انمنى من المرور زياده السرعه بشوارع والزحمه قربت

[ابوالعبد]

السلام عليكم والرحمة الله وبركاتة


اناشد المرور بزياده السرعه بالمناطق وبدل 80 يسوونها علي الاقل 100 وبدل 120 يسوونها 140 مش معقوله هالزحمه شديده بشوارع خصوصا الاجانب بيخاف يشوف شارع 80 يمشي لنا

علي 60 ويعطل الشااارع والمدارس قربت وزحمات علي الابواب ولاتنسون انه الان الجميع بالبلد ورجعوا ناس من السفر يعني الويكند خميس وجمعه والسبت راح تشوفون زحمه زحمه زحمه

شارع مايتحرك اناشد وبقوه زياده السرعه بكل شوارع البلد وايظا عندنا طريق بوسمرا ماشالله شارع وسيع من 4 شوارع ليش السرعه 120؟؟؟ ليش مايتم الزياده الي 140

وبتوفيق

[حرف]

اي والله زحمة لا تطاق والسبب السرعة المتدنية

[بومحمد]

اخوي زيادة السرعة في الزحمة ماراح تخدم احد ، ممكن للمناطق الخارجية ولكن مش في الدوحة

[ابوالعبد]

ليش لا اخوي ان تعرف اي شارع مكتوب مثلا 80 بعض ناس تمشي اقل من 80 يعني تمشي 60 او 70 ونفس الكلام شوارع ابو 100 ناس تمشي 80 او 70

بالعكس زياده السرعه + ماشاء الله ياكثر رجال الخويا والمرورو ايش فيها لو كل اشاره مرور خصوصا الاشارات الحساسه يحطون فيها شرطي

[حرف]

قريت في احد المواضيع هني بالمنتدى ان فيه دول حاطه سرعة قصوى وسرعة متدنية والي يمشي تحت المتدنية يعطونه مخالفة

[حليتان*]

يارجل طلع لنا شعر فلسنتنا واحنا نقول بس من يسمع

[حسن]

والله طرحت هذا قبل ايام وقبل ان يزيدون السرعات مثل مانت ماذكرتها
وقلت بتحل ويتخفف حسب رؤيتي ولا يحددون لكل مسار سرعه

لكن مايسمعون الكلام خلونا نجرب ونقيس التجربه مثل مايجربون فينا
الحين يوم يسون 6اكتوبر 100 وعقب ينزولنه 80 وعقب يرفعونه 100
كانك يابوزيد ماغزيت

الصراحه تنبئت قبل ان الايام المقبله بنشوف بلاوي في الشارع بسبب العصبيه
وزين اذا ماتؤدي الى ارتكاب جرائم اخري
هههههههه

[Mohammed2]

المرور قللو سرعة 22فبراير من 100 الى 80 على قولتهم عشان يجربون هل تقل الحوادث او لا
وطبعاً الحوادث ماقلت الا بالعكس زادت الزحمة
انزين ليش مايجربون يزيدون السرعة في هالشارع ويخلونها 120
ترى كلها الا تجربه :)

[مضارب دوسري]

الى متى

اي حادث على 22 فبراير
يتوقف السير نص ساعه :(

الله يعينكم ياللي دوامكم فالدوحه

نحمد الله ونشكره ان دوامنا فالشمال

[ابوالعبد]

اويد وبشده طريق 22 فبراير السرعه تكون 120 طريق سريع شدعوه 100 ولا 80

[معماري قطري]

اويد وبشده طريق 22 فبراير السرعه تكون 120 طريق سريع شدعوه 100 ولا 80

وانا مؤيد كذلك وحتى 140 ممكنة وشارع الشمال حتى 180 أو 200 بس بنظام وقوانين صارمة .. محد يقرب بخطورة من سيارة جدامه واللي يمشي أكثر من 10% بسرعة أقل من المحددة يتخالف .. أو المسار اليمين لمن يرغبون في المشي بسرعات أقل من القانونية.

أغلب الحوادث على هذي الطرقات بسبب الاقتراب وعدم القدرة على التوقف والغفلة مع التلفون أو أي شيء ثاني .. باقي الأسباب القيادة ببطء وبعضهم يلف بطريقة خاطئة ياخذ مثلاً أقصى اليسار وهو أقصى اليمين .. وبعضهم يدخل الشارع وهو يمشي على راحته خايف يدوس شوي وياخذ 10 كيلو لين يوصل لسرعة الشارع .. حتى اللافتات اللي يحطها المرور تشجع على هذا الشيء.

