بيستوي استغلال كبير لأَصحاب العمل من قبل ذيلا .. تخيلي محاسب أد الدنيا يشتغل في شركة فلوسكو لما وراء المحيطات والشركة معتمدة عليه فجأة يقول ما بدي وهذي استقالتي .. وبيشتغل في شركة افلاسكو من حقه والقانون يؤيده

[معماري قطري]

يالغالية سواقة الحريم مب حل

تخفيف المشكلة

إذا كانت المرأة تشتغل و البيت فيه كبار سن و مواعيد
أو أطفال و مدارس ؟

و حتي لو تفرغت لتوصيلهم .. كل واحد صوب !!

أنا عن نفسي بتوكل علي الله وأسوق .. لكن الي أعرفهم ما بتنتهي مشاكلهم بالليسن !!

صدقتي السائق ضروري وجوده في البيت .. لغسيل السيارات وتخليص معاملات ويوصل العيال .. انا وزوجتي نسوق بس مرتبطين بدوامات ونمر ناخذ العيال أوقات بس حل المشكلة موجود ضمنياً ونقدر نعتمد على نفسنا فترة من الزمن بس السايق مختص ومريحنا.

[قــ502ـطرالعز]

وين يشتغلون بعد هروبهم ؟
مادام الطلب مرتفع اكيد بيهربون .. هل لجنة الاستقدام عليها مسؤولية؟ وزارة الداخلية شنو دورها مع الهاربين !صعبة تحاسبهم ومن يشغلهم ؟

دور وزارة الداخليه الشيخ جدا فعال حملات تفتيش ونقاط تفتيش تقام بشكل يومي للحد من العماله السايبه والقبض على العامل الهارب من كفيله وفي غرامه للشخص الي يشغل العامل الهارب ان ثبت ذلك عليه لاتقل عن عشرين الف وغريها من المخالافات

[PowerQ]

ياجماعة أنتوا وش وضعكم مدخلين عص المرأة بكل نقاش وموضوع؟

عموما..

من تجربتي الشخصية، العامل لايسحب عليك ويتدلع إلا لو عرف انك ماتعرف تدير أمورك بنفسك وانك محتاجه ومستعد تسوي اي شيء مقابل انه يقعد، وفيه بعض الحالات السواقين هنا يحق لهم يطالبون بزيادة مثل السواقين اللي ينحكون طول اليوم لطول أيام الأسبوع مقابل ألف ريال ولا 1200 بالوقت اللي يشوف فيه عمال من جنسيته يدخلون أكثر منه وبساعات عمل اقل..

سؤال.. يعني انت يالموظف والموظفة القطريين.. تشوفون زملائكم الموظفين الاجانب يوصلون عيالهم للمدارس ولا أثر على دوامهم ولا على عامودهم الفقري، ليش ما انتوا توصلون عيالكم؟ هل هالمشاوير خسارة في عيالكم؟ إذا على الوقت قوموا بدري ولا استأذنوا من دوامكم بأنكم توصلون عيالكم مثل هالأجانب..

[Wolf 91]

موضوع اليهال والمدارس .. دخل ولدك اقرب مدرسه لبيتك وانت طالع لدوامك وصله .. الحل الثاني ادخله الباص والمدرسه تجيبه وتوديه

المراه تاخذ ليسن وتروح الدوام وترجع استر لها وأأمن من هندي غريب يركب معاها .. لحد يقول ما أرضى زوجتي أو اختي تسوق يعني ترضى انها تركب مع رجال غريب سواء كان هندي ولا جنسيه ثانيه فالاخير هو رجال غريب

كبار السن على راسي والله اهد كل اشغالي واروح اوديهم واجيب لهم اللي ودهم ومن عيوني .. بس للاسف اجري وقف من هالناحيه من كم سنه والله يرحم جميع امه محمد ويغفر لجدي وجدتي ويرحمهم برحمتهم

الدريوليه مالهم لزمه مشاكلهم ومضارهم اكثر من منفعتهم عن تجربه مع الاهل
يكسرون لك السيارة ويسونها لك تكسي .. اعتمدوا على روحكم

[F A W A Z]

أفضل حل ان الوحدة تسوق مع أني كنت ضد ولكن الان مع

أحسن وأوفر واامن

الله المستعان

[أم محمد 90]

