وش يقول المحللين. ما أفهم عليهم لل جدد جدا

[السامر الأسود™]

السلام عليكم ورحمة الله __


وجدت حاجة ملحة لتوضيح بعض المصطلحات الي نستعملها كمحللين في مشاركتنا بتوقعات ودراسات الأسواق
و أسهمها ,,, المحللين مشكورين زملاء المهنة ,,, يقومون بالواجب ,, عليهم ,, ولكن هل كلامهم مفهوم؟

خاصة بقسم التحليل التقني \ فني وزوراه وبكلمات بسيطة مفهومة

1. شنو يعني تصحيح ؟

اذا السوق نازل ,, التصحيح يعني ارتفاع
اذا السوق صاعد,, التصحيح يعني نزول

**********
2. شنو يعني التوصية بالتخفيف؟

هي جملة لطيفة معناها اطلع,,, ميزتها لا تحتوي على شدة وحدة

**********
3. شنو يعني جني الارباح؟

يعني بيصير بيع ,, منطقة بيع ,, توقيت بيع

**********
4. شنو يعني مقاومة؟

منطقة يزيد عندها البيع وبالتالي ينزل السهم

**********
5. شنو يعني دعم؟

منطقة يزيد عندها الشراء ,,وبالتالي يطلع السهم

**********
6. شنو يعني الدخول في السلبية ,,, ؟

يعني بيصير نزول

**********
7. شنو يعني الدخول في الايجابية؟

يعني بيصير صعود

**********
8. شنو صعود وارتفاع وشنو يعني هبوط ونزول؟

نفسهم هم نفسهم

**********
9. دببة وثيران؟

مصطلحات انقليزية مترجمة
ثيران يعني الي يشترون وشرائهم يدفع السهم للارتفاع
دببة ,, يعني الي يبيعون وبسبب بيعهم بينزل السهم

**********
10. وقف خسارة؟

هو سعر او مستوى اسعار يعني مثلا من 14 الى 14.2 وقف خسارة
يعني منطقة لو جاها السهم انتبه ,, لان لو نزل عنها بينزل السهم


هذة عشر نقاط مرت علي ,,, موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

11. وشو الهبوط المظلي في سهم ؟


تقال عندما ندخل سهم معين

**********

12. شنو يعني المضاربين؟ والمستثمرين ؟ وش الفرق

المضارب هو الي يتداول (بيع وشراء ) بصفة كثيرة اسبوعي او يومي او كل ساعه
المستثمر ,, لا,,, تداوله ربع سنوي,,سنوي,,, كل خمس سنين


هذة 12 نقاط مرت علي ,,, موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[مضارب دوسري]

الله يعطيك العافيه

في ميزان حسناتك يا بو محمد

[السامر الأسود™]

واياك يالذيب

شف رقم 11,,, من وحيك اليوم :)

[مضارب دوسري]

واياك يالذيب

شف رقم 11,,, من وحيك اليوم :)

هههههههههه
زين اوقفت خسارتي على طول ولا كان توهقت


وقف الخساره
تحديده قبل الشراء

وعدم التهاون فيه
ايا كان الوضع
ايا كان
عند كسره على طول اوقف خسارتك وراح تجد نفسك 90% تكون صحيح ما فعلته

[مضارب دوسري]

13

دخول عرضي ؟

تقال عندما يخترق السهم او السوق مقاومه مهمه بسيوله تعطي انطباع ايجابي


14

عناد السوق ؟

يعني لما يعطيك السوق انطباع بالهبوط وانت تعاند وتقول لا ماراح ابيع
والعكس كذلك لما يعطيك انطباع بالصعود وانت تعاند وتقول لا ماراح اشتري


السوق كالموج يجب ان تساير امواجه ولا تعاندها

[atiq]

يعطيك العافية يا بومحمد

[Abdelrahman]

الله يجزاك خير ... رقم 8, شلون ما فهمت :)

15.شنو الهدف الاول, الهدف الثاني, الهدف الثالث ؟

يعني لاحق ربحك
اذا عندك 1000 سهم وجا الهدف الاول صرف 500 واحجز ارباح
الهدف الثاني 250
الهدف الثالث 250
وللمضارب الحريه بتقسيم الاسهم وبنسبه كبيره بتطلع بالموجب او صفر بدون خساره اذا عكس السوق..