[معماري قطري]

طريق سلوى انا اضبط السرعة على 138 أو 139 ولا يصيدني الرادار بس المفروض يكونون صريحين ويكتبون هذي السرعات واضحة حتى الكل يلتزم.

[موظف ((حكومي]

مو زياده بس


يراقبون سيارات الي تعطل سير

[حرف]

طريق سلوى انا اضبط السرعة على 138 أو 139 ولا يصيدني الرادار بس المفروض يكونون صريحين ويكتبون هذي السرعات واضحة حتى الكل يلتزم.

من جسر الصناعية وانت رايح صوب الدوحة على نفس الشارع السرعة اقل 120
هذا الي يقصدة بوالعبد

[غريب الدّار]

السلام عليكم والرحمة الله وبركاتة


اناشد المرور بزياده السرعه بالمناطق وبدل 80 يسوونها علي الاقل 100 وبدل 120 يسوونها 140 مش معقوله هالزحمه شديده بشوارع خصوصا الاجانب بيخاف يشوف شارع 80 يمشي لنا

علي 60 ويعطل الشااارع والمدارس قربت وزحمات علي الابواب ولاتنسون انه الان الجميع بالبلد ورجعوا ناس من السفر يعني الويكند خميس وجمعه والسبت راح تشوفون زحمه زحمه زحمه

شارع مايتحرك اناشد وبقوه زياده السرعه بكل شوارع البلد وايظا عندنا طريق بوسمرا ماشالله شارع وسيع من 4 شوارع ليش السرعه 120؟؟؟ ليش مايتم الزياده الي 140

وبتوفيق
شارع بو سمرا؟

وهل شارع بو سمرا زحمة؟

لانك تقول ان الزحمة سببها قلة السرعة في بعض الشوارع
وان زيادة السرعة بتحل الموضوع


شوف اخوي

الزحمة مالها علاقة بسرعة الشارع الا في بعض الشوارع القليلة (يمكن شارع 22 فبراير منهم)

اما تقول لي بو سمرة !! يعني لو خلوا سرعة خط بو سمرة 190 بتخف الزحمة مثلا؟

انا اعتقد ان الزحمة أسبابها الأساسية :
1- الزيادة الهائلة في عدد السكان وبالتالي عدد المركبات
2-الشوارع تم تصميمها بشكل لايستوعب كل هالزيادة في عدد السكان ، خصوصا ان البدائل (مثل الجسور والانفاق والمترو) غير متوفرة او غير متوفرة بشكل كبير في الوقت الحالي.
3- التصليحات واعمال الطرق.


هاذي في نظري الأسباب الأساسية للزحمة

اما السرعة وزيادة السرعة في الغالب ماراح تسبب زحمة مثل العوامل المذكورة أعلاه

هذا اللي اشوفه

وفي نفس السياق :
اعتقد ان يجب ان يتم وضع حد ادنى للسرعةفي الشوارع مثل مافي حد اعلى

يعين اذا الشارع سرعته القصوى 120 اعتقد يجب ان يكون الحد الأدنى للسرعة فيه عن 80 مثلا او 100

هذا أيضا حل من الحلول اللي قد (قد) تساهم في التقليل من الزحمة

[][ الوحيد ][]

زياده السرعه مالها داعي ..
البلى كله في كميه السيارات فالشارع ..
الشوارع ماتكفي حق سيارات هالكثر ..


لو الشارع مثلا 100 مردك بتخف عند رادار الاشارات لين 80 ..
شوارع قطر الحين لو كانت في 2006 كانت بتكون خياليه ..
لكن على عدد السكان و الزياده السكانيه .. كان المفروض الشوارع هاذي في 2006
والحين تكون الشوارع متطوره اكثر !
مب الحين توهم مفكرين فالجسور !
الناس وصلو حق جسور في بعض و يفكرون في طابق ثاني حق الهاي وي وانت للحين ترقع في شارع صار له 6 سنين و اخر شي دوم واقف ,,
لا بنيه تحتيه حق الشوارع ولا قدره استيعابيه ولا تخطيط عدل ..
لو انهم من زمان ماخذين راي الناس او المهندسين (الشباب) من خريجين امريكا جان استفادو واااايد ,,
كل الربع اللي تخرجو من امريكا ماشاءالله عليهم عندهم افكار حلوه لكن محد يسمع لهم .. و اللي يبونه بيسوونه !

