فيدوني.. بستاجر ارض هبه من الدوله..تنصحوني؟

[مختصة]

السلام عليكم ورحمةًالله
اخواني الاعزاء.. اتمنى تكونون بخير
بستأجر ارض في روضة الحمامه مساحتها 3000 م
صاحبها واحد من اهلي
وبعطيه على ايجارها مبلغ بسيط بس بيكون الايجار 30 سنه
وبسوي عقد بيني وبينه بس بدفع له المبلغ مقدم
بس شنو تنصحوني عشان اظمن حقوقي 100٪
انصحوني ولكم جزيل الشكر

[المخفي]

كم الايجار

[معماري قطري]

شوفي مكتب عقارات هم أعرف .. ولا محامي مختص في العقارات .. اتوقع الأصمخ للعقارات عندهم خبرة كبيرة

[سليمان احمد]

اذا هي ارض مرهونه للدوله اعتقد مايقدر ياجرها عليك والله اعلم

الشي الثاني والاهم ارض فضاء يعني مافيها لاكهربه ولاماي ف ماتقدر تستفيد منها كلش

الشي الثالث العقد كم مدته وهل البلديه بيسمحون لك تسورها بدون رخصة بناء

اخيرا : الاعمار بيد الله والله يعطيك طولة العمر انت وياه لكن بعد سنين الورثه يبغون حلالهم

وبيطالبون بارض ابوهم والله يوفقكم

[مختصة]

الايجار بيكون اربعمية الف لمدة ثلاثين عام
تسوى؟
ولو طلعنا عليها خدمات مثل الماي والكهربا وسورناها
بنستفيد منها؟

[BoFahed]

الايجار بيكون اربعمية الف لمدة ثلاثين عام
تسوى؟
ولو طلعنا عليها خدمات مثل الماي والكهربا وسورناها
بنستفيد منها؟

الارض بتكون مب مرخصه من البلديه والدفاع المدني اللي عندهم زروع في السيليه والشمال والشحانيه وما جرينها ناس واصله ثاني شي يمكن في اب وقت البلديه تمنعك او يشتكون عليك الجيران ما تعرف بعد سنه سنتين الاراضي معظمها بتبني في هالمنطقه

الافضل تاجير 3 سنين مؤقتا وخذليج من الاراضي الصناعيه من ال 1500 قطعه وب 40 ريال ايجار المتر بالسنه بالشهر 3500 ريال حق ارض مساحتها1000تر حسب المساحه اللي توزها الدوله في الوكير وبركة العوامر وبالصليل فيها كل الحدمات وخلال سنتين بتخلص

ادخل موقعهم :






http://www.mec.gov.qa/ar/news-and-media/news/Pages/aug-10.aspx

[الكفــــــو]

أولاً : الأرض خُصصت لشخص من الدولة من أجل البناء عليها مسكن له و لأبناءه .
ثانياً : لن تصلها الخدمات طالما أنت لست المالك لها وكونها مرهونة للدولة .
ثالثاً : خلال 30 سنه هل تضمن بقاء هذا الرجل على نيته ، هل الورثه لن يطالبوا بحقهم المشروع ،
رابعاً : قوانين الدولة لا يتجاوزها إلا 3 أشخاص بالدولة ، لذلك أكبر محامي في الدولة لن تنفع شهادته و اوراقه .


ــــــــــــــــــــــــــــــــــــــــ


تقول الحق وتنفع الناس بما تعرف خيرٌ من السكوت ودخولهم دهاليز المحاكم

[شبح الصمت]

نصيحة تحملي ..

مب عشان شيء

ما تقدرين اطالبين فيها والعقد ما منه فايده ..

تستآجرين ارض ..

اذا تبين استثمار شيء شوفي لج شيء ثاني ..

[بوخميس]

نفس ما قالوا الاخوان. دام انها هبة من الدولة تأجيرها بيكون غير قانوني.

ولو صار بينكم اختلاف ووصلتوا للمحاكم، بتطلعين من السالفة بدون شيء لأن أي عقد بيكون كأنه غير موجود.

صارت حق ناس ترا سوالف مشابهة، فنصيحة لا تدخلين في هالمشروع.

[بوخميس]

نفس ما قالوا الاخوان. دام انها هبة من الدولة تأجيرها بيكون غير قانوني.

ولو صار بينكم اختلاف ووصلتوا للمحاكم، بتطلعين من السالفة بدون شيء لأن أي عقد بيكون كأنه غير موجود.

صارت حق ناس ترا سوالف مشابهة، فنصيحة لا تدخلين في هالمشروع.

[سليمان احمد]

المشكله الاساسيه تكمن ان البلديه ماراح يسورونها بدون رخصه بناء

ورخصه البناء اذا بتطلع لازم خرايط حق اللي تبنيه

والكهرباء والماء ماراح توصل الا بشهادة اتمام بناء

فثلاث امور مهمه مرتبطه ببعض صعبه تتوفر لمجرد عقد ايجار لارض مرهونه

ف الافضل لاتفتحين على نفسك امور قانونيه ومخالفات ضد جهات حكوميه مهمه

لمجرد ان الارض تتاجر لغرض غير الغرض اللي منحت لصاحبها

والله يوفق الجميع

[مختصة]

شكرا لكم جزيلا
بس اتفقت معاه وسويت العقد بيني وبينه وان شا الله استفيد
والي عنده فكره يقولها لي

[سليمان احمد]

حاولي تلغين العقد ووضحي ان الامور القانونيه تمنع عمل العقد ف عشان
بيلنغي العقد

[المخفي]

حتى لو بنيتي عليها و سحب عليج راحت فلوسج لانه العقد غير معترف فيه في المحكمة

[eXpert*]

بالذمة ! في شخص عنده أرض بهذا الحجم ، 400,000 / 360 شهر = 1,111 ريال / الشهر !؟

كان يقدر يدخل بشراكة مع شركة مقاولات يبنونها ويستنفعون منها لمدة 25 سنة وعقب يستفيد هو بالخمس سنوات المتبقية !

عن نفسيّ ما أقرب صوبها خصوصاً أن الدفع مقدم ،، لو الدفع شهري بأخذها وأنا أبتسم :)