[السامر الأسود™]

8. فيه ناس بتصدق او لا تصدق يسالوني شنو فرق بين صعود وهبوط وارتفاع ونزول


يعني: اجيك المطار صالة المغادرون والا الذاهبون.؟ ولا تبي اجيك صالة القادمون والواصلون

:)

جدد جدا عالسوق بو عوف

[السامر الأسود™]

**********

16. وشو السهم فنيا والسهم ماليا او اساسيا ؟


السهم فنيا: يعني دراسة الاسعار البيانية ببرنامج التحليل الفني كسهم بالسوق . التحليل الفني\تقني
السهم اساسيا: يعني عايدة كم؟ ومتانة الشركة ,, قوتها الماليه كشركه مش كسهم بالسوق . التحليل المالي\اساسي

**********

17. وين الشارت ؟ وشو الشارت ( الجارت) Chart


الشارت هو مخطط سعري مرسوم بيانيا ببرنامج التحليل الفني


هذة 17 نقطة مرت علي ,,, موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

20. وش يعني التطبيل والارجاف؟


التطبيل : تجميل السهم او السوق عشان ما تبين عيوبه وذلك بغرض تلميعه فلا ينزل سعره بالسوق
فيرتفع سعره لكل يتم شرائه وبالتالي يرتفع سعره ,, وبالتالي يتم تصريف اسهم المطبل على الي يتاثر بالتطبيل

الارجاف: عكس ذلك ,, التخويف من السهم ,, او السوق من اجل تظهر مساوئه فلا يشترى وينزل
سعره وذلك بهدف تبييع المساهمين اسهمهم غصبا ,,, خوفا وهلعا

**********

21. وش يعني التجميع والتصريف


التجميع هو شراء اسهم شركة\بنك معين على فترة زمنيه طويلة بدون لفت الانتباه
التصريف عكس ذلك ,, هو بيع الاسهم بالسوق دون ان يشعر احد,,فلا يتاثر سعره بالسوق

كلاهما ياخذ وقت

هذة 21 نقطة مرت علي ,,, موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

18. وش يعني التحليل الفني؟ ممكن تحلل لي السهم الفلاني


هو دراسة السهم ,,,بناء على اسعار الاغلاق واعلى سعر وادنى سعر وحجم التداول الي بشاشة التداول
واخذها ,, ودراستها باستعمال المؤشرات التقنية الي في برنامج التحليل الفني ,,, عشان نعرف شالي بيصير فيه
ونتوقع تحركاته المستقبلية ,,ونستعملها في الاستفادة والكسب او تخفيف الخسارة او اي قرار من قرارات ادارة المحفظة

**********

17. وش يعني المحفظة؟ وصناديق الاستثمار


محفظة يعني فلوسك ,,,, صناديق فلوس تابعه لشركات وبنوك كبار يعني حجما


هذة 19 نقطة مرت علي ,,, موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

جزاك الله خير عتيق

احد لاحظ شي؟

لهوصت التسلسل

لاحقا اخر الشهر بنعدلها
ان شاء الله

[بوخميس]

يعطيكم العافية



نبي السوالف الخشنة شوي. سوالف بو حسنين (تنكن - كيجن - فلاتد - غيمة)

ونبي نعرف ايش مستويات فيبو والفرق بينها وكيف محددة. والمتوسط الأسي ما ادري كم يوم.

وانواع الشموع، والرجل المشنوق والمرأة الحامل والقطط الميتة

[بحر شرق]

معلومه التصحيح بعد النزول معناها ارتفاع ،،كنت اعتقد تصحيح يعني نزول قوي في كل حالات السوق

[قطــ86ــر]

في ميزان حسناتك ان شاء الله يالسامر

الترند

المطلعين


طبعا التعريفات عليك عشان اذا خلصت نحطهم لك في جدول و ان شاء الله المشرفين بيثبتونه للفائدة العامة :nice:

[السامر الأسود™]

**********

22. من هم المطلعين ؟


هم مؤسسين الشركة يعني مدراء السهم ,, يعني مجبسس الادارة و و ,, ناس ضبط واياهم

**********

23. ترندلين وش يعني ال ترند ,, خط الترندلاين؟


هي خطوط مرسومه على المخطط السعري ( الشارت) لتبيان الاتجاه حق السهم , بالعربي اسمها الخطوط الاتجاهيه


موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

يعطيكم العافية

نبي السوالف الخشنة شوي. سوالف بو حسنين (تنكن - كيجن - فلاتد - غيمة)
ونبي نعرف ايش مستويات فيبو والفرق بينها وكيف محددة. والمتوسط الأسي ما ادري كم يوم.

