قلة الذوق .. وراثه ولانفسيه !!

[طبيب قطري]

شخص عرفته من فتره قصيره ، انضم الى الجروب عن طريق واحد من الربع فالحقيقه بعد كم قعده مع هالشخص وملاحظه اسلوبه الفج بالكلام وفظاظته قررت اني لا يمكن اتعامل مع هالانسان (عالمستوى الشخصي) ابدا، ماعمري كرهت شي اكثر من قلة الادب والوقاحه..
في البدايه فكرت يمكن يكون هالشخص طيب وماعنده اسلوب فالكلام وممكن يكون عصبي ومايعرف شيقول بلحظات الغضب او الارتباك وبالتالي كان ممكن اعذره ، ولكن اكتشفت ان هالشخص بكل حالاته سواء حزين معصب مستانس هو مايستخدم الا هالاسلوب الفظ جدا ، لاحظت ان عصبيته بدون مبرر وقح في كلامه وتعامله مع الكل ان ولا يملك المرء أمام شخص بهذا المستوى من الانحدار إلا أن يتضرع إلى رب العالمين ان يكفيه شر هالاشكال.

لاحظت ايضا انه مايقدر يواجه شخص قد يجد فيه شي زياده عنه سواء بالمال او المركز او المستوى ويحارب حتى يكون مثلهم وبنفس الوقت ممكن تلاقيه يتكلم عن الرضى بما قسمه الله وينتقد فلان وعلان اللي يدرسون مثلا او عندهم بزنس غير شغلهم حتى يحسنوا مستواهم .. ينصح وينتقد ويستنكر اشياء وافعال هي فيه بالاساس ليش!

اخيرا نرجع لعنوان الموضوع .. اشلون صرت شبه متيقن ان قلة الذوق وراثه ؟ بيساطه لاني قابلت ابناء هالشخص واقدر اقولكم انهم فيهم نفس الاسلوب !!

مارايكم ؟ مر عليكم ناس كده؟ هل هي وراثه ولانفسيه !!!!

[راجي الْعفو]

يصبحك بالخير ..

المعاملة سواء كانت حسنة او سيئة ..

فيها جانبين :

فطري
و مكتسب


فممكن تصادف شخص ( ذوق) بالفطرة
وممكن تصادف شخص ( بشع) بالفطرة

وممكن تصادف اخر سيء ، واكتسب الذوق بالمخالطة و البيئة
وممكن تصادف شخص ( ذوق) وتأثر بالمحيط السيء حوله ففسد

[طبيب قطري]

يصبحك بالخير ..

المعاملة سواء كانت حسنة او سيئة ..

فيها جانبين :

فطري
و مكتسب


فممكن تصادف شخص ( ذوق) بالفطرة
وممكن تصادف شخص ( بشع) بالفطرة

وممكن تصادف اخر سيء ، واكتسب الذوق بالمخالطة و البيئة
وممكن تصادف شخص ( ذوق) وتأثر بالمحيط السيء حوله ففسد

تحليل منطقي .. اشكر تفاعلك

[بانغ بانغ]

البيئة المحيطة اتخلي الواحد ذويق او منبوذ

الطمع والمصالح والنفاق اتخلي الحقير ذو ذوق

واتخلي ذوو الذوق في قمة الحثالة

[معماري قطري]

هذا مرض نفسي .. الإنسان يعود نفسه على اسعاد نفسه واسعاد الآخرين ونشر البشاشة وترك العداوات

شفنا الكثيرين من هذي النوعية وردودهم تكون وقحة أحياناً بسبب اختلاف بسيط في الرأي .. إطرح رأيك بحجج ومن يقتنع به يقتنع ومن لا يقتنع اعذره .. أما بدفاشة وبتسفيه آراء الآخرين فهذا بصراحة أَحذفه من قاموسي ولا ادخل في مواضيعه ولا احتك معاه.

شفنا ناس لذتهم في استفزاز الآخرين وبطريقة مزعجة ودفشة .. فيه فرق بين السؤال والاستجواب والتعليق الهزلي البريء والاستهزاء الهزلي الخبيث .. وأستمسح من الكثيرين بخصوص التعليق الهزلي اللي أوقات يطلع شوي من البراءَة للخبث والحمد لله ما قصدت الخبث يوماً ما.

