وقع على تعهد لو صار شي ...؟ كلام مشرفه الباص !!

[بومحمد المطاوعه]

السلام عليكم ورحمة الله وبركاتة ..

صبحكم الله بالخير

الموضوع بأختصار

لي صاحب عماني الأصل ويشتغل في الدوحه وعنده بنتين
وحده في الصف الرابع والثانيه في الروضه

في مدرسة .. أمنه محمود الجيدة ..

الرجال مسكين ماعنده امكانيه يحط دريول ودوامه شفتات ,,

طبعآ المدرسه غنيه عن التعريف وظهورها في برنامج في الضحى وايد وكلامهم وايد ,, ولكن عكس الي شفناه !!

البنت في الصف الرابع في باص يوصلها الصباح ويرجعها البيت الظهر الساعه 1 ونص
اما البنت في الروضه مافي باص يوصلها ولا يرجعها

ف تروح مع اختها الصبح لأن نفس المدرسه
من الروضه للأبتدائي ..

ولكن البنت في الروضه تخلص دوامها الساعه 12 ونص
وبعض الأحيان الأب يمر عليها لأن دوامه شفتات ف يصادف يا دوام ليل او دوام عصر
اذا صباح يخلي البنت تغيب .. لأن محد بيرجع البنت الظهر ,,

الطامه الكبرى في الموضوع ان الأب سأل مشرفه الباص
ليش ماتوفرون باصات للبنات في الروضه

قالت له المشرفه عادي لو تبي ترجع فالباص الظهر مع اختها
روح المجلس الأعلى ووقع على تعهد ان البنت تقعد في الساحه من الساعه 12 ونص لين 1 ونص على مسؤوليتك ..!!
واحنا مانتحمل اي مسؤوليه لو صار شي او شي ,.,!

هل هذا كلام يستحق ان يقال ,..؟

وللأسف من مشرفه باص مدرسه معروفه في قطر


اذا كانت هذي مشرفة باص تقول هالكلام
الله يحفظ البنات اللاتي تحت يدها وسلطتها وأشرافها ,,


للعلم ان بناتي في روضه زكريت ويوجد فيها باصات للتوصيل الصباح والظهر
مستغرب من هذي المدرسه مافيها ولا باص للبنات في الروضه ,..!


ولكن مدرسة امنه محمود الجيده ليش ماوفرت باصات للروضه

الله اعلم .,..

[بانغ بانغ]

وين الامكانيات والميزانيات والخير والتعليم

والله ما تصير في المجلس الأعلى للتعليم في موزمبيق

[بومحمد المطاوعه]

وين الامكانيات والميزانيات والخير والتعليم

والله ما تصير في المجلس الأعلى للتعليم في موزمبيق

تفليق فالكلام بس

والواقع شي ثاني

[mersal]

عندي بنت وولد البنت بمدرسه فيها مشرفه باص اذا الباص بيتأخر ما رح يجي تتصل وتخبرنا عشان البنت ما تظل ناطرة بالشارع، ومعي رقم المشرفه اقدر اتواصل معها،

اما مدرسة الولد مشرفه الباص مانعه حد يوخذ رقمها وممنوع الاتصال فيها، حصلت اكثر من مره الولد ظل بالشارع لمده ساعه ينطر الباص وما جا، رجع البيت اتصل على المدرسة والمشرفه مش عارفه ليش الباص بعده ما وصل لحد ما المسئوله تتصل على عاملة الباص وتعرف السبب وبعدين تخبرني وين الباص، لان مشرفه الباص مانعه حد يكلم العامله وهي بالباص، فرضنا الباص ما رح يجي يعني يظل الولد بالشارع بالرطوبة والحر، وكلام المشرفه بتقولك خلي الولد ينزل من الساعه 6 لين 645 اذا ما جا الباص يعني فيه مشكله هذا هو الحل عندها،

[R 7 A L]

