الفزعه / أبي خدامتي ترجع

[جروح العمر]

تكفون الي عنده خبره يقولي شاسوي

خدامتي اندونسيه سافرت وابيها ترجع بس ماسويت لها عقد ماكنت ادري انها ماتقدر ترجع بدون عقد
الحين انا ابيها ترجع شلون تكفون قولوا لي:weeping::weeping:

[Wolf 91]

سولها زياره عائليه وعقب لا وصلت البلاد سولها اقامة وانتها الموضوع ..
ماعتقد على الزيارة يبون عقد

[مجرد احساس]

بطرش لكم مكتب سبق وتعاملت معاه لموضوع مشابه مثل هذا
جربو

[Wolf 91]

بطرش لكم مكتب سبق وتعاملت معاه لموضوع مشابه مثل هذا
جربو

بياخذون عليها مبلغ كبير وخساير على الفاضي وهي بمقدورها تجيبها بتذكرة فقط

[جروح العمر]

ماينفع لان عندها الفيزا سارية المفعول اقامتها خادمه

[جروح العمر]

مجرد احساس طرش لي المكتب اشوف شبيقولي وشبيسوي

[Wolf 91]

خدامه بيت اخوي بدون عقد ولا حاجة راحت ورجعت

[دايموند]

حاول تكلم السفاره بيساعدونك يمكن بيسوون لك عقد او يرشدونك بالطريقه

[جروح العمر]

السفاره يبون بخشيش ويقولون بنسوي العقد وترسله بالدي اتش ال وتوقعه هي وترجعه ونصدقه وترجع ترسله لها بيكلف الشحن وبياخذ وقت

[Bo Turky]

دام عندها اقامة خادمه ماتقدر ترجع الا بعقد
انا مريت بنفس المشكله مع فلبينيه
في مكتب في سوق الغرافه اسمه القمه
رحت لهم ودفعت 500 ريال لهم وخذوا مني البيانات وصورة جوازها وهم ارسلوا مندوبهم للسفاره وسوا لي العقد وخلصه واستلمته جاهز بعد يومين وارسلته لها للفلبين عشان تقدر ترجع

عشان ما تتأخر ولا تعور راسك مالك الا هالطريقه

وفي طريقه ثانيه انك تحجز لها تذكره تروح تايلند او اي دوله قريبه منها
ومن هناك تقدر تسافر للدوحه بدون عقد دام عندها فيزا
لان خدامتي مرت بنفس الظروف وعندها فيزا وكل شي بس جوازات المطار مايطلعونهم الا بعقد

[alwahesh]

اعتقد ان السالفه سهله ومب بحاجه الى مكاتب ورسوم

انا بعد صارت لي نفس السالفه مع الفلبينيه رحت السفاره وكتبت لهم او عندهم فورمات جاهزه ولكن الشروط تعجيزيه يعني اذا الخادمه ثقه اوكي

لان من الشروط اجازه يوم في الاسبوع والراتب 1450 نعم الاندونيسيه مثل الفلبينيه يعني ممكن تشتكي غليكم في السفاره عند انهاء خدماتها لعدم الحاجه لها مثلا

والاوراق ترسلها عن طريق الميل الى المكتب في المطار (في اندونيسيا)

[دايموند]

السفاره يبون بخشيش ويقولون بنسوي العقد وترسله بالدي اتش ال وتوقعه هي وترجعه ونصدقه وترجع ترسله لها بيكلف الشحن وبياخذ وقت

بس هاي افضل طريقه وارخص مليون مره من المكاتب كله ع بعضه مايكلفك 600 ريال غير قيمه التذاكر
انا جبت 2 فلبينيين عن طريق السفاره والله ماكلفوني شي..

[دايموند]

اعتقد ان السالفه سهله ومب بحاجه الى مكاتب ورسوم

انا بعد صارت لي نفس السالفه مع الفلبينيه رحت السفاره وكتبت لهم او عندهم فورمات جاهزه ولكن الشروط تعجيزيه يعني اذا الخادمه ثقه اوكي

لان من الشروط اجازه يوم في الاسبوع والراتب 1450 نعم الاندونيسيه مثل الفلبينيه يعني ممكن تشتكي غليكم في السفاره عند انهاء خدماتها لعدم الحاجه لها مثلا

والاوراق ترسلها عن طريق الميل الى المكتب في المطار (في اندونيسيا)

تتفق معاها شفويا مافي اجازه
ولما تجي تقدر تغير العقد وتصدقه بوزاره العمل دامها موافقه مافي اجازه

[جوال 11]

اعمل لها عقد في السفارة وارسله لها انا عندي فلبينية سافرت بدون عقد ومنعوها ترجع وعملت عقد في السفارة وارسلته لها ثم خذت العقد الى العمل عندهم ووصلت والحمد لله خذوا عليها 300 ريال في اندونيسيا