+++++ استفسار بخصوص االبلاط +++++

[مـــحـــمــد]

السلام عليكم

بخصوص تركيب السيراميك على كم المتر ؟
اذا المواد على المقاول

للعلم حجم السيراميك 60 * 120
و 60 * 60

وبلاط حوائط الحمامات اعزكم الله والمطابخ
على كم المتر ؟؟

[معماري قطري]

سؤالك عام اخوي محمد وكل واحد بيعطيك سعر .. مواد التركيب وشي؟ وطريقة ومواصفات التركيب

وأكيد كل مقاول له سعر خاص به كشغل يد

[Azizuk]

بعد اختلطي مع كثر من العمال والشركات كل واحد بيعطيك طريقة

والعامل والشركات يدورون الشغل السريع والسهل لهم

بس انسب طريقة وأفضلهم هي

بودرة وتدك بالدكاكه بعد رش الماي عليها وبعدها تجي عليها صبيه بسمك 3 الى 5 سنتيمتر وبعدها ينحط مادة الغراء الزق ويتركب عليها البورسلان او السراميك او الرخام

هذي افضل طريقة وتكون شوي مكلفة

اما الطرق الثانية

في طريقة ينحط رمل بلاستر وفوقها صبيه تتلزق مع الإسمنت على طول بدون مادة الغراء وهذي أرخص طريقة
والصراحه ماانصحك فيها لانها بعد فتره يتحرك الرمل وتصير عندك فروقات وفتحات في البلاط

والطريقة الوسط هي بودرة واسمنت وعلى طول يتركب البلاط

وإذا رخام تنحط اخر طبقة إسمنت ابيض عشان مايمتص الرخام

الإسمنت الأسود ويبقع مع الزمن ويسود
اما اذا امتص الإسمنت الأبيض مايبقع مثل الأسود

بس افضل طريقة بودرة ودك وخلطة إسمنت لين تنشف وتصير صلبه بعدين يجي عليها مادة الغراء ( الزق ) وآخر شي البلاط

[معماري قطري]

إخوي بو سعود حذرت انا كم مرة من البودرة .. هي اللي تنتفخ من الرطوبة وتقشع البلاط .. سواء للحمامات ولا الغرف العادية

للحمامات رمل عادي مغسول .. وشيحركه وهو محكور من كل الجهات؟ وبسلوب بسيط ونجرب السلوب قبل تركيب البلاط بأجهزة القياس المختلفة وممكن بطريقة بسيطة .. تيلة نحطها في كل طرف ونشوف وين تروح .. لو وقفت معناها السلوب يبي له تعديل.

بالنسبة للرمل الخشن أو الناعم .. كلهم ينفعون شرط يكونون مغسولين ويابسين ما فيهم ماي .. هذا للحمامات والمطابخ .. الرمل الخشن شوي أفضل لأنه يستوعب ماي أكثر لو فيه تسريب .. بس لو عندنا تسريب احنا في مشكلة طال الزمن أو قصر.

الأرضيات الباقية صبية على حسب مساحة الحيز من 10 سم الى 15 سم ويتركب عليها البلاط .. انا سويتها ناعمة بدون تخشين واستعملت روبة متوسطة ( الأمريكي عبوات 5 كيلو ) وحطيت مع الصبية في الخلاط عبوات فيبر تقوي الصبية وبدون حديد وهذي ميزتها تصب الخرسانة فيها ماي أكثر ولا تتشلخ وتكون بروحها مستقيمة لأنها شبه سائلة .. الأرضية تحت تكون مدكوكة وبدفان من الموقع وابعد عن البودرة لأنها تنتفخ وتكسر الأرضية مهما سويت من احتياطات.

[معماري قطري]

سؤال مهم ليش يسوقون المقاولين للبودرة أكثر شيء؟

لأَن ناتج الحفر النظيف يغربلونه ويستخدمونه للمشاريع المهمة واللي الإشراف عليها دقيق ولا يرضى بالبودرة .. تبقى الشوائب من حجارة جيرية كبيرة وخشب وبعض الكشرة هذي يودونها كسارة والكسارة تطحنها وتبيعها نسبياً برخيص .. غير عن الناتج كبودرة من الكنكري واللي الحين منعوا انتاجه أو حدوا منه وصاروا يستخدمون الغابرو المستورد.