[طبيب قطري]

البيئة المحيطة اتخلي الواحد ذويق او منبوذ

الطمع والمصالح والنفاق اتخلي الحقير ذو ذوق

واتخلي ذوو الذوق في قمة الحثالة

كلها اجندات خفيه .. الله يكيفنا الشر

[JN000N]

طبعه مكتسب من البيئه حوله
ونفسيا عقدة النقص تخليه جذي

[مهرة]

..

(إني أضحك الآن) ,, حسيتها نكته دكتور حلووة ,, هالأشخاص موجودين من كل مكان يطلعون لك.! فإن شاءالله بنعيش في المدينة الفاضلة ونسكر الأسوار ونمنعهم من دخولها.!

مانقدر نقتلع هذا (الطبع) فجأة منهم لأنه شي تعايشوا معاه في بيئتهم وصار تعود أكثر من أنه طبع مكتسب من الخارج مثلاً,, كل شي من الداخل من التنشئة والتربية.,

[طبيب قطري]

..

(إني أضحك الآن) ,, حسيتها نكته دكتور حلووة ,, هالأشخاص موجودين من كل مكان يطلعون لك.! فإن شاءالله بنعيش في المدينة الفاضلة ونسكر الأسوار ونمنعهم من دخولها.!

مانقدر نقتلع هذا (الطبع) فجأة منهم لأنه شي تعايشوا معاه في بيئتهم وصار تعود أكثر من أنه طبع مكتسب من الخارج مثلاً,, كل شي من الداخل من التنشئة والتربية.,

المشكله يااخت مهره ان ممكن يكون عندي وعندج رفاهية الاختيار والابتعاد عن هالاشكال.. لكن في ناس للاسف ماعندهم هالرفاهيه، ومجبورين يعيشو مع ناس بهالنفسيات صباح ومسى مغثه!!

[حسن]

هذه مهب قله ذوق يادكتور

الى قول نفسيه 100%

ماتقرا كتاباتي عن هذا الموضوع الكل يعرفني اني صاحب نظريه عكاشه
وطالبت بكل وزراه ان يكون هناك دكتور نفسي وطالبت بربط التقيم والترقيه
بكشف نفسي
عندنا امراض نفسيه في المجتمع شي خطير
انا من تنباء بهذا الشي
ومعروفه رؤيتي
:)

[طبيب قطري]

طبعه مكتسب من البيئه حوله
ونفسيا عقدة النقص تخليه جذي

عقده النقص والدونيه المفروض تدفع الشخص الى التكيف مع بيئته والسعي للافضل، ولكن البعض يعرف انه فيه نقص وبدال مايطور نفسه يلجأ للتعصب والتوتر، وانتقاد الاخرين وايضا اللي يعاني من عقدة النقص يعاني من داء مزمن يسمى بداء ( الـــ انا )

مثال :
انا دائما الصح ، في حين هو كله غلط .
انا دائما الاذكى ، في حين هو الفاشل بدراسته طول عمره!
انا الاجمل ، في حين هو بشع كالمثل القائل القرد في عين امه غزال.
وغيرها من الـــــ انا والى الــــــ أنا الى مالانهاية .

[طبيب قطري]

هذه مهب قله ذوق يادكتور

الى قول نفسيه 100%

ماتقرا كتاباتي عن هذا الموضوع الكل يعرفني اني صاحب نظريه عكاشه
وطالبت بكل وزراه ان يكون هناك دكتور نفسي وطالبت بربط التقيم والترقيه
بكشف نفسي
عندنا امراض نفسيه في المجتمع شي خطير
انا من تنباء بهذا الشي
ومعروفه رؤيتي
:)


عاد بس مب لهالدرجه ترى هذولا الناس مب منتشريين وايد، يمكن ينعدوا عالاصابع !

[حسن]

عاد بس مب لهالدرجه ترى هذولا الناس مب منتشريين وايد، يمكن ينعدوا عالاصابع !

هذه وجهه نظرك انت يادكتور

اما انا اشوف شي ماتشوفه
وانشد الاعضاء عني

:)

[طبيب قطري]

هذه وجهه نظرك انت يادكتور

اما انا اشوف شي ماتشوفه
وانشد الاعضاء عني

:)


البعد عنهم غنيمه والحمدلله الذي عافانا

[JN000N]

عقده النقص والدونيه المفروض تدفع الشخص الى التكيف مع بيئته والسعي للافضل، ولكن البعض يعرف انه فيه نقص وبدال مايطور نفسه يلجأ للتعصب والتوتر، وانتقاد الاخرين وايضا اللي يعاني من عقدة النقص يعاني من داء مزمن يسمى بداء ( الـــ انا )

مثال :
انا دائما الصح ، في حين هو كله غلط .
انا دائما الاذكى ، في حين هو الفاشل بدراسته طول عمره!
انا الاجمل ، في حين هو بشع كالمثل القائل القرد في عين امه غزال.
وغيرها من الـــــ انا والى الــــــ أنا الى مالانهاية .