وانواع الشموع، والرجل المشنوق والمرأة الحامل والقطط الميتة

هذة مؤشرات فنية في برنامج التحليل نفسه ,, اسال عنها الاستاذ بو حسنين ,, (لحن الحب)
بس ماتدخل في اللمصطحات لي اقصدقها بهالموضوع
اما انواع الشموع فهي دراسات تقنيه للاسهم والسوق اقراء عنها بالانترنت تجد صور كثيرة
عند كل صورة شروط واسم النموذج المتكون,,,



معلومه التصحيح بعد النزول معناها ارتفاع ،،كنت اعتقد تصحيح يعني نزول قوي في كل حالات السوق


التصحيح اثناء النزول مش بعد النزول ,, الي بعد النزول اسمه ارتدااد انعكاس ,

[السامر الأسود™]

**********

24. وش يعني الانعكاس؟


يعني اذا السهم كان صاعد ,,,, شهور او ايام ,,, بيجيه سعر يعكس اتجاهه ,, يهبط يعني
اذا كان السهم هابط ,,, اسابيع وايام وفترة معينة ,,, بيجيه سعر معين ينعكس من عنده
انعكاس ,, تغير الاتجاه العام السابق

**********

25. مسار عام ,, ؟


هو اتجاه السهم ,,, العام ,, كما يبين على المخطط السعري ( الشارت)

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

في ميزان حسناتك ان شاء الله يالسامر

الترند

المطلعين


طبعا التعريفات عليك عشان اذا خلصت نحطهم لك في جدول و ان شاء الله المشرفين بيثبتونه للفائدة العامة :nice:


راين سديد ,, اتمنى والله احد يساعدنا بهذة الشغلات والباقي عليها

تم التعريف بكلمات بسيطة جدا ,,, وسهله الفهم ,,

[غريب الدّار]

بيض الله وجهك يالسامر

كفيت ووفيت

لكن اعتقد ان المشكلة في اللي يستخدم مثل هالمصطلحات واكثر منها

بصراحة في محللين عندنا جذيه

يستخدمون مصطلحات يمكن هم انفسهم مب فاهمينها !!!

يعني الواحد يشوف الشارت والكلام اللي مكتوب فيه كانه هيروغليفي !!! حتى لو فاهم في التحليل يمكن مايفهم وش مكتوب

ليش عاد؟

التبسيط دائما مطلوب

تذكر اخي المحلل :
انت ماتحلل حق نفسك
اتحلل للناس
والناس اللي يدورون التحليل في الغالب عليمية
يعني يبون يتعلمون ويعرفون
فلاتصعب عليهم بدعوى استعراض الثقافة والمعلومات


مع الشكر الجزيل للأخ العزيز السامر والمحللين

[مشروع هاموور]

موضوع ممتاز ويستحق التثبيت

[مشروع هاموور]

بيض الله وجهك يالسامر

كفيت ووفيت

لكن اعتقد ان المشكلة في اللي يستخدم مثل هالمصطلحات واكثر منها

بصراحة في محللين عندنا جذيه

يستخدمون مصطلحات يمكن هم انفسهم مب فاهمينها !!!

يعني الواحد يشوف الشارت والكلام اللي مكتوب فيه كانه هيروغليفي !!! حتى لو فاهم في التحليل يمكن مايفهم وش مكتوب

ليش عاد؟

التبسيط دائما مطلوب

تذكر اخي المحلل :
انت ماتحلل حق نفسك
اتحلل للناس
والناس اللي يدورون التحليل في الغالب عليمية
يعني يبون يتعلمون ويعرفون
فلاتصعب عليهم بدعوى استعراض الثقافة والمعلومات


مع الشكر الجزيل للأخ العزيز السامر والمحللين

اكثر تعليق عجبني اشكرك عليه ياغريب تعليق في محله مفيد وبناء يعطيك العافية

[(ام عبدالله)]

:telephone:

الشرده شنو مصطلحها على شان نعرف
escape

[khalid-63]

يعطيك العافية اخوي السامر الاسود ( ابومحمد ) وفيت وكفيت وماقصرت وبيض الله وجهك موضوع في قمة الروعه ..