وما ننسى البودرة مرتع خصب للأرضة .. لأن الخشب وورق الشجر منتشر في الطبيعة والأرضة تتربى عليه وهذا يطحن مع الحجر ويقدم على طبق من ذهب مدفوع القيمة للملاك.

[معماري قطري]

سبب ثالث هو سهولة التعامل مع البودرة وحتى بدون دك ينصب ماي عليها وتيبس كأنها صبية

صراحة حل رخيص وما يسوى ويكلف المالك وايد بعدين .. وشفت كثيرين استغربوا من تقشع البلاط وانتفاخ الأرضية وهذي نصيحتي للكل ولازم يحدد هذي الطريقة في عقد المقاولة ويصر على تنفيذها .. وأتمنى ممن صادفتهم مشاكل من هالنوع يكونون جريئين ويصورون المشكلة ويوضحونها للباقيين

[معماري قطري]

بقى تفصيل مهم اللي هو الزوايا .. سواءً في الأرضيات أو الحوائط .. التقاء البلاط فيها يترك فتحة بسيطة ما تبين وهذي يمر منها الماء ويتشربه الطابوق أو يتسرب للأرضية شوي شوي ويبقع.

هذي الزوايا كلها ينحط فيها سيليكون ووضحت في السابق كيف تركيب بلاط الأرضية بعد بلاط الحائط وبحيث بلاط الأرضية يكون مستواه مرتفع شوي أكثر عن مستوى آخر بلاطة .. ونضيف عليها السيليكون في الزاوية.

أعتقد الصورة واضحة.

[Azizuk]

طيب شنو الحل يامعماري دورت وسالت عن الدفان

وكل ما سالت حد يقولي اول مره نسمع حد يحط دفان مغربل داخل البيت الكل يقولي بودرة

حتى راعي التريلة اللي اتعامل معاه يقولي انا وإلا مره جبت حق بيت دفان مغربل حق داخل

كله بودره اجيب لناس

هذا صور بيت جاري حاط دفان وطلع عنده نازل

وبعد فتره بعد بينزل اكثر

94618

94619

94620

94621

لاحظ مستوى الدفان عن أسفل البلاط شلون نازل

والرمل المغسول حق بيت مساحة 450 متر غير الملاحق بيطلع على وايد ومكلف

عندي أحط صبية بسماكة 15 سنتيميتر كاملة أرخص لي

حتى سالت في السعودية واحد امبلط قلت له شنو احسن طريقه لتركيب قالي البودرة افضل من الرمل

لو تحط لي صورة عن الدفان اللي تقول عنه عشان اعرفه واسال عنه حد يقولي وين احصله

[Bo AbduRhman]

طيب شنو الحل يامعماري دورت وسالت عن الدفان

وكل ما سالت حد يقولي اول مره نسمع حد يحط دفان مغربل داخل البيت الكل يقولي بودرة

حتى راعي التريلة اللي اتعامل معاه يقولي انا وإلا مره جبت حق بيت دفان مغربل حق داخل

كله بودره اجيب لناس

هذا صور بيت جاري حاط دفان وطلع عنده نازل

وبعد فتره بعد بينزل اكثر

94618

94619

94620

94621

لاحظ مستوى الدفان عن أسفل البلاط شلون نازل

والرمل المغسول حق بيت مساحة 450 متر غير الملاحق بيطلع على وايد ومكلف

عندي أحط صبية بسماكة 15 سنتيميتر كاملة أرخص لي

حتى سالت في السعودية واحد امبلط قلت له شنو احسن طريقه لتركيب قالي البودرة افضل من الرمل

لو تحط لي صورة عن الدفان اللي تقول عنه عشان اعرفه واسال عنه حد يقولي وين احصله


،
.

