مو كل شي يلمع (ذهب)

[JN000N]

السلام عليكم ورحمة الله وبركاته


،



،



يقول أحد الحكماء: من (غضب) منك ولم يقل فيك (شراً) فاخترهُ صاحب لك فالغضب (يفضح) طينة البشر



،


،


الحكمة او المقولة لا تنطبق على الاصدقاء بس
تنطبق عالاهل والانسباء والاصدقاء والزملاء والكل


،


مرات تطلع تصرفات من الشخص مايقصد قيها شي ولكنها تغضب الطرف الثاني
ف تكون ردة فعل الطرف الثاني واحد من اثنين:

الاول
بينهد فيك قدامك وبيرد عليك وبيسكت عقب (ولكن مجمل الكلام صار قدامك حتى لو وقتها قط عليك كلام جرحك فيه وبعدها بيعتذر وبيتم الموضوع بينكم مايظهر لحد)

والثاني
بيسكت ويمكن يطبطب عليك او يبتسم لك او يهديك
لكن بتجوف كمية الكلام الي تطلع من وراك


،


ومرات ماتحتاج انك تتصرف اي تصرف يغضب اي طرف
لكن في ناس تعودو انهم يطرحون مواضيع نقاشيه عن الناس الثانيين

يعني مثلا
صديقك الصبح معاك وعالعشا مع اهله يناقش شخصيتك وحياتك وامورك الي انت امنته عليها


،

او مثال ثاني؟

تتعرفين على بنت توثقين فيها بحسن نيه وتكتشفين انها ماتوثق ف حد
تحاولين تصفين النيه اتجاهها وتاخذينها بحسن نيه بعد انها حريصه او خايفه بحكم انها ماتعرف ايش نيتج
بالرغم من صفاء نيتج معاها وعفويتج (ويفترض هي الي خايفه) تلاقينها هي الي مخليتج ابرز عناوين نشرتها اليوميه لاي شخص اقرب لها منج




رايكم بهالنوع من البشر وكيفية التعامل معاهم
ولما تكتشف ان فعلا صادقت حد وماشاءالله شغال من وراك وكالة رويترز
او ماتلاقي تفسير لبعض تصرفاته لما يتسبب عليك او يتنرفز فجاه
وتحسب انت الغلطان وترجع تعتذر
لكن مع الوقت تحس ان الوضع صار يشكك ف نفسك
توقف وتقول انا مب غلطان وبالطقاق زعل والا رضى ؟
وبعدها لما انت توخر عنه وتبتعد عن الدايره اللي هو فيها والمحيط الي حوله
تجوف الي ماكنت تجوفه قبل
وتلوم نفسك انت شلون وثقت فيه وعطيته بعض اسرارك
تكتشف انه (كتلة فساد) ويجب القضاء عليه :)


عموما هم انواع من الناس
ومعادن الناس تظهر ف هالمواقف




،

[عاشق العديد]

والله للأسف ..

هالفئه منتشره وايد ..

لكن بسرعه ينكشفون ..

خاصتن من ناحيتي انا ما ائتمن ع احد الا الي يقربلي اما باقي اسراري مكشوفه ماعندي شي أخاف عليه او منه ..
والي يجي يتكلم عن فلان ويطلع عيوبه .. عطه ع جوه او صكر موضوعه وياكثرهم وماينفع معاهم الا انك تسكته تقوله يافلان عندك شي روح عنده وكلمه لاتجي تسندرني انا .. وياما قلتها وناس راحو ولاعاد ياو زعلو ههههههه

[Charisma]

رايكم بهالنوع من البشر وكيفية التعامل معاهم
ولما تكتشف ان فعلا صادقت حد وماشاءالله شغال من وراك وكالة رويترز
او ماتلاقي تفسير لبعض تصرفاته لما يتسبب عليك او يتنرفز فجاه
وتحسب انت الغلطان وترجع تعتذر
لكن مع الوقت تحس ان الوضع صار يشكك ف نفسك
توقف وتقول انا مب غلطان وبالطقاق زعل والا رضى ؟
وبعدها لما انت توخر عنه وتبتعد عن الدايره اللي هو فيها والمحيط الي حوله
تجوف الي ماكنت تجوفه قبل
وتلوم نفسك انت شلون وثقت فيه وعطيته بعض اسرارك
تكتشف انه (كتلة فساد) ويجب القضاء عليه

همممم ، موضوع جميل .