شوف مع كل رشه مطر الشارع يخترب و يتكسر ليش ؟ لانهم يحاولون يرقعون بسرعه بسرعه و وبأقل الاسعار ..
بس عشان الفضيحه مايدرون انهم مايقدرون يسوون شي خلاص .

[][ الوحيد ][]

طريق سلوى انا اضبط السرعة على 138 أو 139 ولا يصيدني الرادار بس المفروض يكونون صريحين ويكتبون هذي السرعات واضحة حتى الكل يلتزم.

انا سألت نفس السؤال ,, و قلت دام رادار الشارع مايصير الا 140 تقريبا ..
ليش تكتبون 120 !
ماكان في رد مقنع و يقولك لو في رادار متحرك بيصيدك لانك فوق ال120 ..
و اذا قلت لهم انزين الرادار نفسه مايصيد الا 140 .. بيقولك احنا شنو كاتبين فاللوحه ؟


مافي قانون او شي واضح منهم ..

[JN000N]

والله البلا كله ف الشوارع الضيجه
السيارات مول مول هبابها اتسحب عالشارع من الضكة كلن لاصق ف الثاني

[JN000N]

[ الوحيد ][;10190906']زياده السرعه مالها داعي ..
البلى كله في كميه السيارات فالشارع ..
الشوارع ماتكفي حق سيارات هالكثر ..


لو الشارع مثلا 100 مردك بتخف عند رادار الاشارات لين 80 ..
شوارع قطر الحين لو كانت في 2006 كانت بتكون خياليه ..
لكن على عدد السكان و الزياده السكانيه .. كان المفروض الشوارع هاذي في 2006
والحين تكون الشوارع متطوره اكثر !
مب الحين توهم مفكرين فالجسور !
الناس وصلو حق جسور في بعض و يفكرون في طابق ثاني حق الهاي وي وانت للحين ترقع في شارع صار له 6 سنين و اخر شي دوم واقف ,,
لا بنيه تحتيه حق الشوارع ولا قدره استيعابيه ولا تخطيط عدل ..
لو انهم من زمان ماخذين راي الناس او المهندسين (الشباب) من خريجين امريكا جان استفادو واااايد ,,
كل الربع اللي تخرجو من امريكا ماشاءالله عليهم عندهم افكار حلوه لكن محد يسمع لهم .. و اللي يبونه بيسوونه !

شوف مع كل رشه مطر الشارع يخترب و يتكسر ليش ؟ لانهم يحاولون يرقعون بسرعه بسرعه و وبأقل الاسعار ..
بس عشان الفضيحه مايدرون انهم مايقدرون يسوون شي خلاص .

لان المتخرج قطري
بس لو يايهم ثانويه عامه بوعيون زرق
بيكون رايه عالعين والراس ونعم الراي

على فكرة احنا تعودنا دوم نستورد افكار خارجيه
مانطلع بافكار محليه تناسب جونا وطبيعة ارضنا وعدد السكان وغيره
ناخذ الشي جاهز من برا ونطبقه علينا ونلاقي عقب ستين الف عيب لان مايوارج اصلا

[][ الوحيد ][]

لان المتخرج قطري
بس لو يايهم ثانويه عامه بوعيون زرق
بيكون رايه عالعين والراس ونعم الراي
على فكرة احنا تعودنا دوم نستورد افكار خارجيه
مانطلع بافكار محليه تناسب جونا وطبيعة ارضنا وعدد السكان وغيره
ناخذ الشي جاهز من برا ونطبقه علينا ونلاقي عقب ستين الف عيب لان مايوارج اصلا

وهالشي الغلط اللي نسويه .. لان مب كل شي من خارج قطر يناسب قطر !

عندنا كفائات بس المشكله فاللي خايفين على مناصبهم .. وانا ما اخص حد بالعكس كلامي بشكل عام و في ناس يحاولون يضيقون على الشباب بس عشان المنصب :)

[غريب الدّار]

[ الوحيد ][;10190957']وهالشي الغلط اللي نسويه .. لان مب كل شي من خارج قطر يناسب قطر !