[khalid-63]

:telephone:

الشرده شنو مصطلحها على شان نعرف
escape

ههههههههههههههههههههه احسن مصطلح لازم كلنا نعرفه .... :victory:

[السامر الأسود™]

بيض الله وجهك يالسامر

كفيت ووفيت

لكن اعتقد ان المشكلة في اللي يستخدم مثل هالمصطلحات واكثر منها

بصراحة في محللين عندنا جذيه

يستخدمون مصطلحات يمكن هم انفسهم مب فاهمينها !!!

يعني الواحد يشوف الشارت والكلام اللي مكتوب فيه كانه هيروغليفي !!! حتى لو فاهم في التحليل يمكن مايفهم وش مكتوب

ليش عاد؟

التبسيط دائما مطلوب

تذكر اخي المحلل :
انت ماتحلل حق نفسك
اتحلل للناس
والناس اللي يدورون التحليل في الغالب عليمية
يعني يبون يتعلمون ويعرفون
فلاتصعب عليهم بدعوى استعراض الثقافة والمعلومات


مع الشكر الجزيل للأخ العزيز السامر والمحللين

صحيح اخوي\ غريب الدار ,,,

احيانا لما ننغمس في اعماق الارقام نعيش الاحلام وننسى الأنام

,, و الله يسهل ويعين



موضوع ممتاز ويستحق التثبيت

الممتازة طلتك


:telephone:

الشرده شنو مصطلحها على شان نعرف
escape

حاضرين يام عبووود



يعطيك العافية اخوي السامر الاسود ( ابومحمد ) وفيت وكفيت وماقصرت وبيض الله وجهك موضوع في قمة الروعه ..


وجهك ابيض ,,, يالذيب

[السامر الأسود™]

**********

26. اغلاق المركز؟ شنو يعني اغلق المركز


يعني سهمك الي شاريه ولك منه 1000 سهم مثلا ,, بعه اغلاقا ,, باي سعر بتاريخ ذاك اليوم يعني اخرج

**********

27. الشردة ,,, حط رجلك شنو يعني؟


يعني اخرج او اطلع من السهم او السوق او اغلق مركزك ,,

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

28. شنو يعني السيولة ,, او تدفق النقد عالسهم الفلاني؟


يعني الفلوس الي تدش السهم ,,, او السيولة الي عندك ,, كم فلوس عندك
**********

29. شنو يعني مستويات ,,او المستوى؟

هو سعر ,, كامل ,, يعني 50, 3000, 20,,, وليس 51, او 3067, او 24
يعني اي شي فيه الخانة المذكورة دون تحديد السعر بالضبط يعني اشتر سهم ادنوك مثلا عال 10
يعني تشتري عال 11 او 9 ,, هي هي نفسها مستوى ال 10 ,, وايضا 10.8 او 9.8 هي نفسها

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

30. وش يعني سلع ,,؟


شغلات تشترى وتنباع غير الاسهم ,, العادة موارد طبيعية كالنفط والغاز ,, والفول وال ذهب والسكر

**********

31. شنو يعني الداو ؟

سوق امريكا اسمه الداو ,, سوقهم الصناعي مال قطاع الصناعه ,,كل قطاع عندهم

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[بوخميس]

للاضافة

المؤشرات الأمريكية الرئيسية:

الداو جونز: أقدم مؤشر امريكي لأكبر (30) شركة صناعية منها انتل وشيفرون وماكدونالدز وجنرال الكتريك ومايكروسوفت وغيرها .

ناسداك: مؤشر أمريكي للشركات التكنولوجية.

ستاندرد أن بورز 500: مؤشر أمريكي لأكبر 500 شركة أمريكية.

