نطالب الدولة بإعطاء شركة ثانية حق إقامة محطات البترول لفشلها

[اسعاف]

لقد فشلت وقود رغم الأرباح المهولة لها في تأمين عدد كاف ومريح للمواطنين والمقيمين
من محطات للبترول
خاصة في داخل الدوحة وأطرافها
تَرَى الزحام وتعطيل الشوارع وإضاعة الأوقات
لكي تشحن سيارتك بالبترول
لقد زرت أوروبا في الصيف
ولاحظت كثرت محطات البترول على طول الطرق والمدن
ولم الاحظ زحام وربكة في الشوارع بسببها
أما في الدوحة تعال وشوف الزحام

ان إعطاء حق امتياز لشركة اخرى لإقامة محطات ذات مواصفات راقية وآمنة
سوف يثري البلد ويخفف الزحام
ويجعل من وقود الكسولة!! سباقة لإقامة محطات لخدمة الوطن والمواطنين

للعلم. محطات البترول كنز من ذهب يتمنا أقامتها كل تاجر في البلد

[اسعاف]

للعلم
حسب القانون
يمنع إقامة محطة حديدة بالبلد الا من قبل شركة وقود

[مخطط قطري]

صدقت واتفق وياك هذا والدوله تعطيها اراضي بلاش بعد اتمنى من الدوله الغاء الاحتكار

[حسن]

لا تستعجلون انا قرات لهم ان هذه السنه سوف يتم افتتاح مايقارب ال30 محطه على مااتذكر
فعلا اداره وقود كانت ظعيفه ولا عندها خطط استراتيجيه للمستقبل
رغم توفر الاراضي الفضاء المملوكه للدوله بالهبل
ذكرتوني باهل الرويس محطتهم دنكر تخيلو !!!

الله يعينكم ياهل الدناكر زين كان ماتبق عليهم ههههههههههه
دنكر عاد

:funny:

في سنه 97 قانصين ورا الصرار لقينا في وسط البر محطه بدون اي شارع ازفلت

ههههههههه

[معماري قطري]

هذا دليل آخر على عدم التخطيط بدقة

كان المفروض هدم المحطات القديمة بجدول زمني بدون التأثير على الاستهلاك والزيادة السكانية المضطردة

اللي يحزني اخفاء المحطة داخل وحتى توصلها تمر بدواعيس طويلة وطرق مكسرة وضيقة .. مداخل ومخارج غير مدروسة وكأن واحد من شيابنا القديمين رحمة الله عليهم خط بالعصا في الأرض وقال لإستاد عباس ابني لي كذا وكذا.

محطات ألمانيا الداخلية سهلة ولاصقة في الشارع وقليل عليها زحمة .. كذلك محطات أمريكا تقريباً في الفرجان بس حولها في الغالب مباني تجارية .. ربعنا شفيهم يخشون كل شيء زين ويشقون على العالم؟ الريل دفنوه تحت الأرض والله يستر من تخطيطهم له والمستشفيات مستشفى قلب مسوينه دورين ولا حوله مواقف الا بطلعة روح .. والمفروض مواقف متعددة أدوار والمستشفى متعدد أدوار بمواصفات عالية واستيعاب كبير

[معماري قطري]

القائمة كبيرة والشق ما يبي له رقعة بتر كامل في بعض الأحيان .. وسوء تخطيطهم يطلع بسرعة ويبين بسرعة والأسباب بسيطة .. إذا اللي يديرون عملية التخطيط من البداية غير مختصين وغير مؤهلين شنتوقع منهم؟

[اسعاف]

القهر
ان وقود من كثر مدخولها وثرواتها
تخطط للعمل دوليا؟!!!

اول عمري بلادنا
وبعدين عمري بلدان الآخرين

اما قصة الفحص الفني وفاحص
وقلة عددها وتغلبل المواطن والمقيم فيها
فهذا يحتاج موضوع مستقل

[بانغ بانغ]

عندنا في الوكرة .... ثنتين والثالثة جاهزة

والله الزحمة اتصك 200 متر احيانا عشان محطة السيف عند دوار الصدفة

شركة وقود .... فقط للنقود

[بانغ بانغ]

القهر
ان وقود من كثر مدخولها وثرواتها
تخطط للعمل دوليا؟!!!