الصحبه انواع ، وفي هالزمن لزوم تكون " انتقائي " في صحبتك ، وهالشيء مايأثر كون الشخص أجتماعي او لا ، القصد في " انتقائي " ، الأشخاص المقربين اللي ممكن تأمنهم على بعض امورك الشخصيه " مع اني ضد مشاركة أسرار او امور شخصيه بحته حتى مع المقربين " ، لأخذ الأحتياطات وتجنب أحداث وسيناريوهات دراميه انت في غنى عنها .


نرجع للموضوع ، لو بدر هالتصرف من أشخاص " غير مقربين " فالحل الأمثل تجاهلهم او الرد عليهم "بحزم" في حال "التمادي" ، اما ان بدر من اشخاص مقربين ، فالأفضل اتخاذ اسلوب المصارحه والمكاشفه ، لأن اغلب هالسيناريوهات يكون فيها طرف ثالث يزرع الفتنه مابينكم ، فالأفضل التروي والتعامل بحكمه وعقل مع الأشخاص المقربين ، وقتها ان رجع له صوابه أنتهى الموضوع ، وان واصل وتمادى عيد حساباتك في مخوته .


البعض عاطفي بزياده ، وكل ماقعد مع حد "حتى راعي الدكان" خر له الأولي والتالي ، ويرجع يتشره ويتحسس .


الضيق كل انسان به هم به ضيق
ولاكل واحد يسألـك بـه طريتـه

السـد خلـه دايمـا فالصناديـق
منشـان ماتصـدم بشـي هقيتـه

[الحياة الخالدة]

موضوع جميل و حساس
تسجيل حضور و لي عودة على رواق بإذن الله

[أم محمد 90]

عني شخصياً

ماعندي الا صديقة واااااااااااااحدة فقط من رابع ابتدائي ولا يمكن ااثق بنت غيرها
وكل بنت ثانيه ف حياتي عبارة عن (علاقة سطيحة) لاني ما اثق بحد .


وايد مريت فمواقف .. مثل ما غيري مر .





في وقت مثل هذا ما انصح بافشاء الاسرار الواحد يموت احسن وسره وياه .
والعلاقات السطحية في هالزمن تعد واجب .

التعمق ... يؤدي للغرق.

[aloosh]

هذي الحكمه لم تدخل في راسي
الذهب يعرف سوى لمع او لا:)

[حرف]

الذهب ذهب في جميع حالاته

[معماري قطري]

ذهب ولم يعد

[الحياة الخالدة]

السلام عليكم و رحمة الله
عشان جذي يا جنون .. أنا نزلت من فترة موضوع عن الحدود في العلاقات بين الناس
في هالزمن .. مب من الحكمة تعطين ثقتج حق الكل .. و تخلين قلبج سبيل .. بابه على طول مفتوح
و الناس بعد على حق لما يحرصون على حياتهم و خصوصياتهم من ان احنا نتدخل فيها .. احنا ما نلومهم
لكن .. المفروض كل شخص يعامل الثاني بمثل ما يحب أن يُعامــــــل به

الحين حتى في وسط بيتج .. و عند أهلج و أقرب الناس لج .. ما تقدرين تتصرفين بحرية و تلقائية
ما تعرفين الشخص شنو ممكن يفهم .. و شنهي الفكرة المسبقة اللي في راسه .. اللي ممكن على أساسها يتعامل معاج
لذلك أحياناً نتفاجأ بردة فعل الشخص : ليش فلانة زعلت و عصبت و انا ما قلت شي يسوى كل هالزعل ؟؟!!
ترا الاشياء البسيطة تتجمع وحدة فوق الثانية .. و بالتالي تكون ردات الفعل أحياناً غير متوقعة و مبالغ فيها .. و لا ينطبق عليها قانون : لكل فعل رد فعل مساوي له في المقدار .. و مضاد له في الاتجاه

و شي أخير : مب كل من مدحك و ضحك في وجهك .. قلبه نظيف و نيته صافية
مرت علينا مواقف لا تعد ولا تحصى .. علمتنا أن الناس قدامك شي .. و وراك للأسف شي ثاني
نعم نحسن الظن و نفترض حسن النية .. لكن من كثر ما انقرصنا صار الخوف من الصدمات مسيطر على أغلب علاقاتنا

تحياتي لج

[بانغ بانغ]

انه الانفتاح اللي يبغونه بعض الناس

ولد الانانية والغرور والجشع والمصالح ..