اخوي Azizuk

اخونا معماري قطري يقصد الدفان المغربل لارضيات الحوش مب الارضيات الداخلية

.
.

[معماري قطري]

،
.

اخوي Azizuk

اخونا معماري قطري يقصد الدفان المغربل لارضيات الحوش مب الارضيات الداخلية

.
.

لا الله يسلمك للحوش وللداخلية أهم .. ولازم تسوي صبية بعد الدفان هذا شيء مسلم به .. المغربل اللي هو يحطون الحديد ويشخلونه يشيلون الحصى الكبار .. والدك المفروض على طبقات كل 30 سم ندك ونرش ماي.

انا اقول الصح اخواني والغير يقولون السهل لهم وبس .. دخلت بيت واحد حاط انترلوك وتحته بودرة والانترلوك بعد المطر استوى متعرج وفيه هبوطات مزعجة وبالنسبة لي السبب معروف .. هي مغامرة وتطلع نتائجها على حسب الظروف بس ما تطول خصوصاً للحوش ولداخل البيت شرحت الأسباب الثلاث .. ونزيد عليها تعشيش النمل بسهولة تحت.

باحط رسمة وشرح بإذن الله.

ومثل ما قلت اخوي عبدالعزيز أفضل للواحد يسوي صبية وفراغ تحتها ودعامات من طابوق حتى الصبية تكون بسمك معقول ومن تحت حتى يقدر يسوي ممر للخدمات ومكان للتخزين.

اللي يبي يسأل عن الدفان الزين يسأل مهندسين انشائيين فاهمين وبارشح له كم شخص ما اعتقد يخالفون رأيي.

ما عندي أي مصلحة من اللي اقوله سوى انها قوانين كنا نتبعها في الشغل الحكومي ونركز عليها في الاشراف وحاب افيد بها الكل.

ودي انصح بحط البودرة كحشو تحت كلش بس خايف من النتائج تكون سلبية.

سامحوني تأخرب في الرد انشغلت شوي عن المنتدى وبالتوفيق لكل من يبني.

[معماري قطري]

هذا الدفان الجيد نقدر نشوفه في هذا المقطع وهو ناتج الحفر .. نزيل منه الصخور الكبيرة لحد 5 سم وأكبر وممكن نصف الصخور الكبيرة بعناية وندفن حولها بحيث ما نترك فجوات.

نلاحظ في المقطع إن المهندس يراجع تقرير فحص تربة وتقرير فحص التربة غير صحيح وملفق .. لأَن الأرض تبين صخرية وقوية ومثل ما قال قوتها 4 نيوتن وهي مقارية لكثير من الأراضي في قطر .. وتقدير فحص التربة لقوتها يقول 1.5 نيوتن .. النيوتن = كجم / سم المربع وهو قوة ضغط وزنية على المساحة .. والمشكلة على حسب اختبار التربة تصمم الأساسات وتكون لل 1.5 نيوتن بحجم كذا مثلاً 2 في 1 متر في سمك 60 سم لتعادل هذه القوة .. ونفس الأساس لقوة 4 نيوتن ممكن نصغره لنسبة 1.5 / 4 ضرب حجم الأساس .. وممكن نصغره للثلث وننزل السمك ل 40 سم ويكون كفاية وزود .. يعني 75 سم في 60 في 40 سم ويكون كفاية .. مع تقليل الحديد بحسابات خاصة.