اول عمري بلادنا
وبعدين عمري بلدان الآخرين

اما قصة الفحص الفني وفاحص
وقلة عددها وتغلبل المواطن والمقيم فيها
فهذا يحتاج موضوع مستقل

شيخنا كيف تخطط

اصلا موجودة في السعودية او عمان

مش متاكد

[حرف]

شركة فاشلة
ياليت ترجع لقطر للبترول ويفنشون كل الي فيها

[اسعاف]

المرور عاجزين عن فك الأزدحام والاختناقات المرورية في محطة الصقر في الهلال
ونفس الشيء
في محطة راس ابو عبود عند الجسر

[اسعاف]

من هو رئيس مجلس ادارة وقود؟!

[ابوالكلام]

كان من المفروض فتح تصاريح لاكثر من شركة وبمواصفات تضعها الدولة افضل من الاحتكار والمهزلة

[اسعاف]

انتو تدرون ليش العطية انشأ هذه الشركة
أنشأها بقصد افادة عامة المواطنين من خير المحطات وجعلها اكتتاب
لانه وجد من خلال عمله حينئذ
ان هناك هامورين مسيطرين على إقامة المحطات
ففوت الفرصة عليهم وخدم المواطنين

[اسعاف]

لكن وقود استغلت هذه الامتيازات الشركة
وارقدت للأسف

[المخفي]

مدراء وقود كانوا موظفين نودكو فلا تتوقعون الكثير

[اسعاف]

عطو الدولية للخدمات امتياز إقامة محطات بترول
وخلهم يتنافسون

[Most Wanted]

مدراء وقود كانوا موظفين نودكو فلا تتوقعون الكثير

ما شاء الله تعرف نودكو مدراء نودكو ما كان الا محمد تركي السبيعي وراح والثاني ناصر فخرو ما ادري هل هو موجود لين الحين والا راح.
بس خليت أتكلم عن السبيعي هو عقليته كإداري ما عليها كلام وشهادتي فيه مجروحه مشكلته انه او مصيبته انه شايف نفسه وايد وما يحط حد تحته الا يقول له ان شاء الله.
موظف سابق في نودكو

[ابوالعبد]

انا مو قاهرني الا محطه راسه بوعبود التيسير ياربع لازم يشوفون حل لها كله زحمه زحمه وتعطل الشارع الحل انهم لازم يبنون محطات بترول خصوصا في راس بوعبود والمطار للتقليل الزحمه ويفتحون محطه بالكورنيش

مافيها الا محطه صغيره !!! شدعوه وايظا نفس الكلام عند نادي قطر بعد لازم يفتحون محطه المحطات بالمناطق الحيويه قليله !!!!!!!!!!

[اسعاف]

المشكلة بعد
ان محطات غير وقود صارت مول او سوق
وفوضى واختناقات ولا أمن ولا سلامة فيها
خذ مثلا
محطة بوهامور
محطة الاند مارك
وين الداخلية عن هذه الفوضى

[اسعاف]

محطة قطر او الدخيل
ما تقدر تسوق بين الدكاكين

[حرف]

صراحة الوضع لا يطاق في محطات البترول
وكلها خطر

[حليتان*]

مره شفت موضوع فالمنتدى اقتراح يحطون شيش بترول صغيره فالفرجان


وانا اشوفه اقتراح ممتاز صراحه

[حليتان*]

والدليل انه اقتراح ممتاز مدينة الشمال كامله شغاله حاليا على هوزين بترول ومانشوف زحمه الا احيانا الصباح

[يوسف0]

من هو رئيس مجلس ادارة وقود؟!

