كلنا نحتاجها ....

[عثرة جواد]

السلام عليكم

اشلونكم وشلون استعدادكم للعيد الله يعيده علينا وعليكم وحنا ننعم بصحة والعافية


كل انسان مر ف حياتة بتجربة الفقد والخذلان

وثق فيهم عطاهم الثقة واخلص ف الوفاء معاهم

وبعدها اكتشف انة كان غلطان ......

اكيد فكر اشلون ينتقم او اشلون يذوقة من نفس الكاس

لو انت مريت ف نفس التجربة شنو التصرف الي رح تتخذة ؟؟؟

بتفكر ف الانتقام ؟؟ والا بتتخذ سياسة طنش ؟؟؟

ابي اسمع تجاربكم ....وردات فعلكم .....والحلول الي تشفونها صح ...

................التغيير داااااما صعب .................

[شبح الصمت]

كلمة الانتقام ما احبها

ولا احب الي ينطقها

والا احب الشخص الي يفكر فيها

لانه هالانسان الي يحاول انه ينتقم انسان وصل مرحلة خطيرة ..

يجب انه يراجع نفسه قبل كل شيء ويحاول انه يرجع إلى الله وصلاته ..
ولا يخلي الشيطان يغلبه ..

او انه يتوجه إلى حد المشايخ
او الاستشارات
او دكتور نفساني ..

يفضفض له لانه في ناس يكتمون ويكتمون وهالشيء يسبب له ارق وتعب فالبتالي ..

الدكتور يخليه يفضف ويهدي من الانتقام الي في قلبه .

وطبعاً غير التوجه نفس ما ذكرت لله ولصلاته مافي احسن من هالشيء..
بس بعد في ناس تحتاج إلى من يسمع لها ويهدي من ما بداخلها ..


وشكراً

والله يبعد عنا الانتقام والمنتقمين

[R 7 A L]

بتجاهل ولا كنه صار شي

[بعيد النظر]

الانتقام اول تفكير يمر على الواحد ..
بس لو الواحد تعوذ من ابليس ..


وشغل عقله شوي .. يقدر يردها بمليون طريقة وطريقة ..
وللامانة شعور الانكسار والخذلان صععععععب جدا" !


عن نفسي .. اذا طنشت اتوقع .. ينقص من عمري ..
ولو اني مريت في موقف وطنشته .. واكتشفت عقب سنييييين ..
انه كان الحل الامثل !! وطبعا" اهم شي الواحد لا يبين انكساره !

[عثرة جواد]

كلمة الانتقام ما احبها

ولا احب الي ينطقها

والا احب الشخص الي يفكر فيها

لانه هالانسان الي يحاول انه ينتقم انسان وصل مرحلة خطيرة ..

يجب انه يراجع نفسه قبل كل شيء ويحاول انه يرجع إلى الله وصلاته ..
ولا يخلي الشيطان يغلبه ..

او انه يتوجه إلى حد المشايخ
او الاستشارات
او دكتور نفساني ..

يفضفض له لانه في ناس يكتمون ويكتمون وهالشيء يسبب له ارق وتعب فالبتالي ..

الدكتور يخليه يفضف ويهدي من الانتقام الي في قلبه .

وطبعاً غير التوجه نفس ما ذكرت لله ولصلاته مافي احسن من هالشيء..
بس بعد في ناس تحتاج إلى من يسمع لها ويهدي من ما بداخلها ..


وشكراً

والله يبعد عنا الانتقام والمنتقمين

هلا عزيزي

شكل كلمة الانتقام اثرت فيك وايد ...

مع انه كثير من الي يتعرض لمثل هل مواقف يفكر فيه

انت من رايك شنو تشوف الحل

اسعدتني المشاركة واسعدني المرور

[عثرة جواد]

بتجاهل ولا كنه صار شي


هلا عزيزي

ممتاز هااي احد الحلول

شخصيتك قوية

اسعدتني المشاركة واسعدني المرور

[شبح الصمت]

هلا عزيزي

شكل كلمة الانتقام اثرت فيك وايد ...

مع انه كثير من الي يتعرض لمثل هل مواقف يفكر فيه

انت من رايك شنو تشوف الحل

اسعدتني المشاركة واسعدني المرور



شنو نوع الانتقام ..
الانتقام انواع
والانتقام ما يجي من فراغ ..