ولى زمن " اعمله لله " .... وولى زمن " انت رفيجي وابشر " ... طبعا البعض مش الكل

خاصة في كثير من الناس معادنهم طيبة واعيال ناس

للأسف كلامك صحيح في ظل المتغيرات الاجتماعة وازدواجية المعايير في سلوكيات الناس

[JN000N]

والله للأسف ..

هالفئه منتشره وايد ..

لكن بسرعه ينكشفون ..

خاصتن من ناحيتي انا ما ائتمن ع احد الا الي يقربلي اما باقي اسراري مكشوفه ماعندي شي أخاف عليه او منه ..
والي يجي يتكلم عن فلان ويطلع عيوبه .. عطه ع جوه او صكر موضوعه وياكثرهم وماينفع معاهم الا انك تسكته تقوله يافلان عندك شي روح عنده وكلمه لاتجي تسندرني انا .. وياما قلتها وناس راحو ولاعاد ياو زعلو ههههههه

ولكم عاشق منور
منتشره وتمثل الصلاح والادب والثقل
ولكن ف الواقع في جانب مظلم ف شخصياتهم
وهالجانب هم يكشفونه بنفسهم ويدارون عليه بنفس الوقت
وتلاقي هالاشخاص نفسهم يحسبونك مثلهم بس مانكشفت لحين

اللي بيزعل عشانك وقفته عن لا يتكلم ف حد هاي وضعه صعب فوق انه يتكلم ف حد من وراه فوق انه يزعل ليش ما تتفاعل وياه
الله يهديهم

[ضوى]

جنون موضوعج راقي وجميل

صدماتنا بهالناس اللي تتكلمين عنهم وايد لكن نقول ان شاء الله انها تكون لنا دروس نتعلم منها ، بوووه عاد لو زعلت منج واحدة سوسة وكانت قريبة منج وعرفت كل شاردة وواردة عنج والله لا تخليج علوج بحلج اللي يسوى واللي مايسوى ، بتطلع الشين والردي اللي فيج كله واللي مافيج ، الله يكفينا الشر بس

لذلك لازم الواحد يتعلم من اخطاء الماضي ويخلي له حدود بعلاقاته مع الناس مع اني ماعرف اسوي جذي احب الناس واحب التعمق في العلاقات الاجتماعية بما يحفظ الود والخصوصية بيني وبينهم باي شي كان

[JN000N]

همممم ، موضوع جميل .

الصحبه انواع ، وفي هالزمن لزوم تكون " انتقائي " في صحبتك ، وهالشيء مايأثر كون الشخص أجتماعي او لا ، القصد في " انتقائي " ، الأشخاص المقربين اللي ممكن تأمنهم على بعض امورك الشخصيه " مع اني ضد مشاركة أسرار او امور شخصيه بحته حتى مع المقربين " ، لأخذ الأحتياطات وتجنب أحداث وسيناريوهات دراميه انت في غنى عنها .


نرجع للموضوع ، لو بدر هالتصرف من أشخاص " غير مقربين " فالحل الأمثل تجاهلهم او الرد عليهم "بحزم" في حال "التمادي" ، اما ان بدر من اشخاص مقربين ، فالأفضل اتخاذ اسلوب المصارحه والمكاشفه ، لأن اغلب هالسيناريوهات يكون فيها طرف ثالث يزرع الفتنه مابينكم ، فالأفضل التروي والتعامل بحكمه وعقل مع الأشخاص المقربين ، وقتها ان رجع له صوابه أنتهى الموضوع ، وان واصل وتمادى عيد حساباتك في مخوته .


البعض عاطفي بزياده ، وكل ماقعد مع حد "حتى راعي الدكان" خر له الأولي والتالي ، ويرجع يتشره ويتحسس .