الشيخ/ سعود بن عبدالرحمن حسن آل ثاني

لمزيد من التفاصيل woqod.com.qa

لاحظت الزحام فمحطاتهم وايضا سرعه تعبأت التانكي بطيئه في مكاينهم الحديثه مقارنه بالمكاين القديمه الي فالمحطات الغير مملوكه لوقود :rolleyes2:

[حمد 2002]

بالعكس وقود وسيعه وزوينه ومن أفضل المحطات من حيث جميع الخدمات ..

انا دائما ابدل زيت المواتر ماله البيت عندهم ..


شكرا للجميع ..

[مضارب دوسري]

لا تستعجلون انا قرات لهم ان هذه السنه سوف يتم افتتاح مايقارب ال30 محطه على مااتذكر
فعلا اداره وقود كانت ظعيفه ولا عندها خطط استراتيجيه للمستقبل
رغم توفر الاراضي الفضاء المملوكه للدوله بالهبل
ذكرتوني باهل الرويس محطتهم دنكر تخيلو !!!

الله يعينكم ياهل الدناكر زين كان ماتبق عليهم ههههههههههه
دنكر عاد

:funny:

في سنه 97 قانصين ورا الصرار لقينا في وسط البر محطه بدون اي شارع ازفلت

ههههههههه

30 مره وحده
هههه
لا
13 محطه

سابقا قبل 2015 يملكون 24 محطه
بيصيرون جميعهم 37 محطه مع نهاية العام مع العلم افتتحوا تقريبا 3 او 4 او 5 محطات منذ بداية 2015


ما يعيب وقود هو المواقع الغلط لمحطاتهم


وتوزيع المحطه غلط في غلط في غلط


المحطه الوحيده اللي توزيعها مناسب اللي صوب الخيسه وانت طالع من الدوحه رايح الشمال
لا وفيها مطاعم وحركات
انزين

شمعنى هالمحطه بالذات ؟؟؟؟
escape

اوكي عرفنا السبب

عالاقل
حنونا من حناكم :shy:

[Mohammed2]

ماشوف عيب في محطات وقود
ما شاء الله محطاتهم كبيره واللي يشتغلون فيها عارفين شغلهم عدل وموفره كل شي
اذا عشان الزحمه حتى لو كان بدالها محطه غير وقود بتكون مزدحمه نفس الشي
وثاني شي المفروض ننطر لين تنفتح المحطات الجديده وان شاء الله بتخف الزحمه فيها

عن نفسي اذا كنت ابي اعبي بترول اروح على طول على وقود حتى لو في محطه ثانيه اقرب منها

[حرف]

الزحمة في المداخل وداخل فاضيه المفروض الي يشتغلون ويزعون السيارات الداخله موب يخلونها في صوب واحد

[ابن البيطار]

اعتقد هناك شركه قادمه قريبا ستنافس وقود

[توشيبا]

محطه وقود اللي صوب مشيرب صغيره وباص واحد كروه يسكر المحطه علينا وتعال شوف كم باص لكروه يبغي يعبي ديزل


محطه وقود في الريان عند دوار العطيه خذ الزحمه ومع هذا شاحنات بالهبل ومسكرين محطه بترول الريان من كم يوم لين الان مسكره ومحطه بترول الفروسيه صار لها سنين مسكره

ومحطه بترول التيسير والوجبه من بدايت المشروع واهم مسكرين

يعني تسكرو اربع محطات بترول وفتحو بالمقابل محطه وحده لوقود واهي بالاساس كانت محطه بترول التيسير

[غايه الطواش]

ولللاسف ان مدخل المحطه ومخرجها واحد ويستحمل سياره وحده فقط للمرو وهاي يشكل ازدحام كبيير
وحوادث<<<<< توي مندعمه بسبه هالسالفه

[PathFinder]

سيارتي من يومين ما فيها بنزين واستعمل السيارة الثانية .. كل ما كنت امر على محطة احصلها زحمة يبيلك نص ساعة الى ساعة عشان البترول !!

[عاشق العديد]

انا خاطري مره اروح وقود معيذر الي مقابل اسباير واحصلها فاضيه او شارعها مب مصكر ..

مافي تخطيط ..