المفروض شي والواقع شي اخر
ودايما الي غرقان ف الدايره مايعرف يميز الصح من الخطا الا الي يشوف الشي من بعيد بدون تاثير
احنا نقول المفروض كذا كذا للي فيه عقده نقص وهو يشوف شي ثاني لان غرقان ف النقص الي هو فيه
وفعلا بالنسبه لل(انا) وايد لاحظتها عند الناقصين وكأنهم يحاولون يثبتون شي يغطون على النقص الي اصلا الناس حولهم مش منتبهين عليه

موظف فاشل ف الدراسه سابقا والشغل حاليا لكن تعال شوفه ف المقابلات او ف الاجتماعات شلون يتكلم وشلون يحسسك انه فاهم كل شي وانه واسطه وانه عنده حل لكل مشكله لكن في واقع الامر لين حطيته ف مشكله تبيه يحلها بيتهرب ومابيسوي شي (وهني الغمنده) مب لانه مايبي يسوي لا
لانه اصلا مايعرف وكل شي نفخ فيه عمره زائف

انت تشوف في حل لهم؟
انا اشوف انها عقده مجتمعيه وكلن ياثر عالثاني والخوف من (حد يعيب عليهم او يتطنز على النقص الي فيهم) وهذي اكبر عقده ف تاريخ البشريه

[qatari proud]

هذا وراثه حتى السرقه وراثة حتة الصياعه وراثه ولكن بنسب متفاوته حسب التربية عشان كذا الرسول صلي الله عليه وسلم قال تخيروا لنطفكم فان العرق دساس

[حسن]

هذا وراثه حتى السرقه وراثة حتة الصياعه وراثه ولكن بنسب متفاوته حسب التربية عشان كذا الرسول صلي الله عليه وسلم قال تخيروا لنطفكم فان العرق دساس

لما درست العلم الجنائي في القانون
هناك نظرية اسمها لومبروزو وهو قام بتصنيف المجرمين
من خلال أوصاف على الراس والشكل
ولكن يقولون ان نظريته كانت خاطئه وهناك عائله امريكيه اسمها ديوك
كانت اكثريتهم من أصحاب السوابق منهم العاهرات ومنهم الحراميه
ولكن هذه النظريات يقولون باطله والله اعلم

[بشائر]

الله يعينك على هالنوعية من البشر..
الذوق له أهله وناسه .. وقلة الذوق طبع و نفسية وماهو وراثة .
مهما حاولت تعلمه ماراح يتعلم يقولون ( بوطبيع مايجوز عن طبعه) .. ومثل ماتفضلت أنه ينعرف من طريقته في الكلام
وأسلوب حياته واهتماماته .. فأحسن لك تبتعد عنه وفك نفسك من إزعاجه.
أشكرك على الموضوع الذوق :) .

[ضوى]

قلة الذوق فطرة وتتأصل اكثر من البيئة اللي حول الشخص ، البعد عنهم غنيمة

[CH Engineer]

الاخلاق صفه يكتسبها الانسان*

[Riku3]

للاسف انا مضطر اتعامل مع واحد كذا وابديله كل الاحترام علشان منصبه .. الي يواسيني انه نص السنة مسافر ..

فلوس مب ناقصه .. بس اعوذ بالله لو ما كان رايق .. يعطي ردود للناس تنشف الريج !! ..

صارتلي مره ولولا وجود المدير في المكتب معانا وانا احترمه كثير فمسكت نفسي وعقبها عرفت شلون اتعامل معاه واروضه .. بس مع هذا تجيني حزات نغزات بس نحتسبها عند رب العالمين الحمد لله على كل حال ..

مثل هالناس نعم يورثون هالنفسيات لعيالهم لانهم خذوها من بيئتهم ..

يضحكني انه يمشي دايم ومعاه كم ربطة خمسميات في مخباه .. ومع اي طلب يطلع الربطه بأسلوب غريب !! .. شنو تبي تثبت ؟؟؟ .. شووف منصبك ووين وصلت ؟؟ كلنا ندري انك تملك مئات الملايين ليش دايما تتباهى بفلوسك بطريقة تنقص من الي حولك ! .. سبحان الله .

