+ هل ترون اننا لا نستحق العمل +

[شبح الصمت]

السلام عليكم ورحمة الله وبركاته ،،،


بعد إذن الادارة الموضوع إلحاقاً لموضوع ام محمد بشأن انه المتزوجه لا تصلح للعمل ..


الحين بتكلم عن نفسي وعن غيري من فئة الشباب المتزوجين والغير المتزوجين ..

بما انه الموضوع انفتح ..

نحن لا ننكر انه بعض الاحيان نحاول ان نخرج من دائرة العمل اثناء العمل وهي الترفيه عن انفسنا مشاهدة غيرنا طالع مضبط مع مديره مع ربعه فنقول ليش ما نطلع ونغير جو !! :shy:

وبحكم انه الحين جميع المؤسسات والوزارات والهيئات اصبحت بالبصمه فاصبح الوضع شبه محكور بما انه البصمه مربوطه مع برنامج يخصم من نفسه إلا في حال جبت له حالة
طلب عذر
أذن تآخير ..



المهم التكاتف في العمل شيء جميل وتحس انك مستند على أشخاص يشلونك وتشلهم بس لا تمصخوونها .

مثال انا متزوج ما عندي دريول ولا زوجتي تسوق

من بيقوم فيها في ظنكم !!

انا والا اقول لها دبري نفسك !!
هل وصل فينا الحال لهدرجة نهمل عوائلنا وعيالنا لاجل كمن ساعة ولجل شخص مش مقدر ظروفي ..
اذا انت مهب مصدقني اقدر اثبت لك اني كنت فالمكان الفلاني ..

ورقة حضور من المستشفى موعد ولدي ، بنتي ، زوجتي ( وخلاص )

او زيارة مدرسة
او اي شيء يخص العائلة إيا كان

فالهشيء راح يريحني ..

مش يعني اني متزوج ما استحق العمل الي انا فيه لكثرة طلعاتي ..
ما نقول اوقات الواحد يتضايق من كثرة تعذر الواحد او غيابه او سفره ..


بس اتمنى الكل يحط عذر للي معاه وما يحسب انه قاعد يلف ويدور ..

ونصيحة لبعض الناس الي يلفون ويدورون تراك مراقب الحين من كل مكان يعني تفضح نفسك اذا انك طلعت وما رحت تخلص شغله وتوجهت لكوفي او اي مكان ..

الانستقرام يتابعونك :telephone:
السناب يراقبونك :eek5:


يعني في كل مكان يطلعوون لك ويحركون لك ..


انتم اش رايكم !!!

[بومحمد المطاوعه]

ياريال


ماقصرت ع الموضوع

المشكله يالغالي من يقدر ظروفك ..؟

يوم يومين شهر شهرين
عقب بيقولون مصخها

لو يشوفون الحاله
تحصل عليه ديون
بيت ماعنده
سياره ماعنده عدله

ف محد يعذر حد ياخوي
الا من رحم ربي


وبخصوص المراقبه
صدقت
بعض الناس يراقبونك في السناب ويكتب لك بعد
ها طالع
وين رايح

ومن هالكلام

يحسسوني ان الدوام مسجل بأسمه او الاستأذان ناخذه من مخباه


الله المستعان

[شبح الصمت]

ياريال


ماقصرت ع الموضوع

المشكله يالغالي من يقدر ظروفك ..؟

يوم يومين شهر شهرين
عقب بيقولون مصخها

لو يشوفون الحاله
تحصل عليه ديون
بيت ماعنده
سياره ماعنده عدله

ف محد يعذر حد ياخوي
الا من رحم ربي


وبخصوص المراقبه
صدقت
بعض الناس يراقبونك في السناب ويكتب لك بعد
ها طالع
وين رايح

ومن هالكلام

يحسسوني ان الدوام مسجل بأسمه او الاستأذان ناخذه من مخباه


الله المستعان




وصل فينا الحال نراقب البعض ونتكلم على بعض


فلان ما يداوم
فلان مضبط اموره

ويمكن انا مش من نفس ادارتك ويدور الكلام على هالادارة ..
وتصير مشاكل
وينحط العين عليها ..

شوف اذا الادارة مهمله وغير مؤديه لواجبها تجاه المراجع او العمل نفسه
يستحقون ما يجيهم من كلام ..

ولكن ان كان العمل قائم وتام على اكمل وجه فما اشوف انه داعي للقيل والقال..