والله اكثر ناس مرتاحين بقطر اتوقع من هالخرابيط احنا في البيت لا خدامه ولا دريول اللهم لك الحمد هههه .. عن نفسي شخصيا اسوق واطلع مشاويري كلها وشغلي ومشاوير اهلي مرات وعادي الحمدلله ولا احس بتبهدل بالعكس احس بفخر اني ماعتمد على هالاشكال وامان اكثر لاني انا اللي اسوق وسواقتي اثق فيها بس هالعله يقعد يسوق ويعصب جان يدعم فينا ولا يلف على حد ولا يقلب فينا السياره ولا يسوي له سوالف خايسه .. والخدامات مانحتاجهم كلنا في البيت نشتغل مع بعض كلن على مكانه والوالده حالفه ماتبي خدم بالبيت تقول بسوي كل شي بس لا تجيبون لي خدم مابيهم وكلنا مستانسين نغسل و انظف والوالده ماتحب حد يطبخ غيرها ونرتب وكل شي نسويه وبلعكس صحتنا احسن من غيرنا لان في الحركه بركه طبعا والواحد بالعكس يحس دوم بالنشاط والحيويه حتى الله يبارك له في صحته لانه اعتمد على نفسه ويتوكل على الله ويشتغل بيده .. شوفوا الغرب كله يسون كل شي حق نفسهم ولا اعتماد على هالاشكال ولا شي ومتعافين مادري هني ليش الثقافه ان الواحد بيموت اذا ماعنده دريول ولا خدامه جنهم اكسير الحياه والله انا بالنسبه لي ولاهلي هم بلاوي الحياه وامراض الحياه وعللها ولا انطيق وجودهم بالمره يرفعون الضغط اغلبهم :anger1:

حسبت اني بروحي !!

طلعتي مثلي ؟!

تدرين يوم الجمعة لما حد يتصل لي عشان نطلع اعتذر عشانه يوم غسيل الملابس والتنظيف ... الخ
يجيني الرد اوهو انتي كله بزي خلاص خلي الخدامة تسوي عنج!

عندي يدين ورجلين وبصحتي والواحد يرتب بروحه احسن اخلي خدامة تتعبث باغراضي ليش..

عندنا خدامة ف البيت بس حق اهلي ، غرفتي ماتدخلها واحيااااااااااااااان ناااااااادره لما اكون قايمة متاخر او مستعجلة اخليها تكوي لي سريع .

اما غير جذي لا . كل شي بروحي اسويه .

[بومحمد المطاوعه]

الحمدلله
الخدم والادريوليه فالبيت عندي

مكملين وليش متكلين عليهم في كل شي ,,,

يعني بالعربي
نحتاج لهم في امس الحاجه
مب 24 ساعه قاطين الشغل عليهم

بعض البيوت متوكلين على الخدم بشكل ماتصورونه للأسف

وهذا الأمر يحدث خلل كبير فالمجتمع

الله يحفظنا واياكم من شر الخدم

[captin]

هذا الموضوع لايكاد بيت قطري ما يخلو منه ومن تبعاته

انا اشوف الدور الكبير على وزارة العمل انها وبالتعاون مع سفارات الدول
تسوي عقد واضح المعالم بخصوص السائقين وخدم المنازل يوضح فيه الراتب والمزايا
وغيرها من امور ويكون له مدة مثلا سنتين يكون الراتب فيه ثابت وبعد ذلك يزيد كل سنتين مرة بنسبة مئوية مثلا 20%
الى ان يوصل الى سقف يوقف عنده هذا بالنسبة للراتب ايضا يذكر في العقد الحقوق الاخرى مثل توفير سكن وطعام
بالمقابل توضح بالعقد الواجبات اللي على السائق مثل اداء العمل المكلف به وتسديد المخالفات اذا كان هو متسبب فيها الخ .

لو صار انه هرب او طالب بزيادة قبل الموعد او يبي يغير كفيل لاجل العمل في مكان ثاني بزيادة يتم رفض طلبه
من قبل الجهات الرسمية الى ان يكمل المدة في العقد .

[بشائر]

ان اشهد يابانغ انك جبتها وانا قايلها قبل

صداع في راس الحكومات مهب في روسنا بعد
مشكله الوضع اختلف عن السابق كثيرا ولا ننسى تقارير المنظمات الارهابيه مش الحقوقيه فهم ابعد عن الحقوق
ببعد ماانكشف امرهم
الحل بايدينا مهب في ايديهم
انا اشوف الحل اولا ان نتحمل مسؤلياتنا بانفسنا ونقلل الاعتماد على الغير
ثانيا اللي يقدر يسوق من الزوجه ولا البنات يسوق وخصوصا اصبحت واقع
ثالثا بما ماعندنا شبكه مواصلات مثل اوربا على الاقل تقدر تتنقل بواسطه الشبكه
وهذا قادم لا محاله وكل مرحله لها ظروفها اليوم بنقول مانركب غدا بنركب بعد ماتحدنا الظروف
بدون هذه الخطط الاستراتيجيه بنظل في دوامه مفرغه ولا نتخلص منها والله يعينكم ياللي مبتلى ومعتمد عليهم

أحسنت ياحسن .. جبت الخلاصة والمفيد من الآخر ..
لو يفكر مثل تفكيرك ربع شباب البلد .. كان حنا في خير ..
وترا هالمشكلة تحديدا حلها وعلاجها سهل وبيدنا ..
والله الدريولية ماوراهم غير الهم والغثا وعوار الراس ..