عندي اقتراح ليش مايكون فيه شراكة مثل مابين المجلس الاعلى للتعليم وشركة كروه
يكون هناك شراكة بين المجلس الاعلى للتعليم وبين شركة حماية وشركة حماية تتكفل بالشراف عن الباصات وكل امور الامن والسلامة وبكذا يكون العمل رسمي واكثر دقه حتى لو غابت مشرفة الباص الموظفة في حماية يكون فيه بديل لها

[بومحمد المطاوعه]

عندي بنت وولد البنت بمدرسه فيها مشرفه باص اذا الباص بيتأخر ما رح يجي تتصل وتخبرنا عشان البنت ما تظل ناطرة بالشارع، ومعي رقم المشرفه اقدر اتواصل معها،

اما مدرسة الولد مشرفه الباص مانعه حد يوخذ رقمها وممنوع الاتصال فيها، حصلت اكثر من مره الولد ظل بالشارع لمده ساعه ينطر الباص وما جا، رجع البيت اتصل على المدرسة والمشرفه مش عارفه ليش الباص بعده ما وصل لحد ما المسئوله تتصل على عاملة الباص وتعرف السبب وبعدين تخبرني وين الباص، لان مشرفه الباص مانعه حد يكلم العامله وهي بالباص، فرضنا الباص ما رح يجي يعني يظل الولد بالشارع بالرطوبة والحر، وكلام المشرفه بتقولك خلي الولد ينزل من الساعه 6 لين 645 اذا ما جا الباص يعني فيه مشكله هذا هو الحل عندها،

لاحول ولاقوة الا بالله

الله يحفظهم يارب


الله المستعان

[بومحمد المطاوعه]

عندي اقتراح ليش مايكون فيه شراكة مثل مابين المجلس الاعلى للتعليم وشركة كروه
يكون هناك شراكة بين المجلس الاعلى للتعليم وبين شركة حماية وشركة حماية تتكفل بالشراف عن الباصات وكل امور الامن والسلامة وبكذا يكون العمل رسمي واكثر دقه حتى لو غابت مشرفة الباص الموظفة في حماية يكون فيه بديل لها

والله نتمنى
ووضع كيمرات بعد

[حسن]

شفت وش قال العماني البنت توصل 1 ونص
هذا يؤكد كلامي بأن الباص أسرع
صدق العماني

بالنسبه للتاعهد انا توني موقع عليه
استغربت من الصيغة بخصوص المسؤليه واللي تحملني انا كولي أمر مع العلم ان الطالب بيكون في عهدتكم
يحتاج تعديل
موضوع جميل

شكرا لك

[بومحمد المطاوعه]

شفت وش قال العماني البنت توصل 1 ونص
هذا يؤكد كلامي بأن الباص أسرع
صدق العماني

بالنسبه للتاعهد انا توني موقع عليه
استغربت من الصيغة بخصوص المسؤليه واللي تحملني انا كولي أمر مع العلم ان الطالب بيكون في عهدتكم
يحتاج تعديل
موضوع جميل

شكرا لك

الشكرلله تعالى

ياريال
يقولك توقع تخليها فالساحه ومالنا خص فيها


شالقلب الي عليهم

حسبي الله ونعم الوكيل

[حراير قطر]

اشلون توصل البنت 1 ونص واهم يخلصون 1:35

المهم ما علينا اهم يبون يخلون مسؤليتهم عن البنت اللي بالروضة لانه بتم عندهم ساعة كاملة

مب عن البنت اللي فالباص عدل كلامي يا بومحمد ؟؟؟

دام البنت في الحرم المدرسي اهم المسؤلين عنها وقوله لا يوقعها ويآخذ الورقه ويشتكي عليهم على التعهد وعلى عدم توفير باص ...

