إلى : وزارة الداخلية

[نديم القلم]

ندخل في الصميم وبلا مقدمات ..

منذ 3 شهور مضت تعرضت سيارتي لحادث مروري وكان المتسبب قد تخطى اشارة المرور الضوئية واصطدم بسيارة أخرى لها حق أولوية المرور وانحرفت تجاهي وسببت اضرار في مقدمة سيارتي ، وتبين أن أستمارة وتأمين المتسبب منتهية الصلاحية ! وأدركت حينها أننا سندخل نفقاً مظلما قد يطول السير فيه ..

أُبلغنا من المرور أن قائد السيارة المتسببة سيحول الى النيابة العامة بتهمة تخطي الأشارة الضوئية والتسبب في الحادث المروري وبالإمكان تصليح السيارة وموافاتهم بفواتير تكلفة اصلاحها لحين عرض المتسبب على النيابة العامة ، ومنذ ذلك الحين لم يردنا أي نبأ عن سير القضية .

قمت بمراجعة ادارة المرور وأفادوني بمراجعة نيابة المرور والتي أفادتني على لسان أحد موظفي خدمة الجمهور أن الموضوع حُددت أولى جلساته في شهر اكتوبر لمحاكمة سائق السيارة مع أحتمال عدم إجبار مالك السيارة المتسببة سداد تكاليف إصلاح سيارتي ..! ولأفضل رفع قضية مدنية للمطالبة بحقك ..!

تملكتني حالة من اليأس والدهشة وأنا أستمع إلى إفادة الموظف ليس لأنني تكفلت بأصلاح مادمره غيري فحسب وإنما عن حالة تراخي اجراأت التقاضي وانتظار قد يطول مداه ناهيكم عن غياب ضمان الأمن المروري الذي ينبثق من الأمن القومي ..

خرجت من مبنى النيابة العامة وأنا أجر ورأي خيبة ألمت في نفسي وحزناً على غيري من إهدار حقوق الضحايا أمثالي .. والحل ليس برفع دعوى مدنية للمطالبة بحقوقي فكم وكم ستستغرق من الوقت لأصدار الحكم لصالحي هذا إن لم يكن المتسبب معسراً من سداد تكلفة أضراره !

الواقع مؤلم ولا يستجيب لقواعد العدالة التي نسمع بها ولا نراها ..فالمفروض أن تتكفل إدارة المرور بأجراأت التقاضي كأقل واجب جزاء عن تراخيها عن التحقق من سلامة المركبات وتجديد إستماراتها في حينه ، فالظلم واقع بسبب تقاعسها ،وهاهي النتيجة تمثلت في مكافأة ألمستهتر ومعاقبة الضحية وسيستمر الظلم إن لم يعاد النظر في ضمانات الحوادث المرورية كي يتم القضاء على مثل هذه الحالات الأليمة .. لذلك فأنني أتوجه إلى الوزارة لعلي أجد الجواب لديهم وإلا فأبواب السماء لم ولن تُغلق أبداً .

[معماري قطري]

أوقات يلبسونك الخطأ تلبيس .. معاك في الشكوى وفي الرأي صراحة نظام وقانون المرور يبي له تعديلات جذرية من زمان

[حسن]

صارلي ياخوي نفس قضيتك بالضبط وسيارتي كانت جديده ماتمت شهر
وتفاجات في المرور كان يقولي المحقق ان السياره القرنبع بدون تامين
والحل المحكمه
والجنسيه من اللي ماعنده ولا مليم

قلت له عطني ورقه التصليح يازول ومع السلامه
وصلحت موتري ب 27000 اف وهذا انا جايب القطع الغيار من دبي ولا فاتوره الوكاله ب 50000 الف

المرفوض يسون حمله واسند هذه الحمله الى قوات الاخويا بحكم كثره عدد افرادها
ينظفون البلاد

[غير البشر]

احنا توهقنا بالنيابه العامه والمحاكم

اتمنى من سمو الامير اصلاح هذه المؤسستين ومراقبتهم

[بانغ بانغ]

مااوقفت على امور مرورية .... ما خفي اعظم من قضايا .

