+ نصيحة بخصوص البيع والمشترى +

[شبح الصمت]

السلام عليكم ورحمة الله وبركاته ،،،

كثرة البيع ومواقع البيع في السوق ..


فنصيحة الي ببيع له شي وشخص ما تعرفه لا تثق فيه ويتصل ويقول لكم بعطيكم كاش والباقي شيكات آلا شخص تعرفه عز المعرفة او شخص يزكيه لك ..


لانه في اشكال هابه في السواق لعبتها الشيكات وآخرتها يقولك دورني ..


نصيحة نصيحة مهما صار قالك في مبلغ في حسابي قوله انتظرك روح صدق الشيك الي عندك واحجز عالمبلغ عقب اعطيك ...



ولا يغركم بعض الاسماء اللامعه


لاجل كذى نطالب ونرد نقول نفس ما تفضل النوخذه

فتح قسم للاستفسار عن الناس الي تعطي شيكات من دون رصيد ..

[بعيد النظر]

شيك منجر .. ولا ما اعرفه !


وجزاك الله خير على التنبيه

[Charisma]

السلام عليكم ورحمة الله وبركاته ،،،

كثرة البيع ومواقع البيع في السوق ..


فنصيحة الي ببيع له شي وشخص ما تعرفه لا تثق فيه ويتصل ويقول لكم بعطيكم كاش والباقي شيكات آلا شخص تعرفه عز المعرفة او شخص يزكيه لك ..


لانه في اشكال هابه في السواق لعبتها الشيكات وآخرتها يقولك دورني ..


نصيحة نصيحة مهما صار قالك في مبلغ في حسابي قوله انتظرك روح صدق الشيك الي عندك واحجز عالمبلغ عقب اعطيك ...



ولا يغركم بعض الاسماء اللامعه


لاجل كذى نطالب ونرد نقول نفس ما تفضل النوخذه

فتح قسم للاستفسار عن الناس الي تعطي شيكات من دون رصيد ..



يصبحك بالخير ،،

الشيكات بلاويها اكثرت ، ومافي أحد ماتضرر منها ، حتى في المعاملات البسيطه واللي ماتتطلب مبلغ كبير تلقى بعض "النصابين" يلجأون لحيلة الشيكات .
جزاك الله خير عالتنبيه .

ممكن توضيح في النقطه الاخيره " فتح قسم للاستفسار عن الناس الي تعطي شيكات من دون رصيد " ؟

[شبح الصمت]

صحيح يا بعيد النظر شيك منجر ..


ويعطيك العافيه اخوي بايلوت ..


بخصوص قسم استفسارات طالبنا فيه يكون قسم خاص بالشيكات في اادارة العاصمة او النيابه العامة و24 ساعة ..


الحين انا عطيتك ابي اعطيك شيك اقولك لو تكرمت عطني رقم بطاقتك الشخصية ..


تتصل تشيك علي ، هل علي سوابق في شيكات علي مسترجعه .

[ممنوع اللمس]

نصيحتي خل عندك اوراق كدليل
قبل اسبوعين اشتريت شغله من رجال واعرفه فقطر
وعطاني مهله للفحص اسبوع وشرط لي السلامه
اخر شي الشغله فيها مشكله ورفض يرجعها وقال لي بالحرف مالك شي عندي

خل عندك اوراق ابرك من الكلام

[Charisma]

صحيح يا بعيد النظر شيك منجر ..


ويعطيك العافيه اخوي بايلوت ..


بخصوص قسم استفسارات طالبنا فيه يكون قسم خاص بالشيكات في اادارة العاصمة او النيابه العامة و24 ساعة ..


الحين انا عطيتك ابي اعطيك شيك اقولك لو تكرمت عطني رقم بطاقتك الشخصية ..


تتصل تشيك علي ، هل علي سوابق في شيكات علي مسترجعه .

لاهنت عالتوضيح ، فكره طيبه ،،

[شبح الصمت]

الله يعوضك يا ممنوع .


الشيك الواحد يقدر يسوي فيه شيء ..


