+ ترمي الزقارة ليششششش +

[شبح الصمت]

السلام عليكم ورحمة الله وبركاته ..

بدخل فالموضوع على طول والموضوع اتوقع مكرر بس للتنبيه ...


الزحمة والانتظار ودرجة الحرارة العالية ..

ويجيك واحد مبطل الجامه ويدخن بكل آريحية ما قلنا له شيء حريته الشخصية ولن نقدر نتعداها نتعداها وحطوو عليها مليون خط ..


لكن !!!!!



انه بعد ما يخلص زقارته وقبل لا يخلص المووشه كاملة يقوم برمي الزقارة في الارض ..
وعلى اللواهيب والحروره ما نعرف في سيارات فيها تسريب بترول فيها غاز يهرب ..


والبترول والغاز سريعين الاشتعال مما قد يسبب كارثة ..

فرجاء خاص اتمنى انه ينزل قرار انه اي شخص يرمي زقارته خارج السيارة يتعاقب ويتخالف

لاجل مره ثانية يتأدب ويحط له غرشة ماي يرمد في الطفايه ويفكن من الوسواس ..


من فترة في جسر البحرين واقف قام واحد وحذف الزقارة وتعرفون الزحمة ومشى .

من الخوف والواسوس على طول نزلت ودستها وركبت سيارتي ..



الرسالة اوصلت يالمدخنين
انتم اخوانا وربعنا ونحبكم ..

بس لا تضرونا ..

[لـبـيـه]

اي والله من يومين واحد قدامي عنده كومارو ومسرع وقدامي وفتح الجامه وقط وصاخته (زقارته ) وجات صوب موتري وتنثر الشرار بكل مكان وبصراحه سبيته

ياخي مايستحي مايحس مب محترم شقول عنه ذي لو في غرفته ماقطها جي كانك تقط الزقاره بوجه الي وراك شي يقهر

[شبح الصمت]

اي والله من يومين واحد قدامي عنده كومارو ومسرع وقدامي وفتح الجامه وقط وصاخته (زقارته ) وجات صوب موتري وتنثر الشرار بكل مكان وبصراحه سبيته

ياخي مايستحي مايحس مب محترم شقول عنه ذي لو في غرفته ماقطها جي كانك تقط الزقاره بوجه الي وراك شي يقهر



خارج من الشر
وحمد لله على سلامتك ..

تخيل ياخوي لو انك فاتح الجامه وادخلت عليك الزقارة

اش بتسوووي

على طول بريك وبتتخصبقك وتنزل ادور عليها

بيسبب لك حالة نفسية والله

الله يهديهم ويهدينا يارب

[عـ العبيدلي]

^^
مره صارتلي وطارت زقارته على موتري .. بصراحه ما ستوعبت انه الزقاره طارت على موتري
وله استوعبت انه في ناس بهالقلة الأدب والوقاحة ..


بس شتنطر من واحد الساعه 1 الظهر معاه زوجته وعياله وفاتح الجامه ويدخن ..
اكيد بيكون شخص ناقص عقل هاي اذا عنده عقل

[شبح الصمت]

^^
مره صارتلي وطارت زقارته على موتري .. بصراحه ما ستوعبت انه الزقاره طارت على موتري
وله استوعبت انه في ناس بهالقلة الأدب والوقاحة ..


بس شتنطر من واحد الساعه 1 الظهر معاه زوجته وعياله وفاتح الجامه ويدخن ..
اكيد بيكون شخص ناقص عقل هاي اذا عنده عقل



هالفئة يا كرهي لهم ..

الزوجه بنبلعها كبيرة وبتحمل ومسكينه ومغلوب على آمرها بنقول
مع انه تقدر تقوله لا

بس الاطفال اش ذنبهم انه يتنفسون هالمرض
يعني لهدرجة فلذة كبد الواحد رخيصة ..

انزل دقيقه اشفط زقارتك وارجع اركب السيارة ..

والحمد لله على سلامتك ياخوي ..