ضربت على وتر حساس

[السمسمه]

غير البشر كلامك سليم ولا شوف متى يجون الدوام والقضايا المروريه اذا اليوم فتحت القضيه يمكن سنة 2018 تخلص او ماتخلص بعد لان صارت عندي ،،،،،
الله يعوض على من حصلت له الحوادث مثل هذي ان شاء الله،،،،،

[غير البشر]

غير البشر كلامك سليم ولا شوف متى يجون الدوام والقضايا المروريه اذا اليوم فتحت القضيه يمكن سنة 2018 تخلص او ماتخلص بعد لان صارت عندي ،،،،،
الله يعوض على من حصلت له الحوادث مثل هذي ان شاء الله،،،،،



الله يعينك اخوي
انا رفعت شكوى وبقدره قادر اقلبوها علي :)
وبعد تابع موضوعك بنفسك محد راح يقولك متى جلستك ولا بخبرونك عن شي
وانت قاعد بالبيت يوصلك حكم غيابي ههههههههههههههههههههه
الغيابي على بيزه ها الايام


من جذي اتمنى من سمو الامير حفظه الله
مراقبه المحاكم والنيابه عن قرب جدا جدا ومنع ...... ان شاء الله تكون مفهومه

[عثرة جواد]

احنا توهقنا بالنيابه العامه والمحاكم

اتمنى من سمو الامير اصلاح هذه المؤسستين ومراقبتهم

مع هاي الرائ وبقوة

[بعيد النظر]

عسى الله يعينك ياخوي ..
ويعوض عليك خسارتك !

[شبعان]

اخوي "وزارة الداخليه" جهه تنفيذيه تنفذ القانون وكلامك يجب ان يوجه الى "السلطات التشريعيه" في البلد (مجلس الوزراء ومجلس الشورى).

اتمنى ان يتم تشكيل لجنه من الخبراء والمختصين القطريين لمراجعة قانون العقوبات بالاضافه الى وضع أليه سريعه وحلول عمليه للبت في القضايا .

[حمد بن سعد]

في سنة 2006 دعمني ياهل ماعنده لا ليسن ولا بيمه ولا شي راس ماله غترته الحمره والعراوي الي يسوقها صلحت سيارتي بقيمة 8000 ريال وتحول الموضوع للنيابه ومكانك سر حتى اليوم اتصلت في ابوه وقلت له السياره صلحتها بقيمة 8000 اريال عطني النص ومسامحك في الباقي يقولي روح اشتك قلت له الشكوى للناس مذله لاكن شكوتي لله ماتروح حسبي الله ونعم الوكيل فيك.


وحقي عند الله مايضيع

[bu_yousef]

في سنة 2006 دعمني ياهل ماعنده لا ليسن ولا بيمه ولا شي راس ماله غترته الحمره والعراوي الي يسوقها صلحت سيارتي بقيمة 8000 ريال وتحول الموضوع للنيابه ومكانك سر حتى اليوم اتصلت في ابوه وقلت له السياره صلحتها بقيمة 8000 اريال عطني النص ومسامحك في الباقي يقولي روح اشتك قلت له الشكوى للناس مذله لاكن شكوتي لله ماتروح حسبي الله ونعم الوكيل فيك.


وحقي عند الله مايضيع

كلنا بنفس القارب

دريول وشكله توه يديد كفيله مسلمه كروزر مب قده السيارة لا عليها تامين ولا استماره ولف علي

المهم الكفيل عنده واسطه وقف الموضوع والدريول خايف لان بتطلع عليه اكثر من بيع السوق فـ قط السالفة علي والمحقق اساسا شاف اثر مسكة بريك سيارتي بمساري الصحيح

صلحت سيارتي 7000 ريال وكل ماروح مرور الريان بتحول نيابه ونيابه وفهمت اللعبه

وحاليا مركب سستم تصوير بسيارتي ولا قدر الله صار شي وما جى حقي اليوتيوب موجود الدول الاسيوية والاجنبيه مب احسن منا :victory:

وصحيح كله عند الله مايضيع

[محمد سعيد]

نصيحة خذ حقك بيدك

اسأل مجرب ولا تسأل طبيب

موب شغلنا اذا السلطة التشريعية ماتعرف تنشر العدل بين الناس

و تضمن حقوق الناس:)

صدقني بيحفضون القضية في النيابة بعد ماتاخذ حقك بيدك /(

[ya3coub]

الله يعينك ياخوي

انا مسوي حادث و الغلطة انحطت علي لأن تئميني شامل و الي متسبب و مسرع ضد الغير.