عندنا كفائات بس المشكله فاللي خايفين على مناصبهم .. وانا ما اخص حد بالعكس كلامي بشكل عام و في ناس يحاولون يضيقون على الشباب بس عشان المنصب :)

يعني اخوي شارع 22 فبراير مثلا كان في مهندسين قطريين متخرجين من أمريكا عرضوا تصميم معين ورفضوه الربع ؟

هل اللي صمم شارع 22 فبراير اجنبي؟

زين من هو؟ وشنهي جنسيته؟

[JN000N]

[ الوحيد ][;10190957']وهالشي الغلط اللي نسويه .. لان مب كل شي من خارج قطر يناسب قطر !

عندنا كفائات بس المشكله فاللي خايفين على مناصبهم .. وانا ما اخص حد بالعكس كلامي بشكل عام و في ناس يحاولون يضيقون على الشباب بس عشان المنصب :)
ان شاء الله جيل ويعدي
والحين وقت هالشباب الكفاءه
لازم يثبتون نفسهم
بعدين خلاص شبعنا وملينا من كثر الاستيراد الي مره يضبط وعشرة لا

[][ الوحيد ][]

يعني اخوي شارع 22 فبراير مثلا كان في مهندسين قطريين متخرجين من أمريكا عرضوا تصميم معين ورفضوه الربع ؟
هل اللي صمم شارع 22 فبراير اجنبي؟
زين من هو؟ وشنهي جنسيته؟

22 فبراير المفروض مخلص من زمااان قبل لا تصير الزحمه جذي !
وانا شخصيا اعرف شباب مهندسين قدمو حلول ومحد سمعهم ..
و بعضهم امسكو مشاريع كبيره فالدولة و ساهمو بنجاحها مثل صاله لوسيل و صاله العطيه في نادي السد


اعطيك مثال ..

الشارع اللي صوب كتارا صارت فيه تعديلات الحين .. ليش من البدايه ما صار التعديلات قبل لا يستوي الشارع ؟
لان المخططات جاهزة من زمان بس بدأ التنفيذ متأخر و زادت الكثافه السكانيه ..
وهاي الكلام من احد اللي يشتغلون الموضوع هناك .. و يقول الشارع للحين ماخلصنا منه و واصل حده ! عشان جذي قاعدين يرقعون فيه ..
مشكلتنا نبدأ متأخر هاي مشكلتنا الوحيده

[][ الوحيد ][]

ان شاء الله جيل ويعدي
والحين وقت هالشباب الكفاءه
لازم يثبتون نفسهم
بعدين خلاص شبعنا وملينا من كثر الاستيراد الي مره يضبط وعشرة لا

ان شاءالله و قطر فيها كفائات والله بس لو يعطونهم فرصه ..

[حرف]

اتمنى مشروع شارع الريان السريع مايصير فيه نفس الاخطاء

[بعيد النظر]

السرعة مب الحل ..
عندكم 5000000 جنسية تسوق فـ الشوارع ..

50000 منهم كانو على سياكل وبطابط ..
وفجاة لقو نفسهم دريولية و سواقين باصات وكروة !!


توقعون لو زادو السرعة .. بيمشي شارع 22 فبراير ؟!

[عاشق العديد]

انا مع السرعه 140 ..

فالخطوط الخارجيه ..

اما فالدوحه 100 انا أتوقع مافي دوار بيتم الا تشوفه خمس سياير فوقه ..

انا مايقهرني الا خط الشمال ..
فجاءه لوحه 80 فجاءه 120 فجاءه 100 .. يعنييي ششششلون ياخي ؟.

80 120 100 .....

سنتين وهم ع نفس الشارع والسرعه 80 وشارع هاي بروحه مليان رادارت مخشوشه .. وخذلك مخالفات لو تمشي 90 ..

[MirusS]

لا حياة لمن تنادي
توني ياي من برع باقي شوي وبنجلط من الزحمة

[حرف]

الخلل من المرور من هب ودب يعطونه ليسن حتى الكولي يروح ويرجع على سيارة من غير التكاسي الخصوصية

[راجي الْعفو]

وعليكم السلام و رحمة الله و بركاته

ضحكني عنوان موضوعك

لاني تذكرت حالتي

في رادار مستقعد لي مدري وينه

يصيدني ع 90 والطريق 100

بحاول اصيده !