[المهاجر]

قلة ادب ياخوي وعدم تربيه

وصدقني لو هو نفسه اللي يقط السيجاره صادف ان واحد قدامه قط السيجاره وجات عليه

يقوم الدنيا وبيسب ويشتم

[شبح الصمت]

قلة ادب ياخوي وعدم تربيه

وصدقني لو هو نفسه اللي يقط السيجاره صادف ان واحد قدامه قط السيجاره وجات عليه

يقوم الدنيا وبيسب ويشتم



حي الله الغالي بوعبد الله ..

شفت اشلون الي ما نرضاه على نفسنا لا نرضاه على غيرنا ..

دخن خذ راحتك في حدودك الي انت فيها وفي الاماكن الي مسموح فيها لكم ..

بس كطريق عام وملك عام هالزقارة نار يعني مستعده تسوي كارثة ..

ما تشوف برى اوقات يقطون زقارة في الغابه تووولع وتصير كارثة عندهم ..

الله يحفظ الجميع من كل شر ومكروه .

[بانغ بانغ]

اس والله ..

وين حملة " كلنا ساكتين " ........ قصدي " كلنا انشوفك "

بس فالحين للبصق الله ايكرمكم ورمي الاكياس

[شبح الصمت]

اس والله ..

وين حملة " كلنا ساكتين " ........ قصدي " كلنا انشوفك "

بس فالحين للبصق الله ايكرمكم ورمي الاكياس



حلو اسم الحملة " كلنا انشوفك "


بس اهو ما يشوف حد
هاهاهاي


والبصق الله يكرم الحاضرين هذه بعد نوعية لا حول ولا قوة الا بالله ..

ورمي الاكياس قلنا من قبل حطووو كيس صغير قط في موترك اوصاختك لين اقرب زبارة يكرم الحاضرين .


ويا كثر درامات الزبالة وقف وقط ..

ما يصير يالحبيب كاشخ حدك واخرتها تبطل الجامه وتقط القلاص او شي مضر

[الحياة الخالدة]

ظاهرة سيئة ما تدل إلا على ذوق راعيهـــــــا
والا ايش بيخسر لو قط وصاخته في الطفاية مالت السيارة
بس الظاهر يعجز انه ينظف الطفاية عقب
والا يحافظ على نظافة سيارته
ماقول غير الله يخلف بس

[شبح الصمت]

ظاهرة سيئة ما تدل إلا على ذوق راعيهـــــــا
والا ايش بيخسر لو قط وصاخته في الطفاية مالت السيارة
بس الظاهر يعجز انه ينظف الطفاية عقب
والا يحافظ على نظافة سيارته
ماقول غير الله يخلف بس



صادقه يالحياه ..

هل اهو كسل من الشخص نفسه انه يرمد ..
يعني اهو مدخن مدخن حاكر موتره خلاص يعني قط زقارتك في موترك ..

مطارة ماي وقط فيها ويفكنا من حشرته ..

[@north_star@]

من امن العقوبة أساء الأدب ...... ونفس الشي من فترة واحد قدامي رمى الزقارة وكان اتجي فوق البانة وطبعا الضغط ضرب عندي مليون وكان الحقه والف عليه وأوقفه وقام يتعذر ويتأسف طبعا بعد ما عطيته اللي فيه النصيب
لانه فعلا هالشي خطر لاقدر الله لو طارت وانت فاتح الجامة ودشت داخل موترك منو المسؤول لو صار شي لا قدر الله ونتمنى تفعيل القانون بشكل صارم على من يتصرف مثل هالتصرفات القذرة

[شبح الصمت]

من امن العقوبة أساء الأدب ...... ونفس الشي من فترة واحد قدامي رمى الزقارة وكان اتجي فوق البانة وطبعا الضغط ضرب عندي مليون وكان الحقه والف عليه وأوقفه وقام يتعذر ويتأسف طبعا بعد ما عطيته اللي فيه النصيب
لانه فعلا هالشي خطر لاقدر الله لو طارت وانت فاتح الجامة ودشت داخل موترك منو المسؤول لو صار شي لا قدر الله ونتمنى تفعيل القانون بشكل صارم على من يتصرف مثل هالتصرفات القذرة



صراحة زين سويت فيه لاجل مره ثانية يفكر مليون مره انه يسوي هالحركة ..