فوق هاي الحين علي 40% من القطع و السيارة يبيلها عالأقل شهر بالورشة اذا توفرت كل قطع الغيار.!!!!!!
قهر 3 سنين السيارة خمش ماجاها من وكالتها ولا قد حد لمسها بس ما اقول إلا الحمد الله
و لي خبره سابقه بنفس موضوعك نصيحه صلح السيارة و حاول تراكض مع المرور اهم يسون له نيابة ثانية بس المحكمة تراها بتطول جدا جدا و تهدر وقتك و لازم وجودك بالجلسات.


الله يهون عليك يا خوي

[ya3coub]

كلنا بنفس القارب

دريول وشكله توه يديد كفيله مسلمه كروزر مب قده السيارة لا عليها تامين ولا استماره ولف علي

المهم الكفيل عنده واسطه وقف الموضوع والدريول خايف لان بتطلع عليه اكثر من بيع السوق فـ قط السالفة علي والمحقق اساسا شاف اثر مسكة بريك سيارتي بمساري الصحيح

صلحت سيارتي 7000 ريال وكل ماروح مرور الريان بتحول نيابه ونيابه وفهمت اللعبه

وحاليا مركب سستم تصوير بسيارتي ولا قدر الله صار شي وما جى حقي اليوتيوب موجود الدول الاسيوية والاجنبيه مب احسن منا :victory:

وصحيح كله عند الله مايضيع

ادوروالله و مو محصل شي عدل و نظيف و حاسب خله قريب المنظرة

لأن على قوانين قطر ممنوعه للأسف ولا ياخذون بالفيديو بعين الإعتبار بالمحكمة بس المحققين لما يشوفونه علطول يكونون بصفك اذا الغلط واضح

غير الي يقولك تصول اهله و نقاش كبير ماله أخر اذا كانت تبين

[راعي الكورفت]

الواحد صار يخاف يسوق في الشارع من غشامة السواقين وحرام تطلع موتر جديد ويجيلك واحد ويدعمك :anger1:







ماينفع فهالشوارع الا جمس مصفح وركب له صدامات حديد تحميك من غشامة الهنود والحريم :rolleyes2:

[معماري قطري]

صوروا المباحث الجنائية وسحبوا العمال وقلت اووه حقك يا حمد مب ضايع .. وثاني يوم العمال مكررين نفس التجاوز وبقوة وجه يشيلون عدتهم من فوق بيتي وهم يشتغلون من بيت الجيران اللي هو عبارة عن روضة أطفال .. وقدمت شكوى ثانية ولا وصلني شيء .. قالوا بنتصل بك وسنوات من ذاك الوقت.

هذي الأجهزة - الشرطة - والنيابة - والمحاكم متصلة ويبي لها تطوير كبير وسرعة في الاجراءات .. نقدر نضيف لها حماية المستهلك - والمكاتب الهندسية والتخطيط العمراني ونظام المقاولات.

[معماري قطري]

المشكلة روضة جونيورز مخالفة كل النظم وبنوا تقريباً طابق ثالث فوق واقولها هنا صريحة .. وبنوا الحوش ولو هم اشتكوا علي بانجر جر من الطيارة على إنه تشهير وهذا الواقع والحقيقة واشتكيت عليهم مرتين ومرة ثالثة .. كانوا المربيات الفاضلات الفلبينيات يسوون بارتي للكرسمس وما قصروا الشرطة جاوا وشلوهم وسكتوا الحشرة اللي مسوينها في الحوش .. لكن اتوقع من توصل السالفة عند الكفيل ومسؤولين الروضة الأفاضل طبعاً يسكرون الشكوى وكأن ولا شيء كان .. وانا على استعداد لمتابعة الموضوع مع جهات أكبر .. والكفيل صج هامور من الوزن الثقيل بس بعد انا مواطن جدودي ماتوا في حرب الزبارة وشيوخنا ما يرضون.

[MAZEN37]

موضوعك مهم ولازم له حل لان في ظلم واضح على الطرف المتضرر
اقتراحي
قيام الداخليه بالتامين على نوعية هذه الحوادث في شركات التامين ويتم دفع لهذه الشركات من خزينة المخالفات بالمرور
وبعدين ملاحقة المرور والداخليه للمتسبب ومنع سفر فوري وحجز سيارة وتوقيف لين يحلها ويتخالف

[معماري قطري]

اخوي مازن في أي دولة في العالم يسوق شخص بدون تأَمين واجب الجهات المختصة أخذ الحق العام والخاص منه .. وما يطلعونه بسهولة .. عندنا هذا يعتبر تشجيع وكثرت وبتكثر الحوادث اللي من هاذي النوعية

[معماري قطري]

بعدين ما فيه تأمين يعني السيارة غير مرخصة وحملات بسيطة بيمسكون عدد من السيارات يحجزونها في شبك لمدة معينة لو ما خلصها صاحبها ودفع غراماتها .. وجدد رخصتها بآلية معينة أو غرامة تبقى محجوزة عند المرور تباع السيارة وتروح قيمتها للمخالفات والمتضررين.