انا شلي سويته في هالشخص لاجل يوصل هالمرحلة ما سألت نفسي ..

شلي خلاه يوصل لهمرحلة !!!


جاوبي يا عثرة ..
ليش وصلت لهمرحلة من انه يبي ينتقم مني ..

[المحاميه]

بخصوص العنوان مافهمت

شنو كلنا نحتاجها؟ ايش المقصود؟

[عثرة جواد]

الانتقام اول تفكير يمر على الواحد ..
بس لو الواحد تعوذ من ابليس ..


وشغل عقله شوي .. يقدر يردها بمليون طريقة وطريقة ..
وللامانة شعور الانكسار والخذلان صععععععب جدا" !


عن نفسي .. اذا طنشت اتوقع .. ينقص من عمري ..
ولو اني مريت في موقف وطنشته .. واكتشفت عقب سنييييين ..
انه كان الحل الامثل !! وطبعا" اهم شي الواحد لا يبين انكساره !

هلا عزيزي

ياسلام عليك قوة ارادة وعقل مميز ((ماشاء الله ))

اسعدتني المشاركة واسعدني المرور

[عثرة جواد]

شنو نوع الانتقام ..
الانتقام انواع
والانتقام ما يجي من فراغ ..


انا شلي سويته في هالشخص لاجل يوصل هالمرحلة ما سألت نفسي ..

شلي خلاه يوصل لهمرحلة !!!


جاوبي يا عثرة ..
ليش وصلت لهمرحلة من انه يبي ينتقم مني ..

الحين لو كنت مع شخص عزيز عليك لسنوات وكتشفت خيانته

اشلون بتتصرف ....هاي القصد اخوي شبح الصمت

[حمد 2002]

الانتقام له وقته

والتطنيش له وقته


والاصلاح له وقته

على حسب الموقف

والضرف


والفعل



شكرا ياكاتب الموضوع

[عثرة جواد]

بخصوص العنوان مافهمت

شنو كلنا نحتاجها؟ ايش المقصود؟

هلا اختي ...

مادري العنوان شد انتباهج

هاي هو الهدف :victory:

[شبح الصمت]

الحين لو كنت مع شخص عزيز عليك لسنوات وكتشفت خيانته

اشلون بتتصرف ....هاي القصد اخوي شبح الصمت



شنو نوع العلاقة عثرة وضحي

خيانة زوجية تقصدين
ولا خيانه علاقة محرمه ..

خيانه اصاحب بينهم البين
خيانة مالية استغفال
خيانة في امور كثيرة ..

لانه كل خيانه ولها مستوى من الانتقام


وخلنا نتكلم في واقع
ولا نلف وندور

لاجل نعرف نحلل نوع الانتقام !!

[عثرة جواد]

الانتقام له وقته

والتطنيش له وقته


والاصلاح له وقته

على حسب الموقف

والضرف


والفعل



شكرا ياكاتب الموضوع

هلا عزيزي

صح عليك

يعني باخذ حقي بس مش بطريقة مباشرة

بتخذ عدة طرق ع شان اخذ حقي

اسعدتني المشاركة واسعدني المرور

والعفو اخوي

[مختلفة عقليا]

السلام عليكم .,

والله لو شخص اساء لي ولا بفكر فيه .,

انشغل في نفسي احسن .,

بنقهر صح ., بس بنسي

اصلا ما يستاهل ياخذ تفكيري ., وانا اقتنعت ان الدنيا صج ما تسوي ., وان الله اقوي

ويسلموو

[العنيده]

صارت لي والحمدلله مافكرت بالانتقام وكلت امري لربي وشفت حقي يرجع لي اللهم لا شماته ..

[عثرة جواد]

شنو نوع العلاقة عثرة وضحي

خيانة زوجية تقصدين
ولا خيانه علاقة محرمه ..

خيانه اصاحب بينهم البين
خيانة مالية استغفال
خيانة في امور كثيرة ..

لانه كل خيانه ولها مستوى من الانتقام


وخلنا نتكلم في واقع
ولا نلف وندور

لاجل نعرف نحلل نوع الانتقام !!