كلنا متفقين انه هالشيء خطأ

بس شالحل او شالاجراء معاهم ..
لانه هم حالات تمر علينا شبه يومي
وحمد لله على سلامتك ..

[بومحمد المطاوعه]

يالغالي
شكثر شفنا وتكلمنا واشتكينا ف وطني الحبيب

ولا في فايده

مدام الواحد مايحشم عمره ولا يقدر الناس ولا يحترم

صعب جدآ تشوف اي تغير ,,

للأسف والله
جات على زقاره بس
البعض ياكل ويبلع بلع اليهد فالموتر
ويقط وصاخته على الأرض

والبعض ينظف بالفاين وينزل الدريشه ويحذف الفاين

لين قلنا شفنا وصاخه على الأشارات محذوفه
قالو ماعمرنا شفنا ولا صار هالشي ,,

عيل الوصاخه والاكواب والزقاير على الأرض من وين تطلع ونشوفها ,,.؟
من المريخ تنزل علينا

قسم بالله العمال مساكين ينظفون ويكدون كد ويتعبون

ويجيك واحد سفيييه ينزل الدريشه ويحذف
وتحصل العامل قبل اشوي منظف المكان
يرجع ويطق مشوار بس علشان يشل وصاخه السفييه


المفروض الواحد من نفسه يقدر وضع العمال ويحط له كيس صغير فالموتر يقط وصاخته
او يقطها ف موتره وعقب يشيله

ليش يقط فالشارع انا مب عارف

للأسف

تحياتي لك يالغالي

[شبح الصمت]

يالغالي
شكثر شفنا وتكلمنا واشتكينا ف وطني الحبيب

ولا في فايده

مدام الواحد مايحشم عمره ولا يقدر الناس ولا يحترم

صعب جدآ تشوف اي تغير ,,

للأسف والله
جات على زقاره بس
البعض ياكل ويبلع بلع اليهد فالموتر
ويقط وصاخته على الأرض

والبعض ينظف بالفاين وينزل الدريشه ويحذف الفاين

لين قلنا شفنا وصاخه على الأشارات محذوفه
قالو ماعمرنا شفنا ولا صار هالشي ,,

عيل الوصاخه والاكواب والزقاير على الأرض من وين تطلع ونشوفها ,,.؟
من المريخ تنزل علينا

قسم بالله العمال مساكين ينظفون ويكدون كد ويتعبون

ويجيك واحد سفيييه ينزل الدريشه ويحذف
وتحصل العامل قبل اشوي منظف المكان
يرجع ويطق مشوار بس علشان يشل وصاخه السفييه


المفروض الواحد من نفسه يقدر وضع العمال ويحط له كيس صغير فالموتر يقط وصاخته
او يقطها ف موتره وعقب يشيله

ليش يقط فالشارع انا مب عارف

للأسف

تحياتي لك يالغالي




كلامك منطقي وصحيح ..

في ناس يقولك ما اوصخ موتري بس الشارع عادي في ناس بتنظف ..

انزين ترى في كل دخله وطلعه في درامات ..

او حط لك كيس يعني شنو بتطلع ريحة اربطه ..


صراحة قبل كنت اقط بس من زمان زمان ..

الحين اي شيء احذفه وراء فالشنطه واذا اكل احطه فالكيس واربطه واقرب زبالة ..

[بومحمد المطاوعه]

كلامك منطقي وصحيح ..

في ناس يقولك ما اوصخ موتري بس الشارع عادي في ناس بتنظف ..

انزين ترى في كل دخله وطلعه في درامات ..

او حط لك كيس يعني شنو بتطلع ريحة اربطه ..


صراحة قبل كنت اقط بس من زمان زمان ..

الحين اي شيء احذفه وراء فالشنطه واذا اكل احطه فالكيس واربطه واقرب زبالة ..