[شبعان]

المشكلة روضة جونيورز مخالفة كل النظم وبنوا تقريباً طابق ثالث فوق واقولها هنا صريحة .. وبنوا الحوش ولو هم اشتكوا علي بانجر جر من الطيارة على إنه تشهير وهذا الواقع والحقيقة واشتكيت عليهم مرتين ومرة ثالثة .. كانوا المربيات الفاضلات الفلبينيات يسوون بارتي للكرسمس وما قصروا الشرطة جاوا وشلوهم وسكتوا الحشرة اللي مسوينها في الحوش .. لكن اتوقع من توصل السالفة عند الكفيل ومسؤولين الروضة الأفاضل طبعاً يسكرون الشكوى وكأن ولا شيء كان .. وانا على استعداد لمتابعة الموضوع مع جهات أكبر .. والكفيل صج هامور من الوزن الثقيل بس بعد انا مواطن جدودي ماتوا في حرب الزبارة وشيوخنا ما يرضون.

http://www8.0zz0.com/2015/09/17/17/569015029.jpg (http://www.0zz0.com)

[MAZEN37]

اخوي مازن في أي دولة في العالم يسوق شخص بدون تأَمين واجب الجهات المختصة أخذ الحق العام والخاص منه .. وما يطلعونه بسهولة .. عندنا هذا يعتبر تشجيع وكثرت وبتكثر الحوادث اللي من هاذي النوعية

اذا وقفتني دوريه وانا مخالف ومافي استماره يحجزون السياره
وادفع غرامه
وعليه يعتبر انه المرور هو المسؤل وصاحب الحق باتخاذ اجراءات قانونيه ومخالفة المخالف
طيب
كملوا اجراءاتكم وهاتوا حقي من المخالف وحاسبوه

[غير البشر]

صوروا المباحث الجنائية وسحبوا العمال وقلت اووه حقك يا حمد مب ضايع .. وثاني يوم العمال مكررين نفس التجاوز وبقوة وجه يشيلون عدتهم من فوق بيتي وهم يشتغلون من بيت الجيران اللي هو عبارة عن روضة أطفال .. وقدمت شكوى ثانية ولا وصلني شيء .. قالوا بنتصل بك وسنوات من ذاك الوقت.

هذي الأجهزة - الشرطة - والنيابة - والمحاكم متصلة ويبي لها تطوير كبير وسرعة في الاجراءات .. نقدر نضيف لها حماية المستهلك - والمكاتب الهندسية والتخطيط العمراني ونظام المقاولات.



ها الاجهزه للأسف متهالكه جدا
اتمنى من سمو الامير ورئيس مجلس الوزراء التركيز عليهم ومنع الواسطات فيها والبعض منهم يبغي لهم تأديب
انا بالنسبه احاول ما اربط اي شي فيهم
لو حد سرقني او حتى حرامي شقح بيتي ماراح اشتكي او شفت مصيبه او كارثه قدامي بسوي نفسي ماشفت

[معماري قطري]

ها الاجهزه للأسف متهالكه جدا
اتمنى من سمو الامير ورئيس مجلس الوزراء التركيز عليهم ومنع الواسطات فيها والبعض منهم يبغي لهم تأديب
انا بالنسبه احاول ما اربط اي شي فيهم
لو حد سرقني او حتى حرامي شقح بيتي ماراح اشتكي او شفت مصيبه او كارثه قدامي بسوي نفسي ماشفت

يا اخوي شسوي تكيسلت وانشغلت وايد ولو باروح ببساطة بيقولون ما تابعت .. شكلهم يبوني ليل نهار عندهم على سوالف بسيطة بس مزعجة وتمس أمن أطفال صغار خايف والله عليهم

[بوخالد911]

لازم بعض القوانين تتعدل وتتغير

[يوسف0]

يا اخوي شسوي تكيسلت وانشغلت وايد ولو باروح ببساطة بيقولون ما تابعت .. شكلهم يبوني ليل نهار عندهم على سوالف بسيطة بس مزعجة وتمس أمن أطفال صغار خايف والله عليهم

