@مشورة @

[ضوى]

ناوية باذن القدير اني اغير سيارتي وخياراتي كالتالي :

1- لكزس RX 350 2015

2- كاديلاك 2015 srx

3- بي ام دبليو 6X

ابي مشورتكم مع ذكر الاسباب ،

مع العلم انه اللكزس عطوني عرض 187 مع تامين شامل وعازل حراري ومواصفاتها اوكي بس مب جلد ولا فيها تشغيل عن بعد ولا كراسي تبريد

والكاديلاك عطوني عرض ادفع 10000 وادفع 3000 على سنتين وعقب السنتين ادفع 120 الف مع تامين شامل سنتين وضمان اربع سنوات او 100000 الف يعني تطلع السيارة ب203 الف تقريبا طبعا كامل الزيادات

بي ام دبليو ماخذت منهم عروض ماعجبني شكلها وايد

هذي خياراتي واطلب منكم المشورة حسب معرفتكم

شاكرة لكم مسبقاً

[بعيد النظر]

السلام عليكم


الصراحة كلهم حلوين .. ويعتمد على ميولج الشخصي ! انتي شعجبج ؟!

الكاديلاك سوقها مش ماشي فالدوحة مع انه موتر حلو واستخدامه احلى ..
بس مادري متى تغير شكل هـ الفئة بالذات !


اللكزس .. موتر حلو وعملي ..
وبالنسبة لي افضل الموتر يكون مخمل .. لا هو حار فالصيف ولا بارد ف الشتى ..


البي ام .. صراحة ضمانها .. وباكج السيرفس فيها .. مميز ..
الشكل توهم مبدلينه .. والموتر حلو وجمييل ..


الاختيار

عن نفسي .. اذا البي ام .. عندهم عرض .. 3 سنين "سيرفس" .. وتامين شامل بروحلهم ..
غيره اللكزس هو الخيار الاول .. والمضمون !


وبغيت انوه ان .. دخلنا على باب ال 2016 ..
يعني المواتر اللي تمت .. عندهم لازم يصرفونها ..
باسعار وعروض .. طيبة .. فـ حاولي فيهم اذا مالج نية للـ 2016 !



وبالتوفيق

[لـبـيـه]

بدون كلام لكزس

[.قطر.]

اللكزس 2016 غيروا شكلها
والكدلك بعد بتتغير و بيكشفون عن اليديده ف شهر 11 الجاي و مادري متى تتوفر ف الاسواق
اذا مايهمج الشكل يديد ولا قديم اشتري

واذا يهمج الشكل عندج بس الـ x6 حاليا شكله يديد

وبالتوفيق :nice:

[H H]

اللكزس ممتازه وسعرها خرافي , بس مشكلتها ان الشكل تغير.
الكدلك ابعدي عنه ولاكانك تشوفينه , مايسوى , فلوسك كلها تختفي اول يطلع الموتر من الوكاله.
البي ام , اشوفه افضل خيار , عرضهم مميز والشكل توه متغير يعني الموتر بيبقى جديد لفتره طويله.

انصحك بالانتظار وتاخذين اللكزس الجديد اذا يناسبك , واذا لا توكلي على الله وخذي البي ام

[جاسم الدوحة]

الأخت ضوى
اللكزس rx350 متغير شكلها في موديلات 2016
وبتوصل في منتصف الشهر الجاي (أكتوبر)
الجير متغير (8 سرعات) ، والمحرك صار (بخ مباشر)
والقوة الحصانية زادت ، والشكل جديد ويستمر 6 سنوات بالراحة .

ليست ميزة واحدة .. ولا اثنتين .. بل ثلاث ميزات .. وأكثر .

بقية الخيارات المذكورة (لها .. وعليها)
لكن لكزس كتجربة امتلاك .. غيــــر .

صناعة يابانية ، جودة ، وصيانة في 8 مراكز منتشرة
في الدوحة (غير الصناعية) وسعر - أفضل من غيره - عند إعادة البيع
وقطع الغيار متوافرة ، وأسعارها في المتناول والمعقول كسيارة فاخرة .

والأمر لكِ

[ضوى]

شكرا لكم ماقصرتوا

رحت اليوم شفت البي ام اكس 6 , كلش ماعجبتني واللون الاسود للطبلون يغمت القلب مارتحت فيها كلش

اللكاديلاك شلتها من حساباتي خلاص عقب كلام الاخوان فوق

تبقى الخيار الانسب اللكزس بس 2016 مب حلوة كانها مدرعه مدري مترددة اما ظ¢ظ*ظ،ظ¥ وايد عاجبتني مواصفاتها حلوة وغير جذي مريحه جدا ، يعني غلط لو اخذ 2015 و 2016 بينزل !؟ طيب مب يقولون بكل شكل جديد تظهر عيوب تصنيع في الدفعات الاولى !؟ انزين اذا انا مب بياعه ولا اقكر شنهي مشكلتي اذا اخذت 2015 !?

[.قطر.]