وآلا انت اش رايك

[بومحمد المطاوعه]

وصل فينا الحال نراقب البعض ونتكلم على بعض


فلان ما يداوم
فلان مضبط اموره

ويمكن انا مش من نفس ادارتك ويدور الكلام على هالادارة ..
وتصير مشاكل
وينحط العين عليها ..

شوف اذا الادارة مهمله وغير مؤديه لواجبها تجاه المراجع او العمل نفسه
يستحقون ما يجيهم من كلام ..

ولكن ان كان العمل قائم وتام على اكمل وجه فما اشوف انه داعي للقيل والقال..


وآلا انت اش رايك

صح كلامك

مافي داعي للتتبع

اذا الاستأذان لايضر في مصلحه العمل
خل يطلع يشوف اهله وعياله

اما الي يطلع ويتمشى فالمجمعات

هذي تحبسه فالدوام عمل اضافي بعد

[شبح الصمت]

صح كلامك

مافي داعي للتتبع

اذا الاستأذان لايضر في مصلحه العمل
خل يطلع يشوف اهله وعياله

اما الي يطلع ويتمشى فالمجمعات

هذي تحبسه فالدوام عمل اضافي بعد



عمل اضافي

وينحرم من المشروبات الساخنه ..

هاهاي

[بومحمد المطاوعه]

عمل اضافي

وينحرم من المشروبات الساخنه ..

هاهاي

هههههههههههه

الله المستعان

[JN000N]

دامك تشتغل وتأدي واجبك محد له حق يتكلم عليك

مثال: انا اشتغل واكد واساعد بس مرت علي ظروف شهور ورا بعض مثلا صادتني مشاكل وظروف وغبت وداومت واستاذنت بس ايي واشتغل شوي واطلع وماعطلتكم
وتقييمي كان ممتاز
شضر زميلي؟ هل خذت من تقييمه شي
كل واحد ياخذ رزقه
واللي ما يستاهل اللي ياخذه وهو عارف وساكت له رب يحاسبه
اتوقع محد يبي يدخل له ريال حرام ف راتبه ! واللي راضي مرده بيتحاسب
كل اللي علي اني اادي شغلي وماعلي من اللي حولي واحاول اقدر ظروفهم واتقبل اعذارهم
حتى لو اني شفتها قالت بروح المستشفى وصورت عقب في كوفي! زين عادي راحت الموعد وطلعت تتقهوى يمكن مصدعه يمكن يوعانه ما تريقت يمكن ويمكن شنو يعني! ليش اخذ بالظاهر بس وهل هي ملزومه تكتب عذر ف الصوره طلعت اتقهوه عقب موعدي ف المستشفى لان حسيت بهبوط؟!!!
كلهم هذول اللي يشتغلون ولكن لهم اعذار طلعات حامل والا عيالهم والا مريضه والا والا
يهونون عند اللي طول السنه مب موجودين ولين جاو يبصمون ويطلعون ولو تطرش لهم ايميلات ما يفتحونها وما يقرونها واي مهمه تعطيهم يسوونها يجي وقت التسليم وتلاقيهم ما سوو شي ووهقو القسم وياهم وتتصل لهم مايردون
ولما تعطيهم انذار يحاججونك خخخ

[شبح الصمت]

دامك تشتغل وتأدي واجبك محد له حق يتكلم عليك

مثال: انا اشتغل واكد واساعد بس مرت علي ظروف شهور ورا بعض مثلا صادتني مشاكل وظروف وغبت وداومت واستاذنت بس ايي واشتغل شوي واطلع وماعطلتكم
وتقييمي كان ممتاز
شضر زميلي؟ هل خذت من تقييمه شي
كل واحد ياخذ رزقه
واللي ما يستاهل اللي ياخذه وهو عارف وساكت له رب يحاسبه
اتوقع محد يبي يدخل له ريال حرام ف راتبه ! واللي راضي مرده بيتحاسب
كل اللي علي اني اادي شغلي وماعلي من اللي حولي واحاول اقدر ظروفهم واتقبل اعذارهم
حتى لو اني شفتها قالت بروح المستشفى وصورت عقب في كوفي! زين عادي راحت الموعد وطلعت تتقهوى يمكن مصدعه يمكن يوعانه ما تريقت يمكن ويمكن شنو يعني! ليش اخذ بالظاهر بس وهل هي ملزومه تكتب عذر ف الصوره طلعت اتقهوه عقب موعدي ف المستشفى لان حسيت بهبوط؟!!!
كلهم هذول اللي يشتغلون ولكن لهم اعذار طلعات حامل والا عيالهم والا مريضه والا والا
يهونون عند اللي طول السنه مب موجودين ولين جاو يبصمون ويطلعون ولو تطرش لهم ايميلات ما يفتحونها وما يقرونها واي مهمه تعطيهم يسوونها يجي وقت التسليم وتلاقيهم ما سوو شي ووهقو القسم وياهم وتتصل لهم مايردون
ولما تعطيهم انذار يحاججونك خخخ