البورصات العالمية الرئيسية:

داكس - فرانكفورت (المانيا)

فوتسي 100 - لندن (انجلترا)

كاك 40 - باريس (فرنسا)

نيكاي 225 - طوكيو (اليابان)

شنغهاي - الصين

[وهم السنين]

شكرا لك اخوي على مجهودك الرائع

[السامر الأسود™]

**********

32. شنو يعني ازمة؟


يعني هبوطات مش عادية يعني مشكلة صايرة ,,مثلا ازمة العقار الامريكية وتبعاتها عالسوق القطري 2008
**********

33. شنو يعني التعليقة وفك التعليقة؟

يعني انك تتعلق بسهم على سعر عالي وماتقدر تبيع لان ما فيه شراي وان فيه شراي بتكون خسارتك كبيرة

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

34. شنو يعني الوسيط؟


هو الي تسوي عنده طلبات الشراء واوامر البيع ,, مثلا: المجموعة للأوراق المالية
**********

35. شنو يعني جلسة تداول؟

هي الفترة الي يفتح فيها السوق من 9:30 وحتى 1:10 ظهر,, تعقد فيها عمليات البيع والشراء في الشاشات وعبر والوسيط

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

36. وشو المؤشر ؟ المؤشر العام؟


هو رقم يطلع في شاشات التداول ياخذ عينات من جميع الاسهم ويمثلها كلها برقم واحد ,, من خلاله تقدر تعرف
الوضع العام للسوق ,, بدل تتبع كل سهم بروحه ,, لان معرفة سعر كل سهم بروحه تقدر تشوفه في الشاشة تحت اسم الشركة


**********

37. وش يعني تداولات جلسة اليوم؟

يعني عمليات البيع والشراء واحجامها ,, وايش الي اكثر البيع ولا الشراء وكذا

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

38. وشو يعني الحجم ,, حجم اليوم ؟


هو رقم يبين لك كم عدد الاسهم الي تم عليها بيع وشراء خلال جلسة التداول


**********

39. وش يعني كميات التداول

هو نفسه الحجم

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[atiq]

وشو القيمة الدفترية و الاسمية و السوقية

عندك يالذيب

[السامر الأسود™]

**********

40. وشو يعني اعلان الشركة ؟


هو نتيجة اداء الشركة ,,يطلع بصورة ملف يمسى البيانات المالية ,, ويطلع كل ربع سنة ويسمى البيانات الفصلية
او الاعلانات الفصلية او الاعلانات عن نتايج مالية ,,يصير قانونيا بكل نهاية 3 شهور

**********

41. وش يعني التوزيعات؟ او موسم التوزيعات

هي الفلوس الي تعطيها الشركة لمساهمين الشركة نهاية كل سنة ,, احيانا يعطون فلوس واحاينا اسهمك بالسوق تزيد
نتيجة هم يعطونك توزيع اسهم مجانية
موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

42. وشو يعني القيمة الدفترية للسهم ؟


هي قسم او حصة السهم الي عندك من الموجدات لدى الشركة ,,يعني الشركة عندها ارض حصة سهمك منها

**********

43. وش يعني القيمة الاسمية للسهم

يعني لما تسوي اكتتاب ,,, قيمة السهم الي اكتتبت فيه كم؟ العادة 10 ريالات

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[السامر الأسود™]

**********

44. وشو يعني القيمة السوقية للسهم ؟


هي سعره بالسوق ,,سهمك كم سعره بالشاشة

**********

45. وش يعني المكرر,, مكرر السهم كم.

هو مؤشر يعطيك فكرة وين تحط فلوسك باي سهم ,, فيه شركة تعطيك العايد على سهمها بتاريخ اليوم
3 ريال وسعرها بالسوق 56 ريال ,, اذا مكرر سعر سهمك ,, هو 56\3 = 18 وشكرة ثانية سعرها 218
وعايدها 34 ,, على حسب بيانات اخر ربع سنة ,, القوايم المالية , الاعلانات او التوزيع ,, مكررها هو 218\34 = 6

وال 6 اقل من ال 18 وعليه تروح تشتري السهم بو 218 الاغلى ,,, افضل لك.
المكرر ماله وحده ,,, رقم مجرد

موضوع مستمر ,, مفتوح للأسئلة ,,
ومفتوح للإضافات حتى اخر آخر الشهر ,, إن شاء الله
:discuss:

[بحر شرق]