زحمه بكل مكان

[مواقف النجادة]

وقود كـ مباني و معدات ممتازة .. و رفعت مستوى محطات البترول في بلدنا الحبيبة قطر ....

ولكن ..

كتسويق و ادارة .. فاشلة .. و تعتمد على الاحتكار :

كاشيريتهم .. مخيسين النفس و ينقعون الزباين (مقارنة بباقي الكاشيرية في الاماكن التجارية الاخرى) ..
مغاسلهم .. العمال مالهم بارض و ما يهمهم كم سيارة يخلصون في اليوم و نوعية الغسيل لك عليها ( مقارنة باي مغسلة في محل بوبابين ! )..
تبديل الزيت .. مافي اي قطري (او اي شخص يفهم في المواتر ) يبدل عندهم لان جميع ماركات الزيوت اللي يستعملونها اهل قطر غير موجودة.

الحل في نظري .. انشاء شركة مساهمة اخرى تنافس وقوود .. أو تقسيم وقود الى شركتين بينهم منافسة ..

كلنا شفنا النقلة النوعية في خدمات (كيوتل) بعد ما جائت (فودافون).

[Azizuk]

وقود صار لها اكثر من 15 سنة من تأسست

مافي عذر لهم*

وشوف سهمهم بالبورصة مرتفع

وعندك محطات التيسير معظمهم زحمه لأنهم متعاقدين مع شركات

والزحمه فيهم مب طبيعية وخاصه اللي مقابل قطر للديكور

تسبب ارباك في حركة السير وحوادث

المفروض يتم إغلاق المدخل من الشارع العام

[حسن]

بعدين مشكله المحطات الحين ترجع ان الهوز قصير وماتقدر تستخدمه
الصوب الثاني فتلقى سيد فاضي وسيد مليان
والسبب الاخر ان مافي حد يصب حق نفسه نفس قبل ولكني اكثر الاحيان انا اذا كان العامل
مهب موجود اصب حق نفسي مانتظر اسوي مثل قبل

[بعيد النظر]

مشكلة وقود .. في شيئين !

الاولى .. مضختين وقود .. في كل لاين بسسسسسس !!

والمشكلة الثانية لو التانكي يسار ..
يبيلك نص ساعة اقل شي .. بسبة اغلب المواتر تانكيها يسار !


فـ تجوفون السيد شطوله .. والعالم تنتظر وحالة ..


الحل موجود .. وسهل بس التفكير محدود للاسف !

[حرف]

بعض الاعضاء يدافعون عنها على شأن اسهمهم فيها
بس الغلط غلط*في
التخطيط

[PowerQ]

طبيعي تكون متباطئة الشركة في عملها كون ماعندها اي منافس، تخيل لو مافي إلا شركة جوال وحدة كيف بيكون الوضع؟ أسعار مرتفعة وو جودة سيئة، عكس لما يكون للشركة منافسين فبتصير تعمل بجهد أكثر لتحسين مستواها..

شرايكم نسوي قطية ونفتح شركة محطات بترول؟

[المخفي]

http://www.raya.com/File/Get/9201e1a5-97d1-4d54-b4f7-4de09e21199c

[المخفي]

بكرة بيطلع مسئول وقود في الجرايد و يتكلم عن انجازات وقود و الخطط المستقبلية

[Fahad Alqahtani]

افتتحوا محطة جديدة غرب من دوار ام الدوم في معيذر. كلمت المسؤول هناك وعطاني رقم هندي اسمه بيراج موظف في وقود وشرحت له المشكلة اللي بتصير عقب ما يفتحون المحطة وحولي على مهندس حسام وشرحت له الوضع بس من طريقة كلامه حسيت انه عايش في بلد ثاني وقمت اساله انت منين تعبي موترك وما تشوف الزحمة وعرضت عليهم حل للمشكلة وقال ان شاء برفعها للمسؤولين وطبعا المسؤول مستحيل يتراجع عن قراره لانه دايما صح .

الشباب اللي يقولون ان محطات وقود فاضية وما عليها زحمة كخدمة انسانية منكم ممكن تدولني على المحطات والساعة كم تروحون لها واكون ممتن لكم.