ياريال تخلف هذي
والعامل مسكين

صحيح شغله ولكن لو الواحد فيه ذرره حشمه وذرره رحمه كان عرف التعب الي يتعبه العامل

محد له حق ياريال ويقول مافي درامات
كل مكان في والاكياس متناثره في الدكاكين


كلنا مرينا ياخوي نفس الشي
كنا جهله وينحذف ولكن الواحد يتعض ويتغير من حال لأحسن حال ويتحسف على الي سواه




اتمنى ينزل قرار اي شخص يقط الوصاخه والزقاير من الدريشه
يتعاقب بالتنظيف نفس العمال المساكين
يمسك مخمه ويخم الشارع

علشان يكون درس في عقله

[جراسا]

من كم يوم واحد رمى سيجارته من سيارته و حنا ماشيين وراه و ما الاقي الا السيجارة جت على زجاج سيارتي و ما اشوف الا العاب نارية في وجهي، لولا رحمة ربنا من الارتباك كنت بسوي حادث، كان نفسي امسكه و اعلمه الادب لولا انه زوجتي كانت معي

[معماري قطري]

سؤال بريء .. ليش ما حد يقدر يسوي هالشيء في سنغافورة

واحنا نستعد لكاس العالم ولازم القوانين تفعل لكن نشوف البعض يدخنون عينك عينك في أماكن ممنوع التدخين فيها .. ونشوف التدخين قرب بوابات المجمعات .. لازم حلول سريعة وعقوبات رادعة.

أَتمنى أَشوف السكيورتي في المجمعات مؤهل وعنده كلبشات يسدح اللي يدخن لو ما تجاوب معاه ويكلبشه جدام الناس ويجره من علباه يطلب له الشرطة .. هذا اللي يصير في مولات أمريكا لبعض المخالفات ولكل مخالفة عقاب وتصرف .. ولمخالفات بسيطة لو انطلبت بطاقة الشخص وما اعطاها يا ويله.

[Dana’1]

من احقر الحركات الي اتعرض لها من كثييييير سيارات قدامي ،، ودي اسطرهم من قلب!

ومره واحد من جنسيه عربيه خذفها في اسباير وكان قدامي بمسافه لولا الحياء ان صوتي يعلى والا كان صرخت عليه وقلت يشيلها ،، حييييل ازعجني الموقف خصوصا إنه بمكان جميييل ومتعوب عليه مثل اسبابر كله اطفال وناس رياضيه وهذا بكل بلاهه يحذف زقارته

[Dana’1]

في تايلاندا شفت غرف زجاجيه للتدخين عند اغلب المجمعات عشان حتى الي طالع من المجمع ما ينزعج ويختنق من الريحه
هنا اطلع بالذات من اللاند مارك ريحة الزقاره تلصق كأننا احنا الي دخنا!!

[Class - Qtr]

السلام عليكم

النظافه من الإيمان ،، هذي الجمله الجميع يعرفها

ماجات بس على زقارة انا مايصدمني الا اللي ياكل

ويحذف باقي أكله قدام مطاعم وقت الشاي والسفير

يعني هذا مايستحى على نفسه مايستحى من الناس

والمشكله الزباله " تكرمون " قدّامه بصراحه انا اتمني

يتم تكليف وزارة البيئة أضافه قسم لمخالفه اللي يقوم

بهالتصرفات سوء زقاير ولا اكل ولا غيرة ويكون هذا الشي

بالتنسيق مع وزارة الداخليه وتغريم المخالف 1000 ريال

بعدها هالفئه بتعلم النظافه

[بوخالد911]

هالموضوع ذكرني بسالفتي مع المصري اللي قط الزقارة واشتكيت عليه
وبالنهاية غرموه 6000 ريال
ولو أنكر كان الموضوع بيتحول للمحكمة وبيكون عليه منع من السفر والغرامة بترتفع 10000
الحمدلله دفع الغرامة وغصباً عنه.

[توشيبا]

انا متعود يكون وياي قلاص شاي او كرك اخلص زقارتي اطفي فيه واقرب زباله الله يعزكم

صحيح اني قبل مع الدريشه وهذا مب نقص تربيه او قلت ادب فيني بس فهاوه مني وعلمت نفسي كل مافهي واقط زقاره ارجع لها واخذها من الارض واقطها في اقرب زباله

مره قطيتها في شارع حمد الكبير رجعت ماحصلتها حصلت فوق عشرين زقاره جمعتهم كلها وقطيتهم في الزباله لين علمت نفسي درس وتعودت الحين ماقط ولا زقاره مع جامه الدريشه الا اذا شفت موتر بو محمد وراي او بو حارب اقط عليهم

[.قطر.]

