أي أخبار عن افتتاح مستشفى السيدره ؟

[koketa]

السلام عليكم


احد يعرف مصير هاي المستشفى وتاريخ افتتاحها او اي اخبار عن استلام المبنى

مستشفى حمد الصراحه للاطفال الله المستعان

نبي دكاتره فاهمين وعندهم استعداد للتشخيص والعلاج الصح تعبنا من خدمات مستشفى حمد... والاخطاء الطبيه اللي بالجمله

[R 7 A L]

ليش من وين اطباء السدره ؟

[koketa]

ليش من وين اطباء السدره ؟

اللي اعرفه ان كلهم امريكان وكنديين على مستوى

[بانغ بانغ]

شغاله المستشفى بس لحين ما تم تدشينها رسمي يمكن مرحلة ابحاث

هذا اللي اعرفه

[koketa]

بس للحين ما يستقبلون مرضى

شفت منهم شغالين في حمد

[بعيد النظر]

مطولين العالم الله ..
عقب نص السنة الجاية !

[حرف]

بالعكس مستشفى السد للاطفال افضل مستشفى في قطر

[ابوالعبد]

والله يا اخوان انه مستشفى حمد يعتبر من المستشفيات القويه ماشوف انه في قصوور احمدوا ربكم بس علي النعمه

[حرف]

بعدين سدرة الظاهر للموظفين في فونديشن بس

[شبعان]

المفترض ان يتم الافتتاح في 2011 يعني اكثر من 4 سنوات تأخير؟؟؟
حسب المصدر المرفق فانه قد تم "طرد" المقاول الرئيسي للمشروع.
تكلفة المشروع 7.9 مليار دولار( 29 مليار ريال)؟؟
هل المشروع يستحق هالمبلغ؟؟

للعلم مستشفى الوكره تكلفته مع التجهيزات في حدود المليارين ريال!!!

http://www9.0zz0.com/2015/09/10/09/150362405.jpg (http://www.0zz0.com)


المصدر:

http://dohanews.co/sources-qatars-delayed-sidra-hospital-sacks-construction-contractor/

[حرف]

بيكون تابع للمجلس الاعلى للصحه ؟

[معماري قطري]

والله مشروع مكلف للغاية .. أذكر دخلت ادارتهم وكان مدير مشاريعهم انجليزي ويبون يغيرونه الظاهر مصهم مص .. وقابلني موظف يحليله صغير ما ادري من وين جايب الخبرة .. سعودي ودخلنا غرفة انارتها هادئة وكأنها غرفة استجواب وكيمرة في الزاوية .. والأخ قال لي شتفضل عربي ولا انجليزي قلت له انجليزي عادي خذ راحتك .. وبدأَ يقرأ من ورقه ويقول لي واجباتي للوظيفة واني باكون تحت ادارته .. وراواني الهيكل التنظيمي وان عندهم أرض في حدود 150 هكتار والهكتار حول 4000 متر مربع .. وهذي كلها بتكون فيها مشاريع بعضها تحت التنفيذ وبعضها كفكرة وللحين ما تصممت.

خطة الموقع جيدة لكن الادارة ما اتوقع .. المهم كان علي مثل ما ذكر اني اشتغل ليل ونهار واجيب مدراء مشاريع وهم يتابعون معاي .. يعني مسؤول عن تأسيس ادارة كاملة .. كنت كل اجاباتي مستعد وبعدها حمدت ربي إن الشغلة راحت لواحد ثاني ورديت أصلاً المفروض تكون ادارة المشاريع الهندسية منفصلة وتحت قسم خاص ومرتبطة بالمدير العام.

[معماري قطري]

بيكون تابع للمجلس الاعلى للصحه ؟

ما اظن للصحة هو بيكون تابع لقطر فاونديشن وللدراسات الطبية أكثر منه للعلاج .. والله يوفقهم في تطوير المنطقة التعليمية ككل .. جزء منها هو واحة العلوم والتكنولوجيا وهذي عندي معلومات عنها من خلال المقابلة لكن ما اتوقع قابلة للنشر لأن كلها في طور التخطيط.

[مرتبش]

كل مشاريعنا في قطر تتاخر.. خاص حكومي شخصي ..كل شي عادي الوقت ماله قيمة.
وبعدين تستغربون اشغال ليش تتاخر مشاريعها .
تكلفة المشروع كما ذكر الاخ شبعان خيالية ..29 مليار ..شي مهول

[بوخميس]

المساحة الخضرا اللي قدام المركز ايش فايدتها؟؟

هذي المساحة بروحها تسوى عشرات الملايين ليش الاسراف فيها؟

[غايه الطواش]

اذا تصلح الخلل راح ينفتح

[koketa]

ما يندرى الحين عقب الازمه المالية إِيش بيصير

سمعت انهم يفنشون الموظفين