[R 7 A L]

اذا الناس احترمت القانون وطبقوه ماراح انشوف او نسمع احد من السواقين هرب
لكن الخلل من الناس الي تشغل سواقين هاربين منا يجعل كل تفكير السواقين مثل بعض
اهرب واشتغل مكان ثاني عند ناس محتاجة براتب اكثر

[معماري قطري]

هذا الموضوع لايكاد بيت قطري ما يخلو منه ومن تبعاته

انا اشوف الدور الكبير على وزارة العمل انها وبالتعاون مع سفارات الدول
تسوي عقد واضح المعالم بخصوص السائقين وخدم المنازل يوضح فيه الراتب والمزايا
وغيرها من امور ويكون له مدة مثلا سنتين يكون الراتب فيه ثابت وبعد ذلك يزيد كل سنتين مرة بنسبة مئوية مثلا 20%
الى ان يوصل الى سقف يوقف عنده هذا بالنسبة للراتب ايضا يذكر في العقد الحقوق الاخرى مثل توفير سكن وطعام
بالمقابل توضح بالعقد الواجبات اللي على السائق مثل اداء العمل المكلف به وتسديد المخالفات اذا كان هو متسبب فيها الخ .

لو صار انه هرب او طالب بزيادة قبل الموعد او يبي يغير كفيل لاجل العمل في مكان ثاني بزيادة يتم رفض طلبه
من قبل الجهات الرسمية الى ان يكمل المدة في العقد .

ههههههه بو محمد ذكرتني بعيالي .. لين بغوا يروحون المدرسة كل واحد يزاعق على خدامة جيبي شنطتي وحطي كتبي .. ووين القلم الفلاني .. المشكلة يوصفون شيء غريب .. وامهم معاهم عادي بعد ما توصل السيارة تجي الخدامة فوق تركض تدور تلفونها.

غير عن الطلبات في الليل .. بكره ريوق سوي لي كذا وكذا .. وكل واحد له طلبات غير .. غير عن بعد الاستحمام تحصل تبطل الباب شوي وتم ينادي ولدي يبي ثوب ولا غترة والثوب في الكبت عنده بس لازم تقول له وين ولا تكون مجهزة له وتجيبه من تحت .. تبي الصج مأساة الوضع في بيتنا.

[حسن]

ههههههه بو محمد ذكرتني بعيالي .. لين بغوا يروحون المدرسة كل واحد يزاعق على خدامة جيبي شنطتي وحطي كتبي .. ووين القلم الفلاني .. المشكلة يوصفون شيء غريب .. وامهم معاهم عادي بعد ما توصل السيارة تجي الخدامة فوق تركض تدور تلفونها.

غير عن الطلبات في الليل .. بكره ريوق سوي لي كذا وكذا .. وكل واحد له طلبات غير .. غير عن بعد الاستحمام تحصل تبطل الباب شوي وتم ينادي ولدي يبي ثوب ولا غترة والثوب في الكبت عنده بس لازم تقول له وين ولا تكون مجهزة له وتجيبه من تحت .. تبي الصج مأساة الوضع في بيتنا.

المشكله عندك في الاداره

هههههههههه

يبيلك جدول يامعماري و ناس تباريك انت بالذات
الحمدلله تلعمت النظام وانا اصغير هبه ربانيه ولا مالها علاقه بالتربيه
صحيح بعض الاحيان تعاني ولكن التربيه منذ الصغر والتعليم والتوجيه افضل
سمعت ياهل يصرخ عندك !!! مستحيل
:)

الفوضى تخلق فوضى والنظام يخلق نظام

الاتو كات عندك يبيله اب ديت

:)

[ضوى]

ههههههه بو محمد ذكرتني بعيالي .. لين بغوا يروحون المدرسة كل واحد يزاعق على خدامة جيبي شنطتي وحطي كتبي .. ووين القلم الفلاني .. المشكلة يوصفون شيء غريب .. وامهم معاهم عادي بعد ما توصل السيارة تجي الخدامة فوق تركض تدور تلفونها.

غير عن الطلبات في الليل .. بكره ريوق سوي لي كذا وكذا .. وكل واحد له طلبات غير .. غير عن بعد الاستحمام تحصل تبطل الباب شوي وتم ينادي ولدي يبي ثوب ولا غترة والثوب في الكبت عنده بس لازم تقول له وين ولا تكون مجهزة له وتجيبه من تحت .. تبي الصج مأساة الوضع في بيتنا.


موتني ضحك يا معماري الله يعلك الجنه ونعيمها

انت وعيالك تمثلون اغلبيه هل قطر ردك خالي من تصنع المثالية البغيضه والتناقض ، الله يصلح لك عيالك وييسر امورك ان شاء الله