صراحة يا جنون اخر سطرين قويين في ناس جذيه ..

الواحد ينقهر يوم انه يشتغل ونفس هالبشر لا يداومون ولا شيء ..


ما الوم الواحد لي تكلم فيهم لانه من الي يشوفهم ..
اذا اهم عندهم ظروف عالعين والراس والله
بس اذا ما عندهم بس محسوبيه لا

اشوف انه الغلط مب منهم من الي موظفهم ومعطهم الوظيفة اسم بس بدون عمل ..

[qatari911]

شبح الصمت اصبت كبد الحقيقة
لكن تعال انا كنت اشيل شخص يطلع اجازات ويستأذن علشان ظروف عائلية على قولته والي اشوفه مش كل طلعاته لظروف عائلية
ورئيسي بالعمل يقول بتشيل شغله اقول تم ومايهمك
بس تعال لما اقوله طالع لظرف معين وعندي مايثبت او اجازه غصب عني مثل لما سافرت علاج للوالدة اول كلمه يقولها مالي شغل كلم رئيسك الي هو رئيسه لان كل واحد يشيل الثاني بس التقصير منه ولا اعطيه اهتمام
واذا بطلع بقدم عذري واطلع او اسافر ماعاد يهمني اي شخص ولا بشيل شخص
واتمنى من كل قلبي انه يقرا كلامي ويحطه حلق في اذنه :shy:
واشكرك على الموضوع الجميل (خليتنا نفضفض):victory:

[بومحمد المطاوعه]

حزات تنحرج تقدم على استأذان لان ادارتك والربع معاك

على قلب واحد

[المخفي]

تطبيق البصمة في الدوائر الحكومية كفيل بالقضاء على التسيب

اذا حد اعترض قول له السيستم الي خصم

[بانغ بانغ]

العود شبح

بعض الشباب الله يهديهم ايعطل مصالح الناس عشان قاعد في اجتماع ( الاجندة بند والقعدة ساعة )

هذول ألعن من المتسيبين

[JN000N]

صراحة يا جنون اخر سطرين قويين في ناس جذيه ..

الواحد ينقهر يوم انه يشتغل ونفس هالبشر لا يداومون ولا شيء ..


ما الوم الواحد لي تكلم فيهم لانه من الي يشوفهم ..
اذا اهم عندهم ظروف عالعين والراس والله
بس اذا ما عندهم بس محسوبيه لا

اشوف انه الغلط مب منهم من الي موظفهم ومعطهم الوظيفة اسم بس بدون عمل ..



اي وابشرك انهم عزوبيه
لا ريل ولا عيال ولا هم يحزنون

[A-Alansari]

انا من رايي المفروض الواحد يقوم بشغله ويستكمل ساعات العمل كامله

مب معناته خلصت شغلي خلاص بطلع من الدوام وبستأذن وبشوف هلي

بتستأذن مره مرتين في الشهر

اما يوميا تبي تطلع وتقول ظروف هاي غلط حتى لو تقوم بشغلك

[ابوالكلام]

احنا لو نترك هذا التطفل ومراقبة الناس كان اغلب امورنا بخير اغلب الناس تدخل في امور لاتعنيها مثلا وين فلان طلع اشدعوه وانا ماطلع زين حصل ترقية عطوه الشغل سيارة بل اكيد رفيج المدير وامور اخرى لو نتركها كان افضل يعني مثلا وحدة تدخل وتكت موضوع عن الحريم الي مايداومون ليش مثلا انتي مصلحة اجتماعية او عندك بحث او ايش بالضبط عيشو حياتكم الحياة قصيرة واجتهد في عملك وان كان هناك مشكلة اكتب وجعل القلم والتقارير هي سلاحك وليس الكلام في الهواء. عذرا وشكرا لكم