[أخت الكل]

العامل الوراثي في الصفات موجود فعلا لكن بعد فيه عوامل ثانية تكون الشخصية مثل البيئة الإجتماعية اللي عايش فيها الشخص والظروف والازمات النفسية والإجتماعية الطارئة واللي يتعرض لها الشخص مثال ذلك شخص سمح الخلق لكن ينفجع بمرض اعز انسان له فيتحول لشخص فج

وبعد فيه جانب ما ننكرة وهو ان بعض النفوس يكون فيها عقد نفسية ففيه اكثر من عامل يخلي الشخص قليل ذوق وغير لبق بالكلام

في كل الحالات دام انا اقدر اتجنب مثل هالشخصيات يكون احسن لانها تعطيك طاقة سلبية لكن ما يمنع بعد انبه الشخص واكسب فيه اجر حتى لو تعرضت لحدته

[مشاكل]

انا اوافق صديقي حسن الرأي 100% ،، كثير من الناس تعاني من امراض نفسية وهي لاتعلم بذلك

[طبيب قطري]

المفروض شي والواقع شي اخر
ودايما الي غرقان ف الدايره مايعرف يميز الصح من الخطا الا الي يشوف الشي من بعيد بدون تاثير
احنا نقول المفروض كذا كذا للي فيه عقده نقص وهو يشوف شي ثاني لان غرقان ف النقص الي هو فيه
وفعلا بالنسبه لل(انا) وايد لاحظتها عند الناقصين وكأنهم يحاولون يثبتون شي يغطون على النقص الي اصلا الناس حولهم مش منتبهين عليه

موظف فاشل ف الدراسه سابقا والشغل حاليا لكن تعال شوفه ف المقابلات او ف الاجتماعات شلون يتكلم وشلون يحسسك انه فاهم كل شي وانه واسطه وانه عنده حل لكل مشكله لكن في واقع الامر لين حطيته ف مشكله تبيه يحلها بيتهرب ومابيسوي شي (وهني الغمنده) مب لانه مايبي يسوي لا
لانه اصلا مايعرف وكل شي نفخ فيه عمره زائف

انت تشوف في حل لهم؟
انا اشوف انها عقده مجتمعيه وكلن ياثر عالثاني والخوف من (حد يعيب عليهم او يتطنز على النقص الي فيهم) وهذي اكبر عقده ف تاريخ البشريه


مالهم حل الا الابتعاد عنهم.. اعتقد هالحل الوحيد

[طبيب قطري]

العامل الوراثي في الصفات موجود فعلا لكن بعد فيه عوامل ثانية تكون الشخصية مثل البيئة الإجتماعية اللي عايش فيها الشخص والظروف والازمات النفسية والإجتماعية الطارئة واللي يتعرض لها الشخص مثال ذلك شخص سمح الخلق لكن ينفجع بمرض اعز انسان له فيتحول لشخص فج

وبعد فيه جانب ما ننكرة وهو ان بعض النفوس يكون فيها عقد نفسية ففيه اكثر من عامل يخلي الشخص قليل ذوق وغير لبق بالكلام

في كل الحالات دام انا اقدر اتجنب مثل هالشخصيات يكون احسن لانها تعطيك طاقة سلبية لكن ما يمنع بعد انبه الشخص واكسب فيه اجر حتى لو تعرضت لحدته

والله انا اعتقد انها وراثه يعني مثلا اشلون بتكون نفسيه؟ بقولكم مثال: طفله ماتعدى عمرها ال7سنوات وقاعده بكل وقاحه وقلة ذوق تسب خدامتها جدام الناس بالمطعم: لاتقعدين جنبي يادبه ريحتج خايسه !مسكينه الخدامه منحرجه وتطالع معزبتها تستنجد فيها والام تضحك ومستانسه على (خفة دم بنتها)

[عثرة جواد]

السلام عليكم

اخوي العادات بصفة عامة هي مكتسبة مش وراثية

كثير من الاباء تلاقيهم ع خلق وتلاقي العيال العكس ....اويصير العكس

بس مثل ماذكرت الشخص بتلاقية من صنف الي يستمتع بهاي السلوك

لانة ضعيف شخصية ويحاول يثبتها

عساك ع القوة