انا متعود يكون وياي قلاص شاي او كرك اخلص زقارتي اطفي فيه واقرب زباله الله يعزكم

صحيح اني قبل مع الدريشه وهذا مب نقص تربيه او قلت ادب فيني بس فهاوه مني وعلمت نفسي كل مافهي واقط زقاره ارجع لها واخذها من الارض واقطها في اقرب زباله

مره قطيتها في شارع حمد الكبير رجعت ماحصلتها حصلت فوق عشرين زقاره جمعتهم كلها وقطيتهم في الزباله لين علمت نفسي درس وتعودت الحين ماقط ولا زقاره مع جامه الدريشه الا اذا شفت موتر بو محمد وراي او بو حارب اقط عليهم
هههه عنصريه خخخخخ :nice:
الله يهديك وتترك الدخان :weeping:

[Charisma]

السلام عليكم

النظافه من الإيمان ،، هذي الجمله الجميع يعرفها

ماجات بس على زقارة انا مايصدمني الا اللي ياكل

ويحذف باقي أكله قدام مطاعم وقت الشاي والسفير

يعني هذا مايستحى على نفسه مايستحى من الناس

والمشكله الزباله " تكرمون " قدّامه بصراحه انا اتمني

يتم تكليف وزارة البيئة أضافه قسم لمخالفه اللي يقوم

بهالتصرفات سوء زقاير ولا اكل ولا غيرة ويكون هذا الشي

بالتنسيق مع وزارة الداخليه وتغريم المخالف 1000 ريال

بعدها هالفئه بتعلم النظافه

اي والله انك صدقت ، من أمن العقوبة اساء الأدب .

[دنيا الاسهم]

يا كرهي لهم قليلين الذوق والادب اللي يقطون السجارة بعد ما تخلص يارب يلقون عقاب سريع يردعهم اكرهم جدا
قوات عين و اغراب عن البلاد وجراة ما اقدر استوعبها

[بومحمد المطاوعه]

هالموضوع ذكرني بسالفتي مع المصري اللي قط الزقارة واشتكيت عليه
وبالنهاية غرموه 6000 ريال
ولو أنكر كان الموضوع بيتحول للمحكمة وبيكون عليه منع من السفر والغرامة بترتفع 10000
الحمدلله دفع الغرامة وغصباً عنه.

كفوووو والله

الله يكثر من امثالك

اي حد اشتك عليه حتى لو قطري بعد

يستاهل

[السكين]

أمس قدامي على اشارة الشيراتون نيسان الأخ يدخن والكل واقف ورمى سيجارته لما خلصها !

[aloosh]

شبح هذا
بالفيت محافظ على ريحه السياره

اجل طفايه بسياره اشحطينها له تحط فيه مفتاح البيت:)

[aloosh]

انا حاط كيس معلقه عند عصاء الاشاره حق الفاين او شياء ثانيه
وطفايه شاري طفايه من لندن على شكل قلاص ستان ستيل وفيها غطا

[معماري قطري]

هالموضوع ذكرني بسالفتي مع المصري اللي قط الزقارة واشتكيت عليه
وبالنهاية غرموه 6000 ريال
ولو أنكر كان الموضوع بيتحول للمحكمة وبيكون عليه منع من السفر والغرامة بترتفع 10000
الحمدلله دفع الغرامة وغصباً عنه.

زين سويت وهذا درس له ولو 10 سووا مثلك بينتشر الدرس بين عدد كبير

[بوخالد911]

زين سويت وهذا درس له ولو 10 سووا مثلك بينتشر الدرس بين عدد كبير

أتمنى ذلك
ولكن بعض الناس فيهم كسل بنسبة مليووووووون !!!

