شركة كشف تسرب المياه داخل البيت؟

[PowerQ]

السلام عليكم ورحمة الله،

يا أخوان.. سقف احدى الغرف الدور الأرضي بادي يسرب مياه وتقشر، والمشكلة فيه فوق ثلاث حمامات صايرة فوق الغرفة هذه فـ كل ماجبت لي احد مايقدر يعرف التسرب من وين بالضبط، فهل تعرفون شركة تكشف عن التسرب وين بالضبط او حل لمواجهة هالمشكلة؟


جزاكم الله خير،،

[ضوى]

الله يعينك وحسبي الله ونعم الوكيل في المقاولين ، يبي لك واحد شاطر عاد تعال طلع هالشاطر ، وبيني وبينك غير معماري ماثق في احد محد نفعني الا هو استشيره مب مقصر معاك

[PowerQ]

الله يعينك وحسبي الله ونعم الوكيل في المقاولين ، يبي لك واحد شاطر عاد تعال طلع هالشاطر ، وبيني وبينك غير معماري ماثق في احد محد نفعني الا هو استشيره مب مقصر معاك

شكراً ضوى لكن أفترض السبب لإنه مر على البيت سبعة سنين تقريباً فـ يمكن يكون من الطبيعي البيبات الداخلية تتسرب.. أتمنى والله أخونا معماري يفيدنا

[ضوى]

اتذكر معماري قالي في ناس تعرف من وين التسريب فيه حركة يسوونها من غير تكسير

[حمد 2002]

يارجال لاتكسر ولا شيء ولاتغير الوتر ابروف تحت ،،

المشكله بسيطه انا واجهتني هالمشكله في بيتنا وطلع حلها سهل والحمد لله الحين انا مرتاح جدا ،،

ولاتكسر الطوفه ،

انت عندك ثلاث حمامات صح ؟

ولنفرض عندك مغسله ومرحاض وبانيو بكل حمام ،،

ركب بيبات خارجيه ولكن استيل (( للمنظر الجمالي بدلا من الخضره )) ، وافصل البيبات الي بالطوفه ماله الماي ،، وسوى هالحركه بكل الحمامات ،،


تقريبا بتكلفك هالحركه حروه 3000 ريال على حسب الي بيركب لك ، وعلى حسب سعر البيبات الستيل بالسوق ، وعلى حسب كبر حاماتك ((( ونت بكرامه )))



شكرا لك وفالك التوفيق ،،

[معماري قطري]

شوف فيتري شاطر وقول له يسوي اختبار لكشف تسرب الماي على بيبات التغذية من فوق السطح .. كل خط يعمل له ضغط بعد تسكير الولفات عدل ويخلي عليه مقياس الضغط .. والخط الضعيف واللي ضغطه ينزل بسرعة بيكون هو اللي يسرب .. واحتمال خطين أو أكثر يسربون.

لو النتيجة كل البايبات سليمة انتبه لأَرضية تكرم الحمامات وخله يحط سيليكون في أي مكان ممكن يسرب لتحت البلاط .. خصوصاً في نقطة التقاء بلاط الحائط مع الأرضية .. واصبر وشوف شيصير.

فحص أخير ممكن تسويه اللي هو فك بيبات التصريف من الخارج وسدها وعمل فحص للتسريب ولو طلع الضغط ينزل بسرعة معناها البايب هذا يسرب وهذا الحمام اللي فيه المشكلة وفي هالحالة كسر الجزء اللي قريب من البايب وسو وصلة لمكان التسريب .. بس في فحوصات الضغط تجرب كل البايبات.

تبقى عندنا بايبات تصريف التكييف وهذي تحتاج فحص بعد .. ونفخ الهواء فيها ما يبين اذا فيها تسريب اللي يبين فحص الضغط.

باختصار تحتاج فني شاطر وتتابع معاه .. أما واحد يحك راسه ويقول لك بدل كل شيء هذا يفكر يطلع له شغل كامل.

بعدين لتتوقع الماي يوقف سرعة .. الرمل تشرب ماي والماي طبيعي بينقط .. أما يعبي الأرضية ويطلع فوق العازل أو العازل بعد يكون يسرب.

واحد من الإخوان رحت بيته وشفته كاشف التصريف ومسوي له تصليح بس باقي شوية رطوبة .. وهو يقول الرطوبة خفت والتسريب وقف بس الجدران صبغها يتقشر .. وهذا شيء طبيعي لأَن الرمل تحت البلاط تشبع من الماي والرطوبة باقية لفترات طويلة .. الحلول لإزالة الرطوبة الباقية أكيد تحتاج شغل غير لتنشيف الرطوبة .. والمشكلة الصبر على هذي المشكلة يسبب تكدس الرطوبة ومشاكل أكبر في المستقبل.

[Stars]

البايبات الخارجية حل جيد
بس المشكلة في المنظر