[بومحمد المطاوعه]

اشلون توصل البنت 1 ونص واهم يخلصون 1:35

المهم ما علينا اهم يبون يخلون مسؤليتهم عن البنت اللي بالروضة لانه بتم عندهم ساعة كاملة

مب عن البنت اللي فالباص عدل كلامي يا بومحمد ؟؟؟

دام البنت في الحرم المدرسي اهم المسؤلين عنها وقوله لا يوقعها ويآخذ الورقه ويشتكي عليهم على التعهد وعلى عدم توفير باص ...

يعني يخلصون 1 ونص وتركب الباص هالوقت


صحيح اهم يبون الأب يوقع تعهد عن البنت الي فالروضه
انها تقعد فالحرم المدرسي بدون مسؤوليه المدرسه

انا قلت له لاتوقع ولا تفكر توقع
شوف لك لموزين خدمه المشوار وفك نفسك

ولو تبي تطولها روح اشتك فالمجلس الأعلى

[حليتان*]

اخبر قبل اذا في طالب تاخر وماعنده حد يوصله او طالب بيته بعيد او مافي طلاب وايد فمنطقه كانو يوفرون له سياره المدرسه (الوره) بس الحين خلاص كنسلو الوره بسبة ماخلو الناس تستفيد ولا الفقاره المساكين يسترزقون

[بومحمد المطاوعه]

اخبر قبل اذا في طالب تاخر وماعنده حد يوصله او طالب بيته بعيد او مافي طلاب وايد فمنطقه كانو يوفرون له سياره المدرسه (الوره) بس الحين خلاص كنسلو الوره بسبة ماخلو الناس تستفيد ولا الفقاره المساكين يسترزقون

الله كريم
بنشوف ان شاء الله حل له

ماقصرت يالغالي عالمشاركه

[حسن]

بومحمد في لبس في موضوعك على مااعتقد في شي غلط
انا موقع على التعهد اعتقد مافي اي شي بس مجرد مسؤليه علي على التخريب مادري شنهو

في شي غير صحيح او سؤ فهم

[بومحمد المطاوعه]

بومحمد في لبس في موضوعك على مااعتقد في شي غلط
انا موقع على التعهد اعتقد مافي اي شي بس مجرد مسؤليه علي على التخريب مادري شنهو

في شي غير صحيح او سؤ فهم

توقع على تعهد بنتك اتم ساعه ان المدرسه مالهم اي دخل ولا يتحملون مسؤليه الطفله لمده ساعه ؟؟

وتكون ف الساحه المدرسيه بدون اي رقابه ؟

[حسن]

توقع على تعهد بنتك اتم ساعه ان المدرسه مالهم اي دخل ولا يتحملون مسؤليه الطفله لمده ساعه ؟؟

وتكون ف الساحه المدرسيه بدون اي رقابه ؟

شوف عاد بومحمد

عاد ساحه المدرسه مهب في الشارع الله يهداك ولا حوش المبنى الخارجي
مدارس الاحين مغلقه ولا يطلعون ولا يهدنهم وقادعدين داخل وامام الاداره
مافيها شي ومااعتقد في تعهد وااذا كان فيه تعهد قول حق العماني
دوك القلم وكتب كتب زين يعني وقع على مسؤليتي
الدعوه مافيها شي ولا يحتاج نكبر الموضوع
اسئلني انا داخل في المدراس

[A-Alansari]

اعتقد ساحات المدارس كلها مكيفة الحين مافي مشكله لو قعدت

وهي اصلا من الصبح لين الظهر هناك ومستحيل انهم مراقبينها طول الوقت عشان مايصيدها شي

وحتى لو صار شي لا قدر الله كلهم بيروحون لها ويشوفون وشفيها + لو كانت على مسؤوليتهم وصار شي بيقولون لك احنا اسفين ونعتذر مافي شي غير اصلا

ماراح تفرق على مسؤوليتهم ولالا

[بومحمد المطاوعه]