الضيق كل انسان به هم به ضيق
ولاكل واحد يسألـك بـه طريتـه

السـد خلـه دايمـا فالصناديـق
منشـان ماتصـدم بشـي هقيتـه

وعليكم السلام ورحمة الله وبركاته
حياك الله بايلت

انا مثلك (ضد مشاركة الاسرار) على اني اجتماعيه ومعارفي وايد ولي صديقات مقربات جدا جدا الا ان (اللي لنفسي احتفظ فيه لنفسي وبس) ومايدري به الا ربي
مب بس مع الاصدقاء حتى الاهل

لو الاشخاص غير المقربين يعرفونك عدل انت من ولكن اختلفو معاك (والنفس دنيه) وصرت محور حديثه ف كل مناسبه
عند الفريب والقريب
صح التجاهل مفيد ومريح ولكن في بعض الحالات نحتاج مثل ماقلت رد بحزم
وممكن صج يكون في طرف ثالث يفتن الطرفين
ولكن بالنسبه لي لين جاني شخص يتكلم في حد ماراح اخذ ع كلامه وبمنعه ينقل لي لان مهما كان نوعية هالكلام تغلظ القلوب ع بعض ويمكن لا شعوري اتغير علطرف الثاني
وفي حالة ان الطرف الثاني تغير لان سمع كلام عني بدون ما يتاكد من صحته او يواجهني ف (درب السلامه) ومب محتاجين رفجته
ومب صاحب هذا الي بيخلي الكلام السايب يدخل بيني وبينه ويقطعني او يتغير علي وتبين تصرفاته ان فيها بلا وانا مادري شصاير من وراي

وصح لسانك

[نفسي عزيزه]

موضوع جميل شكرااا

انت معلم واحنا منك نتعلم

[JN000N]

موضوع جميل و حساس
تسجيل حضور و لي عودة على رواق بإذن الله

:shy:
منوره يالحب

[JN000N]

عني شخصياً

ماعندي الا صديقة واااااااااااااحدة فقط من رابع ابتدائي ولا يمكن ااثق بنت غيرها
وكل بنت ثانيه ف حياتي عبارة عن (علاقة سطيحة) لاني ما اثق بحد .


وايد مريت فمواقف .. مثل ما غيري مر .





في وقت مثل هذا ما انصح بافشاء الاسرار الواحد يموت احسن وسره وياه .
والعلاقات السطحية في هالزمن تعد واجب .

التعمق ... يؤدي للغرق.

برغم وجود الاصدقاء وحتى وان كانو اصدقاءنا من ايام غرفة الولاده
الا ان الاسرار ان طلعت من قلب الشخص مالها امان عند اي حد
والعلاقات العامه مع اي حد يعني معرفة شخصيه مب شرط تعمق ولكن معارف
تخيلي حد من هالعامه يستغل هالمعارف لاغراض دنيئه؟ او يخليج سالفه يسولف فيها اي وقت مع اي حد
هني لازم الواحد صج يحذر ان يتعرف على اي حد
مب كل الاوادم اوادم

[شبح الصمت]

في ناس ذهب اول ما تاخذهم يلمعووون وعقب فترة بريقهم يخف مش معناته انهم تغيروو لهدرجة انه خلاص يصدون

لا يبي لهم اهتمام ومدارى وبوليش خفيف ويردون يلمعوووون


الذهب يبقى ذهب

[مهرة]

..

طرح موفق جنون وتقدرين تضيفين في موضوع الأخ الخاطر بموضوع أسباب إنهاء الصداقات.,

تدرين مشكلتج من خلال طرحج الي فهمته وبعطيج عليه مثال .,

الصديق 1 ,, جاي من بلد الشبابيك وقلبه مفتوح على الطيبه والصدفة البرئية >> شخصيته مبنية على الألفة والنية الندية ويعطي قبل لا ياخذ ويعذر قبل لا يسئ الظن.!

الصديق 2 ,, جاي من بلد الحكايات قلبه يحكي وينقل ويروي بلسان هذا وذاك >> يسمع ويجمع ويطلع كل الحكايات بس مانعرف عنه أي شي .!


بما معناه الطرف الأول يحاول يلاقي نقطة تجمعه مع الطرف الثاني فبتالي يلاقي حواجز او عقبات ويتعثر فيها ويقوم ويحاول مرة ثانية يمكن يلاقي منفذ لنور يتخلل ظلام هالعلاقة., وفي المقابل الطرف الثاني يحاول يعرف كل تفاصيل وحكايات الطرف الأول وقد يستبيح مرات كثيرة حقوقه وأشيائه الخاصه معللاً ذلك بالصداقة.!! ودائماً يرسم دائرة على نفسه ويضع الكثير من الحواجز الفولاذية بحجة أنه كان ضحية لعلاقات كانت عكسية على نفسيته وأنه انجرح بما يكفي لذا وجب على الطرف الأول عدم السؤال ومعرفة حقيقة الطرف الثاني .,

يعني يبي منك كل شي ومايبيك تعرف عنه أي شي ومايصير تتخلى عنه ولازم ترد عليه بكل مصداقية وشفافية الي هو يتغنى فيها بس قدام الناس وهو مايعرفها أصلاً. وفوق هذا كله ينهش فيك من ورى ظهرك ويبتسم قدام عيونك ويغرقكك بكلام ووعود واهية اي صداقة يتكلم عنها .! الله يبعدنا ويبعدكم عن مثل هالناس.

