أفضل شركة تأجير سيارات في الدوحـة من تجاربكم

[أسير الاسهم]

السلام عليكم

افضل شركة تأجير سيارات من واقع تجاربكم ؟

من حيث الاسعار .. التامين .. العداد ؟

محتـد عليهم سيارتي في الصيانـه


يا ليت تفيدونــي :nice:

[أسير الاسهم]

أفا ولا رد

[الجوكر90]

السلام عليكم
الشيخ حدد اي سياره بغيت

[سليمان احمد]

يعتمد افضل شركه من اي ناحيه

نوع السيارات ولا طريقه العقد

ولا الضمانات لكن من رايئ

الشركه اللي بتعطيك تامين شامل

وعدم كتابة شيك على بياض لانه مخالف للقانون

كما ذكره احد المحامين ان الشركات لايحق لها طلب شيك حتى لو كان محدد المبلغ

لانه يعتمد على مثل المخالفات او اتلاف شي في السياره لكن لو الشركه اخلت واخذت

الشيك للبنك وانا موقع عليه سواء على بياض او بسعر محدد هنا لايحق للشخص اللي وقع

الشيك انه يمنع بالقانون عدم صرف الشيك لانه موقع فلذلك هالنقطه لاتنساها

وانا برايي خلك على الشركات الكبار مثل التويوتا ولا البي ام او المرسيدس

لي صديق مستاجر من شركه عبدالغني برادو 2015 باصفار ب 5000 ريال

وتامين شامل عن طريق قسم التاجير في فرع السيارات المستاجره

والله يوفقك

[جراسا]

عندك الشركات العالمية...مثل بدجت ,هرتز سكست

سياراتهم مؤمنة شامل...و كل اللي تحتاجه كريدت كارد و خلاص

[وبشرالصابرين]

اخوي روح الشركات العالميه تامين شامل وسيارات جديده
مكاتبهم في الفندق او مطار الدوحه

[وبشرالصابرين]

اخوي ليش شيك على بياض ؟؟


..

[سليمان احمد]

وبشر الصابرين : نعم محلات التاجير تطلب لانهم يقولون بعد تسليم السياره يمكن تنزل

المخالفات المروريه لانها تتاخر ماتنزل نفس الوقت ف عشان يضمن حقه يتم الشيك عنده لمدة

15 يوم وليش على بياض لانه لو حدد رقم معين في الشيك يكون حدد مبلغ وهو مايدري فيلزم نفسه

ف ايش يسوي يخليه مفتوح وموقع وجاهز ويكتب فيه الرقم اللي يبيه عشان يضمن حقه على حساب العميل

وهذا مخالف للقانون ويقدر يتاكد الشخص من محلات التاجير

البعض الحين يحجز مبلغ على الفيزا كارد مبلغ

[كتكوت الوحش]

نصيحه مافي بعد الشركات العالميه اما المكاتب الي بره انساهم الشركات العالميه مافيها ولا واحد عربي تريح رأسك وإذا دعمت يقول لك وين مكانك ويطرش لك سياره ثانيه ويقول لك توكل على الله

[بوخالد911]

برايي الشخصي. ولا شركة
كل ما بغيت سيارة. قالوا مافي
عيل ليش كل يوم منزلين اعلانات !؟؟!؟!؟!

[الحـ(درب)ـب]

الشركات العالمية افضل المحلات وعلى رأسهم سكست

صحيح ممكن يكون سعره اعلى بفرق بسيط لكن اشتري الراحه واذا تعطلت يجونك ويبدلون السيارة

وتحياتي

[اللوز]

الشركات العالمية وخصوصا من مكاتب التأجير في مطار حمد الدولي

[MLAAS]

انا عن نفسي ، يوروب كار ، هرتز ، سكست ، يمكن تدفع فرق زياده 30 ريال بالكثير لكن خذ سياره جديده وتامين شامل ، ويفرق بالاسبوع ، واهم شي عندك فيزا ، لانه يحجزون على مبلغ ممكن 1200 الى 1800 للاسبوع ، ولا تعور راسك مع شركات محليه