والمهم احنا نشوف الدفان كيف.



https://www.youtube.com/watch?v=1Egf-Pcc4yM

[معماري قطري]

وهذا مقطع شفناه قبل عن الدفان والأخطاء فيه .. نوعية التربة جيدة بس عيبها الحجارة الكبيرة والخشب.


https://www.youtube.com/watch?v=0yWaQrxs8l4

[مـــحـــمــد]

سؤالك عام اخوي محمد وكل واحد بيعطيك سعر .. مواد التركيب وشي؟ وطريقة ومواصفات التركيب

وأكيد كل مقاول له سعر خاص به كشغل يد


طريقة التركيب عندي بودره ورمل بلاستر مكس
واسمنت بسماكة 5 سم وعقب تركيب السيراميك

[Azizuk]

اليوم يا اخ معماري كنت في في كول كنت اركب مخفي لسيارة مريت على قصر المرمر بطريق سلوى جنب معرض ديار العز لين تخلص السيارة

واستفسرت عن بعض الأمور تخص تركيب الرخام والتبليط بشكل عام وتركيب الحجر الخارجي

ونصحني ان أحط بودرة وترش بالماي وتدك بالدكاكه وبعدها يا إسمنت وركب على طول او صبيه وبعدها غراء وتركب بلاطك على حسب ميزانيتك ومقدرتك كل شي له سعر

بس قالي اذا تقدر وعندك مقدره ماديه حط صبيه 10 او 12 او 13 سنتيميتر وتقشط بالمروحة عشان تتساوى في المستوى المطلوب

وبعدها مادة الغراء ( الزق ) واحد سنتيميتر وفوقها الرخام او البورسلان وهذي أغلى طريقا وأنظف طريقة

طبعا الرخام ثنين سنتيميتر والدرج ثلاثة سنتيميتر

والبورسلان يعتمد كم سماكته

وبخصوص الحجر الخارجي بعد يعتمد على حسب وزن وحجم الحجر

الحجر السعودي وزنه يختلف عن الحجر السوري والفلسطيني

أثقلهم الفلسطيني والفلسطيني يوجد منه انواع وايد اسود وابيض ورمادي والرمادي انواع

وطريقة التثبيت يوجد انواع كثيرة يعني حجر الطوب ( الأحمر ) له طريقة

والطابوق الإسمنتي له طريقه

والتركيب الميكانيكي له اكثر من برغي

في برغي 12 مم وفي برغي 8 مم وبعد يعتمد على حسب نوع الحجر

مب كل برغي يركب على اي حجر

في براغي غلفنايز وممكن تتحكم في وازنيته تشد أو ترخي عشان تتساوى

وفي الطريقة تتركب على ابيام من فوق لين تحت وتتثبت على جدار البيت ويتثبت عليه الحجر

وممكن تحط بين الجدار والحجر عازل حراري او عازل صوت او اي نوع من العوازل المختارة

زي ما ذكر هوم ستون في موضوع اخر شرح وصور عن طريقة التركيب

وتوني اعرف ان المرمر هي اعلى وانغى مرحله في الرخام وأغلى ثمن زيها زي اي معدن غالي الثمن

حسّيت ان الرجال فاهم شغله عدل وجلس يشرح لي و يعرف أني جاي مب شراي ومع ذالك ماقصر معاي

[معماري قطري]

طريقة التركيب عندي بودره ورمل بلاستر مكس
واسمنت بسماكة 5 سم وعقب تركيب السيراميك

انا شرحت اللي اعرفه صح ورأيي الهندسي الفني وذكرت الأسباب ورأيي للحين تشيل البودرة من المعادلة أفضل لك .. وهذي الطريقة للحمامات والمطابخ اتوقع .. وبعد كل واحد يركب له سعر.

[معماري قطري]

اليوم يا اخ معماري كنت في في كول كنت اركب مخفي لسيارة مريت على قصر المرمر بطريق سلوى جنب معرض ديار العز لين تخلص السيارة

واستفسرت عن بعض الأمور تخص تركيب الرخام والتبليط بشكل عام وتركيب الحجر الخارجي

ونصحني ان أحط بودرة وترش بالماي وتدك بالدكاكه وبعدها يا إسمنت وركب على طول او صبيه وبعدها غراء وتركب بلاطك على حسب ميزانيتك ومقدرتك كل شي له سعر

البودرة يا اخوي آحذرك منها صدقني انتفاخها قوي يكسر حتى الخرسانة .. بعض الأوقات تمر الأمور سليمة لكن لو تسربت رطوبة من تحت تنتفخ وترجع تفش .. هي اللي خربت شوارع قطر.