ونصيحة اخذوها مني اذا احد عطاك شيك وقدممت للبنك وانرفض على طول لك 30 يوم تقدمه في خلال هالثلاثين يوم تروح تقدم بلاغ عليه ..


اذا تجاوزت الثلاثين يوم يتحول الشيك مدني ..

واذا تقدمت بالشيك خلال 30 يوم تصير قضية جنائية

[شبح الصمت]

لاهنت عالتوضيح ،،



ولا انت

[شبح الصمت]

وعلى قصتك يا ممنوع اللمس

ابوي الله يرحمه شرى ارض في الحضارمه وبنى بيت عليها وكنا نروحه بين فترة وفتره ..


المهم قبل 10 سنين جاء ابوي الله يرحمه وقال ببيعه


يوم رحنا البيت الا البيت محوط اتصلنا في جارنا العزيز الطيب

سالناه اش هالطوابيق قال الي على بيتكم قاله ابوي الله يرحمه اي


قال ووين انا بعت البيت !!


قاله ابوي اشلون تبيعه بيتي ذي وبيت عيالي قال شهودك الثلاثة ماتووو من عندك شاهد ..


قاله ابوي الله يرحمه يوم القيامة باخذ حقي منك

وحلف علينا ما نسوي اي شيء ولا نرفع عليه قضية ..
مع انه عندنا اوراق وكل شيء ..


ومات ابوي وهو مب مسامحه ..

لا حول ولا قوة الا بالله

[<اضرب واشرد>]

قاله ابوي الله يرحمه يوم القيامة باخذ حقي منك
وحلف علينا ما نسوي اي شيء ولا نرفع عليه قضية ..
مع انه عندنا اوراق وكل شيء ..
ومات ابوي وهو مب مسامحه ..
لا حول ولا قوة الا بالله

الله يرحم الوالد ويغمد روحه الجنه
والبيت صار من حق الورثة، ولكم حق المطالبة به

قال عليه الصلاة والسلام: " إِنِّي إِذَا حَلَفْتُ عَلَى يَمِينٍ , فَرَأَيْتُ الَّذِي هُوَ خَيْرٌ , كَفَّرْتُ عَنْ يَمِينِي , وَأَتَيْتُ الَّذِي هُوَ خَيْرٌ"

[شبح الصمت]

اللهم آمين

والله يجزاك خير ياخوي ..


حلفنا الوالد الله يرحمه ما نطالب فيه ..

لانه واحد من عياله جاء وقام يصيح انه ما يدخلون ابوهم مراكز لانهم بيتبهدلون

قصة طويله ياخوي واصلا الفلوس الي خذها ما ورث عياله منها ولا ريال ..

يعني فلوس حرام خذها ولا سوى فيها شيء لعياله ..


الله كريم

[شبعان]

سمعت ان اللي يكتب "شيك بدون رصيد" ينرمي في السجن لين موعد المحكمه او يدفع!!

هل هالكلام صحيح؟؟؟

[شبح الصمت]

اي اخوي شبعان في حاله وحده ..

اذا قدمت الشيك على البنك ورفضوه لازم ينرفض 3 مرات ويختمون لك عليه
انه رجع وتقدر تقدمه وراء بعض تقدم الصبح وترجع مره ثانية عقبها بساعة يعني تقدر نفس اليوم تقدمه ثلاث مرات

في خلال ثلاثين يوم لازم تقدم بلاغ عليه لاجل تتسجل قضية جنائية
تقدر تبهدله تسجنه ومنع سفر تعطيه



اما بعد الثلاثين يوم انسى تتحول مدنية

وهالشيء في ناس وايد تجهله

[بانغ بانغ]

اي والله قضية خطيرة

لازم الواحد يتحمل من هالنوع من البزنس والشيكات

[شبح الصمت]

صدقني يا بانغ الموضوع مهب بسيط ..

ناس مساكين معتمدين على هالراتب وعلى كمن شغله ويجي واحد ما يخاف الله يهف من عندهم شقاهم


نفس واحد فاحت ريحته من فترة يتصيد للعالم الي مواترهم جديده

وبحكم اسمه ورزته يعطيهم شيكات من دون رصيد ..