شوف عاد بومحمد

عاد ساحه المدرسه مهب في الشارع الله يهداك ولا حوش المبنى الخارجي
مدارس الاحين مغلقه ولا يطلعون ولا يهدنهم وقادعدين داخل وامام الاداره
مافيها شي ومااعتقد في تعهد وااذا كان فيه تعهد قول حق العماني
دوك القلم وكتب كتب زين يعني وقع على مسؤليتي
الدعوه مافيها شي ولا يحتاج نكبر الموضوع
اسئلني انا داخل في المدراس

الله يهديك يابوعلي

اشلون يوقع واذا صار شي ماله حق يشتكي عقب

قالو له بالحرف الواحد

توقع على ورقه عدم مسؤليه المدرسه في وجىد البنت داخل الساحه

يعني محد له خص فيها

من المينون الي بيضحي ف عياله

[بومحمد المطاوعه]

اعتقد ساحات المدارس كلها مكيفة الحين مافي مشكله لو قعدت

وهي اصلا من الصبح لين الظهر هناك ومستحيل انهم مراقبينها طول الوقت عشان مايصيدها شي

وحتى لو صار شي لا قدر الله كلهم بيروحون لها ويشوفون وشفيها + لو كانت على مسؤوليتهم وصار شي بيقولون لك احنا اسفين ونعتذر مافي شي غير اصلا

ماراح تفرق على مسؤوليتهم ولالا


وقت الجد

مدام موقع على تعهد

محد بيوقف وياك

انت موقع على تعهد ان المدرسه مش مسؤوله
عقب لو صار شي

بتحاججهم !!

[A-Alansari]

وقت الجد

مدام موقع على تعهد

محد بيوقف وياك

انت موقع على تعهد ان المدرسه مش مسؤوله
عقب لو صار شي

بتحاججهم !!

بومحمد

الي اقصده في كلامي لو هم على مسؤوليه المدرسة وحاججتهم شنو بتحصل منهم؟

شنو بتستفيد؟

ماغير احنا اسفين وحقك علينا ومن هالخرابيط

[حسن]

الله يهديك يابوعلي

اشلون يوقع واذا صار شي ماله حق يشتكي عقب

قالو له بالحرف الواحد

توقع على ورقه عدم مسؤليه المدرسه في وجىد البنت داخل الساحه

يعني محد له خص فيها

من المينون الي بيضحي ف عياله

والله ياومحمد لازلت اقولك الموضوع في لبس خليتين اقرا الموضوع من البدايه
وتعال الروضه جدا صغيره ويم بتروح العماني مكبر الموضوع
خله في عهدتهم ومهم مسؤلين عنها يارجل
وبعدين ليش نهول من الموضوع هي بتكون داخل الروضه
وبعدين يشوف اداره المدرسه ليش مافي باص للرووضه

[بومحمد المطاوعه]

والله ياومحمد لازلت اقولك الموضوع في لبس خليتين اقرا الموضوع من البدايه
وتعال الروضه جدا صغيره ويم بتروح العماني مكبر الموضوع
خله في عهدتهم ومهم مسؤلين عنها يارجل
وبعدين ليش نهول من الموضوع هي بتكون داخل الروضه
وبعدين يشوف اداره المدرسه ليش مافي باص للرووضه

بوعلي
قلت لك قالو له مالنا خص فالبنت

ووقع على تعهد ان البنت اتم فالحرم المدرسي بدون مسؤليه المدرسه

بعد اكثر من هالتوضيح
ماعرف اشرح لك

[بومحمد المطاوعه]

بومحمد

الي اقصده في كلامي لو هم على مسؤوليه المدرسة وحاججتهم شنو بتحصل منهم؟

شنو بتستفيد؟

ماغير احنا اسفين وحقك علينا ومن هالخرابيط

لا يالشيخ
تقدر ترفع قضيه

اهمال لاسمح الله

اما لو موقع على تعهد
اشلون بتشتكي عليهم !!