بتسوي خرسانة وفراغ تحتها وايد أفضل وهذي يسونها في دول كثيرة .. أو حتى خشب عليه سيراميك .. بس يكون التدعيم كل متر تقريباً.


بس قالي اذا تقدر وعندك مقدره ماديه حط صبيه 10 او 12 او 13 سنتيميتر وتقشط بالمروحة عشان تتساوى في المستوى المطلوب

وبعدها مادة الغراء ( الزق ) واحد سنتيميتر وفوقها الرخام او البورسلان وهذي أغلى طريقا وأنظف طريقة

وليش التعذيب فيه ما يسمى self leveling concrete وهو خرسانة فيها ماي كثير وشبه سائلة بفعل الجاذبية تستوي سطح مستوي بدون أي ميول .. وهذي تحتاج اضافات خاصة مثل الفيبر السائل .. بعد ما يخلط معاها يتحول خيوط قوية تعطيها متانة ولا تتشلخ وفيه لزقات خاصة للأسطح الناعمة ولو تحتاج تخشين ينعمل لها تخشين قبل لتجف وبما إنها تحتها دفان تقدر تسويها بسمك أقل ولا تحتاج حديد لو حطيت فيبر والتكلفة تطلع أقل

طبعا الرخام ثنين سنتيميتر والدرج ثلاثة سنتيميتر

والبورسلان يعتمد كم سماكته

وبخصوص الحجر الخارجي بعد يعتمد على حسب وزن وحجم الحجر

الحجر السعودي وزنه يختلف عن الحجر السوري والفلسطيني

أثقلهم الفلسطيني والفلسطيني يوجد منه انواع وايد اسود وابيض ورمادي والرمادي انواع

وطريقة التثبيت يوجد انواع كثيرة يعني حجر الطوب ( الأحمر ) له طريقة

والطابوق الإسمنتي له طريقه

والتركيب الميكانيكي له اكثر من برغي

في برغي 12 مم وفي برغي 8 مم وبعد يعتمد على حسب نوع الحجر

مب كل برغي يركب على اي حجر

في براغي غلفنايز وممكن تتحكم في وازنيته تشد أو ترخي عشان تتساوى

وفي الطريقة تتركب على ابيام من فوق لين تحت وتتثبت على جدار البيت ويتثبت عليه الحجر

وممكن تحط بين الجدار والحجر عازل حراري او عازل صوت او اي نوع من العوازل المختارة

زي ما ذكر هوم ستون في موضوع اخر شرح وصور عن طريقة التركيب

وتوني اعرف ان المرمر هي اعلى وانغى مرحله في الرخام وأغلى ثمن زيها زي اي معدن غالي الثمن

حسّيت ان الرجال فاهم شغله عدل وجلس يشرح لي و يعرف أني جاي مب شراي ومع ذالك ماقصر معاي

ناس كثيرين فاهمين ومتعلمين طريقة معينة وبعضهم يطورون عليها مثل تركيب العازل ونوعية التثبيت ويعرض لك كل الموجود .. بس أغلب المشاكل تجي من طلبات المالك والبعض ينفذها بدون مناقشة .. بيت جاري مسوي الحوش انترلوك وتحته بودرة ما كمل سنتين بس كم رشة مطر الا مكان تواير السيارة ما تقدر تمشي فيه الصالون وبتحك بسبب الهبوط القوي .. من شفته قلت له اللي تحت بودرة قال ايه وكانت أول ما سووها يابسة وقوية .. نفس الشيء الدفان اللي للحمامات لو مب نظيف ومغسول بتشوف بعد سنة بداية ظهور الأرضة وبتاكل خشب البيبان .. ونفس الشيء لو قال لك العامل باخلط بودرة ورمل لو تسربت بعدين رطوبة خفيفة بيتنفخ عندك البلاط وبيتقشع .. لأَن البودرة رخيصة والرمل المغسول خصوصاُ الخشن وايد غالي .