سؤال يالسامر الاسود
لم نقول تفعيل خساره متى يكون الوقت الجيد للتفعيل مثلا عند اغلاق السهم تحت الدعم الهام له وإغلاقه لكن تكون
سيوله السهم في هذا اليوم قليله جدا مثل 5000 او اقل ، هل هذا يعني ان السهم كسر
الدعم الهام ام مصيده حتى يتم بيع

الاسهم ومن ثم التجميع والشراءمن قبل المضاربين الكبار؟

[السامر الأسود™]

سؤال يالسامر الاسود
لم نقول تفعيل خساره متى يكون الوقت الجيد للتفعيل مثلا عند اغلاق السهم تحت الدعم الهام له وإغلاقه لكن تكون
سيوله السهم في هذا اليوم قليله جدا مثل 5000 او اقل ، هل هذا يعني ان السهم كسر
الدعم الهام ام مصيده حتى يتم بيع

الاسهم ومن ثم التجميع والشراءمن قبل المضاربين الكبار؟

هلا اخوي شرق.

اي نعم عند اغلاق السهم تحت الدعم الهام - يسمى بوقف الخسارة

حتى لو بعدد قليل من الاسهم. وحتى لو ممكن يصير فيه شراء من قبل الكبار
في شكل مصيدة .

برغم انها مش مصيدة هي لحظة خوف يفزع الملاك الكبار
لاسهمهم احاينا بدعم السهم تحتها. وفي كلا الحالتين سواء شراء قاع مصيده
او تخارج وتفيعيل وقف خسارة,, فان الفصل ليس الارتداد,, بل الفصل واشارة الدخول
\من جديد هي اختراق المقاومة\ القريبة القوية اللي هي القمه السابقة قبل الهبطة

عزيزي \ شرق اذا مب واضح ردي ياليت تعيد وانا ان شاء الله بعيد التوضيح

[كيلو حديد]

يعطيك العافية السامر
الرد احتاج ثمان سنين :nice:

المشكله خيار امر وقف الخساره شالوه
لازم تكون قدام الشاشه عشان تلحق تطلع

[السامر الأسود™]

يعطيك العافية السامر
الرد احتاج ثمان سنين :nice:

المشكله خيار امر وقف الخساره شالوه
لازم تكون قدام الشاشه عشان تلحق تطلع

هلا بكيلو ذهب. :)

ايوه ضروري المتداولين يعرفون هذا الشي
وضروري يتابعون حلالهم.

سلمت ونورت

[فيصل99]

الله يجزاك خير اخوي السامر على مجهودك الكبير ونفع أخوانك ويبارك فيك

س: وقف الخسارة للمستثمر أيضاً ولا فقط للمضارب.

[Breakaway]

فكرة الموضوع جميلةيا ليت يتثبت، مع الشكر لأخونا الحبيب ومحللنا السامر الطيب

[السامر الأسود™]

الله يجزاك خير اخوي السامر على مجهودك الكبير ونفع أخوانك ويبارك فيك

س: وقف الخسارة للمستثمر أيضاً ولا فقط للمضارب.

ويجزاك خير يا فيصل,, اي نعم المستثمر اولى من المضارب لان المضارب بترجع لوقف خسارته العاده قريب
اما المستثمر طويل الامد - مستثمر العوائد اذا كسر وقف خسارته يبي له سنين وشهور احيانا

فكرة الموضوع جميلةيا ليت يتثبت، مع الشكر لأخونا الحبيب ومحللنا السامر الطيب

الجميل انت,, والشكر موصول لك

[السامر الأسود™]

التعاكس

هو تحرك سعري بعكس الاتجاه المفروض.
ويصير فجاءة و يصير عندما يفقد صناع السهم او صانع السوق او صناع السوق السيطرة عالسوق

يعني بلغة ابسط اعاد ضبط للسوق

واحيانا يكون لاخذ السوق لتوقيت معين لاسباب ادارية ( سياسية اقتصاديه داخلية او خارجية) ادارة يعني

وطوله من الامثله الكثرة عكس 100% يعني 100% من طول الموجة الاساسية
سواء هبوط اوة صعود وسوقنا مليان من هذة الامثله ارجو مراجعه موضوع التعاكس

و الله اعلم وتمسون على خير