لين يومك ذي اتوقع لاني ما قمت اتواصل معاهم انه حقوقهم ما رجعت لهم ..

[ممنوع اللمس]

والله ياشبح ابوك الله يرحمه نفس سالفة ابوي
اشترى بيت ع شارعين من زماااان وباعه لرفيقه ويعز عليه ونقل ملكيته وكل ماجا يقوله الفلوس يا فلان يقول عقب لين اخر شي قال حق ابوي مالك شي عندي البيت باسمي
والله ان الوالد ما اشتكى عليه ولا شي والرجال مات الله يغفر له وعياله يعرفون الموضوع ولكن ماسوو شي
والوالد يقول الحق ما يضيع عند الله
الله يغفر ويرحم ابوك يا شبح والله ونعم الرجل اللي رفض يشتكي عالرجلل علشان ما يبهدل العيال
الله يرزقه قصر فالجنه

[شبح الصمت]

اللهم آمين

والله يجزاك خير على دعوتك الطيبه ياخوي ويرحم لي والديك ..

[بانغ بانغ]

تدري اخوي شبح

مرة جاني المكتب واحد قطري بعد حنة وزنة طلب مواعيد سمحت اشوفه

والا ايقولي انه مندوب اميرة سعودية وعنده شغل ومشاريع ويبغي يعرضها علينا ... بحكم عملي في هيئة استثمارية

اشكره ريحته فايحه ... قلت له اتقهوى وطلبت السكيريتي ايوديه المصعد ...

ما تدري ايسجل او ايصور او قاعد ينصب

ماحط في ذمتي بس راواني البزنس كارت ماله بالفعل مثل ما يقول بس يمكن امزوره

لا تغركم الاشكال

[شبح الصمت]

مسيوو بانغووو


نفس ما تفضلت لا يغرك الشكل والمظهر اوقات الناس تعطيك من حلاوة الكلام ..


مره وقفت على بيعة كبيرة ارض في لوسيل وكنت المباشر مع البايع كان رفيجي ..


المهم كلموني ناس قالوا وصلنا لفلان قلت لهم تبشرون
اتصلت له فلان في ناس تبي تشتري الارض الي عندكم قالي من هالناس قلت له ناس وراهم الراس العود االمشتري

قالي انا ابي اسم الشخص الي بيشتري يطلع الكتاب باسمه
اتصلت قالوا لي الشخص الي بيطلع الكتاب فلانه قلت فلانه من قالو وحده اهي مساكه الامور المالية ..


قلت عطوني اسمها واي بنك ..

طلع ما عندها شيء

اشلون بطلعين كتاب باسمك وانت ما تملكين ريال
عداها رفيجي

قالي طلب ثاني قول لهم يجون يسلمون ربط كلام مليون ريال مع انه المليون شنو على قيمة الارض 300 مليون

وبخلي المحامي يسوي لهم ورقة انه تم استلام مبلغ منهم مع كتاب الشراء ..


المهم اطلعت السالفه خرطي وطلعو يبون يلفون على المشتري مسكين ورافعين السعر عليه وشم ريحة لف ودوران وفركش السالفه كلها ..


والي معاي الوسيط الي جايبهم اسبوع اتوقع ما رقد عقب ما شاف العقد الي طلعه باسمي رفيجي والمبلغ الي فيه..

هاهاهاي

بس المقصد الواحد يحذر من سالفة الشيكات

[حليتان*]

تدري اخوي شبح

مرة جاني المكتب واحد قطري بعد حنة وزنة طلب مواعيد سمحت اشوفه

والا ايقولي انه مندوب اميرة سعودية وعنده شغل ومشاريع ويبغي يعرضها علينا ... بحكم عملي في هيئة استثمارية

اشكره ريحته فايحه ... قلت له اتقهوى وطلبت السكيريتي ايوديه المصعد ...