ان شاء الله وانا معود للبيت بصور لكم محطة وقود والزحمة اللي فيها

[Fahad Alqahtani]

واقترحت على المهندس حسام انه يقلبون المداخل مخارج، مخارج وقود اوسع واطول من المدخل مع انه المفروض العكس .

[bu_yousef]

الوضع ماشي عالبركة

هي متاخره وقاعدين يتخبطون تاخروا بالشروع بالعمل الحين عقب كم محطة اتخذوا قرار الاغلاقات

بيوصل الوضع ان نعبي بترول باول محطة بعد مركز السعودية حالنا حال البوالين :tease:

[Fahad Alqahtani]

صورة تبين المعاناة اللي مسببتها وقود

https://lh5.googleusercontent.com/-FxEi2OS5JK4/Ve0YYXc1sgI/AAAAAAAAA8c/q63xYydvT7k/w582-h776-no/001
وهذي صورة من قوقل تبين وين كنت موقف وطبعا اللفة اللي تطلع من الشارع الفرعي مسكرة

https://lh3.googleusercontent.com/Rh03aqtw4HBEyF2GMW13rYQFBVzKGh0uoOeqHXy72euSWGCbQg 0pjT2L1RYU5AeFa9f_tw1xOag0GKEDzUNcxtUS3GhvqeIeTzTw JlXigvzGrPtyBsGZ3X5gXtbbEOk3k23-JJTMuGawrKUeHxvV1O0lemARb7YzSMsUk1euWWg8p_IsQ_K69q lQ4SYx4E0bRfdIe2lvpa1-tUhGfw09l_zoio1fCOQPd3inDbSdc1oD9_g631nvpI33E1wX7z tPknTqVUxlOIsesNGDMQmTc2ZAw-Gvt4CIp6OPHEvssYAuE4V6Mkoo3HcoDhik0TAijbrl6HB052E4 NAWNYSmbUSBLbi0UyFfkRegRh3W-_6aONU4iPlf_tOSJ5pKWzr6NNt33-_2nhBKQK34WeL4beo3bGJmV9xutb-1XeAUk3lZRp7SWIJfZFwU6Y5S_z6v0xcNvrinP3xJtMCVIFSL-1lrDTCrb2sKZllxUIRAJLsXcVQVPxEejjkYw9kSULutCX0QXMf BJT8NDIKyQZx9dDOI=w165-h294-no
وقفت وصورت لكم الساعة

https://lh3.googleusercontent.com/8WgWEzunFgoGcW7bKadowjDv0g3W-I9EB3l1oTUsIl60mkVXu5tMxnooh529Czmfg9Rj_NNqmplsTWt yngsHNBJBn1HU0l-XVsTjGaVTnOHAoAsSSduONMIu4Cz16-oD2W2HkK6-BysGyiQQNXl3II1SqFr1E-a3mSR9ABlAYfjK7amzICWM3mHWVb87ovNK2Rz2zV0UnfIhJz07 WxYYkvHXhWsJBNX81xYZ4HeNJd_wddBQ-mZtCoUgGMOIBz7wvA_-N0cJD8uDH9E2Nvv7kS8m65qJolPIap6XMj8M-xw9ubcn5a7MCxQlcEHSeTSd6Q1tOIQfwbrrmWWdhZ1ukIWTIn4 TzZYWePTXlSFjd7NtOrY3HggdcNR77Qn_VkumjMGQTenLOHrMI Pdyqxcm1JiRVaulJzVCIgwBTCJMdJkPpAm9szzd6h69yrsrZ9Z fbwcLRe9B84JKMYGLdzRyjLiDb_Rb2XIjm7DyyxrHEpQD21WqF Cxek2E7XXCc62J4gWrdFI53bILmyQRi4LdUmXw=w684-h911-no