شكرا لكم ماقصرتوا

رحت اليوم شفت البي ام اكس 6 , كلش ماعجبتني واللون الاسود للطبلون يغمت القلب مارتحت فيها كلش

اللكاديلاك شلتها من حساباتي خلاص عقب كلام الاخوان فوق

تبقى الخيار الانسب اللكزس بس 2016 مب حلوة كانها مدرعه مدري مترددة اما ظ¢ظ*ظ،ظ¥ وايد عاجبتني مواصفاتها حلوة وغير جذي مريحه جدا ، يعني غلط لو اخذ 2015 و 2016 بينزل !؟ طيب مب يقولون بكل شكل جديد تظهر عيوب تصنيع في الدفعات الاولى !؟ انزين اذا انا مب بياعه ولا اقكر شنهي مشكلتي اذا اخذت 2015 !?
العفو :nice:
عادي اذا تبين 2015 اخذي راحتج اشتري بس كنا ننصحج
والعيوب ف الدفعات الاولى موجوده لكن مب بشكل كبير

[جاسم الدوحة]

توكلي على الله
والميزة البارزة عند شراء أي سيارة
في نهاية شكله الحالي هو معادلة
(أفضل مواصفات بأقل سعر) .

اتفق معكِ في أن الشكل الجديد
(مش ولا بدّ) في الصور ..
لكن احتمال على الطبيعة يكون غير ..
وفي المقابل الشكل الداخلي للموديل الحالي 2015
لا يعجبني بتاتاً (مع الجير المرتفع وانحناءات التصميم) مثلاً ..
وعموماً يقول المثل العربي (لولا اختلاف الأذواق ، لبارت الأسواق) .

أما مسألة العيوب فاحتمالها وارد طبعاً
لكل سيارات العالم ، وأظن إنتي ملاحظة
كثرة استدعاءات (حماية المستهلك) لسيارات
من موديلات حديثة وبعضها قديمة وايد حتى .

مبروك مقدماً .. ما دامها لكزس .. فالاختيار موفق
بإذن الله .

[بعيد النظر]

شكرا لكم ماقصرتوا

رحت اليوم شفت البي ام اكس 6 , كلش ماعجبتني واللون الاسود للطبلون يغمت القلب مارتحت فيها كلش

اللكاديلاك شلتها من حساباتي خلاص عقب كلام الاخوان فوق

تبقى الخيار الانسب اللكزس بس 2016 مب حلوة كانها مدرعه مدري مترددة اما ظ¢ظ*ظ،ظ¥ وايد عاجبتني مواصفاتها حلوة وغير جذي مريحه جدا ، يعني غلط لو اخذ 2015 و 2016 بينزل !؟ طيب مب يقولون بكل شكل جديد تظهر عيوب تصنيع في الدفعات الاولى !؟ انزين اذا انا مب بياعه ولا اقكر شنهي مشكلتي اذا اخذت 2015 !?

الشكل الجديد افضل في جميع النواحي ..
حرام تاخذين موتر طالع من الوكالة .. وعقب كم من يوم شكل يدييد فالسوق ..

الموتر تروح هيبته سبحان الله .. ولو ما عجبج الموتر اليوم .. بيعجبج باجر ..
لانه جديييد .. وهاي الشي يصير في اغلب المواتر ..
لان احتمال .. تجوفين الموتر الجديد ويطيح في خاطرج عقب !! وكان بينج وبين شراء موترج ايام !


اما العيوب .. فهذي لا تحاتينها ..
اللكزس ما اخبر لها عيوب مصنعية ! وان وجدت ما تنذكر !

وان صارت لا سمح الله .. بيتصلون لج الوكالة ..
وبيعدلون الخلل على حسابهم من غير نقاش ولا هواش ..



أنصح بالشكل الجدييد ولا غيره .. وبالتوفيييييييق

[ضوى]

قررت اخذ اللكزس 2015 ، ماتحملت شكل الجديد بجد ، وانا مب من النوع اللي قلبي يشفى على اللي اشوفه وان شاء الله اموري طيبة ، ادعوا لي الله يعطيني خيرها ويكفيني شرها

[بعيد النظر]

بالمبارك .. ويعطييج خيرها ويكفيج شرها

[qatarman8008]

اللكزس ارضت جميع الاذواق..
الكاديلاك خيار بعيد جدا جدا..
البي ام الاكس 5 هي الرائعة اما الاكس 6 لا اعتقد..
..
في خيار اخر رائع جدا ويستحق التفكير..
الجيب جراند شيروكي..
صراحة سيارة ولا اروع.. كحجم وشكل خارجي وفخامه ومكينة قوية جدا وصرفية بترول معقولة..
مكيفها بارد في الصيف وصيانتها رخيصة وحتى سعرها معقول يعني مو باربعمية نفس البي ام..

[ضوى]

اللكزس ارضت جميع الاذواق..
الكاديلاك خيار بعيد جدا جدا..
البي ام الاكس 5 هي الرائعة اما الاكس 6 لا اعتقد..
..
في خيار اخر رائع جدا ويستحق التفكير..
الجيب جراند شيروكي..
صراحة سيارة ولا اروع.. كحجم وشكل خارجي وفخامه ومكينة قوية جدا وصرفية بترول معقولة..
مكيفها بارد في الصيف وصيانتها رخيصة وحتى سعرها معقول يعني مو باربعمية نفس البي ام..

صدقا البي ام دبيلو ماعجبتني كلش جربتها مايازت لي ابدا

الديب شروكي عند اختي وبعد ماعدبتني يوم ركبتها

مدري يمكن لاني تقليدية وايد وصعبة التغير وعندي ارتباط بالاشياء الاولى بحياتي يمكن يكون هاي سبب

عموما اللكزس خياري والحمد لله على كل حال