[معماري قطري]

كفوووو والله

الله يكثر من امثالك

اي حد اشتك عليه حتى لو قطري بعد

يستاهل

حصلت قطري يسوق غلط .. وغلط مب غلط فادح يعني .. ووقفته وقلت له تبي أخالفك .. والله أحرجني قال سامحني لو بتخالفني استاهل .. هو غلطته جاء لاف في مساري والمفروض لفته تكون من مساره للمسار اللي مخصص له ما يقطع المسار بشكل لفة مريحة وعريضة .. وصدقوني دعيت له بالتوفيق .. قط زقارة انا في رأيي لازم يكون الواحد متأكد منه ومن شكله .. ممكن تاخذ رقم سيارته وتبلغ عليه ويكون المالك غير واللي كان يسوقها غير.

الضبط القضائي لازم يمنح لأَشخاص معينين بضوابط معينة وفي أشياء محددة

[Qatar-Qa]

اس والله ..

وين حملة " كلنا ساكتين " ........ قصدي " كلنا انشوفك "

بس فالحين للبصق الله ايكرمكم ورمي الاكياس


انه احس ان الناس اللي قايمين على حمله كلنا نشوفك هم ناس من برا البلاد ومايعرفون شي

يعني معروف ان اللي يبصق في الشارع وانتو بكرامه 99% منهم آسيويين

شلون يكتبون بالعربي والإنجليزي بس !!!

وين راحت لغه الاوردو وباقي لغاتهم
شلون اوصل للفئة المستهدفه هذي وانه ما احط لهم اعلانات إرشادية بلغتهم !!

[حسن]

والله من يومين كنت في الغرافه ولا وحده واقفه عند الدكان في ذالك الكزسس وانا ماشي جنبها متنكر
الى تبطل غرشه بطل الماي وتحذف المغطى برع وهي واقفه بغيت اجرها من قذلتها اللي طالعه برع
قلت اتعوذ من ابليس ابرك
مناظر الزباله تؤلمني وتحسسني بزباله صاحبها معقوله كلن يقط كشره
الصراحه شي يحزن ويجع القلب واحيانا اقول مستحيل هذولا قطرين
والله هذا المثل يضرب بنا في السابق في وقوع اي خطاء
المشكله التطور واالنفتاح بدون ضوابط قانونيه صارمه تسبب فوضى خلاقه

[محمد11]

هذي الفنئه " اسمها حثالة "
مع احترامي للكل ..
لان هذا الشخص اذا يسوي هالشي برع ف توقع ان هو وصخ في بيته…

المشكله الثانيه صعب نحط رقابه على هذه الحثالة او مخالفتها في وقت تنفيذ المخالفه ..
الحل بعمل دعايات تنصح بدعم فعل هذا الشي ..
ماقول غير الله يهدي الكل ..

[محمد11]

انه احس ان الناس اللي قايمين على حمله كلنا نشوفك هم ناس من برا البلاد ومايعرفون شي

يعني معروف ان اللي يبصق في الشارع وانتو بكرامه 99% منهم آسيويين

شلون يكتبون بالعربي والإنجليزي بس !!!

وين راحت لغه الاوردو وباقي لغاتهم
شلون اوصل للفئة المستهدفه هذي وانه ما احط لهم اعلانات إرشادية بلغتهم !!

والله احنا مالووم الاجانب بفعل اي شي غريب يفعله " المواطن "
والله اي شي يسويه المقيم ماخذ الفكره من المواطن

التجاوز .. رمي المخلفات .. رفع صوت الموسيقى .. الرقص ..
المفوشر .. زقاير .. بلاوي الدنيا ..

والله احنا ماعندنا غير الاجانب والاجانب ..
لم تجي انلوم نفسنا !! نحط خط احمر !!

تبي تشوف الاخلاقيات واداب الطريق
روح عند اي محل ل " وقت الشاي " وشوف اداب الطريق .
تعال العزيزيه .. ولا تعال شارع معيذر التجاري .. مجابل سباير اذا استحملت توقف 10 دقايق .. هذا انجاز يتسجل لك انك استحملت كل قطري تشوقه يرمي وصاخته ف الشارع .. الكرك يبيه نص تحصل النص الثاني ف الشارع !! يتفل ف الشارع يمكن الشيطان زهق منهم والله .. مافي احترام للماره او السيارات…

شي شي غريب هناك ..
والمشكله !!!
ان هذوول هم قدوة الاجانب !!!