هههههههه

تدري شنو تذكرت ياشبح

بني اسرائل لين الله امرهم بذبح بقرة

وتمو يسلون عن مواصفاتها

الموضوع الله يسلمك لو رفيجك وصديق عمرك هو الي غدر فيك خانك طلع اسرارك

وقف ضدك باع صداقتكم .....

اشلون بتتصرف مب شرط تنتقم .......

ماعرف ليش حسيت انك انفعلت ....

[شبح الصمت]

هههههههه

تدري شنو تذكرت ياشبح

بني اسرائل لين الله امرهم بذبح بقرة

وتمو يسلون عن مواصفاتها

الموضوع الله يسلمك لو رفيجك وصديق عمرك هو الي غدر فيك خانك طلع اسرارك

وقف ضدك باع صداقتكم .....

اشلون بتتصرف مب شرط تنتقم .......

ماعرف ليش حسيت انك انفعلت ....



من قال اني انفعلت !!

ترى والله مركلس وانا اكلمج ..


انزين رفيجي بيخوني في شنو !!

لاجل انتقم منه ..

وفالنهاية رفيجي يعني بتذكر عشرتي معاه ورفيجي

والله يستر على الجميع ..

لا لا عثرة انتي تلفين ودورين

:)

[عثرة جواد]

السلام عليكم .,

والله لو شخص اساء لي ولا بفكر فيه .,

انشغل في نفسي احسن .,

بنقهر صح ., بس بنسي

اصلا ما يستاهل ياخذ تفكيري ., وانا اقتنعت ان الدنيا صج ما تسوي ., وان الله اقوي

ويسلموو


هلا وغلا بعروستنا الحلوة

وجهة نظر وحترمها بس افرضي انج كنتي معزومة وكانت موجودة

شلون بتتصرفين ؟؟

اسعدتني المشاركة واسعدني المرور

[عثرة جواد]

صارت لي والحمدلله مافكرت بالانتقام وكلت امري لربي وشفت حقي يرجع لي اللهم لا شماته ..

هلا حبيبتي

مالتقيتي فيها بعد الي صار ماتجمعكم صداقات مشتركة ؟؟؟

اسعدتني المشاركة واسعدني المرور

[عثرة جواد]

من قال اني انفعلت !!

ترى والله مركلس وانا اكلمج ..


انزين رفيجي بيخوني في شنو !!

لاجل انتقم منه ..

وفالنهاية رفيجي يعني بتذكر عشرتي معاه ورفيجي

والله يستر على الجميع ..

لا لا عثرة انتي تلفين ودورين

:)




ههههههههههههه

لا شبح شكلك كلش مب مركز انا كتبت لك راجع الي كتبتة


استمتع ف حواراتك

[شبح الصمت]

ههههههههههههه

لا شبح شكلك كلش مب مركز انا كتبت لك راجع الي كتبتة


استمتع ف حواراتك



مب مركز !!


:secret:

[عثرة جواد]

مب مركز !!


:secret:




لو شخص انت وياه عشرة عمر وبينكم اسرار وصداقة قوية

وكتشفت انه وقف ضدك ف اي موقف طلع اسرارك

رافج اعدائك ..اشلون بتتصرف ؟؟؟

[شبح الصمت]

لو شخص انت وياه عشرة عمر وبينكم اسرار وصداقة قوية

وكتشفت انه وقف ضدك ف اي موقف طلع اسرارك

رافج اعدائك ..اشلون بتتصرف ؟؟؟




الحمد لله اول شيء ما عندي اعداء ولله الحمد

في اختلاف
في زعل

اسراري اهو وشيمته الرجال كان بيستر عليه الله يجزاه خير
ما ستر علي بعد بتصل له وعطيه كم كلمة في العضم تجمد في صدره ..

( ومن ستر على مسلم ستر الله عليه يوم القيامة )

مافي احلى من الستر

اوقات صج نترفز ونتكلم في فلان وعلان بس ما توصل للانتقام ..

بنتقم منه اش بسوي له
بضره بترد علي
بتكلم فيه بترد علي


بحتسبها لوجه الله
ورب العالمين كفيل بانه ياخذ حقي منه

مهما طال الزمن والا قصر ..

[عثرة جواد]

الحمد لله اول شيء ما عندي اعداء ولله الحمد

في اختلاف
في زعل

اسراري اهو وشيمته الرجال كان بيستر عليه الله يجزاه خير
ما ستر علي بعد بتصل له وعطيه كم كلمة في العضم تجمد في صدره ..

( ومن ستر على مسلم ستر الله عليه يوم القيامة )

مافي احلى من الستر

اوقات صج نترفز ونتكلم في فلان وعلان بس ما توصل للانتقام ..

بنتقم منه اش بسوي له
بضره بترد علي
بتكلم فيه بترد علي


بحتسبها لوجه الله
ورب العالمين كفيل بانه ياخذ حقي منه

مهما طال الزمن والا قصر ..



ياسلام عليك

زين ولو التقيت معاة ف اي مناسبة

او ربعك هم ربعة شلون بتتصرف ؟؟؟

[Charisma]

مرحبا اختي ،،


الأنتقام في مواقف والتطنيش في مواقف ، على حسب الفعل وتأثيره ، صحيح ان الأنتقام ككلمه ، " قوويه " ، ولكن مب شرط أن الأنتقام يكون برد المضره ، في أساليب أخرى " تكتيكيه " ماتضر ، لكنها " تقرص" ، أصنفها بأدنى انواع الأنتقام .

من هالشخص ؟ ومدى قربه ؟ وتأثير فعله ؟ وهل تعمد؟ وهل انخدع او انغر من طرف اخر ؟ وهل تندم ؟ الأجوبه على هالأساله تهيء ردة الفعل اما بالتطنيش ، او برد الأعتبار بطرق بعيده كل البعد عن تبادل المضرات وكشف الأسرار .

[العنيده]

هلا حبيبتي

مالتقيتي فيها بعد الي صار ماتجمعكم صداقات مشتركة ؟؟؟

اسعدتني المشاركة واسعدني المرور

التقيت وسلمت حالها حال الغير .. الحمدلله مو من النوع اللي اصد ولا اتهرب

[عثرة جواد]

مرحبا اختي ،،


الأنتقام في مواقف والتطنيش في مواقف ، على حسب الفعل وتأثيره ، صحيح ان الأنتقام ككلمه ، " قوويه " ، ولكن مب شرط أن الأنتقام يكون برد المضره ، في أساليب أخرى " تكتيكيه " ماتضر ، لكنها " تقرص" ، أصنفها بأدنى انواع الأنتقام .

من هالشخص ؟ ومدى قربه ؟ وتأثير فعله ؟ وهل تعمد؟ وهل انخدع او انغر من طرف اخر ؟ وهل تندم ؟ الأجوبه على هالأساله تهيء ردة الفعل اما بالتطنيش ، او برد الأعتبار بطرق بعيده كل البعد عن تبادل المضرات وكشف الأسرار .

هلا عزيزي

من اجمل الردود

كثيرة هي الطرق وع حسب القرب فعل

لو التقيتة ف اي اجماع اشلون بتتصرف وياة ؟؟

اسعدتني المشاركة واسعدني المرور

[عثرة جواد]

التقيت وسلمت حالها حال الغير .. الحمدلله مو من النوع اللي اصد ولا اتهرب


رااائعة يالعنيدة

وهااي من افضل الحلول الي ترعف هاي الشخص بقدرة

وبيخلية يتحسر ..

استمتعت بحوارج

[شبح الصمت]

ياسلام عليك

زين ولو التقيت معاة ف اي مناسبة

او ربعك هم ربعة شلون بتتصرف ؟؟؟



عادي بسلم عليه وبضحك معاه وبتحفاه ..

مهب من طبعي اشوف شخص وطنش له الحمد لله

وحصلت معاي وسلمت عليه
في الاول والاخير
كان في يوم اعده اخو بقول

والحين حاله حال اي شخص عرفته وله كل التقدير والاحترام ..

ونفس ما قال بايلوت

في طرق عند البعض مثل الضرب من تحت لي تحت بدون ما يحس انه انت .

بس قرصات لاجل يحس فيك ..

والشي الي يقهر الشخص الزعلان يوم ربعه يجون يقولون له

ااااي عاد فلان تزعل منه ما لقيته الا اهوو

اهنيه يحس انه غلط

او انه ربعه يتفادونه اهنيه يراجع نفسه

[عثرة جواد]

عادي بسلم عليه وبضحك معاه وبتحفاه ..