أنا بالنسبة لي جنون أفضل الصديق المنافس يغلط قدامي ويحاججني ويحاول يثبت أرائه غصبن عني ونتهاوش الصبح ونرد نطلع ونتقهوى العصر :nice:

[JN000N]

هذي الحكمه لم تدخل في راسي
الذهب يعرف سوى لمع او لا:)

لكن مب كل لمعه هي لمعة ذهب
سواء من بعيد او من قريب
في اللي مغشوش ومطلي

[JN000N]

الذهب ذهب في جميع حالاته

ولو ظنيت بلمعة شخص ف لحظه انه ذهب
ومع الوقت تغير وانقلب لونه واكتشفت انه مطلي

[JN000N]

ذهب ولم يعد

في حالتك يمكن :secret:

[JN000N]

السلام عليكم و رحمة الله
عشان جذي يا جنون .. أنا نزلت من فترة موضوع عن الحدود في العلاقات بين الناس
في هالزمن .. مب من الحكمة تعطين ثقتج حق الكل .. و تخلين قلبج سبيل .. بابه على طول مفتوح
و الناس بعد على حق لما يحرصون على حياتهم و خصوصياتهم من ان احنا نتدخل فيها .. احنا ما نلومهم
لكن .. المفروض كل شخص يعامل الثاني بمثل ما يحب أن يُعامــــــل به

الحين حتى في وسط بيتج .. و عند أهلج و أقرب الناس لج .. ما تقدرين تتصرفين بحرية و تلقائية
ما تعرفين الشخص شنو ممكن يفهم .. و شنهي الفكرة المسبقة اللي في راسه .. اللي ممكن على أساسها يتعامل معاج
لذلك أحياناً نتفاجأ بردة فعل الشخص : ليش فلانة زعلت و عصبت و انا ما قلت شي يسوى كل هالزعل ؟؟!!
ترا الاشياء البسيطة تتجمع وحدة فوق الثانية .. و بالتالي تكون ردات الفعل أحياناً غير متوقعة و مبالغ فيها .. و لا ينطبق عليها قانون : لكل فعل رد فعل مساوي له في المقدار .. و مضاد له في الاتجاه

و شي أخير : مب كل من مدحك و ضحك في وجهك .. قلبه نظيف و نيته صافية
مرت علينا مواقف لا تعد ولا تحصى .. علمتنا أن الناس قدامك شي .. و وراك للأسف شي ثاني
نعم نحسن الظن و نفترض حسن النية .. لكن من كثر ما انقرصنا صار الخوف من الصدمات مسيطر على أغلب علاقاتنا

تحياتي لج

وعليكم السلام ورحمة الله وبركاته
صح الحدود ف العلاقات مهمه ولكن في ناس فاهمينها غلط
في ناس يتعرفون عليج ويجوفون واضحه وصريحه وطيبه ولكن هم الله واعلم ايش في نفوسهم وشنو في قلوبهم
مهما كان الادعاء بالمحبه قدامج ف النهايه الي فالقلب ما يعلم به الا الله
الغريب ان الحين حتى ف الاصل يكون الشخص حريص بدرجه غبيه تخليني مرات احمد ربي على النعمه اللي انا فيها
وصح مرات فجاه بدون سبب من اي تصرف تلاقين شخص يكرهج وهو مايعرفج
(هالنوعيه انا من اعينها اسحب عليها سيفون واصب ديتول اطهر مكانهم) لان تلاقينهم معقدين او فيهم بلا مب عارفين شلون يطلعون حرتهم

ومثل ما قلتي مب كل شخص يضحك في ويهك يحبك ويكون في قلبه خير لك
ولكن مهما سوو تراهم مكشوفين والاهم التعامل معاهم بغباء عشان يحسون نفسهم فعلا اذكياء
ياكثر اللي صايدينهم :rolleyes2: