ارجو المساعده لاني اريد ان اكمل الماجستير ؟؟؟؟؟؟؟

[سهم طاير]

السلام عليكم يا اخواني

لوسمحتو تفيدوني

انا خريج ادارة اعمال جامعة قطر 2002م

واريد ان اكمل الماجستير في قطر ان امكن او في الخليج المهم مابغي اتغرب بسبب عملي واللتزاماتي اللي ماتخليني اسافر فتره طويله

وابغي اكمل الماجستير بالعربي لاني نسيت الانجليزي ومافي وقت ادرس اللغه من الاول

ممكن تنصحوني ؟؟ شاسوس عشان اكمل الماجستير ؟؟؟؟


وجزاكم الله خير عني

[غريب الدّار]

السلام عليكم يا اخواني

لوسمحتو تفيدوني

انا خريج ادارة اعمال جامعة قطر 2002م

واريد ان اكمل الماجستير في قطر ان امكن او في الخليج المهم مابغي اتغرب بسبب عملي واللتزاماتي اللي ماتخليني اسافر فتره طويله

وابغي اكمل الماجستير بالعربي لاني نسيت الانجليزي ومافي وقت ادرس اللغه من الاول

ممكن تنصحوني ؟؟ شاسوس عشان اكمل الماجستير ؟؟؟؟


وجزاكم الله خير عني

ماجستير بالعربي في قطر؟

والله اخوي اعتقد صعبة

اعتقد

وان شاء الله الأعضاء يفيدونك اكثر يمكن أكون غلطان

يعني جامعة قطر الماجستير فيها بالانجليزي
فما بالك بالجامعات الثانية الموجودة في البلاد؟

الله يوفقك

بس اخوي شلون نسيت الإنجليزي ؟ مفتاح سيارة هو؟

الله لايهينك نصيحة من اخوك ادخل لك معهد علشان تسوي refresh وان شاء الله امورك طيبة

[أم محمد 90]

جامعات الدراسة عن بعد في مصر .

[captin]

نصيحة عشان مستقبلك

خذ لك كورسات انجليزي وقدم اختبار الايلز وان شاء الله بتجيب معدل تقبلك فيه الجامعات
وبعدها ادخل الجامعة الفرنسية hec في موسسة قطر
ومن خلالها تقدر تشتغل وتدرس كل ستة اسابيع راح تحضر ابعة ايام من ضمنها الجمعة والسبت .
هذا البرنامج خاص بالموظفين المشغولين والبرنامج على مدى سنة ونصف.

اذا حاب تكمل عربي وهذا انا ما افضله تماما عندك بعض الجامعات في الاردن ومصر ونظام حضورهم جزئي لكن
اي شي عربي مامنه فايده ابعد عنه ما فيه جديه والطلبة ما يحضرون تماما المدرسين يمشونهم
مقابل هدايا ورشاوي مثلك عارف نظام الدول المتخلفة .

[بوخميس]

كلنا ودنا نكمل بالعربي يا اخوي

انا اقول ما في الا ننطر كم سنة، بينجبرون يطرحون دراسات عليا بالعربي بعد ما غيروا لغة التدريس في الجامعات.

[qatar.syria]

اذا غامرت في شرف مروم فلا تقنع بما دون النجوم....
نصيحة اعمل رفرش للانكش وخدلك ماستر بجامعة قوية
وياريت تقدم على طلب ابتعاث خارجي يكون افضل
يعني لح تعمل ماستر مرة واحدة بحياتك خليه افضل ما يمكن

[طالب]

وعليكم السلام ورحمة الله
طلبك موجود في (( معهد الدوحة للدراسات العليا ))
عندهم أكثر من برنامج للماجستير والدراسة باللغة العربية

https://www.dohainstitute.edu.qa/AR/Prospective_Students/StudyingattheDI/Pages/Default.aspx

واذا تبي أي مساعدة إن شاء الله نفيدك
والله يوفقك