مهب من طبعي اشوف شخص وطنش له الحمد لله

وحصلت معاي وسلمت عليه
في الاول والاخير
كان في يوم اعده اخو بقول

والحين حاله حال اي شخص عرفته وله كل التقدير والاحترام ..

ونفس ما قال بايلوت

في طرق عند البعض مثل الضرب من تحت لي تحت بدون ما يحس انه انت .

بس قرصات لاجل يحس فيك ..

والشي الي يقهر الشخص الزعلان يوم ربعه يجون يقولون له

ااااي عاد فلان تزعل منه ما لقيته الا اهوو

اهنيه يحس انه غلط

او انه ربعه يتفادونه اهنيه يراجع نفسه

:app2: داما مميز بحواراتك ....عجبني تصرفك بينت لة صح قدرة

وثبت موقفك

الله يوفقك

[حسن]

موضوع جميل

الانتقام انواع فيه المباشر وفيه على المدي البعيد
لكل فعل رده فعل
بالنسبه لي وقت الغضب الشديد يمكن اعلق المشانق للانتقام
وقت الهدوؤ والريلاكس اسامح وولو على قتل النفس
فالمواقف هي من تحدد على حسب حجم الضرر
واحيانا يكون داخلنا ودنا بالانتقام ولكن مانستطيع لانه مايستاهل لما تتحدث بينك وبين نفسك
وتتركه على الله
بس احب ان يكون انتقامي على نار هاديه وبروده اعصاب

واوعو يدحكو عليكو

شكرا لك

[مختلفة عقليا]

هلا وغلا بعروستنا الحلوة

وجهة نظر وحترمها بس افرضي انج كنتي معزومة وكانت موجودة

شلون بتتصرفين ؟؟

اسعدتني المشاركة واسعدني المرور

هلا

ما اشوفها اصلا .,

ولا جنها موجوده .,

وان يات سلمت بسلم ., وعادي الدنيا مو ( محرزه ) :tease:

ويسلموو

[المحاميه]

هلا اختي ...

مادري العنوان شد انتباهج

هاي هو الهدف :victory:

اتمنى العنوان يكون رمز للموضوع
لان جذي تعطين انطباع غلط
وتشتتين انتباهنا ..

[بومحمد المطاوعه]

جزاكي الله خير

لو الشخص مزعلني بشيء

وجاء وسلم علي
بسلم عليه بكل اريحيه ولا بتصدد

ولو اناا اخطأت بحق اي احد
بروح وبسلم عليه


الحمدلله هذي دينا
دين التسامح

قال النبي صلى الله عليه وسلم: إن الله كتب الإحسان على كل شيء.

[نمر بن عدوان]

بعض الاحيان يكون الانتقام شرع الاهي

[Charisma]

هلا عزيزي

من اجمل الردود

كثيرة هي الطرق وع حسب القرب فعل

لو التقيتة ف اي اجماع اشلون بتتصرف وياة ؟؟

اسعدتني المشاركة واسعدني المرور

الحين بدا يتضح لي الموضوع ، التصرف بيكون طبيعي جدا ، ممكن تكون السوالف محدوده وبشكل رسمي ، وللأمانه هالأمور نادر ما تحصل بين الرجال ، لأن أساسا هالشيء "منقود" ولا نرضى بشخص يذم ويغتاب أحد نعرفه ، هي مضره له قبل لاينوي يضر الطرف الآخر ، مثل ماتفضل شبح في أحد مشاركاته .

المراد ، أن لكل شخص أسلوبه في التعامل مع مثل هالمواقف ، البعض عنده أسلوب في فنون الرد ويقدر يحل الموضوع او يحط له حد بحوار مختصر وبسيط ، والبعض يدفن ويبيت النيه بالمضره .

[عثرة جواد]

موضوع جميل

الانتقام انواع فيه المباشر وفيه على المدي البعيد
لكل فعل رده فعل
بالنسبه لي وقت الغضب الشديد يمكن اعلق المشانق للانتقام
وقت الهدوؤ والريلاكس اسامح وولو على قتل النفس
فالمواقف هي من تحدد على حسب حجم الضرر
واحيانا يكون داخلنا ودنا بالانتقام ولكن مانستطيع لانه مايستاهل لما تتحدث بينك وبين نفسك
وتتركه على الله
بس احب ان يكون انتقامي على نار هاديه وبروده اعصاب

واوعو يدحكو عليكو

شكرا لك

هلا عزيزي

يعني انت تفضل الانتقام ....الي يكون ع نار هادئة

بعطيك بعض النصايح الانتقام الغير مباشر

1-كن واثقاً بنفسك فإذا رأيت ذلك الشخص لا تركض سريعاً للهرب منه

أو تختبئ حتى لا يقابلك أو تطئطئ رأسك وكأنك منكسراً

ثق بنفسك وارفع رأسك واضحك وتصرف بثقة

2-إذا قابلت ذلك الشخص

وحاول أن يسلم عليك وينشأ بينكما حوار فلا تبدأ بمعاتبته

وتقسو عليه بالكلام ليشعر أنك تستجدي شفقته

3-إذا كان يجمعكم أصدقاء أو أقارب مشتركين بينكم

كل ما عليك هو نشر مجموعة من صورك معهم وتكون صوراً حديثة

في أماكن شيقة ورحلات مثيرة لم يحضر بها

اسعدتني المشاركة واسعدني المرور

[عثرة جواد]

اتمنى العنوان يكون رمز للموضوع
لان جذي تعطين انطباع غلط
وتشتتين انتباهنا ..

خاطري اقول لج قصة الكاس الفاضي

بس انا مشغولة الحين :nice:

[عثرة جواد]

جزاكي الله خير

لو الشخص مزعلني بشيء

وجاء وسلم علي
بسلم عليه بكل اريحيه ولا بتصدد

ولو اناا اخطأت بحق اي احد
بروح وبسلم عليه


الحمدلله هذي دينا
دين التسامح

قال النبي صلى الله عليه وسلم: إن الله كتب الإحسان على كل شيء.

هلا اخوي

دينا صح يدعينا للتسامح بس علمنا لا يلدغ المؤمن من جحر مرتين

ع شان جي مطالبين بل نباهه والحكمة

اسعدتني المشاركة واسعدني المرور

[عثرة جواد]

بعض الاحيان يكون الانتقام شرع الاهي

هلا عزيزي

صح كلامك لكل مقام مقال ...وهااي بعض النصايح

1-إن كانت تجمعكم أماكن معينة تحدث مع أصدقائه

دون الالتفات إليه حاول أن تظهر السعادة والمواضيع المشتركة

مع أصدقائه الذين تجمعك بهم علاقة

2-أحدث تغيراً في شكلك وصفاتك ونعني بذلك أن تحاول تغير بعض من أطباعك

حتى ملابسك ورائحة عطرك أشعره أنك تحررت من قيوده أو تفضيلاته

وأنه إنسان حر لا تحتاج لإملاءاته عليك

3-كن سعيداً إذا كثر الأصدقاء حولك وتحسنت علاقتك بالناس بعد تركه

ولم تبدو غير ابتسامتك فسيجعله ذلك يندم على خسارته لك

لا تدعهم يعرفوا عنك سوى سعادتك ، ولا يروا منك إلا ابتسامتك

اسعدتني المشاركة واسعدني المرور

[عثرة جواد]

الحين بدا يتضح لي الموضوع ، التصرف بيكون طبيعي جدا ، ممكن تكون السوالف محدوده وبشكل رسمي ، وللأمانه هالأمور نادر ما تحصل بين الرجال ، لأن أساسا هالشيء "منقود" ولا نرضى بشخص يذم ويغتاب أحد نعرفه ، هي مضره له قبل لاينوي يضر الطرف الآخر ، مثل ماتفضل شبح في أحد مشاركاته .

المراد ، أن لكل شخص أسلوبه في التعامل مع مثل هالمواقف ، البعض عنده أسلوب في فنون الرد ويقدر يحل الموضوع او يحط له حد بحوار مختصر وبسيط ، والبعض يدفن ويبيت النيه بالمضره .

اااي هاااي هو ...لاتبين لة بس خذ حقك بطريقة غير مباشرة

اسعدني الحوار