استفسار

[cayenne s]

السلام عليكم

حبيت اعرض هالموضوع عليكم واستفسر هل امتلات دوله قطر من الوظايف حيث انه لا يمكن توفر وظيفه او عده وظايف لاي شخص او انه الموضوع يحتاج واسطه كبيره

انا صارلي حتى الان قريب السنه ولم احصل علي وظيفه حيث انني قدمت في كل مكان

من اسبوعين قدمت ببنك الدولي الاسلامي عن طريق مدير شؤؤن الموظفين (واسطه كبيره) وطلبوني للمقابله وقعدت انتظر اربع ساعات ويوم راجعتهم قالوا انهم اكتفوا ب 7 اشخاص من اصل 35 شخص

ويوم رحت اداره العمل علشان يساعدوني بوظيفه قالوا لي اني مسجل بوظيفه وما يقدرون يساعدوني الا اذا جبت اخلاء طرف من الشغل القديم علما اني ما خلصت اجراءاتي مع الشغل القديم بسبب عندي قرض عندهم

شالحل

[عثرة جواد]

لازم واسطة ولا مارح تتوظف

مالك الا الدعاء ...

الله يفرج همك

[حراير قطر]

الله يرزقك بالوظيفة المناسبة

انا انتظرت 3 سنوات وفيه ناس اكثر

ما انقول الا الله المستعان ...

[بوخميس]

الحين كل هالاعلانات في الجرايد والمواقع حق وظايف وبعثات ولحين في ناس ما تحصل شغل؟ انا استغرب الصراحة

[JN000N]

اي والله اعرف وايد ناس يبون وظايف مب لاقيين
والمشكله انهم مب اجانب ولا مقيمين
الا قطريين وجامعيين بعد

[Charisma]

بداية ، أتمنى لك التوفيق وعسى الله ييسر لك أمورك وتحصل على الوظيفه اللي تتمناها .


ونصيحه ، حضّر cv ، بطريقة أحترافيه ، لاتعتمد عالواسطه قدم في أكثر من مكان ، راجعهم ، ولاتكتفي بالأتصال ، حضّر عندهم قد ماتقدر واطلب مقابلة المسؤولين ، أثبت لهم انك راغب وبشده في الوظيفه الفلانيه .



موفق .

[Mo7mmad]

من فترة وانا ملاحظ ما فيه اعلان للوظايف

ولاكن فيه حاجة في راسي نسبة القطريين في اي وزارة من 20 بالمئة واقل ايش الحاصل بالضبط ووين التقطير ؟ عيال البلاد يهاجرون افضل ؟

[معماري قطري]

اي والله اعرف وايد ناس يبون وظايف مب لاقيين
والمشكله انهم مب اجانب ولا مقيمين
الا قطريين وجامعيين بعد

انا ارتحت فترة 3 سنين وكانت شوية ظروف خلتني اطلب اعفاء .. خلال هالفترة من اشوف اعلان طلب مدير مشاريع أو مهندس آرسل لهم وكلموني البعض .. جهة طالبة خبرة 10 سنوات وانا الحمد لله كنت بادخل العشرين .. ووظفوا واحد خبرته سنتين بس .. وكنت طالب انتداب

ورحت واحة العلوم والتكنولوجيا .. واللي قابلني يحليله صغير توه ومب قطري .. خليجي وبعد حطوا غيري .. وكلمت حتى وزراء والكل يتهرب ما عرفت شسوي .. واحد الله يذكره بالخير قال لي انت من تروح هالأماكن تكون عنصر تهديد كبير .. انت تدور منصب عينك عينك .. شسوي وليش ما يحق لي اطور نفسي؟

في النهاية كتبت كتاب اني ابغي استثناء حتى اقدر افتح مكتب استشاري واديره لأَني أُعتبر أَشتغل وغير مسموح لي الا باستثناء .. بعدها طلبوني الحاق في منصب ثاني وشغلة ثانية لمدة 6 شهور .. بعيد عن الهندسة بس لحسن حظي الأعمال الهندسية تتحول لي .. صراحة اندمجت وحبيت الشغل وقررت اواصل معاهم خصوصاً إنهم مراعين وضعي الصحي .. وخلاص خفت الأمل بمشروع كبير اديره

[cayenne s]

ليه وصلنا لمستوي يجيك الاجنبي يقول القطريين معتبرين الشغل شغل ابوهم يداومون وقت ما يبون

[JN000N]

انا ارتحت فترة 3 سنين وكانت شوية ظروف خلتني اطلب اعفاء .. خلال هالفترة من اشوف اعلان طلب مدير مشاريع أو مهندس آرسل لهم وكلموني البعض .. جهة طالبة خبرة 10 سنوات وانا الحمد لله كنت بادخل العشرين .. ووظفوا واحد خبرته سنتين بس .. وكنت طالب انتداب

ورحت واحة العلوم والتكنولوجيا .. واللي قابلني يحليله صغير توه ومب قطري .. خليجي وبعد حطوا غيري .. وكلمت حتى وزراء والكل يتهرب ما عرفت شسوي .. واحد الله يذكره بالخير قال لي انت من تروح هالأماكن تكون عنصر تهديد كبير .. انت تدور منصب عينك عينك .. شسوي وليش ما يحق لي اطور نفسي؟

في النهاية كتبت كتاب اني ابغي استثناء حتى اقدر افتح مكتب استشاري واديره لأَني أُعتبر أَشتغل وغير مسموح لي الا باستثناء .. بعدها طلبوني الحاق في منصب ثاني وشغلة ثانية لمدة 6 شهور .. بعيد عن الهندسة بس لحسن حظي الأعمال الهندسية تتحول لي .. صراحة اندمجت وحبيت الشغل وقررت اواصل معاهم خصوصاً إنهم مراعين وضعي الصحي .. وخلاص خفت الأمل بمشروع كبير اديره

هاي المشكله ان كنت قطري بمواصفات ممتازه خافو منك لانك تشكل تهديد
وانت كنت قطري متخرج او متوسط الخبره يابو الازرق والاشقر ع اساس خبرته احسن
بس ماتدري الخير وين

[برويقن]

اطلب نقل وانقل القرض معاااك

[بوخالد911]

الله يسهل عليكم
مدري ليش الحين تذكرت كلمة ((( التقطيرررر !!!!)))))

[رُفق المجنّا]

مشاكل التوظيف ع عجالة :
عدم توفر وظائف إشرافية مناسبة لاصحاب الخبرة والمؤهلات وبعض المدراء يعدهم مصدر خوف
تجنب المدراء لتوظيف النساء لكثرة الاجازات وساعات الاستئذان
تجنب المدراء توظيف القطريين لقدرته ع التحكم بالأجنبي من حيث حجم المهام
بعض الموظفين القطريين رسموا صورة سلبية بالتراخي

وغيرها كثير ولكن هذا ما يعفي وزارة التنمية الإدارية بسن قوانين تضمن الوظائف للقطريين مع وجود اليات تجبر الموظف ع الإنتاجية والعمل

[R 7 A L]

اخوي اخذها نصيحة مني لاتضيع وقت اكثر من الي ضاع
خلص امورك مع الجهه الي كنت تعمل بها لانه مستحيل تتوطف في اي مكان وماعندك شهادة من جهه عملك القديمة تفيد بستقالتك او انهاء خدماتك
واتمنى لك التوفيق