[معماري قطري]

من جسر الصناعية وانت رايح صوب الدوحة على نفس الشارع السرعة اقل 120
هذا الي يقصدة بوالعبد

هنا السرعة 100 و 100 مناسبة .. لكن بعض الأوقات الشارع فاضي أتمنى لو يسوون السرعة متغيرة حسب وضع الشارع وبلافتات الكترونية تحدث حسب الوضع.

[معماري قطري]

يعني اخوي شارع 22 فبراير مثلا كان في مهندسين قطريين متخرجين من أمريكا عرضوا تصميم معين ورفضوه الربع ؟

هل اللي صمم شارع 22 فبراير اجنبي؟

زين من هو؟ وشنهي جنسيته؟

اللي اعرفه إن دوم تكون فيه ظروف قاهرة ما تخلي مشروع التصميم يكون 100% صح .. من ضمن هذي الظروف سوء ادارة المشروع من الجهة المسؤولة وفي الطرق هي أشغال .. تحصلهم ما يوصلون الموضوع بطريقة واضحة لصاحب القرار .. وما يختارون استشاري ممتاز وتدخل في اختياراتهم اعتبارات كثيرة .. يقسمون المشروع لقطع صغيرة ويوزعونه على عدة استشاريين، فتحصل جسر يجي بعده جسر يختلفون عن بعض.

والأهم هو التركيز على الموجود والبناء عليه .. مثال النظام الدائري وهو نظام فرنسي وكان هذا تخطيط الدوحة .. الحين تشوف كل المناطق مثله والمفروض يتخلصون منه ومن الدوارات خصوصاً في المناطق الحديثة.

أرض قطر ضعيفة ومنبسطة وتناسبها التقوية ورفع الشارع شوي حتى لا يتسرب تحته الماي ويخربه والجسور بدل الأنفاق .. وهم مصرين على التعقيد بدل التبسيط ولا يركزون على حل المشاكل .. لدرجة ان حتى اهتراءات الشوارع أحدهم ذكر إن كائنات فضائية تاكل الأسفلت.

[حسن]

اتمنى من المرور بعد يخالفون اللي مايعرف يصف في الباركنج

[معماري قطري]

اتمنى من المرور بعد يخالفون اللي مايعرف يصف في الباركنج

سؤال شلون شفته وهو ما يعرف يصف وانت في الدوحة وهو في ميونخ؟

[معماري قطري]

بو علي ذيك السيارة صعبة عقدتني خذت اليوم ام 5 الله يستر بس من السرعة 222 اليوم بس صكوا علي اللي يسوقون بطيء في اليسار .. الظاهر بعض اللي في الدوحة موجودين هنيه

[سعود.]

هنا السرعة 100 و 100 مناسبة .. لكن بعض الأوقات الشارع فاضي أتمنى لو يسوون السرعة متغيرة حسب وضع الشارع وبلافتات الكترونية تحدث حسب الوضع.


اقتراح ( رائع ) اخوي معماري . اتمنى انه يتطبق

[بشائر]

[ الوحيد ][;10190906']زياده السرعه مالها داعي ..
البلى كله في كميه السيارات فالشارع ..
الشوارع ماتكفي حق سيارات هالكثر ..


لو الشارع مثلا 100 مردك بتخف عند رادار الاشارات لين 80 ..
شوارع قطر الحين لو كانت في 2006 كانت بتكون خياليه ..
لكن على عدد السكان و الزياده السكانيه .. كان المفروض الشوارع هاذي في 2006
والحين تكون الشوارع متطوره اكثر !
مب الحين توهم مفكرين فالجسور !
الناس وصلو حق جسور في بعض و يفكرون في طابق ثاني حق الهاي وي وانت للحين ترقع في شارع صار له 6 سنين و اخر شي دوم واقف ,,
لا بنيه تحتيه حق الشوارع ولا قدره استيعابيه ولا تخطيط عدل ..
لو انهم من زمان ماخذين راي الناس او المهندسين (الشباب) من خريجين امريكا جان استفادو واااايد ,,
كل الربع اللي تخرجو من امريكا ماشاءالله عليهم عندهم افكار حلوه لكن محد يسمع لهم .. و اللي يبونه بيسوونه !

شوف مع كل رشه مطر الشارع يخترب و يتكسر ليش ؟ لانهم يحاولون يرقعون بسرعه بسرعه و وبأقل الاسعار ..
بس عشان الفضيحه مايدرون انهم مايقدرون يسوون شي خلاص .

كلام سليم .