اخبر اذا واحد دخل بيتك ومن غير اذنك مسموح لك تشق له راسه ولا انا غلطان ؟ :omen2:

[Qatar-Qa]

المشكله أساسا بعد هي الواسطه

الواسطه للأسف ( اتَفل) على قوانين الدوله قانون قانون وتدوس عليها. وانتو بكرامه

وكل ما كانت واسطتك أقوى دست على قوانين اكثر

الله يصلح الحال ونفتك من هالواسطات

[معماري قطري]

اخبر اذا واحد دخل بيتك ومن غير اذنك مسموح لك تشق له راسه ولا انا غلطان ؟ :omen2:

لو قطري ممكن أما أجنبي بتضيع

واحد رمى هندي داخل بيته وسووا له قصة لكن كان دبلوماسي ورفض تسليم السلاح وتسامحوا معاه

وولدي ضرب قطري كان سكران ومتهاوش وشارد ودخل البيت .. انجرح قرب عينه ومسكوه الشرطة وودوه وانا تنازلت عن حقي منه قالوا حكمه بيكون 8 شهور سجن لو ما تنازلت غير .. لو أجنبي يمكن يومين ويتسفر وحسب قوة كفيله ممكن يطلعه ثاني يوم.

[يوسف0]

لو قطري ممكن أما أجنبي بتضيع

واحد رمى هندي داخل بيته وسووا له قصة لكن كان دبلوماسي ورفض تسليم السلاح وتسامحوا معاه

وولدي ضرب قطري كان سكران ومتهاوش وشارد ودخل البيت .. انجرح قرب عينه ومسكوه الشرطة وودوه وانا تنازلت عن حقي منه قالوا حكمه بيكون 8 شهور سجن لو ما تنازلت غير .. لو أجنبي يمكن يومين ويتسفر وحسب قوة كفيله ممكن يطلعه ثاني يوم.

:rolleyes2: لزوم اسأل حرامي او سفاح انت عندك واسطه ولا لا قبل لا اتذابح معاه استغفر الله العظيم

معلومات مفيده يعطيك العافيه

[qtr qtr]

عندي اقتراح لتسهيل عمليه جريان واختصار الوقت للقضايا البسيطه مثل الحوادث والشيكات من غير رصيد

وضع لكل مركز من مراكز الشرطه مثل العاصمه والريان والشمال والوكره والمطار .. مكتب يشمل فيه النيابه والقضاه
والله لو طبقوه راح نشوف القضايا بتنتهي بسرعه ويسر وغير مواقف السيارات اللي يعاني منها المراجعين راح تخف فالمحاكم الرئيسيه ويخف الضغط عليهم .

[حليتان*]

شمعنى انا يوم دعمت بدون ليسن قالو لي صلح للرجال على حسابك وله بنحولها نيابه وخليت الدريول ياخذ موتر الرجال ويوديه الشكره ويصلحه ولما خلص رده له


وثاني مره كانت عندي كجه ريوست على واحد ودعمته بالرمانه
وسبحان الله كان اخر يوم للكجه وتنتهي وسجلو الحادث وكل شي
وعقبها بكم يوم رحت جددت الكجه

المهم خذت لي يومين الا متصلين لي المرور فلان الفلاني قلت لهم نعم قالو لي انت داعم وكجتك منتهيه قلت لهم سلامتكم انا داعم فاخر يوم للكجه وانتو طلعتو ورقة تصليح لي وللرجال وعطيتوه ورقة البيمه شلون الحين منتهيه الكجه ؟؟


المهم حاولت اطلع صورة الكجه من الملف قالو لي مش موجوده والتامين مش راضي يعطيني اثبات ان الكجه كانت مامنه عندهم


فدفعت فلوس التصليح للرجال 14 الف وموتره هلكس يوم شفت الفاتوره طلع مصلح الموتر كامل وانا داعم شبك موتره هو راح حتى الصدام الي ورا بدله

[معماري قطري]

إخواني برا ما نشوف حوادث .. نشوف زحمة بس خفيفة والطريق يمشي ولو وقف محد يخالف والكل محترم القانون

نشوف الاسعاف مسرع ويمشي عكس السير والعالم يفتحون له ولا واحد يدرعم وراه ويستغل الموقف

نشوف السرعات متغيرة كم مرة في الشارع الواحد والناس من تنزل السرعة 20 بس ولعت البريكات والتزموا بالسرعة القانونية