طبعا كنت مضطر اني اعبي واحاول اني استنفذ البترول حتى اخر قطرة تفاديا لزحمة وقود

https://lh3.googleusercontent.com/r_YidKMTr7NDn2GkY2UGup4J3MgjZbHs19XRaWMBj5EnFT0sCb 0fQrJIJxI3AIX22BoS0V1LVievbK2iuik9fzlgFACFs2QnRbpg 5yUshhAF9xr8nAyQWDYNiXBm4qCkLzkbWXyWy65KDuNrVAaO7l SERXFV-a8ayx52iw-4WIOKzMLTbowk-SsLTgDxbyhrgjb5f1GKLIo6mgdvzfGuw4j1P3aT4j1-wriHAOQAJzkU0yw_kovakdakyIpICsbpHpUFBOfdysU6_a_hhT jhsnBH2CDyjawvBcZb-Y_TDQTJaYQcuuh2K_sizZ1EtF-96dWh0rynn6iqaDG89F7I-PLlR7UVTkVBAFK3Q4ZWI0mm3_phEI3p5o8dPnKjTjwb2JkBR7T YoFIi2sTfSdBMeiqdF8MVBvuAnqJZRvsl_yjR8jR6tT96BalZk RC4Jt6oqTohAYQns23DNBY9qQdtcRAgzd9a_Xkcc50Urv9Hoof AwHXVvgRgi1ov_NKvLfMpMMBM5j-wVfhfOZtCnCitogM=w684-h911-no
هذا الوقت اللي طلعت فيه من المحطة
يعني من 0655 الى 0717 الوقت كامل 22 دقيقة

https://lh3.googleusercontent.com/6ZRJS2L9JYI55pPIXGZ2xklbIhbsZt2mZU3q3woy-G-6yLYAlU6XGIEOdhMO1sJkSujhxrjHzFlRtf7-LtwaNFYdShImVrFW1e__lnbvET08hiZ9ZwGeW9EXrZ31Z_tNI-zsfnvGndLks49qf7ZfCy3nBykTS-QtU4c8CS1wAA9bUlZL7EuAzEjFgzamInW3L8wAu_taqRivIiMu i1GpkmpNvlLUhw-heiL-Gak0A04o7HZfg-ASh3bidj4IC4PU0PNy0pkGO1jrHYdOEuUtprGYHvtbwKyoPuHA 4WV0SLP89T6iFu4qdB3mEoMaL1u-D3Vb-XRkC-Sl6LHOmxmwiIEbFzEMz_Zcbt3Neq_U8u-__-7vEV7D6jTcypShhAwFrDa8LL36ByXCQ8J9mIThcrbM1ME4ASER M6vRj4QaMH8uZMwdVhNkSpFr_sX58wIJiMrbVMF4sCaYuwYV6a ccDpguuAAW16Ato-ZenYyBPWe5_Ijhltw_VD2BGY2_jUcLBAervHKNQ7UOk0DcOAxM Imc=w684-h911-no

هذا كلام يا وقود ياليتكم ما لغيتوا كل المحطات القديمة وخليتوا بعضها لين الله يفرجها عليكم

[موظف ((حكومي]

تصميم وقود ومداخلها ومخارجها غلط

[شبيه الريح]

سيئة جدا جدا

وبطيئييين

والسوبرماركت غالي

اقل شي ماء الريان ب 50 درهم وعندهم ب 75 درهم وباقي الاشياء اكيد بعد غالية

[lion66]

بل دمرت سهم الشركة باقتراحك

[العربية نت]

اشوف ان الخلل لا تتحمله وقود لوحدها النصيب الاكبر يتحمله التخطيط بوزارة البلدية والتخطيط العمراني لان حجم الاراضي صغير مع ثبات التصميخم في كل المحطات

[aloosh]

ازدحام مو طبيعي صراحه عند وقود

انا امر على محطتين بحكم سكن زحمه زحمه

[H H]

الوضع زاد سوء!!!! نحتاج حلول حتى لو مؤقته لين ماتتنفذ مشاريع وقود!
من فيكم مر على محطه هالاسبوعين وماوقف عندها ربع ساعه !!!

يعني مالنا الا اننا نحط منبه الساعه ثلاث الفجر ونقوم نعبي بترول!