ما تدري ايسجل او ايصور او قاعد ينصب

ماحط في ذمتي بس راواني البزنس كارت ماله بالفعل مثل ما يقول بس يمكن امزوره

لا تغركم الاشكال

ههههههههههه انا جاتني الاميره بنفسها وقالت وقالت بس مابلعتها حسيت الموضوع في ان

[حليتان*]

شبح المشكله في مواضيع لازم تقبل الشيكات وانت وحظك مثلا مكتب اجار السيارات ظماني الشيك ومردي ايش ملف متروس شيكات عند المحامي

[شبح الصمت]

شبح المشكله في مواضيع لازم تقبل الشيكات وانت وحظك مثلا مكتب اجار السيارات ظماني الشيك ومردي ايش ملف متروس شيكات عند المحامي



ما قلنا لا بس غير شخصية لانه الشخصية ياخي مشكلة اماف ..

وبخصوص مكاتب الايجار صراحة انا اشوف اني اوقع على شيك فاضي من دون مبلغ ذي غلط ..

لازم دراسة لمثل هالموضوع لانه حساس ايلس خايف
وفي نفس الوقت من حقه المكتب انه حقه ما يضيع ..


بس شيك خالي ويسجل الرقم الي يبيه ياخي مشكلة

[حليتان*]

ما قلنا لا بس غير شخصية لانه الشخصية ياخي مشكلة اماف ..

وبخصوص مكاتب الايجار صراحة انا اشوف اني اوقع على شيك فاضي من دون مبلغ ذي غلط ..

لازم دراسة لمثل هالموضوع لانه حساس ايلس خايف
وفي نفس الوقت من حقه المكتب انه حقه ما يضيع ..


بس شيك خالي ويسجل الرقم الي يبيه ياخي مشكلة

الشيك يحفظك في حالة تلف السياره او اي تغير فيها والمخالفات غير الي ياخذ السياره ومايرجعها اصلا

[RE-Qatar]

صحيح يا بعيد النظر شيك منجر ..


ويعطيك العافيه اخوي بايلوت ..


بخصوص قسم استفسارات طالبنا فيه يكون قسم خاص بالشيكات في اادارة العاصمة او النيابه العامة و24 ساعة ..


الحين انا عطيتك ابي اعطيك شيك اقولك لو تكرمت عطني رقم بطاقتك الشخصية ..


تتصل تشيك علي ، هل علي سوابق في شيكات علي مسترجعه .

اقتراح ممتاز نتمنى يطبقونه عندنا لأن مشاكل الشيكات بدون رصيد زادت ولا في ضمان أن الشخص صاحب الشيك نصاب او شخص محترم وملتزم مالياً
أو عن طريق البنوك الصادر منه الشيك تعطيه رقم الكود الطويل اللي في آخر الشيك ويرد عليك إذا كان صاحب مشاكل او ملتزم
مشكور أخوي شبح الصمت على المعلومات

[aloosh]

ضعف الاجراء والقانون هم اللي يخلون ها الناس تلعب على راحتها بعضهم يسافر ويخليك انت والشيك
قبل انتها فتره خدماته بقطر يعطي كم واحد شيك ودور له ذيك ساعه

[شبح الصمت]

اقتراح ممتاز نتمنى يطبقونه عندنا لأن مشاكل الشيكات بدون رصيد زادت ولا في ضمان أن الشخص صاحب الشيك نصاب او شخص محترم وملتزم مالياً
أو عن طريق البنوك الصادر منه الشيك تعطيه رقم الكود الطويل اللي في آخر الشيك ويرد عليك إذا كان صاحب مشاكل او ملتزم
مشكور أخوي شبح الصمت على المعلومات


نتمنى ياخوي يتطبق ويريح الكثير ..
لاجل عقب محد له حجه انصبو علي قصو علي ومن هالسوالف ..

كان في قسم تقدر تراجع وتسال فيه ..
والله يستر على الجميع ..




ضعف الاجراء والقانون هم اللي يخلون ها الناس تلعب على راحتها بعضهم يسافر ويخليك انت والشيك
قبل انتها فتره خدماته بقطر يعطي كم واحد شيك ودور له ذيك ساعه

اي ياخوي صدقت ضعفاء النفوس يا كثرهم ..

والي عارفين الثغرات لاعبين لعبتهم ..

ناس تعيش وتموت على النصب والاحتيال ..

الله يكفينا شرهم