عندنا صراحة الكل يتنافس في المخالفة .. حطوا مطبات ناس قاموا يمشون عكس السير حتى ما يمرون على المطب وبسرعة وبمخاطرة كبيرة

في الفرجان كثرت حوادث الدهس ولأطفال أحياناً بسبب السرعة الزايدة .. حتى الباصات يسرعون سرعة رهيبة

اللي يصير زايد عن حده لأبعد الحدود .. حتى السيارات اللي مركب رمانة كبيرة ويضرب بريكات في وجه البشر واللي منزل سيارته بطريقة مضحكة من جدام .. واللي صابغ سيارته وردي ولا بنفسجي وهذي ألوان نسائية بحتة

نجي للتصرفات .. اللي يسرع ويقرب من الناس بطريقة خطرة .. واللي ينرفز غيره بالليتات والهرنات .. هذي نهائياً ما نشوفها برا .. بالعكس نشوف بعض شباب قطر يسونها يحسبونها شطارة.

[ابوالكلام]

اوووووف الاجراءت عندنا بطيئة ومملة تخيل انت غلاطنيين عليك وتقعد تلف في المحاكم يعني سيارتك مكسرة ونفسيتك تعبانة لا ومراجعات. مادري مؤوسسات الدولة شيسون وعندنا عاد ايذا ماراجعت محد ييب حقك لين بيتك في دولة من الدولة يخلصون اجراءتهم بالبريد وهم قاعدين متفرقين حق حياتهم. شكرا

[alzween]

أستاذي الفاضل بعد التحية: نقوم في جريدة العرب القطرية بإجراء تحقيق حول هذا الموضوع، فهل بإمكانك أن تشرفنا بالاتصال على قسم التحقيقات لأخذ رأيكم فيه، خصوصا وأنكم من المتضررين؟.

إذا وافقتم على المشاركة في إثراء هذا الموضوع تستطيعون الاتصال بهذا الرقم 44997354 محمد سيد أحمد
ولتعذرني إدارة المنتدى على كتابة رقم هاتف المكتب هنا إذا كانت كتابة أرقام الهواتف تتعارض مع سياسات المنتدى، أريد فقط إيصال صوت الجميع إلى الجهات المعنية عبر صحيفتنا.
دمتم ودام المنتدى الرائع

[نديم القلم]

أشكر كل من ساهم في إثراء هذا الموضوع والقصد من نشره إبراز سلبيات الأجهزة الحكومية لكي تؤدى الحقوق لأصحابها دون عناء ولا يفلت مخالف/ مجرم من العقاب وأتمنى أن تسرع الجهات المسئولة من وضع الحلول توطئة لأستتباب النظام لثقتنا أن الأهمال وعدم المبالاة في فرضه سيسبب إنتشار الفوضى .. تلك الفوضى التي يولد من رحمها الفساد ..!

[نديم القلم]

أستاذي الفاضل بعد التحية: نقوم في جريدة العرب القطرية بإجراء تحقيق حول هذا الموضوع، فهل بإمكانك أن تشرفنا بالاتصال على قسم التحقيقات لأخذ رأيكم فيه، خصوصا وأنكم من المتضررين؟.

إذا وافقتم على المشاركة في إثراء هذا الموضوع تستطيعون الاتصال بهذا الرقم 44997354 محمد سيد أحمد
ولتعذرني إدارة المنتدى على كتابة رقم هاتف المكتب هنا إذا كانت كتابة أرقام الهواتف تتعارض مع سياسات المنتدى، أريد فقط إيصال صوت الجميع إلى الجهات المعنية عبر صحيفتنا.
دمتم ودام المنتدى الرائع

أشكرك على إستجابتك للموضوع ، ولأنني خارج البلاد سوف أرسل لك رسالة خاصة مبيناً فيها عنواني للتواصل عبر البريد الألكتروني أو الهاتف ..

[qatarman8008]

انا صار لي موقف اخر..
في ايام المطر دعمني شخص من الخلف وانا واقف عند اشارة المرور ..
قالوا لي انت غلطان..!!
اشلون غلطان ياجماعة وهو متسبب علي داعمني من ورى ..
موتره سلب في المطر وماقدر انه يمسك بريك ودعمني من الخلف..!!
قالوا لي تقدر تقدم الموضوع للمحكمة ..
رحت المحكمة قالوا لي لاتصلح سيارتك لين يصير التحقيق..
والموعد بعد ست شهور !!
اشلون ما ادري..!!